Daily Beautiful Hadith of the day in the light of Authentic Sources | Daily Hadees notification
Hadees of the Day
Allah ke Rasool ﷺ ne farmaya ki:
“Kisi Kaam ka Badla dena Sila Rehmi nahi hai balki Sila Rehmi karne wala wo hai ki jab Uskey Sath Sila Rahmi ka mamla na kiya ja raha ho tab bhi wo Sila Rehmi kare.”
Hadees of the Day
RasoolAllah (ﷺ) ne farmaya:
“Jis Shakhs ne Apne Bhai ke liye Uski Peeth piche Dua ki tou jo Farishta uske Sath Muqarrar hai, Woh kehta hai: “Aameen! Tumhein bhi Uske Jaisa miley.”
![۞ Hadees: Bolo to acchi baat baat ya Khamosh Raho. [Sahih Bukhari 6019] #IplusTV #IslamicQuotes](https://i0.wp.com/ummat-e-nabi.com/wp-content/uploads/2020/02/۞-Hadees-Bolo-to-acchi-baat-baat-ya-Khamosh-Raho.jpeg?fit=300%2C300&ssl=1)
Hadees of the Day Acchi baat kaho ya Khamosh Raho Allah ke Rasool (ﷺ) ne …
Hadees of the Day
RasoolAllah(ﷺ) ne farmaya:
“Wo Shakhs Jhoota Nahi Jo Logon ke Darmiyaan Sulah karwaane ke liye Jhoot boley.”
Sabaq: Logon ke darmiayan Sulah karwaneki niyat se bola gya jhuth muaf hai.
Hadees of the Day
Allah ke Rasool (ﷺ) ne farmaya:
“Jis Shakhs ne Subah ke Waqt 7 Ajwa Khajoorein Kha li us Din Use na Zehar Nuqsan Pahoncha Sakta Hai na Jaadu.”
Hadees of the Day
Allah ke Rasool (ﷺ) ne farmaya:
“Koi Momin Mard, Apni Momina Biwi se Bhugz (nafrat) na rakkhe,
kyunki agar Us sey uss ki koi Aadat Napasand hai tou koi dusri pasand bhi hogi.”
Hadees of the Day
Rasool’Allah(ﷺ) ne farmaya
“Momin Naa tou Taana dene Wala Hota hai, Naa Lanat karne wala, Naa Fahash Bakne wala Behooda hota hai.”
Hadees of the Day
Rasool’Allah (ﷺ) ne farmaya ki, Allah Subhanahu Ta’ala farmata hai
“Aye Aadam ke Betey! Kharch kar ki Mai bhi Tujh par kharch Karunga” aur Rasool’Aallah (ﷺ) ne farmaya “Allah ka Haath (Dast-e-Qudrat) bharaa hua hai (Raah-e-Haq Par) Raat Din Kharch karney se kuch kum nahi hota.”
Hadees of the Day
Allah ke Rasool (ﷺ) ne farmaya :
“Jis Shakhs ne Subah (Fazr) ki Namaz Padhi woh Allah Taala ko Zimmedari (Aman) mein hain.”
Hadees of the Day
Allah ke Rasool (ﷺ) ne farmaya
“Bewaon (Widow) aur Miskeenon (Gareeb) ke kaam aane wala Allah ki Raah me Jihaad karne wale ke barabar hai, ya Raat bhar Ibadat aur Din bhar Roza rakhne wale ke barabar hai.“
Hadees of the Day
Nabi-e-Kareem ﷺ ne chand Khatoot (Laqeere) khichi aur farmaya ki
Ye Ummid hai aur ye Mout hai, Insan usi Halat ( Ummidon tak pahunchne ) me Rehta hai ki Qareeb wala Khat (Mout) us tak pahunch jata hai.
Hadees(Verse) of the Day
Allah Ta’ala farmata hai:
“Jin Logon ko Humare Paas Aane ka Yaqeen Nahi hai aur Woh Duniyawi Zindagi par Raazi ho gaye aur us Mein Jee laga baithe aur Jo log Humari Aayaton se Ghaafil hain.
