Momeen Dozakh aur Jannat ke darmiyan rok liye jayenge Jabtak ke …

♥ Mafhoom-e-Hadees: Abu Saeed khudri Radhi allahu anhu se rivayat hai ki
RasoolAllah (Sallallahu Alaihay Wasallam) ne farmaya:
“Momeen dozakh se chutkara pa jayenge lekin dozakh aur jannat ke darmiyan ek pool hai jaha unhe rok liya jayega aur phir ek dusre par kiye gaye zulmo ka badla liya jayega jo duniya mein unke darmiyan huye they ,
jab sab kuch saaf aur paak ho jayega (yaani sabko badla mil jayega) uske baad unhe jannat me dakhil hone ki ejazat milegi,.
Uss Zaat ki Qasam jiske haath me Muhammad (Sallallahu Alaihay Wasallam) ki jaan hai jannaatiyo mein se har koi apne ghar ko duniya mein apne ghar ki muqable mein zyada achchi tarah pahchan lega,.”
– Sahih Bukhari, Vol 8, Hadith no. 653

♥ Mafhoom-e-Hadees: Abu Hurairah (RaziAllahu Anhu) se rivayat hai ki, RasoolAllah (Sallallahu Alaihay Wasallam) ne farmaya:
“Jisne apne kisi bhai par zulm kiya ho tou usey chahiye ki is se (duniya mein) Muaf kara le, kyunki aakhirat mein dinar aur diraham (Rupye paisey)nahi honge , is se pahle (maaf karwa le warna) uske bhai ke liye uski nekiyon mein se haq dilaya jayega aur agar uske paas nekiya nahi hongi to us (mazlum) bhai ki buraeeyan us par daal di jayegi.”
– Sahih Bukhari, Vol 8, Hadith No. 6534

♥ SubhanAllah !!!
Allah Ta’ala Hume Kehne Sun’ne Se Jyada Amal ki Taufik Dey ,..

This website uses cookies to improve your experience. We'll assume you're ok with this, but you can opt-out if you wish. AcceptRead More