Daily Beautiful Hadith of the day in the light of Authentic Sources | Daily Hadees notification
![Har Shakhs ko usi Kaifiyat me uthaya jayega jis par usko mout aayi thi [Hadees - Sahih Muslim 2878(7232)]](https://ummat-e-nabi.com/wp-content/uploads/2023/01/Har-Shakhs-ko-usi-Kaifiyat-me-uthaya-jayega-jis-par-usko-mout-aayi-thi-Hadees-Sahih-Muslim28787232.jpg)
Hadees of the Day Har Shakhs ko uski Mout waali Kaifiyat me uthaya jayega Allah ke Rasool (ﷺ) ne farmaya: … Read More
![Nikah ka Paigam na bheje agar us Shakhs ka bhai pehle hi Paigam bhej chukaa ho [Sunan Ibne Majah Hadees-1868]](https://ummat-e-nabi.com/wp-content/uploads/2023/01/Nikah-ka-Paigam-na-bheje-agar-us-Shakhs-ka-bhai-pehle-hi-Paigam-bhej-chukaa-ho-Sunan-Ibne-Majah-Hadees-1868.jpg)
Hadees of the Day Aisi Aurat ko Nikaah ka Paigaam Naa Bheje Ibn Umar (R.A) se riwayat hai ki, RasoolAllah … Read More
![Hadees: Insan Uske Sath Jis se wo Mohabbat karta hai [Sahih Bukhari 6169]](https://ummat-e-nabi.com/wp-content/uploads/2015/12/Aadmi-Uske-Sath-jis-se-wo-Mohabbat-karta-hai.jpg)
Hadees of the Day Insan Roz-e-Qayamat Uske Sath hoga Jis se Wo Mohabbat karta hai Ek Ansari Sahabi Jinka chehra … Read More
Hadees of the Day Jis Musalman ke 3 Nabaaligh Bachche Faut Ho Jayein Allah ke Rasool (ﷺ) ne farmaya: “Jis … Read More
Hadees of the Day Haq par hote hue Jhagda chor de Allah ke Rasool (ﷺ) ne farmaya: “Main Us Shakhs … Read More
Hadees of the Day
Abu Talha (R.A) se riwayat hai ke,
RasoolAllah (ﷺ) ne farmaya:
❝ Farishte us Ghar me dakhil nahi hote jaha Kutta aur (Jandar ki) tasweer ho.❞
📕 Sahih al-Bukhari 5949 & 3322
📕 Sahih Muslim 2106 a
📕 Sunan an-Nasa’i 4276 & 4282
![Allah jiski Bhalayi Chahta hai usko Deen ki Samajh deta hai [Hadees Sahih Bukhari 71]](https://ummat-e-nabi.com/wp-content/uploads/2023/01/Deen-ki-Samajh-Hadees-Sahih-Bukhari-71.jpg)
Hadees of the Day
Hazrate Muawiya (R.A) se riwayat hai ke,
Allah ke Rasool ( ﷺ) ne farmaya:
“Allah Ta’ala Jis ke Sath Bhalayi ka Irada farmata hai Uss ko Deen ki Samajh de deta hai, Aur Mai to Mehaz Taqseem Karne Wala Hoon.
Deney wala to Allah hi hai
Aur yeh imaan hamesha Allah ke hukm per Qaym rehega
Aur jo shakhs unki Mukhaalifat karega, Unhen Nuqsaan nahi puhancha sakega,
yaha tak ke Allah ka hukm (Qayamat) aa jaye (aur yeh aalam fana ho jaye).”
Hadees of the Day
Abd al-Rahman bin Abi Bakrah (R.A) se riwayat hai ke,
Allah ke Rasool (ﷺ) ne farmaya:
“Faisla karne wala 2 (Aadmiyon ya 2 fareeqon) ke darmiyan gusse ki halat me faisla na kare.”
Hadees of the Day
Allah ke Rasool (ﷺ) ne farmaya:
“Narmi Ikhteyar karo, Sakhti aur badzubani se apne aap ko bachao.”
Hadees of the Day
Allah ke Rasool (ﷺ) ne farmaya:
“Tum me se har aadmi ko us ki rozi is tarah talash karti hai jaise marne wale ko mout.”
Hadees of the Day
Abdullah bin Abbas (R.A) se riwayat hai ke,
Rasool’Allah (ﷺ) ne farmaya:
“Woh Shakhs (Kamil) Imanwala nahi ho sakta jo pait bhar ke khaye aur us ka padosi bhuka rahe.”
