Ummat-e-NabiProud to be Ummat-e-Rasool'Allah (Sallallahu Alaihay Wasallam)

 

 

     
Hidayat Post 1476 results in ( 2.203 seconds)

Halaqat Ka Bhawar Na’haq Khoon Karna Hai ….

∗ Halaqat Ka Bhawar Na’haq Khoon Karna Hai ….

♥ Al Quraan: “Aur Jo Koi Kisi Momeen Ko Jaan Boojh Kar (Intentionally) Qatl Karey Uski Saza Dojakh Hai Jismein Wo Hamesha Rahega Uss Par Allah Ka Ghazab Aur Uski Lanat Hai Aur Allah Ne Uskey Liye Bada Azaab Tayyar Kiya Hai”.
- (Surah An Nisa (4), Ayat-93)

» Mehfum-e-Hadees: Abdullah Bin Umar (RaziAllahu Anhu) Se Riwayat Hai Ki: “Halaqat Ka Bhawar Jismein Girney Ke Baad Phir Nikalney Ki Ummed Nahi Hai Wo Nahaq Khoon Karna Hai Jisko Allah Subhanahu Ta’ala Ne Haraam Qarar Diya Hai”.
- (Sahih Bukhari, Vol8, 6863)

     

Kya Gaali-Galoch Karna Aalimo ke Liye Jayaz hai ???

∗ Kya Gaali-Galoch Karna Aalimo ke Liye Jayaz hai ???


• Sawaal: Aksar Log Tassuf Me Apna Akida Sabit Karne ke Khatir Intehayi Ghatiya Nazm Ikhtiyar karne lag jatey hai, hatta ke Gaali-Galoch tak karne lag jatey hai, kya ek Sahibe Ilm ke liye aisi harkate jayaz hai ??
» Jawaab: Sabse pahli baat – ke koi bhi Accha aur saccha Aalim yeh kaam nahi karega..
uske Aalimana shaan ke khilaf hai, aur Mehfum-e-Hadees hai ke – “Ek Munafiq ki Alamat hai Gaali dena” – (Sahih Al-Bukhari, Hadees No.2459)
Tou Fir Ummat ka ek Aalim Kaise Gaali Galoch bhara najm ikhtiyar kar sakta hai ?

Lekin aisa hota hai, Log Tassuf me ek-dusre ko Gaali detey hai. bura-bhala kahte hai, aur kya-kya nahi ho raha Sab dikh Bhi Raha Hai,
Ab Sawaal aata hai ke – “kya Sahaba ke dour se Ulema aapas me jhagdtey they ?”
Yaad rakhiye Sahaba aapas me jhagtdey nahi they ..
Unme Yakinan Fiqri Ikhtelaaf tha, lekin jab bhi Daleel aa jaati wo sir kham kar detey.

* Hazrat Ali (RaziAllahu Anhu) ek baar Shaam (Syria) ja rahe they, rastey me khabar mili Tawoon faila hai, Fir bhi Wo Nahi Maaney Aur kahne lage hum jaenge waha! hum tou Allah par Aitmad karte hai..
Lekin ek Sahabi ne kaha Ke, Rasool’Allah Se Maine Suna Ke – “jaha Tawoon failey, Bimariya failey waha na jao’..
yeh Sunkar unhone apne aap ko Rok diya, ke bus Rasool’Allah ki Hadees aa gayi baat khatm.

* Usi tarha Rasool’Allah(Sallallahu Alaihi Wasallam) ke Parda farmane ke baad bhi Sahaba me bohot bada Ikhtelaaf hua dafnane ne talluk se, Lekin ek Sahabi ne RasoolAllah(Sallallahu Alaihi Wasallam) ki hadees pesh ki – “Ke Nabi Jaha Inteqal kar jaye wahi unhe madfun kiya jata hai”

* Tou Sahaba(RaziAllahu Anhu) me Ikhtelaaf tha, lekin jaise hi Dalaeel aa jaati, sir kham karte ..

lekin aajka mu’ama thoda uss sey mukhtalif hai.. ke Daleel pesh karne ke baad bhi log usko mantey nahi .. aur fir uspar hujjat aur behas chalti rehti hai ..
accha yeh Ilmi behas ho tou thik hai ,.. lekin yeh Tassufi behas hoti hai..
“ke humko aapki baat man’na hi nahi hai.. ab aap jo bhi Daleel do..”

iss Tarha se banda Tassuf me Aisi Aisi Baatey Karne Lag Jata Hai hota hai ke wo Gumaan bhi nahi karta kis hadd tak shariyat ke khilaf ja raha hai. jo ke durust nahi hai…

Lihaja har Musalman khula Jehan rakhey.. khuli soch rakhey,
aur har Momin ke baarey me jo kitna hi deen par Amal karta ho, thoda hi kyu na karta ho ,.. Husne-Jehan rakhey Uske baare me ke wo mera accha bhai hai ,..

Warna Ummat me Inteshar Failane walo ki kami nahi hai ..
Log chahtey hai ke hum alag ho aur hum wakay me harkate karke bata rahe hai ke hum alag hai …

• AADABE IKHTELAAF: – @[156344474474186:]
Allah ke liye agar hum’me aur aap me bhi kabhi Ikhtelaaf hota hai, Daleel Aajaye Chahe Quraan ki Ayat, Sahih Aahadees Aajaye, ya fir usmey koi baat na miley Sahaba ke aasar se mil jaye, unki Zindagi ke halato se mil jaye.. tou sir kham kar dijiye.. aur muamle ko chorr dijiye..
fir goya humne kitna hi jhagda kiya tha uske liye.. asal tou yeh hai Itteba-e-Sunnat, Itteba-e-Quraan, Itteba-e-Shairiyat Asal hai humare liye.
fir chahe maine uske khilaf kitna hi bola ho..
aaj mujhe Daleel mil gayi mai muafi chahta hu, mujhse galati ho gayi.. apni baat ko wapas le lijiye ! Allah aur uske Rasool(Sallallahu Alaihi Wasallam) ki baat ke samney jhuk jayiye.. yeh humara Usool hona chahiye Humesha ..

