Aulaad ka Qatl bohot sakht Gunaah hai

♥ Bismillah-Hirrahman-Nirrahim ♥

Muflisi(Garibi) ke Khauf se apni Aulaad ko Qatl na karo:

Allah Rabbul Izzat Qurane Kareem me irshad farmata hai:

❝Aur logo! Muflisi(Garibi) ke khauf se apni Aulaad ko Qatl na karo kyunki unko aur tum ko (sabko) tou hum hi rozi detey hai. beshaq Aulaad ka qatl karna bohot sakht gunaah hai.❞

Allah jisey chahta hai Beti-Betiya ata karta hai:

❝ Saare Aasmaan wa Zameen ki hukumat Allah hi ki hai, wo jo chahta hai paida karta hai aur jise chahta hai sirf Betiyan deta hai aur jise chahta hai mahaj Beta ata karta. Ya unko (insano ko) Bete-Betiya dono kism inayat karta hai aur jisko chahta hai Baanz bana deta hai, beshaq woh bada wakifkar qadir hai.❞

Aulad ka Qatl Gunah-e-Kabira hai:

✦ Hadith: Huzoor Nabi-e-Kareem (Sallallahu Alaihay Wasallam) ne irshad farmaya ke “Sabse Bada Gunaah Yeh Hai Ki, Allah Ka Kisi Ko Sharik Theraye. Phir Uske Baad Ka Gunaah Ye He Ki Apni Aulaad Ko Khane-Pine Ke Khauf Se Qatl Kiya Jaye.”

Leave a Reply

avatar
  Subscribe  
Notify of