Aashiq Wa Mashuq Ka Tohfa Dena (Zinaa Ki) Rishwat Hai ….

∗ Sawaal: Aashiq Wa Mashuq Ek Dusre Ko Tohfa Dete Hai Iska Kya Hukm Hai?
» Jawaab: Awwal Tou Dono Ek Dusre Ke Liye Ajnabi Hi Hai, Aur Gair-Mahram Bhi Is Wajah Se Dono Ka Milna, Baat Karna, Ek Dusre Ko Dekhna Ye Sab Gunah Hai. Aur Tohfa Dena Sakht Mana (Rishwat Hai), Gunah-e-Kabira, Haram Aur Jahannam Me Le Jane Wala Kaam Hai. “Al Bahrurraik” Me Hai Ki, “Aashiq Wa Mashuq Ka Ek Dusre Ko Tohfa Dena (Zinaa Ki) Rishwat Hai, Aur Uska Wapas Karna Wajib Hai”.
[Al Bahrurraik, Jild 6, Page No. 441]

∗ Sawaal: Aurat Apne Namehram Rishtedar Maslan Behnoi, Khalu, Fufa Wagairah Ko Niyyat-e-Saleha Ke Saath Kisi Mahram Ke Zariye Tohfe Bhijwa Sakti Hai Ya Nahi?
» Jawaab: Nahi Bhijwa Sakti, Tohfe Ki Tasir Ajeeb Hoti Hai. Hadees-e-Paak Me Hai Ki Tohfa Aqalmand Wa Dana Ko Andha Kar Deta Hai.
[Al Firdaus Bi Ma’a Suril Khattab, Jild 4, Page No. 335, Hadith No. 6969]

Ek Aur Hadees-e-Mubaraka Me Hai Ki, “Tohfa Do Mohabbat Barhegi”.
[Assunanul Kubra Lil Baihaki, Jild 6, Page No. 280, Hadith No. 11946]

Bahar-Haal Aurat Ko Apne Namehram Rishtedar Ke Dil Me Muhabbat Ki Jhade Ustwar Karne Ki Ijazat Nahi Di Ja Sakti.

♥ Mafhoom-e-Hadees: Imaam Bukhari Ne Sayyiduna Umar Bin Abdul Aziz (Radiyallahu Anhu) Se Riwayat Ki Hai Ki Rasool’Allah (Sallallahu Alaihay Wasallam) Ne Farmaya –
“Sogaad Tou Sogaad Hai Par Kisi (Gair) Ladki Ko Dena Rishwat Hai”. [Rishwat Isliye Kaha Gaya Hai Ki Ye Dilo Me Muhabbat Paida Karne Ka Zariya Hai, Aur Gair Mard Ka Gair Aurat Se Muhabbat Paida Hona Shari’at Ke Khilaf Aur Gunah Hai, Is Haal Me Ye Tohfa Ek Rishwat Ka Kaam Bhi Karega]
[Sahih Bukhari, Page No. 174, Jild 2]

Aayat on RishwatAuratGiftHadees in HindiHadees of the dayHadiyaMohabbatRishtedarRishwatRishwat HadeesRishwat in QuranRishwat kya haiSpeech on Rishwat in UrduSunnate Rasool Hadees HindiTohfaWhat is RishwatZinaa
Comments (2)
Add Comment
  • Nafisa

    Kya rishte tai hone pe tohfa de sakte hain

  • SHAIK Sharukh

    Kya kise gair aurath sey mohabath karna guna hay? Aur mohobath kisey karna hay


Related Post


Islamic Quiz – 06

#Sawaal: Shabe Qadr Ki Mubarak Raat
Ramzan Ke Kounse Ahsre Me Aati Hai ?

Options are -
A).…