Fitno ka Zuhoor​​ –​​ 

1.​​ Barish​​ ke qatron ki tarah Fitne Nazil honge

۞​​ Hadees:​​ Hazrat Umme Salma​​ (R.A)​​ farmati​​ hai​​ ke ek raat Rasool Kareem​​ (Sallallahu Alaihay Wasallam)​​ ghabra ke uthey aur farmaya: Subhan​​ Allah​​ kis qadar khazaney aur​​ Fitney​​ Allah​​ ki taraf se nazil kiye gaye hain? hujray walion (Azwaaj e Rasool Sallallahu Alaihay Wasallam) ko kon uthaye ga ta ke wo​​ Namaz​​ perhien?.

Sahih​​ Bukhari​​ Kitab ul Fitan​​ 7069

۞​​ Hadees:​​ Hazrat ​​ Usama​​ (R.A)​​ farmatey​​ hain ke​​ Nabi​​ (Sallallahu Alaihay Wasallam)​​ Madina ke​​ kisi​​ Unchey​​ maqan per charhey phir farmaya: kya tum bhi​​ dekh rahe​​ ho jo​​ Main dekh raha hu? (Sahaba​​ (R.A)​​ ne kaha:​​ Nahi​​ Allah​​ ke​​ Rasool! tou​​ Aap​​ (Sallallahu Alaihay Wasallam)​​ ne farmaya: bila shuba main barish ke qatron ki tarah tumhare gharon ke darmayan​​ Fitney​​ girtay huwey dekh raha hon.

Sahih Muslim​​ Kitab ul Fitan​​ 7245

2.​​ Hazrat Umar (R.A)​​ Fitno ke​​ Aagey​​ Darwaza hain

۞​​ Hadees:​​ Hazrat Huzaifa​​ (R.A)​​ se marvi​​ hai​​ ke​​ Umer bin Khattab​​ (R.A)​​ ne pucha ke fitno ke baray mein​​ Allah​​ ke Rasool​​ (Sallallahu Alaihay Wasallam)​​ ke​​ farameen kis ko yad hein?​​ Hazrat Huzaifa​​ (R.A)​​ ne jawab dia ke muje wo maano yaad hain.​​ Umer​​ (R.A)​​ ne kaha:​​ Paish karo tum waqai​​ Zuratmand ho. kaha ke​​ Allah​​ ke Rasool​​ (Sallallahu Alaihay Wasallam)​​ ne farmaya:

"Aadmi ke​​ Ahlo​​ Ayaal aur​​ Maalo​​ Doulat is ke liye​​ Fitna hain jo isey​​ Namaz,​​ Zakat,​​ Amar bil​​ Maroof aur​​ Nahi an almunkir jaisay​​ Amaal se roktey hain.​​ Umer​​ (R.A)​​ ne kaha: main is​​ Fitney​​ ke baray mein nahi​​ puchta, main tou is​​ Fitney​​ ke baray mein puchta hun jo​​ Samandar ki mojon ki tarah umadta chala ayega.​​ Huzaifa​​ (R.A)​​ ne kaha​​ Ameer ul​​ Momineen!​​ Aap ko tou is​​ Fitney​​ se pareshan nahi​​ hona chahiye kyon ke​​ Aap​​ ke​​ aur is​​ Fitney​​ ke darmiyan ek band darwaza hai.​​ Umer​​ (R.A)​​ ne kaha: wo darwaza khola jaye ga ya toda​​ jaye ga?​​ Main ne kaha: toda jaye ga. kaha: phir yaqeenan isey band nahi​​ kiya ja sakega?​​ Main ne kaha: ji haan.

Hum ne​​ Huzaifa​​ (R.A)​​ se pucha kya​​ Umar​​ (R.A)​​ is darwazay ke mutaliq jantey they? farmaya: haan! jis tarah muje yaqeen he ke kal se pehle raat ayegi​​ kyon ke maine aisi​​ baat bayan ki thi jo bebuniyad nahi​​ thi. hume in se yeh puchney me​​ dar laga ke wo darwaza koun hai? chunache​​ hum ne masrooq (tabee) se kaha (ke​​ wo puchien) jab​​ unhone pucha ke wo darwaza koun tha? tou​​ Unhone jawab dia: wo darwaza​​ Umer​​ (R.A)​​ they.

Sahih Bukhari​​ Kitab ul Fitan​​ 7096

Note:​​ ​​ Qayamat​​ ki​​ yeh​​ Nishani bhi​​ puri ho chuki hai.​​ Ummat e​​ Muslima ko​​ Hazrat Umar (R.A)​​ ki​​ Shahadat​​ ke baad jin fitno ka samna karna pada wo​​ Aaj tak chal rahey​​ hain.

3.​​ Mashriq​​ se Shaitan ka Seengh Namudar hoga

۞​​ Hadees:​​ Hazrat Abdullah​​ bin​​ Abbas​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne​​ Dua mangi: ya​​ Allah! humare​​ Saa'a aur​​ Mad me​​ Barkat farma,​​ Ilahi!​​ humare​​ Yaman o​​ Shaam me​​ Barkat farma. logon me se​​ Ek​​ Aadmi ne kaha:​​ Aye​​ Allah​​ ke​​ Nabi​​ (Sallallahu Alaihay Wasallam)! humare​​ iraq ke liye bhi​​ (Dua karein).​​ Aap​​ (Sallallahu Alaihay Wasallam)​​ ne farmaya: wahan se​​ Shaitan ka​​ Seengh​​ Namudar hoga aur​​ Fitney​​ Ubliengey, bila shuba​​ Jor-o-Jafa​​ Mashriq me hai.

Al​​ Mu'jam al​​ Kabeer 13422

Majma al​​ Zawaid 308/3

Mukhtasir al​​ Targheeb 87​​ 

4.​​ Qayamat​​ se pehle​​ khoob​​ khoonraizi hoga

۞​​ Hadees:​​ Hazrat​​ Abu​​ Musa​​ (R.A)​​ farmatey​​ hain ke RasoolAllah​​ (Sallallahu Alaihay Wasallam)​​ ne irshad farmaya:​​ Qayamat​​ se pehle khoob khoonraizi hoga.​​ Sahaba​​ (R.A)​​ ne kaha: hum tou​​ Ek​​ Saal me​​ 70 hazar ko​​ Qatal kerte​​ hai​​ tou kya is se bhi​​ zyada kasht-o-khoon hoga?​​ Aap​​ (Sallallahu Alaihay Wasallam)​​ ne farmaya: wo tumhara​​ Mushrikon ko​​ Qatal kerna nahi​​ hoga balkay tum​​ aapas me khoon raizi karogey.​​ Sahaba​​ (R.A)​​ ne kaha: kya is waqt humare hosh o hawaas qayam hongey? farmaya: is din logon ki​​ Aqlein cheen li jayengi aur wo samjhienge​​ ke hum kis cheez (haq) per hain halankein​​ aisa nahi​​ hoga.

Musnad​​ Ahmad​​ 557-569/4

Ibne​​ Majah​​ 4007

۞​​ Hadees:​​ Ek riwayat me​​ yeh izafa​​ hai​​ ke​​ Admi apne humsaye,​​ Apne​​ Bhai,​​ Chacha aur​​ Bhateejay ko​​ Qatal kerne se daraigh​​ nahi​​ karay ga.
*Musnad​​ Ahmad 410/4

5.​​ Muslaman aapas me​​ Qatal-o-Gharat karenge

۞​​ Hadees:​​ Hazrat Abu​​ Soban​​ (R.A)​​ farmatey​​ hain ke​​ RasoolAllah​​ (Sallallahu Alaihay Wasallam)​​ ne farmaya:
“Beshaq main ne apne​​ Rab se sawal kia:​​ Ya​​ Rab! meri ummat ko (Majmoee​​ taur per)​​ Qahatsaali se​​ Halaq​​ na kerna, inn per koi aisa​​ Ghair​​ Muslim dushman musallat na ho jo inn ki markaziyat ko bilkul​​ Nest-o-Nabood​​ kar​​ de.

Allah​​ Ta’ala​​ ne farmaya:​​ Aey​​ Muhammad​​ (Sallallahu Alaihay Wasallam)! mere faislon mein koi​​ Raddo-Badal nahi​​ ho sakta, maine​​ Aap ki apni ummat ke haq me yeh​​ Dua qabool​​ kar​​ li hai​​ ke inhe​​ Qahatsaali se halaq​​ nahi​​ karunga aur na inn per koi​​ Ghair​​ Muslim dushman musallat karunga jo inn ki​​ Jarien ukhar phankey, khuwah wo chunki inn (Musalmano) per hamla awar ho jaye albata yeh​​ aapas me​​ Qatal-o-Gharat karenge aur ek dusre ko​​ Qaidi (tak) bana lenge.”

Sahih Muslim;​​ Kitab ul Fitan​​ 2889

6.​​ Khuwarij ka zahoor

۞​​ Hadees:​​ Hazrat Abu​​ Saeed​​ (R.A)​​ farmatey​​ hain ke​​ Nabi​​ Kareem​​ (Sallallahu Alaihay Wasallam)​​ (Maal) taqseem farma rahey they ke​​ Abdullah bin​​ Zil​​ Khuwaisra tameemi aaya aur kaha ya RasoolAllah​​ (Sallallahu Alaihay Wasallam)! insaf kijiye.​​ Aap​​ (Sallallahu Alaihay Wasallam)​​ ne farmaya: afsos agar main insaf nahi​​ karunga tou phir koun kareyga?​​ 

is per​​ Umer​​ (R.A)​​ ne kaha mujhe ijazat dijiye​​ ke​​ main is ki​​ Gardan maar​​ du.​​ Aap​​ (Sallallahu Alaihay Wasallam)​​ ne farmaya: nahi​​ is ke kuch aisey sathi hongy jin ki​​ Namazon aur​​ Rozon ke samne tum apni​​ Namazon aur​​ Rozey ko haqeer samjhogey lekin wo​​ Deen se is tarah bahar ho jayengey jis tarah teer janwar me se bahar nikal jata he, agar teer ke par, paikaan baar aur lakri ko dekha jaye tou kaheen koi nishaan (khoon) nazar nahi​​ aata, kyonke​​ wo (janwar ke) leed, gobar aur khoon sab se aagey (bedagh) nikal gaya. (isi tarah wo log saaf​​ Islam se nikal jayenge) in ki nishani ek mard hoga jis ka ek hath​​ Aurat ki chati ki tarah ya yun farmaya ke gosht ke thal thal kertay lothrey ki tarah hoga. yeh log​​ Musalmano ke intshaar ke waqt paida hongey.

Sahih Bukhari​​ 6933

۞​​ Hadees:​​ Abu​​ Saeed​​ (R.A)​​ farmatey​​ hain ke main gawahi deta hu​​ ke​​ yeh hadees main ne​​ Huzoor​​ Nabi​​ Kareem​​ (Sallallahu Alaihay Wasallam)​​ se suni hai​​ aur main gawahi deta hu​​ ke Hazrat ​​ Ali​​ (R.A)​​ ne (Nehrwaan me) in se​​ Jung ki thi aur​​ main is jung me in ke sath tha. in logon me se ek banda​​ Qaidi bana​​ kar​​ laya gaya tou is me man-o-aan wohi cheezien thi jo​​ Nabi​​ (Sallallahu Alaihay Wasallam)​​ ne bayan farmai thi.

7. Maal aur​​ Khazane​​ ba’qasarat​​ Hasil honge

۞​​ Hadees:​​ Jabir bin​​ Samra​​ (R.A)​​ farmatey hain ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ Yeh​​ Deen​​ Qayam raheyga hatta ke quraish se 12 khulafa hongey, phir​​ Qayamat​​ se pehle jhootey zahir hongey.​​ Musalmano ki ek badi​​ Jamat kisra ke​​ Safaid khazaney haasil​​ kar​​ legi.

Sahih Muslim​​ kitab ul imara 1822

۞​​ Hadees:​​ Hazrat Soban​​ (R.A)​​ se marvi​​ hai​​ ke RasoolAllah​​ (Sallallahu Alaihay Wasallam)​​ ne irshad farmaya:​​ Allah​​ Ta’ala​​ ne mere liye​​ Zameen ko sukaid​​ dia tou​​ Main ne​​ Zameen ke​​ Mashriq o​​ Maghrib (tak) ko dekha hai. bilashuba​​ Meri​​ Ummat ki hakumat wahan tak pohancheygi​​ jahan tak muje mushahda karaya gaya hai​​ aur mujhe surkh o safaid (sona, chandi) do khazaney bhi ata kiye gaye hain.

Sahih Muslim​​ Kitab ul Fitan​​ 2889

8.​​ Bait ul Maqdas ki Fatah

۞​​ Hadees:​​ Hazrat​​ Aof bin malik​​ (R.A)​​ se marvi hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ Qayam e​​ Qayamat​​ ki 6 nishanian shumar​​ kar​​ lo.​​ (1).Meri​​ Maut, (2).Bait ul​​ Maqdas ki fatah, (3).phir ek waba jo tum me shiddat se phailegi​​ jaisay bakrion me taoon phail jata hai, (4).phir maal ki kasrat iss darje​​ me hongi​​ ke ek shakh 100 dinaar bhi agar kisi ko dega tou wo is per bhi​​ naraz hoga, (5).phir fitna itna tabah kum aam hoga ke​​ Arab ka koi ghar baaki na rahega jo is ki lapait me na aa gaya ho.
(6).​​ phir sulah jo tumhare aur bani aal asfar (room ke​​ Issai) ke darmayan hongi​​ lekin wo dagha kariengey aur ek azeem lashker ke sath tum per charhai karienge. is me 80 jhandey hongey aur har jhandey ke niche 12,000 fauj hogi.

Sahih Bukhari​​ kitab ul jaziya 3176

Note:​​ Bait ul​​ Maqdas,​​ Yahood o​​ Nasara ke​​ Zair e control tha jo​​ Mulk phalestine me​​ Waqia hai. islam ke ibtadai dour me​​ Nabi​​ (Sallallahu Alaihay Wasallam)​​ bait ul maqdas ki taraf rukh​​ kar​​ ke​​ Namaz​​ perhte they phir​​ Allah​​ Ta’ala​​ ne baitullah ko mustaqil qibla bana dia.​​ Aap​​ (Sallallahu Alaihay Wasallam)​​ ki paishangoyi​​ Hazrat Umar (R.A)​​ ke dour e khilafat 18 hijri me puri hui​​ aur​​ Musalmano ne​​ Bait ul​​ Maqdas​​ Yahood o​​ Nasara se​​ Aazad kerwa lia. 1099 me​​ Saleebion ne bharpoor yalgharon ke sath bait ul maqdas​​ musalmano se cheen lia phir taqreeban 90 saal baad 1187 me​​ Sultan​​ Salah u​​ Deen​​ Ayubi​​ (R.H)​​ ne paiham marka arraiyon ke baad​​ Bait ul​​ Maqdas​​ Saleebion se azad kerwa lia magar afsos ke ab​​ Bait ul​​ Maqdas, yahoodion ke qabzay me hai​​ aur​​ Qayamat​​ ke qareeb jab imam mehdi​​ (R.A)​​ aur Hazrat​​ Isa​​ (Alaihi Salam)​​ ka zahoor hoga is waqt wo bazor shamsheer isey dobara azad kerwayenge.

9.​​ Taoon (plague) ki waba phailegi

۞​​ Hadees:​​ Hazrat​​ Salma bin​​ Nafeel​​ (R.A)​​ farmati​​ hain ke ek martaba hum​​ Allah​​ ke Rasool​​ (Sallallahu Alaihay Wasallam)​​ ke paas tashreef farma they ke ek​​ aadmi ne pucha: ya Rasool​​ Allah! kya​​ Aap ke paas kabhi​​ aasman se khana​​ aaya hai?
farmaya haan,​​ kaha: kaisay?
farmaya: chotay bartan mein.
kaha: kya is me se kuch baaki bacha?
farmaya: haan
kaha: wo kahan hai?
farmaya: isey dubara utha lia gaya aur meri taraf wahi nazil hui​​ ke main tumhare darmiyan humesha nahi​​ rahunga balkey faut​​ kar​​ lia jaunga aur mere baad tum (Sahaba) bhi​​ kuch der zinda rahoge. tum (musalmano ki)​​ Jamatein dekhogey jo​​ aapas me​​ Qatalo​​ Gharat kareinge​​ aur​​ Qayamat​​ se pehle "Maut" phailegi​​ jo badi shiddat se (har taraf) phail jayegi​​ is ke baad​​ Zalzalon waley saal hongey.

Masnad Ahmad​​ 145/4

Sunan​​ Darmi 43/1

10.​​ Imandari​​ kum​​ aur khayanat bharpoor hogi

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool Kareem​​ (Sallallahu Alaihay Wasallam)​​ apni majlis me logon se guftugu​​ farma​​ rahe​​ they ke​​ ek deehati​​ aaya aur kehne laga: aye​​ Allah​​ ke Rasool Sallallahu Alaihay Wasallam!​​ Qayamat​​ kab ayegi?​​ Aap​​ (Sallallahu Alaihay Wasallam)​​ ne farmaya jab imanat​​ (imandari)​​ zaya ki jaye tou​​ Qayamat​​ ka intzar karna. is ne kaha: imanat ka zayaa kaise​​ hoga? farmaya: jab kaam na ahal logon ke supurd​​ kar​​ diye jayen tou​​ Qayamat​​ ke Muntazir raho(intezar karo).

Sahih Bukhari​​ kitab ul riqaaq 6496

۞​​ Hadees:​​ Hazrat Huzaifa​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne hume 2 hadeesien bayan farmayen jin mein ek ka zahoor tu mein dekh chuka hon aur dosri ka muntazir hun, Rasool​​ Allah​​ (Sallallahu Alaihay Wasallam)​​ ne hum se farmaya:​​ ke​​ imanat logon ke dilon ki gehraiyon me utarti hai​​ phir​​ Quran majeed aur hadees shareef sey is ki mazbooti ho jati​​ hai​​ aur​​ Aap​​ (Sallallahu Alaihay Wasallam)​​ ne (dusri hadees me) imanat ke uth janay ke mutaliq farmaya ke​​ aadmi ek martaba soye ga aur (isi me) imanat is ke dil se khatam ho jayegi​​ aur isme​​ beyimani ka halka sa dagh par jaye ga. phir ek martaba soye ga tou wo dagh chaley ki tarah ho jaye ga jis tarah tum paon per angara phanko tou is se ek phula hua chala sa nikal​​ aata haiy jo ander se khali hota haiy. phir yeh haal hoga ke log khareed o farokht karienge​​ aur koi shakhs imanatdaar nahi​​ hoga.​​ 

kaha jayega ke​​ falaan logon me ek imanat dar shakhs hai. is ke mutaliq yeh bhi​​ kaha jayega ke wo kitna aqalmand, buland housla aur buhadar hai​​ halankay is ke dil me rayii barabar bhi​​ iman (imanat) nahi​​ hoga. (Hazrat Huzaifa​​ (R.A)​​ farmatey​​ hain ke) main ne ek aisa waqt bhi​​ dekha ke main khareed o farokht bila khauf o khatar kiya karta tha agar wo (tajir) musalman hota tou is ka islam isey (beyimani se) rokta aur agar wo essai hota tu is ka madadgar isey rokta tha lekin ab (beyimani ke barh jane​​ ki wajah​​ se) main falaan aur falaan ke siwa kisi se khareed o farokht hi​​ nahi​​ karta.

Sahih Bukhari​​ kitab ul riqaaq 6497

۞​​ Hadees:​​ Hazrat​​ Abdullah bin​​ Umer​​ (R.A)​​ farmatey​​ hai​​ ke logon ki misaal unton ki se​​ hai​​ ke 100 mein se ek bhi​​ (taiz) sawari ke qabil​​ nahi​​ milta.

Sahih Bukhari​​ kitab ul riqaq 6498

۞​​ Hadees:​​ Hazrat​​ Mardas aslami​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya: naik log​​ ek ke​​ bad deegray rukhsat hotey jayenge​​ aur fazul log baqi reh jayenge​​ jis tarah jo ka bhoosa ya raddi khajoor baki reh jati hai.​​ Allah​​ Ta’ala​​ in (fazool logon) ki kuch parwah nahi​​ karienga.

Sahih Bukhari​​ 6434

۞​​ Hadees:​​ Ek riwayat mein hai:
Aap​​ (Sallallahu Alaihay Wasallam)​​ ne apne dono hathon ki unglion ko baham mila​​ kar​​ farmaya ke is tarah in ke wadey aur​​ Imanatien khalat malat ho kar reh jayengi. (Ibne​​ Umer​​ R.A)​​ Sahabi ne pucha: ya RasoolAllah​​ (Sallallahu Alaihay Wasallam)! phir hume kya kerna chahiye? farmaya: tum​​ Allah​​ se daro​​ Neki ka kaam karo aur​​ Burai se door raho aur logon ko chor kar bilkhusoos apni fikar karo.

