Al-Quraan-24-63

⭐ Deen Me Biddat Kar Liye Tou Kya Hua ?


Imam Malik (Rahmatullah Alayh) Ke Paas Ek Shakhs Aaya Aur Kahne Laga Agar Mai Eid Ki Namaz Se Pahle Khali Wakt Hai Mere Paas 2 Rakat Nafeel Padh Liye Tou Kaisa Hai?
* Aap Imam Malik Ne Kaha – Ke Rasool’Allah(Sallallahu Alaihay Wasallam) Ne Aisa Kaam Na Kiya! Tu Bhi Na Karna..
* Usne Kaha – Namaz Hi Tou Padh Raha Hu, Padh Liye Tou Kya Hua ?
* Tou Imaam Malik (Rahmatullah Alayh) Ne Surah Noor Ki Ayat No.63 Tilwat Ki Aur Farmaya –
♥ Al-Quraan: “Jo Log Rasool’Allah Ki Sunnat Ki Mukhalifat Karte Hai Unhe Darna Chahiye Ke Wo Kisi Fitne Me Mulawwis Na Ho Aur Kahi Dardnak Azab Nazil Tou Na Ho Jaye”.
– [Surah Noor(24) Ayat(63)] – @[156344474474186:]

» Sabaq: Malum Hua Ke Jo Log Rasool’Allah (Sallallahu Alaihay Wasallam) Ki Sunnat Ke Khilaf Deen Me Rawayya Ikhtiyar Karega Wo Yakinan Allah Rabbul Izzat Ki Taraf Se Kisi Fitne Me Mulawwis Kar Diya Jayega,.
Lihaja Yeh Hum Tamam Par Farz Hai Ke – Hum Jo Bhi Neki Karey, Iss Aitbaar Se Karey Ke Wo Allah Ke Nazdeek Kabil-e-Kabul Ho..

Aur Rasool’Allah (Sallallahu Alaihay Wasallam) Tibrani Ki Riwayat Me Farmatey Hai Ke –
♥ Mahfum-e-Hadees: “Jo Shakhs Biddat Karta Hai Uski Tauba Kabool Nahi Hoti” – (Tibrani)
# Tou Jab Tak Insan Biddat Karta Hai Uski Tauba Kabool Nahi Hoti, Lihaja Agar Apni Taubao Ko Kabuliyat Tak Hum Pohchana Chahte Hai Tou Deen Me Biddat Se Airaz Karey..
Duniya Me Aap Tabdiliya Kijiye Jo Karna Hai! , Ijadad, Inventions, Discoveries Kijiye Jo Karna Hai,
Ha! Lekin Deen Me Koi Ijad Karna Durust Nahi.

Aur Aise Logon Ke Talluk Se Surah Ghasiya Ki Ayat No. 3 Aur 4 Me Allah Ta’ala Farmata Hai –
♥ Al-Quraan: “Aamilatun Nasiba , Tasla Naran Hamiya” – (Surah Ghasiya Ayat 3-4)
Jiska Tarjuma Hota Hai – “Ke Kuch Log Qayamat Ke Roz Tum Dekhoge Ke Amal Kar-Kar Ke Thakey Hue Aayenge, Lekin Hukm Hoga Utha Kar Jahannum Me Fenk Do Inhey”.
* Isliye Ke Wo Amal Rasool’Allah Ke Tareeke Par Na Hua …
Thakey Tou Honge Amal Kar Kar Ke Bohot Lekin Yaad Rahe Sunnat-e-Rasool Ki Mukhalifat Ya Rasool’Allah Ke Deen Me Naye Akeede Ijad Karna Yeh Tamam Kaam Bohot Sakht Gumraahi Hai…

# InshaAllah-Ul-Azeez!!!
# Allah Ta’ala Hume Tamaam Kism Ki Gumrahi Se Bachney Ki Taufiq Ata Farmaye..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!
Fitna, Firqa

*Apne Mobile par Daily Hadith Notifications Pane ke liye Ummat-e-Nabi App ko Install Kare
» https://goo.gl/U5oXx2

Views: 5024

Leave a Reply

1 Comment on "Deen Me Biddat Kar Liye Tou Kya Hua ?"

Notify of
avatar

Sort by:   newest | oldest | most voted
kalam khan
Guest
kalam khan
2 years 1 month ago

Masha Allah

wpDiscuz