Hiqayat – All Parts

Hiqayat: Roo-e-Zameen Ki Ibteda

۞ Bismillah-Hirrahman-Nirrahim ۞

" Allah ke Naam se Shuru jo tamam jahano ko banane wala aur usey palney wala hai,
aur Duroodo Salaam ho uskey aakhri Nabi Rasool’Allah (Sallallahu Alaihi Wasallam) par."


✦ Farsihte, Jinn aur Insan Aadam (Alaihi Salam) ki Takhleekh:

Allah Ta’ala ne Farishto ko Noor se paida kiya, Jinnato ko aag se aur Insaan ko mitti se paida kiya. farishte din-raat Allah ki ibaadat aur hamd-o-sana karte hai aur Allah ne unhe jis kaam par ma’amoor kiya hai farishte uspe amal karte hai. aur thakte bhi nahi.

Allah ne hum insano se pehle jinnato ko aag se banaaya aur unhe zameen ka khalifa (waris) banaya. Iblees jo ki jinnato me se tha uska naam Azazil tha, aur woh bahut ibaadat guzar tha. isi wajah se woh Allah ke muqarab bando me se tha. yahaa tak ki woh jannat me bhi bina rok-tok aaya jaya karta tha.

Allah Ta’ala ne jinnato ko apni ibaadat ke liye banaaya tha, lekin jinnat sirkash ho gaye aur zameen par fasaad karne lage. qatal-o-gairat karne lage.

Baqoul Qurane majid Allah ne farishto se kahaa, “Mai insaan ko Zameen ka Khalifa (waris) banaane wala hoon. iss par farishto ne khadsaa zaahir kiya ki insaan bhi zameen par fasaad karega aur Qatal-o-Gaarat karega. teri ibaadat ke liye hum hi kaafi hai. tab Allah Ta’ala ne kahaa, “main jo jaanta hoon wo tum nahi jaante.”

Allah Ta’ala ne mitti ke khameer se Aadam ka putlaa tayar kiya. ek riwaayat me hai ki aaj jahaa Khana-e-Kaaba hai, uss jagah se mitti li gayee. aur ek riwaayat me hai ki saat (7) alag-alag jagaho se mitti le kar khamira tayar kiya gayaa. aur uss se Aadam ka putlaa banaaya gayaa.


✦ Iblees ka Taqabbur aur Allah ke Huqm ki Nafarmani :

Allah Ta’ala ne Farishto se kahaa, “jab main iss putle me apni Rooh funku (daaloo) to tum sab sajde me gir jaana”. jab Allah Ta’ala ne Aadam ke putle me Rooh daali toh sab ne sajdaa kiya siwaaye Iblees ke."

Allah Ta’ala ne Iblees se poocha, “jab sab ne sajdaa kiya toh tuney kyon nahi kiya? , tujhe kis cheez ne roka ?. “Iblees ne apni galti nahi maani aur Takabbur (Ghamand) se kahaa. “mai iss se Afzal (behtar) hoon, tuney mujhe Aag se paida kiya aur ise sadi huyee mitti (khanakti huyee mitti) se paida kiya.”

Allah Ta’ala ne kahaa, “nikal ja yahaa se, aaj se tu razim (dhutkaara) huwaa hai, aur tujhpe laanat hai.”

Iblees ne kahaa, “Aye mere Rab, jis ki wazah se tuney mujhe dhutkaara aur laanat ki, mujhe Qayaamat tak mohlat de ke mai isey aur is ki Aulaado ko Gumraah karu aur inhe teri raah se roku, aur mai chahe aage se piche se upar se niche se jahaa se bhi Aau koi mujhe dekh na sake.”

Allah Ta’ala ne kahaa. “Mujhe Apne jalal ki Qasam, ja tujhe mohlat di, lekin mai tujhe aur jo teri pairqi karega unn sab ko jahannum me bhar dunga. aur insaano ki rahenumaayee ke liye mai apne Nabiyo aur Rasoolo ko bhejunga. jo bhi Muttaqi aur Parhezgaar hoga aur Nek Amal karega mai usey Jannat me jagah dooga,..”

Reference: (Qasas-Ul-Ambiya Roman Urdu Script by Mohammed Rafique)

To be Continue ...


Hiqayat: Aadam (Alaihay Salam)

Hazrat Aadam (Alaihay Salam) aur Bibi Hawwa ko Zameen par Utara Gaya.

Aziz dosto …. jab Shaitaan mardood aur laanati ho gayaa toh uske Jannat me dakheele par paabandi lag gayee. ab woh jannat me dakheel nahi ho sakta tha.

✦ Aadam Alaihi Salam ki Takhleekh:

Hazrat Aadam (Alaihay Salam) jab uth kar baith gaye to unhe cheenk aa gayee aur tab Aadam (Alaihay Salam) ne Alhamdulillah ke alfaaz adaa kiye. Allah Subhanahu ta’ala ne Aadam (Alaihay Salam) ko Ilm aur Hiqmat ki baate sikhayee, garaz ye ki aaj duniya me jitni bhi Zubaane, Bhashaye, ya boli ya boli jaati hai woh sab aur duniya ke tamaam uloom sikhaaye aur tamaam chizo ke naam bhi sikhaaye. Fir Allah ta’ala ne tamaam Farishto ke samne Aadam (Alaihay Salam) ko huqm diya, “Aye Aadam ! bayaan kar jo bhi baate aur ilm, maine tujhe sikhaayee hai, agar tu sacha hai.”

Aadam (Alaihay Salam) ne woh saari baate aur woh sara ilm jo Allah ta’ala ne unhe sikhayee thi sab farishto ke saamne bayaan kar di. iss par tamaam farishto ne ek saath kahaa, “paak hai tu, Aye humaare Rab ! beshaq tu jo jaanta hai, hum wo nahi jaante,“ aur Allah ta’ala ne Hazrat Aadam ko jannat me rehne ka huqm diya, aur iss tarhaa Aadam (Alaihay Salam) jannat me rehne lage.

✦ Bibi Hawwa ki Takhleekh:

Jannat me khaane pine aur ghumne firne ko bahut kuch tha. lekin tanhaa akele hone ki wazah se Aadam (Alaihay Salam) udaas rehne lage. fir Allah ta’ala ne Aadam (Alaihay Salam) ki baayee pasli se Bibi Hawwa ko banaya. iss tarhaa woh dono ek dusre ka saath pa kar khushi khushi jannat me rahne lage. Allah ta’ala ne farmaaya, “tum dono jannat me jo chaahe khaavo piyo aur ghumo firo, lekin khabardaar uss mamnuwaa sajar (tree) ke paas mat jaana aur uss ka fal mat khaana warna tum log zaalimo me se ho jaaoge." Ek riwayat me hai ki woh sajar gandoom (gehoo) ka tha ya uss se milta julta tha. (Allahu Aalam )

Riwayato me aata hai ke - Iblis ne saanp ki surat me Bibi Hawwa aur Aadam (Alaihay Salam) se mulaaqat ki aur kahaa, “mai tumhaara khairkhawaah hoon, tum dono ne jannat ke uss sajar ka Fal (fruit) kyon nahi khaaya ?. is par wo dono boley ki, “hume Allah ta'ala ne uss sajar se door rehne ke liye kahaa hai, isiliye hum ne wo fal nahi khaaya.”

✦ Shaitan ka Aadam aur Hawwa ko behqaana:

Jab Aadam (Alaihay Salam) so gaye toh Shaitaan ne Bibi Hawwa ko behkaaya aur kahaa, “Allah ta’ala ne tumhe wo Fal khaane se isiliye manaa kiya hai ki kahi wo Fal khaa kar tum farishte na ban jaawo aur hamesha ke liye jannat me na rahne lago.” Bibi hawwa ne shaitaan ke bahkaave me aakar wo fal khaa liya aur jab Aadam (Alaihay Salam) so kar jaage toh unhe bhi bahut israar kar ke wo fal khilaa diya.”

Jaise hi un dono ne wo Fal khaaya unka jannat ka libaas utar gayaa. aur wo dono Sharam ke maare apni apni Sharmgaah chupaane lage. tab hi Allah ta’ala ne kahaa, “Maine tum se nahi kahaa tha ki uss sajar ke paas mat jaana aur uska fal mat khaana. tum dono ne apni jaan par Zulm kiya." Aadam (Alaihay Salam) ko apni galti ka ehsaas huwa. unhone Allah ta’ala ki baargaah me apne gunaaho ki muafi maangi.

Allah ta’ala ne isi Wakiye ko Quran me youn bayan farmaya aur kaha,
"Tab Shaitan ne Aadam aur Hawwa ko dhoka dekar waha se dagmagaaya aur Aakhirkaar unko jis (aish wa rahat) me they unse nikal feka aur hum (Allah) ne kaha (Aye Aadam! wa Hawwa) tum Zameen par utar pado. tum me se ek ka ek Dushman hoga aur Zameen me tumhare liye ek khas waqt (Qayamat) tak thehraw aur thikana hai."
- (Surah Baqrah 2:36)

Reference: (Qasas-Ul-Ambiya Roman Urdu Script by Mohammed Rafique)

To be continue ...


Hiqayat: Aadam Ke Bete Habil Aur Qaabil

• Hazrat Aadam Ke Bete Habil Ka Roo-e-Zameen Par Sabse Pehla Qatl

Jab UnKo Jannat Se Zameen Par Utaara Gayaa Toh Baaz Tarikhi hawalo se Pata Chalta hai ke Aadam (Alaihay Salam) Ko SriLanka Me, Bibi Hawwa Ko Arab Me Aur Shaitaan Iblees Ko Asfaan Me Jo Ki Arab Ke Aas Paas Hi Koi Jazira Tha. SriLanka Me Ek Bahut Bada Insaani Qadmo Ka Nishan Hai. Kitaabo Me Likha Hai Ki Shaayad Wo Nishaan Aadam (Alaihay Salam) Ke Qadmo Ka Hi Hai. (Allah-U-Aalam).

Duniya Me Aane Ke Baad Aadam (Alaihay Salam) Aur Bibi Hawwa Kayee Sau Baras Alag-Alag Bhatkte Rahe, Rote Rahe Aur Apne Gunaaho Ki Maafi Maangte Rahe. Fir Ek Wakt Allah Ta’ala Ne Aadam (Alaihay Salam) Ki Duwaa Qabool Ki. Aadam (Alaihay Salam) Aur Bibi Hawwa Bhatakte Huve Makkah Ke Paas Mina Ke Maqaam Par Pahoonche, Wahaa Par Ek Pahaad Hai Jahaa Par Unka Milan Huwa. Uss Pahaadi Ko Jabal-e-Rahemat Kahete Hai. Kyonki Uss Par Aadam (Alaihay Salam) Aur Bibi Hawwa Ka Milan Huwa Aur Allah Ta’ala Ki Rehamat Naazil Huyee Thi.

Woh Dono Ek Dusre Ko Paa Kar Bahut Khush Huve Aur Allah Ta’ala Ka Shukr Adaa Kiya. Ab Wo Dono Saath Me Rahne Lage, Uss Waqt Unhe Judwaa Aulaade Hoti Thi Ek Ladka Aur Ek Ladki. Uss Waqt Insaani Aabaadi Toh Thi Nahi. Isiliye Uss Waqt Ye Shariyat (Qanoon) Tha Ki Pahle Paida Huve Ladke Ka Dusri Baar Paida Huyee Ladki Ke Saath Nikaah Aur Dusre Ladke Ka Pahli Ladki Ke Saath Nikaah Hota Tha. Pahela Jo Ladka Tha Uss Ka Naam Qabil Tha Aur Dusra Jo Ladka Tha Uska Naam Habil Tha. Lekin Jo Ladki Qabil Ke Saath Paida Huyee Thi Woh Jiyaada Khubsurat Thi, Aur Jo Ladki Habil Ke Saath Paida Huyee Thi Woh Kum Khubsurat Thi.

Qabil Ne Apne Saath Paida Huyee Ladki Ke Saath Nikaah Karne Ki Baat Ki. Jab Ki Shariyat Ke Hisaab Se Uska Nikaah Habil Ke Saath Hona Tha. Lekin Qabil Na Mana. Use Aadam (Alaihay Salam) Aur Bibi Hawwa Ne Bahut Samjhaya Par Woh Zid Par Adhaa Raha. Tab Aadam (Alaihay Salam) Ne Kahaa Tum Dono Allah Ta’ala Ke Huzur Me Qurbaani Pesh Karo Jis Ki Qurbaani Qabool Hogi Wohi Pahli Ladki Se Nikaah Karega. Jab Dono Ne Apni Apni Qurbaani Ek Pahaadi Par Pesh Ki To Habil Ki Qurbaani Qabool Huyee Qaabil Ki Qurbaani Qabool Na Huyee. Shaitaan Iblees Ne Qabil Ko Bahkaaya Ke Tum Habil Ka Qatal Kar Do, Woh Hi Na Rahega To Tumhara Nikaah Paheli Ladki Se Ho Jaayega.

Ab Qabil Mouke Ki Talaash Me Rahne Laga. Ek Din Uss Ko Mouka Mil Gaya Aur Usne Habil Ka Qatal Kar Diya. Qatal Karne Ke Baad Usko Samjh Na Aaya Ke Habil Ki Laash Ka Kya Kare. Usse Dar Tha Ki Koi Dekh Na Le. Isiliye Woh Habil Ki Laash Ko Kandhe Par Uthaaye Firta Raha. Tab Allah Ta’ala Ne Do Farishto Ko Bheja Jo Kawve (Crow) Ki Shaqal Me Aaye Aur Qabil Ke Saamne Ladne Lage. Baad Me Ek Kawve Ne Dusre Kawve Ko Maar Daala Aur Apni Choch Se Mitti Khod Kar Uss Me Dafna Diya.
Qabil Ye Sab Dekh Kar Bahut Pashemaan Huwa Aur Kahaa, “Haye Re Meri Bad Bakhti, Ke Mai Kawve Se Bhi Gayaa-Guzra Huwa Hoon. “Fir Usne Bhi Gadhdha (Qabar) Khod Kar Habil Ko Uss Me Dafna Diya. Aur Yahee Se Murdo Ko Dafnane Ka Riwaaz Shuru Huwa.

Aziz Dosto Ye Zameen Par Kisi Insaan Ka Ye Pahela Qatal Tha. Isiliye Riwaayato Me Aaya Hai Ki Iske Baad Zameen Par Jitne Bhi Qatal Hoge Uska Vabaal Qabil Ke Sir Par Bhi Hoga. Jo Qatal Karega Uss Ke Sir Par Toh Hoga Hi Hoga.

Reference: (Virtual study of Mohammed Rafique, Qasas-Ul-Ambiya)

To Be Continue ...


Hiqayat: Nabuwat Ka Silsila

Roo-e-Zameen Par Insaaniyat Ki Rehnumaayee Ke Liye Nabiyo Aur Rasoolo Ko Silsilah

Aziz dosto iss tarhaa duniya me Aadam (Alaihay Salam) aur Bibi Hawwa ke aane ke baad unki Aulaade huyee aur Aulaado ki Aulaade hone lagi, aur Zameen par insaano ki tadaad badhne lagi, dhire dhire ye Zameen par failne lage aur Samaaj, Kunbaa aur Qabile aur Qaumo me bat gaye.

jaisa ki Allah Ta’ala ne wadaa kiya tha ki Insaaniyat ki rehnumaayee ke liye apne Nabiyo aur Rasoolo ko bhejugaa. toh Allah Ta’ala ne har Qaum ke liye Nabi aur Rasool bheje, taaki insaan apne Rab ko pahechaane aur Shariyat ya Qanoon ke Hisaab se apni zindagi guzaare, jis se uski duniya aur aakhirat dono sanwar jaaye aur woh Haraam Halaal, Neki aur Gunaah ko samajh sakey.

Ek riwayat me hai ki Allah Ta’ala ne insaano ki rehnumaayee ke liye kamobesh 1,24,000 paigambar bheje. kamobesh se muraad, kum bhi ho sakte hai aur jiyaada bhi. ye paigambar duniya ke har hisse me jahaa bhi insaani Qaum thi bheje gaye.

25 Prophets Mentioned in the Qur'an :

Inme jo paigambar huwe aur jinka Ziqr Qur’an Shareef me Allah Ta’ala ne kiya hai, wo iss tarha hai.

1. Aadam (Alaihay Salam), 2. Sheesh (Alaihay Salam), 3. Nooh (Alaihay Salam), 4. Shoeb (Alaihay Salam), 5. Saleh (Alaihay Salam), 6. Idrees (Alaihay Salam), 7. Hood (Alaihay Salam), 8. Zakariya (Alaihay Salam), 9. Ibrahim (Alaihay Salam), 10. Dawood (Alaihay Salam), 11. Sulaiman (Alaihay Salam), 12. Zulkarnain (Alaihay Salam), 13. Ayyub (Alaihay Salam), 14. Yaqoob (Alaihay Salam), 15. Daaniyal (Alaihay Salam), 16. Moosaa (Alaihay Salam), 17. Haroon (Alaihay Salam), 18. Ismail (Alaihay Salam), 19. Ishaaq (Alaihay Salam), 20. Yunus (Alaihay Salam), 21. Yusuf (Alaihay Salam), 22. Yahyaa (Alaihay Salam), 23. Isaa (Alaihay Salam), 24. aur Aakhir me Humaare Pyaare Aaqa 25. Muhammed (Sallallahu Alaihay Wasallam).

Yahaa par har paigambar ka ziqr nahi kar sakte kyonki uske liye kaafi waqt ki darkaar hai aur post bhi bahut jiyaada lambi ho jayegi. isiliye ham yahaa par kuch hi paigambar ka ziqr kar rahe hai. aadam (alaihay salam) ke baare me aap jaan hi chuke ho. ab hazrat nooh (alaihay salam) ka ziqr karenge agli post me.

Reference: (Virtual study of Mohammed Rafique, Qasas-Ul-Ambiya)

To Be Continue ...

Agle Part Hiqayat (Part-5) Nooh (Alaihay Salam) Ka Zikr Karenge.. JazakAllah Khair..


Hiqayat: Nooh (Alaihay Salam)

Hazrat Nooh (Alaihay Salam) Ki Nafarmaan Qaum Ko Paani Ke Zalzale Ka Dardnak Azaab!

Aziz Dosto, Allah Ta’ala Ne Jis Qoum Ki Taraf Bhi Jo Paigambar Bheja Jiyada Kar Ke Uss Qaum Ko Uss Paigambar Ka Hi Naam Diya. Isiliye Jis Qaum Ki Taraf Nooh (Alaihay Salam) Bheje Gaye Uss Qoum Ko, Qoum-e-Nooh Kaha Gayaa.

*Hazrat Nooh Ki Qaum Boot-Parasti Me Lagi Huyee Thi. Nooh (Alaihay Salam) Ne Taqreeban 900 Ya 950 Baras Unke Beech Tableeg Ki. Allah Ke Deen Ki Taraf Bulaaya. Lekin Unki Qaum Na Maani. Yahaa Tak Ki Unki Biwi Aur Ladka Sab Boot Parasti Me Lage Rahe.

*Aakhir Me Thak-Haar Ke Unhone Rab Ki Baargaah Me Ye Iltijaa Ki - Aye Mere Rab Maine Apne Qaum Me Din-Raat Tablig Ki, Unhe Haq Ki Daawat Di Lekin Unn Logo Ne Mujhe Jhuthlaa Diya Aur Kuch Logo Ke Alaawa Baaqiyo Ne Imaan Nahi Laaya, Yahaa Tak Ki Woh Apne Kuffar Aur Hathdharmi Me Hadd Se Jiyaada Badh Gaye, Ab Ye Imaan Nahi Lane Wale, Ab Inn Ka Faislaa Tu Hi Kar.
*Allah Ta’ala Ne Nooh (Alaihay Salam) Ko Ek Badi Si Lakdi Ki Naav (Ship) Apni Nighebaani Me Tayyar Karne Ka Huqm Diya .

*Allah Ta’ala Kisi Qaum Par Aise Hi Azaab Naazil Nahi Karta, Pehele Woh Uss Qaum Ki Islaah Ke Liye Nabiyo Aur Rasoolo Ko Bhejta Hai, Taaki Woh Rasool Ya Paigamber Apni Qaum Ko Daraaye Aur Khush-Khabri Bhi De, Aur Iss Par Bhi Wo Qaum Na Maane Aur Imaan Na Laaye Aur Apne Gunaaho Se Toubah Na Kare Toh Fir Azaab Naazil Karta Hai Taaki Koi Huzzat Baqi Na Rahe.

*Nooh (Alaihay Salam) Peshe Se Badhayee (Carpenter) The. Unhone Ek Maidaan Me Naav Banaana Shuru Kiya. Unki Qoum Ke Log Aa Kar Mazaaq Karte The Aur Kahete The Ki Bade Miyaa Paagal Ho Gaye Ho, Ret (Sand) Me Naavo Chalaavoge Kya?
Jab Naav Banke Tayyar Ho Gayee Toh Allah Ta’ala Ne Huqm Diya Ki Sab Jaanwar Aur Parindo, Aur Jo Log Imaan Laaye Un Sab Ko Naav Me Sawaar Kar Lo.

Hazrat Nooh (Alaihay Salam) Pure Jee-Jaan Se Aur An-Thak Tarike Se Apni Qaum Ko Deen Ki Daawat Dete Rahe. Jab Qoum Ke Kuch Hi Logo Ne Imaan Laya, Aur Baqi Hatdharam, Ziddi, Aur Nooh (Alaihay Salam) Ko Takleef Dene Wale Aur Unka Mazaaq Udaane Wale Rah Gaye Toh Nooh (Alaihay Salam) Ne Duwaa Ki, “Aye Mere Rab Inn Logo Ne Mujhe Jhutlaa Diya Hai, Ab Tu Hi Meri Madad Farma”.

*Tab Allah Ta’ala Ne Nooh (Alaihay Salam) Ki Taraf Wahee Ki - Hamari Nigraani Aur Hidaayat Ke Mutaabiq Kashti (Naav) Banaavo ! Fir Jab Hamaara Huqm Aa Jaaye Aur Tanoor Ubalne Lage Toh Har Kisam Ke Jaanwar Aur Parindo Ke Jode Se Do (Nar Aur Maada) Iss Me Baitha Lena Aur Apne Gharwalo Ko Bhi (Imaan Walo Ko).
*Aur Jin Logo Ne Zulm Kiya (Kaafir) In Ke Baare Me Mujh Se Koi Sawaal Mat Karna, Kyonki Woh Sab Paani Me Garq Kar Diye Jaayege. Aur Fir Tum Aur Jo Tumhaare Hamraah Ho Kashti (Naav) Me Achchi Tarha Baith Jaaye Toh Kehna “Sab Ta’areef Allah Ta’ala Ke Liye Hai, Jis Ne Hame Zaalimo Se Nizaat Di” Aur Ye Bhi Kehena “Mere Rab Hame Barqat Wali Jagaah Par Utaarna, Aur Tu Sab Se Behtar Utaarne Wala Hai”.

*Aur Fir Jab Nooh (Alaihay Salam) Ne Sab Ko Kashti Par Sawar Kar Liya Toh Zameen Se Paani Ubalna Shuru Ho Gaya Aur Tez Muslaadhar Baarish Hone Lagi. Chaaro Taraf Paani Hi Paani Ho Gaya. Kaafir Apni Jaan Bachane Ke Liye Unchi Jagaho Par Jaane Lage. Ab Nooh (Alaihay Salam) Ki Kashti (Naav) Paani Me Upar Uthne Lagi. Nooh (Alaihay Salam) Ne Dekha Ki Unka Kaafir Beta Pahaadi Par Ja Rahaa Hai Toh Nooh (Alaihay Salam) Ne Use Aawaaz Di: “Beta Jaldi Se Naav Me Sawaar Ho Jaa”. Uss Ne Jawwab Diya, “Mai Pahaadi Par Ja Rahaa Hoon Wahaa Mai Bach Jawooga”. Nooh (Alaihay Salam) Ne Kahaa, “Aaj Koi Nahi Bachne Wala”. Aur Unke Dekhte Hi Dekhte Ek Unchi Lahar Uthi Aur Unke Bete Ko Bahaa Le Gayee.

*Nooh (Alaihay Salam) Ne Kahaa - “Aye Mere Rab Mera Beta Mere Apno Me Se Hai”.
*Allah Ta’ala Ne Farmaaya - Tumhe Jis Baat Ka Ilm Nahi Uske Baare Me Sawaal Mat Karo, Wo Kaafiro Me Se Tha Tumhaare Apno Me Se Nahi, Tumhaare Apne Wo Hai Jo Imaan Laaye”.

*Kayee Dino Tak Muslaadhar Baarish Hoti Rahi Aur Zameen Se Bhi Paani Nikalta Rahaa. Jahaa Tak Bhi Nazar Jaati Thi Har Taraf Paani Hi Paani Tha. Sabhi Kaafir Aur Unke Boot Aur Jo Kuch Bhi Zameen Par Tha Sab Paani Me Garq Ho Gaye. Fir Allah Ta’ala Ne Aasmaan Ko Huqm Diya Ki Paani Barsaana Rok De, Aur Zameen Ko Bhi Huqm Diya Ki Apna Paani Nigal Ja.

*Kashti Kayee Dino Tak Paani Me Tairti Rahi. Kashti Me Chuhe (Mouse) Ho Gaye Jo Anaaj Ke Galle Ko Nuqsaan Pahuchaane Lage. Nooh (Alaihay Salam) Ne Allah Ta’ala Se Duwaa Ki, Allah Ta’ala Ne Kahaa Sher (Lion) Ki Pust Par Haath Maaro. Nooh (Alaihay Salam) Ne Sher Ki Pust Pe Haath Maara Toh Billi (Cat) Paida Huyee Aur Usne Saare Chuho Ko Khaa Liya.

*Isi Tarha Kashti (Naav) Me Gandagi Paida Hone Lagi Toh Nooh (Alaihay Salam) Ne Fir Allah Ta’ala Se Duwaa Ki, Allah Ta’ala Ne Kahaa, “Haathi (Elephant) Ki Pust Par Haath Maaro”. Nooh (Alaihay Salam) Ne Haathi Ki Pust Par Haath Maara Toh Badjaanwar (Pig) Paida Huwaa Aur Usne Saari Gandagi Saaf Kar Di.

*Ab Dhire Dhire Paani Kam Hone Laga. Nooh (Alaihay Salam) Ki Kashti (Naav) Judii Naam Ki Ek Pahaadi Par Jaa Kar Ruki. Nooh (Alaihay Salam) Ne Ek Kawwe (Crow) Ko Bheja Ki Jaa Kar Pataa Lagaaye Ki Paani Kitna Kam Huwaa Hai.

*Kawwa Gaya Toh Waapas Hi Nahi Aaya Wahaa Usko Murdaar Jaanwar Khaane Ko Mil Gaye Wo Unhi Ko Khaane Me Mast Ho Gaya Aur Apna Kaam Bhool Gayaa, Isiliye Kawwe Ke Haq Me Badduwa Hai Ki Woh Murdaar Hi Khaayega. Aur Log Uss Se Nafrat Karege.

*Nooh (Alaihay Salam) Ne Fir Ek Kabootar (Piogen) Ko Baahar Ki Khabar Laane Bheja. Woh Pahli Bar Waapas Aaya Toh Uske Pairo Me Paani Laga Tha. Nooh (Alaihay Salam) Samjh Gaye Ki Abhi Paani Puri Tarhaa Nahi Utra. Kuch Dino Ke Baad Fir Use Bheja, Jab Wo Waapas Aayaa Toh Uske Pairo Me Kichad Lagaa Tha. Nooh (Alaihay Salam) Samajh Gaye Ki Abhi Zameen Khshaq (Sukhi) Nahi Huyee.

*Fir Tisri Bar Use Bheja Toh Uski Chonch Me Eik Poudha Tha. Nooh (Alaihay Salam) Samjh Gaye Ki Ab Zameen Khushq Ho Chuki Hai. Isiliye Kabootar Ke Haq Me Duwaa Hai Ki Woh Daane Khaayega. Aur Log Uss Se Pyaar Karege.

