"the best of peoples, evolved for mankind" (Al-Quran 3:110)

⭐ Kya Musalman bhi Shirk kar sakta hai ?

Aksar Log Humse aisa Sawal Karte hai Ke – “Kya Musalman Kabhi Shirk Kar Sakte Hai ?”
Tou Aayiye Shariyat kya kehti Iskey Talluk Se Ye Jaan Letey hai ,..

» Mafhoome Hadees: Rasool’Allah (Sallallahu Alaihay Wasallam) Farmate Hai Ke –
“Qayamat Uss Waqt Tak Qayaam Na Hogi Jab Tak Meri Ummat Ki Ek Jamaat Mushriko Se Na Jaa Miley
*Aur Meri Ummat Ke Bahut Se Log Buth-Parasti Na Kare”. – (Tirmizi Sharif) – @[156344474474186:]
… Aaj Hum Jaantey hai Aalamt-e-Qayamat ke Ye Aasar abhi se nazar aa rahe hai ,..
Aur kayi Musalman Gairmabudo ko Apne Nafa aur Nuqsaan ka Zaamin Thehra rahe hai ,..

*Aur Jin Qoumo Ko Imaan Hee Nahi Mila Wo Tou Waise Hi Mulawwis Hai Gumraahi Me,..
*Lekin Jinhe Emaan Ki Doulat Mili Unka Shaitan Ke Jarye Gumraah Hona Jyada Mumkin Hai,

*Aur Allah Rabbul Izzat Iski Wajahat Bhi Quraan-e-Kareem Me farma Chuka Hai Ke –
♥ Al-Quran: “Aye Nabi (Sallallahu Alaihay Wasallam) Aap Dekhoge Aksar Log Imaan Ke Dawey Ke Bawajud Siwaay Shirk Ke Aur Kuch Bhi Nahi Karte ..”
– (Surah Yusuf: Ayat 106)
*Fir Hume bhi Gaur Karna Chahiye Ke Kahi Humara Mu’amla Tou Aisa Nahi
“Ke Hum Tawheed Ki Baat Kar Rahe Hai Aur Saath me Shirk bhi Kar Rahe … ”

.. Tou Wajahat Kar Di Allah Aur Uske Rasool (Sallallahu Alaihay Wasallam) Ne Ke –
“Haa! Musalman bhi Ankareeb Shirk Karenge ya kar Saktey hai ,.. ”
* * * * *

★ Tou Ab Shariyat Kya Chahti Hai ? Ke Kaise Momin Bachey Aise Mushrikana Amal Se ?
» Mafhoome Hadees: Iske Talluk Se Ek Hadees ka Mafhoom hai ke –
Rasool’Allah (Sallallahu Alaihay Wasallam) Ne Surah (6)Al-‘An`am Ki Aayat 153 Tilawat kar ke bayan Farma diya ke –
“Aye Imanwalo! Iman Laaney ke Baad Sirate_Mustakim par add jana ,.. Yaani Allah aur Uskey Rasool ki Talimat par jamey rehna ,..
*warna bohot Mumkin hai ke Shaitan Tumhe Sirat-e-Mustaqeem se behka dey”
– (Musnade Ahmad, Nadayii, Ibn Majah, Daremi, Tafseere-e-Ibnu Kaseer Vol#2, Page 256)
* * * * *

*Tou Beharhaal Hum Sab Par Laazim Hai Ke Haq Ko Janey,..
*Allah Aur Uske Rasool (Sallallahu Alaihay Wasallam) Ke Huqm Ki Pairwi Karey,.
*Quraano Hadees Se Door Karne waale Tamam Mafadparasto Ke Fareb Ko Samjhne Ki Koshish Karey ,…

*Kitabo Sunnat Ke Jarye, Sahib-e-Ilm Ke Jarye, Sahi Ilm-e-Deen Hasil Karey Apne Akide Ka Muazna Karey
Taaki Har Kism Ki Gumrahi Se Khud Bhi Bach Sakey Aur Auro Ko Bhi Bachaney Ki Koshish Karey ,..

★ Aakhir me Allah Rabbul Izzat se Dua Hai Hai Ke-
# Allah Ta’ala Hume Haq Sun’ne Samjhne Ki Taufiq Dey..
# Jab Tak Hume Zinda Rakhey Islam Aur Imaan Par Zinda Rakhey …
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

• Ummat-e-Nabi.com | • Fb.com/HadiseNabwi

You might also like

Leave a Reply

2 Comments on "Kya Musalman bhi Shirk kar sakta hai ?"

avatar
Sort by:   newest | oldest | most voted
Mohammad zameer
Guest

Assalamu alaikum jis Tarha aap ne ilm ki ahmiyat pdf me add ki thi isi tarha all post pdf file me add Kare take hum use file me save karsake .Allah hafiz

Tabssum
Guest

Thanks for information
Mara ek sawal h app plz
Reply karana hum logo ko raat m bhaut jeyda khuab dekhte h bhaut derwanw aur
Gande .rojana sure bakara ke tilawat karate h per khatam nahi hote h .ghar m bahut paresani h

wpDiscuz