Masnad Ahmad​​ 216/2

Abu Dawood​​ Kitab ul​​ Malahim 4335

۞​​ Hadees:​​ Hazrat ​​ Abdullab bin​​ Umro​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ Qayamat​​ qayem na​​ hogi​​ hatta ke bey hayai aam ho​​ jayegi, qata rehmi phail​​ jayegi, hamsaye burey hongey, khayanat karnewalo​​ ko imanatdar samjha jayega aur imanatdaar khayanat karne lageyga.

Masnad Ahmad​​ 263-217/2

Hakim 559/4

Note:​​ imanat dari ka khatma​​ Qayamat​​ ki ek nishani hai​​ jis ka zahoor arsa daraz se ho chuka​​ hai.​​ hakumat, imarat o khilafat, intazamiya, adliya aur her zimadari per ghair zimadar logon ko faiz kerna​​ Qayamat​​ ki nishani​​ hai.​​ Har taraf chori, dakey aur kameenay aur lalchi kisam ke logon ka hona bhi​​ isi zumray mein ata haiy.

Moujuda daur me her khayen o bad kirdar sayadat o qayadat aur uhdey ka talib hai​​ halankay​​ ohda ek zimadari aur imanat hai​​ jis ka haqdar sirf or sirf wo naik aur imanatdar shakhs hai​​ jisay her waqt​​ Allah​​ ke huzoor jawab dahi ka ihsas mojzan rahay. ilawa azain wo kisi uhday ka talib u mutmani hargiz na ho kyon ke Rasool Kareem​​ (Sallallahu Alaihay Wasallam)​​ ne irshad farmaya: 

۞​​ Hadees:​​ Allah ki qasam hum hargiz​​ aise shakhs ko uhda nahi​​ sonptay jo is ka talib ya harees ho.​​ (Ek riwayat me hai​​ ‘jo is ka irada rakhta ho.’)

Sahih Bukhari​​ kitab ul ihkam 7149

11.​​ Zabir​​ o Zalim Hukmaran​​ honge

۞​​ Hadees:​​ Hazrat​​ Abu​​ Huraira​​ (R.A)​​ se marvi hai​​ ke main ne​​ Allah ke Rasool ka irshad e garami suna​​ Aap​​ (Sallallahu Alaihay Wasallam)​​ ne farmaya: agar tumhare umer lambi hui​​ tou tum ek aise qoum dekho ge​​ jo​​ Allah​​ ke ghazab me subah karegi aur​​ Allah​​ ki lanat mein shaam guzareygi. in​​ ke​​ hathon me bailon ki dummo ki tarah (lathiyan) hongi.

Sahih Muslim​​ kitab ul jannah 2857

۞​​ Hadees:​​ Hazrat Abu Huraira​​ (R.A)​​ farmate​​ hain ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: 2 kisam ke log jahanum walay hain jinhe main ne (abhi) nahi​​ dekha. ek tou wo qoum hai​​ jin ke paas bailon ki dummo jaise lathian hongi​​ aur in ke sath wo logon ko marienge.

Sahih Muslim​​ kitab ul adab 2128

۞​​ Hadees:​​ Hazrat Abu​​ amama​​ (R.A)​​ farmate​​ hain ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: is ummat ke​​ aakhri dour me kuch log zahir hongey jin ke hath me bailon ki dummo jaise lathian hongi. yeh log subah o shaam​​ Allah​​ ki lanat aur ghazab ka shikar hongey.​​ (Ek riwayat mein hai​​ ke​​ ‘in se dosti paida na kerna.’)

Masnad Ahmad​​ 315/5

Sahih al​​ Jame 317/3

۞​​ Hadees:​​ Hazrat Huzaifa​​ (R.A)​​ farmate​​ hain ke​​ Allah​​ ke Rasool​​ (Sallallahu Alaihay Wasallam)​​ ne farmaya mere baad aise hukmaran hongey jo meri hidayat se munh pherenge​​ aur meri​​ Sunnat se airaz kariengey aur in (ki intazamiya) me aise log hongey jin ke jismo me​​ Shaitano ke dil hongey.

Sahih Bukhari​​ kitab ul munaqib 3606

۞​​ Hadees:​​ Ibne​​ Umer​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne farmaya: jab meri ummat me shahana kar-o-far hoga aur roomi o irani badshahon ki naslien in ki khidmat guzar hongi tou​​ Allah​​ Ta’ala​​ in ke badtareen logon ko in ke behtareen logon per musallat kar dega.

Sunan​​ Tirmizi​​ Kitab ul Fitan​​ 2261

12.​​ Fahashi​​ aam ho​​ jayegi

۞​​ Hadees:​​ Abdullah bin​​ Umer​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: yaqeenan​​ Allah​​ Ta’ala​​ beyhayai phailney aur phailaney ko na pasand karta​​ hai​​ ya beyhayai phailaney walay se bughz rakhta hai. aur​​ Aap​​ (Sallallahu Alaihay Wasallam)​​ ne yeh bhi​​ farmaya:​​ Qayamat​​ qayem nahi​​ hogi​​ hatta ke beyhayai phail jayegi.

Musnad​​ Ahmad 217/2

Hakim 559/4

۞​​ Hadees:​​ Hazrat Anas​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya fahashi, beyhayai aur qata rehmi ka phail jana​​ Qayamat​​ ki nishanion me se​​ hai.
Majma al​​ Zawaid 284/7

Note:​​ Fahashi aur bey hayai ka phail jana​​ Qayamat​​ ki ek nishani​​ hai.​​ Aurton ki beypardagi,​​ Mardon se ikhtalaat, mehloot taleem, gaali gloch, movies, dramey,​​ Songs wagaira sab is me shamil hain.

Nabi​​ (Sallallahu Alaihay Wasallam)​​ ki peshangoyi​​ ke mutabiq is ka phailna la mahala qatey​​ hai​​ magar hume is peshangoyi​​ ka misdaq bannay se hattal maqdoor garaiz kerna chahiye.

Quran​​ majeed​​ ka faisla:

“Jo log​​ musalmano me bey hayai phailanay ke arzo mand rehte hain in ke liye​​ Dunia aur​​ Aakhirat​​ me dardnak azab​​ hai.”

Surah al​​ Noor 19

13.​​ Aurtein kapdey pahen’ne​​ ke bawjood​​ barhana (Nangi)​​ hongi

۞​​ Hadees:​​ Hazrat Abu Huraira​​ (R.A)​​ farmate​​ hain ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: 2 kisam ke log jahanum walay​​ hai​​ jinhe main ne (abhi) nahi​​ dekha. ek tou wo qoum​​ hai​​ jin ke paas bailon ki dummo jaise lathian honge aur in ke sath wo logon ko marienge.

Sahih Muslim​​ kitab ul adab 2128

Note:​​ Aurton ka uriyaan libas mein zahoor​​ Qayamat​​ ki nishani​​ hai.​​ mojoda dour me yeh nishani aam​​ hai.

14.​​ Ilm ka khatma aur jahalat mein izafa ho jaye ga

۞​​ Hadees:​​ Hazrat​​ Anas bin malik​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: ilm ka uth jana, jahalat aur qatal o gharat ka badh jana​​ Qayamat​​ ki nishanion mein se​​ hai.

Sahih Bukhari​​ kitab ul​​ Ilm 80

۞​​ Hadees:​​ Hazrat Abdullah​​ bin​​ Umro​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne​​ Irshad farmaya:​​ Allah​​ Ta’ala​​ (Zabardasti) logon (ke​​ seeno) se ilm nahi​​ khichiega​​ balkey​​ Ulma ke khinchney (maut) ke sath ilm bhi khinch lega​​ yahan tak ke koi​​ Aalim baki nahi​​ raheyga phir log jahilon ko sardar bana lengey, in se sawal kia jayega tou wo bila ilm jawab denge​​ jis ke nateeja me khud bhi​​ gumrah hongey aur logon ko bhi gumrah karienge.

Sahih Bukhari​​ kitab ul​​ ilm​​ 100

۞​​ Hadees:​​ Hazrat ​​ Zaid bin​​ Labaid​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne ilm uth jane​​ ka tazkira farmaya tou main ne kaha: ya Rasool​​ Allah​​ Sallallahu Alaihay Wasallam! ilm kaise​​ khatam ho jayega halankey hum​​ Quran padhte​​ hai​​ aur apni​​ Aulad ko pardhatey​​ hai​​ (wo apni​​ Aulad ko padhate​​ rahenge​​ tou is tarah) yeh silsala​​ Qayamat​​ tak jaari rahega.​​ Nabi​​ (Sallallahu Alaihay Wasallam)​​ ne farmaya:​​ Ibne​​ Labaid!​​ Teri​​ Maa tujhe gum paye, main tou tuje​​ Madina​​ ka samajhdar​​ aadmi samajhta tha. kya yahood-o-nasar tauraat aur injeel nahi​​ perhte? magar yeh log in se koi nafa hasil nahi​​ karte.

Masnad Ahmad​​ 219/4

Sunan ibne​​ Majah​​ 4097

Note:​​ ‘Teri​​ Maa tujhe gum paye’ yeh ek muhawra hai.​​ 

۞​​ Hadees:​​ Hazrat Huzaifa​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ ilm​​ mit’ta chala jayega jis tarah kidey​​ ke nishanat mittay chalay jatey​​ hai​​ hatta ke log​​ Namaz,​​ Roza,​​ Zakat​​ aur​​ Qurbani ka tasawwur bhi​​ bhool jayenge.​​ Quran majeed utha lia jayega aur kuch budhey​​ Mard o zun baki reh jayengey jo kahenge​​ hum ne tou apne​​ Abaa o​​ Ajdaad se sirf yeh​​ Kalma (la ilaha illallah) suna​​ hai​​ lihaza hum bhi​​ wohi kalma dohratay hain.

Fatah al bari 16/13

Sunan ibne​​ Majah​​ 4049

Ek riwayat me​​ hai​​ ke:​​ 

۞​​ Hadees:​​ Qayamat is waqt qayem​​ hogi​​ jab zameen per​​ Allah!​​ Allah! pukarnay wala bhi​​ koi na bacheyga.

Sahih Muslim​​ kitab ul iman 148

Note:​​ Ilm ka uth jana​​ Qayamat​​ ki ek nishani​​ hai.​​ yeh nishani b​​ Aahista​​ Aahista zahir ho rahi​​ hai.​​ Deen se doori, deen ke barey me na wakfiyat isi ke ziman​​ me aata​​ hai.

15.​​ Zina aam ho​​ jayega

۞​​ Hadees:​​ Hazrat​​ Anas bin malik​​ (R.A)​​ farmate​​ hai​​ ke main tumhe aisi​​ hadees na sunau​​ jo main ne​​ Allah​​ ke Rasool​​ (Sallallahu Alaihay Wasallam)​​ se suni thi aur mere ilawa koi aur wo hadees tumhe nahi​​ sunayega.​​ Maine​​ Hazoor​​ (Sallallahu Alaihay Wasallam)​​ ka irshad e garami suna ke​​ Qayamat​​ ki​​ Nishanion me​​ se​​ hai​​ ke​​ ilm​​ utha lia jayega, jahalat barh jayegi,​​ Zina aam hoga,​​ Sharab ba​​ Qasrat pee jayegi,​​ aadmi thodey aur​​ Aurtien​​ Ziada ho jayengi.

Sahih Bukhari​​ kitab ul nikah 5231

۞​​ Hadees:​​ Hazrat​​ Abu​​ Huraira​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya: is​​ Zaat ki​​ Qasam jis ke hath me​​ meri jaan​​ hai​​ yeh ummat is waqt tak khatam na hogi​​ jab tak ke (yeh halat na ho jaye ke)​​ Aadmi​​ Aurat ke sath bhare​​ bazar​​ Zina karega aur is waqt behtareen​​ aadmi wo hoga jo yeh baat kaheyga: kash tum isey deewar ke peeche ley jatey.

Majma al​​ Zawaid 331/7

Note:​​ Yaani​​ Qayamat​​ ke kareeb Zina itna aam ho jayega ke log khuleaam karne lag jayenge. Aur us dour me wo shakhs​​ accha​​ mana jayega jo aise zina karnewalo ko ye nasihat karega ke kash tum log khuleaam karne ke bajaye deewar ke piche ja kar karte.

۞​​ Hadees:​​ Hazrat​​ Abu amir​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: meri ummat me kuch aise log paida hongey jo zinakari ko halal kar leingey.

Sahih Bukhari​​ 5590

Note:​​ Zinakari ka aam hona​​ Qayamat​​ ki ek nishani​​ hai.​​ moujuda dour me yeh zina kari jungle me aag ki tarah tamaam aalm-e-islam me phail​​ kar​​ musalmano ke iman ko jala​​ kar​​ raakh bana rahi​​ hai.
Zina ek kabeera​​ Gunnah bhi​​ hai​​ jis ki​​ Shariyat me hadd​​ batai gayi​​ hai​​ ke agar zani​​ Shadi​​ Shuda na ho tou isay100 kodey lagaye jayen aur ek saal ke liye jila watan​​ kar​​ dia jaye aur agar zaani​​ shadi shuda ho tou isey rajam kar dia jaye.

16.​​ Sharab halal​​ Samjhi jayegi

۞​​ Hadees:​​ Hazrat​​ Abu malik ash'ari​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya: meri ummat me kuch aise buray log paida​​ ho jayenge​​ jo​​ Zinakari,​​ Reshmi libas,​​ Sharab aur ganey bajanay ko halal bana lengey.

Sahih Bukhari​​ kitab ul ashraba 5590

۞​​ Hadees:​​ Hazrat Anas​​ bin​​ Malik​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ Qayamat​​ ki nishanion me se​​ hai​​ ke​​ ilm​​ utha lia jaye ga, jahalat barh jayegi​​ aur​​ sharab​​ qasrat se​​ pee jayegi.

Sahih Bukhari​​ kitab ul nikah 5231

۞​​ Hadees:​​ Hazrat​​ Ibada bin​​ Samat​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Meri ummat me se kuch log​​ Sharab ko halal bana lengey aur is ka​​ Naam badal lengey aur jab tak yeh amlamat zahir na ho jaye​​ Qayamat​​ qayem nahi​​ hogi.

Masnad Ahmad​​ 318/5

Ibne maja 33/14

17. Mausiqui - Gana bajana​​ aam​​ ho​​ jayega

۞​​ Hadees:​​ Hazrat​​ Abu​​ Amir​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Meri ummat me kuch aise burey log paida hongey jo​​ Zinakari,​​ Reshmi libas,​​ Sharab aur​​ Ganey bajanay ko halal​​ kar​​ lengey aur (in me se) kuch​​ log​​ pahad​​ ki choti per (apne banglon me rihayash ke liye) chaley jayengey. in ke charwahey subah o shaam janwar layengey aur ley jayengey. in ke paas koi faqeer apni hajat ki gharz se aayega tou wo talnay ke liye isey keh deingey ke kal​​ aana lekin​​ Allah​​ Ta’ala​​ raat hi​​ inhe (sarkashi ki waja se) halaq​​ kar​​ dega, in per pahad​​ gira dega​​ aur in me se baki bachney walon ko​​ Qayamat​​ tak ke liye bandar aur khanzeer ki soorton me masakh​​ kar​​ dega.”

Sahih Bukhari​​ kitab ul ashraba 5590

۞​​ Hadees:​​ Hazrat​​ Sahal bin​​ Saad​​ (R.A.)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Meri ummat ka ek giroh​​ Sharab o​​ Kabab aur lahw o la'ab (musical shows) me raat guzarega phir subah ko wo bandar aur khanzeer ban chuke​​ honge​​ aur in me se jo bach​​ jayengey in per​​ Allah​​ Ta’ala​​ ek hawa bejhega​​ jo inhe is tarah tabah barbad​​ kar​​ dega​​ jis tarah pehle (nafarman) qoumo ko barbad kiya gaya. yeh saza inhe is liye milegi​​ ke​​ unho ne​​ Sharab peenay, ganey bajanay aur ganey waliayan fahisha rakhne ko halal​​ kar​​ liya hoga.

Eik riwayat me​​ hai​​ ke:​​ “Unho ne​​ Allah​​ ki muharmaat,​​ Sood,​​ Sharab aur​​ Resham waghaira ke istamal ka jawaz muhaya​​ kar​​ lia hoga.”

Masnad Ahmad​​ 325/5

Majma al zawaid 19/8

18. Rishtadari todi jayegi​​ aur hamsaye bure​​ honge

۞​​ Hadees:​​ Hazrat​​ Abdullah bin​​ Umro​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ Qayamat​​ Qayem nahi​​ hogi​​ hatta ke beyhayai khub phail jayegi, qata taluki aam hogi​​ aur hamsaye burey hongey.

Masnad Ahmad​​ 263/2

Hakim 559/4

Abdul razaq 40411

Majma al zawaid 632/7

۞​​ Hadees:​​ Hazrat​​ Ibne​​ Masood​​ (R.A.)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ se pehle​​ Tijarat,​​ Jhoot,​​ Tuqmaan e​​ Haq aur​​ Kitabat aam ho jayegi.​​ Neez rishtadari todi jayege.”

Masnad Ahmad​​ 509/1

Hakim 493/4

Majma al zawaid 635/7

Note:​​ Rishtadari ka todna​​ Qayamat​​ ki ek nishani​​ hai.​​ bohat se​​ log​​ maal o dolat ki chamak dhamak me andhey ho ke ghareeb rishtadaron ko bhool jatey hain.
۞​​ Hadees:​​ Nabi​​ (Sallallahu​​ Alaihay​​ Wasallam)​​ ne farmaya:​​ “Rishtadari todney wala kabhi jannat me dakhil na ho sakega.”

Sahih Muslim​​ 2556

19. Log​​ Ajnabi ban jayenge

۞​​ Hadees:​​ Hazrat Huzaifa​​ (R.A)​​ marvi​​ hai​​ ke Rasool​​ Allah​​ (Sallallahu Alaihay Wasallam)​​ se​​ Qayamat​​ ke barey me pucha gaya tou​​ Aap​​ (Sallallahu Alaihay Wasallam)​​ ne farmaya: is ka​​ ilm​​ mere​​ Rab ke paas​​ hai​​ aur wohi is ke waqt se khoob wakif​​ hai​​ lekin main tumhe​​ Qayamat​​ ki kuch​​ Alamatien batata hoon​​ jo​​ Qabal az​​ Qayamat​​ runuma honge.​​ Qayamat​​ se pehle fitna aur harj zahir hoga. logon ne kaha: ya Rasool​​ Allah​​ Sallallahu Alaihay Wasallam!​​ Fitna tou hum jantey​​ hai​​ yeh​​ Harj kya hai? farmaya habshi zaban me​​ Harj ka matlab​​ Qatal​​ hai.(aur farmaya)​​ log​​ aapas me ajnabi ho jayengey goya koi ek dusre ko pehchanta hi​​ nahi​​ hai.

Masnad Ahmad​​ 389/5

Majma al zawaid 309/7

Note:​​ Logon ka musalman hone ke bawjood ajnabi ho jana​​ Qayamat​​ ki ek alamat​​ hai.​​ yeh nishani mumkin had tak wazeh ho chuki​​ hai​​ magar batadreej is me izafa nagazeer​​ hai.

Ek hi​​ masjid ke 2​​ Namazi​​ bhi​​ ek dusre ke halat se wakif nahi​​ hotey balkay ek dusre ka naam bhi​​ basaauqaat maloom nahi​​ kar​​ patey.

20. Jhoot​​ Qasrat se bola jayega

۞​​ Hadees:​​ Hazrat​​ Abu​​ Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ Qayamat​​ qayem hone se pehle​​ Fitney​​ zahir hongey, jhoot bakasrat hoga, bazar qareeb ho jayenge.

Sahih Bukhari​​ Kitab ul Fitan​​ 7061

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ Aakhri zamaney me​​ kuch aise (jhootey) zahir hongey jo (khud ghar ker) tumhe aise hadeesein sunayenge​​ jo tum ne aur tumhare​​ aaba-o-ajdad ne bhi nahi​​ suni hongi. lihaza in se mehfooz rehna ke kaheen tuhme​​ Gumrahi ya​​ Fitney​​ me mubtala​​ na​​ kar​​ dein.

Sahih Muslim​​ muqadma 7

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke:​​ Shaitan insani soorat me kisi​​ Qoum ke paas aa​​ kar​​ jhooti hadees sunayega aur logon me intshaar waqia ho jayega, in me se ek​​ aadmi kahega ke main ne ek shakhs se yeh hadees suni​​ hai​​ jis ka chehra tou main pehchanta hun magar is ka naam nahi​​ janta.