Iss Tarhaa Nooh (Alaihay Salam) Aur Unke Saathi Zameen Par Fir Aabaad Huve Aur Unhi Se Insaani Nasl Aage Badhi.

Reference: (Virtual study of Mohammed Rafique, Qasas-Ul-Ambiya)

To Be Continue ...

Agli Post Hiqayat (Part 6) me Nabi Yunus (Alaihay Salam) ka Zikr Karenge ,..


Hiqayat: Yunus (Alaihay Salam)

• Hazrat Yunus (Alaihay Salam) Ka Machali Ke Pait Ka Safar.

Aziz Dosto, Hazrat Yunus (Alaihay Salam) Ko Allah Ta’ala Ne Qoum Ninwaa Ki Taraf Bheja, Jo Ki Qadeem Baabal Shahar Ke Paas Ka Eik Shahar Tha. Yunus (Alaihay Salam) Ka Zamaana Isaa (Alaihay Salam) Se Taqreeban 800 Saal Pahele Ka Hai. Ye Qoum Bhi Boot Parast Thi. Aur Unhone Lagbhag 1,00,000 Bani Israyeel Ko Qaid Kar Ke Rakha Tha. Yunus (Alaihay Salam) Ne 7 Saal Tak Haq Ki Daawat Di Yaani Ki Tableeg Ki. Lekin Jab Unki Qoum Par Iss Daawate Haq Ka Asar Na Huwaa Aur Wo Apni Boot Parasti Me Lage Rahe Toh Yunus (Alaihay Salam) Ne Aakhir Me Allah Ta’ala Ke Azaab Ki Dhamki De Di, Unki Qoum Ne Fir Bhi Parwaah Nahi Ki.

Jab Azaab Ka Muqarrarah Waqt Qareeb Aa Gaya Aur Azaab Ke Aasaar Nazar Na Aaye Toh Yunus (Alaihay Salam) Allah Ta’ala Ki Izaazat Ke Bagair Hi Apni Qoum Ko Chhod Kar Chale Gaye. Idhar Jaise Hi Yunus (Alaihay Salam) Apni Tashreef Le Gaye. To Unki Qoum Par Azaab Ke Aasaar Nazar Aane Shuru Ho Gaye, Kaale-Kaale Baadal Chhaa Gaye Ghana Kaala Dhuwaa Unki Qoum Ki Taraf Badhne Lagaa.

Qoum Ne Yunus (Alaihay Salam) Ko Talaashna Shuru Kiya Lekin Woh Nahi Mile. To Unki Qoum Khud Hi Apne Biwi Bachcho Aur Yahaa Tak Ki Apne Jaanwaro Ke Saath Ek Maidaan Me Jamaa Ho Gayee Aur Allah Ta’ala Ki Baargaah Me Ro Ro Kar Apne Gunaaho Ki Maafi Maangne Lagi . Allah Ta’ala Ne Unn Par Se Azaab Ko Taal Diya.
Kisi Bhi Kaafir Qoum Ki Taareekh Me Aur Allah Ta’ala Ki Sunnat Jaariya Me Ye Paheli Misaal Hai Ki Azaab Dekhne Ke Baad Kisi Qoum Ka Imaan Laana Faayedemand Saabit Huwaa. Nahi Toh Allah Ta’ala Ki Sunnat Ya Tarika Yahi Hai Ki Ek Baar Azaab Ka Waqt Muqarrar Ho Jaaye To Fir Taltaa Nahi.

Yunus (Alaihay Salam) Apni Qoum Se Door Chale Gaye. Lekin Woh Aate-Jaate Musaafir Se Apni Qoum Ka Haal Dariyaaft Karte. Jab Unhe Maaloom Huwaa Ki Allah Ta’ala Unki Qoum Par Se Azaab Taal Diya Hai To Bhi Woh Waapas Nahi Gaye. Kyonki Unki Qoum Ne Unn Ko Jhutlaaya Tha. Isiliye Unki Gairat Ne Ganwaara Na Kiya Ki Woh Waapas Jaaye.

• Machali Ke Pait Ka Safar:
Ab Chalte-Chalte Raaste Me Ek Dariyaa (Samundar) Aaya. Yunus (Alaihay Salam) Ek Kashti (Naav) Me Sawaar Ho Gaye. Kashti (Naav) Jab Majhdhaar Me Pahunchi Toh Hichkole Khaane Lagi. Kashti (Naav) Me Jitne Bhi Log Sawaar The, Unn Me Se Ek Ne Kahaa, “Lagta Hai Ham Me Se Koi Ek Gunaahgaar Iss Kashti Me Sawaar Hai. Hame Qurra Andaaji Karna Chaahiye Ki Woh Gunaahgaar Koun Hai”.

Teen Bar Qurra Andaji Ki Gayee Aur Teeno Baar Yunus (Alaihay Salam) Ka Naam Nikla. Kashti (Naav) Ke Musafiro Ne Yunus (Alaihay Salam) Ko Dariya (Samundar) Me Daal Diya. Wahaa Ek Badi Machli (Wheal Fish) Ne Yunus (Alaihay Salam) Ko Nigal Liya. Is Tarhaa Yunus (Alaihay Salam) Machli Ke Pait Me Pahooch Gaye.

Kayee Dino Tak Woh Machli Ke Pait Me Hi Rahe. Wahaa Unhone Allah Ta’ala Se Ye Duwaa Ki, “Aye Allah Ta’ala Koi Nahi Ma’abood Siwaaye Tere, Tu Paak Hai, Aur Maine Hi Apni Jaan Par Zulm Kiya. Aye Allah Ta’ala Mere Khataao Ko Muaf Kar De”. Allah Ta’ala Ne Yunus (Alaihay Salam) Ki Duwaa Qabool Ki. Aur Iss Tarhaa Machli (Fish) Ne Unko Kinaare Pe La Kar Ugal Diya. Aur Woh Apni Qaum Ki Taraf Lout Gaye.

Reference: (Virtual study of Mohammed Rafique, Qasas-Ul-Ambiya)

To Be Continue ...

Agli Post Hiqayat (Part-7) me Nabi Yusuf (Alaihay Salam) Ka Zikr Karenge…

Hiqayat: Yusuf (Alaihay Salam)

Aziz Dosto , Hazrat Yaqoob (Alaihay Salam) Jo Ki Phalisteen Me Rahte The. Unke 12 Ladke The. Un Hi Me Se Pahli Biwi Se Yusuf (Alaihay Salam) Aur Bin Yamin The. Aur Dusri Biwi Se 10 Ladke The.

*Yusuf (Alaihay Salam) Bahut Khoobsurat Aur Haseen Zamil The. Unki Khoobsurati Ki Masaale Aaj Bhi Di Jaati Hai. Hazrat Yaqoob (Alaihay Salam) Yusuf (Alaihay Salam) Se Bahut Mohabbat Karte The, Aur Ye Hi Baat Unke Baqi 10 Bhaiyo Ko Khatakti Thi Nagawaar Lagti Thi.

• Hazrat Yusuf (Alaihay Salam) Ki Apne Walid Se Judayi:
Ek Din Yusuf (Alaihay Salam) Ne Ek Khawaab Dekha Aur Apne Abba Jaan Se Kahaa Ki Maine Khawaab Me Dekha Hai 11 Sitaare, Chaand Aur Suraj Sab Mujhe Sajda Kar Rahe Hai. Hazrat Yaqoob (Alaihay Salam) Iss Khawaab Ki Ta-Beer Samjh Gaye Ki Allah Ta’ala Yusuf (Alaihay Salam) Ko Naboowat Se Sarfaraaz Farmaayega Aur Deen Ki Khidmat Lega.
Kuonki Unhe Apne Baqi 10 Beto Ke Baare Me Maaloom Tha. Isiliye Unhone Yusuf (Alaihay Salam) Ko Nasihat Farmaayee Ki Iss Khawaab Ka Ziqr Kisi Se Mat Karna, Kyonki Shaitaan Insaano Ka Khulaa Dushman Hai.

*Ek Deen 10 Bhaiyo Ne Mashwaraa Kiya Ki Abba Jaan Yusuf (Alaihay Salam) Ko Jiyaada Chaahte Hai. Aur Ham Logo Ko Nahi Chaahete. Jab Ki Ham Log Tadaad Me Bhi Jiyaada Hai Aur Quwat Me Bhi.

*Ek Bhai Ne Mashwara Diya Kyon Na Yusuf Ko Qatal Kar Diya Jaaye. Jab Wo Hi Na Rahege Toh Abba Jaan Ham Se Bhi Mohabbat Karenge Aur Ham Log Baad Me Sidhe Aur Sachche Ban Jaayege. Iss Par Dusre Ne Kahaa, “Nahi Ham Unka Qatal Nahi Karenge Balki Unko Ek Andhe Kuwe (Well) Me Daal Denge. Aur Ho Sakta Hai Ki Koi Kaafilaa Aaye Aur Yusuf Ko Apne Saath Le Kar Chalaa Jaaye. Iss Baat Par Sab Bhaiyo Ki Ek Rai Ban Gayee”.

*Aur Woh Sab Milkar Apne Abba Jaan Ke Paas Aaye Aur Kahne Lage, “Kya Baat Hai Ki Aap Yusuf Ke Baare Me Ham Par Bharosa Nahi Karte, Halaanki Ham Toh Uske Khairkhawah Hai. Kal Aap Use Hamaare Saath Bhej Do Taaki Wo Hamaare Saath Khaaye Aur Khele, Aur Ham Uski Hifaazat Karege.

*Yaqoob (Alaihay Salam) Ne Kahaa, “Tum Agar Ise Saath Le Gaye To Mujh Ko Iss Ki Judaayee Ka Gam Hoga, Aur Main Darta Hoon Ki Kahee Tum Log Khel Kood Me Mast Ho Jaawo Aur Iss Se Gaafil Ho Jaawo Aur Koi Bhediya Use Khaa Jaaye”.

*Iss Par Unke Beto Ne Kahaa, “Ham Log Ek Taqatwar Jamaat Hai, Agar Hamaare Hote Huwe Koi Bhediya Yusuf Ko Khaa Jaaye Toh Ye Baat Hamaare Liye Nuksaandaayek Hogi”.
Iss Tarhaa Woh Apne Abba Jaan Se Zid Kar Ke Yusuf (Alaihay Salam) Ko Apne Saath Le Gaye. Aur Wahaa Par Yusuf (Alaihay Salam) Ko Ek Andhe Kuwe (Well) Me Fek Diya.

*Jaise Hi Unhone Yusuf (Alaihay Salam) Ko Kuwe Me Feka Vaise Hi Zibrayeel (Alaihay Salam) Ne Yusuf (Alaihay Salam) Ko Lapak Kar Khairiyat Ke Saath Kuwe Ke Tahe Tak Pahoocha Diya. Aur Unn Se Kahaa, “Ghabrana (Darna) Nahi Allah Ta’ala Tumhara Nighebaan Hai”.

*Baqi Bhaiyo Ne Yusuf (Alaihay Salam) Ki Kameez Par Ek Bhed (Sheep) Ka Jhuta-Mutha Rang Lagaakar Rote Huwe Apne Abba Jaan Ke Paas Pahoonche Aur Kahaa Ki, “Ham Log Aapas Me Shart Laga Kar Doud (Run) Kar Rahe The Aur Yusuf (Alaihay Salam) Samaan Ke Paas Peeche Chhoot Gaye Aur Ham Logo Ko Khayaal Hi Na Raha. Aur Ek Bhediye Ne Aakar Yusuf (Alaihay Salam) Ko Khaa Liya”.

*Yaqoob (Alaihay Salam) Ne Kahaa, “Tum Log Jhoot Bol Rhe Ho, Ab Allah Ta’ala Hi Mujhe Sabar De, Aur Iss Maamle Me Mai Uss Se Hi Madad Chaahta Hoon”.

*Fir Uss Kuwe Ke Paas Ek Kaafila Aaya. Unn Me Se Kuch Log Paani Lane Ke Liye Kuwe Par Gaye, Jaise Hi Un Logo Ne Kuwe Me Paani Ka Dol Daala, Yusuf (Alaihay Salam) Ne Uss Dol Ko Pakad Liya. Aur Uss Dol Ke Sahaare Upar Aa Gaye. Unn Logo Ne Ek Haseen Zamil Bachche Ko Dekha To Bahut Khush Huve. Aur Aapas Me Kahaa Ki, “Is Ki To Baazaar Me Achchi Kimat Mil Jaayegi. Aur Ho Sakta Hai Koi Aamir Iss Ko Apni Aulaad Hi Banale, Iss Ko Chipa Lo Ke Kisi Ko Pata Na Chale”.

*Aur Iss Tarhaa Woh Log Yusuf (Alaihay Salam) Ko Apne Saath Mishr (Egypt) Ke Baazaar Me Le Gaye Aur Yusuf (Alaihay Salam) Ko Bech Diya.

Jis Shakhsh Ne Yusuf (Alaihay Salam) Ko Khareeda Woh Mishr (Egypt) Ka Amir Tha, Riwaayato Me Hai Ki Woh Baadshah Mishr Ka Khajaanchi Tha. Usse Aziz Mishar Bhi Kahaa Jata Tha. Woh Shakhsh Be-Aulaad Tha. Yusuf (Alaihay Salam) Ko Dekhte Hi Samajh Gayaa Tha Ki Ye Koi Gulaam Nahi Hai. Balki Kisi Behad Izzatdaar Aur Motaram Gharaane Ka Fard (Ladka) Hai. Jise Gardish-e-Zamaana Yahaa Le Aayee Hai. Isiliye Usne Apni Biwi Jis Ka Naam Zulekha Tha. Uss Se Kahaa, “Iss Se Intehaayee Izzat Aur Waqaar Ke Saath Pesh Aana, Mumkeen Hai Ki Ham Ise Apna Beta Hi Bana Le”.

*Yusuf (Alaihay Salam) Taqreeban 3 Saal Aziz Mishr Ke Ghar Rahe. Yusuf (Alaihay Salam) Khoobsurat Haseen Aur Zamil The Uss Waqt Unki Umar 20 Saal Thi. Aur Aziz Mishr Ki Biwi Zulekha Be-Aulaad Aur Jawaan Thi. Woh Yusuf (Alaihay Salam) Ke Ishq Me Giraftaar Ho Gayee. Uss Waqt Ka Samaaj Bhi Kuch Aazaad Khayaalat Wala Tha. Isi Liye Zulekha Ki Yusuf (Alaihay Salam) Ko Paane Ki Chaah Siddat Pakad Gayee.

• Zulaikha Ka Faraib aur Yusuf (Alaihay Salam) Ko Qaid :
*Ek Din Jab Aziz Mishr Ghar Par Nahi Tha. Tab Zulekha Ki Hawas Jaag Gayee Aur Usne Yusuf (Alaihay Salam) Ko Apni Taraf Wargalaana Chaaha. Uss Ne Darwaaze Band Kar Diye Aur Kahene Lagi Jaldi Se Aa Jaawo. Yusuf (Alaihay Salam) Ne Kahaa, “Allah Ta’ala Ki Panaah, Mere Rab Ne Mujhe Bahut Achchi Manzilat Bakhshi Hai, Zaalim Log Yaqinan Falaah Nahi Paate”. Ab Zulekha Unn Se Zabardasti Kar Ne Par Utar Aayee.

*Woh Unko Pakadne Ke Liye Unki Taraf Doudi. Yusuf (Alaihay Salam) Uss Se Bachne Ke Liye Darwaaze Ki Taraf Bhaage. Zulekha Ne Unki Kameez Piche Se Pakad Kar Apni Taraf Khicna Chaaha Toh Kameez Piche Se Fat Gayee. Jaise Hi Yusuf (Alaihay Salam) Ne Darwaaza Khola, Saamne Aziz Mishr Khada Tha. Usi Waqt Zulekha Ne Chaal Chali Aur Aziz Mishr Se Kahaa, “Jo Tere Ghar Ki Izzat Pe Haath Daale Usey Kya Sazaa Milni Chaahiye? Aur Fir Khud Hi Sazaa Bhi Suna Di Ki Isko Jel Me Daal Dena Chaahiye...”
Yusuf (Alaihay Salam) Ne Kahaa, “Maine Koi Bhi Galat Kaam Nahi Kiya Hai, Ye Hi Mujhe Wargalaana Chaahati Thi”.

*Ab Dono Me Se Gunaahgaar Koun Hai Ye Kaise Sabit Hoga, Iss Par Kisi Ne Kahaa (Eik Riwaayat Me Hai Ki Eik Doodh Pite Bachche Ne Gawaahi Di) Agar Kameez Saamne Se Fati Huyee Ho Toh Yusuf (Alaihay Salam) Gunehgaar Aur Agar Kameez Piche Se Fati Huyee Ho Toh Zulekha Gunehgaar. Isiliye Jab Aziz Mishr Ne Dekha To Kameez Piche Se Fati Huyee Thi. Woh Zulekha Ka Triya-Charitra Samjh Gayaa Lekin Uske Apni Izzat Ka Bhi Sawaal Tha. Isiliye Uss Ne Yusuf (Alaihay Salam) Ko Hi Jel Ki Sazaa Sunaayee .

*Idhar Ye Baat Saare Mishr Ki Aurato Me Fail Gayee Ki Aziz Mishr Ki Biwi Ek Gulaam Ke Ishq Me Giraftaar Ho Gayee. Is Tarhaa Ki Baate Toh Aurato Me Khaas Tour Pe Unchi Socaiti (Tabke) Se Taalluk Rakhne Wali Aurato Me Khoob Failti Hai. Fir Isme Mirch-Masala Bhi Shaamil Ho Jaata Hai. Unhone Zulekha Ko Taane Dena Shuru Kiya. Iss Ko Agar Ishq Karna Tha To Iss Ke Liye Ise Apna Gulaam Hi Mila!. Aur Agar Gulaam Par Dil Aa Bhi Gayaa Toh Usko Apni Taraf Ma’ayel Bhi Na Kar Saki!.

» Zamaal-e-Yusuf (Alaihay Salam) Ko Dekhkar Aurto Ne Apne Haath Kaate :
Zulekha Ne Jab Mishr Ki Aurato Ke Ye Taane Sune Toh Unn Logo Ka Muhh Band Karne Ke Liye Usne Ek Tarkeeb Sochi.
Uss Ne Tamaam Mishar Ki Aurato Ke Liye Ek Daawat Ki Mahefil Ka Intezaam Kiya. Aur Sab Ke Saamne Fal ( Fruite ) Aur Chaaku (Knife) Rakh Diya. Aur Unn Aurato Se Kahaa Jab Yusuf (Alaihay Salam) Saamne Se Guzre Toh Tum Ye Fal Kaat Lena. Aur Yusuf (Alaihay Salam) Ko Unke Saamne Se Guzarne Ka Huqm Diya.

*Yusuf (Alaihay Salam) Jaise Hi Unke Saamne Se Nichi Nigaah Kiye Guzre. Waise Hi Zulekha Ne Un Aurto Ko Fal Kaatne Ke Liye Kahaa. Unn Aurato Ne Zamaal-e-Yusuf (Alaihay Salam) Dekha Toh Apne Hosh Kho Baithi Aur Fal Ki Jagah Apne Apne Haath Kaat Baithi Aur Bade Hairat Se Kahaa, “Ye Insaan Nahi Ho Sakta Ye To Koi Farishta Hai”

Reference: (Virtual study of Mohammed Rafique, Qasas-Ul-Ambiya)

To Be Continue ...

Aage Ka Kissa Hiqayat (Part-8) Me …

Hiqayat: Yusuf (Alaihay Salam)

• Hazrat Yusuf (Alaihay Salam) Ko Maayeel Karne Me Zulekha Naakam Aur Yusuf (Alaihay Salam) Ki Begunahi Sabit

Aziz Dosto ,… Allah Ta’ala Quran-e-Kareem Me Farmaata Hai, “Uss Aurat Ne Yusuf (Alaihay Salam) Ko Apni Taraf Maayeel Karna Chaaha, Woh Bhi Uski Taraf Maayeel Ho Jaate Agar Apne Rab Ki Burhaan (Nishaniya) Na Dekh Lete. Aur Iss Tarha Ham Ne Inhe Buraayee Aur Behayaayee Se Bacha Liya Kyonki Woh Hamare Mukhlish Bando Me Se They,..”

*Sahabi-e-Rasool Abdullah Bin Umar Kahete Hai Ki Aap (Sallallahu Alaihay Wasallam) Ne Farmaaya,
“Hazrat Yusuf (Alaihay Salam) Izzatdaar, Izzatdaar Ke Bete, Izzatdaar Ke Pote, Aur Izzatdaar Ke Par-Pote The. Woh Ishaq (Alaihay Salam) Ke Pote Aur Ibraahim (Alaihay Salam) Ke Par-Potey They. Jo Sab Ke Sab Ambiya (Alaihay Salam) They,..”

*Yusuf (Alaihay Salam) Ka Husn Dekh Kar Woh Aurate Jinhe Zulekha Ne Daawat Di Thi, Qaaboo Me Na Rah Saki, Aur Falo (Fruite) Ke Bajaaye Apne Haath Kaat Liye. Ek Riwaayat Me Hai Ki Woh Fal (Nimboo) Lemon Tha. Aur Un Aurto Ne Apni Ungliya Kaat Li Thi.

*Hazrat Anas Bin Malek Kahete Hai Ki Aap (Sallallahu Alaihay Wasallam) Ne Farmaaya,
“Mai Jab Meraz Par Gayaa Aur Teesre Aasmaan Par Pahooncha Toh Wahaa Yusuf (Alaihay Salam) Se Mulaqaat Huyee, Allah Ta’ala Ne Husn Ka Aadhaa Hissa Unhe Ata Kiya Tha,..”

*Jab Unn Aurato Ne Dekha Ki Ye Noujawaan Aankh Utha Kar Iss Husn Ki Mahefil Ko Dekhta Hi Nahi, To Woh Be-Akhtiyaar Hi Pukaar Uthi Ke Ye Insaan Nahi Balki Koi Moa’az Farishta Hai.
Zulekha Kahene Lagi, “Ye Hai Jis Ke Baare Me Tum Ne Mujhe Malaamat Kiya Tha, Beshaq Maine Ise Apni Taraf Rijhaane Ki Koshish Ki Thi Magar Woh Bach Nikla, Agar Ab Bhi Usne Mera Kahena Na Maana Toh Qaid Kar Diya Jaayega Aur Zalil Ho Jayega”.

*Aziz Dosto Pahele Toh Sirf Zulekha Hi Hazrat Yusuf (Alaihay Salam) Par Aashiq Thi Aur Unhe Wargalana (Bahekaana) Chaaheti Thi Lekin Ab Toh Mishr Ki Sari Badi Aur Rasookhdaar Aurate Hazrat Yusuf (Alaihay Salam) Ki Aashiq Ho Gayee Aur Sab Unhe Apni Taraf Maayel (Jhukaane) Ki Koshish Karne Lagi, Toh Yusuf (Alaihay Salam) Ne Allah Ta’ala Se Duwwa Ki, “Aye Mere Rab, Ye Jis Cheez Ki Taraf Mujhe Bulaa Rahi Hai Uss Se To Mujhe Qaid Hi Jiyaada Pasand Hai, Aur Agar Tune Inke Makkar (Chaal Baziya) Ko Mujh Se Door Na Rakha To Mai Inki Taraf Jhuk Jawooga Aur Jaahilo Me Se Ho Jawooga”.
Allah Ta’ala Ne Unki Duwaa Qabool Ki Aur Unn Aurato Ke Makkar Se Unhe Door (Mahefooz) Rakha .

• Yusuf (Alaihay Salam) Ke Qaid Me 7-9 Saal:
Ab Yusuf (Alaihay Salam) Ko Qaidkhaane Me Daal Diya Gaya. Uss Qaid Khane Me 2 Qaidi Aur Bhi The Unn Me Se Ek Baadshah Ka Naanbaayee (Bawarchi), Jab Ki Dusra Baadshah Ko Sharaab Pilaane Waala Tha. Woh Dono Unn Ke Paas Aaye Aur Kahaa Hame To Tum Bhale Aur Nek Aadmi Lagte Ho. Ham Dono Ne Ek Ek Khawaab Dekha Hai. Ek Ne Kahaa Maine Dekha Ki Mai Sharaab Nichod Rahaa Hoon. Dusre Ne Kahaa, “Maine Dekha Ki Mai Sir Par Rotiya Uthaaye Huwaa Hoon Aur Parinde Use Noch Noch Kar Khaa Rahe Hai”. Aap Inn Khawaabo Ki Hame Ta’abeer Bataaye.

*Yusuf (Alaihay Salam) Ne Kahaa, “Jo Khaana Tumhe Yahaa Milaa Karta Hai Uss Ke Aane Ke Pahele Mai Tumhe Tumhaare Khawaabo Ki Ta’abeer Batlaa Dugaa, Ye Ilm Mujhe Mere Rab Ne Sikhaaya Hai, Aur Maine Unn Logo Ka Deen Chod Diya Hai Jo Allah Ta’ala Par Imaan Nahi Laate, Aur Aakhirat Ke Bhi Munkeer Hai, Aur Maine Apne Aaba Ibraahim, Ishaaq Aur Yaqqob (Alaihay Salam) Ka Deen Ikhtiyaar Kiya Hai” .

*Fir Unse Kahaa Mere Saathi Qaidiyo, Tum Me Se Ek Toh Apne Malik Ko Sharaab Pilaayega Wo Reeha (Aazaad) Ho Jayega, Aur Dusre Ko Sooli Pe Chada Diya Jayega Aur Parinde Uss Ke Sir Ka Gost Noch Noch Kar Khaayege. Jis Ke Baare Me Yusuf (Alaihay Salam) Ko Yaqeen Tha Ki Woh Rihaa Ho Jayega Aap Ne Uss Se Kahaa Ki Jab Tum Aazaad Ho Jaawo Aur Baadshah (Malik) Ke Paas Jawo Toh Mere Baare Me Baate Karna. Uss Shakhsh Ne Waada Toh Kiya Lekin Jab Rihaa Ho Kar Baahar Gayaa To Bhul Gayaa. Iss Tarhaa 7-9 Saal Yusuf (Alaihay Salam) Ko Qaid Me Bitaane Pade.

• Yusuf (Alaihay Salam) Se Khwaab Ki Ta’abeer:
Ek Din Baadshah Ne Ek Khawaab Dekha Ki 7 Moti Gaaye (Cow) Hai Jinhe 7 Dubli Gaaye (Cow) Khaa Rahi Hai, Aur Anaaj Ki 7 Baaliya Hari (Green) Hai Aur Dusri 7 Baliya Sukhi Huyee Hai. Baadshah Ye Khawaab Dekh Kar Bahut Pareshaan Huwaa Aur Apne Darbaariyo Se Iss Khawaab Ki Ta’abeer Bataane Ke Liye Kahaa

Aziz Dosto ,.. Jab Mishr Ke Baadshah Ne Woh Khawaab Dekha Toh Bahut Bechain Huwaa. Usne Apni Huqumat Ke Sabhi Daanishwar Aur Khawaabo Ki Taabeer Bataane Waalo Ko Apne Darbaar Me Bulaaya Aur Apna Khawaab Suna Kar Unse Apne Khawaabo Ki Taabeer Poochi. Koi Use Tasalli Bakhsh Jawaab Na De Paaya, Kisi Ne Kahaa Ham Nahi Jaante To Kisi Ne Kahaa Ye Pareshaan Khayaalat Hai. Usi Darbaar Me Woh Shakhsh Bhi Tha Jise Yusuf (Alaihay Salam) Ne Uske Khawaabo Ki Taabeer Batlaayee Thi, Aur Woh Aazaad Ho Gayaa Tha. Use Yusuf (Alaihay Salam) Ki Yaad Uss Waqt Aayee.

*Usne Baadshah Se Kahaa Ki Mai Aap Ke Khawaabo Ki Taabeer Batlaa Sakta Hoon, Mujhe Qaid Khaane Bheja Jaaye. Baadshah Ne Use Qaidkhane Jaane Ki Ijazat Dedi. Jab Woh Yusuf (Alaihay Salam) Ke Paas Pahooncha Toh Unse Kahaa,
“Aye Mere Sachche Dost, Mujhe Muaf Kar Dena Mai Apna Waada Bhul Gayaa Tha. Lekin Abhi Mai Aap Ke Paas Ek Khawaab Ki Taabeer Jan’ne Aayaa Hoon”.

*Usne Kahaa , “Badshah Ne Khawaab Dekha Hai 7 Moti Gaaye (Cow) Ko 7 Dubli Gaaye (Cow) Khaa Rahi Hai Aur 7 Hari (Green) Baliya Hai Aur 7 Sukhi Baliya Hai”. Aap Mujhe Is Ki Taabeer Bata De Taki Mai Waapas Ja Kar Unn Logo Ko Bata Sakoo”.

*Yusuf (Alaihay Salam) Ne Kahaa, “Tum 7 Saal Lagaatar Kheti Baadi Karoge, Jo Kheti Tum Kaato, Iss Me Khaane Ke Liye Thoda Bahut Anaaj Chod Kar Baaqi Anaaj Baaliyo Me Hi Lagaa Rahne Dena. Fir Iske Baad 7 Saal Sakht Sukha Padega, Aur Jo Anaaj Tum Ne In Saalo Ke Liye Pahle Se Bachaa Kar Rakha Hoga Wo Sab Khaa Liya Jayega. Thode Se Anaaj Ke Siwaa Jo Tum Log Bachaa Kar Rakhoge. Is Ke Baad Ke Saal Me Khoob Kheti Baadi Hogi Aur Sab Cheezo Ki Paidawaar Bahoot Hogi Yahaa Tak Ke Tum Log Uss Saal Fal (Fruite) Nichodoge.

*Baadshah Ne Jab Apne Khawaab Ki Ye Taabeer Suni Toh Bahut Muta’ssir Huwa Aur Kahaa Ki, “Yusuf Ko Mere Paas Laawo”. Magar Jab Qaseed (Khabar Denewala) Yusuf (Alaihay Salam) Ke Paas Pahooncha Toh Unhone Kahaa, “Apne Baadshah Ke Paas Waapas Jaawo Aur Poocho Ke Un Aurato Wala Mamlaa Kya Hai, Jinhone Apne Haath Kaat Daale The. Mera Rab Toh Unke Charitro Ko Jaanne Wala Hai”.

• Yusuf (Alaihay Salam) Ki Begunaahi Saabit Hui:
Yusuf (Alaihay Salam) Ne Jo Jawaab Diya Iss Se Unke Be-Panaah Sabr Aur Waqaar Ka Andaaza Hota Hai. Aapne Apni Begunaahi Saabit Hone Se Pahele, Apni Aazaadi Ko Qabool Karne Se Inqaar Kar Diya. Baadshah Ne Un Saari Aurato Ko Bulaaya Aur Poochaa, “Kya Mamlaa Tha. Jab Tum Ne Yusuf (Alaihay Salam) Ko Wargalaana Chaaha Tha?”. Woh Sab Bol Uthi, “Masha Allah Ham Ne Unme Koi Buraayee Nahi Dekhi” Usi Waqt Zulekha Bhi Bol Uthi, “Ab Toh Haq Baat Zaahir Ho Chuki Hai, Maine Hi Use Wargalaaya Tha, Aur Woh Sachcha Hai”.

*Yusuf (Alaihay Salam) Ne Kahaa, “Mai Toh Bas Itna Chaahta Tha Ke Aziz Mishr Ye Jaan Le Ke Maine Uski Peeth Ke Piche Uski Khayaanat Nahi Ki, Aur Allah Ta’ala Kabhi Khayaanat Karne Walo Ko Raah Nahi Dikhata”. Iss Tarhaa Bhari Mahefil Me Yusuf (Alaihay Salam) Ki Begunaahi Saabit Ho Gayee Aur Asal Muzreem Ne Apna Gunaah Qabool Kiya” .

• Yusuf (Alaihay Salam) Ko Badshah Ne Khazindar Ka Ohndha (Martaba) Ata Kiya:
Ab Baadshah Ne Yusuf (Alaihay Salam) Se Kahaa, “Aapne Jo In Khawaabo Ki Taabeer Bataayee Hai, Toh Usse Nipatne Ki Tarqeeb Kya Hogi. Yusuf (Alaihay Salam) Ne Kahaa, “Mujhe Zameen Ke Khazaane Par Muqarrar Kar Dijiye, Main Inki Hifaazat Karne Wala Hoon Aur Ye Kaam Bhi Janta Hoon”. Tab Baadshah Ne Unhe Wazaarat Maliyaat Ya Wazaarat Khuraaq (Agriculture Ministary) Ke Mansab (Ohde) Par Faayez Kiya.

Reference: (Virtual study of Mohammed Rafique, Qasas-Ul-Ambiya)

To Be Continue ...

Aage Ka Kissa Hiqayat (Part-9) Me …

Hiqayat: Yusuf (Alaihay Salam)

• Bil'aakhir Allah Ki Raza Se Hazrat Yusuf (Alaihay Salam) Ne Apni Pehchan Zahir Karke Apne Bhaiyon Aur Abbajan Yaqoob (Alaihay Salam) Se Mulaqat Kar Li.

• Yusuf (Alaihay Salam) Ne Apna Iqtedaar Bakhubi Sambhaala:
Aziz Dosto ,.. Allah Ta’ala Farmaate Hai Ki, “Iss Tarhaa Ham Ne Yusuf (Alaihay Salam) Ko Is Sir-Zameen Me Iqtedaar Ata Kiya, Woh Jahaa Chaahte Rahte, Ham Jise Chaahte Hai Nawaazte Hai Aur Nek Logo Ka Ajar Zaayaa (Bekaar) Nahi Karte”.

*Yusuf (Alaihay Salam) Ne Apna Iqtedaar Sambhaala Aur Apne Kaam Ki Tarteeb Dene Lage. Anaajo Ko Mahefooz Rakhne Ke Liye Bade-Bade Godaam (Godown) Banaaye Gaye. Ye Aap Ke Iqtedaar Sambhalne Ke Baad Aathva (8) Saal Hai, Jab Kahat (Sukhaa) Ka Dour-Doura Tha. Aas Paas Ke Ilaako Me Galla (Anaaj) Dastyaab Na Tha. Chaaro Taraf Sookhaa Padaa Huwaa Tha, Kya Insaan Kya Jaanwar Sab Pareshaan Ho Rahe The. Usi Waqt Baadshah Ne Apni Tamam Awaam (Public) Me Munaadi Karaayee. Ke Huqumat Ke Paas Galla (Anaaj ) Moujood Hai Aur Har Awamoonnaas Ko Anaaj Waajib Daamo Par Diya Jaayega.
Ye Khabar Yusuf (Alaihay Salam) Ke Bhaiyo Ko Bhi Pahoochi.

*To Woh Log Anaaj Laane Mishr Pahooche. Yusuf (Alaihay Salam) Apne Bhaiyo Ko Dekhkar Pahechaan Gaye. Lekin Unke Bhaiyo Ne Unko Na Pahechaana, Kyonki Jab Un Logo Ne Unhe Kuwe Me Fekaa Tha Uss Waqt Yusuf (Alaihay Salam) Bachche The Aur Ab Woh Ek Khoob Surat Jawaan The. Yusuf (Alaihay Salam) Apne Bhaiyo Ko Apne Saath Apne Mehmaan Khaane Me Le Gaye Aur Unki Mehmaan Nawaazi Ki. Aur Unse Ghar Walo Ka Haal Dariyaaft (Poocha) Kiya. Lekin Apni Pahechaan Chupaaye Rakhi.

• Kayi baras Baat Apne Bhai (Bin Yamin) Se Mulaqat:
Yusuf (Alaihay Salam) Ne Unki Waapsi Ka Samaan Tayyar Kiya Aur Kahaa, “Ab Dubaara Aawo Toh Apne Soutele Bhai (Bin Yamin) Ko Saath Zaroor Lete Aana, Tum Dekhte Nahi Ki Main Kitna Mehmaan Nawaaz Hoon, Aur Anaaj Ka Wazan Bhi Pura Deta Hoon. Aur Agar Tum Use Mere Paas Nahi Laaye To Fir Mere Paas Na Tumhaare Liye Koi Galla (Anaaj) Hai, Aur Na Hi Tum Log Mere Paas Aana”.
*Woh Kehne Lage Ki, “Ham Iss Baat Ke Liye Apne Abba Jaan Ko Aamaada Karege Aur Ye Kaam Kar Ke Hi Rahege”. Yusuf (Alaihay Salam) Ne Apne Khaadimo (Noukaro) Se Kahaa, “Inki Poonji (Rupyaa) Inke Samaan Me Chup Ke Se Rakh Do, TaaKi Kisi Ko Pataa Na Chal Sake Aur Jab Woh Apne Gharo Me Pahooche Toh Ise Dekh Kar Pahechaan Le, Aur Shaayad Dubaara Waapas Aaye”.

*Aur Jab Unke Bhai Apne Ghar Pahoonche Toh Apne Abba Jaan Se Kahaa, “Hame Galla Dene Se Inqaar Kar Diya Gayaa Hai, Aap Hamaare Saath Bin Yamin Ko Bhej De Taaki Hame Galla Mil Sake, Aur Ham Yaqinan Iss Ki Hifaazat Karege”, Yaqoob (Alaihay Salam) Ke Saamne 20 Saal Pahele Ka Manzar Aa Gaya Jab Inhone Hile-Bahaane Kar Ke Yusuf (Alaihay Salam) Ko Apne Saath Le Kar Gaye The.

*Yaqoob (Alaihay Salam) Ne Kahaa, “Kya Main Aise Hi Tum Par Aitbaar Karoo?. Jaisa Iss Se Pahele Iss Ke Bhai Ke Baare Me Kiya Tha, Allah Ta’ala Hi Behtar Hifaazat Kar Ne Waala Aur Rahem Karne Wala Hai”. Jab Unke Bhaiyo Ne Apna Samaan Khola Toh Dekha Ki Unki Poonji (Rupyaa) Bhi Unhe Waapas Kar Di Gayee Hai Toh Kahne Lage, “Abba Jaan Hame Ab Aur Kya Chaahiye, Hamaari Poonji Bhi Louta Di Gayee Hai, Ab Ham Apne Ghar Walo Ke Liye Aur Anaaj Layege Aur Apne Bhai Ki Hifaazat Bhi Karege, Ab Ki Baar Jiyaada Anaaj Laayege. Ab To Ye Anaaj Laana Bhi Aasaan Hai”.
Yaqoob (Alaihay Salam) Ne Kahaa, “Jab Tak Tum Mujhe Allah Ta’ala Par Pukhtaa Ahad Na Doge Ke Tum Ise Mere Paas Laawoge, Mai Ise Tumhaare Saath Na Bhejooga. Tum Iski Jee Jaan Se Hifaazat Karoge”,

*Fir Jab Inhone Pukhtaa Ahad Kiya To Yaqoob (Alaihay Salam) Ne Kahaa, “Hamaari Iss Baat Ka Allah Ta’ala Gawaah Hai”. Fir Kahne Lage, “Mere Beto Uss Shahar Me Ek Hi Darwaaze Se Daakheel Na Hona, Balki Alag-Alag Darwaazo Se Daakheel Hona, Main Tumhe Allah Ta’ala Ki Maishiyat Se Nahi Bachaa Sakta, Huqm Toh Sirf Usi Ka Chaltaa Hai, Main Usi Par Bharosaa Karta Hoon, Aur Jise Bhi Bharosaa Karna Ho Usi Par Karna Chaahiye”.

*Fir Sab Bhai Milkar Yusuf (Alaihay Salam) Ke Paas Pahooche. Yusuf (Alaihay Salam) Ne Apne Bhai Bin Yamin Ko Apne Paas Bithaaya, Aur Us Se Kahaa Ki Mai Tumhaara Bichda Huwa Bhai Yusuf (Alaihay Salam) Hoon. Aur Unhone Use Apni Aap Biti Bin Yamin Ko Bataayee Aur Unse Bhi Apne Ahle Khaana (Ghar Walo) Ka Haal Hawaal Liya. Bin Yamin Ne Kahaa, ”Aap Ki Judaayee Me Ro Rokar Abba Jaan Ki Aankho Ki Roshni Bhi Jaati Rahi. Yusuf (Alaihay Salam) Ne Kaha, “Ab Sab Theek Ho Jayega, Tum Abhi Inhe Mere Baare Me Kuch Na Bataana, Ye Baat Apne Dil Me Rakhna”.

*Fir Jab Yusuf (Alaihay Salam) Ne Inn Logo Ka Samaan Tayyar Kiya Toh Apne `Bhai Bin Yamin Ke Thaile Me Apne Paani Pine Ka Piyaala Rakh Diya. Yusuf (Alaihay Salam) Ke Khaadimo (Noukaro) Ne Unke Bhai Bin Yamin Ke Thaile Me Baadshah Ka Paani Pine Ka Piyaala Jo Ki Heere Jawaaharaat Se Jadaa Huwaa Tha, Daal Diya. Jab Unke Bhai Shahar Ke Baahar Nikle Toh Piche Se Baadshah Ke Sipaahiyo Ne Aawaaz Lagaayee,
“Aye Kaafilo Walo Tum Chor Ho, Tum Ne Baadshah Ka Piyaala Churaaya Hai, Aur Baadshah Ne Uss Piyaale Ko Dhoondh Kar Laane Wale Ko Ek Uoont (Camel) Anaaj Dene Ka Ailaan Kiya Hai”.
Yusuf (Alaihay Salam) Ke Bhaiyo Ne Kahaa, “Ham Iss Mulq Me Fasaad Karne Nahi Aaye Hai Aur Na Hi Ham Chor Hai, Ham To Izzatdaar Log Hai”.

*Sipaahiyo Me Se Ek Ne Kahaa, “Agar Chori Ka Maal Tum Me Se Kisi Ke Paas Baraamad Huwaa To Uski Sazaa Kya Hogi? ”
Bhaiyo Ne Kahaa, “Jis Ke Paas Se Piyaala Niklega Uski Jazaa Ye Hi Hogi Ke Use Hi Rakh Liya Jaaye”. Ye Yaqoob (Alaihay Salam) Ki Shariyat Thi Ke Jo Bhi Chori Kare Use Jiski Chori Huyee Ho, Ek Saal Tak Gulaami Karni Padegi. Jab Ki Mishr Ka Qanoon Ye Tha Ki Chor Ko Jail Ki Sazaa Hoti Thi.

*Sab Se Pahle Baqi Bhaiyo Ke Samaan Ki Talaashi Li Gayee, Fir Aakhir Me Bin Yamin Ke Samaan Ki Talaashi Me Woh Piyaala Nikal Aaya. Sab Bhaiyo Ko Yusuf (Alaihay Salam) Ke Saamne Pesh Kiya Gaya.
Bhaiyo Ne Kahaa, “Jis Tarhaa Bin Yamin Ne Chori Ki Hai Usi Tarhaa Bahut Arsaa Pahele Inke Bhai Yusuf (Alaihay Salam) Ne Bhi Chori Ki Thi”.
*Ye Sab Baate Sunkar Bhi Yusuf (Alaihay Salam) Ne Sabr Kiya Aur Apne Aap Ko Zaahir Na Kiya Aur Kahaa, “Tum Log Jo Baate Kah Rahe Ho Wo Bahut Buri Hai Aur Allah Ta’ala Hi Sab Baato Ko Janne Wala Hai”.

*Bhaiyo Ko Apne Abba Jaan Se Kiya Huwaa Waada Yaad Aa Gayaa, Bade Bhai Ne Kahaa Mai Mishr Se Bin Yamin Ko Liye Bina Waapas Nahi Jawwonga Yahaa Tak Ki Mere Abba Jaan Huqm De Ya Allah Ta’ala Ki Taraf Se Koi Faislaa Aaye. Unhone Yusuf (Alaihay Salam) Se Guzaarish Ki Ke, “ Hamaare Abba Jaan Bahut Zayeef Hai Aur Woh Iss Baat Ko Bardast Na Kar Paayege”. Aap Bin Yamin Ke Badle Ham Me Se Kisi Ek Ko Rakh Le.

*Iss Par Yusuf (Alaihay Salam) Ne Kahaa, “ Allah Ta’ala Ki Panaah Aise Kaise Ho Sakta Hai. Agar Maine Aisa Kiya Toh Zaalimo Me Se Ho Jawooga”. Ye Tadbeer Allah Ta’ala Ne Isiliye Ki Thi Ke Bin Yamin Ko Ek Saal Tak Yusuf (Alaihay Salam) Ke Saath Rahne Ka Mouka Mil Jaaye.

*Bhai Log Rote Huwe Apne Ghar Pahooche Aur Apne Abba Jaan Ko Saari Baate Bataayee, Aur Kahaa Ki Agar Aap Ko Ham Pe Yaqeen Nahi Hai To Kaafile Walo Se Pooch Lo. Hamne Aap Se Wada Zaroor Kiya Tha Par Iss Baat Par Waada Nahi Kiya Tha.

*Yaqoob (Alaihay Salam) Ne Ye Baate Suni To Unhe Bada Sadma Laga Aur Woh Nidhaal Ho Gaye. Unhone Apne Ladko Se Muhh Fer Liya. Aur Kahaa Mai Jo Baate Allah Ta’ala Ki Taraf Se Jaantaa Hoon, Tum Nahi Jaante, Jaawo Mere Dono Beto Ko Dhoondh Kar Mere Paas Lawo. Woh Log Fir Mishr Gaye Aur Yusuf (Alaihay Salam) Ke Samne Pesh Huve Aur Kahaa Ki Hamaare Paas Thodi Hi Si Poonji (Rupya) Hai, Aap Iss Ke Badle Hame Anaaj De Dijiye, Ham Aap Ko Bahut Rahem Karne Walaa Paate Hai. Hame Galla De De Ki Ham Apne Ghar Walo Ke Paas Le Ja Sake”.

*Ye Baate Unhone Badi Aazizi Aur Inqesaari Se Kahee Thi. Yusuf (Alaihay Salam) Ko Unn Par Rahem Aa Gayaa, Unhone Kahaa, “Tum Logo Ne Yusuf (Alaihay Salam) Aur Uske Bhai Ke Saath Achcha Nahi Kiya, Jab Tum Nadaan The, Tum Logo Ne Jo Chaale Chali Allah Ta’ala Ne Tumhaari Chaalo Se Unki Hifaazat Ki Aur Unhe Izzat Bakhshi. “Yusuf (Alaihay Salam) Ke Muhh Se Ye Baate Sunkar Bhaiyo Ko Bada Ta-Ajjub Huwaa, Bhaiyo Ne Kahaa, “Kya Aap Yusuf (Alaihay Salam) Ho ?” Yusuf (Alaihay Salam) Ne Kahaa, “Haan Mai Hi Yusuf Hoon”.

*Bhaiyo Ne Unse Apne Gunaaho Ki Muafi Maangi, Yusuf (Alaihay Salam) Ne Kahaa, “Alllah Ta’ala Hi Sab Gunaaho Ko Muaf Karne Walaa Hai, Ye Sab Shaitaan Hi Ka Kiya Huwaa Hai Ki Usne Ham Bhaiyo Ke Beech Me Nafrate Paida Ki”. Fir Unhone Bhaiyo Ko Apni Kameez Di Aur Kahaa, “Ise Abba Jaan Ke Chehre Par Daal Dena, Inshah Allah Unki Aankho Ki Roshni Waapas Aa Jayegi, Fir Tum Sab Gharwalo Ko Lekar Yahaa Aa Jaana”.

*Idhar Ghar Par Yaqoob (Alaihay Salam) Apne Gharwalo Se Kahe Rahe The Ki, “Agar Tum Ye Na Samjho Ki Mai Umar Ki Wazah Se Bahek Gayaa Hoon, To Mujhe Yusuf (Alaihay Salam) Ki Khushboo Aa Rahi Hai”. Gharwaalo Ne Kahaa, “Aap To Abhi Bhi Yusuf (Alaihay Salam) Ke Gam Me Pade Huve Ho”. Fir Jab Yaqoob (Alaihay Salam) Ke Bade Bete Jinka Naam Yaqqob Bin Yahooda Tha. Usne Yusuf (Alaihay Salam) Ki Kameez Apne Abba Jaan Ke Chehre Par Daali Toh Unke Aankho Ki Roshni Waapas Aa Gayee.
Ye Wahi Yaqoob Bin Yahooda Tha Jis Ne Aaj Se Kayee Baras Pahele Yusuf (Alaihay Salam) Ki Kameez Me Bakri Ke Bachche Ka Khoon Lagaa Kar Apne Abbajaan Ko Yusuf (Alaihay Salam) Ki Mout Ki Khabar Di Thi. Aur Apne Abba Jaan Ko Dukh Aur Ranj-O-Gam Bhar Diya Tha. Aur Aaj Wo Hi Yusuf (Alaihay Salam) Ki Kameez Dubaara Le Kar Aaya Tha. Lekin Aaj Wo Apne Abba Jaan Ke Chehre Par Khushi Dekhkar Khush Tha.

*Yaqoob (Alaihay Salam) Ne Kahaa, “Mai Ne Kahaa Tha Ki Mai Allah Ta’ala Ki Taraf Se Wo Baate Jaanta Hoon Jo Ki Tum Nahi Jaante, Aur Insaan Ko Maayoos Nahi Hona Chahiye Kyonki Maayoosi Shirq Hai”.’

*Jab Pure Gharwale Mishr Pahoonche To Yusuf (Alaihay Salam) Ne Unka Shahar Ke Baahar Hi Istaqbaal Kiya, Pura Shahar Saath Me Tha, Khushiya Aur Jashn Manaya Ja Raha Tha. Yusuf (Alaihay Salam) Ne Kahaa Mere Saath Shahar Chalo, Insha Allah Wahaa Chain Aur Sukoon Rahega. Ghar Walo Ne Jab Yusuf (Alaihay Salam) Ka Ye Rutbaa Ye Maqaam Dekha Toh Sab Ke Sab Sajde Me Gir Gaye. Ye Sajdaa Taziman Tha. Ye Wo Hi Khawaab Ki Taabeer Thi Jo Yusuf (Alaihay Salam) Ne Barso Pahele Dekha Tha. Lekin Uss Khawaab Ko Taabeer Ho Ne Me Pure 40 Saal Lag Gaye.
*Fir Yusuf (Alaihay Salam) Apne Gharwalo Ko Apne Saath Le Gaye. Apne Maa-Baap Ko Apne Takht (Raaj Sihaasan) Par Baithaya. Aur Allah Ta’ala Ka Shukr Adaa Kiya Ki Ek Dehaati Ko Allah Ta’ala Ne Ek Sirzameen Ka Baadshah Bana Diya.

*Bhaiyon Aur Behno …. Allah Ta’ala Apne Nek Bando Ka Ajar Zaayaa (Barbaad) Nahi Karta. Allah Ta’ala Ke Ikhtiyaar Me Hi Sab Kuch Hai Woh Chaahe Toh Gadaawo Ko Nawaaz De, Woh Chaahe Toh Faqiro Ko Baadshah Kar De Aur Woh Chaahe Toh Yatimo Ko Payembar Kar De. Isiliye Allah Ta’ala Par Hi Bharosaa Rakho.

Reference: (Virtual study of Mohammed Rafique, Qasas-Ul-Ambiya)

To Be Continue ...

Agli Post Hiqayat (Part-10) me Loot (Alaihay Salam) Ke Baare me Zikr Karenge …..

Hiqayat: Loot (Alaihay Salam)

• Hazrat Ibrahim (Alaihay Salam) Ke Bhatije (Loot Alaihay Salam) Ki Qaum Ko Dardnak Azaab

Aziz Dosto ,… Allah Ta’ala Ne Insaano Ko Aur Jaanwaro Ko Jode Me Paida Kiya, Jaise Nar Aur Maada, Insaano Me Mard Aur Aurat Banaayee, Taaki Woh Dono Ek Dusre Ko Jayaz Tarike Se Khushi De Sake. Ham Yahaa Par Aaj Hazrat Loot (Alaihay Salam) Ka Ziqr Karege.

*Loot (Alaihay Salam) Ibrahim (Alaihay Salam) Ke Zamaane Ke Nabi Hai, Hazrat Loot (Alaihay Salam), Hazrat Ibrahim (Alaihay Salam) Ke Bhatije The. Aur Un Par Imaan Laane Walo Me Se The. Hazrat Loot (Alaihay Salam) Ko Allah Ta’ala Ne Ek Aisi Qaum Ki Taraf Bheja Jo Falisteen (Baitul Muqaddas) Ya Jordan Ke Aas Paas Basi Huyee Thi. Jise Sadoom Kahaa Jaata Tha.Ye Sirzameen Sirsabaj (Green, Hariyaali) Aur Shadaab Thi. Aur Yahaa Par Har Tarhaa Ka Anaaj (Galla) Aur Falo (Fruite) Ki Qasrat Thi.

*Iss Qoum Ke Liye Loot (Alaihay Salam) Ko Nabi Banakar Bheja Gayaa Isiliye Iss Qoum Ko Qoum-e-Loot Kahaa Jaata Hai. Is Qoum Me Us Waqt Aisi Buraayee Paayee Jaati Thi Jo Unse Pahele Duniya Ki Kisi Bhi Qoum Me Nahi Paayee Gayee. Uss Qoum Ke Mard (Aadmi) Apni Nafsiyaati (Jismaani ) Khawaahish Ko Pui Karne Ke Liye Mardo (Aadmi Yo) Ke Paas Jaate The. Aur Ye Be-Hayaayee Aur Buraayee Itni Aam Ho Gayee Thi Ke Wo Apne Is Bure Kaam Ko Bura Nahi Samjhte The, Balki Uss Par Fakhar Kiya Karte The.

*Riwaayato Me Hai Ki Is Be-Hayaayee Ke Kaam Ki Shuruwaat Shaitaan Ne Ki, Woh Ek Khoobsurat Noujawaan Bankar Aaya Aur Apne Saath Wahaa Ke Mardo Ko Bura Kaam Karne Ke Liye Bahekaaya. Aur Is Tarha Qoum-e-Loot Me Ye Buraayee Paida Ho Gayee Woh Log Aurato Ko Chorr Kar Mardo Se Apni Hawas Puri Karne Lage. Ruye Duniya Me Ye Bura Kaam Loot (Alaihay Salam) Ki Qoum Se Shuru Huwaa Tha Isiliye Aaj Bhi Iss Bure Kaam Ko Lawatist (Lawaatat) Ke Naam Se Jaana Jata Hai.

*Loot (Alaihay Salam) Ne Apni Qoum Ki Islaah Ki Bahut Koshish Ki, Kayee Baras Unke Beech Me Rahkar Deen Ki Daawat Dete Rahe. Nasihat Karte Rahe, Allah Ta’ala Ke Azaab Ki Dhamki Dete Rahe. Lekin Un Ki Qoum Par Koi Asar Na Huwaa. Loot (Alaihay Salam) Ne Kahaa, “Aye Meri Qoum Tum Log Aisa Buraa Aur Behayaayee Ka Kaam Kar Rahe Ho Jo Aaj Tak Duniya Me Kisi Ne Na Kiya, Ye Bahut Gunaah Ka Kaam Hai, Tum Apni Aurato Ko Chorr Kar Mardo Ke Paas Jaate Ho, Agar Tum Apne Is Bure Kaam Se Baaz Na Aaye To Mujhe Darr Hai Ek Din Tumhe Allah Ta’ala Ka Azaab Aa Ghere Ga. Main Tumse Apne Ajar (Daawate Haq Dene) Ki Koi Kimat Nahi Maangta Mera Ajar To Mere Rab Ke Paas Hai, Jo Saare Aalam Ka Malik Hai”.

*Is Par Unki Qoum Ke Jo Doulatmand Bigdail Ya Amir Sardaar The Unhone Kahaa, “Hame Nasihat Mat Karo, Bade Paak Saaf Bante Ho, Agar Tumne Nasihat Dena Band Na Kiya To Ham Tumhe Shahar Se Baahar Nikaal Dege”.