» Sabak: Lihaja Sahaba apne daur me ladhte jhagadey nahi they.. lekin unme fiqri Ikhtelaaf hota tha..
Aur unka yeh Ikhtelaaf unhe Be-ijjati par, Zaleel hone par, Rishtey todney par, Mooh na dekhney par, Gaaliya dene par majbur na karta tha ..
bulki aur Mohabbat ko badha deta ek-dusre ke liye.. ke yeh fiqri Ikhtelaaf hai., mai aur daleel dhund kar launga,. aap bhi tehkik kijiye … (SubhanAllah!!)

♥ InshaAllah Ul Azeez!!!
# Allah Ta’ala Hume Bhi Aadabe Ikhtelaaf Me Husne Akhlaq Bhara Nazm Ikhtiyar Karne ki Taufiq Dey,
# Tamam Kism Ke Jahilana Fitno se Humare Imaan Ki Salamti Ata Farmaye,
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

     

Jisney RasoolAllah Ki Ita-At Ki Usney Allah Ki Ita-At Ki ….

∗ Jisney RasoolAllah Ki Ita-At Ki Usney Allah Ki Ita-At Ki ….

♥ Al-Quraan: Jisney RasoolAllah (Sallallahu Alaihay Wasallam) Ki Ita’at Ki Bus Usney Allah Ki Ita-At Ki”
- [An-Nisa(4): Ayat-80]
» Wajahat: Iss Aayte Mubarak Se Yeh Baat Wajeh Hoti Hai Ke, RasoolAllah (Sallallahu Alaihay Wasallam) Ki Ita-At Karna Goya Allah Ki Ita-At Karna Hai, Aur RasoolAllah Ki Farmabardari Goya Allah Ki Farmabardari Hai..
Aayiye Jaan Letey Hai Ke RasoolAllah (Sallallahu Alaihay Wasallam) Kya Shakhsiyat Hai, Aapki Zaat-e-Mubarak Kya Hai? Aapka Muqaam Kya Hai ? …
Aap Wo Zaat-e-Mubarak Hai Jinki Wajah Se Jannat Ka Darwaza Khola Jayega Roze Qayamat ,…
Aap (Sallallahu Alaihay Wasallam) Wo Shakhsiyat Hai Jo Sabse Pahle Jannat Me Dakhil Hongey ,…
Aap (Sallallahu Alaihay Wasallam) Wo Shakhsiyat Hai Jinke Zande Taley Roze Qayamat Tamaam Nabi Aur Rasool Aur Unke Ummati Aqwam(Jama/Hajir) Honge ,…

Lekin Aaj Humne RasoolAllah (Sallallahu Alaihay Wasallam) Ki Shakhsiyat Ki Kitni Nafrmani Ki Hai Aayie Jara Muhasba Kar Letey Hai ..
Aaj Humara Yeh Muamla Hai Ke RasoolAllah (Sallallahu Alaihay Wasallam) Ki Sunnat Humari Zindagi Me Aa Bhi Jaye, Fir Bhi Hum Apne Man-maani Tareeke Par Zindagi Jeetey Rahenge ….
Kyunki Humarey Tou Bado Ne Yeh Kiya ,
Humare Khandan Ka Purana Tareeka Hai Ye ,
Humari Qaum, Samaj, Shahero Aur Basti Ka Tareeka Ye Hai ..
Lihaza Sunnat Hum Nahi Maan Sakte.. (Nauzubillah)

Yaha Allah Ta’ala Hume Uss Nabi Ki Sunnate Mubarak Par Amal Lazim Kar Raha Hai Jo Tamam Aalam Ke Nabi Hai, Jo Imam-Ul-Ambiya Hai…
Yeh Nabi Jab Meraz Me Jatey Hai Tou Tamam Ambiya (Alahi Salam) Ki Imamat Kartey Hai, Aise Nabi Ki Ita-At Allah Hum Par Lazim Kar Raha Hai, Aur Inhi Nabi (Sallallahu Alaihay Wasallam) Ki Baate Hum Chodkar Hum Iski-Uski Aur Fala Fala Ki Baate Mantey Hai .. Quraan Aur Aahadees Ko Chodkar Hum Jahilana Aqaid Par Imaan Latey Hai ..

Yaad Rakhiye Kalma “La Ilaha IllAllah Muhammadur Rasoolullah” Ka Aadha Zuz Hai “Imaan-Birr-Rasool” Yaani RasoolAllah Par Imaan Rakhna….
Aaj Hum Kalma Tou Padhtey Hai RasoolAllah (Sallallahu Alaihay Wasallam) Ka Lekin Tareeka Fir Kisi Aur Ka Ikhtiyar Karte Hai ,
Kalma Tou Padhtey Hai RasoolAllah Ka Fir Baat Kisi Aur Ki Mantey Hai,
Kalma Tou Padhtey Hai RasoolAllah Ka Lekin Apne Amaal Aur Ikhtilaf Me Kisi Aur Ke Paas Jaatey Hai,
Kalma Tou Padhtey Hai RasoolAllah Ka Aur Tamaam Zindagi Ke Shobey Aap Ki Sunnat Se Khali Hai,
Aur Fir Hum Apne Aap Ko Jannat Ke Mustahik, Aashike Rasool, Ahle Sunnat Wal Jamat, Aur Haq Par Samjhne Lag Jatey Hai ,.. Subhanallah … – @[156344474474186:]

Kya Yahi Pahchan Hai Ek Aashike Rasool Ki ? Ke Sirf Kalma Padhke Iske Takazo Ko Zubaan Par Hi Khatm Kar Diya Jaaye…
Nahi !! Hargiz Nahi …
Yaad Rakhiye Agar Humne ‘Muhammadur Rasoolullah’ Kaha Tou Humari Zindagi Ka Khatma Aur Zindagi Ka Har Pailu RasoolAllah (Sallallahu Alaihay Wasallam) Ke Tareeke Par Hi Hona Chahiye..
Yahi Iss Kalme Ka Sahi Asal Matlab Hota Hai ..
Tou Goya “Jisney Rasool’Allah Ki Ita-At Ki Usney Allah Ki Ita-At Ki” ..

