Har Acchi Baat Sikhana Aur Har Buri Baat Se Rokna Sadqa Hai …

» Mahfum-e-Hadees : Abu Dharr (Razi’Allahu Anhu) Se Riwayat Hai Ki
Kuch (Gareeb) Sahabi (Razi’Allahu Anhuma) Rasool’Allah (Sallallahu Alaihi
Wasallam) Ke Pass Aaye Aur Arz Ki:
“Ya Rasool’Allah (Sallallahu Alaihay Wasallam) ! Maal Wale Sara Sawab Kama Kar Le Gaye!
Isliye Ki Wo Namaz Padhte Hai Jaisa Ki Hum Namaz Padhte Hai
Aur Roza Rakhte Hai Jaisa Ki Hum Roza Rakhte Hai
Aur Apne Zyada Maalo Se Sadqa Bhi Detey Hai ,..

Tou Aap (Sallallahu Alaihay Wasallam) Ne Farmaya:
Tumhare Liye Bhi Tou Allah Subhanahu Ta’ala Ne Sadqe Ka Samaan Kar Diya Hai !!
∗ Har Tasbeeh (Subhanallah Kahna) Sadqa Hai ,..
∗ Aur Har Takbir (Allahu Akbar Kahna) Sadqa Hai ,..
∗ Aur Har Tahmeed (Alahmdulillah Kahna) Sadqa Hai ,..
∗ Aur Har Tahleel (La Ilaha Illallah Kahna) Sadqa Hai ,..
∗ Aur Har Acchi Baat Sikhana Sadqa Hai ,..
∗ Aur Har Buri Baat Se Rokna Sadqa Hai ,..
∗ Aur Har Shakhs Ke Badan Ke Tukde Me Sadqa Hai …
(Yaani Apni Biwi/Khawind Se Sohbat Karna Bhi Sadqa Hai)

Logon Ne Arz Kiya: Ya Rasool’Allah (Sallallahu Alaihay Wasallam)!
Hum Me Se Koi Shakhs Apne Badan Se Apni Shahwat Nikalta Hai
(Yaani Apni Biwi Se Sohbat Karta Hai) To Kya Usmey Bhi Sawab Hai,

Tou Aap (Sallallahu Alaihay Wasallam) Ne Farmaya: Kyu Nahi (Yaani Haan),
Agar Wo Haraam Me Sarf Karta Tou Uss Se Wabal (Gunaah) Hota Ki Nahi ?
Isi Tarah Jab Halaal Me Sarf Karta Hai Tou Sawaab Hota Hai.
(Sahih Muslim, Vol 3, H-2329 : @[156344474474186:])

Views: 3290

Leave a Reply

1 Comment on "Har Acchi Baat Sikhana Aur Har Buri Baat Se Rokna Sadqa Hai …"

Notify of
avatar

Sort by:   newest | oldest | most voted
kismat ali
Guest
kismat ali
1 year 7 months ago

Subhanallah

wpDiscuz