Aye Imanwalo! Ek Ho Jao ! Nek Ho Jao …

Allah Rabbul Izzat Apney Mukkadas Qalaam Quraan Me Farmata Hai –
♥ Al-Quraan: Beshaq Jo Log Apne Deen Ke Tukde Tukde Kar Chukey Hai Aur Firqo Firqo Me Taqsim Ho Chukey Hai Unn Logon Ke Sath (Aye Nabi Sallallahu Alaihi Wa Sallam) Aapka Koi Ta’alluq Nahi,
Unka Mu’amla Tou Sirf Allah Ke Hawale Hai, Fir Jo Kuch Bhi Wo Duniya Me Kiya Karte They Allah Unhey Bata Dega.

– [Surah(6) Al-Aan’aam: Ayat-159]

Iss Aayte Mubarak Ki Tafseer Allah Ke Rasool (Sallallahu Alaihay Wasallam) Ne Khud Bayan Ki Hai:
♥ Mafhoom-e-Hadees: Umar Bin Khattab (RaziAllahu Anhu) Se Riwayat Hai Ki,
Rasool’Allah (Sallallahu Alaihay Wasallam) Ne Ummul Mo’minin Ayesha (Razi’Allahu Anha) Ko Farmaya –
‘Aye Ayesha! Jo Log Apney Deen Ke Andar Mukhalifat Karke Firqo-Firqo Me Bant Gaye Wo Log Biddati Hai,
Aur Wo Log Apne Apne Nafs Ki Tabedari Karte Hai!
Chuanche Unn Logon Ki Koi Taubah Nahi Aur Unki Koi Taubah Qubul Nahi Hogi!
Mai Unn Logon Se Na Khush Aur Wo Bhi Mujh Se Na Khush’.
– [Tafseere Ibne Kaseer , Vol 2 , Page 263
Mazmaul Zawayed , Vol 2 , Page 75, Tabrani]

#Wajahat: Afsos Ki Baat Hai Ke Aaj Humari Zindagi Ke Tamaam Shobey Kitabo Sunnat Se Khaali Hai,

*Humare Tamaam Amaal Rasool’Allah Ki Sunnat Ke Barkhilaf Hotey Hai ,..

*Yaha Allah Ta’ala Hume Uss Nabi Ki Sunnate Mubarak Par Amal Lazim Kar Raha Hai Jo Tamam Aalam Ke Nabi Hai, Jo Imam-Ul-Ambiya Hai…

*Yeh Nabi Jab Meraz Me Jatey Hai Tou Tamam Ambiya (Alaihi Salato Salam) Ki Imamat Kartey Hai,

*Aise Nabi Ki Ita-At Allah Ta’ala Hum Par Lazim Kar Raha Hai,
*Aur Is Nabi Ki Baatey Chorrkar Hum Iski-Uski Aur Fala Fala Ki Baate Mantey Hai ..
*Quraano Hadees Ko Chodkar Hum Jahilana Aqaid Par Imaan Latey Hai ..
*Mafadparast Logon Ki Baato Me Aa kar Firqo Me Bant Jatey Hai … SubhanAllah !!!

#Aur Fir Hum Khud Ko Aashike Rasool, Ahle Sunnat Wal Jamat, Jannat Ka Mustahik Samjhne Lag Jatey Hai,

*Unn Saari Biddato Ko Sunnat Samajhkar Karte Hai Jiski Na Shariyat Me Koi Asal Hai Aur Naa Hi Rasool’Allah Ki Sunnat Se Saabit Ho, …

*Aur Tou Aur Hum Unn Khurafato Ko Tou Badi Shouk Se Karte Hai Jisey Rasool’Allah (Sallallahu Alaihay Wasallam) Ne Khuley Taur Se #Shirk Aur #Biddat Kaha…

Allah bachaye Hume La-ilmi aur Jahalat ke Fitno se ,..

# Insha’Allah-Ul-Azeez!!!
# Allah Ta’ala Hume Tamaam Kism Ki Gumrahi Se Bachney Ki Taufiq Ata Farmaye..
# Tamam Kism Ke Shirk Aur Biddato Se Humare Imaan Ki Salamti Ata Farmaye…
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

Leave a Reply