Sahih Muslim​​ Muqadma 17

۞​​ Hadees:​​ Hazrat Abdullah​​ bin​​ Umro​​ (R.A)​​ farmatey​​ hai​​ ke:​​ Samandar me​​ Shaitan​​ Qaid​​ hai​​ jin ko​​ Suleman​​ (A.S)​​ ne​​ Qaid kia tha.​​ Anqareeb wo​​ Niklenge​​ aur logon ko​​ Quran​​ Sunayenge​​ (yani dhoka dene ke liye jhoota​​ Quran bana layengey).
Sahih Muslim​​ Muqadma 18

Note:​​ Jhoot ka phail jana​​ Qayamat​​ ki ek nishani​​ hai.​​ yeh nishani arsa daraz se zahir ho chuki​​ hai​​ aur​​ din-ba-din​​ badhti ja rahi​​ hai.

Qayamat ke qareeb kuch​​ log​​ aise jahir​​ hongey ke​​ Allah​​ ke Rasool​​ (Sallallahu Alaihay Wasallam)​​ per jhoot bandhenge​​ aur jhooti hadeesein garh​​ ke logon ko suna kar​​ Gumrah kareingey.

Aam guftugu me jhoot bolna bhi​​ Gunnah​​ hai​​ lekin​​ Ilm-e-Hadees me jhoot bolne ke barey​​ me​​ Nabi​​ (Sallallahu Alaihay Wasallam)​​ ne farmaya ke:
۞​​ Hadees:​​ “Jis ne jaan boojh ke mujh​​ per jhoot bandha wo apna thikana​​ Jahannum (aag)​​ me bana ley.”

Sahih Muslim​​ muqadma 4

21. Jhooti gawahi di jaye gi

۞​​ Hadees:​​ Hazrat Abdullah​​ bin​​ Masood​​ (R.A)​​ farmatey​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ Qayamat​​ se pehle jhooti gawahi di jayegi​​ aur sachi gawahi chupai jayegi.

Masnad Ahmad​​ 509/1

Hakim 493/4

Majma al zawaid 635/7

Note:​​ Jhooti gawahi dena​​ Qayamat​​ ki nishani​​ hai.​​ Moujuda dour me yeh nishani bilkul wazeh​​ hai.​​ Nabi​​ (Sallallahu Alaihay Wasallam)​​ ne jhooti gawahi ko kabeera gunnahon mein se qarar dia​​ hai.

Aaj​​ Humare adalton ka​​ aksar​​ nizam jhooti gawahion per munhasir​​ hai.​​ kiraye ke gawah bakasrat aur ba’aasani mil jate​​ hai​​ jin ke zariye har tarah ke najaiz muqadmaat ke jaiz faislay kerwa liye jatay hain.

22. Bad’Amli phail jayegi

۞​​ Hadees:​​ Hazrat Abu​​ Amama bahli​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya: islam ki kadiya​​ ek ke baad​​ toot’ti jayengi jab ek tootegi​​ tou​​ log​​ dusri pakad​​ lengey. sab se pehle hukm (amar e khilafat) aur sab se aakhir mein iqamat e salat (ki kadi) tootegi.

Masnad Ahmad​​ 316/5

Hakim 104/4

۞​​ Hadees:​​ Ibne​​ Ferooz​​ (R.A)​​ se marvi​​ hai​​ ke RasoolAllah​​ (Sallallahu Alaihay Wasallam)​​ ne irshad farmaya:​​ Islam ki kadiyan darja ba darja tootti jayengi jis tarah rassi (zanjeer) waqfa dar waqfa toot’ti​​ hai.

Masnad Ahmad​​ 317/4

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Qayamat​​ qayem​​ nahi​​ hogi​​ hatta ke zamana qareeb aa jaye ga aur amlon me kotahi paida ho​​ jayegi.

Sahih Bukhari​​ Kitab ul Fitan​​ 7061

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ Qayamat​​ ki nishanion me se​​ hai​​ ke ek aadmi masjid (ke​​ paas) se guzrega magar is me 2 rakatein (tahaya tul masjid) ada​​ nahi​​ karega.
Ibne Khazeema​​ 283/2

Silsala al​​ Saheeha 253/2

Majma al​​ Zawaid 329/7

۞​​ Hadees:​​ Hazrat Anas​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya: logon per ek aisa dour ayega ke in me apne deen (ki hifazat) per sabar kerne wala is shakhs ki manind hoga jo aag ke angarey ko apni muthi me thamney wala​​ hai.

Sunan​​ Tirmizi​​ Kitab ul Fitan​​ 2260

Note:​​ Islami taleemaat se kinarakashi​​ Qayamat​​ ki nishani​​ hai.​​ islami taleemat me sab se pehle nizam e imarat o khilafat ki kadi toteygi​​ aur tareekh gawah​​ hai​​ ke fil waqye khilafat e islamia ka inqata khudmukhtar o neem khudmukhtar rayaston ke qayam se shuru​​ huwa.​​ Bad’amli ke farogh ke liye sab se​​ aakhri me iqamat e salat jaise aham fareezay ko chora jaye ga.​​ aaj kal masajid qareeb hone ke bawjood is farz ko chora ja raha​​ hai.

23.​​ Log bakheel​​ (Kanjus)​​ ho jayenge

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: (qayamat ki alamaat mein se​​ hai​​ k) zamana qareeb aa jaye ga, amal mein nuqs waqiya hoga aur bakheeli paida ho​​ jayegi.

Sahih Bukhari​​ Kitab ul Fitan​​ 7061

۞​​ Hadees:​​ Hazrat Muawiya​​ (R.A)​​ se marvi​​ hai​​ ke main ne​​ Allah​​ ke Rasool​​ (Sallallahu Alaihay Wasallam)​​ se suna​​ Aap​​ (Sallallahu Alaihay Wasallam)​​ farmatey they ke​​ “log​​ sakht aur bakheel ho jayenge.”

Majma al​​ Zawaid 14/8

۞​​ Hadees:​​ Hazrat Abu Huraira​​ (R.A)​​ farmatey​​ hai​​ ke​​ “Bakheeli ka aam hona​​ Qayamat​​ ki nishanion mein se​​ hai.”

Majma al zawaid

Fatah al bari 15/13

Note:​​ Bakheeli o​​ Kanjoosi ka phail jana​​ Qayamat​​ ki ek nishani​​ hai​​ jo ke bohat taizi se phail rahi​​ hai.

Bakheeli ke daira kaar me wasail ki bakheeli, maal o doulat ki bakheeli, fikar o nazar ki bakheeli aur qalb o amal ki bakheeli shamil hein.

24. Ummat e​​ Muslima​​ Shirk me mubtala ho​​ jayegi

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: is waqt tak​​ Qayamat​​ qayem​​ nahi​​ hogi​​ hatta ke "dous" qabeeley ki aurton ke sereen zulkhalsa per harkat krenge. zulkhalsa dous qabeeley ka butt tha jis ki jahliyat me ibadat kertey they.

Sahih Bukhari​​ Kitab ul Fitan​​ 7116

۞​​ Hadees:​​ Hazrat Soban​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ Qayamat​​ is waqt tak qayem​​ nahi​​ hogi​​ jab tak meri ummat ke qabail​​ (giroh)​​ mushrikeen ke sath na mil jayen aur jab tak meri ummat ke qabail booton ki ibadat na kerne lage.

Masnad Ahmad​​ 350/5

Abu Dawood​​ Kitab ul Fitan​​ wal malahim 4252

۞​​ Hadees:​​ Hazrate Ayesha​​ (R.A)​​ farmati​​ hai​​ ke maine​​ Allah​​ ke Rasool​​ (Sallallahu Alaihay Wasallam)​​ se suna​​ hai​​ ke din aur raat khatam​​ nahi​​ honge​​ hatta ke​​ Laat aur​​ Uzza ki ibadat ki​​ jayegi.

Hazrate Ayesha​​ (R.A)​​ farmati​​ hai​​ ke main ne kaha ya Rasool​​ Allah! main tou samajhti thi ke is​​ aayat ke nazool ke baad deen mukamal ho jayega. (aur​​ Shirk ki​​ Gunjaish​​ nahi​​ raheygi)​​ "is zaat​​ Allah​​ Ta’ala​​ ne apne Rasool ko hidayat aur deen e haq ke sath bhejha ta ke wo isey her deen pe ghalib​​ kar​​ dey agarchay (yeh baat) mushrikeen ko nagawar guzray.”

Surah​​ Saf 9

۞​​ Hadees:​​ Huzoor​​ (Sallallahu Alaihay Wasallam)​​ ne farmaya: jab tak​​ Allah​​ chahega deen sar buland rahega phir​​ Allah​​ Ta’ala​​ ek pakeeza hawa bhejhega​​ jo her is shakhs ki rooh qabaz​​ kar​​ lega​​ jis ke dil mein rai barabar bhi​​ iman hoga phir wo​​ log​​ reh jayengey jin me koi khair​​ nahi​​ hogi​​ aur wo apne (kafir)​​ Aba o​​ Ajdaad ke deen ki taraf lout jayenge.

Sahih Muslim​​ Kitab ul Fitan​​ 2907

۞​​ Hadees:​​ Hazrat Abu Huraira​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya: har​​ Nabi​​ ki ek​​ Dua qubool hoti​​ hai​​ aur her​​ Nabi​​ ne apne​​ Dua (dunia) mein jaldi​​ kar​​ li jab​​ ke​​ maine apni dua ko apni ummat ke liye​​ Roz-e-Qayamat​​ ke liye mehfoz​​ kar​​ rakha​​ hai​​ aur meri​​ Dua in’sha’Allah​​ meri ummat ke her is fard ke haq mein qabool hogi​​ jo is halat me faut huwa ke​​ Allah​​ ke sath kisi ko shareek​​ nahi​​ banata tha.

Sahih Muslim​​ kitab ul iman 119

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke jab yeh ayat nazil hui:​​ “jo​​ log​​ iman laye aur​​ unho ne apne iman ko​​ Zulm se paak rakha tou​​ inhi​​ logon ke liye aman​​ hai​​ aur yahi hidayat yafta hain.”

Surah​​ Al​​ An'aam 82

Tou​​ Sahaba ikram ne kaha ke hum me se koun​​ hai​​ jis ne (kabhi) zulm​​ nahi​​ kia? tou​​ Allah​​ Ta’ala​​ ne is zulm ki wazahat me yeh​​ aayat nazil farma di.

۞​​ Al-Quran:​​ “Beshaq​​ Shirk​​ Zulm e​​ Azeem​​ hai.”

Surah​​ Luqman 13

Sahih Bukhari​​ kitab ul iman 32

۞​​ Hadees:​​ Abu waqad laisi se marvi​​ hai​​ ke jab RasoolAllah​​ (Sallallahu Alaihay Wasallam)​​ hunain ki tarah nikley tou ek (bairi ke) darakhat ke paas se guzar huwa jisey "zaat anwaat" kaha jata tha aur mushrikeen is per apna aslaha (bataur barkat) latkatey they. (chand​​ Sahaba​​ (R.A)​​ jo​​ New'muslim they)​​ Unho ne kaha: ya Rasool​​ Allah​​ Sallallahu Alaihay Wasallam! jis tarah in (mushrikon) ka zaat anwaat​​ hai​​ is tarah​​ Aap humare liye bhi​​ (kisi darakhat ko) zaat anwaat muqarar​​ kar​​ dein.​​ Nabi​​ Kareem​​ (Sallallahu Alaihay Wasallam)​​ ne​​ (yeh baat sun ker) farmaya:​​ “Allah​​ hu akbar! yeh tou aise​​ hai​​ jaise bani israel ne kaha tha: (aye​​ musa​​ A.S!) humare liye bhi​​ ek mabood muqarar​​ kar​​ dein jis tarah in (mushrikon) ke mabood hain. (suno!) albata tum zaroor pehley logon ke tareekon per chaloge.”

Masnad Ahmad​​ 218/5

Sunan tirmizi​​ Kitab ul Fitan​​ 2180

Note:​​ Ummat e​​ Muslima ka​​ Shirk me mubtala ho jana​​ Qayamat​​ ki ek nishani​​ hai.​​ Qayamat se pehle zul khalsa, laat aur manaat waghaira ki phir se ibadat shuro​​ kar​​ di​​ jayegi​​ halankay​​ Nabi​​ Kareem​​ (Sallallahu Alaihay Wasallam)​​ ne apni hayaat mubarka me in tamaam bootton ka qala qama farmaya tha.

25.​​ Ummat e​​ Muslima ki​​ Auratein​​ Shirk mein ziada mubtala hongi.

۞​​ Hadees:​​ Nabi Kareem​​ (Sallallahu Alaihay Wasallam)​​ her gunahgar ummati ki sifarish karengey magar mushrik ki sifarish​​ nahi​​ krengey kyon ke​​ Allah​​ ne​​ Quran me farmaya:​​ “Beshak jis ne​​ Allah ke sath​​ Shirk kiya​​ Allah​​ is per jannat haram​​ kar​​ dega.”

Surah al​​ Maida 72

Zulkhalsa junoobi taif mein muqam zahran me tha.​​ Nabi​​ Kareem​​ (Sallallahu Alaihay Wasallam)​​ ki peshangoyi​​ ke mutabiq fil waqye musalman is ki parastish ke​​ Fitney​​ mein mubtala ho chukey they ke dareen asna me​​ Allah​​ Ta’ala​​ ne apne ek​​ Nek,​​ Saleh aur​​ Musalah bandey​​ Muhammad bin​​ Abdul​​ Wahab ko khada kia jis ne​​ Abdul​​ Azeez bin​​ Muhammad bin​​ Saood ke tawun se​​ Dawat e​​ Tauheed aur taqat ke sath is darsgah ko ukhad​​ phenka aur logon ko​​ Shirk se nijat di. abhi kuch chingarian baki thin jo​​ Az-sar-no shirk ki aag roshan kerna chahti thin ke abdul azeez bin abdul rehman aal saood ne is ka bhi qala qama​​ kar​​ dia.

Dusrey mumalik ki tarah​​ India aur​​ pakisthan me bhi​​ Shirk ki beemari taoon ki tarah her taraf phail chuki​​ hai.​​ hazaron darbar aur dargahien ban chuke​​ hai​​ jahan rukoo o sujood ke sath hajj aur tawaf tak ghair​​ Allah​​ ke liye baja laye jatey hain.

Ghair​​ Allah​​ ke liye nazrien, niyazien peh ki jati hain, muradien aur duayen mangi jati hai, aatey jatey guzartey huwwy salamein pesh ki jati hain, itna khauf​​ Allah​​ ka​​ nahi​​ jitna "murdon" ka dil me bithaya jata​​ hai.​​ aur sitam per sitam yeh ke hukumat in ki sarparasti kerti​​ hai.

Shayed hi​​ koi aisa manzar ho jahan par qabar ke uper boot na rakhey​​ gaye hon.

Page 3

26. Masajid me​​ Zaib o​​ Zeenat aur fakhar o​​ Mubahaat kiya jayega

۞​​ Hadees:​​ Hazrat Anas​​ bin​​ Malik​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ qayem na hogi​​ hatta ke​​ log​​ Masjidon me fakhar o mubahaat​​ karenge.”

Masnad Ahmad​​ 170/3

Abu Dawood​​ 4449

۞​​ Hadees:​​ Ek riwayat me​​ hai​​ ke​​ “Qayamat​​ ki alamaat me se​​ hai​​ ke​​ log​​ Masjidon ko sajaya​​ karenge.”

Ibne Khazeema​​ 1322

Sunan Nisai​​ 690

۞​​ Hadees:​​ Hazrat Abu​​ Darda​​ (R.A)​​ se marvi​​ hai​​ ke​​ “jab tum​​ log​​ masjidon​​ ko sajane​​ lagoge​​ aur​​ Quran ko mazaiyan kerne lagoge​​ tou tumhari​​ barbadi​​ hai.”

Sahih al​​ Jame 220/1

Silsala al​​ Saheeha 337/3

۞​​ Hadees:​​ Hazrat Abdullah​​ bin​​ Abbas​​ (R.A)​​ se​​ farmatey​​ hai​​ ke tum​​ Zaroor masjidon ko is tarah​​ aarasta karoge​​ jis tarah yahood o nasara kerte hain.​​ Neez​​ Hazrat Umar (R.A)​​ ne jab masjid ki tameer farmai tou (maemaar se) kaha:​​ Surkh o​​ Zard (chuna gach) na karna mubada ke​​ log​​ Fitney​​ me mubtala ho jayen.

Sahih Bukhari​​ kitab ul salat

Note:​​ Masjid ko sajana​​ Qayamat​​ ki nishani​​ hai.

Yeh nishani arsa daraz se shuru​​ ho chuki​​ hai​​ aur batadreej shidat pakad​​ rahi​​ hai.​​ Hafiz ibne​​ Kaseer​​ (R.H)​​ farmatey​​ hai​​ ke​​ Abdul​​ Malik bin​​ Marwaan ne apne dour​​ e khilafat me​​ Bait ul​​ Maqdas ko soney aur chandi wagaira se is qadar muzaiyan​​ kar​​ dia ke​​ log​​ isey harmain per tarjeeh deney lagey​​ they.

Masjidon me bila zaroorat​​ Qandeelien​​ Latkana,​​ Mombatian jalana, jhandian lagana aur is tarah ke bila maqsad jumla umoor​​ Qayamat​​ ki nishanion mein se hein.

27. Sood aur​​ Haram​​ Maal ba’qasrat khaya jayega

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne farmaya: logon per zaroor aisa waqt aane​​ wala​​ hai​​ ke​​ aadmi is baat ki bilkul fikar​​ nahi​​ karega ke jo maal is ne hasil kiya wo halaal​​ hai​​ ya haram.

Sahih Bukhari​​ 2083

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ se pehle sood phail jayega.”

Al​​ Targheeb o​​ Tarheeb 9/3

Note:​​ Sood aur​​ Haram ka istamal​​ Qayamat​​ ki ek nishani​​ hai.​​ moujuda dour me kasrat e maal o zar ki beemari cancer ki tarah saarey muslim muashrey me​​ dakhil ho​​ chuki​​ hai.​​ Ahle​​ ilm​​ bhi​​ halal o haram ki tameez kiye bagair maal ke hasool ki doud​​ me bhaghey chaley ja rahey hain.​​ 

28. Karobar me​​ Aurtien bhi​​ Shareek hongi

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ se pehle sirf khaas logon ko salam kia jayega aur tijarat phail​​ jayegi​​ hatta ke​​ Aurat apne khawind ke karobar me shirkat karegi.”

Masnad Ahmad​​ 509/1

Hakim 493/4

Majma al zawaid 635/7

۞​​ Hadees:​​ Hazrat Umro​​ bin​​ Tughlab​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ “Qayamat​​ ki alamaton me se​​ hai​​ ke maal o dolat ki farawani hogi​​ aur tijarat (khub) phail​​ jayegi.”

Sunan Nisai​​ 4461

Masnad Ahmad​​ 69/5

Note:​​ Tijarat ka phail jana​​ Qayamat​​ ki alamat​​ hai.​​ Karobar is waqt wasee ho jayenge​​ ke​​ Aurtien apne shohar ke sath karobar me​​ shareek hongi.​​ Lekin beharhaal​​ Sharai​​ hudood ki pabandi karte huwey aurat tijarat​​ kar​​ sakti​​ hai.​​ 

logon ka ghair mehram khawateen ko karobar me shareek kerna, pardey ka ihtamaam na kerna aur aurat ko kashish aur tijarat me wus'at ke liye​​ istamal kerna sab haram umoor hain.

29.​​ Baalo ko rangne​​ Siyah khizab (black colour)​​ istamaal kiya jayega

۞​​ Hadees:​​ Hazrat​​ Abdullah​​ bin​​ Abbas​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Aakhri zamaney me kuch​​ log​​ sayah khazab (balon ke liye) istamal​​ karenge​​ (is ki syahi is tarah hogi) jis tarah (kaaley) kabootar ka seena hota​​ hai​​ yeh​​ log​​ jannat ki khushbu bhi na songh sakenge.

Masnad Ahmad​​ 339/1

Sunan​​ Abu Dawood​​ 4212

Sunan Nisai​​ 5090

Note:​​ Balo ko rangne ke liye​​ Siyah khizab​​ ka istamaal kerna mana​​ hai.​​ Siyah khizab​​ ka jawaz darhaqeeqat​​ Qayamat​​ ki nishani​​ hai.​​ 

Safaid balon ko mehndi waghaira se rangna jaiz​​ hai​​ lekin sirf sayah khazab ka istamal mana​​ hai​​ Albata agar sayahi ko mehndi wagaira me mila​​ kar​​ istamal kia jaye tou jaiz​​ hai.