![Tanhaai Me Gunah Karne Walon Ka Qayamat Ke Din Anjaam [Sunan Ibn Majah Hadees: 4245]](https://ummat-e-nabi.com/wp-content/uploads/2023/01/Tanhaai-Me-Gunah-Karne-Walon-Ka-Qayamat-Ke-Din-Anjaam.jpg)
👉 Tanhaai Me Gunah Karne Walon Ka Qayamat ke Din Anjaam ye hoga ki Allah unke Amal ko fiza me … Read More
Hadees of the Day
Abu Hurairah (R.A) se riwayat hai ke,
Allah ke Rasool (ﷺ) ne farmaya:
“Jo Shakhs har mahine 3 din subah ke waqt Shehad chatega, toh usey koi badi beemari nahi hogi.”
Hadees of the Day
Abu Usaid (R.A.) se riwayat hai ke,
RasoolAllah (ﷺ) ne Aurto se farmaya ke:
“Aurtein raston ke darmiyan na chalein balke kinaaro par chalein.”
Hadees of the Day
Abu Ayyub Ansari (R.A) ne bayaan kiya ki,
Ya RasoolAllah (ﷺ) ! Koi Aisa Amal Bataiye jo Mujhe Jannat me le Jaaye ?
Aap (ﷺ) ne Unn se farmaya –
“Allah Ki Hee Ibadat Karo! aur Uss ke Sath Kisi aur ko Shareek Na karo,
Namaz Qayam karo, Zakaat detey raho,
aur Sila Rehmi karte raho”
Bas Yahi Amaal Tujhe Jannat me le Jayenge..”
Hadees of the Day
Hazrate Jundub (R.A.) se riwayat hai ke,
RasoolAllah (ﷺ) ne farmaya ke:
‟Jo Shakhs Shohrat ke liye koi Kaam karega tou Allah Taala uske Aib Mash’hoor kar dega.”
Aaj ki Aayat | Verse of the Day
Allah Taala Quran-e-Kareem me farmata hai:
“Aqalmand We Log hai Jo Khadey aur Baithey aur Letey, har Haal me Allah Ta’ala ko Yaad kiya karte hain.”
Hadees-e-Nabwi (ﷺ)
Usman (R.A) ne Wuzu kiya tou Ek Shakhs se farmaya,
“Main Tumko Ek Hadees Sunata hu agar Quraan Paak ki Ek Aayat (Nazil) na hoti tou Main ye Hadees Tumko na sunata ke,
RasoolAllah (ﷺ) ne farmaya –
“Jab bhi koi Achchi tarah Wuzu karta hai aur Namaz parhta hai tou Uskey Ek Namaz se Dusri Namaz ke parhney tak ke Gunnah muaf kar diye Jaatey hain.”
(Sahih Bukhari; Vol 1, Hadees: 153)
Urwah (R.A) kahtey hain Wo Ye Aayat ye hai –
“Jo Log Allah ki Uss Nazil ki Huyee Hidayat ko Chupatey hain Jo Usney logon ke liye Apni Kitab me bayan ki hai, Un par Allah ki Lanat hai aur (Dusrey) Lanat karney walon ki lanat hai”
(Surah Al-Baqrah 2:159)
Hadees of the Day Ilm-o-Hidayat ki Misaal 3 Tarah ki hai Abu Musa (R.A) se riwayat hai ke,RasoolAllah (ﷺ) ne … Read More
Hadees of the Day
Hazrate Abu Umamah Al-Bahili (R.A) se riwayat hain ke,
RasoolAllah (ﷺ) ne farmaya:
Teen (3) Qism ke aadmi aise hain jin ka Zaamin Allah Ta’ala hai:
1. Ek wo jo Allah ke Raaste me Jihaad ke liye nikle,
Allah Uska Zaamin hai ya usey wafaat de kar Jannat me dakhil karega, ya Ajar aur Ganimat ke saath wapas lautayega,
2. Doosra wo Shakhs jo Masjid ki taraf chala,
Allah uska Zaamin hai ya usey wafaat de kar Jannat me dakhil karega, ya Ajar aur Ganimat ke saath wapas lautayega,
3. Teesra wo Shakhs jo apne Ghar me Salam kar ke dakhil hua,
Allah uska bhi Zaamin hai.
♥ Subhan’Allah! Allah Ta’ala hume Kehne Sun’ne se Jyada Amal ki taufik dey,. Ameen
Hadees of the Day
Anas Bin Malik (R.A) se riwayat hai ki,
RasoolAllah (ﷺ) ne farmaya –
“Jis Daawat dene waale ne bhi Gumrahi ki Daawat di aur Uski Pairwi ki gayee tou Usko Pairwi karne Waalo ke Barabar Gunaah milega aur Pairwi karne waalo ke Gunaah me koi kami nahi hogi.
Aur Jis Daawat dene Waalo ne Hidayat ki taraf Bulaya phir uski Pairwi ki gayi
tou Usko Pairwi karne Waalo ke Barabar Ajar milega aur Pairwi karne Waalo ke Ajar me kuch Kami Nahi ki jayegi.”
Hadees of the Day
Abu Hurairah (R.A.) se riwayat hai ke,
RasoolAllah (ﷺ) ne farmaya:
“Gareebo se Muhabbat karo aur un ke saath baitha karo.”
Hadees of the Day
Umme Kulsoom (R.A.) se riwayat hai ke,
RasoolAllah (ﷺ) ne farmaya:
‟Sabse Afzal Sadqa woh hai jo aise rishtedaar par kiya jaaye jis ne dil me dushmani chupa rakhi ho.
Hadees of the Day
Ibne Abi Husain (R.A.) se riwayat hai ke,
Allah ke Rasool (ﷺ) ne farmaya:
❝ Tum Paani Choos kar piyo aur gataagat naa piyo, is (gataagat peene) ki wajah se jigar ki beemari hoti hai.
Hadees of the Day
Abu Hurairah (R.A.) se riwayat hai ke,
Allah ke Rasool (ﷺ) ne farmaya:
‟Insan me paayi jaani waali sabse buri aadatein;
intehayi darje ka lalach aur buzdili hai.
Hadees of the Day
Abu Umamah (R.A.) se riwayat hai ke,
Allah ke Nabi (ﷺ) ne farmaya:
❝Logo! Ilm ke wapas liye jaane aur utha liye jane se pehle ilm hasil kar lo.❞
Hadees of the Day
Abu Hurayrah (R.A.) riwayat karte hai ki,
Nabi-e-Kareem (ﷺ) ne farmaya ki –
“Jo Koi Shakhs kisi Imanwale ki Pareshani ko Door karta hai, Allah Qayamat ke Roz Uss Shakhs ki Ghabrahat ko Door farmayega.
Aur Jo koi bhi Shakhs kisi Dusre ki Musibat hal karta hai, Allah Uss Shakhs ke liye Duniya aur Aakhirat ki Mushkeele’n Aasaan bana deta hai.
Aur Allah Apne Bande ki Madad karta Rahta hai Jab tak Wo Banda Apne Bhai ki Madad Karta rehta hai”
Hadees of the Day
Nabi-e-Kareem (ﷺ) farmate hai ke, Allah Ta’ala farmaata hai:
“Main 2 saath mil kar kaam karne walon ke saath hota hoon jab tak ke koi sathi khayanat na kare, jab koi ek bhi khayanat karta hai to meri madad uthh jati hai.”
📕 Sunan Abu Dawud 3383 © www.ummat-e-nabi.com/home
Hadees of the Day
RasoolAllah (ﷺ) farmate hai ke:
“Logo me Sabse Bura Aadmi Wo hai Jiski Badzubani ki wajah se Log Us se Milna Chhor de.”
Hadees of the Day
Abdullah Ibne Masood (R.A.) se riwayat hai ke,
Allah ke Rasool (ﷺ) ne farmaya:
‟Allah se Darte raho aur apne Rishtedaro ke sath Husn-e-Sulooq karo.
Hadees of the Day
Jabir (R.A.) se riwayat hai ke,
Jaishaan se ek Aadmi Aaya aur Jaishaan Ek Shahar (Town) hai Yeman me, Uss Aadmi ne RasoolAllah (ﷺ) se Uss Sharaab ke Baarey me Puchha ke Jo Unn Elaqon me Pee jati hai aur wo Sharaab jo Taiyaar hoti hai Uss Sharaab ko Mizr kaha jata tha.
Tou RasoolAllah (ﷺ) ne farmaya “Wo Sharaab Nasha (Intoxicating) waali hai?”
Uss ne Arz Kiya, “Ji Haan!”
RasoolAllah (ﷺ) ne farmaya :
“Har Nasha Wali Cheez Haraam hai, Kyon ke Allah Ta’ala ka uss Aadmi ke liye Waada hai ke Jo Aadmi Nasha Waali cheez peeyega ussey Allah Ta’ala Tinatah-al-khabaal peelayega.”
Sahaba ne arz kiya: “Aye Allah ke Rasool (ﷺ)! Tinatah-al-Khabaal kya cheez hai ?
