Sunnat Ki Ahmiyat : Part-15

17 7,918

Beharhaal Jo Baatey Hum Aapke Samne Sunnat Ki Ahmiyat Ke Taaluk Se Rakh Rahe Hai Usey Pura Karenge Ek Wakiye Se,.. Jo Rasool’Allah (Sallallahu Alaihay Wasallam) Ka Ek Mash’hoor Aur Maruf Wakiya Hai ,.. Aur Ismey Bhi Ita-ate Rasool (Sallallahu Alaihay Wasallam) Ke Talluk Se Baat Wajeh Hoti Hai…

♥ Mafhoom-e-Hadees: Aap (Sallallahu Alaihay Wasallam) Ek Roz Sahaba-e-Kiram Ko Waaz Aur Nasihat Farma Rahe They Aur Umar Ibne Khattab (Razi’Allahu Anhu) Ek Taraf Khadey Hokar Tauraat Ka Nuskha Lekar Usmey Se Kuch Padh Rahey They…
Yeh Dekh Kar Rasool’Allah (Sallallahu Alaihay Wasallam) Ka Chehra-e-Mubarak Laal Ho Gaya.
Abu Baqar Siddhiq (Razi’Allahu Anhu) Ne Yeh Dekha Aur Kaha – ‘Aye Umar Kya Tum Dekh Nahi Rahe Ke Rasool’Allah (Sallallahu Alaihay Wasallam) Ka Chehra-e-Mubarak Kaisa Ho Gaya Hai Tumhare Iss Amal Par’ ..

Jab Aap Umar (Razi’Allahu Anhu) Ne Dekha Tou Fauran Kaha –
Radheetu Billahi Rabba, Wa Bilislami Deena, Wa Bi Muhammadin Nabiya”
(Tarjuma: Mai Raazi Hu Ke Allah Mera Rabb Hai, Deen Mera Islam Hai Aur Mohammad (Sallallahu Alaihay Wasallam) Mere Nabi Hai.)

Aur Fir Rasool’Allah (Sallallahu Alaihay Wasallam) Ne Umar Ibne Khattab Ki Taraf Dekha Aur Kaha –
Aye Umar! Agar Mere Hotey Hue, Musaa (Alaihay Salam) Bhi Aa Jaye, Tou Unko Meri Itteba Ke Siwa Aur Koi Chara Na Hoga! Aur Agar Mere Hotey Hue Tum Unki Baat Maano Tou Tum Gumraah Ho Jaoge” – (Bukhari Sharif) – @[156344474474186:]

* Andaza Lagaiye, Musaa (Alaihay Salam) Ke Talluk Se Baat Ho Rahi Hai, Jinke Talluk Se Khud Rasool’Allah (Sallallahu Alaihay Wasallam) Farmatey Hai Ke –
“Mere Aur Musaa Ke Bich Me Mu’azna(Comparison) Na Kiya Karo! Kyun Ke Qayamat Ke Roz! Jab Mai Behoshi Se Uthkar Khada Rahunga Tou Kya Dekhta Hu Ke Musaa Allah Ke Arsh Se Lag Kar Pahle Hi Khadey Hue Hai. Mai Nahi Janta Ke Wo Behosh Hue Ya Na Hue, Ya Mujhse Pahle Uthkar Khadey Ho Gaye”.

*Yeh Hai Musaa (Alaihay Salam)! Aur Aap 5 Ulool Azm Paigmabro Se Ek Hai.
Aur Inhi Ke Talluk Se Rasool’Allah Farmatey Hai Ke – Meri Moujudgi Me Musaa Bhi Aa Jaye Tou Meri Itteba Ke Siwa Aur Koi Chara Na Hoga, Aur Tum Unki Itteba Karo Tou Tum Gumraah Ho Jaoge., .

*Tou Jab Musaa (Alaihay Salam) Ki Itteba Rasool’Allah (Sallallahu Alaihay Wasallam) Ki Moujudi Me Karne Se Gumraahi Aati Hai ,..
Tou Andaza Lagayiye, Rasool’Allah Ko Chorrkar Jin Logon Ne Inko Aur Unko, Falah Aur Falah Ko Itteba Ke Layak Bana Liya Hai Unka Kya Hoga Sirf Tasawwur Hi Kiya Ja Sakta Hai..

Aur Fir Iske Baad Humara Ye Kehna Ke –
*Inki Aur Unki Baat, *Aisi Aur Waisi Baat,
* Bado Ki Aur Choto Ki Baat, * Ilaqe Aur Rangat Ki Baat

Yaad Rakhiye Ye Tou Bohot Hi Ghatiya Baat Hai !
Yakinan Musaa (Alaihay Salam) Jaisa Muqaam Iss Ummat Ke Kisi Bhi Shaksh Ka Nahi Ho Sakta..
*Puri Insaniyat Bhi Jama Ho Jaye, Tou Ek Nabi Ke Muqaam Tak Nahi Pohoch Sakti..

*Tou Andaza Lagayiye Humne Tou Rasool’Allah (Sallallahu Alaihay Wasallam) Ko Chorrkar Pata Nahi Kin-Kin Ko Apna Sahara Bana Liya.. Kin-Kin Ke Tareeko Par Hum Chaltey Hai Aur Kya-Kya Amaal Humne Apni Zindagi Me Ijad Kar Liye Hai..