Baalo me Siyah khizab (black colour)​​ ki mumanat ki daleel:

۞​​ Hadees:​​ Hazrat jabar​​ (R.A)​​ farmatey​​ hai​​ ke​​ Fatah​​ Makkah ke​​ Roz (Abu​​ Baqr​​ Siddhique​​ (R.A)​​ ke walid)​​ Abu​​ Qahafa​​ (R.A)​​ ko laya gaya. in ka​​ Sir aur darhi safama (Safaid phulon waley poudhey) ki tarah​​ Safaid thi tou​​ Aap​​ (Sallallahu Alaihay Wasallam)​​ ne hukm farmaya:​​ “iski​​ Safaidi ko tabdeel karo magar​​ Siyah se ijtanab karna.”

Sahih Muslim​​ kitab ul libas wal zeenah 79

30. Quraish ka khatma ho jayega

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Arab ke​​ Qabail me se sab se pehle​​ Quraish fana hongey aur mumkin​​ hai​​ ke​​ Aurat juta le​​ ke guzre​​ aur kahe​​ yeh falaan​​ Qureshi ka juta​​ hai.”

Masnad Ahmad​​ 444/2

masnad bazar 298/3

Abu​​ Ya'ala 68/11

۞​​ Hadees:​​ Hazrate Ayesha​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Aye​​ Ayesha! sab se pehle teri​​ Qoam halak hogi.​​ Hazrate Ayesha​​ (R.A)​​ ne arz kia: ya Rasool​​ Allah!​​ Allah​​ Ta’ala​​ mujhe aap per qurban kare, kya banu tameem waley pehle halak hongey? farmaya:​​ nahi​​ balkey​​ Qabeela​​ Quraish pehle​​ maut​​ ka shikar hoga aur sab logon se pehle inhi​​ ki halakat hogi.

Hazrate Ayesha​​ (R.A)​​ ne pucha phir koun se​​ log​​ baaqi reh jayenge?​​ Aap​​ (Sallallahu Alaihay Wasallam)​​ ne farmaya: yehi (Quraish) jo logon ka markaz they jab yeh halak ho jayenge​​ tou phir (bila takheer) sarey​​ log​​ halak ho jayenge.

Masnad Ahmad​​ 78/2

Silsala al saheeha 596/4

Note:​​ Quresh ki halakat​​ Qayamat​​ ki ek nishani​​ hai​​ aur​​ Nabi​​ Kareem​​ (Sallallahu Alaihay Wasallam)​​ ki ek​​ peshangoyi​​ hai​​ jo la mahala sach sabit hogi.​​ yeh paishgoye aur nishani abhi puri​​ nahi​​ hui​​ albata​​ Quresh ki aksraiyat aaj madoom ho chuki​​ hai​​ aur bohat thodey quresh aaj baqi hain.

31. Kufaar(Yahudo Nasara)​​ ki taqleed

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ is waqt tak qayem​​ nahi​​ hogi​​ jab tak meri ummat is tarah guzashta ummaton ke mutabiq​​ nahi​​ ho​​ jayegi. jis tarah balisht balisht​​ ke​​ aur hath hath ke barabar hota​​ hai.​​ pucha gaya ya Rasool​​ Allah​​ Sallallahu Alaihay Wasallam! guzishta ummaton se murad koun hain, kya farsi aur nasrani?​​ Aap​​ (Sallallahu Alaihay Wasallam)​​ ne farmaya yeh​​ nahi​​ tou phir aur koun?

Sahih Bukhari​​ 7319

۞​​ Hadees:​​ Hazrat Abu​​ Saeed se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: tum apni guzishta ummaton ki ek​​ ek balisht aur ek​​ ek gaz me itteba karoge​​ yahan tak ke agar wo kisi sanday ke sorakh me dakhil huwe​​ hongey tou tum is me bhi​​ inki itteba karogey (aur surakh me dakhil ho jaoge). hum ne pucha: ya Rasool​​ Allah​​ (Sallallahu Alaihay Wasallam)​​ kya (guzishta aqwaam se)​​ Aap ki murad yahood o nasara hain? farmaya: phir aur kon?

Sahih Bukhari​​ kitab ul aetsaam bil kitaab wal​​ Sunnah 7320

۞​​ Hadees:​​ Ek riwayat me​​ hai​​ ke​​ Sahaba ne pucha: ya Rasool​​ Allah​​ Sallallahu Alaihay Wasallam! kya wo​​ Ahle​​ Kitab hain? farmaya: (yeh​​ nahi​​ tou) phir aur koun (ho sakte hain)?

Masnad Ahmad​​ 432/2

Note:​​ Kuffar ki taqleed o mushahbaat​​ Qayamat​​ ki ek nishani​​ hai.​​ yeh nishani arsa daraaz se zahir ho ke apne aakhri marahil ko choo rahi​​ hai.​​ Muslmaan, kufaar ki taqleed o​​ mushahbat​​ karne me fakhar mehsoos karte hain.​​ chaal dhaal, libaas, rahan sahen, shakal o soorat, sayasi o iqtasadi, samaji, muashi aur taleemi muamlaat me kuffar ki mushahbat kerna aizaaz samjha jata​​ hai.

32. Zalzaley bakasrat​​ aaya​​ karenge

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Qayamat​​ qayem​​ nahi​​ hogi​​ hatta ke​​ ilm​​ qabaz​​ kar​​ lia jayega, zamana qareeb aa jayega aur zalzalay kasrat se hongey.

Sahih Bukhari​​ kitab ul istasqa 1036

۞​​ Hadees:​​ Hazrat​​ Salma​​ (R.A)​​ se marvi​​ hai​​ ke​​ Allah​​ ke​​ Nabi​​ (Sallallahu Alaihay Wasallam)​​ ne irshad farmaya:​​ “Qayamat​​ se pehle mout ki sakht waba phailegi​​ phir zalzalon waley saal ayengey.”

Masnad Ahmad​​ 104/11

Majma al zawaid 306/7

۞​​ Hadees:​​ Hazrat Abdullah​​ bin​​ Hawala​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne apna​​ Dast e​​ Mubarak mere sir pe rakh​​ kar​​ farmaya:​​ Aye​​ Abdullah! jab tu khilafat ko​​ Arz e​​ Muqadas per utartey dekh le​​ tou (yaad rakh) phir zalzalay, musaib o alaam aur badey badey umoor ronuma hongey aur is din​​ Qayamat​​ logon ke is qadar qareeb hogi​​ ke itna mera hath bhi​​ tumhare sir ke qareeb nahi.

Masnad Ahmad​​ 288/5

Hakim 471/4

Abu Dawood​​ 3535

۞​​ Hadees:​​ Hazrat​​ Abada​​ (R.A)​​ farmatey​​ hai​​ ek​​ aadmi ne​​ Allah​​ ke Rasool​​ (Sallallahu Alaihay Wasallam)​​ se pucha: ya Rasool​​ Allah​​ Sallallahu Alaihay Wasallam! Aap ki ummat kitna arsa narmi (aasaish) me guzaregi? is ne 3 martaba sawal kiya magar​​ Aap ne isey koi jawab na dia tou wo wapis chal diya.​​ Aap​​ (Sallallahu Alaihay Wasallam)​​ ne isey talab farmaya aur kaha:​​ Tum ne aisa sawal kiya​​ hai​​ jo meri ummat me se kisi ne bhi​​ nahi​​ kia, in ki narmi aur asaish ki mudat 100 saal hogi. sayel ne kaha: ya Rasool​​ Allah​​ Sallallahu Alaihay Wasallam! (khatma​​ aasaish ki) koi nishani aur alamat b ronuma hogi? farmaya: han zameen ka dhansaya jana, zalzalay taari hona aur​​ Shaitano ka logon ke (tawoon ke liye) bhejha jana.

Masnad Ahmad​​ 307/5

Hakim 365/4

Majma al zawaid 19/8

Note:​​ Zalzalon ka​​ Zahoor​​ Qayamat​​ ki ek alamat​​ hai.​​ Qayamat ki mazkooar nishani ek arsa se zahir hote chali aa rahi​​ hai.

33. Soortien maskh hongi aur​​ log​​ Zameen me dhansaye jayengey

۞​​ Hadees:​​ Hazrat Abdullah​​ bin​​ Umro​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ Meri​​ Ummat me​​ Shaklon ka​​ Bigadna,​​ Zameen me​​ Dhansna aur​​ Patthron ki​​ Barish (Zaroor) hogi.

Masnad Ahmad​​ 218/2

Ibne​​ Maja​​ Kitab ul Fitan​​ 4060

۞​​ Hadees:​​ Hazrate Ayesha​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: is ummat me​​ Shaklon ka bigadna,​​ Zameen me​​ Dhansna aur​​ Patthron ki​​ Barish hogi.​​ Maine kaha ya Rasool​​ Allah​​ (Sallallahu Alaihay Wasallam)​​ kya hum halak ho jayenge​​ halankay humare darmiyan​​ Nek​​ log​​ bhi​​ honge? farmaya haan!​​ jab khabasat phail​​ jayegi.

Sunan tirmizi​​ Kitab ul Fitan​​ 2185

۞​​ Hadees:​​ Sahar​​ Abdi​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Qayamat​​ qayem​​ nahi​​ hogi​​ hatta ke kuch​​ Qabail ko​​ Zameen me​​ Dhansa dia jayega. kaha jayega:​​ Falaan (Dhansney waley) logon me se koi baqi bacha hey!

Masnad Ahmad​​ 633/3

Fatah al bari 412/8

Abu ya'ala 6834

۞​​ Hadees:​​ Hazrat​​ Safiya​​ (R.A)​​ farmati​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ log​​ baitullah per charhai kerne se baaz​​ nahi​​ aayenge​​ hatta ke isi gharz se ek lashker ayega aur jab wo muqam e bayda'a per pohanchega tou bila imtayaz in ke agley pichley aur darmana sab dhansa diye jayenge. maine kaha: ya Rasool​​ Allah​​ Sallallahu Alaihay Wasallam! in me jo koi is (lashker ya charhai) ko na pasand kerne wala hoga? farmaya:​​ Allah​​ Ta’ala​​ sab logon ko inki​​ Niyaton ke mutabiq uthayega.

Masnad Ahmad​​ 379/6

Sunan tirmizi 2184

Ibne maja 4113

Ek riwayat ke mutabiq​​ Aap khwab se bedar huway tou yeh hadis​​ bayan ki jisme 2 lashkaron ka dhansana mazkoor​​ hai.

Sahih Muslim​​ Kitab ul Fitan​​ 2882

۞​​ Hadees:​​ Ibne​​ Umer​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Meri ummat me masakh hoga aur yeh taqdeer ke munkir aur zindeeq logon me hoga.”

Masnad Ahmad​​ 145/2

Abu Dawood​​ 4613

Tirmizi 2152

۞​​ Hadees:​​ Hazrat​​ Baqeera​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: “Jab tum suno ke qareb kahi​​ koi lashker zameen me dhansa diya gaya​​ hai​​ tou (yaad rakho)​​ Qayamat​​ umad aayi​​ hai.”

Masnad Ahmad​​ 378/6

Sahih al jame 228/1

۞​​ Hadees:​​ Hazrat Abu​​ Amama​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ “Meri ummat ke kuch​​ log​​ Sharab o​​ Kabab aur​​ Khail tamashe​​ me raat guzarienge​​ aur subah ko bandar aur khanzeer ban chuke​​ hongy kyon ke​​ Unhone muharmaat ka parda chaak kiya,​​ Ganey wali​​ Aurton,​​ Sharab,​​ Sood aur​​ Reshmi libas ko halaal kar lia tha.”

Masnad Ahmad​​ 378/6

Sahih al jame 228/1

۞​​ Hadees:​​ Eik riwayat me​​ hai​​ ke​​ Aap​​ (Sallallahu Alaihay Wasallam)​​ ne​​ Qasam utha​​ kar​​ yeh​​ peshangoyi​​ farmai.

Masnad Ahmad​​ 365/5

Al targheeb 101/3

۞​​ Hadees:​​ Imran bin hiseen​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ farmatey​​ hain:​​ “Meri​​ Ummat me khasaf o masakh zaroor hoga.​​ Ek​​ Aadmi ne pucha: ya Rasool​​ Allah​​ Sallallahu Alaihay Wasallam! yeh kab hoga? farmaya: jab gaaney bajane​​ aur​​ Fahishah​​ Aurtien aam ho jayengi aur​​ Sharab ka dour doura hoga.”

Sunan​​ Tirmizi​​ Kitab ul Fitan​​ 2212

۞​​ Hadees:​​ Abu​​ Malik​​ As'ari​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne farmaya​​ “Meri​​ Ummat ke kuch​​ log​​ Sharab ka naam badal​​ kar​​ isey piyengey aur in ke liye gaaney bajaney ka intazam kiya jayega. in mein se kuch logon ko​​ Allah​​ Ta’ala​​ Zameen me dhansa dega​​ aur kuch ko bandar aur khinzeer bana dega.”

Sunan ibne​​ Maja​​ Kitab ul Fitan​​ 4060

Sunan​​ Abu Dawood​​ 3685

Note:​​ Shaklon ka bigadna, pathron ki baarish aur logon ka zameen me dhansaya jana​​ Qayamat​​ ki ek nishani​​ hai.​​ is saza ke mustahiq​​ Badkirdar,​​ Sharabi,​​ Kababi aur​​ Allah​​ ke​​ Ahkamaat ke baghi se baghi​​ log​​ hongey jo​​ Haram cheezon ko halal bana lengey.
Wadi kaghan mein paharon ki sliding se marney waley hazaron afrad aur tabah hone wala ilaqa is ki zinda tasweer​​ hai.

Aaj ganey bajaney aam kerne walon ko​​ Allah​​ ke azab se dar jana chahiye ke kaheen on ko bandar aur khinzeer na bana dia jaye ya on ko zameen mein na dhansa dia jaye.

34.​​ Dil ka daura (Heart​​ Attack) bakasrat hoga

۞​​ Hadees:​​ Hazrat Anas​​ bin​​ Malik​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne farmaya:​​ “Qayamat​​ ki nishanion me se​​ hai​​ ke achanak pan ki​​ maut​​ bakasrat hogi.”

Majma al zawaid 325/7

Sahih al jame 214/5

Note:​​ kisi tandrust shakhs ka bila marz achanak faut ho jana heart attack ki​​ maut​​ se mosoom kia jata​​ hai.​​ bakasrat heart attack se maut waqia hona​​ Qayamat​​ ki ek nishani​​ hai.​​ mazkoora nishani moujuda dour me purey urooj per​​ hai​​ her roz bila mubalgha bohat se​​ log​​ heart attack ka shikar ho​​ kar​​ marr​​ rahe hain.

35. Salam sirf maroof logon ko kiya jayega

۞​​ Hadees:​​ Hazrat Abdullah​​ bin​​ Masood​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ ke qareeb​​ Salam sirf khaas logon ko kia jayega.”

Masnad Ahmad​​ 509/1

Hakim 493/4

Musanif abdul razaq 5137

۞​​ Hadees:​​ Amir bin​​ Aswad​​ (R.A)​​ farmatey​​ hai​​ ke hum​​ Abdullah bin​​ Masood​​ (R.A)​​ ke sath ek masjid me​​ gaye​​ tou jamat khadi thi. phir logon ne ruku​​ kiya aur hum bhi​​ ruku​​ karte huwey​​ Shamil ho gaye.​​ Dareen​​ Asna ek​​ Aadmi​​ aaya aur kehne laga​​ Abu​​ Abdul​​ Rehman (Ibne​​ Masood​​ (R.A)​​ ki kuniyat)​​ Aap ko​​ Salam.​​ Abdullah bin​​ Masood​​ (R.A)​​ ne halat e ruku​​ me hi​​ farmaya:​​ ‘Allah​​ aur is ke Rasool​​ (Sallallahu Alaihay Wasallam)​​ ne sach kaha tha.’

Namaz​​ ke ikhtatam per kuch logon ne​​ Aap se pucha ke​​ Aap ne falan​​ Shakhs ke​​ Salam per yeh kyon kaha:​​ ‘Allah​​ aur is ke Rasool ne sach kaha tha?’​​ ibne​​ Masood​​ (R.A)​​ ne farmaya ke​​ Maine​​ Nabi​​ Kareem​​ (Sallallahu Alaihay Wasallam)​​ se suna​​ hai​​ ke Qayamat ki​​ Nishanion me se​​ hai​​ ke salam sirf marfat ki bina per kaha jaye ga.”

Masnad Ahmad​​ 483/1

Hakim 569/4

Majma al zawaid 67/8

۞​​ Hadees:​​ Ibne​​ Masood​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ ki ek​​ Nishani yeh​​ hai​​ ke​​ Aadmi sirf isi​​ Aadmi se​​ Salam karega jis se wo jaan pehchan rakhta hoga.”

Masnad Ahmad​​ 507/1

Note:​​ As salam o​​ Alaikum​​ ka mehdood hona aur sirf marfat rakhne walon ko bahmi salam kerna​​ Qayamat​​ ki ek nishani​​ hai.​​ Yeh​​ Sahaba ke dour se zahir ho chuki aur batadreej barhti ja rahi​​ hai.

۞​​ Hadees:​​ Nabi Kareem​​ (Sallallahu Alaihay Wasallam)​​ ka hukm aam​​ hai​​ ke:​​ “logo salam ko aam karo.”

Sunan​​ Tirmizi​​ Kitab​​ Sifat al​​ Qayamat​​ 2485

Mazkoora nishani ka zahoor burey logon per hoga lihaza hume​​ Salam aam kerte huwey in burey logon ki fahrist me shamil hone se bachna chahiye.​​ 

36. Quran ko bheek mangney ka zariya bana liya jayega

۞​​ Hadees:​​ Hazrat​​ Jabar​​ (R.A)​​ farmatey​​ hai​​ ke​​ Nabi​​ Kareem​​ (Sallallahu Alaihay Wasallam)​​ masjid me dakhil huwey tou kuch​​ log​​ Tilawat e​​ Quran me masroof they,​​ Aap​​ (Sallallahu Alaihay Wasallam)​​ ne farmaya:​​ “Logo!​​ Quran parho aur​​ Allah​​ Ta’ala​​ (sey is ke ajar) ko talash karo​​ Qabal iske​​ ke aise​​ log​​ aa jayen jo​​ Quran ko is tarah seedha kerne ki koshish​​ karenge​​ jis tarah handiya (banatey waqt) seedhe ki jati​​ hai​​ aur wo quran ke sath (husool ajar me) jaldi​​ karenge​​ (Aakhirat ke liye) intezar​​ nahi​​ karenge.”

Masnad Ahmad​​ 454/3

Sunan​​ Abu Dawood​​ kitab ul salat 830

Sahih al jame 258/1

۞​​ Hadees:​​ Hazrat ​​ imran bin hiseen​​ (R.A)​​ ek admi ke pas se guzray jo quran majeed ki tilawat​​ kar​​ raha tha phir (tilawat ke baad) is ne mangna shuru​​ kar diya tou Hazrat imran​​ (R.A)​​ ne​​ ‘innah lillahi wa innah ilaihi rajioon’​​ pedhne ke baad farmaya:​​ Maine​​ Nabi​​ Kareem​​ (Sallallahu Alaihay Wasallam)​​ se suna ke​​ Aap​​ (Sallallahu Alaihay Wasallam)​​ ne farmaya:​​ Jis​​ Shakhs ne​​ Quran pedha wo​​ Allah​​ Ta’ala​​ se mutalba aur sawal kare aur anqareeb aise​​ log​​ ayenge​​ jo​​ Quran padh ke logon se sawal​​ karenge.”

Masnad Ahmad​​ 578/4

Sunan tirmizi kitab fazail al quran 2917

Note:​​ Quran ko bheek mangney ka zariya bana lena​​ Qayamat​​ ki ek nishani​​ hai.
Sahaba karaam​​ (R.A)​​ ke dour me​​ he aise misalein manzar e aam per aa rahi thin ke​​ log​​ Quran padh ke logon se bheek mangtey they.

Agar aap ko railway station, bus stand ya kisi aur awami jaga se guzarnay ka itfaq huwa ho tou aap ne yeh​​ Sharamnak manzar bhi​​ dekha hoga ke kai​​ log​​ Quran ki makhsoos​​ Surton ki ba’awaz buland tilawat kar ke bheek mang rahey hain.

Agar koi shakhs​​ Qurani taleem o tarbiyat, khutba jumma aur imamat waghaira ke faraiz ke liye apne​​ aap ko wakf kar dey tou isey ujrat o muawza dena, is ki zarooriyat ko pura kerna jahan awam ka​​ Akhlaqi farz​​ hai​​ wahan is​​ Aalim-e-deen ka istahqaaq bhi is ki kai ek misalein hadees me moujud hain.

