Ummat-e-Nabi.com» Worldwide Hadees Collection «
Neymat-e-Namaaz Hidayat Post 1500 results in ( 0.982 seconds)

Shab-e-Meraj Par Namaz Ka Bayan ….

∗ Shab-e-Meraj Par Namaz Ka Bayan ….

» Mehfum-e-Hadees : “Hazrate Anas Bin Malik (Razi Allahu Anhu) Bayan Karte Hai Ki Rasool’Allah (Sallallahu Alaihi WaSallam) Ne Farmaya :
(Shab-e-Meraj) Allah Ta’ala Ne Meri Ummat Par Pachaas-50 Namazein Farz Ki Toh Main Un (Namazon) Ke Saath Waapas Aaaya Yaha’n Tak Ki Mai Hazrate Moosa (Alaihi Salaam) Ke Paas Se Guzara Toh Unhone Kaha Ki Allah Ta’ala Ne Aap Par Aap Ki Ummat Ke Liye Kya Farz Kiya Hai ?
Main Ne Kaha : Allah Ta’a’a Ne Pachaas-50 Namazein Farz Ki Hai.
Unhone Kaha Ki Apne Rab Ki Taraf Waapas Jaaye Kyun Ki Aap Ki Ummat Iss Ki Taqat Nahin Rakhti, Pas Unhone Mujhe Waapas Lauta Diya (Meri Darkhwast Par) Allah Ta’ala Ne UnKa Ek Hissa Kum Kar Diya.
Mai Hazrate Moosa (Alaihi Salaam) Ki Taraf Waapas Gaya Aur Kaha Ki Allah Ta’ala Ne Ek Hissa Kum Kar Diya Hai.
Unhone Kaha : Apne Rab Ki Taraf Phir Jaaye Kyun Ki Aap Ki Ummat Me UnKi Taqat Nahin Hai, Pas Mai Waapas Gaya Toh Allah Ta’a’a Ne UnKa Ek Hissa Kum Kar Diya.
Mai UnKi Taraf Aaya Toh Unhone Phir Kaha Ki Apne Rab Ki Taraf Jaaye Kyun Ki Aap Ki Ummat Me In Ki Taaqat Bhi Nahin Hai Mai Waapas Lauta Toh (Allah Ta’ala Ne) Farmaya :
Ye Jahiran Paanch-05 (Namazein) Hain Aur (Sawaab Ki Aitabar Se) Pachaas-50 (Ke Barabar) Hain Mere Nazdik Baat Tabdil Nahin Huwa Karti.
Main Hazrat Moosa (Alaihi Salaam) Ke Paas Aaya Toh Unhone Kaha : Apne Rab Ki Taraf Jaaye (Aur Mazid Kami Ke Liye Darkhwast Kare)
Main Ne Kaha : Mujhe Ab Apne Rab Se Haya Aati Hai.
Phir Jibra’il (Alaihi Salaam) Mujhe Le Kar Chale Yaha Tak Ki Sidrat-Ul-Muntaha Par Pahunche Jise Mukhtalif Rangon Ne Dhaanp Rakha Tha, Nahin Ma’loom Ki Who Kya Hain ?
Phir Mujhe Jannat Me Daakhil Kiya Gaya Jis Me Motiyon Ke Haar Hain Aur Uss Ki Mitti Mushk Hai.”

Ref- [Bukhari As-Sahih, 01/136, Raqam-342, &
03/1217, Raqam-3164,
Muslim As-Sahih, 01/148, Raqam-163,
Nasa’i As-Sunan, 01/221, Raqam-449,
Ibn Majah As-Sunan, 01/448, Raqam-1399,
Ahmad Bin Hanbal Al-Musnad, 05/143, Raqam-21326,
Ibn Hibban As-Sahih, 16/421, Raqam-7406,
Bayhaqi As-Sunan-Us-Sughra, 01/191, Raqam-257,
Ibn Mundah Al-Iman, 02/721, Raqam-714,
Aboo Awanah Al-Musnad, 01/119, Raqam-354 : @[156344474474186:]]

Ref - @[156344474474186:]

Allah Ki Panaah Me Elaaj-e-Marz ….

∗ Allah Ki Panaah Me Elaaj-e-Marz ….

» Hadees : Hazrat Uthman Bin Abi Al-’As (Razi Allahu Anhu) Se Riwayat Hai Ke Unhone Rasool’Allah (Sallallahu Alaihay Wasallam) Se Dard Ki Shikayat Ki Jise Wo Apne Jism Me Islam Lane Ke Waqt Mahsus Karte They,
Aap (Sallallahu Alaihay Wasallam) Ne Farmaya: ‘Tum Apna Hath Dard Ki Jagah Par Rakho Aur Kaho,
Bismillah Teen (3) Baar Uss Ke Baad Sath (7) Baar Ye Kaho. “A’udhu Billahi Wa Qudratihi Min Sharri Ma Ajidu Wa Uhadhiru”
(Tarjuma : Mai Allah Ki Zaat Aur Qudrat Se Har Uss Cheez Se Panaah Mangta Hun Jise Mai Mahsus Karta Hun Aur Jis Se Mai Khauf Karta Hun)’.
- (Sahih Muslimm, Vol#5, Hadees#5737 : @[156344474474186:])

Ref - @[156344474474186:]

Haraam Maal Se Diya Hua Sadqa Qubul Nahi Hota …..

