Hadees of the Day

Daily Beautiful Hadith of the day in the light of Authentic Sources | Daily Hadees notification

Koun kisko Salam kare Hadees Sahih Bukhari 6231

Koun Kisko Salaam kare?

Hadees of the Day

Koun Kisko Salaam kare?

Hazrat Abu Hurairah (R.A) se riwaayat hai ke,
Nabi-e-Kareem ﷺ ne irshaad farmaaya:

“Chhota bade ko Salaam kare, Guzarne waala baithe hue ko Salaam kare aur thode aadmi Zyaada Aadmiyon ko Salaam Karein.”

📕 Sahih al-Bukhari 6231

Read More

5/5 - (2 votes)
Rehmat ke Farihste dakhil nahi hote jaha Ghunghroo Ya Ghanti ho

Rehmat ke Farihste Dakhil nahi hote jaha Ghunghroo ya ghanti ho …

Hadees of the Day

Rehmat ke Farihste dakhil nahi hote
jaha Ghunghroo Ya Ghanti ho

Abu Hurairah (R.A) se riwayat hai ki,
Rasool’Allah (ﷺ) ne farmaya:

“Ghanti Shaitan ka Baaja hai.”

Ek aur riwayat me Biwi Hazrate Umme Salamah (R.A) riwayat karti hai ke:
Maine Rasool’Allah (ﷺ) ko ye farmate huye suna ki,
“Farishte (Rehmat ke) Un Gharon me nahi daakhil hote Jinme Ghunghroo ya Ghanti ho,
aur farishtey (Rehmat ke) Un Kaafilon ke saath nahi jaate jinme Ghanti ho”

📕 Sahih Muslim, Hadees 5548
📕 Sunan An-Nasayi , Hadees 5224

4.5/5 - (10 votes)
Kaamil imaan waale woh log hain jin ke Akhlaaq sab se acchhe hain

Kaamil imaan waale woh log hain jin ke Akhlaaq sab se acchhe hain

Hadees of the Day

Kaamil imaan waale woh log hain jin ke Akhlaaq sab se acchhe hain

– TRANSLITERATION –

Abu Hurairah (R.A) se riwayat hai ke, Allah ke Rasool (ﷺ) ne farmaya:

Kaamil imaan waale woh log hain, jin ke akhlaaq sab se achchhe hain aur tum mein sab se achchhe woh log hain, jo apni biwiyon ke saath achchha bartaao karte hain.

Read More

4.7/5 - (3 votes)
Haram lukme ki Nahusat Targhib 2484

Haraam lukme ki Nahusat

Hadees of the Day

Haraam lukme ki Nahusat

– TRANSLITERATION –

Allah ke Rasool (ﷺ) ne farmaya:

“Jab koi shakhs haraam luqma pet mein daalta hai, to Allah Ta’ala us ka koi amal chaalees din tak qubool nahi karta.”

📕 Targhib 2484

Read More

4.7/5 - (3 votes)
Allah jiski Bhalayi Chahta hai usko Deen ki Samajh deta hai [Hadees Sahih Bukhari 71]

Allah jiski Bhalayi Chahta hai usko Deen ki Samajh deta hai

Hadees of the Day

Allah jiski Bhalayi Chahta hai usko Deen ki Samajh deta hai

Hazrate Muawiya (R.A) se riwayat hai ke,
Allah ke Rasool ( ﷺ) ne farmaya:

“Allah Ta’ala Jis ke Sath Bhalayi ka Irada farmata hai Uss ko Deen ki Samajh de deta hai, Aur Mai to Mehaz Taqseem Karne Wala Hoon.
Deney wala to Allah hi hai

Aur yeh imaan hamesha Allah ke hukm per Qaym rehega
Aur jo shakhs unki Mukhaalifat karega, Unhen Nuqsaan nahi puhancha sakega,
yaha tak ke Allah ka hukm (Qayamat) aa jaye (aur yeh aalam fana ho jaye).”

📕 Sahih Bukhari; Hadees: 71

Read More

5/5 - (5 votes)
Ghusse ki haalat me koi faisla na kare Hadees

Ghusse ki haalat me koi faisla na kare

Hadees of the Day

Ghusse ki haalat me koi faisla na kare

Abd al-Rahman bin Abi Bakrah (R.A) se riwayat hai ke,
Allah ke Rasool (ﷺ) ne farmaya:

“Faisla karne wala 2 (Aadmiyon ya 2 fareeqon) ke darmiyan gusse ki halat me faisla na kare.”