37. Dua aur taharat me​​ Ziadti ki jayegi

۞​​ Hadees:​​ Hazrat Abdullah​​ bin maghfal​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ “Anqareeb mere baad​​ Meri​​ Ummat me se kuch aise​​ log​​ zahir hongey jo​​ Dua aur​​ Taharat me ziadti​​ karenge.”

Masnad Ahmad​​ ¾

Sunan​​ Abu Dawood​​ kitab ul tahara 96

Sunan ibne maja 3864

۞​​ Hadees:​​ Hazrat​​ Saad​​ (R.A)​​ ne suna ke inka beta is tarah​​ Dua​​ kar​​ raha tha:​​ ‘ilahi main tujh​​ se jannat ka sawal karta hu, is ki naimton ka sawal karta hu, is ki rounqo aur tarotazagi ka sawal karta hu​​ wagaira wagaira.... aur main aag se teri panah mangta hu, is ki zanjeeron aur toqon se panah mangta hu.....’​​ 

Tou Hazrat​​ Saad​​ (R.A)​​ ne farmaya:​​ Tum ne​​ Allah​​ Ta’ala​​ se khair kasrat ka sawal kiya​​ hai​​ aur kaseer zarar se panah mangi​​ hai​​ jab ke maine​​ Allah​​ ke Rasool​​ (Sallallahu Alaihay Wasallam)​​ se suna ke​​ Anqareeb aise​​ log​​ hongey jo​​ Dua main ziadti​​ karenge. phir yeh​​ aayat tilawat ki:​​ “Apne​​ Rab se aajzi se aur chupkey chupkey duaye manga karo aur wo yaqeenan ziadti kerne walon ko pasand​​ nahi​​ kerta.”​​ [Surah al​​ Araaf 55]

Tumhe yehi kafi tha ke tum yun kehte:​​ ‘ilahi main tujh​​ se jannat aur har is qoal o amal ka sawal karta hu​​ jo​​ Jannat ke qareeb kar day aur main tujh​​ se jahanum aur har is qoal o amal se panah mangta hu​​ jo jahanum ke qareeb kare.’

Masnad Ahmad​​ 213/1

Sunan​​ Abu Dawood​​ kitab ul salat 1480

Note:​​ Dua aur​​ Wuzoo me ziadti​​ Qayamat​​ ki ek nishani​​ hai.​​ Hazrat ​​ Saad​​ (R.A)​​ ne jab dekha ke in ka beta dua mein ziadti ka murtakib ho raha​​ hai​​ tou isey napasand kia aur yeh hukm e ilahi parh kar sunaya. ‘yaqeenan​​ Allah​​ ziadti kerne walon ko pasand​​ nahi​​ kerte.’

isi tarah​​ Wuzoo ke aza ko kam az kam ek martba aur ziada se ziada 3 martaba dhona​​ Sunnat​​ hai​​ magar 3 martaba se tajawuz karna taharat me ziadti ke zumray me shamil​​ hai​​ jaisa ke:

۞​​ Hadees:​​ Ek arabi ne​​ Allah​​ ke Rasool​​ (Sallallahu Alaihay Wasallam)​​ ki khidmat me hazir ho ke wuzu ka tareeka daryaft kiya tou​​ Aap​​ (Sallallahu Alaihay Wasallam)​​ ne isey 3, 3 martaba aza dho​​ kar​​ wuzu ka tareeka sikhlaya aur farmaya:​​ ‘Yeh kamil wuzu​​ hai​​ aur jis shakhs ne is (3) se ziada martaba kia is ne bura kia aur (khud apni jaan per) zulm kia.’

Sunan​​ Abu Dawood​​ kitab ul tahara 135

Dua aur taharat me mubalgha o ziadti se ijtanab karte huwe​​ sirf amal masnoon per iktafa kerna chahiye.

38. Na ahal​​ Ohdey sambhal lengey

۞​​ Hadees:​​ Hazrat Abu Huraira​​ (R.A)​​ farmatey​​ hai​​ ke​​ Nabi​​ Kareem​​ (Sallallahu Alaihay Wasallam)​​ apni majlis me logon ke sath mahuv e guftugu they​​ ke ek dehati shakhs​​ aaya aur arz kia:​​ ‘Ya Rasool​​ Allah​​ Sallallahu Alaihay Wasallam!​​ Qayamat​​ kab​​ aayegi?’
Aap​​ (Sallallahu Alaihay Wasallam)​​ ne farmaya:​​ “Jab amanat zaya ki janey lagey tou​​ Qayamat​​ ka intzar karo.’

is ne kaha:​​ Ya Rasool​​ Allah​​ Sallallahu Alaihay Wasallam!​​ Amanat kaisey zaya ki​​ jayegi?
Aap​​ (Sallallahu Alaihay Wasallam)​​ ne farmaya:​​ ‘jab​​ Muamlaat na ahal logon ke supurd kiye jayengey tou​​ Qayamat​​ ke muntzir raho.’

Sahih Bukhari​​ kitab ul riqaq 6496

۞​​ Hadees:​​ Hazrat Huzaifa​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ ‘Qayamat​​ qayem na​​ hogi​​ hatta ke logon me sab se khush bakht isey samjha jaye ga jo sab se badbakht aur badbakht ka beta hoga.’

Masnad Ahmad​​ 482/5

Sunan tirmizi 2209

۞​​ Hadees:​​ Hazrat Anas​​ bin malik​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ Khurooj e​​ Dajjal se kuch saal pehle dhokey baaz aam hongey, sachey ki takzeeb aur jhootey ki tasdeeq ki​​ jayegi, imanat daar khayen ban jayega aur khayanatdaar ke paas​​ Amanat rakhi​​ jayegi​​ aur in (hakomti mamlaat) me "ruwaibza" dakhal andazi karega. pucha gaya ke "ruwaibza" koun hai? farmaya:​​ Aisa fasiq jo umoor e aama me batien karega. (yani na ahal ko ahal bana dia jaye ga).

Masnad Ahmad​​ 383/2

Sunan ibne maja 4085

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ ‘Qayamat​​ ki nishanion me se​​ hai​​ ke zaleel, kameene​​ log,​​ Nek​​ Shareef logon per​​ Ghalib (hakim) ho jayengey. kyon ibne​​ Masood​​ (R.A)​​ kya tumne bhi​​ yeh baat mere​​ Mehboob (Nabi Kareem Sallallahu Alaihay Wasallam) se suni hai?​​ Ibne​​ Masood​​ (R.A)​​ ne farmaya haan!​​ kabbah ke​​ Rab ki qasam.’

Majma al zawaid 327/7

Fatah al bari 15/13

۞​​ Hadees:​​ Ek riwayat me​​ hai​​ ke​​ ‘Zaleel,​​ Kameene​​ aur khabees​​ log​​ duniya per ghalib (musalat) ho jayengey.’

Masnad Ahmad​​ 535/5

Majma al zawaid 630/7

Musanif abdul razaq 316/11

۞​​ Hadees:​​ Hazrat Huzaifa​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne muje 2 hadeesien sunayi​​ hai​​ (in mein se ek yeh​​ hai​​ ke) phir aisa waqt aayega ke koi​​ Amanatdar​​ nahi​​ rahega. kaha jayega ke​​ ‘fulaan logon me ek amanatdaar​​ Shakhs​​ hai.​​ is ke mutaliq yeh bhi​​ kaha jayega ke wo kitna aqalmand, buland hosla aur bahadur​​ hai​​ halankay is ke dil mein raai barabar bhi​​ iman​​ nahi​​ hoga.’

Sahih Bukhari​​ kitab ul riqaaq 6497

۞​​ Hadees:​​ Hazrat Umar​​ bin khatab​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne alamaat e​​ Qayamat​​ ke baarey mein ek sayel ka jawab dete huwe​​ farmaya: jab badan aur paaon se nangey, goongay, behrey (ujad kisam ke)​​ log​​ Zameen ke​​ Baadshah ban jayengey. (tou phir​​ Qayamat​​ qareeb hai).

Sahih Bukhari​​ kitab ul iman 50

۞​​ Hadees:​​ Ibne​​ Umer​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ “jab meri ummat ke log takkabur​​ karenge​​ aur faris o room ke shehzaday in ke khadim hongey tou​​ Allah​​ Ta’ala​​ in mein badtareen logon ko in ke behtareen logon per musalat farma dega.

Sunan tirmizi​​ Kitab ul Fitan​​ 2261

۞​​ Hadees:​​ Hazrat Huzaifa​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne farmaya​​ Qayamat​​ is waqt tak qayem​​ nahi​​ hogi​​ jab tak ke tum apne imam (khalifa) ko qatal na kro gy aur apni talwaron ke sath apas mein he larai kro gy ilawa azeen tum mein badtareen​​ log​​ tumhare duniya ke waris ho jayengi.

Sunan tirmizi​​ Kitab ul Fitan​​ 2172

۞​​ Hadees:​​ Hazrat Abu Huraira​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne farmaya:​​ “Agar tumhari​​ umar lambi hui​​ tou tum aise logon ko dekhoge​​ jo​​ Allah​​ ke ghaiz o ghazab aur lanat me​​ Shab-o-Roz basar​​ karenge​​ aur in ke hathon mein bailon ki dumo ki tarah (dandey) honge.”

Sahih Muslim​​ kitab ul jannah 2857

Note:​​ Na ahlon ka zimadarion per fayez hona ya fayez kia jana​​ Qayamat​​ ki ek nishani​​ hai.​​ Moujuda dour me​​ is alamat e​​ Qayamat​​ ka zahoor sapeeda sahar ki tarah ronuma ho raha​​ hai.​​ jab yeh nishani ronuma​​ hogi​​ tu shareef logon ke liye zameen ki satah ki bajaye zameen ka pait (yani mar jana) behter hoga.

mazkoora nishani is waqt zahir​​ hogi​​ jab logon mein takabur o ghuroor, mal o dolat ki farawani, khadmo ki kasrat aur deen se bay rukhi paida ho​​ jayegi.

Qayamat ke qareeb badtareen aur khabees​​ log​​ awam ke dildadah ban​​ kar​​ sayasat o qayadat sambhal lenge.​​ Agar aaj​​ musalmano ke hukmarano aur leedron ko islam ke mezan per parkha aur tola jaye tu masiwaye chand madoda afrad ke baki tamam badtareen hongey.​​ Aaj har taraf chotay aur baray her kisam ke adaron mein buray logon ka tasalut nazar aata hai.

39.​​ Ghareeb ameer ho jayenge

۞​​ Hadees:​​ Hazrat Abu Huraira​​ (R.A)​​ farmatey​​ hai​​ ke ek din​​ Nabi​​ Kareem​​ (Sallallahu Alaihay Wasallam)​​ logon ke samne tashreef farma thay ke achanak ek admi aya aur puchne laga ke​​ Qayamat​​ kab aye ge? aap​​ (Sallallahu Alaihay Wasallam)​​ ne farmaya: jis se sawal kia gaya​​ hai​​ wo bhi sawal kerne walay se ziada​​ nahi​​ janta albata mein tume​​ Qayamat​​ barpa hone ki kuch nishanian bataye deta hon. jab londi apne aqa ko janay ge aur jab ontnion ke ghair maroof sayah faam charwahay falakbos imartien bananay me ek dosre per bazi lay jayen gy (tu​​ Qayamat​​ qareeb hoge) darhaqeeqat​​ Qayamat​​ in panch baton mein se​​ hai​​ jinhe​​ Allah​​ Ta’ala​​ ke ilawa aur koi​​ nahi​​ janta phir aap​​ (Sallallahu Alaihay Wasallam)​​ ne yeh ayat tilawat farmai:​​ “Beshak​​ Allah​​ hi​​ ko​​ Qayamat​​ ka​​ ilm​​ hai.” [Surah luqman 34]

Sahih Bukhari​​ kitab ul iman 50

Sahih Muslim​​ ki riwayat mein alfaz is tarah mazkoor hein.

۞​​ Hadees:​​ Aur jab tum dekhoge​​ ke jism aur paaon se nangey, goongay, behrey (ghareeb aur ujad log)​​ Zameen ke​​ Baadshah ban chukey​​ hai​​ tou​​ Qayamat​​ ki nishanion mein se (Eik nishani)​​ hai.

Sahih Muslim​​ kitab ul iman 10

۞​​ Hadees:​​ Hazrat Abu Huraira​​ (R.A)​​ Nabi​​ Kareem​​ (Sallallahu Alaihay Wasallam)​​ ke hawalay se hadees bayan​​ farmatey​​ hai​​ ke​​ “Qayamat​​ ki nishanion mein se​​ hai​​ ke chotey aur kameeney​​ Gharon waaley saleh logon per ghalib aa jayen gey.

Majma al zawaid 327/7

۞​​ Hadees:​​ Hazrat Umar (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ ki nishanion mein se​​ hai​​ ke zaleel ibne zaleel duniya per ghalib aa jayengey.”

Masnad Ahmad​​ 535/5

majma al zawaid 630/7

۞​​ Hadees:​​ Abdullah bin​​ Abbas​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ Jab tum dekho ke londi malik ko janam dey rahi hai, charwahay falak bos imartien bananey mein ek doosre per baazi ley ja rahey​​ hai​​ aur nangey, bhookey aur faqeer logon ke​​ Sardar ban chukay​​ hai​​ tou​​ Qayamat​​ ke​​ Asaar o​​ Nishanat hain.

Masnad Ahmad​​ 396/1

majma al zawaid 191/1

fatah al bari 142/1

Note:​​ Ghareeb, faqeer aur ujad kisam ke logon ka maldar aur sahib e hasiyat ho jana qurb​​ Qayamat​​ ki ek nishani​​ hai.​​ kisi waqt mein arab ka ilaqa sahraon aur raigastano per mushtamil tha aur yahan ke aksar makeeno ka guzar basar muwaishi palnay per munhasir tha magar jab se​​ Allah​​ Ta’ala​​ ne arab​​ ke​​ sahraon mein tail ke chashmay jari farmaye​​ hai​​ tab se arab ke sahra marghzaron mein aur raighistan chamnastano mein badal gye​​ hai​​ aur her taraf khushhali aur mal o dolat ki farawani ayaan​​ hai.

kai​​ log​​ jo zahri bhekari hotay​​ hai​​ magar haqeeqat munkashaf hone per pata chalta​​ hai​​ ke yeh bhikari tu lakhon mein khailnay wala​​ hai.

40. Aasman ko cchune wali​​ imartein banane​​ me muqabley honge

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ is waqt tak qayem​​ nahi​​ hogi​​ hatta ke​​ log​​ falak bos imartien tayar karwaaney mein musabqat​​ (competition)​​ karenge.”

Sahih Bukhari​​ Kitab ul Fitan​​ 7161

۞​​ Hadees:​​ Hazrat Abu​​ Huraira​​ (R.A)​​ riwayat kerte​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Jab sayah faam charwahey unchi unchi imartien banane​​ mein ek doosre par baazi le​​ jayen tou​​ Qayamat​​ ki nishanion​​ me​​ se​​ hai.”

Sahih Bukhari​​ kitab ul iman 50

۞​​ Hadees:​​ Ek riwayat mein​​ hai​​ ke:​​ “Jab tum dekhoge​​ ke jism o badan aur paon se nangey, faqeer ghareeb aur bakrion ke charwahay bari bari imartien bananay mein sabqat​​ karenge. (tou​​ Qayamat​​ qareeb hai).”

Sahih Muslim​​ kitab ul iman 10

۞​​ Hadees:​​ Ek riwayat mein​​ hai​​ ke:​​ “imarton waale​​ bari bari imartein banwanay mein ek doosre ka muqabla​​ karenge.”

Masnad Ahmad​​ 224/4

Note:​​ Falak bos imarton ki tameer​​ Qurb e​​ Qayamat​​ ki ek nishani​​ hai.​​ Mazkoora nishani ek arsa se​​ Zahir ho chuki​​ hai.​​ Zaroorat aur nagazeer halaat ke mutabiq wasee o areez aur baqadar zaroorat buland o bala imartien bananey par koi harj​​ nahi​​ kyon ke zarooriyat, mamnoaat ka jawab faram kar deti hain.

41. Qartas o qalam (nashar o ashaat) ka zahoor

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ “Qayamat​​ ke qareeb sirf mekhsoos logon ko salam kaha jayega, tijarat is qadar phail​​ jayegi​​ ke aurat tijarat mein apne khawand ka hath batayegi,​​ Rishtadari todi​​ jayegi, jhooti gawahi di​​ jayegi, haq chupaya jayega aur qalam ka​​ Zuhoor ho jaye ga.”

Masnad Ahmad​​ 509/1

Hakim 493/4

Majma al​​ Zawaid 635/7

۞​​ Hadees:​​ Hazrat Umro​​ bin tughlab​​ (R.A)​​ se marvi​​ hai​​ ke RasoolAllah​​ (Sallallahu Alaihay Wasallam)​​ ne irshad farmaya:​​ “Qurb e​​ Qayamat​​ ki nishanion mein se​​ hai​​ ke​​ maal o​​ Doulat ki rail pail hogi. taajir​​ aadmi (khareed o farokht ki likhat part ke liye) bohat bade​​ qabeelay se ek katib bhi​​ talash na kar paye ga.”

Sunan Nisai​​ kitab ul beuoo 4461

Note:​​ Kitabon ki kasrat ashaat​​ Qayamat​​ ki ek nishani​​ hai.​​ Mazkoora nishani aaj purey urooj per​​ hai.

42. Aqal parast ustad ban jayengey

۞​​ Hadees:​​ Hazrat Abu​​ umya​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ Qayamat​​ ki 3 nishanian​​ hai​​ in mein se ek yeh​​ hai​​ ke sagheer (aqal parast) se​​ ilm​​ talab kia jaye ga. abdullah bin mubarik se pucha gaya ke sagheer kon hey? aap ne farmaya: sagheer wo​​ hai​​ jo mujarad apni raye se baat kare. wo​​ nahi​​ jis se bari umer ka (admi) riwayat kare.

Kitab ul​​ Zuhad liabdullah bin al mubarik 61

Sahih jame al sagheer 243/2

۞​​ Hadees:​​ Hazrat Abdullah​​ bin​​ Masood​​ (R.A)​​ farmatey​​ hai​​ ke​​ log​​ hamesha khair me rahien gy jab tak wo ashab e muhammad​​ (Sallallahu Alaihay Wasallam)​​ aur salaf se​​ ilm​​ hasil kerte rahien gy aur jab wo sagheer (logon) se​​ ilm​​ hasil​​ karenge​​ tu in ki khuwahishaat manshar ho jayen gi tu wo halak ho jayenge.

Kitab ul​​ Zuhad 815

Note:​​ aqal khuwahish ke pujarion ko imam al dahar, faqeeh al asar aur shaikh al aqal bana lia jana qurb​​ Qayamat​​ ki ek nishani​​ hai.​​ Eik arsa se is nishani ka khad o khaal khaasi had tak numaya hotay chalay a rahay hain.​​ 

Sagheer se murad kum umer​​ nahi​​ balkey kum​​ ilm​​ hai​​ jo nuqs​​ ilm​​ ko chupaney ke liye mahaz​​ Aqal o​​ Khuwahish ka sahara leta​​ hai​​ halankey​​ Shaitan ne bhi​​ yeh sahara leney ki koshish ki magar yeh sahara is ke liye wabal e jaan sabit huwa aur wo​​ Qayamat​​ tak mardood o laeen qarar paya.​​ 

Tamam masael o ikhtalafat ka hal​​ kitab o​​ sunnat mein mojod​​ hai.​​ Kitab o​​ Sunnat ke muqablay me zati ya shakhsi aqal o qayaas ko kisi mulki pasbani tasub ki bina per rajah qaraar dena​​ Shaitani sunnat​​ hai​​ jis se ijtanab kerna he asal​​ musalmani​​ hai.

43. Zamana qareeb (mukhtasar) ho jayega

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ Qayamat​​ qayem​​ nahi​​ hogi​​ yahan tak ke​​ ilm​​ qabaz​​ kar​​ lia jaye ga, zalzalay bakasrat hongy aur zamana qareeb aa jaye ga.

Sahih Bukhari​​ kitab ul istasqa 1036

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ “Qayamat​​ qayem hone se pehle (yeh nishani zahir hogi​​ ke) zamana qareeb aa jayega aur saal maheeney ki tarah, maheena haftay ki tarah, hafta ek din ki tarah aur ek din ek ghantay ki tarah aur ek ghanta aag ke sholey ki tarah (tezi se guzarney wala) ho jaye ga.”

