*RasoolAllah (Sallallahu Alaihay Wasallam) par Jadu aur Surah Falaq aur Surah Naas ke jariye ilaj
♥ Mafhoom-e-Hadees: Hazrate Zaid bin Arkam (RaziAllahu Anhu) se rivayat hai:
Ek Yahudi Shaks Nabi (Sallallahu Alaihay Wasallam) Ke pass aaya karta tha (Aap (Sallallahu Alaihay Wasallam) Us se be Khauf rehtay ) Uss Shaks ne Aap (Sallallahu Alaihay Wasallam) par Jadu ki girhein (knot) laga ker Ek Ansari Ke Kunwey(well) Mein rakh dee,..
Aap (Sallallahu Alaihay Wasallam) iss Jadu ki wajah se Kuch din beemar rahe,. (Hazrate Aisha (RaziAllahu Anha) ki Hadith Mai 6 mahine beemar rahe hai),.
Do Farishtein Aap (Sallallahu Alaihay Wasallam) Ki ayadat kerne aaye, Ek Aap (Sallallahu Alaihay Wasallam) ke Sarahne baith gaya aur dusra Aap (Sallallahu Alaihay Wasallam) ke Paaw Ke paas,..
*Ek ne kahan kya tumhein malum hai Aap (Sallallahu Alaihay Wasallam) Ko kya taklif hai ?,..
*Dusre ne kahan Falah Yahudi Aap (Sallallahu Alaihay Wasallam) Ke paas aaya kerta tha Usne Aap (Sallallahu Alaihay Wasallam) per Jadu ker diya hai aur Falah Ansar ke kunwe Mai phenk diya hai,. Ager Aap (Sallallahu Alaihay Wasallam) Waha kisi Aadmi ko bheje aur wo us Girah ko Usme se nikal le tou wo dekhega Ke Kunvey Ka Paani Zard (laal) ho Chuka hai,. (Phir Jibrail Alaihi Salam Aap (Sallallahu Alaihay Wasallam) Ke paas Muwazatain (Surah Falaq aur Surah Naas) leker aaye aur kehne lage, “Falah Yahudi ne Aap (Sallallahu Alaihay Wasallam) per Jadu ker diya hai aur wo Jadu Falah Shaks Ke kunvey Mai hai ,..”
Aap (Sallallahu Alaihay Wasallam) ne Ek Sahabi Ko bheja (Ek rivayat hai Hazrat Ali RaziAllahu Anhu Ko bheja) (Unhone dekha Paani Zard ho Chuka hai) Unhone Wo Girah Uthayee (Aap (Sallallahu Alaihay Wasallam) Ke pass le aaye),..
(Hazrat Jibrail Alaihi Salam ne Aap (Sallallahu Alaihay Wasallam) se kaha Ke Aap Aayat padhte jaaye aur girah kholte Jaye),..
*Aap (Sallallahu Alaihay Wasallam) ne girah kholi (Aur Quran Padhna Shuru ker diya aur girah kholte rehe),.. Aap (Sallallahu Alaihay Wasallam) jab bhi koi girah kholte to Aap Rahat Mehsus kerte) phir Aap tandrust ho gaye (Aur dusri rivayat Mai hai : RasoolAllah (Sallallahu Alaihay Wasallam) iss tarha khade ho gaye jis tarha Rassiyoh se khole gaye ho Iss ke baad bhi Wo Shaks Aap (Sallallahu Alaihay Wasallam) Ke paas aaya kerta lakin Aap (Sallallahu Alaihay Wasallam) ne us se koi baat nahi ki Na hi Usey kabhi Saza di (yaha tak ke wo fout hogaya)
– Al-Slisila-tus-Sahiha # 2894