*Loot (Alaihay Salam) Ki Nasihato Ka Jab Unki Qoum Par Asar Na Huwa Siwaaye Thode Se Logo Ke Jo Imaan Laaye, To Loot (Alaihay Salam) Ne Allah Ta’ala Ki Baargaah Me Duwaa Ki, “Aye Mere Rab Maine Apni Qoum Me Din Raat Tableeg Ki Aur Unhe Tere Azaab Se Daraya, Lekin Wo Apne Kufar Me Aur Aage Badh Gaye, Ab Mere Rab. Ab Ye Imaan Nahi Laane Wale, Ab Inka Faislaa Tu Hi Kar”.

*Allah Ta’ala Ne Qoum-e-Loot Ko Azaab Dene Ke Liye 2 Farishte Bheje. Dono Farishte Jab Naazil Huwe To Pahele Ibraahim (Alaihay Salam) Ke Paas Pahoonche. Ibrahim (Alaihay Salam) Ne Socha Ki Ye Koi Musaafir Hai, Isiliye Unhe Apne Mehmaankhaane Me Le Gaye.Ibrahim (Alaihay Salam) Ki Ek Aadat (Sunnat) Thi Ke Jab Tak Unke Dastarkhaan Par Koi Mehmaan Na Ho To Wo Khana Nahi Khaate The. Apne Mehmaano Ke Liye Unhone Jaldi Se Ek Bhuna Huwa Bakraa Layaa Aur Unke Saamne Pesh Kiya, Lekin Jab Farishto Ne Khaane Ki Taraf Haath Na Badhaaya To Ibrahim (Alaihay Salam) Ko Kuch Khouf Huwaa, Kahee Ye Dushman To Nahi Ya Koi Bura Iraada Le Kar To Nahi Aaye.

*Tab Faristo Ne Kahaa, “Ham Azaab Ke Farishte Hai Aur Qoum-e-Loot Ki Taraf Bheje Gaye Hai, Ham Se Mat Daro, Ham To Tumhe Khush Khabri Dene Aaye Hai, Ham Tumhe Aulaad (Beto) Ki Basharat Dene Aaye Hai. Tumhe Do (2) Aulaade Hogi, Ishaq (Alaihay Salam) Aur Ismaayeel (Alaihay Salam)”. Ibrahim (Alaihay Salam) Ko Ta-Ajjub Huwaa Unhone Kahaa, “Mujhe Bhala Kis Tarhaa Aulaade Hogi Main Budhha Ho Gaya Hoon, Mere Sir Ke Saare Baal Safed Ho Chuke Hai Aur Meri Biwi Budhhi Aur Baanjh Hai”.

*Faristo Ne Kahaa: “Allah Ta’ala Jise Chaahte Hai Aulaade Dete Hai. Aur Ye Allah Ta’ala Ke Liye Aasaan Hai. Allah Ta’ala Har Cheez Par Qaadeer Hai”

Jab Farishto Ne Ibrahim (Alaihay Salam) Ko Aulaad Ki Khush Khabri Di. Aur Kahaa Ke, “Ham Loot (Alaihay Salam) Ki Qoum Par Azaab Dene Ke Liye Bheje Gaye Hai Toh Ibrahim (Alaihay Salam) Unse Jhagadne Lage, Kyonki Ibrahim (Alaihay Salam) Bade Rahemdil Aur Nek Insaan The. Unhone Kahaa, “Uss Qoum Me To Loot (Alaihay Salam) Bhi Moujood Hai, Aur Woh To Bade Nek Muttaqi Aur Parhezgaar Aur Allah Ta’ala Ke Ibaadat Guzaar Bande Hai”.
Is Par Farishto Ne Kahaa, “Ham Unhe Aur Jo Unke Saath Imaan Laaya Hai Use Bachaa Lege. Siwaaye Unki Biwi Ke Jo Ki Kaafir Hai Aur Piche Rah Jaane Wale Logo Me Se Hogi”.

*Farishte Shaam Hone Se Pehele Loot (Alaihay Salam) Ke Paas Do (2) Kamsin Khoobsurat Noujawaan Ki Shaqal Me Pahunche. Woh Unke Yahaa Mehmaan Ban Kar Aaye. Loot (Alaihay Salam) Ko Apni Qoum Ke Logo Ki Khabaasat Ka Pata Tha. Isiliye Jab Unhone Jab Apne Kamsin Khoobsurat Noujawaan Mehmaano Ko Dekha Toh Gamgeen Ho Gaye Aur Dil Hi Dil Me Kudhne Lage Aur Kahehe Lage Aaj Ka Din Badi Musibat Ka Din Hai. Unhe Unki Fiqar La-Haq Huyee. Ke Kahee Unki Qoum Ke Log Unke Mehmaano Ke Sath Koi Buraa Kaaam Na Kare. Isiliye Woh Jaldi Se Apne Mehmaano Ko Apne Ghar Ke Andar Le Gaye.

*Lekin Unki Biwi Doudti Huyee Gayee Aur Apne Qoum Ke Bigdail Amir Sardaaro Aur Badkaaro Ko Apne Ghar Me Aaye Huve Mehmaano Ki Khabar Dedi. Qoum Ke Badkaar Log Loot (Alaihay Salam) Ke Ghar Aa Pahooche. Aur Loot (Alaihay Salam) Se Kahaa, “Un Ladko Ko Hamaare Hawaale Kar Do”,

*Loot (Alaihay Salam) Ne Kahaa, “Ye Mere Mehmaan Hai Main Inko Hargeez Tum Logo Ke Hawaale Nahi Karooga, Tumhe Allah Ta’ala Ka Waasta Hai, Mere Mehmaano Ke Saamne Mujhe Zalil (Be-Izzat) Aur Ruswaa Na Karo, Kya Tum Me Se Koi Bhi Bhalaa Aadmi Nahi Hai? Aur (Qaum Ki Aurto Ki Taraf Ishara Karte Hue Kaha) Ye Meri Betiyaa (Ya Qoum Ki Betiyaa) Hai Tum Inse Nikaah Kar Lo Aur Apni Nafsiyaati (Jismani ) Khawaahisaat Ko In Se Puraa Kar Lo”.

*Lekin Unki Qoum Ke Log Nahi Maane, Aur Kahaa, “Tum Achchi Tarhaa Jaante Ho Ki Ham Kya Chaahte Hai, Ham Tumhe Kal Subah Tak Ki Mohlat Dete Hai, Kal Subah Ke Baad Tum Hame Rok Na Paawoge”. Ye Kahekar Woh Log Chale Gaye.

*Apni Bebasi Par Loot (Alaihay Salam) Ki Aankho Me Aansoo Aa Gaye, Woh Chaahkar Bhi Apne Mehmaano Ki Hifaazat Nahi Kar Sakte The Kyonki Unki Qoum Ke Badkaar Log Taadad Me Jiyaada Aur Taaqatwar The. Hazrat Loot (Alaihay Salam) Ne Kahaa, “Aye Kaash , Mujh Me Tum Se Muqaable Ki Quwat Hoti Ya Main Kisi Zabardast Ka Aasraa Pakad Paata”.

*Tab Farishto Ne Kahaa, “Ham Azaab Ke Farishte Hai, Aye Loot (Alaihay Salam) ! Ghabraane Ki Zaroorat Nahi Hai, Ham Tak To Kya, Ab Woh Tum Tak Bhi Nahi Pahooch Sakege, Allah Ta’ala Ne Hame Aapki Qoum Ko Azaab Dene Ke Liye Bheja Hai, Aap Aur Aap Ke Saath Jo Log Bhi Imaan Laaye Hai Subah Saadiq Se Pahele Is Basti Ko Chod Kar Door Chale Jaaye, Aur Khabardaar Koi Mud Kar Piche Na Dekhe, Ab In Gunaahgaaro Me Se Koi Nahi Bachne Wala”.

*Loot (Alaihay Salam) Aur Jo Log Unke Saath Imaan Laaye The Subah Hone Se Pahele Basti Chodkar Door Jaa Chuke The, Sirf Loot (Alaihay Salam) Ki Biwi Piche Rah Gayee Kyonki Woh Bhi Kaafir Thi. Ab Farishto Ne Zameen Ko Jadh Se Ukhaadkar Palat Diya Aur Kayee Kilometer (Taqreeban 40 Kilometer) Tak Gahre Zameen Me Dhasaa Diya, Phir Unpar Paththar Aur Tezaab Ki Baarish Ki Is Tarhaa Un Gunaahgaaro Ka Namo-Nishaan Mita Diya Koi Bhi Na Bach Saka.

*Jahaa Azaab Huwaa Tha Woh Jagaah Aaj Bhi Moujood Hai, Use Dead Sea Ya Maraa Huwaa Samundar , Bahar-e-Murdaar Ya Bahar-e-Loot (Alaihay Salam) Ke Naam Se Jaana Jaata Hai. Aur Aaj Bhi Uspar Jo Azaab Huwaa Tha Uski Wajaah Se Us Samundar Me Machli (Fish) To Kya Koi Kidaa Makodaa Bhi Nahi Paidaa Hota. Aur Uska Paani Itna Namkeen Hai Ki Usko Muhh Se Laga Lo To Ulti Ho Jaaye. Gunaahgaaro Aur Nafarmaano Ko Allah Ta’ala Is Tarhaa Azaab Deta Hai Zindagi Me Bhi Aur Marne Ke Baad Bhi.

*Lekin Afsos Ki Baat Hai Ki Insaan Aisi Baato Se Koi Sabak Nahi Leta. Aaj Kuch Modern Kisam Ke Log Aur Yahood Aur Nasaara Is Bure Kaam Ko Buraa Nahi Jaante Aur Aise Bure Kaam Karne Waalo Ko Qanooni Maannayata (Darzaa) De Rahe Hai. Allah Ta’ala Ham Sab Logo Ko Aise Bure Kaam Aur Aise Bure Khayaalat Se Bachaaye … Ameen !!!

Reference: (Virtual study of Mohammed Rafique, Qasas-Ul-Ambiya)

To Be Continue ...

Agli Post Hiqayat (Part-11) me Ibrahim (Alaihay Salam) Ka Zikr Karenge …..

Hiqayat: Ibrahim (Alaihay Salam)

• Hazrate Ibrahim (Alaihay Salam) Ne Boot Parasti Se Inkar Karte Hue Allah Ki Raah Me Apna Ghar, Aur Rishte Chorrna ,..

Aziz Dosto ,… Aaj Ham Hazrat Ibrahim (Alaihay Salam) Ka Ziqr Karege. Ibrahim (Alaihay Salam) Allah Ta’ala Ke Khalil (Dost) The. Aap Ko Yahoodi, Eesaayee (Nasara) Aur Yahaa Tak Ki Makkah Ke Mushriq (Kaafir) Bhi Apna Peshwaa (Imam) Mante The. Lekin Allah Ta’ala Ne Qur’an Me Irshaad Farmaaya Ke, “Ibrahim (Alaihay Salam), Na Yahood The, Na Nasara The Aur Na Hi Mushriq The Woh To Muslim The Aur Ek Soo Hokar Ek Akele Allah Ta’ala Ki Ibaadat Karne Wale The”.
Islaam Ya Deen-e-Mohammedi Asal Me Deen-e-Ibrahim Hai.

*Ibrahim (Alaihay Salam) Iraq Me Paida Huwe, Unke Walid Ka Naam Aazar Tha. Dosto Yahaa Par Thoda Sa Ikhtilaafat Hai, Ke Aazar, Ibrahim (Alaihay Salam) Ke Waleed The Ya Chacha (Uncle). Khair, Woh Shaahi Boot Khaano Ka Muhaafiz (Hifaazat Karne Wala) Aur Booto Ko Banaa Kar Becha Karta Tha. Ibrahim (Alaihay Salam) Ko Ibtidaa (Shuru) Hi Se Boot Parasti Se Nafrat Thi. Ek Din Andheri Raat Me Unhone Ek Sitaara (Star) Dekha To Kahaa, “Kya Ye Mera Rab Hai ?” , Fir Jab Woh Sitaara Doob Gaya To Kahaa, “Main Doobne Wale Ko Pasand Nahi Karta. “Fir Jab Unhone Chaand (Moon) Ko Dekha To Kahene Lage, “Ye Mera Rab Hai ?” , Fir Jab Woh Bhi Doob Gayaa To Kahene Lage, “Agar Mere Rab Ne Meri Raahenumaayee Na Ki To Main Gumraaho Me Se Ho Jaawooga”.

*Fir Jab Suraj (Sun) Ko Jagmagaata Huwaa Dekha To Kahaa, “Ye Mera Rab Hai ?, Ye Bahut Bada Hai”.
Is Taraha Allah Subhanahu Ta’ala Unhe Apni Nishaaniyo Ka Mushaahidaa Karwa Raha Tha Ya Dikha Raha Tha, Fir Jab Woh Suraj Bhi Doob Gayaa To Kahene Lage, “Aye Meri Qoum Bilaasubha Mai Tumhaare Tamaam Shariko Se Bezaar Hoon, Main To Bas Uss Hi Rab Ki Ibaadat Karta Hoon, Jisne Zameen Aur Aasmaan Ko Paidaa Kiya Aur Jo Saare Jahaan Ka Rab Hai”.

*Ek Din Ibrahim (Alaihay Salam) Ne Apne Walid Se Kahaa, “Abba Jaan, Aap Aisi Cheezo Ki Ibaadat Kyon Karte Ho Jo Na Sun Sakti Hai Na Dekh Sakti Hai Aur Na Tumhaare Kisi Kaam Aa Sakti Hai, Abba Jaan Mere Paas Aisa Ilm Aaya Hai Jo Aap Ke Paas Nahi Aaya, Lihaaza Aap Mere Piche Chaliye Main Aap Ko Seeraat-e-Mustaqeem Batlaawooga. Abba Jaan Shaitaan Ki Ibaadat Na Kijiye Woh To Allah Ta’ala Ka Naafarmaan Hai. Mujhe Darr Hai Ki Allah Ta’ala Se Aap Ko Sazaa Milegi Aur Aap Shaitaan Ke Saathi Ban Jaayege”.

*Is Par Unke Walid Ne Kahaa, “Main To Tujhe Hi Gumraahi Me Paata Hoon, Kya Ham Apne Itne Saare Maaboodo (Booto) Ko Chodkar, Tere Ek Maabood (Rab) Ki Ibaadat Kare? Agar Tune Hamaare Ma-Aboodo Ki Touheen Ya Bura Bhala Kahena Band Na Kiya To, Main Tujhe Razim (Dhutkarna Ya Sazza Dena) Kar Doonga. Ja Nikal Ja Mere Ghar Se”.

*Ibraahim (Alaihay Salam) Ne Allah Ta’ala Ki Raah Me Apne Ghar Se Nikalna Bhi Gawaara Kar Liya. Lekin Jaate-Jaate Apne Walid Se Kahaa, “Main Apne Rab Se Tumhaari Bakhshish Ki Duwaa Karooga, Mera Rab Bahut Bakhashne Wala Aur Rahim Hai”. Itna Kahekar Ibrahim (Alaihay Salam) Apne Walid Ka Ghar Chodkar Chale Gaye.

*Ibrahim (Alaihay Salam) Apne Walid Ka Ghar Chodkar Allah Ta’ala Ke Deen Ki Tableeg Ke Liye Apni Qoum Ke Paas Gaye. Unhone Apni Qoum Ko Haq Ki Daawat Di. Aur Unhe Ek Allah “Wahdahu La Sharikalhu” Ki Taraf Bulaaya, Lekin Unki Qoum Apni Jahiliyat Pe Adi Rahi.

*Ibrahim (Alaihay Salam) Ne Apni Qoum Se Poocha - “Ye Tum Kiski Ibaadat Karte Ho ?” , Woh Kahene Lage, “Ham Booto Ki Ibaadat Karte Hai, Aur Unhi Ke Paas Baithe Hai”.

*Ibrahim (Alaihay Salam) Ne Kahaa, “Jab Tum Inhe Pukaarte Ho To Ye Tumhaari Pukaar Ka Jawaab Dete Hai. Ya Tumhe Koi Faayeda Ya Nuksaan Pahoocha Sakte Hai”.
*Unhone Kahaa, “Hamne Apne Baap-Dada Ko Inki Pooja Karte Huve Dekha Hai, Isiliye Ham Bhi Inki Ibaadat Karte Hai”.
Ibrahim (Alaihay Salam) Ne Kahaa, “Tum Aur Tumhaare Baap-Daada Sab Khuli Gumraahi Me Ho. Main Tumse Aur Tumhaare Baap-Daada Se Aur Tum Jis Ki Ibaadat Karte Ho Sab Se Bezaar Hoon. Ye Sab Tumhe Jehnnum Ki Tarahf Le Jaayege. Aur Allah Ta’ala Ke Siwaaye Tumhe Jehannum Se Bachaane Wala Koi Na Milega.
Mera Rab Saare Jahaan Ka Malik Hai, Jis Ne Mujhe Paidaa Kiya, Wo Hi Meri Rahenumaayee Karta Hai, Wo Hi Mujhe Khilaata Aur Pilaata Hai, Aur Jab Main Bemaar Padhta Hoon To Wo Hi Mujhe Shifaa Deta Hai, Yahaa Tak Ki Wo Hi Mujhe Maarega Aur Fir Zindaa Karega, Aur Jis Se Main Ummeed Rakhta Hoon Ki Qayaamat Ke Din Woh Meri Khataaye Muaf Karega”.

*Un Kaafiro Ne Kahaa. “Agar Tum Hamaare Maboodo Ki Touheen Karoge Aur Inhe Buraa Bhalaa Kahena Band Na Karoge To Ye Tumhe Sajaa Dege, Aur Tum Par Koi Bhi Musibat Daal Denge”.

*Ibrahim (Alaihay Salam) Ne Kahaa - “Ye Tumhaare Maabood Bechaaare Apne Upar Baithi Makhkhi To Bhagaa Nahi Sakte, Yahaa Tak Ki Woh Makhkhi Agar Inse Koi Saamaan Chhin Kar Le Jaaye To Use Waapas Nahi La Sakte, Mera Kya Bigaad Lege. Main To Sirf Apne Rab Se Darta Hoon Jis Ke Qabza-e-Qudrat Me Meri Jaan Hai, Aur Jo Mera Khaaliq Hai”.

Ibrahim (Alaihay Salam) Ki Tableeg Ka Asar Unki Qoum Par Na Huwaa, Chand Logo Ko Chodkar Baaqi Log Imaan Na Laaye.

*Ek Din Unki Qoum Shaahi Jashan Me Shaamil Hone Ke Liye Gayee. Ibrahim (Alaihay Salam) Nahi Gaye Unhone Kahaa, “Meri Tabiyat Thodi Na-Saaj (Kharaab) Hai, Isiliye Main Jashan Me Nahi Jawooga, Tum Log Jaawo”.
Unki Qoum Ne Unhe Piche Chhorr Diya. Ibrahim (Alaihay Salam) Chupke Se Unke Boot Khane (Mandir) Me Jaa Ghuse. Aur Ek Thaali Me Khaana Lekar Un Booto Se Kahaa, “Lo Khaana Khaawo”, Fir Kahaa, “Tum Khaate Kyon Nahi, Kya Ho Gayaa Hai Tumhe, Tum Bolte Kyon Nahi ?”.

*Jab Booto Ki Taraf Se Koi Jawaab Na Aaya To Ibrahim (Alaihay Salam) Ne Ek Kulhaadi (Axe) Se Us Bootkhaane Me Jitne Bhi Boot Rakhe The Unko Tod Diya Siwaaye Ek Bade Boot Ke, Aur Wo Kulhaadi (Axe) Ko Us Bade Boot Ke Gale Me Daal Diya Aur Wahaa Se Chale Gaye. Jab Unki Qoum Ke Kaafir Log Jashan Se Waapas Aaye To Apne Booto Ka Ye Haal Dekhkar Bahut Gusse (Angry) Me Aa Gaye. Aur Kahene Lage, “Hamaare Booto Ka Ye Haal Kisne Kiya, Ham Use Sakht Se Sakht Sazaa Dege”.

*Is Par Unme Se Ek Ne Kahaa, “Maine Ibrahim Ko Apne Booto Ke Baare Me Bhalaa-Buraa Kahete Suna Hai. Ho Sakta Hai Usi Ne Hamaare Booto Ka Ye Haal Kiya Ho”.

*Ibrahim (Alaihay Salam) Ko Wahaa Par Laaya Gaya, Unki Qoum Ne Unse Poocha, “Hamaare Booto Ka Ye Haal Tumne Kiya ?” Is Par Ibrahim (Alaihay Salam) Bole, “Uss Bade Boot Se Kyon Nahi Poochte, Shaayad Usi Ne Baaqi Booto Ko Toda Hai, Agar Ye Jawaab Dete Ho Toh In Hi Se Pooch Lo”.

*Aise Me Unki Qoum Ke Paas Koi Jawaab Na Tha. Unki Qoum Ke Logo Ne Kahaa, “Ye Hamaare Boot Jawaab Nahi Dete”. Is Par Hazrat Ibrahim (Alaihay Salam) Ne Kahaa, “Fir Tum In Ki Ibaadat (Pooja) Kyon Karte Ho?”. Un Ki Qoum Ke Logo Ne Kahaa, “Ye Kaam Tum Ne Hi Kiya Hai Isiliye Ham Tumhe Iski Sazaa Dege”. Ham Tumhare Haath Pair Mukhalif Simt Se Katwaa Dege Ya Tumhe Sooli Par Chadha Dege”.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Ibrahim (Alaihay Salam)

• Hazrat Ibrahim (Alaihay Salam) Ko Buto Ki Touheen Par Aag Me Zokne Ki Saza ka Hukm.

Aziz Dosto ,…. Jab Ibrahim (Alaihay Salam) Ki Qoum Ne Ibrahim (Alaihay Salam) Ko Booto Ki Touheen Karne Ki Jurm Me Qaid Kiya Aur Unhe Baadshahe Waqt Namrood Ki Darbaar Me Pesh Kiya. Baadshah Namrood Jo Ki Khud Ko Allah Kahelwata Tha. Aur Apne Allah Hone Ka Dawaa Karta Tha. Uski Saari Awaam (Public) Use Allah Ki Tarha Maanti Thi. Jab Ibrahim (Alaihay Salam) Ko Namrood Ke Darbaar Me Pesh Kiya Gayaa To Ibrahim (Alaihay Salam) Ki Qoum Ne Namrood Se Kahaa, “Ye Shakhsh Hamaare Ma’aboodo Ko Bura-Bhala Kaheta Hai Aur Hame Kaheta Hai Ki Sirf Ek Ma’abood Allah Ta’ala Ki Ibaadat Karo”.

*Namrood Ibrahim (Alaihay Salam) Se Mukhaatib Huwaa Aur Kahaa, “Tu Kis Ki Ibaadat Karta Hai?” .
Ibrahim (Alaihay Salam) Ne Kahaa, “Main Us Rab Ki Ibaadat Karta Hoon Jo Saare Jahaan Ka Malik Hai”.
Namrood Ne Kahaa, “Tera Rab Kya Kar Sakta Hai?”.

*Ibrahim (Alaihay Salam) Ne Kahaa, “Mera Rab Zindagi Deta Hai Aur Woh Hi Mout Deta Hai !”. Is Par Namrood Ne Kahaa, “Ye To Main Bhi Kar Sakta Hoon”. Uss Waqt Uske Darbaar Me Do (2) Aadmi Laaye Gaye Unme Se Ek Begunaah Tha Aur Ek Muzrim Jise Mout Ki Sazaa Huyee Thi. Namrood Ne Jo Begunaah Tha Use Qatal Karne Ka Huqm Diya. Use Usi Waqt Qatal Kar Diya Gayaa, Aur Jo Muzrim Tha Jise Mout Ki Sazaa Huyee Thi Use Aazaad Kar Diya. Aur Ibrahim (Alaihay Salam) Se Kahaa, “Dekha Main Jise Chaahoo Zindagi Doo Aur Jise Chaahoo Mout Doo”.

*Is Par Ibrahim (Alaihay Salam) Ne Kahaa, “Mera Rab Purab (East) Se Suraj (Sun) Ko Nikaalta Hai Aur Paschim (West) Me Doobota Hai, Tu Suraj (Sun) Ko Paschim (West) Se Nikaal Kar Bataa” .

*Is Tarhaa Ibrahim (Alaihay Salam) Ne Namrood Ko Lajawaab Kar Diya. Allah Ta’ala Zaalimo Ko Hidaayat Nahi Deta. Namrood Koi Jawaab Na De Saka Aur Apne Allahayee Daawe Par Banaa Raha. Aur Ibrahim (Alaihay Salam) Se Kahaa, “Tu Jiski Ibaadat Karta Hai Us Se Baaz Aa Ja, Nahi To Main Tujhe Mout Ki Sazaa Dooga”.
Ibrahim (Alaihay Salam) Ne Kahaa, “Mere Rab Ne Mujhe Haq Ki Raah Dikhayee Hai, Main Agar Use Chorr Doo To Mujhe Apne Rab Ke Azaab Se Koi Nahi Bachaa Sakta, Aur Main Bhi Zaalimo Me Shumaar Kiya Jawooga, Main Raah-e-Mustaqeem Se Hargeez Na Hatooga”.

*Is Par Namrood Ne Unhe Mout Ki Sazaa Sunaayee Aur Unhe Pahaadi Ke Upar Se Dhakka Dekar Niche Giraane Ki Sazaa Di. Jab Ibrahim (Alaihay Salam) Ko Pahaadi Ke Upar Se Dhakka Diya Gaya To Allah Ta’ala Ne Jibraayeel Amin Ko Bheja, Unhone Ibrahim (Alaihay Salam) Ko Sahi Salaamat Zameen Tak Pahoocha Diya. Aur Iss tarhaa Ibrahim (Alaihay Salam) Bacha Liye Gaye.

*Namrood Ke Sipaahiyo Ne Fir Unhe Qaid Kar Ke Namrood Ke Saamne Pesh Kiya Is Baar Unhe Ek Bada Sa Paththar Baandhkar Pahaadi Se Niche Giraane Ka Huqum Diya Gaya. Jab Dubaara Ibrahim (Alaihay Salam) Ko Bada Sa Paththar Baandh Kar Pahaadi Se Niche Feka Gaya To Jibrayeel Amin Ne Unhe Dubaara Allah Ta’ala Ke Huqm Se Bachakar Sahi Salaamat Zameen Par Pahoocha Diya .

*Namrood Ke Sipaahiyo Ne Fir Ibrahim (Alaihay Salam) Ko Qaid Kar Namrood Ke Darbaar Me Pesh Kiya. Namrood Ne Kahaa, “Ek Bahut Badi Aag Ka Alaaw Tayyar Kiya Jaaye Aur Jalti Huyee Aag Me Ibrahim (Alaihay Salam) Ko Daalkar Jalaa Kar Maar Diya Jaaye”.

• Hazrat Ibrahim (Alaihay Salam) Ko Aag Me Jalane Ka Hukm:
Ab Aag Ka Alaaw Tayyar Kiya Gayaa Aur Usme Kayee Dino Tak Aag Ko Dahekaaya Gayaa Aur Us Jalti Huyee Aag Me Ibrahim (Alaihay Salam) Ko Daala Gayaa. Usi Waqt Allah Ta’ala Ki Rahemat Josh Me Aayee Aur Allah Ta’ala Ne Aag Ko Huqm Diya, “Aye Aag Tu Ibrahim (Alaihay Salam) Par Salaamati Waali Ho Ja, Thandi Ho Ja”.
*Aur Wo Aag Bhi Ibrahim (Alaihay Salam) Ko Jalaa Na Saki Aur Iss Tarhaa Allah Ta’ala Ne Unhe Aag Se Bacha Liya. Uss Waqt Wahaa Par Loot (Alaihay Salam) Bhi Moujood The, Jab Unhone Ye Mozza (Karaamat) Dekhi To Fouran Ibrahim (Alaihay Salam) Par Imaan Le Aaye. Ibrahim (Alaihay Salam) Aur Loot (Alaihay Salam) Namrood Se Bachkar Siriya (Shaam) Ki Taraf Chale Gaye.

• Namrood Ka Bura Anzam:
Aziz Dosto ,…. Namrood Jo Ki Khud Ke Allah Hone Ka Dawaa Karta Tha, Ek Din Woh So Rahaa Tha Ki Eik Langdaa (Lamb) Machchar ( Mosquto) Uski Naak (Nose) Ke Raaste Se Uske Dimaag (Mind) Me Ghus Gayaa, Uska Natizaa Ye Huwaa Ki Namrood Cheeq Pe Cheeq Maarne Lagaa.
*Jab Huqumat Ke Haqeemo Ko Bataya Gayaa To Unhone Uska Bahut Ilaaj Kiya Lekin Uska Koi Faayedaa Nahi Huwaa, Aakhir Me Huqumato Ke Haqeemo Ne Use Salaah Di Ke Aapke Sir Par Jooto Se Maara Jaaye To Ho Sakta Hai Ki Woh Machchar Baahar Nikal Aaye Aur Aap Ko Aaraam Aa Jaaye. Ab Namrood Ke Darbaar Me Jo Bhi Aata Jo Us Adab Se Jhuk Kar Salaam Aur Sajdaa Karte To Namrood Kaheta Pahele Mere Sir Par Joota Maaro. Uske Darbaar Me Jo Bhi Aata Woh Uske Sir Par Joota Maarta. Is Tarhaa Allahayee Dawaa Karne Waala Ek Chote Se Machchar Ki Wajaah Se Zalil Ho Gayaa. Aur Cheeq Marte-Marte Wo Halaakaan Ho Gayaa, Aur Isi Wajaah Se Uski Mout (Death) Ho Gayee …..

Reference: (Virtual study of Mohammed Rafique, Qasas-Ul-Ambiya)

To Be Continue ...

Aagey Ka Kissa Agle Part (13) Me …

Hiqayat: Ibrahim (Alaihay Salam)

• Ibrahim (Alaihay Salam) Ka Bibi Hajra Aur Bete Ismaayeel (Alaihay Salam) Ko Sunsaan Waadi Me Tanha Chorr Jaana.

Aziz Dosto ,….. Ibrahim (Alaihay Salam) Aur Loot (Alaihay Salam) Syria (Shaam) Ki Taraf Chale Gaye.Uske Baad Loot (Alaihay Salam) Ek Qaum Sadoom Ki Taraf Bheje Gaye. Aur Allah Ta’ala Ne Do (2) Frishto Ko Bheja Jinhone Ibrahim (Alaihay Salam) Ko Aulaad Ki Khush Khabri Di, Aur Qoum Loot (Alaihay Salam) Ko Azaab Diya. Aap Log Yahaa Tak Hiqayat (Part 10) Me Padh Chuke Hai. Ab Aage …

*Ibrahim (Alaihay Salam) Ki Do (2) Biwiya Thi Jinme Se Paheli Biwi Hazrat Bibi Saayera Thi Aur Dusri Biwi Hazrat Bibi Hajra. Bibi Hajra, Ibrahim (Alaihay Salam) Ki Gulaam (Bandi) Thi. Lekin Ibrahim (Alaihay Salam) Ne Unse Nikaah Kiyaa Tha. Jaisa Ki Farishto Ne Ibrahim (Alaihay Salam) Ko Aulaad Ki Khush Khabri Di Thi, To Bibi Saayera Se Ishaaq (Alaihay Salam) Paida Huve Aur Bibi Hajra Se Ismaayeel (Alaihay Salam) Paida Huve. Ab Kyonki Bibi Saayera Paheli Biwi Thi, Isiliye Unhone Ibrahim (Alaihay Salam) Par Dabaaw Daala Ki, Aap Bibi Hajra Ko Chorr De. Aur Ye Hi Allah Subhanahu Ta’ala Ki Razaa Thi.

*Isiliye Ibrahim (Alaihay Salam) Ne Bibi Hajra Aur Ismaayeel (Alaihay Salam) Ko Saath Me Liya, Us Waqt Ismaayeel (Alaihay Salam) Sheer Khawaar (Doodh Pite) Bachche The. Un Maa-Beto Ko Ek Sunsaan Waadi Me Le Gaye, Jahaa Aaj Makkah Shareef Aabaad Hai, Uss Waqt Wo Ek Biyaabaan Saheraa Tha, Na Koi Aadam Aur Na Koi Aadam Ki Zaat. Wahaa Pahoonch Kar Ibrahim (Alaihay Salam) Ne Unhe Ek Khazoor Ke Darakht (Tree) Ke Niche Bithaaya Aur Kuch Khaane Ka Saamaan Aur Ek Maskeeza Paani Ka Diya. Maskeeza Jaanwaro Ke Chamde Se Bani Huyee Ek Taili (Bag) Hota Hai. Aur Wahaa Se Akele Jaane Lage.

*Bibi Hajra Unke Piche Doudi Ki, “Hame Is Sunsaan Waadi Me Chorr Kar Kyon Ja Rahe Ho ?” . Ibrahim (Alaihay Salam) Ne Koi Jawaab Na Diya. Bibi Hajra Ne Fir Poocha, “Kya Ye Allah Ta’ala Ka Huqm Hai ?” Ibrahim (Alaihay Salam) Ne Sir Hilakar Khamoshi Me Ishare Me Jawab Diya, “Haan!”

*Aur Fir Woh Jis Raaste Se Aaye The Usi Raaste Se Waapas Chale Gaye Aur Jaate Jaate Apne Qadmo Ke Nishaan Bhi Mitaate Chale Gaye. Unhe Ye Andesha Tha Kahee Unke Qadmo Ke Nishaan Ka Pichaa Karte Karte Bibi Saayera, Bibi Hajra Tak Na Pahoonch Jaaye.

• Maa Ki Aulad Ke Liye Bekaraari:
Ab Bibi Hajra Aur Ismaayeel (Alaihay Salam) Uss Tapte Huve Ret (Sand) Ke Sehra Me Tanhaa Rah Gaye. Bibi Hajra Ke Paas Jo Khaana Aur Paani Tha Wo Sab Khatam Ho Gayaa. Paani Na Milne Ki Wajaah Se Unki Chaati Ka Doodh Bhi Suookh Gayaa. Aur Jab Bachche Keliye Bhi Doodh Na Utra Chaati Se To Bachcha Bhi Bhook Ki Wajaah Se Rone Laga. To Bibi Hajra Ne Bachche Ko Khazoor Ke Jhaad Ki Chaavo Me Lita Diya Aur Saamne Do (2) Pahaadiya Thi Jise Aaj Safaa Marwaah Ke Naam Se Jaana Jaata Hai.

*Uss Pahaadi Par Chadh Gayee Ki Dekhe Shaayad Koi Kaafilaa Ya Koi Insaan Dikh Jaaye To Kam Se Kam Uss Se Paani To Maang Le Ki Jism Me Paani Jaaye To Bachche Ke Liye Doodh Bane. Aur Bacche Ki Bhook Mite. Jab Woh Ek Pahaadi Par Chadti To Bachcha Aankho Se Oojhal Ho Jaata, Bachche Ki Mohabbat Me Woh Jaldi Se Niche Utar Aati. Lekin Bachche Ko Rota Dekh Jaldi Se Bhaag Kar Dusri Pahaadi Par Chadh Jaati, Ki Shaayad Koi Nazar Aa Jaaye Aur Kuch Madad Mil Jaye. Is Tarhaa Aap Ne Un Dono Pahaadi Ke Saat (7) Chakkar Lagaaye. Kabhi Pahadi Chadti Aur Kabhi Aulaad Ki Mohabbat Me Niche Utar Aaati. Allah Ta’ala Ko Bibi Hajra Ki Ye Apni Aulaad Ke Liye Mushaqqat (Mehnat) Itni Pasand Aayee Ki, Allah Ta’ala Ne Har Musalmaan Mard Aur Aurat Par Jo Bhi Makkah Shareef Me Haj Ya Umraah Ke Liye Aata Hai Unke Liye Safaa Marwaah Ki In Dono Pahaadiyo Ke Saat (7) Chakkar Lagana Farz Kar Diya Hai, Aur Ye Bhi Haj Aur Umraah Ke Arkaano Me Shaamil Hai …

• Aab-e-Zam-Zam Ka Chasma:
*Jab Bibi Hajra Un Dono Pahaadiyo Par Doud Kar Chadti Aur Aulad Ki Mohabbat Aur Bekaraari Me Niche Utar Aati. Idhar Bachcha Bhook Se Ro Rahaa Tha Aur Apni Ediyaa Zameen Par Ragad Rahaa Tha. Usi Waqt Rahmat-e-Allah Wandi Josh Me Aayeee Aur Ismaayeel (Alaihay Salam) Jahaa Apni Ediyaa Ragad Rahe The Uss Jagaah Se Paani Ka Chasmaa Foot Padaa. Jab Bibi Hajra Ne Paani Dekhaa To Doud Kar Apne Bachche Ke Paas Pahoonchi Aur Uss Paani Ko Jo Bahe Rahaa Tha Rokne Ke Liye Uske Chaaro Taraf Ret Ki Dewaar (Medh) Bana Di Aur Kahete Jaati Thi Zam-Zam (Yaani Ki Ruk Ja Ya Thaher Ja) Isi Liye Uss Paani Ka Naam “Aab-e-Zam-Zam” Padh Gayaa.

*Yeh Allah Ta’ala Ki Rahemat Thi Jo Usne Apne Bando Par Ki. Ab Bibi Hajra Ne Paani Piya Aur Apni Pyaas Bujhaayee. Aur Apne Bachche Ko Bhi Doodh Pilaaya. Dosto Aap Log Samajh Hi Sakte Ho Ki Ek Biyaaban Sunsaan Registaan Me Paani Ki Kya Keemat Hoti Hai. Ab Jaise Jaise Logo Ko Wahaa Paani Milne Ki Khabar Huyee Log Uss Jagaah Par Aane Lage Aur Bibi Hajra Ki Izaazat(Permission) Lekar Uss Paani Ke Chasme Ke Aas Paas Rahne Lage, Aur Is Tarhaa Wahaa Basti Abaad Hone Lagi. Aur Jo Tijaarati Kaafile Ek Mulq Se Dusre Mulq Jaate The Wo Bhi Wahaa Rukne Lage. Is Tarhaa Woh Basti Tijaarat Ka Markaz (Business Center) Ban Gayee.

• Bete Ki Qurbani Ka Khwaab:
*Ibrahim (Alaihay Salam) Waqt-Waqt Par Apne Biwi Aur Bachche Se Milne Aate The. Jab Ismaayeel (Alaihay Salam) Kuch Samajhdaar Huwe To Ibrahim (Alaihay Salam) Ne Ek Khawaab Dekha Ki Jaise Koi Unse Kahe Rahaa Ho Apni Sabse Keemti Aur Maheboob Cheez Ki Qurbaani Karo. Ye Hi Khawaab Unhe Teen Baar Dikhaayee Diya. Paigambaro Ke Khawaab Ham Aam Insaano Ki Tarhaa Nahi Hote Aur Wo Ek Haqiqat Hote Hai. Ibrahim (Alaihay Salam) Samajh Gaye Ki Allah Subhanahu Ta’ala Unhe Apni Maheboob, Jaan Se Pyaari Cheez Ki Qurbaani Ke Liye Kahe Rahe Hai.

*Ibrahim (Alaihay Salam) Apne Bete Ismaayeel (Alaihay Salam) Ko Bahut Jiyaada Chaahte The, Woh Hi Unhe Sabse Jiyaada Maheboob The. Ibrahim (Alaihay Salam) Ne Ismaayeel (Alaihay Salam) Se Kahaa, “Aye Mere Bete Maine Khawaab Dekha Hai Ki Main Apni Sab Se Maheboob Cheez Ki Qurbaani Kar Rahaa Hoon, Tumhaara Is Baare Me Kya Khayaal Hai?” Ismaayeel (Alaihay Salam) Ne Kahaa, “Agar Ye Allah Ta’ala Ka Huqm Hai To Aap Kar Guzariye, Inshah Allah Aap Mujhe Sabr Karne Walo Me Paayege.

• Shaitan Ko Saat (7) Kankariya Marne Ki Sunnat:
*Ab Ibrahim (Alaihay Salam) Ismaayeel (Alaihay Salam) Ko Lekar Uss Basti Se Door Mina Ki Waadi Me Le Gaye. Wahaa Shaitaan Insaan Ke Bhes Me Aaya Aur Ibrahim (Alaihay Salam) Ko Is Amal Se Rokne Ki Koshish Ki Aur Kahaa, “Tumne To Bas Ek Khawaab Hi Dekha Hai, Kya Tum Uski Wajaah Se Apne Aulaad Ki Qurbaani De Doge!”. Ibrahim (Alaihay Salam) Samajh Gaye Ki Ye Shaitaan Hai Jo Unhe Unke Is Amal Se Rokna Chaahta Hai. Ibrahim (Alaihay Salam) Ne Saat (7) Kankariya (Chote Paththar) Uthaayee Aur Shaitaan Ko Maari. To Shaitaan Gaayeb Ho Gayaa. Fir Dono Baap-Bete Kuch Door Chale To Shaitaan Fir Haazir Huwaa Aur Kahaa, “Tumse Apni Koi Maheboob Cheez Ki Qurbaani Ke Liye Kahaa Gayaa Hai To Apni Aulaad Ko Chodkar Kisi Aur Cheez Ki Qurbaani Kar Do!”.

*Ibrahim (Alaihay Salam) Fir Saat (7) Kankariya (Chote Paththar ) Uthaayee Aur Shaitaan Ko Maari Woh Fir Gaayeb Ho Gayaa. Ab Fir Dono Baap-Bete Kuch Aur Aage Badhe To Shaitaan Fir Haazir Huwaa Aur Ibrahim (Alaihay Salam) Ko Fir Rokne Ki Koshish Ki, Is Baar Bhi Ibrahim (Alaihay Salam) Ne Saat (7) Kankariya Uthakar Shaitaan Ko Maari To Shaitaan Fir Gaayeb Ho Gaya.
Is Tarhaa Shaitaan Ne Ibrahim (Alaihay Salam) Ko Teen Baar Roka Aur Teeno Hi Baar Ibrahim (Alaihay Salam) Ne Use Saat-Saat Kankariya Maari. Allah Ta’ala Ko Ibrahim (Alaihay Salam) Ki Ye Sunnat (Tarika) Itna Pasand Aaya Ki, Allah Ta’ala Ne Har Musalmaan Mard Aur Aurat Par Ye Farz Kar Diya Ki Jo Bhi Log Haj Kare, Woh Log Ibrahim (Alaihay Salam) Ki Is Sunnat Ko Zaroor Adaa Kare.

*Aur Ye Bhi Haj Ke Arkaano Me Se Ek Arkaan Hai. Aur Jis Jis Jagaah Par Shaitaan Haazir Huwaa Tha Uss Jagaah Par Aaj Bhi Cement Ka Pillar (Khambaa) (Ya Zamrooq) Moujood Hai, Aur Jo Bhi Haji Haj Karne Jaate Hai, Woh Wahaa Par Uss Shaitaan Ko Saat-Saat Kankariya Zaroor Maarte Hai. Kyonki Is Amal Ke Bina Qurbaani Nahi Hoti Aur Haj Bhi Qabool Nahi Hota …

Reference: (Virtual study of Mohammed Rafique, Qasas-Ul-Ambiya)

To Be Continue ...

Aaage Ka Kissa Agle Part (14) Me …

Hiqayat: Ibrahim (Alaihay Salam)

• Hazrat Ismaayeel (Alaihay Salam) Ke Qurbani Ke Niyat Ke Sabab Allah Ta’ala Ne Ibrahim (Alaihay Salam) Ko Khalil-Ul-Llah Aur Ismaayeel (Alaihay Salam) Ko Zabi-Ul-Laah Ka Khitaab (Laqab) Ata Kiyaa.

Aziz Dosto ,…… Ibrahim (Alaihay Salam) Ko Shaitaan Iblees Ne Apni Aulaad Ki Qurbaani Dene Se Teen Baar Rokna Chaaha Aur Teeno Baar Ibrahim (Alaihay Salam) Ne Us Mardood Ko Saat-Saat Kankariya Maari, Aur Shaitaan Maayoos Ho Kar Gaayeb Ho Gaya. Ab Dono Baap-Bete Aage Badhe, Ek Muqaam Par Pahoonch Kar Ismaayeel (Alaihay Salam) Ne Kahaa, “Abba Jaan Aap Mere Haath Pair Baandh Dijiye Aur Mere Aankho Par Patti Bhi Baandh Dijiye Taaki Jab Aap Mere Gale Par Churi Chalaaye To Main Aap Ko Na Dekh Sakoo”.

*Ibrahim (Alaihay Salam) Ne Aisa Hi Kiya Apne Bete Ke Haath Pair Baandhe Aur Aankho Par Patti Baandhi Aur Apne Lakhte Jigar Ko Peshaani Ke Bal Leta Diya Aur Apni Aankho Par Bhi Patti Baandh Li, Ke Kahee Aisa Na Ho Ki Jab Apne Lakhte Jigar Ke Gale Par Churi Chalaawoo Aur Bete Ka Chehraa Aankho Ke Samne Ho To Ek Baap Ki Mohabbat Allah Ta’ala Ke Huqm Ke Aage Rukaawat Na Ban Jaaye.

*Aaj Tak Sari Qaayenaat Me Ibrahim (Alaihay Salam) Aur Ismaayeel (Alaihay Salam) Ki Aisi Bemisaal Qurbaani Ki Misaal Nahi Milti, Waise To Kayee Misaale Hai Ki Baap Ne Apni Aulaado Ko Allah Ta’ala Ki Raah Me Ya Jihaad Me Qurbaan Kiya, Lekin Yahaa Maamla Hi Alag Hai Ek Baap Apne Dil Ke Tukde Ko Khud Apne Haatho Se Sirf Aur Sirf Apne Rab Ki Raza Ke Liye Qurbaan Kar Rahaa Hai, Aur Qurbaan Jawoo Ismaayeel (Alaihay Salam) Par Jo Ki Apne Rab Ki Raza Ke Liye Apne Hi Baap Ke Haatho Qurbaan Hone Ke Liye Tayyar Hai.

*Aaj Kal Ki Aulaad Apne Maa-Baap Ki Kitni Nafarmaan, Choti-Choti Baato Par Bhi Apne Maa-Baap Ko Buraa-Bhala Kahene Se Baaz Nahi Aati. Allah Ta’ala Ham Sab Ko Apne Waalidain Ka Farmabardaar Banaaye, Ameen !
Kyonki Allah Ta’ala Ne Qur’an Me Jis Jagaah Apni Ibaadat Ki Baat Kahee Hai Uske Baad Waaldain Ki Farmabardaari , Adab Aur Ahetaraam Ki Baat Bhi Kahi Hai. Yahaa Tak Kahaa Hai Ki Apne Waaldain Ko Uff Tak Na Kaho.

♥ Ibrahim (Alaihay Salam) Ko Khalil-Ul-Llah Ka Khitab Ata Kiya Gaya:
Ab Ibrahim (Alaihay Salam) Ne Jaise Hi Apne Lakhte Jigar Ke Gardan Par Churi Rakhi Aur Bismilaahe Allah-U-Akbar Keh Kar Churi (Knife) Chalaayee, Usi Waqt Allah Ta’ala Ke Huqm Se Jibrayeel (Alaihay Salam) Janant Se Ek Mendha (Bhedh, Sheep) Lekar Aaye Aur Ismaayeel (Alaihay Salam) Ko Hata Kar Unki Jagaah Uss Mendhe (Sheep) Ko Litaa Diya, Aur Is Tarhaa Ismaayeel (Alaihay Salam) Ki Jagaah Uss Mendhe Ki Qurbaani Ho Gayee. Jab Ibrahim (Alaihay Salam) Ne Apne Aankho Se Patti Hatayee To Kya Dekhte Hai Ki Ismaayeel (Alaihay Salam) Door Khade Ho Kar Muskura Rahe Hai Aur Unki Jagah Mendha (Dumbaa) Ki Qurbaani Ho Gayee Hai. Usi Waqt Allah Ta’ala Ne Gaib Se Puakaara Aur Kahaa, “Ibrahim (Alaihay Salam) Tum Ne Apne Khawaab Ko Such Kar Dikhaya, Main Tumhaari Qurbaani Se Raazi Huwaa Aur Aaj Se Tum Mere Khaleel (Dost) Ho”. Aur Is Tarhaa Allah Ta’ala Ne Ibrahim (Alaihay Salam) Ko Khalil-Ul-Llah Aur Ismaayeel (Alaihay Salam) Ko Zabi-Ul-Laah Ka Khitaab (Laqab) Diya.

*Dosto Ye Bahut Bada Eajaaz (Izzat Afzaayee) Hai Jo Ibrahim (Alaihay Salam) Ko Mila. Allah Ta’ala Ne Ibrahim (Alaihay Salam) Ko Tamaam Insaniyat Ka Imam Banaya. Yahood, Easaayee. Makkah Ke Kaafir Aur Musalmaan Sab Inhe Apna Imaam Tasleem Karte Hai. Ye Muqaam Inhe Aise Hi Nahi Mil Gaya Balki Aapki Puri Zindagi Hosh Sambhaalne Se Lekar Marte Dam Tak Qurbaani Se Hi Bharpur Hai.

*Duniya Me Insaan Jin Cheezo Se Mohabbat Karta Hai, In Me Se Koi Bhi Cheez Aisi Nahi Thi Jise Ibrahim (Alaihay Salam) Ne Allah Ta’ala Ki Raah Me Qurbaan Na Kiya Ho. Jaise Waaldain, Watan Aur Ghar Baar Chhorrna, Baadshah Namrood Ko Haq Ki Daawat Dena Aur Iske Nateeze Me Aag Me Koodna, Biwi Haazraa Aur Doodh Pite Bachche Ko Allah Ta’ala Ke Huqm Ke Mutaabiq Sunsaan Biyaabaan Registaan Me Chorrna, Aur Budhaape Ki Umar Me Apne Noujawaan Bete Ismaayeel (Alaihay Salam) Ko Allah Ta’ala Ki Raah Me Qurbaani Karne Par Amli Tour Par Aamaada Hona, Aur Apne Waqt Ki Har Taagooti Ya Shaitaani Taqato Se Muqaabla Karna Chaahe Wo Badshah Ho Ya Unki Apni Kaafir Qoum ….

*Bhaiyon Aur Behno ,….Allah Ta’ala Ne Ibrahim (Alaihay Salam) Ki Qurbaani Qabool Ki Aur Unhe Apna Khalil (Dost) Banaaya. Allah Ta’ala Ko Ibrahim (Alaihay Salam) Ki Ye Adaa (Tarika Ya Sunnat) Itni Pasand Aayee Ke Allah Ta’ala Ne Unke Is Amal Ko Tamam Ummat-e-Mohammedi Par Farz Qarar Diya. Lekin Mera Rab Bada Rahem Karne Wala Hai Aur Apne Bando Se Bepanaah Mohabbat Karne Wala Hai, Isiliye Ye Amal Sirf Un Par Farz Kiya Gayaa Jo Saahibe Istita’at Ho Ya Iski Quwat Rakhta Ho. Aur Iss Din Ko Ham Muslamaan Eid-Ul-Azhaa Ya Badi Eid Ya Bakra Eid Ya Qurbani Eid Ki Shaqal Me Manaate Hai. Darasal Ham Ibrahim (Alaihay Salam) Ki Sunnat Hi Adaa Karte Hai.

♥ Khaana-e-Kabaa Ki Tameer :
Ab Allah Ta’ala Ne Ibrahim (Alaihay Salam) Ko Khaana-e-Kabaa Ki Tameer Karne Ka Huqum Diya.
Riwaayato Me Hai Ki Khaana Kaabaa Das (10) Baar Taameer Kiya (Banaaya) Gaya.
1) Sabse Pahele Ise Farishto Ne Taameer Kiya. 2) Dusri Baar Aadam (Alaihay Salam) Ne Taameer Kiya. 3) Teesri Baar Shees (Alaihay Salam) Jo Ki Aadam (Alaihay Salam) Ke Bete The, Unhone Taameer Kiya. 4) Chouthi Baar Ibrahim (Alaihay Salam) Ne. 5) Paanchavi Baar Qaum Aamalqah Ne. 6) Chatvi Baar Qabeela Jarham Ne. 7) Saatvi Baar Qasa Bin Kalaab (Jo Ki Aap Hazrat Mohammed Sallallahu Alaihay Wasallam Ke Aaba-O-Ajdaad (Purkhe Ya Purvaz The). 8 ) Aathvi Baar Kabeela Quraish Ne Aap Mohammed Sallallahu Alaihay Wasallam Ki Hayaate Tayeyaba Me Aap Ke Naboowat Ke Ailaan Ke Pahele. 9) Navvi Baar Abdullah Ibn Zubair (Apni Dour-e-Khilaafat Me). Aur 10) Dasvi Baar Hajjaj Ibn Yusuf Ne.
(Hashiya-11 Jalaleen Safa No-281,Hashiya-4,Bukhari Safa No-215)

*Ibrahim (Alaihay Salam) Aur Unke Baad Ki Taameeer Taarikh (Itihaas, Hishtory) Me Mahefooz Hai. Lekin Ibrahim (Alaihay Salam) Se Pahle Ki Taameer Ki Koi Dalil Ya Record Moujood Nahi Hai. Nooh (Alaihay Salam) Ke Zamaane Me Jo Toofaan Ya Sailaab Aaya Tha, Uss Se Khaana-e-Kaabaa Ko Bhi Nuksaan Pahooncha Tha. Gaalban Ye Us Toofaan Ke Baad Ibrahim (Alaihay Salam) Ke Haatho Paheli Baar Taameer Thi. Kyonki Allah Ta’ala Qur’an Majeed Me Farmaata Hai Ki, “Jab Ibrahim (Alaihay Salam) Khana-e-Kaaba Ki Neev (Foundation, Buniyaad) Utha Rahe The Aur Apne Rab Se Duwaa Kar Rahe The” .

Is Ka Matlab Ye Hi Hai Ki Khaana-e-Kaabaa Ki Neev (Foundation) Wahaa Pahele Hi Se Hi Moujood Thi. Riwaayato Me Hai Ki Ek Patthar Jannat Se Aaya Tha Jis Par Khade Ho Kar Ibrahim (Alaihay Salam) Ne Ismaayeel (Alaihay Salam) Ke Saath Khaana-e-Kaaba Ki Taameer Ki, Us Paththar Ki Khasiyat Ye Thi Ki Wo Ibrahim (Alaihay Salam) Ki Zaroorat Ke Hisaab Se Khud Chota Ya Badaa Ho Jaata Tha, Yahaa Tak Ki Uss Paththar Ko Huqm Dene Ki Zaroorat Bhi Nahi Padhti Thi.

*Ibrahim (Alaihay Salam) Aur Ismaayeel (Alaihay Salam) Bait-Ul-Llah (Khaana Kaaba) Ki Buniyaade Uthaa Rahe The Aur Saath Hi Ye Duwaa Kar Rahe The, “Aye Hamaare Rab Hamaari Is Khidmat Ko Qabool Farmaa, Beshaq Tu Hi Sab Ki Sunne Wala Aur Sab Kuch Janne Wala Hai. Aye Hamaare Rab Ham Dono Ko Apna Farmaabardaar Bana, Aur Hamaari Aulaad Me Se Apni Ek Muslim Jamaat Bana, Hame Apni Ibaadat Ke Tarike Bataa Aur Hamaari Toubaa Qabool Farmaa, Beshaq Tu Bada Toubaa Qabool Karne Wala Aur Nihaayat Rahem Karne Wala Hai. Aye Hamaare Rab Inme Woh Aakhiri Rasool Bhi Bhej, Jo Inhi Me Se Ho, Woh In Par Teri Aayaat Ki Tilaawat Kare, Inhe Kitaab Aur Hiqmat Ki Ta’alim De, Aur Inko Paakeezah Banaaye, Beshaq Tu Galeeb Aur Hiqmat Wala Hai”.

♥ Mafhoom-e-Hadees: Rasool-e-Kareem (Sallallahu Alaihay Wasallam) Ne Farmaaya Ki -
Main Ibrahim (Alaihay Salam) Ki Dua Hoon,..”
Aur Allah Ta’ala Ne Ibrahim (Alaihay Salam) Ki Ye Duwaa Qabool Farmaayee Aur Aulaad Ismaayeel (Alaihay Salam) Se Nabi Aakhir-Uz-Zamaa Mabwoos (Paida) Huve.. – (Miskhat Sharif).