Masnad Ahmad​​ 711/2

Ibne hibban 256/15

Sunan tirmizi 2322

Note:​​ Zamanay ka​​ Qareeb ho jana​​ Qayamat​​ ki nishani​​ hai. Aaj kal yeh nishani puri ho rahi​​ hai.​​ Din,​​ Haftey,​​ Maheenay aur​​ Saal bohat taizi se guzar rahey hain.

44. Bazar qareeb qareeb hongey

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ Qayem​​ nahi​​ hogi​​ hatta ke​​ Fitney​​ Zahir honge, jhoot bakasrat bola jayega aur​​ Bazar qareeb qareeb ho jayenge.”

Masnad Ahmad​​ 687/2

Majma al​​ Zawaid 327/7

Note:​​ Bazaron ka​​ Qareeb​​ Qareeb​​ Hona​​ Qayamat​​ ki ek​​ Nishani​​ hai.​​ Bazaron ke​​ Qareeb hone ke​​ Mukhtalif mafhoom ahaz kiye ja saktey hain.​​ Maslan fil waqye bazar har​​ Ghar ke​​ Qareeb hoga jaisa ke mojoda dour mein takreeban her gali mohallay mein bazar moujod hota​​ hai​​ jahan se her tarah ka souda salaf ba asani khareeda ja sakta​​ hai.

Eik bazar doosre bazar ke qareeb hoga is ki misal bhi​​ manzar e aam per mojod​​ hai.​​ ek bazar se nikal ke doosre mein dakhil hon tou wahan pehle se ziada saman zarooriyat bikhra dekhai deta​​ hai.

bazar insani istataat ke lihaz se​​ Qareeb hongey yaani jis tarah moujoda taraqi yafta dour mein ghar bethey computer ke zariye saari dunia ke bazaron aur mandion ki cheezon ke rates ba asani maloom kiya ja sakta​​ hai.​​ ilawa azeen internet ke zariye dunia ke kisi bhi​​ koney mein khareed o farokht ki ja sakti​​ hai​​ jo kuch arsa pehle na mumkin al waqoo maloom hota tha.

45.​​ Naukrani Apne​​ Malik ko janam degi

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ek din logon ke samne tashreef farma thay ke ek aadmi aaya aur arz karne laga:​​ Ya Rasool​​ Allah​​ Sallallahu Alaihay Wasallam!​​ Qayamat​​ kab​​ aayegi?​​ Aap​​ (Sallallahu Alaihay Wasallam)​​ ne farmaya:​​ “jis se sawal kiya gaya​​ hai​​ wo bhi​​ sawal kerne waaley se​​ Ziada​​ nahi​​ janta albata main tumhe wuqoo e​​ Qayamat​​ ki kuch nishanian batata hoon.​​ jab londi apni malika​​ ko janegi. (tou​​ Qayamat​​ qareeb hoge).”

Sahih Bukhari​​ kitab ul iman 50

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ “jab londi apne malik ko janam degi​​ tou yeh​​ Qayamat​​ ki nishanion mein se​​ hai.”

Sahih Muslim​​ kitab ul iman 97

Note:​​ Londi ka apne malik ko janam dena​​ Qayamat​​ ki ek nishani​​ hai.​​ baaz riwayat mein malik aur baaz me​​ Malika ko janam deney ka zikar​​ hai​​ albata lekin mafhoom dono ka ek​​ hai.

londi apne malik ko janam day ge is ke kai​​ Mafhoom​​ Sharheen se manqool​​ hai​​ maslan.​​ 

Islam phail jayega aur​​ Mushrikeen per ghalba pa lia jayega tou in ki​​ Aurton ko londi​​ Ghulam bana lia jayega jin se paida hone waaley bacchey londi ke malik hongey kyon ke wo bacchay londi ke malik ke nutfay se hain.

Hafiz ibne kasir r.h aur​​ Hafiz ibne hajar r.h isey baeed az qayaas qara detey huway​​ farmatey​​ hai​​ ke is​​ Qoal me​​ Nazar​​ hai​​ kyon ke jab yeh paishgoyi ki gai​​ tou is waqt mazkoora soorat moujod thi jab ke​​ Aap​​ (Sallallahu Alaihay Wasallam)​​ ki murad koi aisi soorat​​ hai​​ jo is waqt mojod​​ nahi​​ thi balkay​​ Qayamat​​ ke qareeb ronuma hoge.

Jangien ba kasrat hongi​​ aur londi ghulam bhi​​ bakasrat honge. londion ki bakasrat khareed o farokht hogi​​ jabke​​ bacchay malikon ke hongy phir wohi​​ Aulad apni hi​​ maon ko londion ki hasiyat se khareed layenge​​ lekin​​ Aulad aur maa​​ ko haqeeqat e haal ka​​ ilm​​ nahi​​ hoga.

“Londi​​ Malik ko janegi​​ ka mafhoom yeh​​ hai​​ ke​​ Aulad ma ka hukam​​ nahi​​ manenge balkey nafarman​​ Aulad maa ke sath londion ka sa​​ Salook karengi. halanke​​ maon ki nafarmani bhi​​ Nabi​​ Kareem​​ (Sallallahu Alaihay Wasallam)​​ ke dour main mojod thi jis se​​ Aap​​ (Sallallahu Alaihay Wasallam)​​ ne mana farmaya​​ hai.”

Raje'e mafhoom:​​ 

is jumlay ko haqeeqat per mahmool kia jaye ke filwaqye londi apne malik ko janam degi​​ aur aaj ke science​​ dour me yeh sab kuch sabit ho chuka​​ hai.​​ log​​ kiraye per​​ Aurtien hasil​​ kar​​ ke apne nutfay is ke rahem me rakhwa dete​​ hai​​ phir wo is aurat ke raham mein parwarish pa​​ kar​​ janam leta​​ hai​​ halankay aurat ki hasiyat mulazma ki se hoti​​ hai​​ jab ke janam paney wala is ke malik ka baccha hone ki waja se aurat ka bhi​​ malik hota​​ hai.

46. Duniya se​​ Muhabbat aur​​ Mout se​​ Nafrat hogi

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne​​ Hazrat Soban​​ (R.A)​​ se kaha​​ “Aye​​ Soban! is waqt tumhara (Musalmano ka) kya haal hoga jab (Kafir)​​ Ummatien tum per is tarah toot padengi jis tarah tum khaaney ke bartan per toot padtey ho?”​​ 

Soban​​ (R.A)​​ ne kaha:​​ “Mere​​ Maa​​ Baap​​ Aap​​ (Sallallahu Alaihay Wasallam)​​ per qurban ya RasoolAllah​​ (Sallallahu Alaihay Wasallam)!​​ Kya is waqt hum​​ Qillat me hongey?”​​ Farmaya:​​ “Nahi​​ balkay tum​​ Qasrat mein hogey lekin​​ Allah​​ Ta’ala​​ tumhare dilon mein​​ Wahan daal dega.”

Sahaba​​ (R.A)​​ ne pucha ya RasoolAllah​​ Sallallahu Alaihay Wasallam! wahan kya hai?​​ Aap​​ (Sallallahu Alaihay Wasallam)​​ ne farmaya:​​ “Duniya se​​ Muhabbat aur​​ Jihad se nafrat.”

Ek riwayat mein​​ hai​​ ke:​​ “Duniya se muhabbat aur​​ maut​​ se nafrat.”

Masnad Ahmad​​ 473/2

Abu Dawood​​ Kitab ul Fitan​​ wal malahim 4297

Note:​​ Dunia se mohabbat aur​​ maut​​ se nafrat​​ Qayamat​​ ki ek nishani​​ hai.​​ is nishani ka zahoor waqoo pazeer​​ hai.​​ Musalmano ki shikast o zillat ka bunyadi sabab duniya se muhabbat aur jihad se nafrat bataya gaya​​ hai.​​ jo ke aaj sab ke samne hai.

47. Nek​​ Log​​ madoom(faut)​​ ho jayenge

۞​​ Hadees:​​ Hazrat ​​ Mardas​​ Aslami​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Neik​​ log​​ yakayak​​ bad deegray rukhsat hotey jayenge​​ aur fazool​​ log​​ baaqi reh jayenge​​ jis tarah jo ka bhosa ya raddi baaki reh jati​​ hai​​ aur​​ Allah​​ Ta’ala​​ in (Fazool​​ Logon) ki kuch parwa​​ nahi​​ karenga.”

Sahih Bukhari​​ kitab ul riqaq 6434

۞​​ Hadees:​​ Hazrat Umro​​ bin​​ Shoaib apne​​ Baap se aur wo apne​​ Dada (Abdullah​​ R.A) se riwayat kerte​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ “Logon par ek aisa waqt ayega ke jab in ki khoob chanti, safai ki​​ jayegi​​ tou fazool​​ log​​ baaki reh jayenge​​ (jabkey neik​​ log​​ madoom ho jayenge) phir​​ Aap​​ (Sallallahu Alaihay Wasallam)​​ ne apne dono hathon ki unglion ko baham mila​​ kar​​ farmaya: is tarah in ke wadey aur​​ Amanatein​​ Khalat​​ Malat ho​​ kar reh jayenge​​ aur wo ikhtalafat ka shikar ho jayengey.”

isi tarah ki ek riwayat​​ Abdullah bin​​ Umro​​ (R.A)​​ se bhi​​ Marvi​​ hai​​ aur is mein ye izafa hai:​​ Ya RasoolAllah​​ Sallallahu Alaihay Wasallam! phir (aisey waqt) hume kya kerna chahiye?​​ Aap​​ Sallallahu Alaihay Wasallam​​ ne farmaya:​​ “Tum​​ Allah​​ se daro, neki ka kaam karo, buraai se door raho aur logon ko chor ke bilkhusoos apni fikr karo.”

Masnad Ahmad​​ 289/2

Sunan​​ Abu Dawood​​ Kitab ul Fitan​​ wal malahim 4342

Sunan ibne maja 4005

۞​​ Hadees:​​ Hazrat ​​ Zainab bint​​ Jahash​​ (R.A)​​ farmati​​ hai​​ ke ek martaba​​ Nabi​​ Kareem​​ (Sallallahu Alaihay Wasallam)​​ neend se baidaar huwey tou​​ Aap ka chehra​​ Surkh tha aur​​ Aap ne​​ ‘La ilaha illallah’​​ perh​​ kar​​ farmaya:​​ Arab ke liye is​​ Sharr se halakat​​ hai​​ jo qareeb aan pohancha​​ hai.’​​ Aap​​ (Sallallahu Alaihay Wasallam)​​ se pucha gaya:​​ Kya hum halaak ho jayenge​​ jab ke humare darmiyan​​ Saaleh​​ log​​ bhi​​ moujod honge? farmaya:​​ “haan jab khabasat bohat barh​​ jayegi.”

Sahih Bukhari​​ Kitab ul Fitan​​ 7059

۞​​ Hadees:​​ Hazrat Umar​​ bin khatab​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Qayamat​​ ki nishanion mein se​​ hai​​ ke dunia per zaleel ibne zaleel (logon) ka ghalba ho jaye ga.

Masnad Ahmad​​ 535/5

Majma al​​ Zawaid 630/7

Musanif​​ Abdul​​ Razaq 316/11

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ qayem​​ nahi​​ hogi​​ magar sirf badtareen logon par. (qayem hogi​​ jab ke nek​​ log​​ madoom hongey).”

Sahih Muslim​​ Kitab ul Fitan​​ 2949

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Wo​​ log​​ sab se badtareen​​ hai​​ jin ki​​ Zindgi mein​​ Qayamat​​ barpa hogi.”

Sahih Bukhari​​ Kitab ul Fitan​​ 7067

Note:​​ Nek logon ka madoom ho jana​​ Qayamat ki ek nishani​​ hai.​​ Mojoda halat mein yeh nishani khoob wazeh ho chuki​​ hai.​​ Neik​​ log​​ ahista ahista duniya se rukhsat ho rahay hein.​​ Fazool logon ki nishani yeh ziker ki gayi​​ hai​​ ke wo dayanat o amanat, ahad o wafa, sacchai aur rast goye jaisey osaf kareema o ikhlaq e hasna se mehroom hongy.

Qayamat ki mazkoora nishani barhaq​​ hai​​ magar hume apne rawaiye se naik saleh afrad ka namona paish kerna chahiye aur naiki ka naam o nishan zinda rakhne ke liye hume chahiye ke apni naslo ko deeni taleem o tarbiyat ki sa'adat se bahramand hone ke tamam mawaqe faraham karein.

Page 4

48. Deen ajnabi ho jayega

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Islam​​ Ajnabi (halat mein) shuro huwa tha aur anqareeb isi tarah ajnabi ho kar reh jayega jis tarah shuro howa tha,​​ pas ajnabi logon (Musalmano) ke liye khushkhabri​​ hai.”

Masnad Ahmad​​ 512/2

Sahih Muslim​​ 145/6

۞​​ Hadees:​​ Hazrat Abdullah​​ bin​​ Masood​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Islam ka aaghaz ajnabi (halat me) huwa tha aur isi tarah is ka ikhtatam bhi​​ ajnabi (halat me) hoga lihaza ajnabi logon (Musalmano) ke liye khushkhabri​​ hai.”​​ Aap​​ (Sallallahu Alaihay Wasallam)​​ se pucha gaya ke ajnabi koun hai? farmaya:​​ “Jo qabaail (aur watnon) se (bagharz e hijrat) nikal gaye hon.”

Masnad Ahmad​​ 498/1

Sunan tirmizi 2629

Darmi 402/2

۞​​ Hadees:​​ Hazrat​​ Abdul​​ Rehman​​ Aslami​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Islam ajnabi shuru​​ huwa aur ajnabi halat per loat jayega lihana ajnabi logon ke liye khushkhabri​​ hai.”​​ pucha gaya: ajnabi koun hain? farmaya:​​ “jo logon ke fasad ke waqt islah ka kaam kerte hain. is zaat ki qasam jis ke hath mein meri jaan​​ hai​​ iman sailaab ki tarah​​ Madina​​ ka rukh kar lega. qasam is zaat ki jis ke hath mein meri jaan​​ hai​​ islam in do masjidon (Kabbah o​​ Masjid e​​ Nabvi) ke darmayan is tarah sukad​​ aayega jis tarah saanp apne​​ bil mein ja sukarta​​ hai.”

Masnad Ahmad​​ 104/4

Majma al zawaid 535/7

۞​​ Hadees:​​ Hazrat Abdullah​​ bin umro​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne 3 martaba ajnabi (ghuraba) logon ke liye basharat farmayi tou​​ Aap​​ (Sallallahu Alaihay Wasallam)​​ se pucha gaya ke ya RasoolAllah​​ (Sallallahu Alaihay Wasallam)​​ ghuraba koun hain? farmaya:​​ Kaseer al tadaad badkaaron mein rehne waley​​ Qaleel al tadaad saleh log, jahan nafarmanian​​ Ziada hon aur​​ Itaat guzar thodey hon. (tou wo​​ Itaat guzar ajnabi hain).

Masnad Ahmad​​ 235/2

Tibrani kabeer 122/10

Majma al​​ Zawaid 535/7

Note:​​ Deen​​ Islam aur​​ Ahle​​ Islam ka​​ Ajnabi ho jana​​ Qayamat​​ ki ek nishani​​ hai.​​ Ajnabi ki​​ Mukhtalif​​ Ahadees mein mukhtalif tareefaat ki gayi​​ hain.​​ 

Maslan​​ Hijrat karne waley,​​ fitna o​​ fasad​​ ke waqt logon ke​​ Sahih deen per islah kerne walay, Kaseer al tadaad fasadi aur shareer logon mein qaleel al tadaad shareef o saleh aur pakeezah kirdad log.

magar mazkoora tamaam tareefat ka malkhas mushtarik​​ hai​​ yani ghuraba wo​​ log​​ hai​​ jo ummat mein fitna o fasad aur amli beyraah ravi ke waqt logon ki sahih rahnumai ka baira uthayengey goya​​ is naik maqsad ke liye inhe apne ilaqay, qunbay qabeelay aur ghar baar qurban kar ke hijrat jaise sa'adat se bahramand kyon na hona padey. aur aise​​ log​​ doosre​​ musalmano ke muqabley mein nihayat qaleel tadad me hongey is ke liye inhe ajnabi ke​​ khitab se nawaza gaya​​ hai.

Islam ba waqat aghaz ajnabi tha yani islam qabool kerne waley aqliyat mein they​​ magar ahisata ahista yehi islam nisaf se ziada dunia per cha gaya aur aaj​​ Isaion ke baad musalman​​ Aksariyat me​​ hai​​ magar qabal az​​ Qayamat​​ islam dubara ajnabi ho jayega hatta ke wo chand ek​​ log​​ he musalman reh jayenge​​ jo Hazrat​​ Isa​​ Alaihi Salam​​ ke sath mil kar dajjal ke khilaf jihad​​ karenge​​ phir​​ Yajooj Majooj​​ se bachney ke liye ek pahad​​ (koh e toor) par panah lenge.

49. Log badal jayenge

۞​​ Hadees:​​ Hazrat ​​ Mardas​​ (R.A)​​ bayan karte​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ “Neik​​ log​​ yakkay baad deegrey guzartay chaley jayenge​​ aur fazool​​ log​​ baaki reh jayengey jis tarah jo ka bhosa ya raddi khajoor baki reh jati​​ hai.​​ Allah​​ Ta’ala​​ in ki kuch parwah​​ nahi​​ karenga.”

Sahih Bukhari​​ kitab ul maghazi 4156

۞​​ Hadees:​​ Hazrat Abu​​ saeed​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “bilashuba tum pahlay logon ke tour tareekey is tarah ikhtayar karoge​​ jis tarah balisht balisht​​ ke​​ aur hath hath ke barabar hota​​ hai​​ hatta ke agar wo goh (sanday) ke bill mein dakhil huwe​​ tou tum bhi​​ in ki pairvi karo gey.”

Sahih Bukhari​​ Kitab​​ Ahadees​​ Al​​ Ambiya 3456

۞​​ Hadees:​​ Hazrat Huzaifa​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ is waqt tak qayem​​ nahi​​ hogi​​ jab tak tum apne imam (khalifa, ameer) ko qatal na karoge​​ aur apni talwaron ke sath​​ aapas mein hi​​ ladogey aur tumhare badtareen​​ log​​ tumhare dunia ke waris ban jayenge.”

Sunan tirmizi​​ Kitab ul Fitan​​ 2170

۞​​ Hadees:​​ Zubair bin adi​​ (R.A)​​ farmatey​​ hai​​ ke hum​​ Hazrat Anas​​ (R.A)​​ ke paas hajjaj bin yusuf ke muzalim ki shikayat le​​ kar​​ hazir huwe​​ tou​​ Unhone farmaya:​​ “Sabar karo! tum jis dour se guzar rahey ho is ke baad aanay wala dour is se bhi​​ ziada bura​​ hoga kyon​​ ke​​ yeh baat maine​​ Nabi​​ Kareem​​ (Sallallahu Alaihay Wasallam)​​ se suni​​ hai.”

Sahih Bukhari​​ Kitab ul Fitan​​ 7068

Note:​​ Logon ki​​ Aadaat o sifaat, hasiyat o kaifiyaat aur ihwaal o kirdar ka badal jana​​ Qayamat​​ ki ek nishani​​ hai.​​ Mojoda dour me is nishani ka zahoor waqoo pazeer​​ hai.

Logon ke badalney me is baat ki taraf ishara​​ hai​​ ke in ki sifaat hasana sifaat e saiya se badal jayengi aur in ke ikhlaq o kirdar badnuma aur daghdar hongey, yahood o nasara ke tabe'e aur​​ Islam se baghi hotey jayenge.

50. Barish bakasrat hogi​​ magar khaimey mehfooz rahiengey

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ “Qayamat​​ qayem​​ nahi​​ hogi​​ hatta ke logon per ek aisi​​ barish ayegi​​ jis se har matti gaarey ka (pukhta) ghar tou (bheegnay se) mehfoz​​ nahi​​ raheyga magar baalon waley ghar (yaani khaimay) is (barish) se mehfoz rahengey.”

Masnad Ahmad​​ 262/2

Majma al zawaid 639/7

Ibne hibban 6770

Note:​​ Qurb e​​ Qayamat​​ ki ek nishani yeh hogi​​ ke puri kurra arzi par ek hi​​ waqt mein musladhaar barish hogi​​ magar is barish se dunia ke ghareeb, faqeer, ya musafir aur mujahid logon ke khuley asman taley garhay howay balon (oon) ke khaimay mehfoz rahienge​​ jabkey badi badi mazboot aur mehfooz imartien is barish se mehfooz na reh sakengi.

Qayamat ki mazkoora nishani abhi tak zahir​​ nahi​​ hui.

