Sunnat ki Ahmiyat : Part-1

“ Bismillah-Hirrahman-Nirrahim ”
Allah ke Naam se shuru jo nihayat Maherbaan aur Rahem wala hai.

♥ In’sha’Allah-Ul-Azezz! Iss Session me hum “Sunnat ki Ahmiyat” ke taaluk se kuch aham tazkira karenge. Maksad yahi hai ke aaj mu’ashre me jis Deen par hum chal rahe hai wo kis hadd tak Kitabo Sunnat se sabit hai aur Sunnat-e-Rasool ko chorrne ka jo anjaam hum bhugat rahe hai Us’se apne aqidey ka muhasba karey.

✩ Ambiya (Alaihi Salam) ka bheje jaane ka Maqsad:

Allah Rabbul Izzat Quraan me Surah Nisa (4) Aayat 63 me farmata hai ke:

❝ Hum ne har Qaum ke paas Nabi aur Rasool bheje sirf iss liye ke Allah Ta’alaa ke hukm se uss ki farmabardari ki jaye.❞ (Quran 4:63)

Yaani Ke Allah Rabbul Izzat jab bhi Ambiya (Alaihi Salam) ko mabus karta hai, bhejta hai aur unko jo iss mansab par fayej karta hai tou maksad yahi hota hai ke Allah ke hukm se unki ita’at ki jaye. tou goya Anbiya (Alaihi Salam) ke ba’asat ka maksad yeh hai ke unki ita’at ki jaye. Mukammil taur se jo wo kahe usko mana jaye, mukkamil taur se jis’se wo rokey uss se ruka jaye, ye hai Ambiyao ki ita’at.

Ab Ambiya (Alaihi Salato Salam) ke aaney ka maksad kya hota hai ye baat hum sab jaantey hai ke Allah Rabbul Izzat humse kya chahta hai wo bataney ke liye Allah insano me se ek insan ko chunta hai jis tak wo bajarye wahi baat pohchata hai jo Allah chahta hai ke uski Makhlooq tak wo paigam pohchaye
taaki “ins aur jins” (Insan aur Jinn) uspar amal karey.

Tou Allah Rabbul Izzat Isliye bhejta hai ke Ambiya ek Mu’allim(Representative) hotey hai aur Allah jo chahta hai inko batata hai ke insan kya kare aur kya na kare aur ye insano tak wo baatey laakar pohcha detey hai.

Aur isi maksad ke tahat Ambiya (Alaihi Salam) ko bheja gaya aur humara fariza ye tha ke hum unki ita’at karey aur Hadees me aata hai ke Allah Rabbul Izzat ne iss Roo-e-Zameen par kamobesh Sawa Laakh Nabi aur Rasoolo ko mabus kiya, taaki log Allah ke hukm se unki ita’at kare.

✩ Rasool’Allah (ﷺ) tamam Aalam ke Nabi hai:

Digar Ambiya aur Rasool jo Rasool’Allah (Sallallahu Alaihay Wasallam) se pehle mabus hue, pehle aaye, yeh khusoos hotey, makhsus hotey kisi Qoum ki taraf, inka paigaam ek wakt tak hota, aur ye Nabi ek makhsus hissey ke liye aatey ek mehdud(limited) waqt ke liye.

lekin Rasool’Allah (Sallallahu Alaihay Wasallam) ka muamla dusrey Ambiyao se mukhtalif hai aur yeh baat Aap aur Hum jantey hai ke Allah Rabbul Izzat ne faramaya:

❝Wama Arsalnaka Illa Rahmatan Lil Aalameen.❞(Quran 21:107)

(Aye Nabi! Humne Aapko tamam insaniyat ke liye Rehmat banakar bheja)

– Tou lihaja Rasool’Allah (Sallallahu Alaihay Wasallam) insano ke liye bhi Nabi-e-Rehmat hai, Rasool’Allah Jinno ke bhi Nabi hai, Charind aur Parindo ke bhi Nabi hai, tamam Makhlukat jo bhi Aalam me hai un tamam ke Aap Nabi hai.

Aur iski wajahat Aahadeese Sharifa se bhi hoti hai ke Rasool’Allah (Sallallahu Alaihay Wasallam) ki kayi Aahadees hum suntey hai ke aapke Mojzat ke baare me:

✦ WAKIYA: 1

Ek Mimber tha, jo ek khajur ki darakht par banaya gaya tha, Rasool’Allah (Sallallahu Alaihay Wasallam) uspar khadey ho kar khutba diya karte aur ek baar yun hua ke Rasool’Allah ne apne mimber ki jagah badal di, tou Umar bin Khattab aur Abu Baqar Siddhiq (RaziAllahu Anhu) farmatey hai ke wo jhaad roney laga aur uski siskiya hum sunn rahey they. fir Rasool’Allah (Sallallahu Alaihay Wasallam) ne hukm diya ke isey wapas yaha laakar laga do. tou goya Aap ek jhaad ke bhi Nabi hai.

✦ WAKIYA: 2

Yeh Wakiya bhi humne suna ke Muslim ki riwayat me aata hai ke Rasool’Allah (Sallallahu Alaihay Wasallam) ke paas ek shakhs ne aakar kaha ke ‘Ya Rasool’Allah ! mera ye Uoonth baat nahi manta meri, nafarman hai yeh!‘

Rasool’Allah (Sallallahu Alaihay Wasallam) Uskey paas gaye aur uss Uoonth ne Rasool’Allah ke Kaan-e-Mubarak tak apna muuh laya aur kuch baat kahi.

Aap (Sallallahu Alaihay Wasallam) ne uss Shakhs se farmaya Ke “Isney Mujhse tumhari ek shikayat ki hai ke tum Fazar ki Namaz me kotahi kartey ho isiliye ye tumhari baat nahi manta. lihaja tum wo chorr do kotahi yeh tumhari baat manega.

Tou goya Rasool’Allah (Sallallahu Alaihay Wasallam) Janwaro ke bhi Nabi hai, Charind aur Parind ke bhi Nabi hai, aur Jhaad aur Pahaad jo kuch moujud hai “Wama Arsalnaka Illa Rahmatan Lil Aalameen”
Aalam me jo kuch moujud hai, Rasool’Allah (Sallallahu Alaihay Wasallam) unn tamam ke Nabi hai aur tamam ko aapki ita’at farz aur wajib hai.

To be continue …

☼ Sunnat Ki Ahmiyat Parts:

1 2 3 4 5 6 7 8 9 10 11 12 13 14 15

Ahadees in HindiAli (Razi’Allahu Anhu)All Hadees in Hindi ImagesBeautiful Hadees in HindiBest Hadees in HindiBest Hadees in UrduBest Islamic Hadees in Hindi LanguageBismillahDaily HadeesFree Islamic Hadees SmsHadees e Nabvi in HindiHadees e Paak in HindiHadees e Rasool in HindiHadees in English of Prophet MuhammadHadees in HindiHadees in Hindi ImagesHadees ki baatein in hindiHadees Mubarak in Urdu SMSHadees Nabvi in HindiHadees of the dayHadees of the Day in HindiHadees Pak in HindiHadees QuotesHadees Quotes in HindiHadees Sharif in HindiHadeesh in HindiIslamic Hadees Images in HindiIslamic Hadees QuotesIta'atKitabo-SunnatNabi Ki Ita'atOnline Hadees in HindiPyare Nabi ki Pyari BaateinQuran Hadees HindiQuran Hadees Hindi SitesQuran Hadees in HindiSunnatSunnat Ki Ahmiyat
Comments (0)
Add Comment