Reference: (Virtual study of Mohammed Rafique, Qasas-Ul-Ambiya)

To Be Continue ...

Aagey Ka Kissa Agle Part Hiqayat (15) Me …

Hiqayat: Ibrahim (Alaihay Salam)

• Bete Hazrat Ismaayeel (Alaihay Salam) Ki Pehli Bivi Ki Na-Shukri Par Waalid Ibrahim (Alaihay Salam) Ne Ghar Ki Choukhat Badalne Ka (Yaani Pehli Na-Shukr Bivi Ko Talaaq Dene Ka) Hukm Diya.

Aziz Dosto …… Ibrahim (Alaihay Salam) Ne Khana-e-Kaaba Ki Taameer Ke Waqt Ye Duwaa Ki Ke Meri Aulaad Me Aakhiri Nabi Ko Mabwoos (Paida Kar Ya Bhej).
Aur jiska natija ye hua ke Allah Taala ne apne fazl se Ismayeel (Alahi Salam) ki nasl me Aise Nabi ko Paida farmaya jo na sirf Arbo ke liye balki tamam Aalam ke liye Rehmat banakar bheje gaye, Aahadees me aata hai ke RasoolAllah (Sallallahu Alaihay Wasallam) Ne farmaya, “Main Ibrahim (Alaihay Salam) Ki Dua Hoon,.."

♥ Khana-e-Kaaba Ka Tawaaf :
Jab Ibrahim (Alaihay Salam) Ne Baitullah Ki Taameer Kar Li To Unke Dil Me Khayaal Aaya Ki Kahee Kisi Cheez Ki Kami To Nahi Rah Gayee. Isiliye Unhone Ek Kone (Corner) Se (Tawaaf) Chakkar Lagaya Aur Baitullah Ke Charo Taraf Ghoom Kar Waapas Usi Kone Par Pahoonche. Lekin Unka Dil Mutmayeen Na Huwa, Fir Dusra Chakkar Lagaya Fir Usi Kone Par Waapas Pahoonche, Fir Bhi Unko Dili Tasalli Na Huyee Fir Teesra Chakkar Lagaaya, Isi Tarha Ibrahim (Alaihay Salam) Ne Saat (7) Chakkar Khana-e-Kaaba Ke Lagaye. Unki Ye Adaa Allah Ta’ala Ko Itni Pasand Aaye Ke Tamaam Ummate Musalmaa Ko Jo Bhi Allah Ta’ala Ke Ghar Ki Jiyaarat Ke Liye Aaye Chaahe Wo Haj Karne Aaye Ya Umraah Karne, Uske Liye Apne Ghar (Baitullah) Ka Tawaaf Karna Farz Kar Diya. Aziz Dosto ,.. Riwaayato Me Hai Ki Jab Khanaa-e-Kaaba Ban Kar Tayyar Ho Gaya Toh Allah Ta’ala Ne Hazrat Ibrahim (Alaihay Salam) Ko Huqm Diya Ki, “Aye Ibrahim ! Logo Ko Mere Ghar Ka Tawaaf Aur Jiyaarat (Haj Aur Umraah) Kar Ne Ke Liye Daawat Do Ya Logo Ko Mere Ghar Ka Tawaaf Aur Jiyaarat Ke Liye Pukaaro”. Iss Par Hazrat Ibrahim (Alaihay Salam) Ne Arz Kiya, “Aye Mere Rab ! Yahaa Par Toh Koi Nahi Hai, Na Aadam Hai Na Aadam Ki Jaat, Meri Pukaar (Daawat) Koun Sunega ?” .

*Allah Ta’ala Ne Irshaad Farmaaya, Aye Ibrahim ! Logo Ko Pukaarna (Daawat Dena) Tumhara Kaam Hai, Aur Use Logo Tak Pahoochana Mera Kaam Hai. To Bas Tum Pukaaro”.

♥ Khana-e-Kaaba Ko Suthra Rakhne Ka Hukm:
Allah Ta’ala Ne Baitullah Ko Logo Ke Liye Sawaab Aur Aman Ki Jagaah Qaraar Diya, Aur Huqm Diya Ki Maqaam-e-Ibrahim (Alaihay Salam) Ko Salaat (Namaaz Ya Ibaadat) Ki Jagaah Banaavo, Aur Ibrahim (Alaihay Salam) Aur Ismaayeel (Alaihay Salam) Ko Huqm Diya Ki, “Tum Mere Ghar (Baitullah) Ka Tawaaf Karne Walo, Aitqaaf, Rukoov Aur Sajdaa Karne Walo Ke Liye Saaf Suthraa Rakho”.

*Ibrahim (Alaihay Salam) Ne Allah Ta’ala Se Duwaa Ki, “Aye Mere Rab, Is Shahar Ko Aman Ka Shaher Banaa De, Aur Is Ke Rahne Walo Me Jo Koi Allah Ta’ala Par Aur Aakhirat Par Imaan Laaye Unhe Falo (Fruits) Ka Rizq Ataa Kar”.
Allah Ta’ala Ne Farmaaya, “Mera Waada Kaafiro Ke Liye Nahi Hai, Jo Kufr Karega Use Thoda Faayeda Doonga, Fir Jahannum Ke Azaab Me Daal Dooga, Aur Ye Bahut Bura Thikaana Hai”.
Aur Is Tarhaa Allah Ta’ala Ne Ibrahim (Alaihay Salam) Ko Aazmaaya Bhi Aur Un Par Rahem Bhi Kiya Unhe Apna Khalil Banaaya Aur Unki Aulaado Me Se Paigambar, Nabi Aur Rasool Banaaye.

*Ek Baar Ibrahim (Alaihay Salam) Ne Allah Ta’ala Se Sawaal Kiya, “Aye Mere Rab Tu Mout Ke Baad Zinda Kis Tarhaa Karega ?”.
Allah Ta’ala Ne Farmaaya Ki, “Kya Tujhe Yaqeen Nahi Hai? ”.
Ibrahim (Alaihay Salam) Ne Kahaa, “Mere Rab Mujhe Pura Yaqeen Hai Bas Mai Dil Ki Tasalli Ke Liye Dekhna Chaahta Hoon”.
Allah Ta’ala Ne Farmaaya, “Chaar (4) Parinde (Birds) Le Aur Unhe Apne Saath Hilaa Le (Paaltu Bana Le) Aur Un Chaaro Ko Jibaah Karke Unka Gost (Meat) Aapas Me Milaa Le Aur Unko Pahaad Ki Choti Par Rakh Kar Awaaz De. Woh Doude (Bhagte) Chale Aayege”.
Ibrahim (Alaihay Salam) Ne Aisa Hi Kiya Aur Woh Parinde Unki Aawaaz Par Zinda Ho Kar Doudte Huve Unke Paas Chale Aaye.
(Surah Al-Baqara, Chapter #2, Verse #260)

♥ Har Haal Me Allah-e-Ta’ala Ka Shukr:
Aziz Dosto ,.. Hazrat Ibrahim (Alaihay Salam) Jiyadatar Apni Paheli Biwi, Bibi Sara Aur Apne Bete Hazrat Ishaq (Alaihay Salam) Ke Saath Shaam (Syria) Me Hi Rahete The Aur Kabhi-Kabhi Apni Dusri Biwi, Bibi Hajra Aur Apne Bete Hazrat Ismaayeel (Alaihay Salam) Se Milne Makkah Shareef Aaya Karte They. Ek Baar Hazrat Ibrahim (Alaihay Salam) Kaafi Arse (Bahut Dino) Ke Baad Apne Gharwalo Se Milne Makkah Shareef Aaye Aur Is Beech Hazrat Ismayeel (Alaihay Salam) Ka Nikaah (Shaadi), Makkah Me Hi Rahne Wali Ek Khatoon (Aurat) Se Ho Gaya. Hazrat Ibrahim (Alaihay Salam) Jab Ghar Par Ja Kar Dastak Di Tou UnKi Bahu Se Mulaaqat Huyee. Unki Bahu Ne Unhe Pahechana Nahi Ke Ye Mere Sasur (Father In Law) Hai. Kyon Ki Woh Unhe Paheli Baar Dekh Rahi Thi. Ibrahim (Alaihay Salam) ne apne bete Ismayeel (Alaihay Salam) Ke Baare Me Pochaa Tou Unki Bahu Ne Jawaab Diya Ki, “Woh Ghar Par Nahi Hai, Jungle Gaye Huve Hai Kisi Kaam Se”.

*Hazrat Ibrahim (Alaihay Salam) Ne Poocha, “Aap Log Khair Khairiyat Se To Ho? Aur Aap Logo Ka Guzar-Basar Tou Achchi Tarhaa Se Ho Raha Hai?”
Is Par Unki Bahu Ne Shiqwaa Aur Shiqaayat Bhare Laheze Me Kahaa, “Ham Logo Ke Ghar Me Bahut Tangi Hai, Aur Guzaara Bhi Badi Mushkil Se Hota Hai”.

Apni Bahu Ke Muhh Se Ye Baate Sun Kar Hazrat Ibrahim (Alaihay Salam) Ne Kahaa, “Abhi Tou Main Waapas Ja Rahaa Hoon. Aur Jab Bhi Ismayeel (Alaihay Salam) Aaye Toh Unse Kehana Ki, “Aap Ke Waalid (Father) Aaye They Aur Aap Ke Liye Ek Paigaam (Message) De Gaye Hai Ki, Tumhaare Ghar Ki Chaukhat (Door Frame) Achchi Nahi Hai, Isey Badal Dalo!”.
Jab Ismayeel (Alaihay Salam) Jungle Se Waapas Aaye Tou Unki Biwi (Wife) Ne Unhe Unke Waalid (Father) Ka Paigaam (Message) Suna Diya, Aur Fir Khud Hi Kahaa Ki, “Aap Ke Waalid Ne Ghar Ki Chaukhat (Door Frame) Badalne Ke Liye Kyon Kahaa ? ,. Hamaare Ghar Ki Chaukhat Tou Achchi Hai”.

*Hazrat Ismayeel (Alaihay Salam) Jo Ki Apne Waalid Ke Paigaam Ka Matlab Samajh Gaye They, Apni Biwi Se Kahaa Ki, “Mere Waalid Ne Tumhe Badalne (Talaak Dene) Ke Liye Kahaa Hai, Ghar Ki Chaukhat Se Muraad Tum Ho”.
Aur Ismayeel (Alaihay Salam) Ne Apni Paheli Biwi Ko Talaak De Diya. Aur Kuch Arshe Ke Baad Duri Khatoon (Aurat) Se Nikaah (Shaadi) Kar Liya. Fir Kuch Arshe Ke Baad Dubaara Hazrat Ibrahim (Alaihay Salam), Apne Bete Ismayeel (Alaihay Salam) Se Milne Makkah Shareef Aaye. Is Baar Bhi Jab Ghar Ke Darwaaze Par Dastak Di Toh, Unki Dusri Bahu Se Mulaaqat Huyee. Ibrahim (Alaihay Salam) Ne Un Se Hazrat Ismayeel (Alaihay Salam) Ke Baare Me Poocha. Woh Dusri Bahu Bhi Ibrahim (Alaihay Salam) Ko Nahi Pahechaanti Thi, Kyon Ki Woh Bhi Unhe Paheli Baar Dekh Rahi Thi, Uss Ne Jawaab Diya Ki Ismayeel (Alaihay Salam) Tou Kuch Kaam Se Jungle Gaye Huve Hai.

*Hazrat Ibrahim (Alaihay Salam) Ne Apni Bahu Se Poocha, “Aap Log Khair Khairiyat Se Tou Ho? Aur Aap Logo Ka Guzar-Basar Achchi Tarhaa Se To Ho Rahaa Hai ?”.

Is Par Dusri Bahu Ne Jawaab Diya, “Alham-Du-Lillah. Allah Ta’ala Ka Shukr aur Ahesaan Hai”.
Hazrat Ibrahim (Alaihay Salam) Ne Jab Apni Bahu Ke Muhh Se Ye Baate Suni To Kahaa, “Abhi To Main Waapas Ja Rahaa Hoon, Jab Bhi Ismaayeel Ghar Wapas Aaye Tou Unse Kehna Ki, “Aap Ke Waalid (Father) Aaye They Aur Aap Ke Liye Ek Paigaam De Gaye Hai Ki, “Aap Ke Ghar Ki Chaukhat (Door Frame) Achchi Hai, Ise Sambhal Kar Hifaazat Se Rakhna”.

*Jab Hazrat Ismayeel (Alaihay Salam) Jungle Se Waapas Aaye Tou Unki Dusri Biwi Ne Unhe Unke Waalid Ka Paigaam Suna Diya. Apne Waalid Ka Paigaam Sunkar Ismayeel (Alaihay Salam) Ne Apni Dusri Biwi Se Kahaa, “Mere Waalid Tum Se Khush They, Aur Tumhe Izzat, Ahetaraam Aur Mohabbat Se Rakhne Ke Liye Kahaa Hai”.

Aziz Dosto, Hame Har Haal Me Allah Ka Shukar Adaa Karna Chahiye. Uski Neymato Ki Na-Shukri Nahi Karna Chahiye. Hazrat Ibrahim (Alaihay Salam) Ki Paheli Bahu Ne Allah Ta’ala Ki Na-Shukri Ki Thi, Isi Liye Aap Ne Apne Bete Ko Usey Talaak Dene Ke Liye Kahaa Tha. Jab Ki Dusri Bahu Ne Allah Ta’ala Ka Shukar Adaa Kiya Tou Aap Ne Apne Bete Ko Uss Se Pyar Mohabbat Aur Ahetraam Se Pesh Aane Ke Liye Kahaa.

*Dosto Na Shukri Karne Wale Ko Allah Ta’ala Pasand Nahi Farmaata, Isiliye Apne Rab Ke Shukr Guzaar Bande Bano, Aur Uss Ki Neymato Ka Har Waqt Shukriya Adaa Karte Raho, Jis Se Tumhaari Rozi Roti, Kaam-Dhande, Aulaad Aur Maal-O-Zaar Me Barqat Rahegi. Allah Ta’ala Ham Sab Ko Apna Shukr Guzaar Banda Banaaye. !!!!! Aameen !!!!! Ya Rabbul Alameen !!

Reference: (Virtual study of Mohammed Rafique, Qasas-Ul-Ambiya)

To Be Continue ...

Aage Ki Hiqayat (Part 16) Me Hazrat Hood (Alaihay Salam) Ke Baare Me Zikr Karenge …

Hiqayat: Hood (Alaihay Salam)

• Allah Ta’ala Ne Hood (Alaihay Salam) Ki Nafrman Qoum Ko Saat (7) Din Aur Aath (8) Raat tak Shadeed Aandhee Ke Azaab Se Nest-o-Nabood Kar diya.

Aziz Dosto ,…. Aaj Ham Hood (Alaihay Salam) Ka Ziqr Karenge. Hood (Alaihay Salam) Ek Qoum Jo Ki Aad Aram Ya Aad Aulaa Ke Naam Se Mashhoor Thi Unki Taraf Bheje Gaye. Ye Arab Ki Qadeem Tareen (Puraani) Qoum Thi. In Ka Ilaaqa Hajjaj Yamen Aur Omaan Ke Darmiyaan (Center) Me Tha, Aur Ab Ise Raabia Khaali Ke Naam Se Jaana Jaata Hai. Ye Ilaaqa Ab Sunsaan Biyaaban Registaan Hai, Jahaa Koi Aabaadi Nahi Hai.

*Riwayato Me Hai Ki Ye Qoum Bahut Taqatwar Thi. Ye Log Zameen Ke Andar (Under Ground) Aur Pahaado Ko Kaat Kar Ya Taraash Kar Apne Ghar Banaate The. Allah Ta’ala Ne Toofaane Nooh (Alaihay Salam) Ke Baad Iss Qoum Ko Yahaa Basaaya Aur Inhe Jo Quwat Bakhshi, Vaisi Quwat Duniya Ki Qoum Ko Na Di. Aur In Pe Bade Ahesaanaat Kiye, Lekin Ye Qoum Bhi Sirkash (Hadd Se Aage) Ho Gayee. Aur Boot Parasti Me Lag Gaye.

*Allah Subhanahu Ta’ala Ne Is Qoum Ki Islaah Ke Liye Hood (Alaihay Salam) Ko Bheja. Hood (Alaihay Salam) Ne Apni Qoum Se Kahaa, “Aye Meri Qoum Sirf Allah Ta’ala Ki Ibaadat Karo, Uske Siwaa Koi Ibaadat Ke Laayeq Nahi, Kya Tum Allah Ta’ala Se Darte Nahi ?”.

*Unki Qoum Ke Jo Kaafir Sardaar The Unhone Kahaa - “Ham To Tumhe Hi Naadaan (Kam Aqal) Samajhte Hai, Aur Tumhe Jhootha Samajhte Hai. Hame To Lagta Hai Ki Hamaare Kisi Ma’abood Ne Tum Ko Paagal Banaa (Bahekaa) Diya Hai”.
Hood (Alaihay Salam) Ne Kahaa, "Aye Meri Qoum, Main Naadaan Nahi, Balki Main Toh Sab Jahaano Ke Rab Ka Raasool Hoon, Main Apne Rab Ka Paigaam Tum Tak Pahoochaata Hoon, Aur Main Tumhaari Salaamati Chaahne Wala Aur Khairkhawaah Hoon”.

*Unki Qoum Ke Sardaaro Ne Kahaa, “Tum To Hamaare Jaise Hi Insaan Ho, Aur Ham Sab Taqatwar Jamaat Hai, Jab Ki Tum Kamzor Ho, Ham Kaise Maan Le Ki Tum Allah Ta’ala Ke Nabi Ho?, Koi Mouzzaza Ya Koi Daleel Le Kar Aawo”.
Hood (Alaihay Salam) Ne Kahaa, “Kya Tumhe Is Baat Se Ta’ajjub (Hairat) Huwa Ki Tumahaare Paas Tumhaare Rab Ki Taraf Se Nasihat Tumhaari Hi Qoum Ka Ek Aadmi Le Kar Aaya Hai, Taki Woh Tumhe Daraaye Aur Allah Ta’ala Ke Ahesaanaat Yaad Karaaye, Ke Rab Ne Tumhe Qoum Nooh (Alaihay Salam) Ke Baad Zameen Ka Maalik Banaaya Aur Tumhe Khoob Taqatwar Banaaya, Isiliye Tum Allah Ta’ala Ko Yaad Karo Uss Ki Paaki Bayaan Karo. Taki Tum Falaah (Qaamyaabi) Pa Sako”.
Unki Qoum Ke (Kaafir) Sardaar Kahene Lage, “Kya Tu Hamaare Paas Isiliye Aaya Hai Ki, Ham Sirf Ek Akele Allah Ta’ala Ki Ibaadat Kare, Aur Jinki Ibaadat Hamaare Baap-Dada Karte Rahe Inhe Chhod De?, Agar Tu Sachcha Hai To Jis Azaab Ki Tu Dhamki Deta Hai Use Le Aa”.

*Hood (Alaihay Salam) Ne Kahaa, “Tumhaare Rab Ki Taraf Se Tum Par Azaab Aur Uska Gazab Saabit Ho Chuka Hai, Kya Tum Mujh Se Aise Allahawo (Ma’abood) Ke Naamo Ke Baare Me Jhagadte Ho Jinhe Tumhaare Baap-Dadaavo Ne Khud Hi Ghad (Apne Dil Se Jhootha Rakh) Liya Hai. Jin Ke Liye Allah Ta’ala Ne Koi Dalil Ya Sanad Nahi Utaari Hai, Isi Liye Ab Tum Bhi Intezaar Karo Aur Ham Bhi Intezaar Karte Hai, Rab Ne Jis Azaab Ka Wada Kiya Hai Wo Aa Kar Hi Rahega”.

*Allah Ta’ala Ne Hood (Alaihay Salam) Aur Jo Unpar Imaan Laaye The Un Sab Ko Sahi Salaamat Bachaa Liya Aur Qoum Aad Par Shadeed Aandhee Ka Azaab Musallat Kiya, Jo Ki Saat (7) Raate Aur Aath (8) Din Musalsal (Continue) Chalti Rahi. Un Ke Under Ground Gharo Me Ghus Kar Unhe Patak-Patak Kar Maarti Rahi, Kaafiro Me Se Koi Bhi Na Bach Saka. Iss Tarhaa Puri Qoum Azaab-e-Ilaahi Se Safe Hasti Se Mit Gayee Unka Namo Nishaan Baqi Bhi Na Rahaa. Aur Allah Taala ne Iss Nafarman Qoum ka Hashr bhi Aane wali Qaum Ke Liye Ibrat ki Nishani Banayi.

Reference: (Virtual study of Mohammed Rafique, Qasas-Ul-Ambiya)

To Be Continue ...

Aagli Hiqayat (Part 17) Me Hazrat Saleh (Alaihay Salam) Ke Baare Me Zikr Karenge …

Hiqayat: Saleh (Alaihay Salam)

• Nabi Saleh (Alaihay Salam) Ke Mojze Ke Tour Par Allah Ta’ala Ki taraf Se Aayi Hui Uthni Ke Qatl Aur Allah Ki Naframni Ke Sabab Nabi Saleh (Alaihay Salam) Ke Nafarman Aur Kafir Qoum Ko Dardnak Azaab..

Aziz Dosto ,….. Aaj Ham Saleh (Alaihay Salam) Ka Ziqr Karege . Allah Ta’ala Ne Qoum Aad Ko Azaab Diya Aur Hood (Alaihay Salam) Aur Unke Saath Jo Log Imaan Laaye The Unhe Bacha Liya . Inhi Ki Aulaad Se Qoum Samood Paida Huyee, Jinhe Aad Saani (Dusri) Bhi Kahaa Jataa Hai. Madeena Shareef Se Tabook Shaher Ke Raaste Me Ek Ilaaqa Padta Hai Jise “Madain Saleh” Kahete Hai, Ye Hi Qoum Samood Ya Aad Saani Ka Ilaaqa Kahaa Jaata,
Ise Al-Hijr Bhi Kaha Jata Hai, Yahaa Hazaaro Ekar (Around Thousand Hectares) Me Faila Huwaa Ye Shaher Sunsaan Aur Khandaro (Ruins) Me Tabdeel Huwa Dekh Kar Ye Andaaza Lagaya Ja Sakta Hai Ki, Uss Waqt In Ki Aabaadi Takreeban Paanch (5) Ya Cheh (6) Laakh Tak Hogi.

*Ye Log Pahaado Ko Taraash Kar Isme Apni Rihaayeesh (Rahne Ki Jagaah) Banaate The, Aur Maidaani Ilaaqo Me Aalishaan Mahal Ya Imaarate (Building) Banaya Karte The. Ye Log Bhi Boot Parashti (Murti Pooja) Me Giraftaar The. Aur Apne Kuffar Me Hadd Se Jiyaada Aage Bade Huve The.

*Allah Ta’ala Ne Inki Islaah Ke Liye Inke Beech Hazrat Saaleh (Alaihay Salam) Ko Bheja. Inhone Apni Qoum Me Haq Ki Daawat Dena Shuru Ki, Lekin Kuch Logo Ko Chhodkar Un Par Bhi Koi Imaan Na Laaya. Har Nabi Apni Hi Qoum Se Mabwoos (Paida) Kiya Jaata Hai, Taaki Log Uss Ke Baare Me Bachpan Se Lekar Jawaani Aur Budhaape Tak Ke Unke Kirdaar Ko Jaane. Har Nabi Ya Rasool Ya Paigamber Ki Ye Khaasiyat Hoti Hai Ki Woh Shuru Se Hi Sachca, Imaandaar, Nek, Paak, Amaanatdaar Hota Hai, Unki Qoum Ke Log Bhi Unhe Sachcha, Imaandaar Aur Nek Maante Hai, Lekin Jab Woh Hi Nabi Apne Nabi Ya Apni Naboowat Ka Ailaan Karta Hai To Yahi Log Jo Unhe Sachcha Aur Imaandaar Maante Hai Woh Uss Nabi Ko Jhutla Dete Hai, Uska Mazaaq Udaate Hai. Aur Us Ki Naboowat Ka Inqaar Karte Hai.

*Hazrat Saaleh (Alaihay Salam) Ne Apni Qoum Se Kahaa - Aye Meri Qoum ! Sirf Ek Akele Allah Ta’ala Ki Ibaadat Karo, Uske Siwaa Koi Ibaadat Ke Laayeq Nahi Hai, Aur Wo Waqt Yaad Karo Jab Qoum Aad Ke Baad Allah Ta’ala Ne Tumhe Is Zameen Ka Waarish Banaaya, Aur Is Ilaaqe Me Tumhe Aabaad Kiya, Tumhe Quwat Bakhshi Ke Tum Maidaani Ilaaqo Me Mahal Banaate Ho, Aur Pahaado Ko Taraash Kar Ghar Bana Lete Ho, Isiliiye Tum Allah Ta’ala Ke Ahsanaat Ko Yaad Karo Aur Zameen Me Fasaad Na Failaate Firo”

*Unki Qoum Ke Ghamandi Ameer Sardaaro Ne Unn Kamzor Aur Gareeb Logo Ko Jo Hazrat Saaleh (Alaihay Salam) Par Imaan La Chuke The Kahaa, “Kya Tum Yaqinan Jaante Ho Ki Hazrat Saaleh (Alaihay Salam) Apne Rab Ki Taraf Se Bheje Huve Rasool Hai?.”

*Un Kamzor Aur Gareeb Logo Ne Kahaa, “Haan Ham Hazrat Saaleh (Alaihay Salam) Par Bhi Imaan Laaye Aur Jo Kuch Inhe Dekar Bheja Gayaa Hai Uss Par Bhi”.

*Is Par Unn Ameer Ghamandi Sardaaro Ne Kahaa, “Jis Baat Par Tum Log Imaan Laaye Ho, Ham To Use Man’ne Wale Nahi”.

*Lekin Jab Saaleh (Alaihay Salam) Unhe Baar Baar Haq Ki Daawat Dete Rahe To Unki Qoum Ke Sardaaro Ne Kahaa, “Ham Tujhe Jhutha Samajhte Hai, Agar Tu Sahi Me Apne Rab Ka Bheja Huwaa Rasool Hai To Apne Rab Ke Paas Se Koi Moazza (Nishaani) Le Kar Aa. Nahi To Ham Tujh Par Aur Teri Baato Par Imaan Nahi Laane Wale”.

Dosto Har Rasool Se Unki Qoum Ke Kaafir Sardaar Kisi Na Kisi Mouazze (Rab Ki Nishaani) Ki Maang Karte Hi Rahe Hai. Lekin Jab Uss Qoum Me Bheje Gaye Rasool Ki Duwaa Se Allah Ta’ala Koi Nishani Bhej Deta To Nishaani Dekh Lene Ke Baad Bhi Woh Log Imaan Na Laate Aur Apne Kufar Pe Qaayem Rahte. Lekin Allah Ta’ala Ki Sunnat (Tarika) Ye Hai Ki Pahele To Woh Apne Bando Ko Apne Nabi Aur Rasool Ke Zariye Samjhata Hai, Aur Fir Kaafiro Ke Mataalbe (Maang) Ke Mutaabiq Apni Nishaaniya Bhi Zaahir Karta Hai Aur Uss Nishaani Ko Dekh Lene Ke Baad Bhi Agar Kaafir Imaan Na Laaye To Unhe Bada Sakhat Azaab Deta Hai .

*Saaleh (Alaihay Salam) Ki Qoum Ke Kaafir Sardaaro Ne Unse Kahaa, “Hamaari Aankho Ke Saamne Us Pahaadi Se Ek Uootni (Female Camel) Nikal Aaye Aur Hamaari Hi Aankho Ke Saamne Wo Uootni Bachcha Paida Kare”.
Saaleh (Alaihay Salam) Ne Allah Ta’ala Se Duwaa Ki, Usi Waqt Wo Pahaadi Fat Gayee Aur Us Me Se Ek Bahut Badi Uootni Jo Aam Uoonto (Camel) Ke Muqaable Bahut Badi Thi Nikal Aayee Aur Us Ne Thodi Der Ke Baad Un Kaafir Sardaaro Ke Saamne Hi Ek Bachchi (Uootni) Ko Paida Kiya.

