Sunnat-Ki-Ahmiyat-11

⭐ Sunnat Ki Ahmiyat : Part-11


Allah Raabul Izzat Ne Ita-ate Rasool Ke Talluk Se Quraan-e-Kareem Me Farmaya:
♥ Al-Quraan: Jisney Rasool’Allah (Sallallahu Alaihay Wasallam) Ki Ita’at Ki Bus Usney Allah Ki Ita-at Ki”
– [An-Nisa(4): Ayat-80] – @[156344474474186:]

# Wajahat: Iss Aayate Mubarak Se Yeh Baat Wajeh Hoti Hai Ke ,
*Rasool’Allah (Sallallahu Alaihay Wasallam) Ki Ita-at Goya Allah Ki Ita-at Hai ,..
*Aur Rasool’Allah (Sallallahu Alaihay Wasallam) Ki Farmabardari Goya Allah Ki Farmabardari Hai ,..

# Aayiye Jaan Letey Hai Ke Rasool’Allah (Sallallahu Alaihay Wasallam) Kya Shakhsiyat Hai ? Aur Aapki Zaat-e-Mubarak Kya Hai? Aapka Muqaam Kya Hai ? …

*Aap Wo Zaat-e-Mukaddas Hai: Jinki Wajah Se Jannat Ka Darwaza Khola Jayega Roze Qayamat ,…
*Aap (Sallallahu Alaihay Wasallam) Wo Shakhsiyat Hai Jo Sabse Pahle Jannat Me Dakhil Hongey ,…
*Aap (Sallallahu Alaihay Wasallam) Wo Shakhsiyat Hai Jinkey Jhandey Taley Roze Qayamat Tamaam Nabi Aur Rasool Aur Unkey Ummati Aqwam(Jama/Hajir) Honge ,…

– Lekin Aaj Humney Rasool’Allah (Sallallahu Alaihay Wasallam) Ki Shakhsiyat Ki Kitni Nafrmani Ki Hai Aayie Jara Muhasba Kar Letey Hai ..

*Aaj Humara Yeh Muamla Hai Ke Rasool’Allah (Sallallahu Alaihay Wasallam) Ki Sunnat Humari Zindagi Me Aa Bhi Jaye, Fir Bhi Hum Apne Man-maani Tareeke Par Zindagi Jeetey Rahenge ,….
– Kyunki Humarey Tou Bado Ne Yeh Kiya ,..
– Humare Khandan Ka Purana Tareeka Hai Ye ,..
– Humari Qaum, Samaj, Shahero Aur Basti Ka Tareeka Ye Hai …
– Lihaza Sunnat Hum Nahi Maan Saktey.. (Nauzubillah Summa Nauzibillah)

Yaha Allah Ta’ala Hume Uss Nabi Ki Sunnate Mubarak Par Amal Lazim Kar Raha Hai –
* Jo Tamam Aalam Ke Nabi Hai, Jo Imam-Ul-Ambiya Hai ,…
*Yeh Nabi Jab Meraz Me Jatey Hai Tou Tamam Ambiya (Alahi Salam) Ki Imamat Kartey Hai ,..

*Aise Nabi Ki Ita-at Allah Hum Par Lazim Kar Raha Hai,
– Aur Isi Nabi (Sallallahu Alaihay Wasallam) Ki Baatey Chorrkar Hum Iski-Uski Aur Fala Fala Ki Baate Mantey Hai ..
– Quraan Aur Aahadees Ko Chorrkar Hum Jahilana Aqaid Par Imaan Latey Hai .. (Subhan’Allah) !!

# Yaad Rakhiye Kalma La Ilaha IllAllah Muhammadur Rasoolullah” Ka Aadha Zuz Hai “Imaan-Birr-Rasool” Yaani RasoolAllah Par Imaan ,….
*Aur Aaj Hum Kalma Tou Padhtey Hai Rasool’Allah (Sallallahu Alaihay Wasallam) Ka
– Lekin Tareeka Fir Kisi Aur Ka Ikhtiyar Karte Hai ,..

*Kalma Tou Padhtey Hai Rasool’Allah (Sallallahu Alaihay Wasallam) Ka
– Fir Baat Kisi Aur Ki Mantey Hai ,..

*Kalma Tou Padhtey Hai Rasool’Allah (Sallallahu Alaihay Wasallam) Ka
– Lekin Apne Amaal Aur Ikhtilaf Me Kisi Aur Ke Paas Jaatey Hai ,..

*Kalma Tou Padhtey Hai Rasool’Allah (Sallallahu Alaihay Wasallam) Ka
– Aur Tamaam Zindagi Ke Shobey Aap Ki Sunnat Se Khali Hai ,..

*Aur Fir “La Ilaha IllAllah Muhammadur Rasoolullah” … Subhan’Allah !!!!

*Kya Yahi Mana(Meaning) Hai Is Kalme Ki ?
– Ke Sirf Kalma Padhke Iskey Takaazo Ko Zubaan Par Hi Khatm Kiya Jaaye ? …

*Yaad Rakhiye Agar Humne ‘Muhammadur Rasoolullah’ Kaha
Tou Humari Zindagi Ka Khatma Aur Zindagi Ka Har Pailu
Rasool’Allah (Sallallahu Alaihay Wasallam) Ke Tareeke Par Hi Hona Chahiye ,..

*Yahi Iss Kalme Ka Sahi Asal Matlab Hota Hai ..
– Tou Goya “Jisney Rasool’Allah Ki Ita-at Ki Usney Allah Ki Ita-at Ki” ..

♥ In’sha’Allah-Ul-Azeez !!!
Allah Ta’ala Hume Kehne Sun’ne Se Jyada Amal Ki Taufiq Dey!!

To Be Continue …

☼ Sunnat Ki Ahmiyat Parts:

1 2 3 4 5 6 7 8 9 10 11 12 13 14 15

*Apne Mobile par Daily Hadith Notifications Pane ke liye Ummat-e-Nabi App ko Install Kare
» https://goo.gl/U5oXx2

Views: 4436

Leave a Reply

Be the First to Comment!

Notify of
avatar

wpDiscuz