Mazkoora​​ peshangoyi​​ bila shuba insani​​ ilm​​ o aqal aur tajurbey se ma wara maloom hote​​ hai​​ ke kisi jaga ek he barish ho magar khaimey mehfoz rahien aur makanaat bheeg jayen lekin​​ Allah​​ Ta’ala​​ ki​​ Qudrat se koi cheez bahar​​ nahi​​ wo har cheez per qadir​​ hai​​ aur hume batour​​ musalman​​ aamanna wa sadqna ke siwa chara nahi.

Kayi martaba dekhne mein​​ Aaya​​ hai​​ ke​​ Shaher ke ek hissay mein khoob barish ho rahi​​ hai​​ magar doosra hissa mehfooz​​ hai.​​ agar aisa mumkin​​ hai​​ aur filwaqe is ka jawab musbat​​ hai​​ tou phir mazkoora​​ peshangoyi​​ ke waqoo me tazabzab ka shikar​​ nahi​​ hona chahiye.

51. Barish bakasrat hogi​​ magar paidawar​​ nahi​​ hogi

۞​​ Hadees:​​ Hazrat Anas​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ qayem honey se pehle (puri roo-e-zameen​​ par) ek​​ Aam​​ Barish hogi​​ magar (barish ke bawjood)​​ Zameen kuch​​ nahi​​ ugayegi.”

Masnad Ahmad​​ 1773/3

Majma al zawaid 638/7

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ “Qahet saali yeh​​ nahi​​ ke barish rook jaye balkey qahet saali tou yeh​​ hai​​ ke baar baar barish ho magar​​ Zameen nabataat uganey se inkar kar dey.”

Sahih Muslim​​ Kitab ul Fitan​​ 2904

Note:​​ Qayamat ki ek​​ Nishani yeh​​ hai​​ ke musladhar barish ke bawjood​​ Zameen se paidawar​​ nahi​​ hogi.​​ Qayamat ki mazkoora nishani abhi tak zahir​​ nahi​​ hui.

Jis tarah barish na hone ki waja se qahet paida hota​​ hai​​ isi tarah​​ Qayamat​​ ke qareeb qahet paida hoga magar barishein qahet se nijat na dengi kyon ke yeh​​ Allah​​ Ta’ala​​ ki taraf se ek imtihan hoga.

52. Qustuntniya (istanbul) ki fatah

۞​​ Hadees:​​ Hazrat ​​ Basheer​​ Khat'ami​​ (R.A)​​ se marvi​​ hai​​ ke onho ne​​ Nabi​​ Kareem​​ (Sallallahu Alaihay Wasallam)​​ ka yeh irshad garami suna: tum zaroor qustuntuniya fatah karogey aur (os waqt) wo ameer behtareen ameer hoga aur wo lashker bhi​​ behtareen hoga.

Masnad amad 451/4

Hakim 468/4

Ibne​​ Umro​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ se pucha gaya ke​​ Qustuntuniya aur​​ Rooma mein se kounsa mulk pehle fatah hoga?​​ Aap​​ (Sallallahu Alaihay Wasallam)​​ ne farmaya​​ Harqal ka​​ Ilaka yaani​​ Qustuntuniya pehle fatah hoga.

Masnad Ahmad​​ 234/2

Sunan darmi 137/1

۞​​ Hadees:​​ Hazrat​​ Muaaz​​ (R.A)​​ farmatey​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Bait ul maqdas ki​​ Aabadi​​ Yasrab (madina) ki barbadi (ka paish khaima) hai,​​ Madina​​ ki barbadi jangon ka aghaz hai, jangon ka aghaz​​ Qustuntuniya ki fatah​​ hai​​ aur​​ Qustuntuniya ki fatah​​ Dajjal ka​​ Khurooj (ka​​ Eilaan) hai. phir​​ Aap​​ (Sallallahu Alaihay Wasallam)​​ ne is (Muaaz​​ R.A) ke​​ Kandhey​​ yaa raan par hath mar kar farmaya: yeh baatein is tarah barhaq​​ hai​​ jis tarah tum yahan (khadey ho ya) baithey ho.”

Masnad Ahmad​​ 309/5

Sunan​​ Abu Dawood​​ Kitab ul Fitan​​ wal malahim 4294

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ qayem​​ nahi​​ hogi​​ hatta ke roomi aamaaq ya dabiq (Mulk-e-Shaam ke) muqam par padaao​​ karenge. in ki taraf​​ Madina​​ se ek lashker (muqablay ke liye) niklega jo is waqt​​ Roo-e-Zameen ka sab se bahtareen lashkar hoga. jab wo muqabley per ayenge​​ tou roomi kaheingey ke tum humare aur in logon ke darmayan se hatt jao jo hum mein se beydeen ho gaye​​ hai​​ (yaani​​ Isaiyat chhor ke​​ Musalman ho gaye hain) hum sirf inhi​​ se ladney​​ aaye hain.​​ Musalman​​ kahenge​​ Allah​​ ki​​ Qasam hum hargiz aisa​​ nahi​​ kar sakte ke tumhare liye apne​​ Muslim bhaion ko chhor de tou phir ladai chid​​ jaegi.​​ Musalmano ka ek tihaii (1/3) hissa peeth dikha kar bhagh jayega aur in ki touba​​ Allah​​ Ta’ala​​ kabhi qabool​​ nahi​​ karenga.​​ Ek tihai (1/3) hissa ladai mein​​ Shaheed ho jayega jo​​ Allah​​ ke​​ yaha​​ Afzal tareen​​ Shaheed samjhay jayenge​​ aur ek tihai (1/3 akhri) hissa fatah hasil kareyga jo kabhi​​ Fitney​​ ka​​ Shikar​​ nahi​​ hoga aur phir yehi​​ Qustuntuniya ko fatah kar lega.”

Sahih Muslim​​ Kitab ul Fitan​​ 2897

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah ke Rasool​​ (Sallallahu Alaihay Wasallam)​​ ne irshad farmaya:​​ “kya tumne aisey​​ Shaher ke mutaliq suna​​ hai​​ jis ka ek hissa samandar aur doosra hissa khushki ki taraf hai?​​ Sahaba​​ (R.A)​​ ne kaha: ji haan ya RasoolAllah. farmaya:​​ Qayamat​​ qayem​​ nahi​​ hogi hatta ke 70 hazaar bani ishaq is ki taraf paishqadmi​​ karenge. jab wo shaher ke paas pohanchenge​​ tou padao kar lenge​​ aur wo teer o talwar se ladai​​ nahi​​ karenge​​ balkey wo​​ “la ilaha illallah wallah hu akbar”​​ kahenge​​ tou is shaher ki ek janib gir​​ jayegi​​ phir wo​​ “la ilaha illallah wallah hu akbar”​​ kahenge​​ tou is ki doosri janib gir​​ jayegi. phir wo la ilaha illallah wallah hu akbar kahengey tou wo shaher in ke liye khol dia jayega aur wo is me dakhil ho​​ kar​​ maal e ghaneemat hasil​​ karenge. jab wo maal e ghaneemat taqseem kar rahey hongey tou ek cheekhnay wala (shaitan) cheekh kar kahega: bilashuba dajjal nikal chuka​​ hai​​ tou wo​​ log​​ sab maal o doulat chor kar wapis chaley aayenge.

Sahih Muslim​​ Kitab ul Fitan​​ 2920

Note:​​ Qustuntuniya ka mojoda naam istanbul​​ hai​​ jisay shah e room qustunteen ne apna capital banaya aur isi ke naam se is ka naam qustuntuniya mashoor huwa.​​ Qustuntuniya aur umoriya ke darmayan 60 miles ki musafat​​ hai.​​ Huzoor​​ Nabi​​ Kareem​​ (Sallallahu Alaihay Wasallam)​​ ne​​ Qustuntuniya ki taraf paishqadmi karnay walay pehlay lashker ko​​ Jannat ki khushkhabri sunai​​ hai​​ jaisa ke​​ Umm e​​ Haraam​​ (R.A)​​ bayan karti​​ hai​​ ke RasoolAllah​​ (Sallallahu Alaihay Wasallam)​​ ne farmaya:​​ “Meri​​ Ummat ka wo pehla lashker (jahanum ki aag se) bakhsh diya gaya​​ hai​​ jo​​ Qaiser ke​​ Shahar​​ (qustuntuniya) per hamlaawar hoga.”

Is pehley lashker ka ameer​​ Yazeed​​ bin muawiya (R.A)​​ Bin​​ Abu​​ Sufyan (R.A) they.

Nabi Kareem​​ (Sallallahu Alaihay Wasallam)​​ ne​​ Qustuntuniya (istanbul) fatah karney waaley lashker aur​​ Ameer lashker ko behtareen​​ ke​​ khitab se nawaza​​ hai.

Qustuntuniya 857 hijri ba mawafiq 1453 me​​ Muhammad bin​​ Murad jo​​ Sultan​​ Muhammad al​​ Fateh ke naam se mashhoor hai,​​ ke​​ hathon fatah huwa. is fatah mein​​ Sultan ke sath 2 lakh ka fouji lashker aur apne dour ke tamaam jadeed hathyar muyassar they lekin​​ Hadees ke mutabiq isey tasbeeh o takbeer se fatah kia jayega aur hathyar istamal​​ nahi​​ hongey jis se andaza hota​​ hai​​ ke​​ Qustuntuniya dubara kafiron ke​​ Qabzay mein chala jayega aur phir​​ musalman​​ bila hathyar isey fatah kerengey.

Tasbeeh o takbeer se fatah hone wala shaher yehi qustuntuniya​​ hai​​ kyon ke hadees ki tamaam alamaat isi per chispan hote​​ hai​​ magar ta haal yeh paishgoye zahir​​ nahi​​ hoi.

53.​​ Rooma​​ (Italy) fatah hoga

۞​​ Hadees:​​ Abu qabeel​​ farmatey​​ hai​​ ke hum​​ Abdullah bin​​ Umro​​ (R.A)​​ ke paas they ke in se sawal kiya gaya​​ ke​​ kounsa​​ Shaher pehle fatah hoga​​ Qustuntuniya ya​​ Roomiya (italy)?​​ Abdullah​​ (R.A)​​ ne ek sandooq mangwa kar is se ek kitab nikali aur kaha ke hum​​ Allah​​ ke Rasool​​ (Sallallahu Alaihay Wasallam)​​ ke paas baithey likh rahey thay ke​​ Aap​​ (Sallallahu Alaihay Wasallam)​​ se sawal kiya gaya ke​​ Qustuntuniya pehle fatah hoga ya​​ Roomiya? tou​​ Aap​​ (Sallallahu Alaihay Wasallam)​​ ne farmaya:​​ “Harqal ka shaher​​ Qustuntuniya pehle fatah hoga.”

Masnad Ahmad​​ 234/2

Sunan darmi 486

Hakim 468/4

Note:​​ Rome​​ ko​​ Rooma se mosom kiya jata​​ hai​​ jo moujoda dour mein italy ka capital​​ hai.​​ Qayamat ki mazkoora nishani tahaal zahir​​ nahi​​ hoi​​ lekin humara iman​​ hai​​ ke jis tarah​​ Allah​​ ke Rasool​​ (Sallallahu Alaihay Wasallam)​​ ki dusre paishgoyion ke mutabiq​​ Room o​​ Iran,​​ Misar o​​ Shaam wagaira fatah huwey isi tarah​​ Rooma bhi fatah hoga.​​ Roma,​​ Qustuntuniya ki dubara fatah ke baad fatah hoga.

Haq o​​ Batil ki kashmakash jo​​ Roz-e-Awal se shuru​​ hoi​​ ta​​ Qayamat​​ jaari rahegi, kisi jagah​​ Musalman​​ qabza payenge​​ tou kisi jaga​​ Shikast-o-reekht se do-char honge​​ magar duniya ki saari taqatien mil kar bhi ummat muslima aur deen islam ka isteysaal​​ nahi​​ kar​​ saktein.

۞​​ Hadees:​​ Hazrat Abdullah​​ (R.A)​​ ne apni likhi hoye hadees perh​​ kar​​ jawab dia jis se munkireen e hadees ke is ghalat nazriye ki tardeed hote​​ hai​​ ke dor nabvi me hadees likhi​​ nahi​​ jati thi balkay bohat se sahaba hadees ko zabt tahreer mein lanay ka fareeza anjam detay rahay hein.

54. Kuffar​​ Muslmaano par toot padengey

۞​​ Hadees:​​ Hazrat Soban​​ (R.A)​​ bayan kerte​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne farmaya: anqareeb (kafir)​​ Qomein tumhare khilaf is tarah jama ho jayengi jis tarah bhookey khanay ke bartan per jama ho jatey hain. hum ne daryaft kia: kya is waqt hum tadad mein thodey hongey?​​ Aap​​ (Sallallahu Alaihay Wasallam)​​ ne farmaya: (nahi) balkey in dino tumhare tadad ziada hogi​​ lekin tum sailab ki jhaag ki tarah ho jaoge​​ aur​​ Alalh​​ Ta’ala​​ tumhare dushmano ke dil se tumhare​​ Roab o dabdabey ko nikal kar tumhare dilon me "wahan" daal dega. hum ne pucha ya Rasool​​ Allah​​ (Sallallahu Alaihay Wasallam)​​ wahan kya hai?​​ Aap​​ (Sallallahu Alaihay Wasallam)​​ ne farmaya:​​ “Duniya se​​ Mohabbat aur​​ Maut se nafrat.”

Sunan​​ Abu Dawood​​ Kitab ul Fitan​​ wal malahim 4297

Masnad Ahmad​​ 350/5

Note:​​ Kafiron ka​​ Musalmano ke khilaf jama ho jana​​ Qayamat​​ ki nishani​​ hai.​​ Moujuda halaat mein yeh nishani samne aa chuki​​ hai.​​ puri duniya ke kafir​​ musalmano ke khilaf mahaz arai kar chukey hain.

55. Har​​ Ghar me​​ Fitna dakhil ho jayega

۞​​ Hadees:​​ Hazrat ​​ Aaof bin​​ Malik​​ (R.A)​​ farmatey​​ hai​​ ke main ghazwa tabook ke mouqe​​ par​​ Nabi​​ Kareem​​ (Sallallahu Alaihay Wasallam)​​ ki khidmat mein hazir huwa jab ke​​ Aap​​ (Sallallahu Alaihay Wasallam)​​ is waqt chamrey ke ek khaimey mein tashreef farma they.​​ Aap​​ (Sallallahu Alaihay Wasallam)​​ ne farmaya:​​ ke​​ qayam e​​ Qayamat​​ ki 6 nishanian shumar kar lo. phir ek aisa​​ Aam aur tabahkun fitna hoga ke​​ Arab ka koi ghar bhi​​ is ki lapait mein​​ aaney se mehfoz​​ nahi​​ reh sakega.

Sahih Bukhari​​ 3176

Note:​​ Arab me​​ Fitna ka phail jana​​ Qayamat ki ek nishani​​ hai.​​ Fitna jismani ya roohani har tarah ka ho sakta​​ hai.

Jismani​​ Fitney​​ mein qatal o gharat, loot khusoot, danga fasad, kasaad bazari,​​ Zinakari,​​ Fahashi o​​ Uryani,​​ Sood​​ Khori,​​ Haram​​ Khori jaisey anasir shamil​​ hai​​ jo arsa daraz se batadreej shuru​​ ho kar bilaakhir arab ke har ghar ko acchi tarah apni lapait mein ley chukey​​ hai​​ hatta ke hudood e haram aur haram e​​ Madina​​ bhi​​ is lapait se mehfoz nahi.

Roohani​​ Fitney​​ mein bay deeni, badamli,​​ Shariyat se doori,​​ jaise​​ awamil shamil hain.

56. Isaion se mil kar​​ Musalman​​ tisre​​ dushman se ladenge​​ phir​​ Isaion​​ aur​​ musalmano me jung e azeem hogi

۞​​ Hadees:​​ Hazrat​​ Zimukhmar​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne farmaya:​​ “Tum​​ Roomion ke sath aman waali sulah karoge​​ phir tum aur wo apne ilawa kisi aur (teesray) dushman se ladoge​​ aur (tum kamiyab rahoge) salamat rahoge​​ aur ghaneemat hasil karoge​​ phir tum ek teelon waali sarzameen par padao karoge. (Ek riwayat mein​​ hai​​ ke tum​​ Roomion se maal e ghanemat wasool kar ke alag ek teelon wali sarzameen per ja​​ kar​​ parao karoge) tou wahan ek roomi aayega aur​​ Saleeb buland kar ke kahega:​​ Saleeb ghalib aa gai. is baat par (Ghazabnak ho kar) ek​​ Musalman is ki taraf barhega aur isey qatal kar dega. is buniyad par roomi tum se dhoka​​ karenge​​ aur (aman​​ ka​​ muahda tod​​ denge) phir jangien chir jayengi aur wo 80 jhandon ke saath tumhari​​ taraf paishqadmi​​ karenge​​ jab ke har jhanday talay 10 hazar ka lashker hoga.”

Masnad Ahmad​​ 128/4

Sunan​​ Abu Dawood​​ 2767

Sunan ibne maja 4140

۞​​ Hadees:​​ Hazrat ​​ Aaof bin malik​​ (R.A)​​ se marvi​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ “Qayamat​​ se pehle 6 alamtein yaad rakho.​​ tumhare aur bano asghar (roomion) ke darmayan sulah hogi​​ phir wo ghadar​​ karenge​​ aur 80 jhandon me tumhare taraf paishqadmi​​ karenge​​ jab ke har jhandey taley 12 hazar ka lashkar hoga.”

Sahih Bukhari​​ kitab ul jaziya 3176

۞​​ Hadees:​​ Hazrat​​ Muaaz bin jabal​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Bait ul​​ Maqdas ki​​ Aabadi madiney ki kharabi (Ka​​ Paishkhaima) hai,​​ Madiney ki kharabi jangon ke​​ aaghaz (ka naqara) hai, jango ke​​ aaghaz (ka anjam)​​ Qustuntuniya ki fatah​​ hai​​ aur​​ Qustuntuniya ki fatah dajjal ke khurooj (ka ailan)​​ hai.

Masnad Ahmad​​ 309/5

Sunan​​ Abu Dawood​​ Kitab ul Fitan​​ wal malahim 4294

۞​​ Hadees:​​ Hazrat Abu Huraira​​ (R.A) se marvi​​ hai​​ ke Allah ke Rasool (Sallallahu Alaihay Wasallam) ne irshad farmaya:​​ “Qayamat​​ qayem​​ nahi​​ hogi​​ hatta ke roomi aamaaq ya dabiq (Mulk-e-Shaam ke) muqam par padaao​​ karenge. in ki taraf Madina se ek lashker (muqablay ke liye) niklega jo is waqt​​ Roo-e-Zameen ka sab se bahtareen lashkar hoga. jab wo muqabley per ayenge​​ tou roomi kaheingey ke tum humare aur in logon ke darmayan se hatt jao jo hum mein se beydeen ho gaye​​ hai​​ (yaani​​ Isaiyat chhor ke​​ Musalman ho gaye hain) hum sirf inhi​​ se ladney​​ aaye hain.​​ Musalman​​ kahenge​​ Allah ki​​ Qasam hum hargiz aisa​​ nahi​​ kar sakte ke tumhare liye apne​​ Muslim bhaion ko chhor de tou phir ladai chid​​ jaegi.​​ Musalmano ka ek tihaii (1/3) hissa peeth dikha kar bhagh jayega aur in ki touba Allah​​ Ta’ala​​ kabhi qabool​​ nahi karenga.​​ Ek tihai (1/3) hissa ladai mein​​ Shaheed ho jayega jo Allah ke​​ yaha​​ Afzal tareen​​ Shaheed samjhay jayenge​​ aur ek tihai (1/3 akhri) hissa fatah hasil kareyga jo kabhi Fitney ka​​ Shikar​​ nahi​​ hoga aur phir yehi​​ Qustuntuniya ko fatah kar lega.”

Sahih Muslim​​ Kitab ul Fitan​​ 2897

۞​​ Hadees:​​ Hazrat ​​ jabar bin samra​​ (R.A)​​ Hazrat ​​ naf'ae bin utba​​ (R.A)​​ se riwayat kerte​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ Tum​​ Jazeera tul​​ Arab (walon) se ladoge​​ aur​​ Allah​​ tumhe is ka faateh bana dega, phir tum faras (iran) se ladoge​​ aur​​ Allah​​ tume is ka faateh bana dega, phir tum room se ladoge​​ aur​​ Allah​​ tume faateh bana dega phir tum dajjal se ladoge​​ aur​​ Allah​​ tume is par bhi fatah ata farmayega. phir naf'ae​​ (R.A)​​ ne kaha:​​ Aye​​ jabar​​ R.A! humare​​ ilm​​ ke mutabiq​​ Dajjal is waqt tak​​ nahi​​ niklega jab tak room fatah na ho jaye.”

