Islamic Quiz 35th ka Sahih Jawab hai

✦ QUIZ 35: “Insan Qayamat ke Roz kiske Saath Hoga ?

Sahih Jawab hai: option C. “Mehboob Logon Ke Sath


Daleel:

۞ Hadees: Insan Uske Sath Jis’se Wo Mohabbat Karta Hai.

Ek Ansari Sahabi Jinka Chehra Bada Ghamjada Tha, Rasool’Allah (Sallallahu Alaihay Wasallam) ke paas aaye!
Rasool’Allah ne Unki Pareshani ka Sabab Pucha, Tou Unhone Kaha – “Aye Allah Ke Rasool (Sallallahu Alaihay Wasallam)! Ek Gham Mujhe Khaye Ja Raha hai, ke Mai yeh Sochta hu ke Aaj Dunia me Aapka Chehra Mubarak Dekhey Bagair Hum reh nahi patey, Chalte aur Firtey, Uthtey aur Baithtey Jab bhi Aapki yaad aati, Aapse aa kar Hum mil letey Aapka Didaar karte aur Hume sukun milta hai.

Lekin Mai yeh Soch kar Gham kha Raha hu ke Roze Qayamat tou Aap Ambiya (Alaihi Salaam) ke sath honge, waha Hum Aapka Didaar na kar payenge.

*Rasool’Allah (Sallallahu Alaihay Wasallam) Khamosh Rahey, Aap (Sallallahu Alaihay Wasallam) par yeh Aayat Nazil hui.

۞ Al-Quran ۞

“Jo Koi Allah aur Rasool ki Farmabardari Karey woh (Roze Qayamat) Unn Logon ke sath hoga jin per Allah Ta’ala ne Inaam kiya hai. Jaisey Nabi aur Siddique aur Shaheed aur Nek log yeh behtareen Rafeeq hai.”

📕 Surah 4 Nisa: Ayat 69

۞ Hadees:  Aur fir Rasool’Allah (Sallallahu Alaihay Wasallam) ne farmaya –

“Al-Maru Ma’ Man Ahab” “Insan (Qayamat ke Din) Uskey Saath Rahega Jis sey wo Mohabbat karta hai.”

📕 Sahih Bukhari, Vol 8, Book 73, No. 189

Aur Anas Bin Malik(Razi’Allahu Anhu) kehte hai ke, Iss Hadees ko Sun’ne se Jyada Hume Kabhi kisi Hadees par Khushi nahi hui, Ke Insan Uske Sath Jis’se wo Mohabbat karta hai aur Hum Jantey hai ke Hum Rasool’Allah se Mohabbat karte hai, Lihaja Humara Hisaab bhi Rasool’Allah ke sath hoga.

Tou Jisney Rasool’Allah se Mohabbat ki Yaani Rasool’Allah ki Ita’at ki. Wo Rasool’Allah ke Sath hai.

– Jisney Filmstaro ki Itteba ki Unsey Mohabbat ki, Unkey Tareeko ko Apnaya, Wo Unke Sath hoga.

– Jisney Sportstars ko Pasand kiya, Unkey Tareeke par chala wo unke sath hai.

– Jisney Kuffaro Ko Pasand Kiya, Unkey Tarsh ko Apnaya aur Unkey Tareeko par chala wo Unkey sath hai.

SABAQ: Lihaja Hume Chahiye ke Zindagi ke Tamam Shobo me Rasool’Allah (Sallallahu Alaihay Wasallam) ko Apna Usma-tul-Hasna (Ideal aur Role Model) maaney aur Aap (Sallallahu Alaihay Wasallam) ki Sunnato par Amal ko Lazim aur Farz jaaney.

© Ummat-e-Nabi.com

♥ In’sha’Allah-Ul-Azeez
# Allah Ta’ala Hume Rasool’Allah (Sallallahu Alaihay Wasallam) Ki Sunnato Ka Muttabe Banaye,
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!
– – – – – – – – – – – – – – –
– Follow our islamic page for –
Daily Islamic Quiz in the light of Quran & Hadith,…
• Facebook.com/HadiseNabwi

This website uses cookies to improve your experience. We'll assume you're ok with this, but you can opt-out if you wish. AcceptRead More