Islamic Quiz 1st Ka Sahih Jawab

✦ Sawal: Wo Kounsi Surah hai “Jiski Tilawat 1/3 Quraan Padhne ke Barabar hai?

Sahih Jawab hai: optionD. ”Surah Al-Ikhlaas (112) “

Daleel 1:

۞ Hadees: Abu darda (Razi Allahu Anhu) se riwayat hai ki RasoolAllah (ﷺ) ne farmaya “kya thak jata hai tum mein se koi is baat se ki har raat Ek Teehaii Quran parh le ?”
Sahaba ne arz kiya ki ‘Teehaii Quran ( Ek raat mein ) kaisey padhh saktey hain ?’
Aap (ﷺ) ne farmaya: “Qul Huwallahu Ahad ( Surah Al- ikhlas) Ek teehaii Quran ke barabar hai.

Daleel 2:

۞ Hadees: Abu Hurairah (R.A) se riwayat hai ki RasoolAllah (ﷺ) humarey pass aaye aur farmaya “Main tumharey samney Ek Tihaii Quran parhta hu, phir Aap (ﷺ) ne Qul Huwallahu Ahad ( Surah ikhlas ) parhi yahan tak ki is surah ko khatam (pura) kiya.”

✦  Wajahat: Surah Ikhlas ki itni badi fazilat ke baare me Ahle ilm ki raay hai ke yah surah Purey Quran ka one third hissa Tawheed ki Azmat aur Ahmiyat bayan karta hai aur Surah Ikhlas me Tawheed ka mukammmil taruf aaya hai.
© Ummat-e-Nabi.com.

This website uses cookies to improve your experience. We'll assume you're ok with this, but you can opt-out if you wish. AcceptRead More