Islamic Sawal Jawab Quiz 7

Hadees: RasoolAllah (ﷺ) ne irshad farmaya –

“Zyada naa Hasaa karo, Iss liye ke Ziyada Hasna Dil ko Murda bana deta hai.”

– Ibn Majah, Hadith no. 4193

Hadees: RasoolAllah (ﷺ) farmate hai:

“Jis Seene me Kuch bhi Quraan na ho, Wo Wiraan Ghar ki Misaal hai.”

– Tirmizi J:4 S:419 Hadees:2922

Hadees: Abu Hurairah (R.A) se riwayat hai ki,
Nabi-e-Kareem (ﷺ) farmatey hai –

“Badzubaani Zulm hai aur Zulm Jahannam me hai. Hayaa Imaan hai aur Imaan Jannat me hai.”

– Ahmad, Tirmizi Sharif

Allah Rabbul Izzat Quran me farmata hai –

“(Aye Yahood!!) Kya tum Uss Wakt Moujud they Jab Yakub par Mout aa khadi hui thi uss waqt Apne beto se kaha ki Mere baad bhi kis ki Ibadat karoge ?

(Tou) Kahne lagey hum Aapke Mabood aur Aap ke Baap-Dadao Ibrahim-Wa-Isamail ke Mabood wa yakta Allah ki Ibadat karenge aur Hum uske farmabardaar hai.”

– Surah Al-Baqrah 2:133

Hadees: Farmane RasoolAllah (ﷺ) hai ke –

“Ameeri Maal ki Qasrat se nahi hoti, balke Asal Ameeri Dilo ka Ghani hona hai.”

– Sahih Bukhari, Kitaabur Raqaq, Hadees-6081