Shab e Barat ki Hakikat – Qurano Sunnat ki Roshmi me

Shaban Maheene me 15th Shab ko “Shab e Barat” ke naam se yaad kiya jata hai. kuch log is Raat ke liye Shab-e-Qadr jaisi fazilate bayan karte hain. yeh Aqeeda rakha jata hai ke is Raat poore Saal me hone wale Waqkhyat ka faisla kiya jata hai.

is raat infiradi wa ijtimayee ibadato ka Ahtmam kiya jata hai. Aatish baziya ki jati hain,  Masjido me chiragha kiya jata hai, Bewa Aurte ye samajhti hain ke unke Shoharo ki roohe is raat aati hain isliye behtreen qism ke pakwan tayyar karke unka intezar karti hain ..!!

Shab-e-Barat ki Fazilat me Quran ki yeh ayat paish ki jati hai –

“Humne is (Quran) ko Mubarak Raat me Nazil farmaya , hum logo ko darane wale hain.”

? Al-Dukhhan Aayat no.3

Jabki in ka yeh qoul sarasar ghalat wa bebuniyad hai jiski daleel yeh hai ke Allah Rabbul Izzat ne is ayat me jis raat ko mubarak raat kaha hai woh Ramadan ki Shab-e-Qadr hai na ke Shab-e-Barat. kyonki yeh baat har Musalman janta hai ke Quran-e-Kareem ka Nuzul Ramadan me hua hai na ke Shahban ke mahine me.

Allah Rabbul Izzat Quran-e-Kareem me Irshad farmata hai :

“Ramadan tou woh Mahina hai jisme Quran Nazil kiya gaya”

Al-Quran, Surah Al-Baqra 2:185

Doosri jagah Allah Rabbul Izzat irshad farmata hai –

“Humne is (Quran) ko Shab-e-Qadr me nazil farmaya tumhe kya malum ke Shab-e-Qadr kya hai, Shab-e-Qadr me ek Raat ki ibadat Hazar mahino ki ibadat se behtar hai.”

Al Quran, Surah Al-Qadr 97:1-3

in ayaat se maloom hua ke Surah Dukkhan ki ayat no. 3 me jis Mubarak Raat ki taraf ishara kiya gaya hai usse murad Shab-e-Qadr hai na ke Shab-e-Barat.

Shaban ki 15wi Raat ki fazilat me jo bhi hadeese bayan ki jati hain sab ki sab mozoo ya zaeef hain. isi tarhan is raat ki ibadato ke Silsile me jo bhi hadees bayan ki jati hain woh sari mozoo (unauthentic) hain..!!

Ek Hadees hai jo 15wi Shab ke liye bayan ki jati hai:

RasoolAllah (Sallallahu Alaihay Wasallam) ne farmaya ke
“Allah Ta’ala 15wi Shahban ki Raat ko matlah ho kar Mushriq wa Qeena parwar ke siwa poori makhlooq ko Muaf kar deta hai.”

Ibn Majah; silsila saheeh 1652

lekin is hadees me is raat ke liye makhsoos ibadat karne ki na koi daleel hai aur na hi kisi ibadat ka hukum diya gaya hai aur jahan tak logo ki Maghfirat ki baat hai tu yeh sirf isi raat ke sath khas nahin hai balke yeh tou har din hota hai.

Jaisa ke Sahih Hadees se sabit hai ke

“Allah Subhanhu Ta’ala har din aakhri Raat ke pehar me sama dunia per aata hai aur yeh ailan karta hai ke ‘koun hai jo mujhe pukare phir me uski dua ko qabool karu, kaun hai jo mujhse sawal kare aur me usey doo, kaun hai jo mujh se maghfirat talab kare aur phir me uski maghfirat kardoon.”

Sahih Bukhari 6321

isse maloom hua ke Gunaho ki Maghfirat ka kaam humesha hota rehta hai yeh sirf Shab-e-barat ke sath khas nahin…!!

Haqeeqat yeh hai ke Shab-e-Barat ka islam se koi talluq nahin hai isey ijad karne wale raafdi hain ..!!

Ab koi yeh kahe ke hum is Raat ibadat hi tou karte hain tou isme burayee kya hai ?.
– tou yaad rakhe burayee ibadat me hargiz nahin hai, buraye hai iss baat me ke jo baat Allah ke Rasool (Sallallahu Alaihay Wasallam) ne nahi batayee woh hum kaise kar sakte hain ?

