♥ Bismillahi-r-Rahmani-r-Rahim ♥
“Aur tumhare RAB ne farmaya hai ki Mujhse Dua karo Main tumhari Dua Qubul karunga.”
– Al-Quran 40:60
♥ Mafhoom-e-Hadees: Thabit (RaziAllahu Anhu) se rivayat hai ki,
Rasool’Allah (Sallallahu Alaihay Wasallam) ne farmaya:
“Tum me se har shakhs ko chahiye ki wo apni tamam hajatein apne RABB se hi maange, yaha tak ki namak bhi us se maange, aur agar jute ka tasma (less) bhi tut jaye tou wo bhi usee se maange..”
– Jamia tirimizi, Jild 2, 1536-Hasan
♥ Mafhoom-e-Hadees: Aisha (RaziAllahu Anha) se rivayat hai ki,
Rasool’Allah (Sallallahu Alaihay Wasallam) ne farmaya:
“Allah Subhanahu se hi sab kuch maango , yaha tak ki tumhare joote Ka Tasma (less) Bhi (Toot jaye to Allah se maango) kyunki Allah agar isko Aasan nahi banayega to wo bhi tumhe nahi mil sakta..”
– Al-Bayhaqi , 2/42-Hasan
♥ In’sha’Allah Ul azeez !!!
Allah Ta’ala Hume Kehne Sun’ne Se Jyada Amal Ki Taufik Dey,..
