"the best of peoples, evolved for mankind" (Al-Quran 3:110)
Browsing Category

Short Hadees

Jiski Namaz Asar Qaza Ho Gayee Uska

♥ Mafhoom-e-Hadees: Abdullah Bin Umar (Razi’Allahu Anhu) Se Riwayat Hai Ki –
Rasool’Allahu (Sallallahu Alaihay Wasallam) Ne Farmaya –
Jiski Namaz-e-Asar Qaza Ho Gayee (Yaani Nahi Padi
Uski Misaal Aisi Hai Ke) Uska Ghar Aur Maal Sab Loot Gaya..”

(Sahih Bukhari, Namaz Ke Waqton Ka Bayan: 553)

Jab Koi Shakhs Namaz Ke Liye Khada Hota Hai

♥ Mafhoom-e-Hadees: Anas Bin Malik (Razi’Allahu Anhu) Se Riwayat Hai Ki –
Rasool’Allah (Sallallahu Alaihay Wasallam) Ne Farmaya –
Jab Koi Shakhs Namaz Ke Liye Khada Hota Hai,
Tou Goya Wo Apne Rab Ke Saath Sargoshi (Yaani Baate) Karta Hai.
Ya Yu Farmaya Ki Uska Rab Uskey Aur Qibley Ke Darmiyan Hota Hai..”

(Sahih Bukhari, Volume 1, Hadith no. 405)

Pehalwan Wo Nahi Jo Logo Ko Pachad De

♥ Mafhoom-e-Hadees: Abu Huraira (RaziAllahu Anhu) se Riwayat hai ke,
Rasool’Allah (Sallallahu Alaihay Wasallam) Ne Irshaad Farmaya Ki –
“Pahlwan Woh Nahi Jo Logo Ko Pachad Deta Hai,
Balki Pehlwan Wo Hai Jo Gusse Ki Haalat Me Apne Nafs Ko Qaabu Me Rakhe..”

(Bukhari: 6114)

Musalmano Ke Gharo Me Subse Accha Ghar

♥ Mafhoom-e-Hadees: Nabi-e-Kareem (Sallallahu Alaihay Wasallam) Farmatey Hai Ke –
*Musalmano Ke Gharo Me Sub Se Behtareen Ghar Wo Hai
Jisme Koyi Yateem Rehta Hai Aur Iss Ke Saath Behtareen Salooq Kiya Jaata Ho ,..
*Aur Musalmano Ke Gharo Me Se Badd’tareen Ghar Wo Hai Ki
Iss Me Koyi Yateem Ho Aur Iss Ke Saath Bura Salooq Kiya Jata Ho..”

(Tibrani Kabeer: Hadith No.13434)

Sohbat Ki Baate Logo Me Bayan Karne Wale ki Misaal

♥ Mafhoom-e-Hadees: Allah Ke Rasool (Sallallahu Alaihay Wasallam) Farmate Hai Ke –
“Jis Kisi Ne Sohbat(Miya biwi Ke Darmiyan Jinsi Talluk) Ki Baate Logo Me Bayan Ki,
Uski Misaal Aisi Hai Jaise Shaitan Aurat Shaitan Mard Se Miley
Aur Logo Ke Saamne Hi Khuley Aam Sohbat Karne Lagey..”
(Abu Dawood, Jild-2, Hadith no.407, Safa-155, Baab No-127)

Allah Ke Nazdik Sab Se Pasandeda Amaal

♥ Mafhoom-e-Hadees: Rasool-e-Kareem (Sallallahu Alaihay Wasallam) Farmatey Hai Ke –
“Allah Ke Nazdik Sab Se Pasandeeda Amaal Waqt Par Namaz Parhna
aur Walidain Ke Saath Accha Sulooq (Husn-e-Sulooq) Karna Hai…”
(Bukhari, Jild 4, Page 589, Hadith no.7534)

♥ In’sha’Allah-Ul-Azeez !!!
Allah Ta’ala hume Kehne Sun’ne se Jyada Amal Ki Taufik Dey ,.. Ameen …

Dhoka Dene Wala Hidayat Par Nahi

♥ Mafhoom-e-Hadees: Nabi-e-Kareem (Sallallahu Alaihay Wasallam) Farmatey Hai –
“Jo Shakhs Kisi Musalman Ke Sath Makkar Karey,
Ya Nuqsaan Pahunchaye, Ya Dhoka De, Tou Jaan Ley Ke Woh Hum Me Se Nahi,..
(Yaani Humare Rastey Par Nahi Ya Hidayat Par Nahi Hai).”
(Kanzul Ummal J:3 S:218 Hadith no. 7822)

Har Jaruri Baat Allah Ki Tareef Se Shuru Karey

♥ Mafhoom-e-Hadees: Abu Hurairah (RaziAllahu Anhu) Se Riwayat Hai Ki –
Rasool’Allah (Sallallahu Alaihay Wasallam) Ne Farmaya:
“Har Wo Jaruri Baat Jo Allah Ki Tareef Se Na Shuru Ki Jaye
Wo Adhuri (Naqis) Hain..”
(Sunan Abu Dawud, Vol 3, 1412)

• Note: Allah Ki Taarif Se Muraad Hai
“Bismillah-Hirrahman-Nirrahim, In’sha’Allah , Subhan’Allah , Masha’Allah , Alahmdulillah aur TabarakAllah .. ”
(mukhtalif Suratehaal me Mukhtalif Humdo Tarif hai)