Ek insan agar asr ke 4 farzo ki jagah 5 parhne lage tou kya woh Sahih hoga?
– hargiz nahin jabke woh ek rakat Namaz hi zyada parh raha hai per RasoolAllah (Sallallahu Alaihay Wasallam) ne 4 bataye hain tou hum usse zyada ya kum nahin kar sakte. isi tarhan ibadat Allah Ta’ala ke yahan woh Qabool hogi jiske karne ka hukum RasoolAllah (Sallallahu Alaihay Wasallam) ne diya hai. aur Shab-e-Barat ki ibadat kisi bhi Sahih Aahdees se sabit nahin.

– zara sochiye ke agar yeh itni Fazilat wali raat hoti tou kya Sahaba Ikram iss raat ko ibadat na karte? koi ek bhi wakiya Sahaba-e-Karam se sabit nahin ke unn logo ne iss raat ko khas ibadat ki ho. jo khas ibadat ki raat hai woh tou Ramadan ki Shab-e-Qadr hai usme jitni chahe ibadat karein…!!

Ek baat yaad rakhein ke allah ta’ala uss ibadat ko qabool karta hai jisme Niyat khalis Allah ki Raza ki ho aur tareeqa khalis RasoolAllah (Sallallahu Alaihay Wasallam) ka ho ..!!

Alhamdulillah! humara deen kamil hai RasoolAllah (Sallallahu Alaihay Wasallam) apni ummat ko deen ke Muamle har tarha ki tarbiyat kar gaye hain, gar humne itna kar liya jitna hamein bataya gaya hai tou in’sha’allah humara Rab hamse razi ho jayga..!!

Kisi bhi Bidat ko chhota na samjho –

RasoolAllah (Sallallahu Alaihay Wasallam) ne Biddat karne wale ko kaha hai ke woh hum me se nahin ..!!

RasoolAllah (Salallahu Alaihi Wasallam) ne farmaya –
“Jisne humare deen me koi nayee cheez ijad ki jiska deen se koi taulluq nahin hai tou woh mardood hai “

Sahih Al Bukhari 2697

Ek aur riwayat me aata hai ke –

“Deen ke andar nayee nayee cheeze dakhil karne se baaz raho! bila-shubha “kullu bida-tan zalalah, wa kulo zalala-tin fin nar” (Deen me) har nayee cheez bidat hai aur har bidat gumrahi hai aur har gumrahi jahannam me le jane wali hai.”

Abu Dawood; Kitab al Sunnah 7064

RasoolAllah (Sallallahu Alaihay Wasallam) ne farmaya :
“Jisne humare is deen me apni taraf se koi nayi cheez paida ki, 
jo is me se nahi hai toh wo mardood hai (yani wo deen se kharij hai), har nayi cheez (jo deen me paida ho) biddat hai aur har biddat gumrahi hai aur har gumrahi, jahannam me lee jaati hai.”

Sahih Al Bukhatri, Hadees 2696
? Sahih Al Muslim, Hadis 1718
? Sunan Nasai 3/188

RasoolAllah (Sallallahu Alaihay Wasallam) ne farmaya –
“Sabse Behtar amr (Amal ke liye) Allah ki kitab hai aur sabse behtar tareeqa Muhammad Sallallahu Alaihay Wasallam ka tareeqa hai aur sabse badtareen kaam deen me nayee nayee baton ka paida karna hai aur har nayee baat gumrahi hai.”

Sunan Ibn Majah, vol 1 , Hadees 45

(Jo log biddat ko taqseem karke Gumrahi pehla rahe hai jaise Bidat-e-Sayya, Biddat-e-Hasna un Hajrat ke liye ye hadees se behtareen aur koyi islaah nahi)

Abdullah ibn Umar(Raziallahu Anhu) farmate hain,
“Tamam Biddatein Gumrahi hai Agarche “Ba-zaahir woh logon ko acchi lagein.”

? Sunan Kubra Baihaqi; Hadith138

Allah Rabbul Izzat tamaam Musalmano ko Haq baat Qabool karne ki toufeeq ata farmaye aur Biddat aur Khurafaat se mehfooz rakhein. Aameen-Rabbul-Aalamin !!!

