Ummat-e-NabiProud to be Ummat-e-Rasool'Allah (Sallallahu Alaihay Wasallam)

 

 

     
Hindi Hidayat Post Hidayat Post 1493 results in ( 1.631 seconds)

Agar Tum Logon Ke Aibon Ki Khoj Kartey Firoge ….

3 views
∗ Agar Tum Logon Ke Aibon Ki Khoj Kartey Firoge ….

» Hadees : Hazrate Abu Hurairah (RaziAllahu Anhu) Se Riwayat Hai Ki, RasoolAllah (Sallallahu Alaihay Wasallam) Ne Farmaya -
“Agar Tum Logon Ke Aibon Ki Khoj Kartey Firoge, Tou Bajaye Logon Ka Sudhaar Hone Ke Log Aur Jyada Kharaab Honge”.
- (Abu Dawood : @[156344474474186:])

Tags:
     

Dilo Ka Jang(Rust) Kaise Door Hota Hai ….

3 views
∗ Dilo Ka Jang(Rust) Kaise Door Hota Hai ….

» Hadees : Hazrate Ibne Umar (RaziAllahu Anhuma) Se Riwayat Ki, Ki Rasool’Allah (Sallallahu Alaihi Wasallam) Ne Farmaya –
“Inn Dilo Me Bhi Jang (Rust) Lag Jaati Hai, Jis Tarah Lohe Me Paani Lagne Se Jang Lagti Hai”.
Arz Kiya “Ya RasoolAllah! Uski Jila Kis Cheez Se Hogi Yaani Dilo Ka Jang Kaise Door Hota Hai”.
Farmaya Kasrat Se Mout Ko Yaad Karne Aur Quraan-e-Kareem Ki Tilawat Se”.
- (Baihaki, Shobul Emaan – @[156344474474186:])

     

Apne Baccho Ko Acche Aakhlaq Sikhao …

7 views
∗ Apne Baccho Ko Acche Aakhlaq Sikhao …

♥ Qaul-e-Mubarak : Acche Aakhlaq : @[156344474474186:]
“Agar Chahte Ho Ke Tumhara Naam BaaKi Rahe Tou Apne Baccho Ko Acche Akhlaaq Sikhao”.
- Hazrate Shaikh Sayed (Rahmatullah Alayh)

Tags:
     

Dusron Ke Aib Chupane Ka Sawaab ….

4 views
∗ Dusron Ke Aib Chupane Ka Sawaab ….

» Hadees : Rasool’Allah (Sallallahu Alaihi Wasallam) Ne Irshad Farmaya Ki,
“Jo Aadmi Kisi Musalman Ke Aib Ko Dekh Le Aur Phir Usey Chhupaye Tou Isey Allah Ta’ala Itna Ziyada Sawaab Ata Karega Jaise Zinda Dafnayi Bacchi Ko Qabr Se Nikal Kar Uski Parwarish Kare Aur Uski Zindagi Ka Saamaan Karde.”
- (Mishkat 2-424 : @[156344474474186:])

     

Badnigahi Deen Ka Safaya Ker Degi ….

9 views
∗ Badnigahi Deen Ka Safaya Ker Degi ….

♥ Qaul-e-Mubarak : Hazrate Abdul Qadir Jilani (Rahmatullah Alayh) Farmate Hain -
“(Aye Ibne Aadam !) Aisi Jagah Mat Baith Jahan Teri Tabiyat Ka Josh Bhadak Ker Khud Tere Hi Emaan Ke Ghar Ko Aag Laga De, Jab Teri Tabiyat, Khwaish, Nafs Aur Tere Ander Ka Shaitaan Yeh Sab Bhadak Uthenge Tou Wo Deen Ka Safaya Kerdenge!”.
- (Sirat-A-Gaus-A-Alal-Aazam, Pf-105,106 – @[156344474474186:])

     

Bade Bhai Ka Chhote Bhai Par Haq ….

