Proud to be Ummat-e-Rasool'Allah (Sallallahu Alaihay Wasallam)
Worldwide Roman Hindi Hadith/Hadees Collection
Exact matches only
">
">
">
">
Search in posts
Search in pages
Professional WordPress Plugins

Hindi Hidayat Post Hidayat Post 1498 results in ( 0.897 seconds)

Waqt Par Namaz Parhna …..

∗ Waqt Par Namaz Parhna …..

» Hadees : Ubadah Ibn As-Samit (Radi Allahu Anhu) Se Riwayat Hai Ki, Rasool’Allah ﷺ (Sallallahu Alaihay Wasallam) Ne Farmaya,
“Mere Baad Tum Par Aisey Log Hukmaran Hongey Jinki Mashguliyat Unko Waqt Par Namaz Ki Adayeegi Se Rok Degi Yahan Tak Ki Waqt Nikal Jayega Isliye Tum Apney Waqt Par Namaz Parhna.
Ek Shaksh Ne Pucha Ki, “Ya Rasool’Allah (Sallallahu Alaihay Wasallam)! Kya Main Unkey (Jamaat Me Sharik Hokar Dobara) Namaz Parh Lu ? ”
Aap ﷺ (Sallallahu Alaihay Wasallam) Ne Farmaya, “Haan Agar Tu Chahey”.
- (Sunan Abu Dawud, Vol 1, # 431)

Sood Lene Waalo Ka Qayamat me Anjaam …..

∗ Sood Lene Waalo Ka Qayamat me Anjaam …..

♥ Al-Quraan : Bismillah-Hirrahman-Nirrahim !!!
“Jo Log Sood Khatey Hain Wo Qayamat Ke Din Uss Shakhs Ki Tarah Uthengey Jinhey Shaitan Ne Lipat Kar Deewana Bana Liya Ho Yeh Haalat Unki Iss Wajah Se Hogi Ki Unhoney Kaha Tha Ki Kharid Wa Farokht Bhi Sood Ki Tarah Hai,
Jabki Allah Ta’ala Ne Kharid Aur Farokht Ko Halaal Qarar Diya Hai Aur Sood Ko Haraam Phir Jisko Uskey Rab Ki Naseehat Pahunchi Aur Wo (Sood Lene Se) Baaz Aa Gaya Toh Wo Jo Kuch Pahley Le Chuka Hai Wo Usi Ka Hai Aur Uska Muaamla Allah Ke Supurd Hai Lekin Agar Wo Phir Bhi Sood Leta Rahta Hai Toh Ye Log Jahannami Hai Yeh Iss Me Hamesha Rahenge”.
- (Al Quran, Surah Baqra, Verse 275)

Khuda Se Inka Gahra Talluq Hota Hai …..

∗ Khuda Se Inka Gahra Talluq Hota Hai …..

» Hadees : Hazrat Abu Huraira (Razi Allahu Ta’ala Anhu) Se Riwayat Hai Ki, Allah Ke Aakhri Rasool Sayyadena Muhammad ﷺ (Sallallahu Alaihay Wasallam) Ne Farmaya,
“Bahot Se Log Aise Hai Jo Behad Pareshaan Aur Gubaar Aalud Hain. Aur Jinhe Darwazon Se Dhakke De Kar Hataya Jata Hai. Agar Woh Khuda Par Qasam Khayen Toh Khuda Un Qasmon Ko Lazman Pura Kar De”.
Yaani Kahne Ko Toh Ye Log Pareshan Haal Aur Be Waqat Hote Hai Magar Khuda Se Inka Gahra Talluq Hota Hai. Woh Agar Khuda Ke Bharose Par Kisi Baat Par Qasam Kha le Toh Khuda Unki Qasam Puri Karke Rahega. Unki Darkhwast Radd Nahi Ho Sakti.
- (Muslim, Kalaam-e-Naboowat Part One Page No. 419)

Related Tag

Allah Ne Tum Par Haraam Kiya Murda Jaanwar ….

∗ Allah Ne Tum Par Haraam Kiya Murda Jaanwar ….

