Shirk se Jo bacch gaya uske liye Aman aur Salamati hai

۞ Bismillah-Hirrahman-Nirrahim ۞

Jo Log imaan laye aur apne imaan ko Zulm se mahfuz kiya unke liye Aman hai aur wahi hidayat paney wale log hain.

📕 Quran: Surah Al-An’am 6:82

Tafseer:

Iss aayat ke Sabab Hazrate Abdullah bin Mas’ud (RaziAllahu Anhu) ne farmaya ke: ‘Jab yeh Aayat [Surah Al-An’am 6:82] naazil hui tou hum log pareshan ho gaye ke, “Koun hai jisney apne par Zulm nahi kiya hoga?.”

Tou hum log RasoolAllah (ﷺ) ke paas gaye aur kaha ke: “Koun hai jisney Zulm nahi kiya hai!” Tou RasoolAllah (ﷺ) ne farmaya ke: “Jo tum log Zulm samajh rahe ho waisa nahi hai! Zulm se muraad woh Zulm hai jo: Luqman (A.s.) ne apney betey ko Naseehat karte hue kaha ke beta Allah ke saath kisi ko shareek Naa karna, Shirk tou bada Zulm azeem hai [Surah Luqman 31:13]

۞ Hadees: RasoolAllah (ﷺ) ne farmaya:

iss Shirk se jo bacch gaya tou uskey liye Aman aur Salamati hai.

📕 Bukhari, Muslim Sharif

Allah Rabbul Izzat hume kehne sun’ne se jyada amal ki taufik de! Ameen.

This website uses cookies to improve your experience. We'll assume you're ok with this, but you can opt-out if you wish. Accept Read More