Hadees of the Day
Numan Bin Bashir (R.A) se riwayat hai ki,
Mai ne Rasool’Allah (ﷺ) se suna ki –
“Halaal aur Haraam Khula hua hai aur Inn Dono ke Darmiyan kuch Cheezein Shuba (Doubtful) waali hain Jinko bahut se Log nahi jantey.”
*Phir Jisney Apne Aapko Inn Shuba ki Cheezon se bacha liya Usney Apney Deen aur Izzat ko bacha liya.
Aur jo koi In Shuba ki Cheezon me parh gaya uski missal Uss Charwahey ki hai Jo kisi ki Charagah ke Aas-Paas apney Janwaron ko charaye aur Kareeb hai ki Uskey Jaanwar Usmein chale jaye,
*Sun Lo! har Baadshah ki Ek Charagah hoti hai, Allah ki Chaaragah Uski Zameen par Haraam Cheezain hain.
Sun Lo! Badan me Ek Ghosht ka tukda hai Jab Wo Durast Hoga tou Sara Badan Durast Hoga
Aur Agar wo Bigad haya tou Sara Badan bigad gaya aur Wo Tumhara Dil hai.”
Hadees of the Day
Allah ke Rasool (ﷺ) ne farmaya:
“Har Deen Mein Koi na Koi Imtiyazi aur Akhlaqi Khoobi hoti hai aur Islam ki Imtiyazi Khoobi Haya hai.”
Hadees of the Day
Abdullah bin Amr (R.A) se riwayat hai ke,
Allah ke Rasool (ﷺ) ne farmaya:
❝ Agar Tumhare paas 4 Cheezein ho tou duniya ki kisi cheez ke na hone ka afsos nahi hoga: 1) Amanat ki Hifazat, 2) Baat me Sachhai, 3) Achchi Aadate, 4) Pakeeza Rozi.❞
Hadees of the Day
Al-Mughira (R.A) se riwayat hai ke,
Rasool’Allah (ﷺ) ne farmaya –
“Allah Ta’ala ne tum par Maa ki Nafarmani Haraam Qarar di hai aur ( walidain ke haqooq ) na dena aur na-haq un se mutalibaat karna bhi haraam Qarar diya hai, aur Ladkiyon ko Zindah dafan karna ( bhi haraam qarar diya hai ) aur Kil wa qail ( fuzool bateen ) kasrat se sawal (Unnecessary Demand) aur maal ki barbadi ko bhi napasand kya hai.”
: WAJAHAT :
Yaani Allah Ta’ala ne Maa ki Nafrmani aur Betiyonko Zinda Dafnana bhi Haraam Karar kar diya,
– Aur Kisiko na dena Matlab Sadqa-Khairaat na karna aur beja Sawal (Mangna) karna bhi Haraam thehraya,
– Aur Fizul baate karna, Zaroorat se jyada mangna, Maal ko barbad karna Inn Saari baton ko bhi Haraam me Shumar kiya hai.
Ameen ! Allahumma Ameen
Hadees of the Day
Nabi-e-Kareem (ﷺ) ne farmaya –
“Momin ki Rooh Uss Waqt tak Jannat me Jaane se Rooki Rehti hai Jab tak ke Uska Qarz Ada naa kiya jaye.”
Hadees of the Day
Abdullah Ibne Amr (R.A.) se riwayat hai ke,
Allah ke Rasool (ﷺ) ne farmaya:
‟Sabse Behtareen Sadqa aapas me Sulah kara dena hai.”
Hadees of the Day
۞ Hadees: Anas (R.A.) se riwayat hai ke,
RasoolAllah (ﷺ) ne farmate hai ke
“(Bagair majboori ke) Qarz lene se bacho, is liye ke Qarz raat mein ranj wa Gham aur din mein Zillat wa Ruswaayi ka Sabab hai.”
Hadees of the Day
Abdullah Ibne Abbas (R.A.) se riwayat hai ki,
Rasool’Allah (ﷺ) ne irshad farmaya:
“Mujhe Dozakh dikhai gayi, Maine waha Aurato ko jyada paya, wajah ye hai ki woh kufr karti hai.”
Sahaba-e-Kiram ne Arz kiya –
‘Kya wo Allah ke sath kufr(Shirk) karti hai?’
Aap ﷺ ne farmaya :
‘Nahi! Wo Shohar ki Nashukri karti hai! Jo ke ek tarah ka Kufr hai aur Ahsaan nahi manti,
agar tu kisi aurat se Umar bhar Ahsaan aur Neki ka sulook kare lekin 1 baat bhi Khilafe Tabiyat ho jaye tou jhath se keh dengi ‘Maine tuzse kabhi aaram aur sukoon nahi paya.’