📕 Abu Dawood 3589

5/5 - (16 votes)
Hadees: Jannat le jane wale amaal

Koun se Amal Hume Jannat Le Jayenge? …

Hadees of the Day

Jannat me le jaane wale Amaal

Abu Ayyub Ansari (R.A) ne bayaan kiya ki,
Ya RasoolAllah (ﷺ) ! Koi Aisa Amal Bataiye jo Mujhe Jannat me le Jaaye ?

Aap (ﷺ) ne Unn se farmaya –

“Allah Ki Hee Ibadat Karo! aur Uss ke Sath Kisi aur ko Shareek Na karo,
Namaz Qayam karo, Zakaat detey raho,
aur Sila Rehmi karte raho”

Bas Yahi Amaal Tujhe Jannat me le Jayenge..”

📕 Sahih al-Bukhari 5983

Read More

5/5 - (7 votes)
Hadees about Shohrat keliye koi Kaam karne ka Gunaah

Shohrat ke liye koi kaam karne ka Gunaah

Hadees of the Day

Shohrat ke liye koi kaam karne ka Gunaah

Hazrate Jundub (R.A.) se riwayat hai ke,
RasoolAllah (ﷺ) ne farmaya ke:

‟Jo Shakhs Shohrat ke liye koi Kaam karega tou Allah Taala uske Aib Mash’hoor kar dega.”

📕 Bukhari 7152

5/5 - (5 votes)
Allah ki Hidayat ko Chupane Wale par Lanat

Allah ki Hidayat ko Chupane Wale par Lanat

Hadees-e-Nabwi (ﷺ)

Allah ki Hidayat ko Chupane Wale par Lanat

Usman (R.A) ne Wuzu kiya tou Ek Shakhs se farmaya,
“Main Tumko Ek Hadees Sunata hu agar Quraan Paak ki Ek Aayat (Nazil) na hoti tou Main ye Hadees Tumko na sunata ke,

RasoolAllah (ﷺ) ne farmaya –

“Jab bhi koi Achchi tarah Wuzu karta hai aur Namaz parhta hai tou Uskey Ek Namaz se Dusri Namaz ke parhney tak ke Gunnah muaf kar diye Jaatey hain.”
(Sahih Bukhari; Vol 1, Hadees: 153)

Urwah (R.A) kahtey hain Wo Ye Aayat ye hai –

“Jo Log Allah ki Uss Nazil ki Huyee Hidayat ko Chupatey hain Jo Usney logon ke liye Apni Kitab me bayan ki hai, Un par Allah ki Lanat hai aur (Dusrey) Lanat karney walon ki lanat hai”
(Surah Al-Baqrah 2:159)

5/5 - (4 votes)
Teen (3) Qism ke aadmi aise hain jin ka Zaamin Allah Ta'ala hai Hadees Sunan Abu Dawud-2494-Sahih

3 Tarah ke logo ki Zamanat khud Allah Ta’ala leta hai

Hadees of the Day

Allah ki Zamanat me Rehne Waale log

Hazrate Abu Umamah Al-Bahili (R.A) se riwayat hain ke,
RasoolAllah (ﷺ) ne farmaya:

Teen (3) Qism ke aadmi aise hain jin ka Zaamin Allah Ta’ala hai:

1. Ek wo jo Allah ke Raaste me Jihaad ke liye nikle,
Allah Uska Zaamin hai ya usey wafaat de kar Jannat me dakhil karega, ya Ajar aur Ganimat ke saath wapas lautayega,

2. Doosra wo Shakhs jo Masjid ki taraf chala,
Allah uska Zaamin hai ya usey wafaat de kar Jannat me dakhil karega, ya Ajar aur Ganimat ke saath wapas lautayega,

3. Teesra wo Shakhs jo apne Ghar me Salam kar ke dakhil hua,
Allah uska bhi Zaamin hai.

📕 Sunan Abu Dawud-2494-Sahih

♥ Subhan’Allah! Allah Ta’ala hume Kehne Sun’ne se Jyada Amal ki taufik dey,. Ameen

5/5 - (7 votes)
Hidayat aur Gumraahi ki Dawat ka Silaah

Hidayat aur Gumraahi ki Dawat ka Silaah …

Hadees of the Day

Hidayat aur Gumraahi ki Dawat ka Silaah

Anas Bin Malik (R.A) se riwayat hai ki,
RasoolAllah (ﷺ) ne farmaya –

“Jis Daawat dene waale ne bhi Gumrahi ki Daawat di aur Uski Pairwi ki gayee tou Usko Pairwi karne Waalo ke Barabar Gunaah milega aur Pairwi karne waalo ke Gunaah me koi kami nahi hogi.

Aur Jis Daawat dene Waalo ne Hidayat ki taraf Bulaya phir uski Pairwi ki gayi
tou Usko Pairwi karne Waalo ke Barabar Ajar milega aur Pairwi karne Waalo ke Ajar me kuch Kami Nahi ki jayegi.”

