Agar tum Bade badey Gunaahon se bachoge tou

!!! Bismillah Ar-Rahman Ar-Rahim !!!
♥ Al Quran: Agar tum Un Bade bade Gunaahon se bachoge jinse tumhe mana kiya gaya to hum tumharey (chotey) gunaah muaf kar dengey aur tumhe Ezzat ke Maqam mein dakhil karengey,..
– Surah Nisa (4) Aayah 31

♥ Mafhoom-e-Hadees: Abu Bakr (RaziAllahu Anhu) se rivayat hai ki,
RasoolAllah (Sallallahu Alaihay Wasallam) ne farmaya:
“kya main tumhe sabse bada gunaah na batauu,..”
humne arz kiya “zarur bataeeye ,…”
Aap (Sallallahu Alaihay Wasallam) ne farmaya:
ALLAH ke saath Shirk aur Waldein ki nafarmani karna (bade Gunaah hain),
aur farmaya ki aagah ho jao jhoothi baat aur jhoothi gawahi bhi,
aagah ho jao jhoothi baat aur jhoothi gawahi bhi (bade Gunaah hain)
Aap (Sallallahu Alaihay Wasallam) isey baar baar dohrate rahe yahan tak ki humne socha Aap (Sallallahu Alaihay Wasallam) khamosh nahi honge ,..
– Sahih Bukhari, Vol 7, 5976

♥ In’sha’Allah ul Azeez !!!
– Allah Rabbul Izzat hume Kehne Sunne se Jyada Amal ki Taufik Dey,.
– Hume Tamam kism ke Kabira aur Sageera Gunah se bachaye,.. Ameen .. Summa Ameen ,..

Leave a Reply

avatar
  Subscribe  
Notify of