Aise Logon ka Thikaana Unke Aamaal ki Wajah se Dozakh (Jahannum) hai.”
Hadees of the Day
Allah Ke Rasool (ﷺ) ne farmaya:
“Tu apne Bhai ki Madad kar! chahe woh Zaalim ho ya Mazloom.”
Tou ek shakhs ne pucha “Aye Allah ke Rasool (ﷺ) ! Mazloom hone ki Soorat me tou hum uski madad karenge, lekin Zaalim hone ki soorat me uski Madad kaise kare?”
Tou Aap (ﷺ) ne farmaya ke
“Tum Usey Zulm karne se rok do, yahi uski Madad karna hai.”
Hadees(Verse) of the Day
Allah Ta’ala Jannatiyon ki Pehchan Batate hue farmata hai:
“Aur Woh Allah Ta’ala ki Mohabbat Mein Khaana Khilaate hain Miskeen, Yateem aur Qaidiyon ko.”
Hadees of the Day
Allah ke Rasool (ﷺ) ne farmaya:
“Sabse Badtareen Jhoot Yeh hai ki Insaan Khwaab mein Aisi Cheez ko Dekhne ka Daawa kare Jo Uski Aankhon ne na Dekhi Ho.“
Hadees of the Day
Allah ke Rasool (ﷺ) ne farmaya:
“Jannat mein Ek Kooda Rakhne Jitni Jagah Duniya aur is mein Jo kuch hai, Sab se Behtar hai.”
Hadees of the Day
Hazrte Abu Huraira (R.A) se Mairvi hai ki,
Rasool’Allah (ﷺ) ka farman hai –
“Allah Ta’ala ke kuch Sayyah (Yaani Sair Karne Wale) Farishte hai,
Jab Woh Mehafil-e-Zikr (Allah ka Zikr/Ibadat karne walo) ke Paas se Gujarte hai tou
Ek Dusre se kahte hai: (Yahan) Baitho.
Jab Zakirinn (Zikr Karnewale) Dua Mangte hai tou Farishte Unki Dua par ‘Aameen’ Kehte hai.
Jab Woh Nabi (ﷺ) par Durood bhejte hai tou Woh Farishte bhi Unke Sath Milkar Durood bhejte hai, Hatta ki woh Muntashir (Yaani Idhar Udhar) ho jate hai.
Phir Farishte ek dusre ko kahte hai ki Inn Khush-Nasibo ke liye Khush-Khabari hai ki woh Magfirat ke saath wapas ja rahe hai.”
Hadees of the Day
Allah ke Rasool (ﷺ) ne farmaya:
“Agar Koi Shakhs Kisi Shakhs ko Kaafir ya Faasiq kahe aur Woh Dar Haqeeqat Kaafir ya Faasiq na ho to Khud Kehne wala Faasiq aur Kaafir ho Jayega.”
Hadees of the Day
Allah ke Rasool (ﷺ) ne Farmaya:
لأن يحتطب أحدكم حزمة على ظهره،خير له من أن يسأل أحدا فيعطيه أو يمنعه
“Agar Koi Shakhs Lakdiyon ka Gattha Apni Peeth Par (Bechne ke liye) Liye Phire to Woh is se Achcha hai ki kisi ke Samne Hath Phailaye phir Chahe usey (koi) Kuch de ya na de.”
Hadees of the Day
Abu Huraira (R.A.) se riwayat hai ke,
RasoolAllah (ﷺ) ne farmaya –
“Koi Shakhs apne kisi deeni bhai ki taraf hathiyar se ishara na karey kyunki wo nahi janta mumkin hai ke Shaitan uskey haath se chura de aur phir wo kisi Musalman ko maar kar uski wajah se jahannum ke Ghaddey me gir jaye.”
Hadees of the Day
Anas (R.A) se riwayat hai ke, Nabi-e-Kareem (ﷺ) ne farmaya:
❝4 Cheeze badnaseebi ki pehchan hai; (1) Aankho ka khushk hona, (2) Dil ka Sakht hona, (3) Ummidon ka lamba hona, (4) Dunia ki hirs wa lalach ka hona .❞
Hadees of the Day
Abdullah (R.A) se riwayat hai ke Allah ke Rasool (ﷺ) ne farmaya:
“jab Teen shaksh saath ho to teesre Shakhs ko chor kar Do log aapas me Kaanafusi (chupke se baat) na karey.”