*Saaleh (Alaihay Salam) Ne Kahaa, “Ye Allah Ta’ala Ki Uootni Hai Aaj Se Tumhaare Sab Jaanwar Aur Iss Uootni Ke Paani Pine Ka Din Muqarrar Hai, Ek Din Tumhaare Sab Jaanwar Aur Ek Din Ye Uootni Paani Piyegi. Aur Ise Chhod Do Ki Jahaa Chaahe Ghume Feere Aur Jahaa Se Chaahe Chaara (Graas) Khaaye, Aur Khabardaar Koi Isko Buri Niyat Se Haath Na Lagaaye Aur Naa Hi Isko Koi Nuksaan Pahoochaaye, Warna Tum Ko Allah Ta’ala Ka Azaab Aa Ghere Ga”.’

*Dosto Allah Ta’ala Ne Jis Tarhaa Aadam (Alaihay Salam) Ko Bina Maa-Baap Ke Paida Kiya Aur Isaa (Alaihay Salam) Ko Bina Baap Ke Paida Kiya Usi Tarhaa Iss Uootni Ko Bhi Bina Maa-Baap Ke Paida Kiya, Aur Ye Sab Rabbe Ta’ala Ke Liye Koi Mushkeel Kaam Nahi Woh Jis Cheez Ka Iraadah Kar Leta Hai To Kaheta Hai “Ho Jaa” To Wo Cheez Ho Jaati Hai. Hamaraa Rab Hi Zindagi Dene Wala Aur Mout Dene Wala Aur Mout Ke Baad Dubaara Zinda Karne Wala Hai. Har Cheez Uske Kabza-e-Qudrat Me Hai Aur Woh Har Cheez Ka Maalik Hai, Hame Uski Hi Ibaadat Karni Chaahiye Kyonki Uske Siwaa Koi Bhi Ma’abood Ibaadat Ke Laayeq Nahi!!!

*Dosto Arab Jaise Registaan Me Paani Ki Kya Keemat Hoti Hai, Aap Samajh Hi Sakte Honge. Dosto Jitna Paani Un Kafiro Ke Sabhi Jaanwar Ek Din Me Pitey They Uss Se Kayee Jiyaada Paani Wo Uootni (Camel) Akele Piti Thi Aur Chaara (Graas) Bhi Jiyaada Khati.

Ye Allah Ta’ala Ki Un Kaafir Hathdharmiyo Ke Liye Ek Azmaayeesh Thi.
- Ab Wahaa Paaani Ki Killat Hone Lagi, Aur Iski Wazaah Se Wo Kafir Pareshan Hone Lage. Tab Un Logo Ne Apne Sab Bado Ki Mahefil Bulaayee Aur Is Musibat Se Kaise Niptaa Jaaye Is Par Salah-Mashwara Karne Lage. Aakhir Me Ja Kar Woh Log Iss Baat Par Raazi (Sahemat) Huve Ki Us Uootni Ko Hi Maar Dala Jaaye Aur Is Musibat Se Chhutkaara Paya Jaaye Aur Saath Hi Hazrat Saaleh (Alaihay Salam) Ko Bhi Qatl Kar Diya Jaaye.

*Un Logo Ne Ye Naapaak Kartoot Ko Karne Ke Liye Do (2) Giroh Bana Diye, Ek Giroh Uootni Ka Qatal Karega Aur Dusra Giroh Hazrat Saaleh (Alaihay Salam) Ka Qatal Karega.

*Jin Logo Ko Uootni Ke Qatal Karne Ke Liye Chuna Gaya Uss Me Se Ek Badbakht Ne Uootni Ko Qatal Karne Ki Zimmedari Apne Upar Li. Aur Usne Uss Uootni Ki Talwaar Se Taange (Legs, Koonche) Kaat Diye, Dard Ki Wajaah Se Us Uootni Ne Ek Zordaar Cheekh Maari Aur Apne Bachche Samet Usi Pahaadi Me Jaha Se Aayee Thi Gaayeb Ho Gayee. Idhar Jab Hazrat Saaleh (Alaihay Salam) Ko Iski Khabar Huyee Tou Woh Bahut Ranzeeda (Gamgeen) Ho Gaye Aur Jo Log Unpar Imaan Laaye They Unko Saath Le Kar Uss Basti Se Bahut Door Chale Gaye, Lekin Jaate Jaate Unhone Apni Qoum Ke Kaafir Sardaaro Se Kahaa - “Tum Log Teen (3) Din (Days) Mouj-Maze Karlo Fir Iske Baad Tumhe Allah Ta’ala Ka Azaab Aa Gherega”.

*Aur Hazrat Saaleh (Alaihay Salam) Ke Kahe Mutaabiq Teen (3) Din Baad Ek Zabardast Zalzalaa (Earth Queck) Aaya, Aur Un Kaafiro Ke Saare Aalishaan Makaan, Mahal Sab Zamidoz Ho Gaye, Aur Woh Sab Kaafir Apni Jaan Bachane Ke Liye Pait (Stomach) Ke Bal Let Gaye Aur Usi Waqt Ek Zabardast Chinghaad (Awaaz) Huyee Aur Wo Saare Kaafir Hallaq Kar Diye Gaye. Iss Tarah Uss Kaafir Qoum Par Allah Ta’ala Ka Dardnaak Azaab Aaya Aur Koi Bhi Na Bach Saka.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Shoaib (Alaihay Salam)

• Nabi Shoiab (Alaihay Salam) Ki Nafrman Qoum Ko Allah Taala Ne Aag Ke Sholey Aur Zameen Ke Zalzale Se Halaq Kar Diya.

Aziz Dosto ,….. Aaj Ham Hazrat Shoaib (Alaihay Salam) Ka Ziqr Karege. Hazrat Shoaib (Alaihay Salam) Hazrat Musa (Alaihay Salam) Ke Sasur The, Inka Waqiya Hazrat Musa (Alaihay Salam) Se Pahele Ka Hai. Yaman Se Shaam (Siriya) Aur Iraq Se Mishr (Egypt) Ki Shahraah (Main Road, Bada Raasta) Ke Chowk (Crossing, Chouraasta) Par Ek Basti Aabaad Thi Aur Wo Aaj Bhi Hai, Us Basti Ka Naam Madyan Ya Al Aikaah Tha, Al Aikaah Ka Matlab Ghana Darakht (Tree) Ya Ghana Jungle Ke Bhi Hota Hai, Jo Ki Red Sea (Bahar-e-Ahmar Ya Laal Saagar) Ke Kinaare Basi Huyee Thi.

*Ye Ek Puraani (Old) Tijaarati (Business) Shahraah Thi Jo Yaman Makkah Se Hotey Huve Shaam (Siriya) Tak Jaati Thi. Jis Par Makkah Ke Quraish Ke Log Tijaarat Kar Ke Bahut Khush Haal Ho Gaye The, Aur Madyan Ka Pura Ilaaqa Tijaarati Chowk Ya Tijaarati Mandi (Bazaar) Ban Gaya Tha, Wahaa Ke Rahnewale Logo Ne Tijaarat Kar Ke Khoob Faayeda Kamaaya Aur Khoob Maaldaar Ho Gaye The. Ye Log Ibrahim (Alaihay Salam) Ke Bete Ishaq Aur Unke Bete Madyan Ki Aulaado Se Ta’alluq Rakhte The, Isi Wazaah Se Inhe Ahle Madyaan Ya Ahle Madyen Kahaa Jaata Tha. Qur’an Majeed Me Ek Jagaah Inhe As-Haabe Al Aikaah Bhi Kahaa Gaya Hai.

*Ye Log Boot Parasti (Murti Pooja) Ke Alawaa Bhi Dusre Gunaaaho Me Hadd Se Badh Gaye They. Jaise Ki Anaaj Aur Dusre Samaano Me Milaawat Karna, Saamaan Kum Toul Kar Dena (Dandi Marna Ya Beimaani Karna), Jinse Saamaan Lena Hai To Jiyaada Le Lena Aur Bhi Bahut Si Khuraafaate Kiya Karte They.

*Allah Ta’ala Ne Is Qoum Ki Islaah Ke Liye Hazrat Shoaib (Alaihay Salam) Ko Iss Qoum Ki Taraf Bheja. Hazrat Shoaib (Alaihay Salam) Ne Apni Qoum Se Kahaa, “Aye Meri Qoum Ke Logo, Allah Ta’ala Wahdahu La ShariqalaHu Ki Ibaadat Karo, Uske Siwaa Koi Bhi Ma’abood Ibaadat Ke Laayeq Nahi, Tumhaare Paas Tumhaare Rab Ki Taraf Se Khuli Dalil (Nishaaniya) Aa Chuki Hai, Isiliye Tum Maap-Toul Pura Rakha Karo, Aur Logo Ko Unki Cheeze Kam Na Diya Karo, Aur Zameen Me Islaah Ho Jaane Ke Baad Is Me Bigaad Na Paida Karo, Ye Baat Tumhaare Liye Bahut Behtar (Achchi) Hai , Agar Tum Momin Ho, Aur Raaste Me Raahzan (Lutere) Ban Kar Mat Baith Jaawo Ke Logo Ko Dhamkaate Firo, Aur Jo Shakhs (Aadmi) Allah Ta’ala Par Imaan Laaye Usey Uski Raah Se Mat Rokne Lago, Aur Apne Gunaaho Par Jam Kar Mat Baith Jaawo, Aur Wo Waqt Yaaad Karo Jab Tum Log Thodey Se They. Tou Allah Ta’ala Ne Tumhe Jiyaada Kar Diya Aur Tumhe Doulat Se Nawaaz Diya. Aur Ye Bhi Dekho Ki Buraayee Aur Fasaad Karne Walo Ka Kya Anjaam Hota Hai. Aur Jo Kuch Mujhe Rab Ne De Kar Bheja Hai Tum Agar Uss Par Imaan Na Laaye To Sabar Karo Ke Allah Ta’ala Tumhaare Aur Hamaare Darmiyaan Faislaa Kar De, Aur Woh Hi Sab Se Behtar Faislaa Karne Wala Hai.

*Unn Ki Qaum Ke Ghamandi Aur Maaldaar Sardaaro Ne Kahaa, “Aye Shoaib (Alaihay Salam) ! Ham To Ye Samajhte Hai Ki Tum Par Kisi Ne Jaadoo Kar Diya Hai, Ham Teri Baat Na Maanege. Tum Aur Jo Log Tum Par Imaan Laaye Hai Agar Apne Baap-Dada Ke Deen (Mazhab) Par Waapas Na Aaye To Ham Log Tum Sab Ko Apni Basti Se Nikaal Baahar Karege”.
Hazrat Shoaib (Alaihay Salam) Ne Kahaa, “Khawaah Agar Ham Tumhaare Deen Ko Pasand Na Kare Tab Bhi ? Ham Logo Ka Tumhaare Deen Par Loutne Ka Sawaal Hi Nahi Uthta.

*Agar Ham Tumhaare Deen Me Waapas Aa Gaye To Iska Matlab Ye Hoga Ki Ham Ne Allah Ta’ala Par Jhooth Baandha Ya Allah Ta’ala Ke Baare Me Jhooth Kahe Rahe Hai. Jab Ki Haqiqat To Ye Hai Ki Allah Ta’ala Ne Hame Tumhaare Jhoothe Deen Se Chhutkaara Diya (Nizaat Di) Aur Hame Haq Ki Raah Dikhaayee Hai, Ab Hamaara Tumhare Deen Me Loutna Mumkin Nahi Hai, Alaawa Is Ke Ki Allah Ta’ala Ki Maishiyat (Agar Allah Ta’ala Chaahe) Ho Ya Allah Ta’ala Ki Is Me Razaa Ho. Hmaare Rab Ke Ilm Ne Har Cheez Ko Gher Rakha Hai, Ham Allah Ta’ala Par Hi Bharosa Rakhte Hai, Aye Hamaare Rab ! Hamaare Aur Hamaari Qoum Ke Darmiyaan Insaaf Se Faislaa Kar De Aur Tu Hi Sab Se Behtar (Achcha) Faislaa Karne Wala Hai”

*Iss Par Unki Qoum Ke Doulatmand Sardaaro Ne Kahaa, “Agar Ham Tumhaari Baat Maan Le To Hamara Nuksaan Ho Jaayega Aur Hamara Kaam Dhandha Choupat Ho Jayega”. Hazrat Shoaib (Alaihay Salam) Ne Kahaa, “Tum Log Jo Tijaarat Karte Ho Uski Bachat Hi Tumhaare Liye Behtar Hai, Aur Allah Ta’ala Tumhaari Uss Bachat Me Bahut Barqat Dega”.
Lekin Unki Qoum Ke Doulatmand Logo Ne Unki Daawat Ko Thukra Diya Aur Jo Log Imaan Laaye The Unhe Bhi Hazrat Shoaib (Alaihay Salam) Ke Paas Jaane Se Rokne Lage.

*Dosto Yahaa Ek Baat Gour Karne Laayeq Hai Ki, Allah Ta’ala Ne Jitne Bhi Ambiya (Alaihe Assalaam) Bheje Unke Sab Se Bade Dushman Unki Hi Qoum Ke Doulatmand, Ghamandi Aur Choudhri Aur Sardaar Kism Ke Log Huwaa Karte The, Iski Wajaah Ye Nahi Thi Ke Unhe Haq Baat Samajh Nahi Aati Thi, Balki Iski Wajaah Ye Hoti Thi Ke Nabiyo Ki Dawat Par Sab Se Pahele Labbaik Kahne Wale Gareeb Aur Miskeen Log Aur Samaaj Ka Pasmaanda Tabqe Ke Log Huwaa Karte The, Aur Agar Aisi Haalat Me Woh Doulatmand Aur Amir, Sardaar Kism Ke Log Us Nabi Ki Ita’at Qabool Karte Tou Is Par Un Logo Ki Huqumat Unka Iqtedaar (Raaj-Paat), Hukumat Khatam Ho Jaane Ka Darr Rahta, Aur Dusri Baat Ye Thi Ke Agar Nabi Ki Baat Maan Le To Unhe Bhi Apne Se Kamzor Aur Miskeen Gareeb Logo Ki Saf (Line) Me Shameel Hona Padta. Jo Log Kayee Sadiyo Se Gareebo Aur Miskeeno Ko Apna Gulaam Banaaye Huve The Unhe Iss Baat Ko Tasleem (Qabool) Karna Gawaara Na Tha .

*Aur Gareeb Log Sab Se Pahele Isiliye Labbaik Kahete The Ki Unhe Is Me Apni Nizaat (Aazaadi) Ki Raah Nazar Aati Thi. Ab Jo Log Bhi Nabi Ki Daawat Ko Qabool Karte To Ye Doulatmand Aur Sardaar Log Ye Kahe Kar Use Rokte Ki Woh Nabi To Hamaari Tarhaa Bashar Hai, Hamari Tarhaa Khata Pita Hai Aur Bazaaro Me Ghumta Hai, Uski Baate Na Maano, Woh Chaahta Hai Ki Tumhe Iqtedaar Se Hataa Kar Khud Iqtedaar Haaseel Karle.

Hazrat Shoaib (Alaihay Salam) Ne Apni Qoum Ke Logo Se Kahaa, Kya Tum Allah Ta’ala Se Nahi Darte Aur Tumhe Allah Ta’ala Ka Khouf Nahi Hai ?. Main Tumhaari Taraf Allah Ta’ala Ki Taraf Se Bheja Gaya Amaanatdaar Rasool Hoon, Main Tumhaari Bhalaayee Chaahta Hoon, Allah Ta’ala Se Daro Aur Meri Farmabardaari Aur Ita’at Karo. Main Apne Is Kaam Ke Liye Tumse Koi Mehantaana (Uzrat, Mazdoori) Nahi Maangta. Mera Ajar (Kamaayee Ya Majdoori) To Allah Ta’ala, Jo Ki Dono Jahaan Ka Paalne Wala (Rab) Hai Uske Paas Hai, Tum Log Naap-Taul Pura Diya Karo Aur Sidhi Taraazoo Se Toula Karo Aur Achchi Cheezo Me Buri (Khabeesh) Cheez Mila Kar Mat Diya Karo”.

*Unki Qoum Ke Kaafir Sardaaro Ne Kahaa, “Ham To Tujhe Apni Hi Tarha Ka Insaan Samajhte Hai, Aur Ham Tujhe Aur Jo Tujh Par Imaan Laaye Sab Ko Jhootha Samajhte Hai. Ham Teri Baat Par Hargeez Imaan Na Laayege, Agar Tu Sachcha Hai To Ham Par Aasmaan Ka Koi Tukda Gira De Ya Jiski Tu Hame Dhamki Deta Hai Wo Azaab Le Aa”.

Hazrat Shoaib (Alaihay Salam) Ne Kahaa, “Mera Rab Khoob Jaanne Wala Hai Jo Kuch Tum Log Kar Rahe Ho”.
Is Tarhaa Hazrat Shoaib (Alaihay Salam) Ki Qoum Ke Logo Ne Unhe Jhuthlaa Diya Aur Siwaaye Thode Se Logo Ke Baaqi Ne Imaan Na Laaya. Ab Kyonki Un Kaafiro Ne Unhe Jhuthlaa Diya Aur Azaab Ki Maang Ki To Unhe Sayaa (Chaavo Ya Shadow) Wale Din Ke Azaab Ne Pakad Liya, Woh Bade Bhari Din Ka Azaab Tha.

*Allah Ta’ala Ne Hazrat Shoaib (Alaihay Salam) Aur Jo Log Un Par Imaan Laaye The Unhe Bachaa Liya. Aur Jin Logo Ne Kufr Kiya Aur Hathdharmi Dikhate Huve Azaab Ki Maanng Ki Thi Allah Ta’ala Ne Un Par Azaab Naazil Kar Diya.
Kuch Riwaayato Me Aaya Hai Ki Saat Din (7 Days) Un Logo Par Sakht Garmi Aur Dhoop Musallat (Daal Di Gayee) Kar Di Gayee Is Se Woh Log Bad-hawaas Ho Gaye. Is Ke Baad Aasmaan Par Ek Kaala Ghanaa Baadal Chhaa Gayaa, Aur Woh Sab Kaafir Garmi Aur Dhoop Ki Siddat (Tezi) Se Bachne Ke Liye Us Kaale Ghane Baadal Ke Niche Jamaa Ho Gaye Taki Kuch Raahat Ki Saans Mil Sake Aur Dhoop Aur Garmi Se Chhutkaara Mil Sake, Lekin Achaanak Aasmaan Se Aag Ke Sholey Barasne Lage, Zameen Bhi Zalzale Se Larajne Lagi (Kaapne Lagi, Hilne Lagi) Aur Ek Zordaar Chinghaad (Aawaaz) Ne Sab Ko Mout Ki Neend Sula Diya. Aur Is Tarhaa Sare Kaafir Halaaq Kar Diye Gaye.

*Dosto Isiliye Bahut Zaroori Hai Ki Hum Allah Ta’ala Ki Ibaadat Kare Aur Har Waqt Uss Se Apne Gunaaho Ki Maafi Maangte Rahe. Allah Ta’ala Ne Hume Mohlate Isiliye Di Hai Ki Ham Apne Gunaaho Par Naadeem Ho Sharminda Ho Aur Sachche Dil Se Touba Kare, Zindagi Ka Koi Bharosa Nahi Na Jaane Kis Modh Par Mout Ka Farishta Hamaara Intezaar Karta Ho, Is Se Pahele Ki Mout Aa Jaaye Apne Gunaaho Ki Touba Kar Lo. Is Ke Pahele Ki Tumhari Namaaz (Janaaza) Padhi Jaye, Bhaiyo Namaaze Padho. Hamara Rab Beshaq Sab Gunaaho Ko Maaf Karne Walaa Aur Bada Rahem Karne Wala Meharbaan Hai.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Hazrate Yaqoob (Alaihay Salam) Ke Baraah (12) Beto me Se Yahood Naam Ke Bete Se Yahudiyon (Bani Israayeel) Ka Silisla Shuru Hua.

Aziz Dosto ,…. Aaj Ham Hazrat Musa (Alaihay Salam) Aur Hazrat Haroon (Alaihay Salam) Ka Ziqr Karege . Dosto Hazrat Musa (Alaihay Salam) Mishar (Egypt ) Me Paida Huve . Hazrat Musa (Alaihay Salam) Aise Akele Nabi Hai Jinka Ziqr Qur’an Majeed Me Sab Se Jiyaada Huwa Hai . Aur Hazrat Musa (Alaihay Salam) Ke Kisse (Waqyaat) Bhi Bahut Hai . Inhe Allah Ta’ala Se Hamkalaami (Baate Karne) Ka Sharaf Bhi Haasil Hai. Isiliye Inhe Kaleem Ulaah Ke Laqab Se Bhi Jaana Jaate Hai .

Yahoodi Inhe Allah Ka Darza Dete Hai (Nauzbillah) Aur Hazrat Uzair (Alaihay Salam) Ko Allah Ka Beta Kahete Hai (Nauzbillah) Jab Ki Hazrat Musa (Alaihay Salam) Aur Hazrat Uzair (Alaihay Salam) Sab Allah Wahdahu La Shariqalahu Ke Bande Aur Rasool The Aur Allah Ta’ala Ki Iabaadat Karte The. Yahoodiyo Ko Qur’an Majeed Me Bani Israayeel (Israayeel Ki Aulaad) Ke Naam Se Bhi Pukaara Gayaa Hai. Hazrat Ibrahim (Alaihay Salam) Ke Bete Hazrat Ishaq (Alaihay Salam) Aur Unke Bete Yaqoob (Alaihay Salam) Ka Ek Naam Israayeel Bhi Tha, Jis Ka Matlab Hai Allah Ta’ala Ka Banda Ya Farmaabardar. Hazrat Yaqoob (Alaihay Salam) Ke Baraah (12) Bete The Jo Ki Baraah (12) Qabile Me Bat Gaye The.

*Hazrat Yaqoob (Alaihay Salam) Ek Bete Ka Naam Yahood Tha, Yahoodi Usi Qabile Ki Aulaad Hone Ki Wajaah Se Yahood Ya Bani Israayeel Kahelaaye. Yahood Lafz Hawadatun Lafz Se Bana Hai, Jiska Matlab Mohabbat Hota Hai Ya Tahawwood Se Bana Hai Jiska Matlab Toubaa Karne Walaa Hota Hai, Isiliye Shuruwaat Me Inka Ye Naam Asal Me Touba Karne Ya Ek Dusre Se Mohabbat Rakhne Ki Wajaaz Se Padaa.

*Ummat-e-Mohammadi (Sallallahu Alaihay Wasallam) Se Pehele Ye Ummat Sab Se Afzal Ummmat Thi, Allah Ta’ala Ne Bani Israyeel Par Bahut Ahesanaat Kiye Jin Ka Ziqr Qur’an Majeed Me Jagaah-Jagaah Par Kiya Gaya Hai. Aur Sab Se Jiyaada Paigambar (Alaihay Salam) Isi Ummat Ki Rahenumaaye Aur Bhalaayee Ke Liye Mabwoos Huve Ya Bheje Gaye.

*Allah Ta’ala Ne Bani Israyeel Par Bahut Se Inaamaat Bhi Kiye Aur Har Tarhaa Se Is Ummat Ko Nawaaza. Lekin Ye Ummat Badbakhat Ho Gayee. Aasmaani Kitaabo Ya Shahifo, Jaise Tauret Aur Zaboor Jo Inki Raahenumaayee Ke Liye Naazil Ki Gayee Thi, Uss Me Apne Faayede Ke Liye Fer-Badal Karne Lage Aur Raahe Raast Se Bhatak Kar Gumraah Aur Zalil Ho Gaye. Ye Qoum Itni Badbakhat Thi Ki Allah Ta’ala In Ki Islaah Ke Liye Jo Nabi Ya Rasool (Alaihay Salam) Bhejte Ye Unhe Qatal Kar Daalte, Yahaa Tak Ki Ek Din Me Kayee-Kayee Nabiyo (Alaihay Salam) Ko Qatal Kar Diya. Inke Beech Jo Bhi Rasool Ya Nabi Aata Ye Uski Baat Nahi Maante The. Aur Na Us Par Imaan Laate. Aur Apne Bad Bakhti Aur Bure Amal Me Hadd Se Aage Badh Gaye. Qur’an Majeed Me Sab Se Jiyada Inhi Ko Mutawazze Kar Ke Baate Ki Gayee Hai, Kyonki Ye Sab Log Madina Shareef Ke Aitaraaf Me Base Huve The.

*Inhi Logo Ko Baar-Baar Islaam Ki Daawat Di Jaati Lekin Ye Log Apni Hathdharmi Aur Allah Ta’ala Ki Nafarmaani Ki Wazaah Se Imaan Na Laaye. Waise Ye Qoum Yahood Shuru Se Hi Doulatmand Rahi Hai Aur Aaj Bhi Ye Bahut Bade Doulatmand Hai. Lekin Isi Doulat Aur Hathdharmi Ne Inhe Allah Ta’ala Ka Naafarmaan Aur NaShuqra Banaa Diya. Aaj Jitni Bhi Bad’Akhlaaqi Buraayee Aur Besharmi Faili Huyee Hai Sab In Hi Malwoono Ki Den Hai,

Banking System Inhi Ki Den Hai Jo Ki Sood Par Bana Huwa Hai Jab Ki Inki Shariyat Me Bhi Sood Lena Haraam Tha. Aaj Jitne Bhi Bade-Bade Kaarkhaane Aur Manufacturer Companies Hai, Suyee (Needle) Se Le Kar Airplane Banane Tak, Chaahe Wo Kisi Bhi Mulk Me Ho.

Aziz Dosto ,…… Qur’an Majeed Me Sab Se Jiyada Aayate Ya Ziqr Hazrat Musa (Alaihay Salam) Ka Huwa Hai , Aur Jahaa Bhi Unka Ziqr Huwa Hai Wahi Par Yahoodiyo Ko Baar-Baar Nasihate Di Gayee Aur Unhe Haq Ki Daawat Qabool Kar Ne Ke Liye Kahaa Gayaa. Allah Ta’ala Ne Unhe Un Par Kiye Gaye Ahesaanat Yaad Dilaaye. Aur Un Par Jo Azaab Unki Kartooto Ki Wazaah Se Musallat Kiye Gaye The Us Se Nizaat De Kar Jo Inaamat Diye Us Ki Bhi Yaad Dahaani Karaayee, Lekin Ye Yahood Qoum Itni Badbakhat Thi Ke Laakh Samjhane Par Aur Azaab Ki Dhamki Dene Ke Baawjood Imaan Na Layee Aur Apni Hathdharmi Aur Khabaasat Par Qaayem Rahi. Aisa Nahi Tha Ki Un Logo Ko Haq Ki Baat Samajh Me Nahi Aati Thi.

*Woh Log Haq Ki Baat Achchi Tarhaa Jaante The, Kyonki Woh Log Jo Kitaabe (Taurat Aur Zaboor) Ya Sahife Padhte The Us Me Bhi Nabi Aakhiri-Uz-Zama Ke Aane Ka Ziqr Tha, Aur Woh Log Bhi Besabri Se Akhiri Nabi Ke Aane Ka Intezaar Kar Rahe The. Aur Madeena Me Rahne Wale Log Jo Abhi Imaan Na Laaye The Unse Aakhiri Aane Wale Nabi Ka Ziqr Kiya Karte The, Aur Kahete The Ki Jab Woh Aakhiri Nabi (Alaihay Salam) Aayenge Toh Ham Sab Se Pahele Un Par Imaan Laayege Aur Un Ke Saath Milkar Dushman Qaumo Se Jihaad Karege Ya Jung Ladhege Aur Apne Dushmano Par Fataah Paayege. Aur Nabi Aakhiri-Uz-Zama (Sallallahu Alaihay Wasallam) Ke Aane Ke Pahele Unke Naam Ka Waseela Lekar Allah Ta’ala Se Duwaa Karte Aur Jange Ladhte Aur Qaamyaab Bhi Hote.

