Har Jaandaar ke Saath Neki karne ka Sawaab Milta hai

Har Jaandaar ke Saath Neki karne ka Sawaab Milta hai

Hadees: Hazrate Abu Huraira (R.A) se riwayat hai ki,
RasoolAllah (ﷺ) ne farmaya:

“1 Shakhs raste mein chal raha tha ke usey Shiddat ki pyaas lagi usey Ek Kunwa(Well) mila aur usne isme utar kar paani piya. jab bahar nikla tou wahan Ek Kutta dekha jo haanp raha tha aur Pyaas ki wajah se tari ko chat raha tha. is Shakhs ne kaha ke yeh Kutta bhi itna hi Ziyada pyasa maloom ho raha hai jitna mein tha.

chunanche woh phir kunvey mein Utra aur apne jootay mein pani bhara aur moohn se pakad kar Upar laya aur kuttey ko pani pilaya. Allah Ta’ala ne is ke is amal ko pasand farmaya aur is ki maghfirat kar di.

Sahaba kiraam ne arz kiya ke “Ya RasoolAllah(ﷺ)! kya hume Janwaron ke Sath Neki karne mein bhi Sawab milta hai?” Aap (ﷺ) ne farmaya ke “Tumhe har Geeley kalejey waley par Neki karne me Sawab milta hai.”

📕 Sahih al-Bukhari, Hadees 6009

Leave a Comment