Dajjal Koun hai, Kaha hai aur kab Zahir hoga – Dajjal ki Hakikat Aahadees ki Roshni me

4 124,300

❖ Dajjal koun hai ?

Roo-e-Zameen par Sabse bada fitna Dajjal ka hai, Dajjal ke bare me tamam Nabiyo aur Rasoolo ne apni ummat ko aagah kiya, Allah ka fazl hai ke Allah ne is ummat ko bhi apne aakhri Nabi (Nabi-e-Rehmat Salallahu Alaihi Wasallam) ke jarye Dajjal ke fitne se Aagah kiya, Aaiyiye iske bare me chand Aahadees ka mutala karte hai.


❖ Dajjal kab aur kaha Zahir hoga ?

  • Dajjal Qayamat se Qabal (pehle) Zaahir Hoga. – (Muslim Sharif)
  • Dajjal Iran ke shaher kharaasaan se niklega. – (Ibne Maajah)
  • Dajjaal us waqt zaahir hoga jab log us se bilkul gaafil ho chukey honge. – (Ahmad)
  • Kisi baat par Gazabnaak hona dajjal ke niklne ke sabab banega. – (Muslim Sharif)
  • Dajjal bahar-e-hind ke kisi naa maloom Jazeerey par Zangeeron se jakdaa huwa hai. – (Abu Dawood)

❖ Dajjal Kaisa hai ?

  • Dajjal ki ek Aankh Kaani aur uske sir ke baal ghungrale honge, rang surkh aur jism bhari hoga. – (Bukhari Sharif © www.Ummat-e-Nabi.com)
  • Dajjal ki dono Aankhon ke darmiyaan ‘Kaafir’ likha hoga. – (Bukhari Sharif)
  • Dajjal ke sir pe bohot zyada baal honge. – (Ibne Maajah)
  • Dajjal ke paas jannat aur jahannam dono Honge us ki jahannam jannat hogi aur jannat jahannam hogi. – (Muslim Sharif)
  • Dajjal ke paas Paani hoga jo asal me Aag hogi aur Aag hogi jo asal me meetha paani hoga. – (Muslim Sharif)
  • Dajjal ke hukm se Aasmaan se baarish hogi, Zameen se Ghas, Anaaj wagairah ugega Jaanwar pehle se zyada dhood dena shuro kar denge. – (Muslim Sharif)
  • Aadam (Alaihay Salam) se le kar Qayamat tak Fitna-e-Dajjaal se bada fitnaa aur koi nahi hoga. – (Muslim Sharif)
  • Jo bhi Shakhs Dajjal ka zamana paaye wo Dajjal ke saamne na jaaye. – (Abu Dawood)

❖ Dajjal ka Fitna kitna Asardar hoga ?

  • Fitna-e-Dajjal se Darr kar Musalman Pahaadon me Chup Jaayenge. – (Muslim Sharif)
  • Dajjal Duniya ki har ek shaher me daakhil hoga sirf 2 shahron ke, Makkah Mukarramah aur Madeenatul Munawarah. – (Muslim Sharif © www.Ummat-e-Nabi.com)
  • Iran ke ek shaher “Asfahaan” se 70,000 Yahoodi Dajjal ka saath denge. – (Muslim Sharif)
  • Motey aur Choudey Chehrey waali buhat se Aqwaam Dajjal par iman ley aayengi. – (Tirmizi Sharif)
  • Kaafir aur Munafiq bhi Dajjal ka saath denge. – (Muslim Sharif)

❖ Dajjal ka Khatma kaise hoga ?

Dajjal ke Khatme ke liye Allah Ta’ala Isa (Alaihi Salam) ka nuzul karenge, riwayato me aata hai ke Aap Saleeb (Cross) ko tod denge yaani Isayiyat ko khatm kar denge aur Islam ke Hakkaniyat ki gawahi denge, jis par isayi bhi iman lakar Musalman ho jayenge.

  • Aasmanse Nuzool hone ke baad Isa (Alaihi Salaam) Musalmaano ke saath mil kar Dajjal ke khilaaf jihaad karenge. Musalmaano ko fatah hogi aur Dajjal Isaa (Alaihi Salam) ke haathon “Ladd” ke Maqaam par qatal hoga. – (Muslim Sharif)
  • Dajjal Se Jung Karne Ke Liye Musalmaano Ka Padaaw Dimashaq (Damascus) Ke Kareeb ‘Gotah’ Ke Maqaam Par Hoga. – (Abu Dawood)
  • Isa (Alaihi Salaam) Dajjal ko khud apne hatho se qatal karenge. – (Muslim Sharif)
  • Darya-e-Urdun par bhi Dajjal se Ahle Emaan ke Mo’arqah hoga. – (Tibrani)
  • Dajjal ke khilaaf jihaad me ek bhi yahoodi zindah nahi bach payega. – (Muslim Sharif © www.Ummat-e-Nabi.com)
  • Isa (Alaihi Salaam) ke saath mil kar Dajjal ke khilaaf jihaad karne wale musalmaano ke liye jannat ki basharat hai. – (Nasayee)
  • Madeenah Munawarah ke saat raaston par Allah Do Do nigraan farishtey muqarar farmaa dega jo Dajjal ko Madeenan Munawarh me daakhil nahi hone denge. – (Bukhari Sharif)
  • Makkah Mukarramah me bhi Dajjal daakhil nahi ho sakega. – (Muslim Sharif)
  • Ahle Emaan ko Allah Fitna-e-Dajjal se mehfooz rakhega. – (Muslim Sharif)
  • Allah ke fazal se Anpadh Ahle Emaan bhi Dajjal ki peshani par ‘Kaafir’ lafz padh kar usey pehchaan lenge. – (Muslim Sharif)
  • Jo log Dajjal ko pehchaan kar Apne iman par qayam rahange un par Dajjal ka koi fareb nahi chalega. – (Muslim Sharif)
  • Fitna-e-Dajjal se bachne wale logon ko Allah duniya me hi Isaa (Alaihi Salaam) ki zubani buland darjaat ki basharat dega – (Ibne Maajah)

❖ Fitna-e-Dajjal se kaise bacha jaye ?

* Fitna-e-Dajjal se bachne ki Dua:

  • Aye Allah main teri panah maangta hoon Azaabe Qabr se, Fitna-e-Dajjaal se, Zindagi aur Maut ke Fitno se, Gunaah se aur Qarz se.” – (Bukhari,Muslim Sharif )
  • Surah Kahf ki Pehli 10 Aayat ko yaad kar ne wale Shakhs ko bhi Allah Fitna-e-Dajjal se mehfooz rakhega. – (Abu Dawood © www.Ummat-e-Nabi.com)

Allah Rabbul Izzat Hum sab ko Dajjal Ke Fitne se Bachaye … Aameen

For more Islamic messages kindly download our Mobile App

80%
Awesome
  • Design
You might also like

4
Leave a Reply

avatar
4 Comment threads
0 Thread replies
0 Followers
 
Most reacted comment
Hottest comment thread
4 Comment authors
WasifMd ShahnawazSajidSayyed Zaid Ali Recent comment authors
newest oldest most voted
Sayyed Zaid Ali
Guest
Sayyed Zaid Ali

Allah,,,,Allah ,,,,,,Allah

Sajid
Guest
Sajid

Masha Allah bohot khub aur bohot achhi chiz or achhi baate batae aapne bhaijaan

Md Shahnawaz
Guest
Md Shahnawaz

Aameen

Wasif
Guest
Wasif

Mashaallah