Rabbe Ta’ala Quraan-e-Kareem Me Irshad Farmata Hai Ke,
♥ Al-Quraan : Bismillah-Hirrahman-Nirrahim !!!
“Bilashuba Usne Tum Par Haraam Kiya Murda Jaanwar Aur Khoon Aur Suwar Ka Gosht Aur Wo Jaanwar Jis Par Allah Ke Siwa Kisi Aur Ka Naam Pukara Jaye, Albatta Jo Shaks Majboor Hojaye (Aur Haraam Cheez Khale) Basharte Ke Wo Nafarmani Karne Wala Aur Hadd Se Badh Jane Wala Na Ho Toh Allah Bakshne Wala Aur Meharbaan Hai”.
- (Sureh Nahl Ayat 115)

Maa-Baap Ke Naam Ek Khaas Paigaam ….

∗ Maa-Baap Ke Naam Ek Khaas Paigaam ….

»(1). Jis Bachche Ka Mazaaq Udaya Jata Hai Wo Baccha Buzdil Ban Jata Hai.
»(2). Jis Bacche Ko Maar-Peet Ka Samna Hota Hai, Uss Bacche Ki Salahiyate Dab Jati Hai.
»(3). Jis Bacche Par Eitbaar Nahi Kiya Jata, Wo Baccha Dhoka Dena Seekh Jata Hai.
»(4). Jis Bacche Ki Taarif Nahi Ki Jati Hai, Wo Baccha Acchi Cheezo Ko NaPasand Karne Lag Jata Hai.

!! Allah Rabbul Aalmin Hame Baccho Ki Sahi Tarbiyat Ki Taufeeq Ata Farmaye…

La Ilmi (Be-Ilm) Ka Elaaj Sawaal Karna Hai …..

∗ La Ilmi (Be-Ilm) Ka Elaaj Sawaal Karna Hai …..

» Hadees : Hazrat Jaabir (Razi Allahu Ta’ala Anhu) Se Riwayat Hai, Unhone Farmaya,
“Hum Log Safar (Journey) Me The Ek Sahabi Ko Patthar Laga Jis Se Unke Sar (Head) Me Zakhm Aa Gaya, Uske Baad Unhe Neend Me Nahane Ki Haajat Ho Gayi,
Unhone Apne Hamsafar Sahaba-e-Kiraam (Razi Allahu Ta’ala Anhu) Se Mas’ala Poocha Aur Kaha, “Kya Aapke Ilm Ke Mutabik Mere Liye Tayammum Karna Jayez Hai?”
Unhone Kaha, “Hamaare Khayal Me Toh Aapko Yah Izaazat Haasil Nahi”,
Kyonki Paani Maujood Hai, Chunanche Unhone Ghusl Kiya,
Jiske Nateeje Me Wah Mar Gaye, Jab Ham Nabi-e-Kareem ﷺ (Sallallahu Alaihay Wasallam) Ki Khidmat Me Pahunche Toh Yah Waqiya Bhi Arz Kiya,
Nabi-e-Kareem ﷺ (Sallallahu Alaihay Wasallam) Ne Farmaya, “Unhone Usey Qatl Kar Diya, Allah Unhe Qatl Kare! Agar Unhe Maloom Nahi Tha Toh Unhone (Kisi Saahib-e-Ilm Se) Pooch Kyun Na Liya? Kyonki La Ilmi Ka Ilaaj Sawaal Karna Hai”.
- (Sunan Abu Dawood, Kitabut Taharah, Baab Majrooh Tayammum, Hadees 336)

» Sabab : Jis Baat Ka Hame Ilm Nahi Uss Par Be-Buniyad Salaah Dene Se Bacha Kare, Mumkin Hai Ke Be-Ilm Se Dee Gayi Nasihat-Wa-Salaah Bina Tabdish Kiye Amal Karne Wale Ko Halaaq Hi Karde. Lihaza Behtar Hai Ke Kisi Sahib-e-Ilm Se Salaah Mahswara Kar Sahi Ilm Hasil Kare Aur Jaruratmando Ki Hajat Rawai Kare..

