♥ Mafhoom-e-Hadees: Abu Hurraira (RaziAllahu Anhu) Se Riwayat Hai Ki,
Nabi-e-Paak (Sallallahu Alaihay Wasallam) Se Maine Pucha –
“Ya Nabi (Sallallahu Alaihay Wasallam) ! Kaun Hai Woh Sabse Kismat Wala Jisko Aap Ka Waseela(Sha’afa) Milega Qayamat Ke Roz ?”
Aap (Sallallahu Alaihay Wasallam) Ne Farmaya – “Sab Se Kismat Wala Jo Mera Waseela(Shafa’at) Haasil Karega Qayamat Ki Roz Wo Hoga Jo Apne Dil Se Yeh Qubool Karega Ki, Allah Ke Siwa Koi Ibadat Ke Layak Nahi”.
*Phir Umar Bin Abdul Aziz Ne Abu Bakr Bin Hazm Ko Likha “Hadees Ka Ilm Rakho Aur Usey Likhte Rehna, Kyunki Mai Darta Hu Ki Ilm Gayab Ho Jayega Aur Ilm Wale Log Saare Mar(Shaheed Ho) Jayenge.
*Nabi-e-Kareem (Sallallahu Alaihay Wasallam) Ki Hadees Ki Hifazat Karo Aur Nabi-e-Kareem (Sallallahu Alaihay Wasallam) Ki Hadees Ke Elaawa Koi Aur Cheez Mat Maano. Ilm Ko Dusre Se Baaton Aur Jahilo Ko Sikhao Kyunki Ilm Gayab Nahi Hota Jab Tak Ilm Ko Chupa Ke Na Rakha Jaaye”.
– (Sahi Bukhari, Kitab-Ul-Ilm 3, Hadees-98,99)