24 views
∗ Bade Bhai Ka Chhote Bhai Par Haq ….

» Hadees : Nabi-e-Kareem (Sallallahu Alaihay Wasallam) Farmate Hai,
“Bade Bhai Ka Haq Chhote Bhai Par Aisa Hee Hai, Jis Tarah Aik Baap Ka Apne Bete Par”.
- (Mishkat Shareef Vol:2 Hadees#4700 : @[156344474474186:]),
- (Islami Akhlaq-o-Aadab, Page#223, Hadees#21)

     

Neki Ke Sahih Mayne Quraan Ki Roshani Me ….

5 views
∗ Neki Ke Sahih Mayne Quraan Ki Roshani Me ….

♥ Al-Quraan : Bismillah-Hirrahman-Nirrahim !!!
Neki Ye Nahi Hai Ke Tumne Apne Chehre(Face) Mashriq Ki Taraf Kar Liye Ya Magrib Ki Taraf Balki Neki Ye Hai Ke Aadmi Allah Ta’ala Ko Aur Yaume Aakhir (Qayamat Ke Din Par) Aur Malaaika(Farishte) Aur Allah Ki Naazil Ki Huwi Kitaab Aur Uskey Paigambaro Ko Dil Se Maane Aur Allah Ki Mohabbat Me Apna Maal Rishte Daaro Aur Yateemo Par Miskeenoo Aur Musaafiro Par Madad Ke Liye Hath Phailaane Waalo Par Aur Gulaamo Ki Rihaai Par Kharch Kare..!
- (Surah 2; Al-Baqrah Ayat -177 : @[156344474474186:])

     

Quraan-e-Majid Huzoor Ka Aayinadar Hain! …..

3 views
∗ Quraan-e-Majid Huzoor Ka Aayinadar Hain! …..

» Azeem Haqikat : Rasool’Allah (Sallallahu Alaihay Wasallam) Arbi (Arab Ke) Hain Tou Quraan Bhi Arbi!
Jab Rasool’Allah (Sallallahu Alaihay Wasallam) Makka Me They Tou Waha Par Jo Wahi(Paigam) Allah Ta’ala Ki Jaanib Se Aap Per Nazil Hui Wo Aayatain MAKKI Kehlayi!
Jab Aap (Sallallahu Alaihay Wasallam) Madina Munnawara Me They Aur Waha Aap Per Allah Ta’ala Ki Aur Se Jo Wahi(Paigam) Nazil Hui Woh Quraani Aayatain MADNI Kehlayi Gayi!
Jitna Padhker Aap (Sallallahu Alaihay Wasallam) Ne Namaz Me Ruku Kerliya Tou Uss Hisse Ka Naam Ruku Hogaya!
Jis Jagah Aap (Sallallahu Alaihay Wasallam) Ne Ruku Ker Saans Le Li Wo Jagah Aayat Ban Gayi!
Jis Jagah Bina Saans Todey Tehre, Wo Jagah Sakhta Kehlayi!
Quraan-e-Majid Rasool’Allah (Sallallahu Alaihay Wasallam) Ka Aayinadar Hain!
- (Tafsir-A-Nayimi : @[156344474474186:])

     

Bhalayi Aur Burayi Ek Jaise Nahi Ho Sakti ….

4 views
∗ Bhalayi Aur Burayi Ek Jaise Nahi Ho Sakti ….

Ismey Koi Shaq Nahi Ke Allah Aur Uskey Rasool Ka Paigaam Haq Hai, Allah Ta’ala Ne Quraan-e-Kareem Ke Mubarak Ayat me Farmaya Ke -
♥ Al-Quraan : Bismillah-Hirrahman-Nirrahim !!!
“Bhalayi Aur Burayi Ek Jaise Nahi Ho Sakti Tou Tum Burayi Ko Apne Bhale Sulook Se Door Kar Do, Phir Kya Dekhoge Ki Jis Shakhs Aur Tumhare Beech Dushmani Thi Unme Aisa Ho Jaayega Jaise Koi Pakke Dost Hote Hai”.
- (Quran 41:34)

