Imanwale Ki Pareshani Door Karne Ka Silaah

0 807,052

♥ Mafhoom-e-Hadees: Abu Hurayrah (RaziAllahu Anhu) Riwayat Karte Hai Ki,
Nabi-e-Kareem (Sallallahu Alaihay Wasallam) Ne Farmaya Ki,
“Jo Koi Shakhs Kisi Imanwale Ki Pareshani Ko Door Karta Hai,
Allah Qayamat Ke Roz Uss Shakhs Ki Ghabrahat Ko Door Farmayega.
Aur Jo Koi Bhi Shakhs Kisi Dusre Ki Musibat Hal Karta Hai,
Allah Uss Shakhs Ke Liye Duniya Aur Aakhirat Ki Mushkeele’n Aasaan Bana Deta Hai.
Aur Allah Apne Bande Ki Madad Karta Rahta Hai
Jab Tak Wo Banda Apne Bhai Ki Madad Karta Rahta Hai”

(Sahih Muslim Sharif)

# Wajahat: Iss Hadees-e-Mubarak Me Emaanwalo Se Murad Sirf Ek Hi Rab Ki Iabadat Karnewala Aur Nek Kaam Karne Wala Insan Hai. Lafz Emaan Ka Root Amn Hai Aur Amn Ka Matlab Hota Hai Shanti. Yaani Jo Insan Amn Ke Kaam Karta Ho Uski Madad Ki Jaaye Na Ki Gunahgar Ki, Quraan-e-Paak Me Yahee Baat Tafseel me Bayan Ki Gai Hai.

♥ Al-Quraan : Bismillah-Hirrahman-Nirrahim !!!
Neki Aur Bhalayi Ke Kaamo Me Ek-Dusre Ki Madad Karo Aur Gunaah Aur Jurm Ke Kaamo Me Ek Dusre Ka Saath Na Do. Aur Allah Se Daro. Beshaq, Allah (Gunahgaro Ko) Sakht Sazaa Dene Wala Hai”
(Al-Maidah : Ayat-2)

♥ in’sha’Allah Ul Azeez !!!
Allah Ta’ala Hume Kehne Sun’ne Se Jyada Amal Ki Taufik Dey .. Ameen !!!

80%
Awesome
  • Design
© Ummat-e-Nabi.com

Leave a Reply

avatar
  Subscribe  
Notify of