♥ Mafhoom-e-Hadees: Abdullah Ibn Amr Ibn Al-‘As (RaziAllahu Anhu) Se Riwayat Hai Ki,
Rasool’Allah (Sallallahu Alaihay Wasallam) Ne Farmaya –
“Reham Karne Walo Par Rehmaan Bhi Reham Farmata Hai,
Tum Zameen Walo Par Reham Karo Tum Par Wo(Allah) Reham Karega Jo Aasmaan Me Hai”.
– (Sunan Abu Dawud, Vol#3, Hadith no. 1504)
♥ Mafhoom-e-Hadees: Abu Hurairah (RaziAllahu Anhu) Se Riwayat Hai Ki,
Al-Aqra-Bin-Habis (RaziAllahu Anhu) Ne Dekha Ki,
Rasool’Allah (Sallallahu Alaihay Wasallam) Hazrate Hasan (RaziAllahu Anhu) Ko Pyaar Kar Rahe They,
Tou Wo Bola Mere 10 Bacchhe Hain Aur Maine Unmey Se Kisi Ko Pyaar Nahi Kiya.
Tou Aap (Sallallahu Alaihay Wasallam) Ne Farmaya –
“Jo Reham Nahi Karega (Apney Bachcho Ya Logon Par) Tou Allah Bhi Uss Par Reham Nahi Karega.”
– (Sahi Muslim, Vol#6, Hadith no. 6029)
♥ Mafhoom-e-Hadees: Jarer Bin (RaziAllahu Anhu) Se Riwayat Hai Ki,
Rasool’Allah (Sallallahu Alaihay Wasallam) Ne Farmaya –
“Jo Shakhs Bando Par Reham Nahi Karega Allah Ta’ala Uss Par Reham Nahi Karega”.
– (Sahih Muslim , Vol#6, Hadith no. 6030)