Aur RasoolAllah (Sallallahu Alaihay Wasallam) Ka Muqaam Kya Hai Iss Barey Me Quraan Me Allah Ta’ala Ek Aur Jagah Farmata Hai Ke -
♥ Al-Quraan: Tou Qasam Hai Tere Rab Ki! Yeh Log Imanwale Nahi Ho Sakte Jab Tak Ke Apne Tamam Ikhtelaaf Me Aap (Sallallahu Alaihay Wasallam) Ko Haaqim Na Bana Ley. Aur Jo Faisla Aap Suna Dey Tou Usko Taslim (Kabool) Na Karey Tab Tak Ye Log Imaanwale Nahi Ho Sakte..
- [Surah (4) Nisa: Ayat-65]
★ Follow our Official Page » www.facebook.com/HadiseNabwi « for huge Hidayat post collection ★
Kya Wakay Me Hum Aaj RasoolAllah (Sallallahu Alaihay Wasallam) Ke Faisle Mubarak Ke Jarye Aapas Me Huey Ikhtelaaf Ko Door Karne Ki Koshish Kar Rahe Hai ????
Think About It ….

# InshaAllah-Ul-Azeez
Allah Ta’ala Hume Parhne Sun’ne Se Jyada Amal Ki Toufiq Ata Farmaye!!!
!!! Wa Akhiru Dawana Anilhamdulillahe Rabbil A’lameen !!!

     

786 Ki Haqikat ….

∗ 786 Ki Haqikat ….

Dar-haqikat 786 Ke Kayi Maaney Hotey Hai.. Dour-e-Jahalat Me Arbo Me Ek Tareeka Hua Karta Tha Jisey “Abjad” Kahte Hai .. Ismey Arbi Ke Alfazo Me Kuch Numbers Lagatey They, Jaise Misaal Ke Taur Par Alif = 1, Ba = 2 …
Inn Gintiyon Ko Milakar Yeh Log Faal Khola Karte They..
Jaise Misal Ke Tour Par Apka Naam Faiz, Ismey ‘Fa’, ‘Ye’, ‘Jwad’ Tou Inki Value of Numbering Ki Calculation Karke Total Number Nikaltey .. Aur Chittiyo Ko Mod Detey Aur Kehte Likho Koi Ek Number, Agar Yeh Dono Mil Gaye Tou Tumhara Kaam Ho Jayega … Isko Faal Kholna Boltey Hai … Jo Ke Dour-e-Jahalat Ka Abjad Tareeka, Aur Shariyat Ne Iss Cheez Ko Haraam Karar Diya .. – @[156344474474186:]

Ab Logo Ne Abjad Ke Aitbaar Se Ye Matlab Nikala Ke 786 Ka Meaning ‘Bismillah-Hirrahman-Nirrahim’ Hota Hai,
Lekin 786 Ka Matlab Sirf ‘Bismillah-Hirrahman-Nirrahim’ Nahi Hota Yeh Baat Tou Tay Hai ..
Isliye Ke Bohot Se Majahib Me Bhi 786 Ka Bada Akida Hai .. Usko Bhi Bada Respect Diya Jata Hai..

» Ab Shariyat-e-Islamiya Me Iska Istemal Kaisa??
Sabse Pahli Baat Shariyat Me Aisi Shortcuts Ka Maana Biddat Hai,
Aur Agar Aisi Biddat Shariyat Me Jayaj Hoti Tou Hum Ek Ek Raat Me 1000 Rakat Nawafeel Padh Letey …
Jaise Misaal Ke Taur Pe > 786 = Bismillah, 1000 = Surah Fatiha, 2000 = Surah Baqraah..

Andaza Lagayiye Kitni Aasan Hojayegi Humari Namaze ..
Subhan’Allah !! Ekdum Shortcut Numerical Namaz …

Kya Allah Ke Nazdeek Humari Aisi Ibadate Kabile Kabul Hogi ???
Nahi Na .. Tou Fir Kyu Kar Hum 786 Ke Aadi Ho Gaye Hai ??
Kyu Hum Deen Aur Shariyat Ko Chorrkar Jahilana Aqaiyid Par Jyada Aitmaad Rakhtey Hai ..

InshaAllah Ul Azeez!!
# Allah Hume Tamam Kism Ki Gumraahiyo Se Bachney Ki Taufiq Dey…
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

     

Sawaal : Kya Musalman Ko Ek Jamat Se Judna Jaruri Hai ?

∗ Sawaal : Kya Musalman Ko Ek Jamat Se Judna Jaruri Hai ?

» Jawaab: Haa! Ek Jamat Se Judna Jaruri Hai, Jis’se Muraad Musalmano Ki Jamaat Hai, Hadees Me Jo Jamat Ka Lafz Aata Hai Iss Se Murad Ijtemayat Hai,
Lekin Kuch Log Isko Apni Makhsus Taraf Ishara Karte Hai Ke – “Iss Sey Muraad Hum Hai” Ya Iss Se Muraad Aksariyat Aur Akliyat Hai, Ya Falah Aur Falah Hai ..
Yaad Rakhiye Jab Bhi Hum Quraan Aur Hadees Ki Roshni Me Haq Aur Baatil Ka Mu’tala Kartey Hai Tou Haq Humesha Aqliyat Me Hi Raha Hai, Thoda Hi Raha Hai. Tou Goya Aksariyat Aur Aqliyat Ka Koi Taqaza Nahi Shariyat Me ..

Aur Haa! Haq Haq Hai Fir Chahe Puri Duniya Usey Maaney Ya Uski Mukhalifat Karey ..
Tou Kisi Ek Jamaat Se Judna Matlab Musalmano Ki Jamat, Musalmano Se Judna. Kat Ke Nahi Rehna ! Warna Rasool’Allah (Sallallahu Alaihay Wasallam) Farmatey Hai “Shaitan Ke Liye Aasan Hai Uchak Lena”

Aur Jitne Bhi Jamate Banti Hai, Tamam Ke Chand Makasid Hai, Aur Unn Makasid Ke Tahat Wo Kaam Karti Hai, Aur Ye Bhi Durust Hai Ismey Koi Harz Nahi,..
Koi Ye Na Kahey Ke Sirf Ek Hi Jamaat Hona Chahiye. Ye Jaruri Nahi Hai, Kyunki Itni Badi Ummat Hai Ke Namumkin Hai Ke Ek Hi Jamat Ek Hi Tanjim Kaam Karey,.

Tou Mukhtalif Jamate Mukhatalif Tanjime Kaam Kare, Aur Har Jamate Har Tanjim Ek Dusre Ke Liye Dhaagey Ka Kaam Karey Jis Tarah Har Dhaga Dusre Dhagey Ko Majbuti Dekar Ek Kapda Banata Hai ..
Tou Har Jamat Aur Har Tanjim Jodey.. Lekin Masla Yaha Ho Jata Hai Ke – Jab Hum Kisi Se Judtey Hai Hum Todne Lag Jatey Hai …
Ek Aam Aadmi Jo Kisi Jamaat Me Na Tha Tou Sabse Acche Tallukat Rakhta Tha,. Lekin Jab Wo Kisi Jamat Se Jud Gaya. Tab Dusre Jamat Walo Se Tassuf Rakhne Laga ….
Jo Ki Bohot Hi Galat Hai.. Har Shaksh Apne Karkartagi Ko Apne Mansubo Ko Janey – “Ke Mera Kaam Hai Logo Ko Masjido Se Jodna, Iske Baad Mai Kisi Aur Ke Hawale Kar Du, Ab Aap Yaha Se Usko Aur Aagey Ka Bataye.. ”

Tou Har Jamat Ek Dusre Ki Madad Kare, Aur Har Tanjim Ek Dusre Ki Madad Karke Ek Jabardast Nizam Banaye.. Lekin Humare Paas Tod-Tukdo Ka Muamla Ho Gaya..

Ab Aayiye Giney Chuney Thodey Se Musalman Hai Jo Deen Par Chal Rahe, Puri Tadad Agar Le Ley Tou Bohot Badi Hai Musalmano Ki, Inme Se Bohot Thodey Log Hai Jo Kisi Na Kisi Tanjim Se Judey Hai ??
Aur Unme Bhi Itna Kaseer Jhagda Chal Raha Hai Ke Jiski Koi Inteha Nahi..
Subhan’Allah …

# Andaza Lagaye Ke Agar Mumbai Me Musalmano Ki Abadi 5 Laakh Hai Tou Unmey Se Kariban 50,000 Log Judey Honge Kisi Na Kisi Jamaat-Tanjim Se. Baaki Tou Waise Hi Hai ..
Tou Unko Lana Chorkar Yeh Aapas Me 50,000 Ladh Rahey Hai..
Jo Baaki 450000 Hai Unko Jamaat Aur Tanjimo Se Jodney Ke Bajaye Hum Aapas Me Hi Ladhne Lagey ,..
Chalo Wo Deen Ke Kisi Bhi Tanjim Se Judega, Allah Deen Ki Tadap Dega Tou Kabhi Na Kabhi Haq Par Aajeyga,. Agar Aap Samjhtey Ho Ke Mai Haq Par Hu Tou Wo Haq Par Aajeyga Mere Paas ..
Lekin Humare Yaha Bhi Iss Mu’amle Me Bohot Hujjat Hoti Hai.. Ke Mai Haq Par Hu Tou Mere Paas Hi Aana … Yaa Tou 50,001 Hona Tou Mere Paas Aana Ya Baahar Hi Rehna,.. Subhan’Allah …

♥ Allah Rabbul Izzat Quraan Me Farmata Hai – “Tamam Musalman Aapas Me Bhai Bhai Hai Tou Apne Do Bhaiyyon Me Sulah Kara Diya Karo Aur Allah Se Darte Raho Taaki Tum Per Rahem Kiya Jaye. – Al-Quraan 49:10 – @[156344474474186:]

Lekin Afsos Humara Tou Aapas Me Jhagda Chal Raha Hai ..
Allah Le Liye Baat Ko Samjhey, Kaam Ko Samjhe, Haalat Aur Mouke Ki Nazakat Ko Samjhey..
Log Chah Rahe Hai Ke Hum Alag Ho Aur Hum Wakay Me Harkatey Kar Ke Bata Rahe Hai Ke Hum Alag Hai..

» Sabaq: Overall Apne Momin Bhaiyon Se Judney Ki Koshsih Karey ..
Ek Rab, Ek Nabi, Ek Kitab, Ek Ummat Tou Yakinan Tarje Amal Bhi Ek Ho. Aur Purey Dil Se Bhi Ek Ho Iss Tarha Se Hum Jahir Karey ..
Tou Aisi Bohot Si Jamate Hai, Tanjime Hai, Aur Hona Chahiye. Taaki Kaam Aur Jyada Se Jyada Badhey.. Aur Insaniyat Ko Fayda Pohchey ..

Lekin Agar Koi Iss Niyat Se Idara Kholta Hai Ke Mai Falah Se Ikhtelaf Karu, Tou Unki Niyato Me Ikhlas Nahi Aur Allah Rabbul Izzat Aise Logon Ko Badi Sakht Saza Deta Hai Jo Apni Niyato Me Ikhlas Nahi Rahktey..

Aakhir Me Allah Rabbul Izzat Se Dua Hai Ke,
# Hume Parhne Sun’ne Se Jyada Amal Ki Taufiq De.
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

     

Insan Uske Sath Jis’se Wo Mohabbat Karta Hai ….

∗ Insan Uske Sath Jis’se Wo Mohabbat Karta Hai ….

Ek Ansari Sahabi Jinka Chehra Bada Ghamjada Tha, Rasool’Allah (Sallallahu Alaihay Wasallam) Ke Paas Aaye!
Rasool’Allah Ne Unki Pareshani Ka Sabab Pucha,
Tou Unhone Kaha – “Aye Allah Ke Rasool (Sallallahu Alaihay Wasallam)! Ek Gham Mujhe Khaye Ja Raha Hai, Ke Mai Yeh Sochta Hu Ke Aaj Dunia Me Aapka Chehra Mubarak Dekhey Bagair Hum Reh Nahi Patey, Chalte Aur Firtey, Uthtey Aur Baithtey Jab Bhi Aapki Yaad Aati, Aapse Aakar Hum Mil Letey Aapka Didaar Karte Aur Hume Sukun Milta ..
Lekin Mai Yeh Soch Kar Gham Kha Raha Hu Ke Roze Qayamat Tou Aap Ambiya (Alaihi Salaam) Ke Sath Honge, Waha Hum Aapka Didaar Na Kar Payenge..
Rasool’Allah (Sallallahu Alaihay Wasallam) Khamosh Rahey …
Fouran Aap (Sallallahu Alaihay Wasallam) Par Yeh Aayat Nazil Hui..
♥ Al-Quraan: “Jo Koi Allah Aur Rasool Ki Farmabardari Kerey Woh (Roze Qayamat) Unn Logon Ke Sath Hoga Jin Per Allah Ta’ala Ne Inaam Kiya Hai Jaisey Nabi Aur Siddique Aur Shaheed Aur Nek Log Yeh Behtareen Rafiq Hai”. - (Surah 4 Nisa: Ayat 69)

Aur Fir Rasool’Allah (Sallallahu Alaihay Wasallam) Ne Farmaya –
» Hadees: “Al-Maru Ma’ Man Ahab”
“Insan (Qayamat Ke Din) Uskey Saath Rahega Jis Sey Wo Mohabbat Karta Hai”.
– (Sahih Bukhari, Vol 8, Book 73, No. 189) – @[156344474474186:]

Aur Anas Bin Malik Kehte Hai Ke, Iss Hadees Ko Sun’ne Se Jyada Hume Kabhi Kisi Hadees Par Khushi Nahi Hui.
Ke Insan Uske Sath Jis’se Wo Mohabbat Karta Hai Aur Hum Jantey Hai Ke Hum Rasool’Allah Se Mohabbat Karte Hai, Lihaja Humara Bhi Hisaab Rasool’Allah Ke Sath Hoga,..

* Tou Jisney Rasool’Allah Se Mohabbat Ki Yaani Rasool’Allah Ki Ita-At Ki. Wo Rasool’Allah Ke Sath Hai ,..
* Jisney Filmstaro Ki Itteba Ki Unsey Mohabbat Ki, Unkey Tareeko Ko Apnaya, Wo Unke Sath Hoga ,..
* Jisney Sportstars Ko Pasand Kiya Unkey Tareeke Par Chala Wo Unke Sath Hai ,..
* Jisney Kuffaro Ko Pasand Kiya, Unkey Tarsh Ko Apnaya Aur Unkey Tareeko Par Chala Wo Unkey Sath Hai..

» Sabaq: Lihaja Hume Chahiye Ke Zindagi Ke Tamam Shobo Me Rasool’Allah (Sallallahu Alaihay Wasallam) Ko Apna Usma-tul-Hasna (Ideal Aur Role Model) Maaney Aur Aap (Sallallahu Alaihay Wasallam) Ki Sunnato Par Amal Ko Lazim Aur Farz Jaaney ,..

♥ InshaAllah Ul Azeez
# Allah Ta’ala Hume Rasool’Allah (Sallallahu Alaihi Wasallam) Ki Sunnato Ka Muttabe Banaye,
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

     

Rasool’Allah Tamam Aalam Ke Nabi Hai ….

∗ Rasool’Allah Tamam Aalam Ke Nabi Hai ….

Digar Ambiya Aur Rasool Jo Rasool’Allah(Sallallahu Alaihay Wasallam) Se Pahle Mabus Hue Pahle Aaye, Yeh Khusus Hotey, Makhsus Hotey Kisi Qoum Ki Taraf, Inka Paigaam Ek Wakt Tak Hota, Aur Ye Nabi Ek Makhsus Hissey Ke Liye Aatey Ek Mehdud(Limited) Waqt Ke Liye ..
Lekin Rasool’Allah (Sallallahu Alaihay Wasallam) Ka Muamla Dusrey Ambiyao Se Mukhtalif Hai..
Aur Yeh Baat Aap Aur Hum Jantey Hai Ke Allah Rabbul Izzat Ne Faramaya – “Wama Arsalnaka Illa Rahmatan Lil Aalameen”
(Trajuma: Aye Nabi ! Humne Aapko Tamam Insaniyat Ke Liye Rehmat Banakar Bheja) - (Al-Quraan 21:107)

Tou Lihaja Rasool’Allah (Sallallahu Alaihay Wasallam) Insano Ke Liye Bhi Nabi-e-Rehmat Hai,
Rasool’Allah Jinno Ke Bhi Nabi Hai ,…
Rasool’Allah Charind Aur Parindo Ke Bhi Nabi Hai ,…
Rasool’Allah Tamam Makhlukat Jo Bhi Aalam Me Hai Unn Tamam Ke Nabi Hai …

