Maqbool Hajj Ka Koi Badla Nahi Siwaye Jannat Ke ….

♥ Mahfum-e-Hadees: Abu Huraira (Razi’Allahu Anhu) Se Riwayat Hai Ki,
Rasool’Allah (Sallallahu Alaihay Wasallam) Ne Farmaya –
“Ek Umarah Se Dusrey Umrah Tak Jitne Gunaah Ho Umrah Uska Kaffara Ban Jata Hai
Aur Maqbool Hajj Ka Koi Badla Nahi Siwaye Jannat Ke..”

Sunan Ibn Majah, Vol 1, H#1045 (Sahih)

*Hajj Ek Aisi Ibadat Hai Jo Tamam Sahibe Istehaat Musalmano Par Farz Hai
Lekin Hajj Ki Niyat Sirf Allah Ki Ibadat Ho, Aur Dikhawe Se Paak Ho..
*Bilkhusus Hajj Wo Ibadat Hai Jo Dikh Kar Aati Hai
Aur Allah Ke Nazdiq Aisi Ibadat Hargiz Qabile Qabool Nahi Jisme Riyakari Shamil Ho.

• Riyaakari Ka Mayne Hota Hai – ‘Logon Me Shohrat Ke Wastey Apne Amaal Ka Charcha Karna, Aisi Ibadat Jo Khalis Allah Ke Liye Karni Hoti Hai Lekin Hum Usey Logon Ko Dikhawe Ke Liye Karte Hai Taaki Log Humari Tareef Karey. Isey Riyaa Kehte Hai’. In Short ‘Logon Se Tareef Ki Ummid Me Amal Karna Riyaa Hai’..

• Riyaa Ki TabahKariya
Rasool’Allah (Sallallahu Alaihay Wasallam) Farmate Hai:
“Riyaa Ka Adna Martaba Bhi Shrik Hai..”
(Islami Akhlaq-O-Aadab, Hadees-7, Page-302)

• Shirk Karneka Nuksaan Kya Hai? – Hum Sab Jaante Hai Shirk Aisa Gunaah Hai Jiski Koi Muafi Nahi..
Allah Rabbul Izzat Quraan me Farmata Hai – “Jisne Allah Ke Sath Kisiko Shareek Tehraya, Allaah Ne Uss Par Jannat Haraam Kar Di. Uska Tikhana Jahannum Hai Aur Zalimo Ka Koyi Madadgar Na Hoga.” – (Al-Quran 5:72)

*Allah Ta’ala Hume Padhne Sun’ne Se Jyada Amal Ki Toufiq De. Hume Apne Hajj Aur Digar Faraiz Ko Riyaakari Ke Fitno Se Paak Rakhne Ki Toufiq Ata Farmaye, Hum Tamam Ko Beshumar Ilm Aur Amal Ki Toufiq De..
!!! Wa Akhiru Dawana Anilhamdulillahe Rabbil A’lameen !!!

Views: 1023

Leave a Reply

Be the First to Comment!

Notify of
avatar

wpDiscuz