Hadees of the Day
RasoolAllah (ﷺ) ne farmaya:
“Jo Shakhs ilm Haasil karne ke liye koi Raasta tay karta hai to Allah Ta’ala Uski wajah se Uske liye Jannat ka Raasta Asaan Kar Deta hai.”
Hadees of the Day
۞ Hadees: Rasool’Allah (ﷺ) ne farmaya,
“Jis Shakhs ne apni Qurbani ka Chamda
baich diya to uski koi Qurbani nahi hai.”
Hadees of the Day
۞ Hadees: Nabi-e-Kareem (ﷺ) farmate Hai:
“Jisme Shaq wa Shuba ho, usko chorkar uss cheez ko ikhtiyaar karo jis me shaq wa shuba naa ho.”
Hadees of the Day
۞ Hadees: Abu Hurairah (R.A.) se riwayat hai ke,
RasoolAllah (ﷺ) ne farmaya :
“Sadqe ne maal me kabhi koi kami nahi ki aur Muaf Karne se Allah Subhanahu Bande ko Izzat hi me badhata hai aur jo shakhs sirf Allah Subhanahu ki khatir Aajizi ikhtiyar karta hai to Allah Subhanahu uska Maqam buland Kar deta hai.”
Hadees of the Day
Abu Huraira (R.A.) se riwayat hai ke,
Allah ke Rasool (ﷺ) ne farmaya:
“Hazrat Musaa (Alaihi Salam) ne Allah Taala se daryaft kiya ke Aap ke nazdik sabse jyada Izzat wala banda koun hai?“
Allah Taala ne farmaya ke:
“Jo badla lene ki Quwwat ke bawajud bhi muaf kar de.”
Hadees of the Day
۞ Hadees: Nabi-e-Kareem (ﷺ) farmate Hai:
“Tumhaare Kamzoron ki wajah se hi tum ko Rozi di jaati hai aur tumhaari madad ki jaati hai.”
Hadees of the Day
۞ Hadees: Hazrate Samrah (R.A.) ne farmaya,
Hum Darbaar-e-Nabuwat (ﷺ) me haazir they ke, Ek Shakhs haazir hua aur arz kiya
“Ya Rasool’Allah (ﷺ) ! Allah Ta’ala ke Qareeb tar Aamal kya hain? ”
Aap (ﷺ) ne farmaya “Sach Bolna aur Amanat ka Aada karna.”
Arz kiya gaya “Huzoor (ﷺ) Kuch aur Irshad farmaiye! ”
Aap (ﷺ) ne farmaya :
“Tahajjud ki Namaz aur Garmiyon ke Roze.”
Phir Maine arz kiya “Huzoor (ﷺ) Kuch aur Irshad farmaiye!”
Aap (ﷺ) ne farmaya:
“Zikr-e-Elahi ki Qasrat karna aur Mujh par Durood-e-Paak Padhna tangdasti ko door karta hai.”
Mai ne arz kiya “Kuch aur Irshaad farmaiye.”
Aap (ﷺ) ne farmaya
“Jo kisi Qoam ka Imaam baney tou Halki Namaz parhaye, Kyun ki Muqtadion me Burhay(Oldage) bhi hotey hai, Bimaar bhi, Bacche bhi aur Kaam kaaj wale bhi.”
📕 Al-Qawl Al-Bade’e, Pg 129
📕 Sa’adat Al-Daarain, Pg-714
Aaj ki Hadees | Hadees of the Day
۞ Hadees: Anas (R.A) se riwayat hai ki RasoolAllah (ﷺ) ne farmaya
“Jo shaksh kisi Maa ko uske bachche se juda karega to Allah subhanahu Qaymat ke din usko uske mehboob logo se juda kar dega.”