∗ Haraam Maal Se Diya Hua Sadqa Qubul Nahi Hota …..

» Hadees : Abulmalih (Razi Allahu Anhu) Se Riwayat Hai Ki Rasool’Allah (Sallallahu Alaihi WaAalihi Wa Sallam) Ne Farmaya,
“Allah Ta’ala Haraam Maal Se Diya Hua Sadqa Qubul Nahi Farmata Aur Naa Hi Bina Paaki Ke Namaz (Qubul Farmatey Hain)”.
- (Sunan Abu Dawud, Vol 1,H#59 : @[156344474474186:])

Ref - @[156344474474186:]

Waqt Par Namaz Parhna …..

∗ Waqt Par Namaz Parhna …..

» Hadees : Ubadah Ibn As-Samit (Radi Allahu Anhu) Se Riwayat Hai Ki, Rasool’Allah ﷺ (Sallallahu Alaihay Wasallam) Ne Farmaya,
“Mere Baad Tum Par Aisey Log Hukmaran Hongey Jinki Mashguliyat Unko Waqt Par Namaz Ki Adayeegi Se Rok Degi Yahan Tak Ki Waqt Nikal Jayega Isliye Tum Apney Waqt Par Namaz Parhna.
Ek Shaksh Ne Pucha Ki, “Ya Rasool’Allah (Sallallahu Alaihay Wasallam)! Kya Main Unkey (Jamaat Me Sharik Hokar Dobara) Namaz Parh Lu ? ”
Aap ﷺ (Sallallahu Alaihay Wasallam) Ne Farmaya, “Haan Agar Tu Chahey”.
- (Sunan Abu Dawud, Vol 1, # 431)

Ref - @[156344474474186:]

Namaz Me Apni Nazrein Aasman Ki Taraf Na Uthaye ….

∗ Namaz Me Apni Nazrein Aasman Ki Taraf Na Uthaye ….

» Hadees : Anas Bin Malik (Razi Allahu Anhu) Se Riwayat Hai Ki, Rasool’Aallah ﷺ (Sallallahu Alaihay Wasallam) Ne Farmaya,
“Logo Ko Kya Hua Hai Jo Namaz Me Apni Nazrein Aasman Ki Taraf Uthatey Hain?,
Aap ﷺ (Sallallahu Alaihay Wasallam) Ne Iss Baat Se Nihayat Sakhti Se Roka, Yahan Tak Ki Aap ﷺ (Sallallahu Alaihay Wasallam) Ne Farmaya Ki, Log Iss Harkat Se Baaz Aa Jaye Warna Unki Aankhon Ki Beenaii (Eye Sight) Le Li Jayegi”.
- (Sahih Bukhari, Vol 1, 750)

Ref - @[156344474474186:]

Ahkam-e-Namaz Ke Tarjume ….

∗ Ahkam-e-Namaz Ke Tarjume ….

Kuch Jaruri Cheeze Jo Ham Namaz Me Roz Padhte Hai Lekin Unka Tarjuma/Translation Nahi Jaante.

∗ Sana : Subhanaka Allahumma Wabi Hamdika Wa Tabarak Kasmuka Wata’ala Jadduka Wa Laa Ilaha Gairuka.
» Tarjuma : Aye Allah! Mei Teri Paaki Bayan Karta Hoon Aur Teri Taarif Karta Hoon Aur Tera Naam Barkatwaala
Hai,Buland Hai Teri Shaan, Aur Nahi Hai Ma’bud Tere Siva Koi.

∗ Ruku Me : Subhana Rabbi Al Azeem
» Tarjuma : Paak Hai Mera Rab Azmat Waala.

∗ Ruku Se Uthte Waqt : Sami Allahu Liman Hamida Rabbana Lakal Hamdo.
» Tarjuma : Allah Ne Uski Sunli Jisne Uski Taarif Ki Aye Hamare Rab, Tere Hi Liye Tamam Taarifen Hain.

∗ Sajde Me : Subhana Rabbi Al A’ala.
» Tarjuma : Paak Hai Mera Rab Baadi Shaan Waala.

!!! Insha Allah !!! Allah Ta’ala Tamaam Emaanwalo Ko Namaz Ke Ahkamo Par Sahi Ikhlas Aur Khulusiyat Ke Sath Amal Ki Toufiq Ata Farmaye .. ♥ Jumma-Tul-Mubarak ♥

Ref - @[156344474474186:]
Tag

Do Waqt Namaz Parhne Se Manaa Farmaya …..

