Jazak Allahu Khairan Ka Matlab aur Iska Jawab (Jazak Allah meaning in Roman Urdu)

Usamah bin Zaid (R.A) se riwayat hai ki, RasoolAllah (ﷺ) ne farmaya:

“ Agar kisi ke saath koi neki ka suluq kiya gaya aur usne neki karne wale se kaha Jazak Allahu khairan ( Allah aapko achcha sila ata farmaye) , tou usne uski puri tarif kar di ”

- (Jamia tirimizi, Jild 1, 2101-Hasan)

✦ Umar ibn Khattaab (RaziAllahu anhu) ne farmaya: “Agar logo ko jazak Allahu Khairan kahne ka sawab malum ho jaye tou wo ek dusre ko ye bahut zyada kahne lag jaye”
– (Musannaf Ibn Abi Shaybah,  26519)


✦ Jazak Allahu Khairan Ka Jawab:

♥ Mafhoom-e-Hadees: Ek baar Usaid bin Haider (RaziAllahu anhu) ne RasoolAllah (ﷺ) se farmaya, Ya RasoolAllah (ﷺ) ! Jazak Allahu Khairan (Allah aapko achcha sila ata farmaye),.
Tou unke jawab me RasoolAllah (ﷺ) ne farmaya – “Wa antum fa Jazakum Allahu Khairan ( Aur aapko bhi, Allah aapko bhi achcha sila ata farmaye)”
– (Sahih Ibn Hibban, 7436 -Hasan)


♥ Mafhoom-e-Hadees: Abu Hurairah (RaziAllahu anhu) se rivayat hai ki RasoolAllah (ﷺ) ne farmaya:
“Wo Allah ka ShukrGhuzar nahi ho sakta jo bando ka Shukrguzar na ho”
– (Sunan Abu Dwud, Vol 3,1383-Sahih)

For more Islamic messages kindly download our Mobile App

Leave a Reply

avatar