Haq Baato Par Amal Se Na Darro ….

∗ Haq Baato Par Amal Se Na Darro ….

Amal Karo…… Ilm Ke Mutabiq.
Bharosa Karo…… Rab Aur Uske Rasool Par.
Chipaya Karo…… Dusro Ke Aib.
Daraa Karo…… Rab Ki Naarazgi Se.
Emaan …… Ki Salaamti Waale Amal Karo.
Haasil Karo…… Ilm Ko.
Insaaf Karo…… Haq Ke Sath.
Jhuka Karo…… Rab Aur Maa Baap Ke Aage.
Khairaat Karo…… Mohtajo Aur Miskeen Ko.
Lihaaz…… Karo Bade Buzurgon Ka
Mohabbat Karo…… Chhoto Se.
Nafrat Karo…… Haraam Aur Bure Kaamo Se.
Parhez Karo…… Fizul Kharchi Se.
Reham Karo…… Yateemo Par.
Royaa Karo…… Rab Ke Darr Se.
Sabr Karo…… Musibaton Me.
Tauba Karo…… Gunaaho Se.
Yaad Karo…… Mout Ko.
Yakeen Karo…… Aakhirat Par.
Zindagi …….. Ek Kiraye Ka Ghar Hai,
Ek Na Ek Din Badalna Padega.
Mout Jab Tuzko Aawaz Degi,
Ghar Se Bahar Niklna Padega

» Allah Tamaam Emaanwalo Ko Haq Hidayat Ki Raah Ikhtiyar Karne Ki Toufiq Ata Farmaye.. Ameen !!!!

Khuda Ke Tamaam Qalaam Ki Pairwi Karo ….

∗ Khuda Ke Tamaam Qalaam Ki Pairwi Karo ….

Allah Taala Quraan-e-Kareem Me Nabi-e-Paak ﷺ (Sallallahu Alaihay Wasallam) Se Farmata Hai,
♥ Al-Quraan : Bismillah-Hirrahman-Nirrahim !!!
“Aye Muhammad ﷺ (Sallallahu Alaihay Wasallam) ! Keh Do Ke Logo Mai Tum Sab Ki Taraf Khuda Ka Bheja Hua Hoon Yaani Uss Ka Rasool Hoon. Wo Jo Aasmano Aur Zameen Ka Baadshah Hai. Uss Ke Siwa Koi Mabood Nahi Wohi Zindagani Bakhashta Hai Aur Wo Hi Mout Deta Hai. Toh Khuda Par Aur Uss Ke Rasool Paigambar Ummi Par Jo Khuda Par Aur Uss Ke Tamaam Qalaam Par Emaan Rakhte Hai Emaan Laao Aur Unn Ki Pairwi Karo Taake Hidayat Paao”.
-: (Surah: Al-A’raf : Ayaat 158)

Gunaah Dil Ko Pareshan Rakhta Hai ….

∗ Gunaah Dil Ko Pareshan Rakhta Hai ….

“Gunaah Kisi Na Kisi Surat Me Dil Ko Pareshan Rakhta Hai.
Sab Se Bada Gunaah Wo Hai Jo Karne Wale Ki Nazar Me Chhota Ho”.
-: Hazrat Usman-e-Gani (Radhi Allahu Ta’ala Anhu)

Related Tag

Rizq-e-Halaal Kamane Ka Ajar ….

∗ Rizq-e-Halaal Kamane Ka Ajar ….

» Hadees : Nabi-e-Paak (Sallallahu Ta’ala Alaihi Wa Aalihi Wa Sallam Ne Farmaya Ke,
“Jo Shakhs Iss Liye Halaal Kamaayi Karta Hai Ke Sawaal Karne (Mangne) Se Bache, Ahlo-Ayaal Ke Liye Kuch Hasail Kare Aur Padosi Ke Saath Husn-e-Sulooq Kare Toh Wo Qayamat Me Iss Taraah Aayega Ke Iska Chehra Chaudhvin Ka Chand Ki Tarah Chamakta Hoga”.
-: (Shoabul Emaan, Jild 7, Page No. 298, Hadees No. 10375)