Allah Rabbul Izzat Quran-e-Kareem me Farmata Hai:
♥ Al-Quraan: “Beshaq Momin Aapas Me Bhai-Bhai Hai”
– [Surah(49) Hujrat; Ayat-10]
– Ek Riwayat Me Rasool’Allah (Sallallahu Alaihay Wasallam) Farmatey Hai –
♥ Mafhoom-e-Hadees: “Momin Dusre Momin Ka Aaeena (Mirror) Hai,
Aur Momin Dusre Momin Ka Bhai Hai. Jo Nuksaan Ko Uss Se Door Karta Hai
Aur Uski Gair-Moujudgi Me Uski Hifazat Karta Hai”.
– (Sunan Abu Dawud, Vol-3, Hadith no. 1486)
# Subhan’Allah!! –
– Kya Wakay me Aaj Hum Me Aisa Bhaichara Hai ?
– Kya Wakay me Aaj Hum Ek-Dusre Ki Aibposhi Karte Hai?
Aur Ek-Dusre Ki Islah Ki Niyat Rakhte Hai ?
*Allah Reham Karey!! Aaj Hum Choti-Choti Fiqri Ikhtelaaf Ki Buniyad Par
Ek Dusre Par Kufr Ke Fatwe Lagaane Se Bhi Baaz Nahi Aatey ,..
*Chand Mafadparast Logon Ke Behqaawe Me Aakar Hum Apne Hi Bhaiyo Ko Zaleel Aur Ruswa Karne Lag Gaye ,..
*Angrezo Ki Policy Divide & Rule Ka Istmal Kar Rasool’Allah Ki Ummat Ko Firqo Me Banta Ja Raha Hai
Aur Hum Unkey Fareb Ko Samjh Bhi Nahi Pa Rahe ,..
*Pahle Angrezo Aur Unke Mukhbiro Ne Ummat Me Inteshar Failaye ,..
Ab Chand Imani Kamzori Ke Log Is Kaam Ko Apne Chando Ke Dhando Ke Lalach Me Sir-Anjam De Rahe Hai ,..
# Tajjub ki Baat Hai !!! Log Kitabo-Sunnat ke Barkhilaf Falah aur Falah ki Tabedari ko Haq Taslim Kar Letey Hai ,…
– Aur Kitabo-Sunnat Par Chalne Walo ko Gumraah Kehte hai ,…
– Na Janey Kaisi Kaisi Badd’Qalami Karte Hai,..
– Hatta ki Gaaliyo Ki Bouchhar Tak Karte hai ,… (Subhan’Allah!!)
*Aur Fir Jab Allah Ka Gazab Nazil Hota Hai Tou Uss Sey Reham Ki Ummid Karte Hai –
“Ke Qoume Humpar Kyu Tasslud Kar Rahi Hai ?”
# Yaad Rakhiye !!! Humara Dushmanane Deen Ke Hatho Shikahat Hona Ye Allah Ki Taraf Se Hume Nashisth Hai Ke –
“Ek Ho Jao, Allah Aur Uskey Rasool Ke Farmabardar Ho Jao! Ya Pichli Ummato Ki Tarha Halaaq Ho Jao ..”
Aur Iske Beshumar Hawale Hume Qurane Kareem Se Aur Qoumo Ki Tareek Se Miltey Hai ,..
*Tou Beharhaal Hume Chahiye Ke Qoum Ke Shar-Pasando Ko Pehchaney ,..
*Unkey Fareb Ko Janey Aur Ummat Me Inteshar Failane Walo Se Doori Ikhtiyar Karey ,..
* * * * * *
# Allah Rabbul Izzat Hum Tamam Ko Ek Aur Nek Banaye ..
# Mafadparasto Ke Fitno Se Humare Imaan Ki Salamti Ata Farmaye…
# Jab Tak Hume Zinda Rakhey Islam Aur Imaan Par Zinda Rakhey…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!
• ummat-e-nabi.com/home | • Fb.com/HadiseNabwi
