Jab Mera Banda Neki ka Iraada kare tou Aye Farishto! Iski 1 Neki likho

Hadees of the Day

Neki ka Sawaab 10 se lekar 700 Guna

Allah ke Rasool (ﷺ) farmate hai ke –
Allah Ta’ala farmata hai aur Iska Farmaan-e-Haq hai ke,

“Jab Mera Banda Neki ka Iraada kare tou (Aye Farishto)! Iski 1 Neki likho.
Phir agar Woh ker Chuke tou Iski 10 Nekiyan Likh lo,

Agar Woh Burayi ka Iraada kare tou Kuch na likho,
Agar Kar Chuke Tou 1 Hee Burayi Likho,
Aur agar Na kare tou Iske Liye bhi 1 Neki Likho”

📕 Tirmizi Sharif

Phir Aap (ﷺ) ne ye Aayat Tilawat farmaayi –

۞ Bismillah-Hirrahman-Nirrahim ۞

“Jo koi Allah ke Yahan Neki Le ker Aayega Isey iska 10 Gunaa Sawaab Milega aur Jo Koi Burayi Layega Isey Itni Hee Sazaa di jayegi jitni Isney Burayi ki.”

📕 Quran, Sureh Al-Anam 6:60

Hadees:

Neki Ka Sawaab 10 se 700 Guna

(Good deeds will be rewarded 10 to 700 times)

Ek Aur Riwayat Me Aata hai ke,

Abu Hurairah (R.A) se riwayat hai ki RasoolAllah (ﷺ) ne farmaya ki,
“Tum me se koi Shakhs Jab Apney Islam ko Umdah Bana le (Yaani Nifaq aur Riyaa se Paak kar le) tou har Nek kaam Jo wo karta hai Uskey Ewaz 10 se Lekar 700 Gunaa tak Nekiyan likhi jaati hai aur har bura kaam Jo wo karta hai wo Utna hee likha jata hai (Jitna Usney kiya).”

📕 Sahih Bukhari, 42

4.9/5 - (11 votes)

Leave a Reply

Related Posts: