♥ Al-Quraan : Bismillah-Hirrahman-Nirrahim !!!
“Jo Log Sagirah Gunaaho Se Aur Behayayi Ki Bato Se Bache Rehte Hai
Beshaq Tumhara Parwardigar Badi Bakshish Wala Hai, Wohi Tumko Khub Jaanta Hai
*Jab Usney Tumko Mitti Se Paida Kiya Aur Jab Tum Apni Maa Ke Pait Me Bacche They
*Tou Takabbur (Pride) Se Apne Nafs Ki Pakeezagi Na Jataya Karo,
Jo Parhezgar Hai Usko Allah Khub Janta Hai”.
– (Surah Najm, Ayat 32)
» Tafseer 1: Iss Aayat-e-Kareema Ke Tahat Mufti Ahmed Yar Khan Fermate Hain –
“Ye Aayat Un Logon Ke Muta’liq Nazil Hui Jo Apni Nekiyon Per Fakr Karte The Aur Fakhiriya Kehte They Ke –
“Hamari Namazen Aesi Hain! Hamare Roze Aese Hain! Hum Aese!”
Uss (Yaani Allah Ta’ala) Hi Ka Jaan’na Kafi Hai Aur Tum Apne Taqwa Taharat Ka Logon Me Kyun Aylaan Karte Ho !
Lutf Tou Tab Hai Ke Jab Banda Kahe: “Main Gunaahgar Hun”
Aur Rab Kahe: Ye Parhezgar Hai!”.
– (Noor-Ul-Irfan, Page 841-842)
» Tafseer 2: Iss Aayat-e-Kareema Ke Tahat Hazrat Sayyiduna Ibn Jurayj Fermatay Hain Ke –
“Is Ka Mana’a Ye Hai Ke Jab Tum Accha Amaal Karo Tou Ye Na Kaho: “Main Ne Amaal Kiya”.
– (Ihya-Ul-Uloom, Jild 3, Page 452) – @[156344474474186:]
♥ In’Sha’Allah-Ul-Azeez !!!
# Allah Ta’ala Hume Kehne Sun’ne Se Jyada Amal Ki Taufiq De!!
# Humare Tamaam Amaal Ko Riyaakari Ke Fitno Se Paak Rakhe,
# Jab Tak Hume Zinda Rakhe Islam Aur Imaan Par Zinda Rakhe,
# Khatma Humara Imaan Par Ho ….
!!! Wa Akhiru Dawana Anilhamdulillahe Rabbil A’lameen !!!