Sahih Muslim​​ Kitab ul Fitan​​ 2900

۞​​ Hadees:​​ Hazrat Abu​​ darda​​ (R.A)​​ ne farmaya ke Rasool​​ Allah​​ (Sallallahu Alaihay Wasallam)​​ ne irshad farmaya:​​ jung​​ (azeem) ke din​​ musalmano ka khaima (camp) ghota muqam per hoga jo is shaher ke paas​​ hai​​ jisey damishq kaha jata​​ hai.

Masnad Ahmad​​ 252/5

Sunan​​ Abu Dawood​​ Kitab ul Fitan​​ wal malahim 4298

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya: jab jangein chhir​​ jayengi tou​​ Allah​​ Ta’ala​​ damishq (Shaam) se​​ Ek lashker bhejheinga​​ jo azad karda ghulamo par mushtamil hoga magar wo saare​​ Arab ke bahtareen​​ Ghursawar aur bahtareen hathyaron se lais hongey.​​ Allah​​ Ta’ala​​ in ke​​ Zariye deen ki madad farmayenga.

Sunan​​ Ibne​​ Majah​​ Kitab ul Fitan​​ 4089

Hakim 5484

Note:​​ Musalman​​ aur esaion ke darmayan aman o sulah ka muahda hoga.​​ is muahdey ke mutabiq​​ Musalman​​ aur​​ Isai mil kar kisi teesray dushman ke khilaf nabard azma honge​​ aur fatah hasil​​ karenge.​​ Isai​​ musalmano se ghadar​​ karenge​​ aur 9 lakh 60 hazar ka tiddi dil lashker lekar hamla awar honge.​​ 

57. Roomi kasrat e tadaad me badh jayenge

۞​​ Hadees:​​ Hazrat ​​ mastorad​​ (R.A)​​ ne​​ Hazrat Umro​​ (R.A)​​ se kaha ke maine​​ Allah​​ ke Rasool​​ (Sallallahu Alaihay Wasallam)​​ se suna ke​​ Qayamat​​ se pehle roomi (Isai) sab se​​ Ziada tadad me hongey.​​ Hazrat Umro​​ (R.A)​​ ne kaha ke ghour karo kya baat kar rahe ho? mastorad​​ (R.A)​​ ne kaha ke main tou wohi keh raha hoon jo maine Rasool​​ Allah​​ (Sallallahu Alaihay Wasallam)​​ se suna​​ hai.​​ Umro​​ (R.A)​​ ne kaha ke agar tu kehta​​ hai​​ (tu sach hai) kyon ke​​ Isaion mein 4 khaslatien hain.​​ (1) Museebat ke waqt nihayat burdbaar hein.​​ (2). Museebat ke baad sab se jaldi hoshiyar hotey hain.​​ (3)​​ baghney ke baad dobara sab se pehle humla karte hain.​​ (4) Miskeen, yateem aur kamzor ke haq mein behter hain.​​ (5) Aur ek panchween khaslat bhi​​ hai​​ jo bohat hi​​ acchi​​ hai​​ ke yeh sab logon se barh kar badshahon ko​​ Zulm se rokney waaley hain.

Sahih Muslim​​ Kitab ul Fitan​​ 2898

Note:​​ Roomi yaani​​ Isaion ka sab logon se barh jana​​ Qayamat​​ ki ek nishani​​ hai​​ jis ka zarhoor ho chuka​​ hai.​​ Mojoda adaad o shumar ke mutabiq esai pehle number aur​​ Ummat-e-Muslima​​ doosre number par hain.

Hazrat Umro​​ bin aas​​ (R.A)​​ ke dour mein​​ Isaion me mazkoora char sifaat paai jati thi magar lazmi​​ nahi​​ ke in ki yeh sifaat ta​​ Qayamat​​ zinda rahien balkey mojoda dour mein tou esaion ne​​ musalmano se badla chukaney ke liye kamar kas li hai, go apne qawaneen o zawabit par​​ musalmano ki banisbat ziada amal daramad me aaj bhi​​ shohrat rakhte hain.

58. Darya e faraat se soney ka pahaad​​ namudar hoga

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ qayem​​ nahi​​ hogi​​ hatta ke darya e faraat se soney ka pahad​​ namodar hoga jis par​​ log​​ jung​​ karenge​​ aur har 100 mein se 99 maarey jayenge​​ jab​​ ke​​ har banda yeh soch (kar hissa ley) raha hoga ke shayed wo ek nijat pane​​ wala mein hi​​ hon.”

Sahih Muslim​​ 2894

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne farmaya:​​ “Qareeb​​ hai​​ ke faraat soney ka khazana zahir kareyga. lihaza tum mein se jo shakhs wahan mojood ho wo is khazanay mein se kuch bhi​​ hasil na karey.”

Sahih Bukhari​​ 7119

۞​​ Hadees:​​ Hazrat​​ Ubai bin​​ Ka'ab​​ (R.A)​​ se marvi​​ hai​​ ke maine​​ Allah​​ ke Rasool​​ (Sallallahu Alaihay Wasallam)​​ ka yeh irshad garami suna:​​ “Anqareeb darya e faraat se soney ka ek pahad​​ namoodar hoga jab log is ke baarey mein suneinge​​ tou is ki taraf chal deinge​​ aur jo is ke paas honge​​ wo kaheinge​​ ke agar hum ne yeh chor dia tou​​ log​​ isey le​​ kar chaltey baneinge.”​​ farmaya: p”hir is ke hasool ke liye​​ log​​ ladeinge​​ aur har 100 me se 99 maqtool hongey.”

Sahih Muslim​​ 2895

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya: darya e faraat se sonay ke ek pahar​​ ke​​ zahoor ka imkan​​ hai​​ jis ke liye​​ log​​ jung​​ karenge​​ tou har 10 mein se 9 wasal bahaq hongey.”

Masnad Ahmad​​ 345/2

Musanif abdul razaq 382/11

Note:​​ Darya e faraat se soney ke pahad​​ ka namoodar hona​​ Qayamat​​ ki ek nishani​​ hai.​​ Mazkoora nishani tahaal zahir​​ nahi​​ hui.​​ pahad​​ se murad haqeeqtan pahar he​​ hai​​ petrol nahi. Soney ka pahad​​ zahir karna qudrat ilahi se kuch baeed nahi.​​ is soney ke khazanay ke hasool ke liye nihayat khatarnak​​ jung hogi​​ jis mein har 100 me se 99 maqtool hongey.​​ Musalmano ko is​​ jung​​ mein shamoliyat se aur is khazanay ke hasool se mana kiya gaya​​ hai.

Sonay ke pahad​​ ka namodar hona fitna​​ hai​​ aur​​ Allah​​ ki taraf se ek​​ aazmaish​​ hai.​​ mazi qareeb me honey wali gulf war qat'an wo​​ jung​​ nahi​​ thi jo sonay ke khazanay ke hasool ke liye ladi​​ jayegi​​ go petrol ko "sayal sona" kaha jata​​ hai.

bohat se​​ musalman​​ Nabi​​ Kareem​​ (Sallallahu Alaihay Wasallam)​​ ki nafarmani​​ kar​​ ke zaroor bilzaroor khazanay ke hasool mein maidan-e-jung​​ me utar pareinge​​ magar​​ Qatal ke siwa kuch hasil na hoga.

59. Mard​​ kum​​ aur​​ Aurtein​​ Jyada​​ ho jayengi

۞​​ Hadees:​​ Hazrat Anas​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qayamat​​ ki nishanion mein se​​ hai​​ ke​​ ilm​​ utha lia jayega,​​ Jahalat barh​​ jayegi,​​ Zinakari aam hogi,​​ Sharab bakasrat pe​​ jayegi,​​ Aadmi thodey aur​​ Aurtien ziada ho jayengi hatta ke 50 aurton ke liye ek (Aadmi) he nigran hoga.”

Sahih Bukhari​​ 5231

۞​​ Hadees:​​ Hazrat Abu​​ mosa​​ (R.A)​​ se marvi​​ hai​​ ke​​ Allah​​ ke​​ Nabi​​ (Sallallahu Alaihay Wasallam)​​ ne irshad farmaya​​ ke​​ “Zaroor logon per ek aisa zamana​​ Aayega ke ek shakhs sona le​​ kar sadqa karne niklega lekin koi isey lene​​ wala​​ nahi​​ milega aur yeh bhi​​ hoga ke ek mard ki panah mein 40 chalees aurtein ho jayengi kyon​​ ke​​ mardon ki qillat aur​​ Aurton ki kasrat ho​​ jayegi.”

Sahih Bukhari​​ 1414

Note:​​ Mardon ki intahai​​ Qillat aur​​ Aurton ki kasrar​​ Qayamat​​ ki ek nishani​​ hai.​​ Mazkora nishani tahaal zahir​​ nahi​​ hui.​​ 

Mazkora nishani ke zahoor ki 2 soortien numayan taur par samajh​​ aati hain, ek​​ otu yeh ke​​ Qayamat​​ se pehle khonraiz jungon ka silsala shuru​​ hoga jis​​ ke​​ nateejey mein mardon ki ek badi tadad jungon mein shirkat ki wajah​​ se maqtool ho​​ jayegi​​ aur bachney waley mardon ke muqabley mein​​ Aurtein​​ Ziada hongi. doosri soorat yeh bhi​​ ho sakti​​ hai​​ ke​​ Aurton ki sharah padaish banisbat mardon ke bohat barh jaye aur mazkora paishgoye se dochar hona paray.

Yahan 40 ya 50 aurton pe nigran se murad kisi​​ Aadmi ki biwian​​ nahi​​ balkay doosre​​ Rishtadar hain.

60. Misr,​​ Shaam aur​​ Iraq apne paimaney aur khazaney rok lengey

۞​​ Hadees:​​ Hazrat Abu Huraira​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne​​ irshad​​ farmaya:​​ “Mulk iraq apna dirham aur qafeez rok lega,​​ Mulk​​ Shaam apna madi (madd) aur dinar rok lega,​​ Mulk​​ Misr apna ardab aur dinar rok lega aur tum isi halat pe lout jaoge​​ jis se tumne aghaz kia tha, tum isi halat pe lout jaoge​​ jis se tum shuru​​ huwey they aur tum isi haal pe lout jaoge​​ jis se shuro huwey they.”

Sahih Muslim​​ Kitab ul Fitan​​ 2896

Note:​​ Misar,​​ Shaam aur​​ Iraq ka apne paimanay aur khazanay rok lena qayamat​​ ki ek nishani​​ hai.​​ Dirham chandi​​ ke​​ aur​​ Dinar soney ke sikkay huwa kerte they jinhe bataur naqdi istamal kia jata tha.​​ Qafeez,​​ Madi aur​​ Ardab mazkora ilako ke maroof paimanay they jinhe wo bae aur shara mein istamal kia kertey they.

Pehle yeh mumalik​​ Room o​​ Iran ke bajgzar thay phir islam ke ghalbey aur fatohaat ke baad khilafat islamiya ke daira mein dakhil ho gaye they.

Misar,​​ Sshaam aur​​ Iraq​​ apne paimanay aur khazaney rok lenge​​ is ke mafhoom ki tayyeen mein ahle​​ ilm​​ ke kai aqwal hein.​​ Maslan​​ in​​ Mulkon mein islam phail jayega aur jaziya mokof ho jayega.​​ in mumalik ke​​ Sardar o​​ Hakim khud sar aur baghi ho kar adayigi jaziya se inkar kar deinge.​​ in mumalik mein irtadad phail jayega aur​​ log​​ Zakat​​ dene se inkar kar dengey.

In ilaqon me khoob​​ Fitna​​ fasad​​ aur kasht o khoon hoga ke​​ Musalmano ka markaz in se faida na utha sakeyga.​​ kuffar in ilakon par ghalib aa jayenge​​ aur​​ Musalmano ki hukumtein toot jayengi.

61. Maut ki​​ Tamana ki jayegi

۞​​ Hadees:​​ Hazrat Abu Huraira​​ (R.A)​​ se riwayat​​ hai​​ ke​​ Nabi​​ Kareem​​ (Sallallahu Alaihay Wasallam)​​ ne irshad farmaya:​​ “Qayamat​​ qayem​​ nahi​​ hogi​​ hatta ke ek​​ aadmi dusre ki qabr se guzrega tou kahega: kash! is ki jaga main (qabar me) hota.”

Sahih Bukhari​​ Kitab ul Fitan​​ 7115

۞​​ Hadees:​​ Hazrat Abu Huraira​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Qasam is zaat ki jis ke hath me​​ Meri jaan hai!​​ Duniya khatam​​ nahi​​ hogi​​ hatta ke​​ Aadmi qabar se guzrega aur is par lait kar kahega: kash! main​​ is​​ Qabar mein hota aur (is waqt) deen azmaish ka naam hoga.”

Sahih Muslim​​ Kitab ul Fitan​​ 157

Ek riwayat mein yeh​​ alfaz hain.

۞​​ Hadees:​​ Aadmi kahega.​​ “Kash! main is (qabar ki) jaga hota is liye ke isey​​ Allah​​ Ta’ala​​ se mulaqat ki (Shadeed) mohabbat hogi.”

Masnad Ahmad​​ 702/2

۞​​ Hadees:​​ Hazrat Huzaifa​​ (R.A)​​ farmatey​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne irshad farmaya:​​ “Logon par aisa zamana​​ aayega ke wo​​ Dajjal (ke​​ khurooj) ki tamana​​ karenge. main ne kaha:​​ Ya RasoolAllah​​ Sallallahu Alaihay Wasallam! mere​​ Maa​​ Baap​​ Aap​​ par​​ Qurban​​ Wo kyon? farmaya: is liye ke inhe is waqt​​ Shadeed​​ Musayeb-o-aalaam ka samna hoga. (is liye wo tamana​​ karenge​​ ke​​ Dajjal nikley phir​​ Isa​​ A.S​​ aa kar isey qatal karein aur​​ Azmaishon se jaan khalasi ho).”

Majma al zawaid 284-5/7

Note:​​ Logon ka​​ Maut ki tamana karna​​ Qayamat​​ ki ek nishani​​ hai.​​ Nabi Kareem​​ (Sallallahu Alaihay Wasallam)​​ ne maut ki tamana se mana kiya​​ hai.​​ 

۞​​ Hadees:​​ Irshad-e-Nabwi​​ (Sallallahu Alaihay Wasallam)​​ hai ke:​​ “Tum mein se koi shakhs​​ maut​​ ki tamanna na kare kyon ke agar wo neik​​ hai​​ tou shayed wo mazeed acchay amal anjam deyga aur agar wo bura​​ hai​​ tou shayed touba kar ley.”

Sahih Bukhari​​ kitab ul marz 5673

۞​​ Hadees:​​ Ek riwayat mein hai:​​ “Tum mein se koi shakhs​​ maut​​ aaney se pehle is ki tamana na kare aur na hi​​ maut​​ ki dua mangey.”

Sahih Muslim​​ kitab ul ziker wa dua 2682

۞​​ Hadees:​​ Ek riwayat mein hai:​​ “Tum mein se koi shakhs agar kisi takleef mein mubtala ho tou (phir bhi)​​ maut​​ ki tamanna hargiz na kare agar majbooran karna hi​​ chahta​​ hai​​ tou iss tarah keh le: ilahi! jab tak zindgi mere liye behter​​ hai​​ muje zinda rakh aur jab​​ maut​​ mere liye behter ho tou muje utha ley.”

Sahih Bukhari​​ kitab ul marz 2680

Khudkushi bhi​​ Haram​​ hai.​​ Irshad-e-bari​​ Ta’ala​​ hai

“Apne​​ aap ko qatal na karo.” [Surah nisa 29]

Mojoda dour mein beshumar aisey​​ log​​ dikhaye detey​​ hai​​ jo qasdan ya bila qasad o irada​​ maut​​ ki tamana kerte hain,​​ maut​​ ke liye duayen mangtey​​ hain.​​ Ahadees ki roshni mein​​ maut​​ ki tamana ya​​ Dua mana​​ hai​​ magar qabal az​​ Qayamat​​ log​​ bari sanjheedgi se​​ maut​​ ki tamana​​ karenge. is ka ek mafhom tou wazeh​​ hai​​ ke jis tarah jhoot, qatal, fahashi aur doosri buraion se roka gaya magar​​ Qayamat​​ se pehle in ka waqoo aam ho jayega isi tarah​​ maut​​ ki tamana o khuwahish sey roka gaya​​ hai​​ magar​​ Qurb-e-Qayamat​​ ke waqt la mahala is ka waqoo aam hoga. doosra mafhom yeh​​ hai​​ ke​​ Fitney​​ is qadar taizi se hamlaawar hongy ke​​ maut​​ ke siwa bachao ki soorat​​ nahi​​ hogi.

Shahadat ki dua is se mustasna​​ hai.

62. Baitullah par charhai kerne​​ wala lashker zameen me dhans jayega

۞​​ Hadees:​​ Hazrate Ayesha​​ (R.A)​​ se marvi​​ hai​​ ke Rasool​​ Allah​​ (Sallallahu Alaihay Wasallam)​​ ne irshad farmaya:​​ “Qayamat​​ ke qareeb ek lashker kabbah par charhai karega. jab wo muqam e baidaa me pohanchega tou inhe awal se​​ aakhri tak sab ko zameen mein dhansa dia jayega.”

Hazrate Ayesha​​ (R.A)​​ farmati​​ hai​​ ke maine kaha ya RasoolAllah​​ Sallallahu Alaihay Wasallam!​​ Wo shuru​​ se​​ aakhri tak saarey ke sarey kyon dhansa diye jayenge​​ halankay wahan in ke bazar bhi​​ hongey aur wo​​ log​​ bhi​​ hongey jo in lashker walon mein se​​ nahi​​ hongey?​​ Aap​​ (Sallallahu Alaihay Wasallam)​​ ne farmaya:​​ “Haan shuru​​ se​​ aakhir tak saarey ke saarey zameen mein dhansa diye jayenge​​ phir apni apni niyat ke mutabiq har koi uthaya jayega.”

Sahih Bukhari​​ kitab ul buyoo 2118

۞​​ Hadees:​​ Ubaidullah bin​​ Qabtiya se marvi​​ hai​​ ke haris bin​​ Rabiya aur​​ Abdullah bin​​ Safwan Hazrat​​ Umme​​ Salma​​ (R.A)​​ ke paas gaye aur main bhi​​ in ke hamrah tha.​​ Unho ne​​ Umme​​ Salma​​ (R.A)​​ se is lashker ke mutaliq daryaft kiya jo zameen mein dhansa dia jayega aur yeh in dino ki baat​​ hai​​ jab​​ Abdullah bin​​ Zubair​​ (R.A)​​ makkah ke hakim they.​​ Umme​​ Salma​​ (R.A)​​ ne farmaya ke​​ Nabi​​ Kareem​​ (Sallallahu Alaihay Wasallam)​​ ne farmaya hai:​​ “Ek​​ Aadmi baitullah mein panah lega (yaani imam mehdi r.h) tou in ki taraf ek lashker bejha jayega jab wo lashker baida nami jaga par​​ pohanchega tou zameen mein dhansa diya jayega. maine kaha: ya Rasool​​ Allah​​ Sallallahu Alaihay Wasallam! jo zabardasti​​ se is​​ lashker ke sath (majboor ho kar) shamil huwa ho?​​ Aap​​ (Sallallahu Alaihay Wasallam)​​ ne farmaya:​​ “Wo bhi​​ lashker ke sath zameen mein dhansa dia jayega magar​​ Roz-e-Qayamat​​ apni niyat ke mutabiq uthaya jayega.”

۞​​ Hadees:​​ Abu jafar (ravi e hadees)​​ farmatey​​ hai​​ ke: ​​​​ Baida madinay ka ek​​ Maidan​​ hai.

Sahih Muslim​​ Kitab ul Fitan​​ 2882

۞​​ Hadees:​​ Ek riwayat mein​​ hai​​ ke is lashker mein sirf ek​​ Aadmi ki jaan bakhshi​​ hogi​​ jo logon ko in (ki halakat) ke baarey mein agah karega.

Sahih Muslim​​ Kitab ul Fitan​​ 2883

۞​​ Hadees:​​ Hazrat​​ Hafsa​​ (R.A)​​ se marvi​​ hai​​ ke​​ Allah​​ ke Rasool​​ (Sallallahu Alaihay Wasallam)​​ ne farmaya:​​ “Kuch​​ log​​ jo qaleel tadad aur qaleel hathyar honge​​ wo is​​ Baitullah mein panah leinge. in ki taraf ek lashker bhejha jayega jo ek maidan (baida) mein dhansa dia jayega.”