Hadees Of The Day
۞ Hadees: Rasool’Allah (ﷺ) ne Irshad farmaya ke –
“Nikah Meri Sunnat hai, aur jo koi meri Sunnat par amal na kare uska mujhse koi talluq nahi. “
Aaj ki Hadees | Hadees of the Day
Abu Darda (R.A) farmate hai ke,
Maine Allah ke Rasool (ﷺ) ko ye farmatey huye suna,
“Walid (Baap) Jannat ka Markazi Darwaza hai, Ab ye Tumhari Marzi hai ke Tum Iss Darwazey ko Zaya Karo (Yaani Iss Ko Naraaz kar ke Jannat se Mehroom bano) ya Iski Hifazat karo (Yaani Iss ki Khidmat ke Raste se Jannat me Dakhil ho jao.)”
📕 Jameh Tirmazi: 1900,
📕 Sunan Ibne Majah: 2089,
📕 Musnad Ahmed: 4456
Aaj ki Hadees | Hadees of the Day
❖ Hadees: Abdullah (R.A.) se riwayat hai ke,
Allah ke Nabi (ﷺ) ne farmaya:
❝ Jo shakhs museebat mein pareshaan aadmi ko tasalli deta hai
to us ko bhi pareshaan aadmi ki tarah sawaab milta hai.
Aaj ki Hadees | Hadees of the Day
۞ Hadees: Abu Huraitah (R.A.) se riwayat hai ke,
Rasool’Allah (ﷺ) ne farmaya:
“Dusro ki Aurton se door raho, Tumhari Auratein bhi Paak Daaman rahengi.”
Aaj ki Hadees | Hadees of the Day
۞ Hadees: Abu Huraitah (R.A.) se riwayat hai ke, Rasool’Allah (ﷺ) ne farmaya:
‟Apne Walidain ke sath accha sulook karna, tumhari aulaad bhi tumhare sath accha sulook karengi.
Aaj ki Hadees | Hadees of the Day
۞ Hadees: Ka’b bin Ujrah (R.A.) se riwayat hai ke Rasool’Allah (ﷺ) ne farmaya:
❝ Sadqa Gunaahon ko iss tarha khatam kar deta hai jis tarah paani Aag ko bujha deti hai. ❞
Aaj ki Hadees | Hadees of the Day
۞ Hadees: Abu Musa (R.A.) se riwayat hai ke, Rasool’Allah (ﷺ) ne farmaya:
‟Agar kisi se milne jao tou andar dakhil hone se pehle 3 martaba ijazat maang lo, agar ijaazat mil jaye tou thik hai, warna wapas laut jao
Hadees of the Day
✦ Hadees: Abu Musa (R.A.) se riwayat hai ke, RasoolAllah (ﷺ) ne farmaya:
Allah Ta’ala Zaalim ko chand roz duniya me muhlat deta rehta hai lekin jab pakadta hai toh phir nahi chodta. Rawi ne bayan kiya ke phir Aap (ﷺ) ne is aayat ki tilawat ki:
{ وَكَذَلِكَ أَخْذُ رَبِّكَ إِذَا أَخَذَ الْقُرَى وَهْىَ ظَالِمَةٌ إِنَّ أَخْذَهُ أَلِيمٌ شَدِيدٌ }
“Aur tere Parwardigar ki pakad issi tarha hai, jab wo basti walo ko pakadta hai Jo zulm karte rehte hain, beshak iski pakad badi takleef dene waali aur badi hi sakht hai.” (Surah Hud 11:102)
📕 Sahih al-Bukhari; © www.ummat-e-nabi.com/home | Arabic ref: Book 65, Hadith 4686
Hadees of the Day
۞ Hadees: Rasool-e-Kareem (ﷺ) farmate hai:
“Momin ka Muamla bhi Ajeeb Hai ke! jab ALLAH usey Neymat bakshta hai tou wo Shukr karta hai aur ispe isko Sawab milta hai aur jab Allah usey Aazmata hai aur uspe Taklif dalta hai tab wo Sabr karta hai aur ispe bhi isko Sawab milta hai.”
Hadees of the Day
RasoolAllah (ﷺ) ne farmaya:
‟ Tanhaai bure saathi se behtar hai
aur nek saathi behtar hai tanhaai se.