Walidain Ki Nafarmani Bahut Hi Bada Gunah Hai

♥ Mafhoom-e-Hadees: Mugeerah (RaziAllahu Anhu) se Riwayat Hai ke, Nabi-e-Kareem (Salallahu Alaihi Wasallam) Ne Farmaya:

“Allah Ta’ala ne tum par Maa ki Nafarmani Haraam Qarar di hai aur ( walidain ke haqooq ) na dena aur na-haq un se mutalibaat karna bhi haraam Qarar diya hai, aur Ladkiyon ko Zindah dafan karna ( bhi haraam qarar diya hai ) aur Kil wa qail ( fuzool bateen ) kasrat se sawal(Unnecessary Demand) aur maal ki barbadi ko bhi napasand kya hai.”

– (Bukhari; Hadees no.5975)
– – – – – – – – – – – – –

♥ Mafhoom-e-Hadees: RasoolAllah (Salallahu Alaihi Wasallam) Ne Farmaya:
“Kya Mai Tumhe Sabse Bada Gunah Na Batau ?”
Humne Arz Kiya “Jarur Bataiye Ya RasoolAllah ﷺ !”
Aap ﷺ Ne Farmaya Ki: “Allah Ke Sath Shirq Karna Aur Walidain Ki Nafarmani Karna !”
Aap ﷺ Us Samay Tek Lagaye Hue They Ab Aap ﷺ Sidhe Baith Gaye Aur Farmaya:
“Aagaah Ho Jao Jhuthi Baad Bhi Aur Jhuthi Gawahi Bhi (Sabse Bade Gunah Hai), Aagaah Ho Jao Jhuthi Baat Bhi Aur Jhuthi Gawahi Bhi !”
Aap ﷺ Usey Musalsal Dohrate Rahe aur Maine Socha Ki Aa’hajarat ﷺ Khamosh Nahi Honge !
– (Bukhari; Hadees no.5976)

For more Islamic messages kindly download our Mobile App

You might also like

Leave a Reply

Be the First to Comment!

avatar
wpDiscuz