Iss Mudde Per Quraan-e-Karim Ki Rahnumaai Dil Ko Badaa Sukoon Deti Hai, Rabb-e-Taala Ne Burayi Ko Khatm Karne Ki Iss Ayat Me Kya Khoob Taaleem Di Hai Ki, Koi Jab Hamse Buraa Sulook Kare Tou Hame Uska Badla Bhale Sulook Ki Shakl Me Dena Chahiye Iss Tarha Se Ek Din Wo Bhi Hamare Dost Ho Jaaynge Jo Aaj Hamse Dushmani Rakhte Hain.

» Dua : Insha Allah !! Allah Taala Hume Parhne Sun’ne Se Jyada Amal Ki Toufiq De !!!

     

Islam Kya Hai ?

27 views
∗ Islam Kya Hai ?

Islam Kya Hai ?» Hadees-e-Nabawi : Islaam Ye Hai Ki Tum Shahadat(Gawahi) Do Ki Allah Ke Siwa Koi Ibaadat Ke Laaiq Nahi Aur Muhammad (Sallallahu Alaihi Wa Sallam) Uss Ke(Allah Ke) Rasool Hain,
Namaaz Qaaim Karo, Zakaat Ada Karo, Ramazaan Ke Roze Rakho Aur Agar Hajje Baitullah Jaane Ka Maal Paas Me Hai Tou Hajj Karo.
- (Muslim, Jild -1, Safa-27 : @[156344474474186:])

» Islaam Ke Farz Arqan 5 Hain :
∗(1) Kalma Padhna. (Shart) – (Must For Everyone)
∗(2) Namaaz Padhna. (Farze Ain. Muqarrar Waqt Par Din Me 5 Baar.)(For Everyone)
∗(3) Roze Rakhna. (Farze Ain. Maahe Ramazaan Me.) – (For Everyone)
∗(4) Zakaat Dena. (Saahibe Nisaab Par. Maahe Ramzan Me.) – (Only for Capable People)
∗(5) Hajj Karna. (Saahibe Isteta’at Par. Maahe Zil Hijja Me.) – (Only for Capable People)

**************
» (1) Kalma :
Ye Shahaadat (Gawahi) Dena Ke Allah Ta’ala Ke Siwa Koi Ibaadat Ke Laaiq Nahi Aur Muhammad (Sallallahu Alaihi WaSallam) Allah Ke Rasool Hain.

♥ Al-Quraan : Bismillah-Hirrahman-Nirrahim !!!
» Pas Jaan Lijiye Ke Allah Ke Siwa Koi Ma’abood Nahi.
- 47 Surah Al-Muhammad, Aayat 19
» Muhammad (Sallallahu Alaihi Wa Sallam) Allah Ke Rasool Hain.
- 48 Surah Al-Fath, Aayat 29
- – - – - – - – - – - – -

» (2) Salaat (Namaaz) :
Ba-Wuzu Qibla Roo Hokar Niyyat Karke Takbeere Tehrima Ke Baad Tarteeb Se Qayaam, Sana, Tilawate Surah Al-Faatiha Aur Qir’at, Rooku’, Qauma, Sujood, Jalsa, Qa’ada Aur Tashh-Hud Duroode Ibraheem Aur Dua-e-Mashura Ke Baad Salaam Karna.

♥ Al-Quraan : Bismillah-Hirrahman-Nirrahim !!!
» Beshak Namaz Mo’mino Par Muqarrar Waqt Ke Hisaab Se Farz Hai.
- 4 Surah An-Nisa, Aayat 103
- – - – - – - – - – - – -

» (3) Sawm (Roza) :
Allah Ta’ala Ki Ibadat Ke Liye Niyat Ke Saath Khud Ko Sub-H Saadiq Se Lekar Guroobe Aaftab Tak Khaane Peene Aur Jima’a (Sohbat) Se Roke Rakhna.