Aur Iski Wajahat AaHadeese Sharifa Se Bhi Hoti Hai Ke -
Rasool’Allah (Sallallahu Alaihay Wasallam) Ki Kayi Aahadees Hum Suntey Hai Ke –
»1. Ek Mimber Tha, Jo Ek Khajur Ki Darakht Par Banaya Gaya Tha, Rasool’Allah (Sallallahu Alaihay Wasallam) Uspar Khadey Hokar Khutba Diya Karte, Aur Ek Baar Yun Hua Ke Rasool’Allah Ne Apne Mimber Ki Jagah Badal Di, Tou Umar Bin Khattab Aur Abu Baqar Siddhiq (Raziallahu Anhu) Farmatey Hai Ke Wo Jhaad Roney Laga Aur Uski Siskiya Hum Sunn Rahey They…
Fir Rasool’Allah Ne Hukm Diya Ke Isey Wapas Yaha Lakar Laga Do.,…
Tou Goya Aap Ek Jhaad Ke Bhi Nabi Hai..

»2. Yeh Wakiya Bhi Humne Suna Ke Muslim Ki Riwayat Me Aata Hai Ke – Rasool’Allah (Sallallahu Alaihay Wasallam) Ke Paas Ek Shakhs Ne Aakar Kaha Ke – ‘Ya Rasool’Allah ! Mera Ye Uoonth Baat Nahi Manta Meri, Nafarman Hai Yeh! ‘..
Rasool’Allah Uskey Paas Gaye, Aur Uss Uoonth Ne Rasool’Allah Ke Kaan-e-Mubarak Tak Apna Muuh Laya Aur Kuch Baat Kahi,.
Rasool’Allah Ne Uss Shakhs Se Kaha – ‘Ke Isney Mujhse Tumhari Ek Shikayat Ki Hai Ke Tum Fazar Ki Namaz Me Kotahi Kartey Ho Isiliye Ye Tumhari Baat Nahi Manta.. Lihaja Tum Wo Chorr Do Kotahi Yeh Tumhari Baat Manega..’ – @[156344474474186:]

* Tou Goya Rasool’Allah Janwaro Ke Bhi Nabi Hai, Charind Aur Parind Ke Bhi Nabi Hai ,..
Aur Jhaad Aur Pahaad Jo Kuch Moujud Hai “Wama Arsalnaka Illa Rahmatan Lil Aalameen” Aalam Me Jo Kuch Moujud Hai, Rasool’Allah Unn Tamam Ke Nabi Hai.. Aur Tamam Ko Aapki Ita-At Farz Aur Wajib Hai ,..

* Aur Iski Wajahat Allah Rabbul Izzat Ne Surah Araf Ki Ayat 158 Me Farmaya –
“Aye Mohammad Rasool’Allah (Sallallahu Alaihi Wasallam)! Insaniyat Se Kehdo Ke Mai Tum Sabki Taraf Allah Ka Rasool Banakar Bheja Gaya Hu,.”
Tou Rasool’Allah (Sallallahu Alaihay Wasallam) Insaniyat Ki Taraf Mabus Kiye Gaye, Aur Insaniyat Ka Kaam Hai Ke Wo Rasool’Allah (Sallallahu Alaihay Wasallam) Ki Itteba Karey, Farmabardari Karey Aur Aap Par Imaan Laye ..

Lihaja Hum Tamam Ko Chahiye Ke Rasool’Allah (Sallallahu Alaihi Wasallam) Ki Sunnato Ko Apni Zindagi Me Lazim Aur Farz Jaaney.. Aur Ispar Khud Bhi Amal Karey Aur Dusro Ko Bhi Amal Ki Dawat Dey..

InshaAllah-Ul-Azeez!!!
# Allah Ta’ala Hume Rasool’Allah (Sallallahu Alaihi Wasallam) Ki Sunnato Ka Muttabe Banaye,
# Rasool’Allah(Sallallahu Alaihi Wasallam) Ki Sacchi Mohabbat Hum’me Daaley…
# Unki Sunnato Ko Samjhna Aur Uspar Chalna Humare Liye Aasan Karey..
# Aur Humari Naslo Me Rasool’Allah Ki Sunnat Ko Baaki Rakhey..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

     

Allah Ke Zikr Se Itminan Hasil Hota Hai ….

∗ Allah Ke Zikr Se Itminan Hasil Hota Hai ….

Aaj Har Koi Parehsan Hai, Isliye Ke “Allah ke Ziqre me Qalb Itminan Patey Hai” – Surah Ar-Raad(13) Aayat (28): . Aur Yahi Qalbi Itminan Kisiko Nahi Hai Aaj. Ellah Ke Ek Momin Iss Itminan Ka Fayda Uthata Hai..

# Aur Yaad Rakhiye Jab Kisi Qoum Ke Liye Hidayat Aayi Hai Aur Hum Uss Hidayat Ko Chupa Kar Baithey Hai Wo Apna Haq Tou Kaise Na Kaise Lene Hi Waali Hai.. Tou Hume Unko Dena Hai, Aalmi Aman Humare Paas Hai Aur Ye Deen Tamam Aalam Ke Liye Hai … – @[156344474474186:]

• Warna Humari Misaal Aise Ho Gayi Ke
Char Rasto Ke Bich Ek Traffic Signal Hai, Jispar Ek Traffic Police Officer Khada Hai, Aur Charo Me Se 3 Raste Band Karde Aur Sirf Ek Hi Khula Rakhe ,.. Baaki 3 Rasto Ke Log Intezar Me Hai Ke Kab Humara Bhi Rasta Khule Aur Hum Bhi Nikal Le Apni Manzil Ki Taraf..
* Ab Agar Wo Policewala Sirf Ek Hi Rasta Khula Rakhe Jo Uske Ghar Se Aa Raha Hai ,.. Ek Hi Taraf Ka Signal Chalu Rakhe Tou Baaki 3 Rasto Ke Signal Ke Intezar Me Khadey Logo Ka Kya Haal Hoga?
* Kitni Der Tak Wo Bardasht Karenge?? Unka Gussa Tou Nikalna Lazim Hi Hai ..

