La Ilmi Ka Elaaj Sawaal Karna Hai

♥ Mafhoom-e-Hadees: Jaabir (RaziAllahu Anhu) Se Riwayat Hai, Unhone Farmaya –
“Hum Log Safar (Journey) Me The Ek Sahabi Ko Patthar Laga Jis Se Unke Sir (Head) Me Zakhm Aa Gaya, Uske Baad Unhe Neend Me Nahane Ki Haajat Ho Gayi, Unhone Apne Hamsafar Sahaba-e-Kiraam (RaziAllahu Anhu) Se Mas’ala Poocha Aur Kaha – “Kya Aapke Ilm Ke Mutabik Mere Liye Tayammum Karna Jayez Hai?”

Unhone Kaha, “Hamaare Khayal Me Tou Aapko Yah Izaazat Haasil Nahi”,
Kyonki Paani Maujood Hai, Chunanche Unhone Ghusl Kiya, Jiske Nateeje Me Wah Mar Gaye,

Jab Ham Rasool’Allah (Sallallahu Alaihay Wasallam) Ki Khidmat Me Pahunche Tou Yah Waqiya Bhi Arz Kiya,
Rasool’Allah (Sallallahu Alaihay Wasallam) Ne Farmaya –
“Unhone Usey Qatl Kar Diya, Allah Unhe Qatl Kare! Agar Unhe Maloom Nahi Tha Tou Unhone (Kisi Saahib-e-Ilm Se) Pooch Kyun Na Liya? Kyonki La Ilmi Ka Ilaaj Sawaal Karna Hai“.
(Sunan Abu Dawood, Kitabut Taharah, Baab Majrooh Tayammum, Hadees 336)

» Sabaq: Jis Baat Ka Hame Ilm Nahi Uss Par Be-Buniyad Salaah Dene Se Bacha Kare, Mumkin Hai Ke La-Ilmi Se Dee Gayi Naseehat-Wa-Salaah Bina Tasdiq Kiye Amal Karne Wale Ko Halaaq Hi Kar Dey. Lihaza Behtar Hai Ke Kisi Sahib-e-Ilm Se Salaah Mahswara Kar Sahi Ilm Hasil Karey Aur Jaruratmando Ki islah Karte Rahe..

♥ In’Sha’Allah Ul Azeez !!!
Allah Ta’ala Hume Kehne Sun’ne Se Jyada Amal Ki Toufiq De !!!!
– Ameen Ya Rabbul Aalmeen !!!

Leave A Reply

Your email address will not be published.