♥ Al-Quraan : Bismillah-Hirrahman-Nirrahim !!!
Aye Emaan Walo! Tum Par Roze Farz Kiye Gaye, Jaise Aglo Par Farz Hue The Ke Kahin Tumhe Parhezgari Mile.
Ginti Ke Din.
- Surah Al-Baqarah, Aayat 183, 184
- – - – - – - – - – - – -

» (4) Zakaat :
Allah Ke Liye Apne Maal Ka Utna Hissa Jo Shara’a Me Muqarrar Kiya Gaya Hai Musalman Faqeer (Haajatmand) Ko Dekar Usey Uss Maal Ka Maalik Bana Dena.

♥ Al-Quraan : Bismillah-Hirrahman-Nirrahim !!! :
» Aye Emaan Walo! Jo Kuchh Hum(Allah) Ne Tumhe Ata Kiya Hai Uss Me Se (Allah Ki Raah Me Nek Kaam Me) Kharch Karo.
- Surah Al-Baqarah, Aayat 254
- – - – - – - – - – - – -

» (5) Hajj :
Allah Ta’ala Ki Ibadat Ke Liye Ehram Ke Saath Niyat Karke Zil Hijja Ke 5 Din Me Ya’ni 8we Chand Se 12we Din Tak Mina Me Qayaam Karke Musalsal Muqarrar Din Ko Muqarrar Waqt Par Muqarrar Maqaam Par Tarteeb Ke Saath Muqarrar Arqan Ya’ni Wuqoofe Arafa, Wuqoofe Muzdalifa, Rami-e-Jimaar, Qurbani, Halaq Ya Takseer, Tawaafe Ziyarat Aur Mabeet (Wuqoofe Mina) Ada Karna.

♥ Al-Quraan : Bismillah-Hirrahman-Nirrahim !!!
Aur Allah Ta’ala Ka Haq Hai Insaan Par Ke Baitullah Ka Hajj Kare Jo Waha Pahunchne Ki Haisiyat Rakhta Ho.
- 3 Surah Aale Imraan, Aayat 97
**************

» Hadees-e-Nabawi : Islam Ke Fazr Arqan Khaime Ke Sutoono Ki Tarah Hain. Kalma-e-Shahadat Padhna Ye Bich Wala Sutoon Hai Aur Baaqi 4 Arqan 4 Kone Ke Sutoon Hain.
Agar Kisi Khaime Ka Bich Wala Sutoon Sahi Na Ho Tou Wo Qaaim Nahi Reh Sakta Aur Kone Ka Koi Sutoon Sahi Na Ho Tou Khaima Uss Taraf Se Jhuk Jaayega. Aur Agar Kone Ke Chaaro Sutoon Sahi Nahi Tou Khaima Khada Tou Hoga Magar Chaaro Taraf Se Jhuka Hua.
Isi Tarah Bagair Kalma-e-Shahadat Padhe Koi Shakhs Musalman Ho Hi Nahi Sakta Aur Baaqi 4 Me Se Koi Sahi Nahi Hoga Tou Uds Ka Deen Uss Taraf Se Sahi Nahi Hai. Ya’ni Agar Namaaz Ada Nahi Karta Tou Uske Deen Ka Khaima Uss Taraf Se Khaami Wala Hai Aur Isi Tarah Roza, Zakaat Aur Hajj Ka Bhi Hai. Agar Chaaro Farz Arqan Ada Nahi Karta Tou Wo (Kalma Padhne Se) Musalman Tou Hoga Magar Uske Deen Ka Khaima Mukammal Na Hoga Aur Khaami Wala Hoga.

**************
» Dua : Allah Ta’ala Uske Habeeb (Sallallahu Alaihi Wa Sallam) Ke Sadqe Me Sab Ko In Baato Ko Yaad Rakhkar Amal Karne Ki Aur Dusro Tak Pohchane Ki Taufiq Ata Farmae.
Aameen !!!!