∗ Do Waqt Namaz Parhne Se Manaa Farmaya …..

» Hadees : Abu Sa’id Al-Khudri (Razi Allahu Ta’ala Anhu) Se Riwayat Hai Ki, Rasool’Allah ﷺ (Sallallahu Alaihay Wasallam) Ne Farmaya,
“Fajar Ki Namaz Ke Baad Suraj Nikalne Tak Koi Namaz Na Parhi Jaye Aur Asar Ki Namaz Ke Baad Suraj Dubne Tak Koi Namaz Na Parhi Jaye”.
- (Sahih Bukhari, Vol 1, 586)

» Hadees : Abu Hurairah (Razi Allahu Ta’ala Anhu) Se Riwayat Hai Ki,
“Rasool’Allah ﷺ (Sallallahu Alaihay Wasallam) Ne Do (2) Waqt Me Namaz Parhne Se Manaa Farmaya Hai, Fajar Ki Namaz Ke Baad Suraj Nikalne Tak Aur Asar Ki Namaz Ke Baad Suraj Dubney Tak”.
- (Sahih Bukhari, Vol 1, 588)

Ref - @[156344474474186:]
Tag

Apni Aulaad Ko Namaz (Parney) Ka Hukum Do …..

∗ Apni Aulaad Ko Namaz (Parney) Ka Hukum Do …..

» Hadees : Nabi-e-Paak (Sallallahu Alaihi Wasallam) Ne Farmaaya,
“Apni Aulaad (Sons & Daughters) Ko Namaz (Parney) Ka Hukm Do, Jab Ke Wo 7 Saal Ke Ho Jaayein, Aur Jab Wo 10 Saal Ke Ho Jaayein Toh (Namaz Chhorney Par) Unn Ki Pitaai Karo, Aur Un Ke Bistar Bhi Alag Kardo”.
-: (Abu Dawood)
» Note : Bistar Alag Karne Ka Hukm Namaz Na Padhne Par Sazaa Ke Tour Par Nahi Hai Balke Yeh Ek Mustaqil Hukm Hai.

Ref - @[156344474474186:]

Taraweeh Ka Sawaab …..

∗ Taraweeh Ka Sawaab …..

» Hadees : Rasool’Allah (Sallallahu Ta’ala Alaihi Wa Aalihi Wa Sallam) Ne Farmaya,
“Jo Ramzan Ki Raat Me Allah Ta’ala Ke Waado Par Yakeen Karte Hue Aur Uss Ke Ajr Wa Sawaab Ke Shauk Me Namaz (Taraweeh) Padhta Ho Uss Ke Pichle Sab Gunaah Muaf Ho Jaate Hai”.
- (Bukhari Sharif)

Ref - @[156344474474186:]
Tag

Azan Ka Jawab Kaise De ? …

∗ Azan Ka Jawab Kaise De ? …

Jab Azan Ho Toh Humko Uska Jawab Dena Chahiye, Aesa Karne Se Jitna Sawaab Azan Dene Wale Ko Mil Raha Hai Utna Hi Humko Bhi Milega.
» Azan Ka Jawab Iss Tarah Dijiye.

Azan : Allahhu Akbar, Allahu Akbar
Jawab : Allahhu Akbar, Allahu Akbar

Azan : Allahhu Akbar, Allahu Akbar
Jawab : Allahhu Akbar, Allahu Akbar

Azan : Ash Hadu Al Lailaha Illallah
Jawab : Ash Hadu Al Lailaha Illallah

Azan : Ash Hadu Al Lailaha Illallah
Jawab : Ash Hadu Al Lailaha Illallah

Azan : Ash Hadu Anna Muhammadur Rasulallah
Jawab : Ash Hadu Anna Muhammadur Rasulallah (Sallallahu Alyhi Wasallam)

Azan : Ash Hadu Anna Muhammadur Rasulallah
Jawab : Ash Hadu Anna Muhammadur Rasulallah (Sallallahu Alyhi Wsallam)

Azan : Hayya Alas Salah
Jawab : La Hawla Wala Kuwwata Illa Billa Hil Aliyil Azim

Azan : Hayya Alas Salah
Jawab : La Hawla Wala Kuwwata Illa Billa Hil Aliyil Azim

Azan : Hayya Alal Falah
Jawab : La Hawla Wala Kuwwata Illa Billa Hil Aliyil Azim

Azan : Hayya Alal Falah
Jawab : La Hawla Wala Kuwwata Illa Billa Hil Aliyil Azim

Azan : Allahhu Akbar, Allahu Akbar
Jawab : Allahhu Akbar, Allahu Akbar

Azan : Lailaha Illallah
Jawab : Lailaha Illallah

Ref - @[156344474474186:]
Tag
Page 1 of 6123456
Copyright © 2013 Ummat-e-Nabi.com
Design & develop by Mohammad Salim