Ilm ki Ahmiyat: Part-1

〘  Bismillah-Hirrahman-Nirrahim | Allah Ke Naam Se Shuru Jo Nihayat Maherbaan Aur Rahem Wala Hai 〙

RasoolAllah (Sallallahu Alaihay Wasallam) par pehli wahi nazil hoti hai, Surah Alaq (96) ki ibtedayi 5 aayate aap par nazil hoti hai “Iqra’ Biasmi Rabbika al-ladhi Khalaqa” (parh apne rab ke naam se jiss ne paida kiya)”

Jab farishtey Jibrayil (Alaihi Salam) aaye aur RasoolAllah se kaha: “Iqra! (padho)” tou Aap ﷺ ne kaha: “Maa Ana’bi Qaari ! (Mai padhna likhna nahi janta)”
Fir uss awaaz ne jordar kaha: “iqra!” tou Aap (ﷺ) samjh gaye ke ye bolna chah rahe hai ke ‘iskey piche padho’ yaani iski baato ko dohrao..

Tab Allah ke Rasool (Sallallahu Alaihay Wasallam) ne unkey pichey padhna shuru kiya: “Iqra’ Bismi Rabbika Al-ladhi Khalaqa.” yaani parh apney rab ke naam se jiss ne paida kiya. bus pahla hukm yahi aaya ke:

❝ Padho apne Rab ke Naam se jisney paida kiya❞

- (Al Quran; Surah Alaq 96:1)

Tou Yaha Rasool’Allah (ﷺ) par dekhiye pehli wahi kya nazil hoti hai. Namaz nahi, Zakat nahi, khud apni Tawheed (wahdaniyat) Allah bayan nahi kar raha sirf yahi pehla hukm de raha hai ke “Padh apne Rab ke Naam se

Tou jis Qoum ko pahla hukm padhney ka aaye aur wohi Qoum agar Jahil reh jaaye yeh goya aise hi hai jaise machli ka baccha tairane ke fun se gaafil ho jaye, Yakinan Ilm buniyaad hai tamam aamal ki, kyunki banda unhi Aqaid par apni Zindagi gujarta hai jiska ilm usey wirasat me mila ho. isliye Aqaid me saabit kadam rahne ke liye sabse awwal cheez Ilm hai. aur Ilm se muraad Deeni aur Duniyawi dono hai.

Jahir si baat hai ke koi Shakhs agar Kaynaat ka ilm (Astronomy) haasil karey tou wo uss cheez par gour-o-fikr karne lagta hai ke yakinan inti badi Kaynaat ko kisi patthar aur mitty ke maboodo ne tou nahi banaya hoga. yakinan wo bohot aala shan hogi jisne iss Qaynaat ko banaya, wajud me laya.

Aur aagey ki Aayato me Allah Rabbul izzat ne bayan farmaya:

2. khalaqa al-‘insana min alaqin.

(jisney insan ko khoon ke lothrey se paida kiya.)

3. aqra’ wa rabbuka al-‘akramu.

(parh uss rab ke naam se jo bada karam karne wala hai.)

4. al-ladhi `allama bil-qalami.

(jisne insan ko qalam ke zariye (ilm) sikhaya.)

5.`allama al-‘insana ma lam ya`lam.

(jisney insan ko woh sikhaya jo woh (insan) nahi janta tha.)

Tou inn Aayato me pata chalta hai ke ilm ki kya ahmiyat aur fazilat hai, aur musalmano ki aaneywali naslo ne bas. har ilm ko chaat diya, har ilm ko pii gaye, apne rab ka naam liya aur haasil kar liya usey.

♥ In sha Allah unkey baarey me aagye ki post me hum tafsilaat se dekhengey.

To Be Continue …

• इल्म की अहमियत → Parts:

1 2 3 4 5 6 7 8 9 10 11 12 13 14 15

80%
Awesome
  • Design
Arkan E Islam In UrduBismillahHadees on IlmIlmIlm Hadees in UrduIlm Hasil Karna Farz HaiIlm Hasil Karne Ki DuaIlm In Islam In UrduIlm In UrduIlm K Faidy In UrduIlm Kay FaidayIlm Ke FaideIlm Ke Faide In UrduIlm ke Mutaliq HadeesIlm Ki AhmiyatIlm Ki Ahmiyat Aur FazilatIlm ki Ahmiyat HadeesIlm ki Ahmiyat Hadees ki Roshni meIlm Ki Ahmiyat In QuranIlm Ki Ahmiyat In UrduIlm Ki Ahmiyat In Urdu EssayIlm Ki Ahmiyat Mazmoon In UrduIlm Ki Ahmiyat Quran Ki Roshni MainIlm Ki Ahmiyat Speech In UrduIlm Ki Ahmiyat Urdu EssayIlm Ki Ahmiyat Urdu SpeechIlm Ki DuniyaIlm Ki DunyaIlm Ki FazeelatIlm Ki FazilatIlm Ki Fazilat Essay In UrduIlm ki Fazilat HadeesIlm Ki Fazilat In UrduIlm Ki HadeesIlm Ki RoshniIlm Ki Roshni In UrduIlm Ki Tareef In UrduIlm UrduIlm-e-DeenJibreelKaynaatQuran Ki Roshni Mein Ilm Ki AhmiyatTaleem Ki Ahmiyat Essaysइल्म की अहमियत
Comments (4)
Add Comment
  • Mohammed Rauf

    I am Interested in Learning more.

    • Admin

      JazakAllah khair Bhai… Dua ki Darkhwast …..

  • Mohammad Waseem Khan

    Allah ta’ala se dua hai ki: Hamsab ko Ilm-e-Deen hasil karne ki taufiq atha farma [A’ameen]
    .
    Thank you #Admin
    Nd Dua ki darkhaas

  • Umar Asari

    Quran ki ayat ko roman Urdu mein likhne ki daleel de den


Related Post