📕 Sunan Ibne Majah; Hadees: 205

5/5 - (3 votes)
Hadees: Lalach aur Buzdili Insan ki sabse buri aadatein hai

Lalach aur Buzdili Insan ki sabse buri aadatein hai

Hadees of the Day

Lalach aur Buzdili Insan ki sabse buri aadatein hai

Abu Hurairah (R.A.) se riwayat hai ke,
Allah ke Rasool (ﷺ) ne farmaya:

‟Insan me paayi jaani waali sabse buri aadatein;
intehayi darje ka lalach aur buzdili hai.

📕 Abu Dawood 2511

5/5 - (7 votes)
Emanwale Ki Pareshani Door Karne Ka Silaah Hadees

Emanwale ki Pareshani Door Karne ka Silaah

Hadees of the Day

Emanwale ki Pareshani Door karne ka Silaah

Abu Hurayrah (R.A.) riwayat karte hai ki,
Nabi-e-Kareem (ﷺ) ne farmaya ki –

“Jo Koi Shakhs kisi Imanwale ki Pareshani ko Door karta hai, Allah Qayamat ke Roz Uss Shakhs ki Ghabrahat ko Door farmayega.

Aur Jo koi bhi Shakhs kisi Dusre ki Musibat hal karta hai, Allah Uss Shakhs ke liye Duniya aur Aakhirat ki Mushkeele’n Aasaan bana deta hai.

Aur Allah Apne Bande ki Madad karta Rahta hai Jab tak Wo Banda Apne Bhai ki Madad Karta rehta hai”

📕 Sahih Muslim 6853

Read More

5/5 - (3 votes)
Hadees: Har Nasha Waali Cheez Haraam hai

Har Nasha Waali Cheez Haraam hai

Hadees of the Day

Har Nasha Waali Cheez Haraam hai

۞ Hadees: Jo Aadmi Nasha Waali cheez peeyega ussey Allah Ta’ala Tinatah-al-khabaal peelayega

Jabir (R.A.) se riwayat hai ke,

Jaishaan se ek Aadmi Aaya aur Jaishaan Ek Shahar (Town) hai Yeman me, Uss Aadmi ne RasoolAllah (ﷺ) se Uss Sharaab ke Baarey me Puchha ke Jo Unn Elaqon me Pee jati hai aur wo Sharaab jo Taiyaar hoti hai Uss Sharaab ko Mizr kaha jata tha.

Tou RasoolAllah (ﷺ) ne farmaya “Wo Sharaab Nasha (Intoxicating) waali hai?”

Uss ne Arz Kiya, “Ji Haan!”

RasoolAllah (ﷺ) ne farmaya :

“Har Nasha Wali Cheez Haraam hai, Kyon ke Allah Ta’ala ka uss Aadmi ke liye Waada hai ke Jo Aadmi Nasha Waali cheez peeyega ussey Allah Ta’ala Tinatah-al-khabaal peelayega.”

Sahaba ne arz kiya: “Aye Allah ke Rasool (ﷺ)! Tinatah-al-Khabaal kya cheez hai ?

Read More

4.9/5 - (7 votes)
Halaal Aur Haraam Sahih Bukhari, Iman Ka Bayan, Hadees 52

Halaal aur Haraam ke Darmiyan Shuba Waali Cheeze hain …

Hadees of the Day

Halaal aur Haraam ke Darmiyan Shuba Waali Cheeze hain

Numan Bin Bashir (R.A) se riwayat hai ki,
Mai ne Rasool’Allah (ﷺ) se suna ki –

“Halaal aur Haraam Khula hua hai aur Inn Dono ke Darmiyan kuch Cheezein Shuba (Doubtful) waali hain Jinko bahut se Log nahi jantey.”

*Phir Jisney Apne Aapko Inn Shuba ki Cheezon se bacha liya Usney Apney Deen aur Izzat ko bacha liya.

Aur jo koi In Shuba ki Cheezon me parh gaya uski missal Uss Charwahey ki hai Jo kisi ki Charagah ke Aas-Paas apney Janwaron ko charaye aur Kareeb hai ki Uskey Jaanwar Usmein chale jaye,

*Sun Lo! har Baadshah ki Ek Charagah hoti hai, Allah ki Chaaragah Uski Zameen par Haraam Cheezain hain.

Sun Lo! Badan me Ek Ghosht ka tukda hai Jab Wo Durast Hoga tou Sara Badan Durast Hoga
Aur Agar wo Bigad haya tou Sara Badan bigad gaya aur Wo Tumhara Dil hai.”

📕 Sahih Bukhari, Iman Ka Bayan, Hadees: 52

5/5 - (3 votes)