Wo Tumhari Libaas hai aur Tum Unkey Libaas
Allah Rabbul Izzat Quraan me Shohar aur Biwi ke Rishtey ki Misaal Bayan Karte Hue Farmata hai –
“Wo Tumhari Libaas Hai Aur Tum Unkey Libaas”.
– Surah Baqrah: 2:187
Hiqmat:
– Libaas Insan Ki Zeenat Badhata Hai Aur Uske Aib Chupata Hai.
– Isi Tarah Shohar Aur Biwi Ko Bhi Ek Dusre Ke Aib Poshida Rakhne Chahiye, Dusron Ke Saamne Zaahir Nahi Karne Chahiye.
– Aur Agar Koi Galti Ho Jaaye, Toh Narmi Ke Saath Use Sahi Baat Samjhani Chahiye.
– Galat Fehmiyon Ki Wajah Se Paida Hone Wale Ikhtelaaf Aur Fitne Fasaad Se Hamesha Bachna Chahiye.
Aur Ek Dusre Ki Izzat Ki Hifazat Karni Chahiye.
– Ek Dusre Ki Khubiyan Zaahir Karni Chahiye. Aur Khud Bhi Hamesha Aise Amal Karne Chahiye Ke:
– Ek-Dusre Ki Izzat Badhe.
♥ In sha’Allah-Ul-Azeez!!!
- Allah Rabbul Izzat Hume Kehne Sun’ne Se Zyada Amal Ki Taufik De.
- Jab Tak Hume Zinda Rakhe, Islam Aur Imaan Par Zinda Rakhe.
- Khatma Humara Imaan Par Ho.
!!! Wa Akhiru Dawana Anilhamdulillahe Rabbil A’lameen !!!