* Yeh Misaal Hai Humari Ke Hum Qoumo Ke Liye Aman Qayam Karne Ke Liye Bheje Gaye Lekin Humne Ek Hi Signal Chalu Rakha Sirf Apne Bhayio Ki Islah Wala… Qoume Khadi Hai Intezar Me Hidayat Ke, Lekin Hum Sirf Apne Bhaiyo Ki Islah Me Lagey Rahe Aur Baakiyo Ko Nazarandaz Kar Diya..

* Ab Batayiye Ye Qoume Kab Tak Intezar Me Khadi Rahengi ? Inka Wabal Tou Nikalne Wala Hai Humpar, Aur Yakinan Log Uss Traffic Police Officer Ke Khilaf Kuch Na Kuch Tou Bagawat Karenge. Aur Uss Police Wale Ko Uski Post Se Nikala Jayega,..
* Aur Yeh Tou Raha Uss Officer Ka Jo Apni Service Kar Raha Hai ,.. Lekin Wo Baaki Officers Jo Chay Pitey Baithe Kaam-Dhanda Chorrkar, Jo Na Islah Karta Hai Na Dawat Usko Tou Replace Hi Kar Diya Jayega..

♥ Allah Rabbul Izzat Ne Surah Mohammad Me Yahi Baat Bayan Ki -
“Yastabdil Qawman Ghairakum Summa Laa Yakoonooo Amsaalakum”
(Tarjuma: Tumhe Dusri Qoumo Se Badal Dunga Agar Kaam Na Karonge, Aur Unki Misale Tumhare Jaise Na Hongi)
- (Al-Quraan: Surah Mohammad (47): Ayat 38)

* Tou Kab Tak Qoume Intezar Karengi?
Amn Ka Paigaam Chupakar Rakha Hai Humne Apne Andar..
Aur Aman Allah Ki Kitaab Aur Rasool’Allah(Sallallahu Alaihi Wasallam) Ki Sunnato Me Hai, Lekin Humne Isey Logon Me Aam Na Kiya .. Jiska Natija Hum Dekh Hi Rahe Hai..

» Sabaq: Lihaja Jarurat Hai Ke Jo Aman Ka Jo Zakira Humare Paas Hai Usey Logo Me Aam Kare..
In shaAllah-Ul-Azeez ..
# Allah Ta’ala Hume Aalami Aman ke Liye Ikhlas Ke Sath Jaddo Jehad Karne Ki Tauffiq Dey..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

     

Aao Uss Baat Ki Taraf Jo Aap aur Hum’me Yaksa Hai ….

∗ Aao Uss Baat Ki Taraf Jo Aap aur Hum’me Yaksa Hai ….

Allah Rabbul Izzat Ne Aalami Aman Ke Liye Quraan Me Nuskha Bhi Batla Diya.
♥ Al-Quran: “Aye Ahle Kitab! Aao Uss Baat Ki Taraf Jo Aap aur Hum’me Yaksa Hai, Ke Hum Allah Ta’ala Ke Siwa Kisi Ki Ibadat Na Kere, Na Uske Sath Kisi Ko Shareek Banaye, Na Allah Ta’ala Ko Chor Ker Aapas Me Ek Doosrey Ko Hi Rab Banaye. Pus Agar Woh Mun Pher Le Tou Tum Keh Do Ke Gawah Raho Hum Tou Musalman Hai..” - (Surah Al-Imaran; Ayat 64) – @[156344474474186:]

Tou Yaha Allah Rabbul Izzat Ne Ek Usool Bata Diya Ke “Bulao Uss Kalme Ki Taraf Jo Hum’me Aur Tum’me Barabar Hai.” Ab Sawaal Yeh Hai Ke Hum’me Aur Tum’me Baatey Barabar Ho Aur Sabse Pahle Allah Hi Ibadat Ke Layak Hai Tou Jaahir Si Baat Hai Hume Iskey Liye Adiyan(Comparative Religion) Ka Ilm Hasil Karna Hoga,.. Ek Dusrey Se Baat Share Karni Hogi..

* Lekin Jab Bhi Majhab Ka Mu’amla Aata Hai Hum Bilkul Khamosh Rehte Hai Ke Wo Uska Masla Aur Ye Mera Masla..
Lekin Boliye, Baat Kijiye, Dawat Dijiye Similarities Ki Taraf..
Kyunki Yeh Bohot Nazuk Ghadi Hai! Iss Ghadi Me Humko Kholkar Rakhna Hai Apna Deen Logo Ke Samne… Unse Puchna Hai Aur Apni Baat, Apna Deen Unke Samne Rakhna Hai,,

• Lekin Aaj Hum Ye Kaha Karte Hai ?
* Kaha Unsey Puchtey Hai ? , Kaha Apna Deen Rakhte Hai? Aur Unse Jan’na Chahte Hai ?
* Aur Kaha Ek Rab Hone Ki Baat Apne Deen Se Ya Unke Deen Se Sabit Karte Hai?
Hum Apni Mashguliyat Me Masruf Hai Aur Chahte Hai Wo Jo Kar Rahe Hai Wo Unhe Karne Do..
Fir Jab Unke Taraf Se Sharangezi Hoti Hai, Nuksanat Hotey Hai, Fir Pareshan Hokar Allah Se Dua Karne Lag Jatey Hai Ke Wo Qoume Aisa Kyu Kar Rahi Hai ???

» Sabaq: Lihaja Hume Chahiye Ke Logon Ko Allah Ki Taraf Bulao, Behtareen Daleelo Se, Behtareen Akhlak Se.. Unki Galatfehmiya Jo Islam Ke Baarey Unke Jehan Me Ghar Kar Chuki Hai Usey Door Karne Ki Koshsih Karey.,.

