Jo Sachchey Dil Se Iman Laya Uspar Jahhanum Ki Aag Haram

♥ Mafhoom-e-Hadees: Ubada Bin Samit (RaziAllahu Anhu) Ne Kaha Ki,
Rasool’Allah (Sallallahu Alaihay Wasallam) Ne Farmaya –
“Jo Shakhs (Sachchey Dil Se) Gawahi De Ki Allah Ke Siwa Koi Ibadat Ke Layaq Nahi
– Aur Muhammad (Sallallahu Alaihay Wasallam) Allah Ke Rasool Hain”
Tou Allah Subhanahu Ta’ala Uss Par Jahannam Ko Haraam Kar Dega”.
– (Sahih Muslim, Vol 1, 142)

• Wajahat: Yakinan Kalma-e-Tawheed Ki Fazilat Bohot Aala Aur Afzal Hai,..
Bilashubha Allah Ki Rehmat Uske Gazab Par Gaalib Hai,
Lekin Beharhaal ye Hadees-e-Mubarak Hume Kalma-e-Tawheed ki Aad me Gunaah Karne Ki Ijadat Hargiz Nahi Deti.
*Yaani ke Koi Kahe Ke Ab Humne Kalma Dil Se Padh Liya ab Jo Chahe Hum Kar Sakte Hai ,..
Aisa Hargiz Bhi nahi Hai Yaad Rakhiye ,..

– Jabki Kayi Aahadees ka Mafhoom hai ke – Momin Gunaahgar Apne Gunaaho Ke Sabab Jahannum me Azaab Payenge Aur Fir Wakt-e-Mukarrar Par Jahannum Se Nikaal Kar Jannat me Dakhil Kar Diye Jayenge ,..
Siwaay Unn Logon Ke Jinhone Allah Ki Zaat me Shirk aur Kufr Kiya ,.. aise Log Jahhannum me Humesha-Humesha Apne Rab ka Azab Paatey Rahenge ,.. Aur Waha Kisi Bhi Kism Ka Unhe Sukun na Honga ,.. aur Shirk se Muraad Shirk-e-Akbar bhi ho Sakta hai aur Shirk-e-Asgar bhi ,..
” Inna Lillahi Wa Inna Ilaihi Rajioon ”

» Sabaq: *Tou Beharhaal Hume Chahiye Ke – Kitabo Sunnat Ko Mazbuti se Thaam Le ,..
– Allah Aur Uske Rasool ki Taalimaat Par Hum Jamm Jaye ,..
– Aur Har Pal Jahannum Se Apne Rab Ki Panah Talab Karte Rahe …

♥ Allah Rabbul Izzat Se Dua Hai Ke –
# Allah Hum Sabko Kalma-e-Tawheed Ke Taqazo Ko Samjhne Aur Uspe Ikhlas Ke Sath Amal Ki Taufeeq Dey ,..
# Hume Tamam Kism Ke Shirk Se Apni Panah Ata Farmaye ,..
# Jab Tak Hume Zinda Rakhey Islam Aur Imaan Par Zinda Rakhey…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

• ummat-e-nabi.com/home
• Fb.com/HadiseNabwi