80%
Awesome
  • Design
Abu DawoodAl-BayhaqiBiddatBismillahHadith about BidahHadith SahihQuran Hadees HindiQuran Hadees Hindi SitesQuran Hadees in HindiSahih Bukhari and MuslimSahih Bukhari and Sahih MuslimSahih Muslim BukhariSahih Muslim HadeesShab e Barat DateShab e Barat date 2019Shab e Barat date in islamic calendarShab e Barat DuaShab e Barat HistoryShab e Barat imageShab e Barat in QuranShab e Barat ki FazilatShab e Barat ki IbadatShab e Barat ki Nafil NamazShab e Barat ki NamazShab e Barat meaningShab e Barat MubarakShab e Barat mubarak 2019Shab e Barat mubarak imagesShab e Barat Namaz NiyatShab e Barat NawafilShab e Barat PicShab e Barat QuotesShab e Barat StatusShab-e-BaratShab-e-Barat Ki HakikatShabe BaratSha’banSilsila Ahadees-e-SahihaSunan An-NasaiSunan Ibn MajahWhat is Shab e Barat
Comments (4)
Add Comment
  • sid mlk

    Agle din Roza rakhna kesa hai ??
    Daleel ke sath batayen..

    • Mohammad Salim (Admin)

      Shabe barat ka makhsus roza rakhna sunnat se sabit nahi hai.. aap nafeel aur sunnat roza is mahine me rakhna chahte hai tou kabhi bhi rakhey is mahine me ,. lekin khaas karke 15 shaban ka roza rakhna chahte ho tou ye gair sharayi ho jayega… aam roze aap aksar rakhte ho aur 15 ka bhi rakkhte ho tou koi harz nahi..

      ☆ Maah-e-Shabaan Ke Rozey ….
      Maah-e-Shabaan Ki Fazeelat Me Muta’addad Ahadees Aayi Hain, Magar Inme Se Aksar Riwayaat Zaeeh Hain. Tahem Baaz Saheeh Ahadees Se Bhi Shabaan Ki Fazeelat Maloom Hoti Hai.
      ∗1. » Mahfum-e-Hadees : Hazrate Ayesha (Razi’Allahu Anha) Se Riwayat Hai Ke Unhone Farmaya Ke Maine Nabi Kareem (Sallallahu Alaihay Wasallam) Ko Shabaan Se Ziada (Ramazan Ke Alawa) Aur Maheene Ke Roze Rekhte Hue Nahi Dekha.
      – (Saheeh Muslim Hadees 782)
      ∗2. » Mahfum-e-Hadees : Hazrate Ayesha (Razi’Allahu Anha) Se Riwayat Hai Ke Aap (Sallallahu Alaihay Wasallam) Siwaye Chand Dino Ke Shabaan Bhar Roza Rakhte They
      – (Sunan Nasai Hadees 2355)
      ∗3. » Mahfum-e-Hadees : Ek Riwayat Me Hazrate Ayesha (Razi’Allahu Anha) Farmate Hain Ke Allah Ke Rasool (Sallallahu Alaihay Wasallam) Ke Nazdeek Roza Rakhne Ke Liye(Ramzaan Ke Alawa) Sab Se Ziada Pasandeeda Maheena Shabaan Tha.
      – (Nasai Hadees 2350)
      In Riwayaat Aur Ahadees Se Itni Baat Wazeh Hai Ke Shabaan Ke Maheene Ko Ek Khaas Fazeelat Haasil Hai, Jis Ki Bina Par Allah Ke Rasool (Sallallahu Alaihay Wasallam) Khusoosiyat Ke Sath Iss Me Roze Ka Ahtemam Farmate The. Neez Aakhri Riwayat Se Ye Bhi Maloom Hua Ke Roze Ke Liye Allah Ke Nabi (Sallallahu Alaihay Wasallam) Ke Nazdeek Ramazan Ke Baad Sab Se Mehboob Shabaan Ka Maheena Tha. Iss Se Bhi Shabaan Ki Ek Khusoosi Fazeelat Maloom Hoti Hai.

  • Gulam Mustafa Raza Khan Luxmipur

    Assalamo Alaikum

    Hazrat Is Page Se Jude Rahne Ke Liye Kiya Karna Hai

  • Nasreen Khan

    Jazak Allahu khairan Bhaijaan.


Related Post