In shaAllah-Ul-Azeez ..
# Allah Ta’ala Hume Paigaame Haq Logon Me Aam Karne Ki Tauffiq Dey..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

     

Yeh Deen Aalami Aman Ke Liye ….

∗ Yeh Deen Aalami Aman Ke Liye ….

» Quraan Kiske Liye ?? -
Iss Deen Ka Yeh Sharf Hai Ke Iska Rab Rabbul Aalmin Hai,
Iski Kitaab Quraan Ka Ye Sharf Hai Ke Dunia Ki Koi Kitab Yeh Nahi Batati Ke Wo Kiske Liye Aayi Hai ? Bhejne Wala Koun Hai ? Kaha Jayegi ? Kya Muamla Hoga ?
* Lekin Quraan Ki Ye Fazilat Aur Sharf Hai Ke Wo Batata Hai Ke Wo Kiske Liye Hai,
Aur Allah Rabbul Izzat Ne Surah Baqra Ayat 185 Me Wajahat Kar Di Aur Kaha “Ramzan Wo Mahina Tha ,
Jisme Allah Ne Quraan Ko Nazil Kiya Tamam Insaniyat Ke Hidayat Ke Liye”
* Sirf Arbo Ke Liye Nahi, Musalmano Ke Liye Nahi Balki Kaha “Insaniyat” Ke Hidayat Ke Liye..
Kisi Kabiley, Kisi Giroh Kisi Makhsus Zuban Walo Ki Hidayat Ki Baat Nahi Ki Balki Kaha Insaniyat Ke Hidayat Ke
Liye Ye Kitab Aayi Hai Quraan..
* Aur Furqaan Hai Ye Farq Karne Wali Kitab Hai Acchayi Aur Burayi Ke Darmiyan..

Ab Aayiye Aagey Hum Dekhte Hai ..
» Allah Ibadat Kiski Chahta Hai ?? -
Ke Koun Allah Ki Ibadat Kare? Iske Talluk Se Allah Rabbul Izzat Ka Quraan Me Pahla Hukm Surah Baqrah Ayat 21
Me Allah Farmata Hai -
“Aye Logo ! Ibadat Karo Uss Rab Ki Jisney Tumhe Paida Kiya, Aur Tumse Pichlo Ko Paida Kiya, Taaki Allah Ka Darr Ikhtiyar Karo”.

* Tou Yaha Bhi Allah Rabbul Izzat Chahta Hai Ke Puri Insaniyat Uski Ibadat Karey..
Warna Digar Tamam Majahib Me Mabud Makhsus Hai, Makhsus Log Ibadat Kar Sakte Hai, Hatta Ke Unki Ibadat Gaho Me Makhsus Log Ghus Sakte Hai.. Sab Nahi Ja Sakte.,.
* Lekin Alahmdulillah ! Allah Ka Hukm Hai Ke Ibadat Sab Karey UsiKi Jo Kabile Ibadat, Barhaq Mabud Hai..
Aur Wo Tamam Aalam Ka Rab Hai, Aur Farmaya – “Quraan Tamam Insaniyat Ke Liye Bheji Gayi Hai”!!!
Tou Jab Tamam Cheeze Insaniyat Ke Liye Tou Yakinan Iss Deen Ke Andar Aalmi Paigaam Hai..

» Rasool’Allah (Sallallahu Alaihi Wasallam) Kiske Liye ??? -
Aagey Dekhte Hai Ke Khud Rasool’Allah (Sallallahu Alaihi Wasallam) Ke Talluk Se Quraan Kya Kehta Hai ??
Allah Rabbul Izzat Surah Araf Ki Ayat 158 Me Farmata Hai – “Aye Mohammad Rasool’Allah (Sallallahu Alaihi Wasallam)! Insaniyat Se Kehdo Ke Mai Tum Sabki Taraf Allah Ka Rasool Banakar Bheja Gaya Hu,.”
SubhanAllah!!! Ye Nahi Kaha Ke Mai Arbo Ki Taraf, Mai Musalmano Ki Taraf, Mai Hind Ki Logo Ki Taraf Ya Barre Sageer Ya Chin… Aisa Nahi Kaha, Balke Aapne Farmaya Ke Mujhe Tamam Insaniyat Ke Liye Allah Ka Rasool Banakar Bheja Gaya Hai..

* Tou Iss Deen Ka Rab Bhi Aalam Ke Liye, Iska Nabi Bhi Aalam Ke Liye Aur Quraan Bhi Tamam Aalam Ke Liye Hai..
* Aur Khud Ummat-e-Muslima Yeh Bhi Aalam Ke Liye Hai.. Aur Uski Wajahat Bhi Rabul Izzat Quraan Me Kar Chuka Hai –
“(Aye Emaanwalo!) Tum Sabse Behetar Ummat Ho, Insano Ke Fayde Ke Liye Tumhe Nikala (Paida Kiya) Gaya Hai” - [Sureh Al-Imran(3): Ayat-110] – @[156344474474186:]

•» Sabak: Tou Yaha Rabbul Izzat Ne Ailan Kar Diya Ke –
Allah Rabbul Aalamin Hai ,…
Mohammad (Sallallahu Alaihi Wasallam) Rehmat-Ul-Lil Aalamin Hai ,…
Aur Quraan Zikr-Ul-lil Aalamin Hai ,…
Tamam Baatey Aalam Ke Talluk Se Kahi Gayi Hai …
Lihaja Yeh Deen Apne Andar Ye Salahiyat Rakhta Hai Ke Iss Aalam Ke Andar Aman Qayam Kare …

In shaAllah-Ul-Azeez ..
# Allah Ta’ala Hume Parhne Sun’ne Se Jyada Amal Ki Tauffiq Dey..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!