♥ In sha Allah ki Ahmiyat aur Fazilat – Quran ki Roshni me

2 20,199

♥ Bismillah-Hirrahman-Nirrahim ♥

❝ Aur Hargiz kisi kaam ke Nisbat na kaha karo ki mai isey kal kar dunga, magar in'sha'Allah kah kar aur agar (in sha Allah kehna) bhool jao tou (jab yaad aaye) apne Parwardeegar ko yaad kar lo (in sha Allah kah lo) aur kaho ki ummid hai ke mera Parwardeegar mujhe aisi baat ki hidayat farmaye jo rehnumayi me uss se bhi jyada kareeb ho.❞

Al-Quran Surah kahf 18:24

✦ Mafhum :

is Aayat ki Tafseer me Mufassareen likhtey hai ke: Nabi-e-Kareem (Salallahu Alaihi wasallam) ke paas kuch yahudi aaye aur aapse As’habe kahaf ka wakiya daryaft kiya. Aap (Salallahu Alahi wasllam) ne in’sha’Allah kahe bagair unhe kal aane ko kaha.

Kyunki Allah Rabbul Izzat Aapko bajarye wahi Gaib ka ilm ata Farmata isiliye Aap (Salallahu Alaihi Wasallam) ne unn yahudiyo se ek deen ka wakt manga. lekin mehaj in’sha’Allah bhool se na kehne par Aap par ek Arse tak Allah ne Wahi Ka Silsila rok diya.

Fir Allah Rabbul Izzat ne yaad dilaya ke “Aye Mere Nabi ﷺ ! Aap koi cheez apne se nahi kar sakte jab tak ki Aapka Rab aapki madad na karey! Aapne in’sha’Allah kyu nahi kaha ?..”

✦ Sabaq:

Tou Beharhaal ! is Aayat me Nashist hai hum sabke liye ke Allah ki madad ke bagair hum kisi kaam ko anjaam nahi dey sakte.

♥ In sha Allah-Ul-Azeez !
– Allah Rabbul Izzat hume kehne sun’ne se jyada Amal ki taufiq dey.
– Hum tamam ko sahi taur par Deeno Shariyat par amal karnewala banaye,
– Jab tak hume zinda rakhey Islam aur Imaan par zinda rakhey,
– Khatma humara Imaan par ho.
*Wa Akhiru Dawana Anilhamdulillahe Rabbil A’lameen,

80%
Awesome
  • Design
You might also like

2
Leave a Reply

avatar
2 Comment threads
0 Thread replies
0 Followers
 
Most reacted comment
Hottest comment thread
2 Comment authors
Ahahzad HussainAbdurRahman Recent comment authors
newest oldest most voted
AbdurRahman
Guest
AbdurRahman

Masha Allah JazakALLAHU khair ILM mein Izafe ke liye.

Ahahzad Hussain
Guest
Ahahzad Hussain

Ameen