Islamic Quiz 33 ka Sahih Jawab

✦ QUIZ 33: Yakub (Alahi Salam) ne Mout ke Wakt Apne Beto’n ko kounsi Wasiyat ki ?

Sahih Jawab hai: option C. “Mere Baad bhi Kiski Ibadat Karoge?“

Daleel:

Tawheed ki Wasiyat Ambiya (Alahi Salam) Ki Sunnat

!!! Bismillah-Hirrahman-Nirrahim !!!

*Ambiya (Alahi Salato Salam) ke Bheje Jaane ka Maksad Allah ka Paigaam Uske Bando tak Pohochana hota hai aur Allah Rabbul Izzat ne Roo-e-Zameen par Kamosbesh 1 Lakh 24 Hazar Nabi aur Rasool Maboos kiye taaki Apne Hukm ko Deen-e-Tawheed ka Paigaam Apne Bando tak pohchaya jaye.

Aur Tamam tar Ambiyao ne Ta-Waqte-Hayat apni Zimmedariya bakhubi nibhayi. Hatta ke Haalat-e-Wafat ke qareeb hai fir bhi apni Naslo ko Deen-e-Tawheed ki Wasiyat farma rahe hai. Aisa hi ek Wakya Rabbul Izzat ne Quran me bayan kiya aur farmaya –

۞ Al-Quran ۞

(Aye Yahood!!) Kya Tum Uss Wakt Moujud they Jab Yakub(Alaihi Salam) par Mout Aa Khadi hui thi Uss Wakt Apne Beto se kaha ki Mere Baad bhi kis ki Ibadat karoge ?

(Tou) Kahne lagey hum Aapke Mabood aur Aap ke Baap-Dadao Ibrahim-Wa-Isamail ke Mabood wa yakta Allah ki Ibadat karenge aur Hum uske farmabardaar hai.

📕 Surah Al-Baqrah 2:133

*Tou beharhaal Iss Aayat-e-Mubarak Me Qayamat Tak Ke Liye Nashisht Hai Hum Tamam Ke Liye ke –
– Apne Duniya Me Bheje Jaane Ka Maksad Samjhey..
– Aur Duniya me Jo Rishey Hum Chorrkar Jaane wale Hai Unhe Khair Ki Wasiyat kare ,..
– Aur Khair Wasiyat se Muraad hum Sab Jantey Hai ke –
– Deen-e-Tawheed Ki Wasiyat Jo Hai Ambiya (Alahi Salato Salam) Ki Sunnat ,…

© Ummat-e-Nabi.com

♥ In’sha’Allah-Ul-Azeez!!!
# Allah Rabbul Izzat Se Dua Hai Ke –
# Hume Kehne Sun’ne se Jyada Amal Ki Taufiq Dey ,..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!