Musalman Wo Hai Jis Ke Haath Aur Zubaan Se ….

♥ Mafhoom-e-Hadees: Rasool’Allah (Sallallahu Alaihay Wasallam) Farmatey Hai –
“Musalman Wo Hai Jis Ke Haath Aur Zubaan Se Dusrey Musalman Mehfooz Rahe..”
– (Muslim Shareef)

» Wajahat: Aaj kitney Musalmaan hai jo ye Gawahi de ke Mai dusre Musalman ke Sharr se Mehfuz hu ,..
Illa-Masha’Allah bohot kum Musalman honge jinke Khush-Akhlakhi Ki Gawahi hum Dey Payenge ,..
– Baaki Hazraat ki tou kya baat ,..

*Allah Reham karey !
Aaj humari hi Badd’Akhlakhiyo ki wajah hai ke humare Gairmuslim bhai Shariyate-Islamiya par, Allah ki Zaat par, Rasool’Allah (Sallallahu Alaihay Wasallam) ki Sirate Mukaddas par na jaane kya-kya Ashakalaat jata rahe hai,..
– kyunki humne Allah Aur Uske Rasool (Sallallahu Alaihay Wasallam) ki Nafarmaani Ki ,..
– Natijatan hum Deen par Aarzi Duniya ko Tarzi deney lage ,..
– aur fir jo hua uska Tamasha Saari Duniya dekh hi rahi hai ,..
– Logon Ki Shako-Shubhat ne Hume Aatankwaad Se Tak jod Diya ,…

*Jabki Hum Uss Paakiza Shairiyat Ke Man’ne Wale Hai jo Har Haal Me Hume Insaniyat Ki Khatir Jaan-o-Maal Daaw Par Lagane Ki Hidayat Deti hai ,.. Lekin aaj humari Badd’Amaliya kuch aur hi Zaahir kar rahi hai .. – @[156344474474186:]

♥ Allah Rabbul Izzat Se Dua hai Ke –
# Allah Hum Sab Ko Kitabo-Sunnat Ka Muttabey banaye ,..
# Hume Rasool’Allah (Sallallahu Alaihay Wasallam) Ki Sunnat-e-Mubarak Par Amal Ki Taufik De ,..
# Humare Aapsi Hukuk Aur Gairmuslimo Se Husn-Khulk Ikhtiyar Karne Ki Taufik Dey ,..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!