# SABAQ: Iss Aahdees-e-Mubarak Se Maloom Hua Ke Allah Ke Nazdeeq Kisi Shakhs Ka Imaan Kabile Kabool Nahi Jab Tak Ke Wo Rasool’Allah (Sallallahu Alaihay Wasallam) Ki Iteeba Na Karey..

*Aur Ab Jab Rasool’Allah (Sallallahu Alaihay Wasallam) Ki Shariyat Allah Ne Tamam Aulaade Adam Par Farz Ki Hui Hai Tou Rasool’Allah Ko Chorrkar Kisi Aur Ke Tareeko Ko Tasleem Karna Bhi Gumraahi Hogi..

– Lihaja Humey Chahiye Ke Shariyat Ka Sahi Ilm Hasil Kare, Uss Par Khud Bhi Amal Karey Aur Auro Ko Bhi Zamane Jahiliyat Ke Fitno Se Aagah Karne Ki Koshish Karey..

♥ In’sha’Allah-Ul-Azeez!!!
# Allah Ta’ala Humey Rasool’Allah (Sallallahu Alaihay Wasallam) Ki Sunnato Ka Muttabe Banaye,
# Rasool’Allah (Sallallahu Alaihay Wasallam) Ki Sacchi Mohabbat Hum’me Daaley…
# Unki Sunnato Ko Samjhna Aur Uspar Chalna Humare Liye Aasan Karey..
# Aur Humari Naslo Me Rasool’Allah Ki Sunnat Ko Baaki Rakhey..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

☼ Sunnat Ki Ahmiyat Parts:

1 2 3 4 5 6 7 8 9 10 11 12 13 14 15

You might also like
17 Comments
  1. hassan says

    Subhanallah

    1. Suraiyya says

      Subhanallah

  2. danish says

    Subhan allah

  3. Ayesha Tasleem says

    Subhanallah
    Jazakallah khair
    Allah hum musalmano sunnaton par amal karne ki taufeeq de….Ameen
    Aur hamare dilo me nabi e paak hazrat Muhammed Mustafa sallallahu Alaihiwasallam k liye beinteha mohabbat ata farma…..Ameen.

    1. shahidur says

      Subhanallah

  4. saif alam says

    subhan allha

  5. rehan sheikh says

    SUBHANALLHA

  6. Nadia says

    “””Tou Andaza Lagayiye Humne Tou Rasool’Allah (Sallallahu Alaihay Wasallam) Ko Chorrkar Pata Nahi Kin-Kin Ko Apna Sahara Bana Liya.. Kin-Kin Ke Tareeko Par Hum Chaltey Hai Aur Kya-Kya Amaal Humne Apni Zindagi Me Ijad Kar Liye Hai..””
    “”Jin Logon Ne Inko Aur Unko, Falah Aur Falah Ko Itteba Ke Layak Bana Liya Hai Unka Kya Hoga Sirf Tasawwur Hi Kiya Ja Sakta Hai..””
    Ye jo aap keh rahe hai– aap ka ishara kis ki taraf hai?
    zara khul ke bataye.
    Mai aap ke reply ka intezaar karungi.
    Fiamanullah

    1. Admin says

      yaha andhi taqleed ka zikr kiya hai humne..
      yaani jo aaj ka haal chal raha hai
      peeri muridi ka silsila ,..
      ya kitabo sunnat ko chorrkar apne falah aur falah hazrat ki itteba karna gumrahi hai
      is post me yahi bataya humne…

  7. Nadia says

    subhanallah
    subhanallah
    subhanallah
    Yaad Rakhiye Agar Humne ‘Muhammadur Rasoolullah’ Kaha
    Tou Humari Zindagi Ka Khatma Aur Zindagi Ka Har Pailu
    Rasool’Allah (Sallallahu Alaihay Wasallam) Ke Tareeke Par Hi Hona Chahiye..

  8. Nadia says

    excellent–subhanallah
    “Lekin Aaj Humara Muamla Yeh Hai Ke –
    Bus!!! Humne Keh Diya Na! Ab Hum Adey Rahenge !
    Fir Chahey Yeh Allah Ke Khilaf Ho,
    Rasool’Allah (Sallallahu Alaihay Wasallam) Ke Khilaf Ho,
    Shariyat Aur Deen Behar’haal Wo Cheez Jane Dijiye ,
    Humne Keh Diya Muamla Tay Ho Gaya ….. (Nauzubillah! Summa Nauzubillah)

    1. Admin says

      ye un logon ka rawayya bataya hai jo log Allah aur uske Rasool ke
      bataye tareeke ke bajaye apne bujurgo ke tareeko par chalte hai ..

  9. Mohd Aurangzeb AHAMAD KHAN says

    Bahut hi badhiya h

    Mashaallah

  10. Arshad Ali says

    Subhaanallah

  11. Arshad Ali says

    Allah him sabko rasool ki sunnato par aml karne ki tofeeq ata farmai aameen

  12. Arshad Ali says

    Inshaallah

  13. Muhammad modassir says

    Aameen suma Aameen

    Ya rabbul Aalameen

Leave A Reply

Your email address will not be published.