♥ Qur’an Majeed Me Surah Bakraah Me Allah Ta’ala Ne Yahoodiyo Se Mukhatib Ho Kar Farmaaya,
Ahle Kitaab (Yahood Aur Nasara) Haq Baat Ko Usi Tarhaa Pahechaante Hai Jis Tarhaa Apni Aulaado Ko Pahechante Hai”, Aur Ye Bhi Farmaaya, “Haq Baat Ko Pahechaante Huve Us Ka Inqaar Mat Karo Aur Sab Se Pahele Kaafir Na Bano”.

*Dosto Yahaa Par Ek Sawaal Aapke Jehan (Mind) Me Uth’ta Hoga Ki In Logo Ko Baar-Baar Samjhaane Aur Nasihate Karne Ke Baawjood Ye Log Imaan Kyon Nahi Laaye Aur Apni Hathdhrmi Par Kyon Qaayem Rahe ? To Iska Jawaab Ye Hai, JeSe Ki Hamne Pahele Bhi Likha Hai Ki Ummate Mohammad (Sallallahu Alaihay Wasallam) Se Pahele Ye Qoum Sab Se Afzal (Behtar) Qoum Thi, Kyonki Sab Se Jiyaada Paigambar (Alaihe As Salaam) In Hi Ki Qoum Me Se Maboos (Paida) Kiye Gaye. Isi Wazaah Se In Logo Ko Ye Bad Gumani Ho Gayee Ki Ham Log Paigambro Ki Aulaade Hai, Aur Ham Allah Ta’ala Ke Chahete Hai Aur Allah Ta’ala Ham Se Mohabbat Karta Hai, Isiliye Ham Log Jehannum Me Nahi Jaayege Aur Agar Gaye Bhi To Thodi Si Hi Muddat Ke Liye.

*Aur In Logo Ka Ye Gumaan Tha Ki Aakhiri Paigambar (Alaihay Salam) Jo Aayenge Woh In Hi Ki Qoum Se Hoge. Kyonki Hazrat Ibrahim (Alaihay Salam) Ke Baad Jitne Bhi Nabi (Alaihe As Salaam) Bheje Gaye Woh Sab Unke Bete Hazrat Ishaq (Alaihay Salam) Ki Nasl Se The. Aur Yahoodi Bhi Hazrat Ishaq (Alaihay Salam) Ki Nasl Se The. Lekin Allah Ta’ala Ne Aakhiri Nabi Mohammed (Sallallahu Alaihay Wasallam) Ko Hazrat Ibrahim (Alaihay Salam) Ke Dusre Bete Hazrat Ismaayeel (Alaihay Salam) Ki Nasl Me Mabwoos (Paida) Kiya. Ye Hi Baat In Yahoodiyo Se Bardast Na Huyee Kyonki Woh Apne Aap Ko Duniya Ki Har Qoum Se Afzal Samajhte The Aur Dusri Qoumo Ko Haqir Aur Jaahil Gawaar Samajhte The. Aur Jab Aakhiri Nabi Mohammed (Sallallahu Alaihay Wasallam) Dusri Qoum Me Tasreef Laaye To Haq Baat Jaante Huve Bhi In Yahoodiyo Ne Unki Risaalat Ka Inqaar Kiya Aur Mohammed (Sallallahu Alaihay Wasallam) Par Aur Un Par Naazil Qur’an Majeed Par Imaan Na Laaye.

Aur In Badbakhto Ne Ye Bhi Ilzaam Lagaaya Ki Hazrat Ismaayeel Jo Ki Hazrat Ibrahim (Alaihay Salam) Ki Dusri Biwi, Bibi Haajraa Se Paida Huve The Aur Bibi Haajraa, Hazrat Ibrahim (Alaihay Salam) Ki Gulaam (Kaneez) Thi Aur Unka Nikaah Nahi Huwaa Tha (Nouzbillah) Isiliye Hazrat Ismaayeel (Alaihay Salam) Bagair Nikah Ki Aulaad Hai (Nouzbillah) Lekin Allah Ta’ala Ne Qur’an Majeed Me Bibi Haajraa Ko Hazrat Ibrahim (Alaihay Salam) Ki Biwi (Wife) Kaha aur farmaya ke Unka Nikaah Bhi Huwaa Tha.

*Allah Ta’ala Sab Kuch Jaan’ne Wala Hai Aur Har Baat Se Ba-Khabar Hai, Aur Jis Baat Ki Gawaahi Allah Ta’ala De, Us Se Badi Koi Dalil Nahi Ho Sakti. Lekin In Aqal Ke Andhe Yahoodi Jo Ek Taraf To Allah Ta’ala Ke Chahite Hone Ka Daawa Karte Hai Aur Dusri Taraf Allah Ta’ala Ke Maheboob Aakhiri Nabi Mohammed (Sallallahu Alaihay Wasallam) Par Aur Jo Allah Ta’ala Ka Kalaam (Qur’an) Un Par Naazil Huwaa Uss Par Imaan Na Laaye ,..

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Firoun Ki Badshahat Ko Khatm Kar Dene Wale Nabi Hazrat Musa (Alaihay Salam) Ki Wiladat

*Allah Ta’ala Ki Sunnat (Tarika) Hai Ki Agar Koi Qoum Uski Nafarmaani Karti Hai To, Allah Ta’ala Us Qoum Par Dusri Zaalim Qoum Ko Musallat Kar Deta Hai. Allah Ta’ala Ne Bani Israayeel Ko Naafarmani Ya Aazmaayeesh Ki Wazaah Se Firoun Jo Zaalim Huqumraan Tha, Bani Israayeel Par Musallat Kar Diya. Aur Firoun Ne Unhe Apna Gulaam Banaa Liya. Firoun Jo Khud Ko Allah Kahelwata Tha Aur Logo Se Apni Ibaadat Karwata Tha. Kayee Saalo Ki Aazmaayeesh Ke Baad Allah Ta’ala Ne Bani Israayeel Par Rahem Kiya Aur Hazrat Musa (Alaihay Salam) Ko Uss Qoum Ki Aazaadi Aur Bhalaayee Ke Liye Mabwoos (Paida) Karne Ka Faisla Kiya.

*Riwaayato Me Hai Ki Firoun Ne Khawaab Dekha Ki Bani Israayeel Me Ek Ladka Paida Hoga Jo Uski Mout Aur Uske Baadshahat (Saltanat) Ko Khatm Kar Ne Ka Sabab Banega, Aur Ek Dusri Riwaayat Me Hai Ki Firoun Ke Darbaar Ke Najoomiyo (Jyotishiyo) Ne Peshgoyee Ki Thi, Aur Ek Aur Riwaayat Me Hai Ki Bani Israayeel Ke Beech Hi Ye Baate Chali Aa Rahi Thi Ke Rab Ta’ala Apne Ek Paigambar Ko Unke Beech Paida Karega Jo Unhe Is Zillat Ki Zindagi Se Aazaad Karega Aue Ye Baate Firoun Ke Ek Sipaahi Ne Suni Aur Firoun Ko Jaa Kar Bataayee (Allah-O-Aalam).

*Firoun Ne Jab Ye Khawaab Dekha Toh Badaa Bechain Ho Gayaa Aur Apne Darbaar Me Sabhi Najoomiyo Aur Khawaabo Ki Taabir Bataane Walo Ko Jamaa Kiya, Aur Un Logo Se Is Khawaab Ki Taabir Aur Us Se Nipatne Ka Tarika (Hal) Poocha. Toh Un Nazoomiyo Ne Uska Ye Hal (Raasta) Bataaya Ki Bani Israayeel Me Aane Wale Saal Me Jo Bhi Ladka Paida Ho Use Qatal Kar Diya Jaaye Aur Jo Ladki Ho Use Rahene Diya Jaaye. Firoun Ko Ye Tazweez (Hal) Pasand Aaya Aur Usne Apni Huqumat Ke Tamam Sipaahi Aur Daayiyo (Bachcha Paida Karwaane Wali Aurat, Nurs) Ko Is Kaam Par Laga Diya Ki Bani Israayeel Ke Har Ghar Aur Har Bachcha Jannewali (Haamlaa) Aurat Par Nazar Rakhi Jaaye Aur Jo Bhi Ladka Paida Ho Use Qatal Kar Diya Jaaye. Firoun Ke Zaalim Sipaahiyo Ne Aisa Hi Kiya Aur Na Jaane Kitne Maasoom Begunaaho Ko Qatal Kar Diya.

*Ye Allah Ta’ala Ki Hee Qudrat Thi Ke Jab Hazrat Musa (Alaihay Salam) Ki Waalda Haamlaa (Pregnet) Huyee To Jo Aasar Ek Haamlaa Aurat Ke Numaaya (Dikhna) Hote Hai Wo Numaaya Nahi Huve. Aur Isi Wazaah Se Kisi Bhi Daayee (Nurse) Aur Firoun Ke Sipaahi Ko Is Ki Bhanak Tak Na Lagi.
Aur Jab Hazrat Musa (Alaihay Salam) Paida Huve To Unki Waalda Ko Fiqar Laahaq Huyee. Tab Allah Ta’ala Ne Unse Kahaa, “Is Bachche Ko Apne Hi Paas Rakho Aur Aur Ise Khilaavo Pilaavo Aur Jab Tumhe Koi Khdsha (Andesha) Ho To Is Bachche Ko Dariya (Paani, River) Me Baha Dena. Aur Gam Mat Karna Main Iss Bachche Ka Nighebaan Rahooga Aur Iss Bachche Ko Sahi Salaamat Tum Tak Pahoocha Dooga”.

*Allah Ta’ala Ne Hazrat Musaa (Alaihay Salam) Ki Waalda Ke Haamlaa Wale Asaarat Tou Chupa Liya Aur Wo Kisi Par Numaaya Na Huve, Lekin Jab Bachcha Paida Huwa To Zaahir Si Baat Hai Ki Logo Ko Is Ki Khabar Bhi Milegi, Aur Iski Khabar Shaayad Firoun Ke Sipaahiyo Ko Mil Gayee. Is Ke Pahele Ki Wo Sipaahi Hazrat Musa (Alaihay Salam) Tak Pahoochte Unki Waaldaa Ne Unhe Ek Ghaas (Graas) Ki Tokri Me Rakh Kar Dariya Neel Me Bahaa Diya Aur Apni Beti Mariam Jo Ki Hazrat Musa (Alaihay Salam) Ki Badi Bahen Thi Unse Kahaa, “Is Tokri Par Nazar Rakhna Aur Ye Kahaa Jaati Hai Is Ke Piche Piche Jaana”.

**Hazrat Musa (Alaihay Salam) Ki Bahen Ne Aisa Hi Kiya Aur Woh Chup Kar Uss Bahti Huyee Tokri Ka Picha Karne Lagi. Is Dariya-e-Nil Ke Kinaare Par Hi Firoun Ka Mahal Tha. Wo Tokri Ya Youn Kahiye Ki Wo Bachcha Bahete Huve Firoun Ke Mahal Tak Pahoocha. Jahaa Uss Bachce Ko Firoun Ke Noukaro Ne Utha Liya Aur Uss Bachche Ko Firoun Ki Biwi Bibi Aashiya Ke Paas Le Gaye. Wo Badi Nek Aur Allah Ta’ala Ki Ibaadat Guzaar Aurat Thi. Jab Unhone Itna Haseen Aur Zameel Khoobsurat Bachcha Dekha Toh Use Aage Badhkar Khud God Me Le Liya ….

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Hazrate Musa (Alaihay Salam) Aur Haroon (Alaihay Salam) Ki Parwarish Ka Jimma Firoun Ke Hi Shahi Khajane Se.

Aziz Dosto ,……… Hazrat Musa (Alaihay Salam) Ko Jab Unki Waalda Ne Dariya-e-Neel Me Bahaa Diya, Aur Woh Bachcha Baheta Huwa Firoun Ke Mahal Me Pahoocha, Jahaa Firoun Ki Biwi Hazrat Aashiya Ne Unhe Apni God Me Le Liya Aur Use Lekar Firoun Ke Paas Pahoochi, Firoun Ne Us Khoobsurat Haseen Aur Zameel Bachche Ko Dekha To Usne Bhi Unhe Apni God Me Le Liya Lekin Hazrat Musa (Alaihay Salam) Ne Allah Ta’ala Ke Dushman Firoun Ki Daadhee (Beard) Kheech Li Ya Noch Li, Is Par Firoun Gusse Se Aag Baboola Ho Gaya Aur Us Bachche Ko Qatal Karne Ka Faislaa Kiya. Lekin Hazrat Bibi Aashiya Ne Firoun Se Kahaa, “Is Bachche Ko Qatal Na Karo, Ye Kisi Achchi Khaandaan Ka Maaloom Hota Hai, Kyon Na Ham Is Bachche Ko Apna Le, Taaki Ye Hamaare Aankho Ki Thandak Aur Dil Ka Sukoon Bane, Waise Bhi Hamari Koi Aulaad Nahi Hai, Isi Liye Muqaddar Se Ye Bachcha Hamaare Paas Pahoocha Hai”.

*Firoun Jo Ki La-Aulaad Tha (Uski Koi Aulaad Na Thi) Woh Hazrat Bibi Aashiya Ki Baat Maan Gaya. Dosto Ye Allah Ta’ala Ki Mashlihat Hai Ki Jis Bachche Ko Firoun Aur Uski Huqumqt Ko Khatam Karne Ke Liye Paida Kiya Woh Hi Firoun Khud Us Bachche Ki Parwarish Karne Ke Liye Raazi (Tayyar) Ho Gayaa.
Ab Firoun Ne Hazrat Musa Ke Parwarish Ka Intezaam Kiya Aur Us Bachche Ko Doodh Pilaane Ke Liye Doodh Pilaane Wali Aurato Ko Bulaaya. Lekin Hazrat Musa (Alaihay Salam) Allah Ta’ala Ke Huqm Se Kisi Bhi Aurat Ka Doodh Na Pite Yahaa Tak Ki Muhh Bhi Na Lagaate Aur Bas Roye Jaate.

*Apne Bhai Ka Pichaa Karte Huve Hazrat Musa (Alaihay Salam) Ki Badi Bahen Bhi Firoun Ke Mahal Tak Pahooch Gayee Thi. Unhone Dekha Ki Hazrat Musa (Alaihay Salam) Kisi Bhi Aurat Ka Doodh Nahi Pi Rahe Hai Aur Bas Roye (Craying) Ja Rahe Hai To Unhone Firoun Se Kahaa, “Main Ek Aisi Aurat Ko Jaanti Hoon Jo Achche Gharaane Se Hai Aur Woh Is Bachche Ko Doodh Bhi Pilaa Sakti Hai Aur Is Bachche Ki Khairkkawaah Bhi Hogi”.

*Firoun Ne Unhe Us Aurat Yaani Ki Hazrat Musa (Alaihay Salam) Ki Haqiqi Maa Ko Bulaane Ka Huqm Diya. Hazrat Musa (Alaihay Salam) Ki Bahen Doudti Huyee Apne Maa Ke Paas Pahoochi Aur Unhe Saari Baate Bataayee Aur Unhe Lekar Firoun Ke Darbaar Me Pahoochi. Jab Hazrat Musa (Alaihay Salam) Ki Waalda Ne Apne Bachce Ko Rote Huve Dekha To Unki Mamta Jaag Uthi, Lekin Is Ke Pahele Ki Woh Apne Bachche Ke Liye Kuch Aisa Bartaav (Behaviar) Karti Jis Se Unka Us Bachche Ki Haqiqi Maa Hone Ka Raaj (Bhed) Khul Jaata, Allah Ta’ala Ne Unke Dil Me Sabr Aur Sukoon Naazil Kar Diya.

*Aur Unhone Aisa Bartaav (Behave) Kiya Jai Se Ki Us Bachche Ko Jaanti Na Ho. Aur Jis Kaam Ke Liye Unhe Bulaaya Gayaa Hai Bas Wo Hi Kaam Karne Aayee Ho. Fir Unhone Apne Bachche Ko Doodh Pilaaya, Aur Bachce Ne Bhi Apni Maa Ka Doodh Sukoon Se Piya Aue Rona Bhi Band Kar Diya. Is Tarhaa Allah Ta’ala Ne Hazrat Musa (Alaihay Salam) Ki Waaldaa Se Jo Waadaa Kiya Tha Ki Tumhaare Bachche Ko Sahi Salaamat Tumhaare Paas Pahoocha Dooga Wo Waada Bhi Pura Kar Diya. Aur Allah Ta’ala Apne Bando Se Jo Bhi Waadaa Karta Hai Use Zaroor Pura Karta Hai.

*Ab Firoun Ne Hazrat Musa (Alaihay Salam) Ki Waaldaa Ko Mahal Me Hi Rahekar Unki Parwarish Karne Ke Liye Kahaa. Lekin Hazrat Musa (Alaihay Salam) Ki Waaldaa Ne Kahaa, “Mere Aur Bhi Bachche Hai Aur Mere Shouhar (Husband) Bhi Hai, Aur Mujhe Unka Bhi Khayaal (Dekhbhaal) Rakhna Hota Hai Aur Mujh Par Unki Bhi Zimmedari Hai, Isiliye Aap Agar Huqm De To Main Is Bachche Ko Apne Saath Apne Ghar Le Jawoo Jahaa Main Is Ki Achchi Tarhaa Parwarish Kar Sakoo”.
Firoun Ne Hazrat Musa (Alaihay Salam) Ke Waalda Ki Ye Baate Maan Li Aur Shaahi Khazaane Se Hazrat Musa (Alaihay Salam) Ki Parwarish Ke Liye Ek Raqam (Uzrat Ya Mazdoori) Muqarrar Kar Di. Dosto Ye Saari Duniya Ka Ek Akela Hi Waqeya (Kissa, Story) Hai Ki Ek Maa Apne Hi Bachche Ko Doodh Pilaaye Aur Uski Parwarish Kare Aur Uski Uzrat Ya Mazdoori Use Shaahi Khazaane Se Mile.

Aziz Dosto ,….. Firoun Aur Haamaan Aur Uske Lashkar Ne Jis Bachche Ki Paidayeesh Ke Darr Se Bani Israaayeel Ke Kitne Hi Maasoom Aur Begunaah Bachcho Ka Qatal Kiya Aur Allah Ta’ala Ne Apni Qudrat Se Usi Bachche Ko Bacha Liya Aur Yahaa Tak Ki Woh Hi Log Jo Us Bachche Ki Jaan Ke Dushman The Unhi Logo Ne Us Bachche Ki Parwarish Ki Zimmedari Utha Li . Lekin Un Badbakhto Ne Bani Israyeel Ke Masoom Begunaaho Ka Qatal Karna Band Nahi Kiya. Jab Isi Tarhaa Bachche Qatal Kiye Jaane Lage To Firoun Ke Hi Qoum Ke Logo Ko Is Baat Ki Fiqar Huyee Ke Isi Tarhaa Agar Bani Israayeel Ke Ladko Ko Qatal Kiya Jaata Rahega To Bani Israayeel Ki To Nasal Hi Khatam Ho Jaayegi Aur Fir Ham Logo Ko Mazdoor Aur Gulaam Kaha Se Milege Aur Saari Mehnat Aur Masaqqat Ke Kaam Ham Logo Ko Hi Karne Padege. Is Masle Ka Hal (Solution) Un Logo Ne Ye Nikala Ki Ek Saal Bachcho Ko Qatal Kiya Jaaye Aur Ek Saal Qatal Na Kiya Jaaye,

*Aur Gaalban Jis Saal (Year) Bani Israyeel Ke Bachcho Ka Qatal Nahi Kiya Gaya Usi Saal Hazrat Haroon (Alaihay Salam) Paida Huve. Aur Is Tarhaa Hazrat Musa (Alaihay Salam) Aur Hazrat Haroon (Alaihay Salam) Apne Hi Aabaayee (Baap-Dada) Ki Qoum Me Rahekar Parwarish Aur Tarbiyat Haasil Karne Lage. Aur Jab Hazrat Musa (Alaihay Salam) Apni Jawaani Ki Umar Ko Pahooche To Allah Ta’ala Ne Unhe Hiqmat Aur Ilm Se Nawaaza. Apne Hi Qoum Ya Khandaan Ke Saath Rahte Huve Unhe Haq Baat Ka Bhi Ilm Ho Gayaaa Ki Unke Haqiqi Maa-Baap Koun Hai Aur Woh Kis Qoum Se Ta-Alluq Rakhte Hai. Apni Qoum Ki Haalat Woh Dekh Rahe The Ki Firoun Aur Uski Qoum Jinhe Qabti Kaha Jata Tha Kis Tarhaa Bani Israayeel Par Zulm Aur Tashaddud Ka Bazaar Garam Kar Rakha Hai.

*Ek Din Hazrat Musa (Alaihay Salam) Shaam Ke Waqt Baazaar Me Gaye. Riwaayato Me Hai Ki Wo Waqt Asar Aur Magreeb Ke Darmiyan Ka Waqt Tha Ya Magreeb Aur Isha Ke Darmiyan Ka Waqt Tha. Jab Hazrat Musa (Alaihay Salam) Bazaar Pahooche To Unhone Dekha Ek Firoun Ki Qoum Ka Qabti Shakhsh (Aadmi) Un Hi Ki Qoum Bani Israayeel Ke Shaksh Par Zulm Kar Raha Hai Use Maar Raha Hai. Unki Qoum Ka Skakhas (Aadmi) Unke Paas Aa Kar Unhe Us Qabti Se Bachane Ki Guhaar (Fariyaad) Karne Laga. Jab Hazrat Musa (Alaihay Salam) Ne Us Qabti Ko Samjhana Chaha To Wo Qabti Na Mana, Is Par Hazrat Musa (Alaihay Salam) Ko Gusaa Aa Gaya Aur Unhone Us Qabti Ko Ek Zordaar Ghusa (Mukka) Maar Diya. Us Mukke Ki Taab Wo Qabti Bardast Na Kar Saka Aur Wahi Par Mar Gaya (Uski Death Ho Gayee).

*Jab Hazrat Musa (Alaihay Salam) Ne Dekha Ki Woh Qabti Mar Chuka Hai To Unhe Afsos Huwa Aur Unhone Kahaa, “Ye To Shaitaani Kaam Ho Gayaa”. Aur Usi Waqt Allah Ta’ala Se Apne Gunaaho Ki Maafi Mangi, Kyonki Qatal Kisi Bhi Nabi (Alaihay Salam) Ki Shariyat Me Kabeera (Bada) Gunaah Hai. Lekin Ye Qatal Jaan Bujhkar Ya Iraadatan Nahi Kiya Gaya Tha, Ye To Bas Ittefaqan Ho Gayaa Tha. Isiliye Allah Ta’ala Ne Unhe Maaf Kar Diya Aur Un Par Rahem Kiya.
Ab Kyonki Qatal To Ho Chuka Tha Aur Wo Bhi Firoun Ki Qoum Qabat Ke Aadmi Ka. Isiliye Firoun Ke Sipaahi Us Qatil Ki Talaash Me Ghum Rahe The.

Hazrat Musa (Alaihay Salam) Ne Bhi Socha Ki Bazaar Ja Ke Dekha Jaaye Ki Kya Surat-e-Haal Hai. Isi Liye Woh Chipte Chipaate Bazaar Tak Ja Pahooche. Aaj Fir Wo Hi Aadmi Jise Hazrat Musa (Alaihay Salam) Ne Bachya Tha Wo Kisi Dusre Aadmi Se Jhagad Raha Tha Wo Bhi Qabti Tha. Hazrat Musa (Alaihay Salam) Ki Qoum Ke Aadmi Ne Jab Hazrat Musa (Alaihay Salam) Ko Dekha To Doudkar Fir Unke Paas Aa Gaya. Aur Unse Fir Bachane Ki Fariyaad Karne Laga. Hazrat Musa (Alaihay Salam) Ne Apni Hi Qoum Ke Us Aadmi Se Kahaa, “Mujhe To Tu Hi Fasaad (Fitna) Karne Wala Lagta Hai, Tu Kal Bhi Jhagad Raha Tha Aur Aaj Bhi Jhagad Rahaa Hai”.

Fir Bhi Unhone Uss Qabti Ko Rokna Chaha Jo Un Ki Qoum Ke Aadmi Par Zulm Kar Rahaa Tha. Hazrat Musa Ne Chaha Ke Aage Baadh Kar Us Qabti Ko Pakad Le Aur Jhagda Kahtam Kara De. Jaise Hi Woh Aage Badhe To Unki Hi Qoum Ko Woh Aadmi Jise Hazrat Musa (Alaihay Salam) Ne Bachaya Tha Ye Samjha Ki Hazrat Musa (Alaihay Salam) Use Hi Maarne Aa Rahe Hai, Woh Ek Dam Se Chilla Utha, “Aye Musa Kya Karte Ho, Kya Tum Mujhe Bhi Qatal Kar Dena Chahete Ho Jis Tarhaa Tumne Kal Ek Aadmi Ko Qatal Kiya Tha”.

*Uss Aadmi Ki Ye Baat Wahaa Moujood Firoun Ke Sipaahiyo Ne Sun Li. Is Se Pahele Ki Woh Hazrat Musa (Alaihay Salam) Ko Pakad Paate Ya Kuch Kar Paate Hazrat Musa (Alaihay Salam) Tezi Se Wahaa Se Chale Gaye. Firoun Ke Sipaahiyo Ne Ja Kar Firoun Se Saari Baate Batlaayee ….

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

Hazrate Musa (Alaihay Salam) Ki Mulaqat Shoieb (Alaihay Salam) Ke Sath, 8 Saal ke Safar ke Baad.

Aziz Dosto ,……. Jab Is Baat Ki Khabar Firoun Ke Sipaahiyo Ko Ho Gayee Ki Hazrat Musa (Alaihay Salam) Hi Us Qabti Jo Ki Firoun Ki Qoum Se Tha, Ke Qatil Hai To, Sipaahiyo Ne Is Baat Ki Ittelaa (Khabar) Firoun Ko De Di. Firoun Aur Uske Sardaaro Ne Faislaa Kiya Ki Is Qatal Ke Zurm Me Hazrat Musa (Alaihay Salam) Ko Bhi Qatal Kar Diya Jaaye. Jab Firoun Aur Uske Sardaar Ye Faislaa Kar Rahe The,Tab Wahaa Ek Shakhsk (Aadmi) Aur Bhi Moujood Tha, Jo Ki Hazrat Musa (Alaihay Salam) Ki Khairkhawaahi Aur Bhalaayee Chaahne Wala Tha,

Ek Riwaayat Me Hai Ki Ye Aadmi Firoun Ki Hi Qoum Se Tha, Aur Dusri Riwaayat Me Hai Ki Ye Aadmi Hazrat Musa (Alaihay Salam) Ki Qoum Se Tha. Paheli Wali Riwayat Sahi Maloom Padhti Hai. Kyonki Ye Faislaa Firoun Ke Darbaar Me Huwaa Tha. (Wallaho Aalam),
Khair Woh Shakhsh (Aadmi) Firoun Ke Mahal Se Bhagta Huwa Hazrat Musa (Alaihay Salam) Ke Paas Pahoocha Aur Kahaa, “Musa !,.. Firoun Aur Uske Sardaaro Ne Tumhaare Qatal Ka Mashwaraa Kiya Hai, Is Ke Pahele Ki Woh Log Tum Tak Pahooche Tum Yahaa Se Nikal Jawo”.

Hazrat Musa (Alaihay Salam) Wahaa Se Chupte Chupaate Huve Nikal Padhe. Aur Allah Ta’ala Ke Huzur Me Ye Duwaa Ki, “Aye Rab ! … Mujhe In Zaalimo Ke Giroh (Qoum ) Se Bacha Le”.
Kyonki Ye Waqya (Kissa) Eikdam (Achanak) Se Pesh Aaya Tha. Aur Hazrat Musa (Alaihay Salam) Mishr (Egypt) Me The Unhe Kuch Samajh Na Aaya Ki Kahaa Jaaye Kis Taraf Ka Rukh Kare. Tab Allah Ta’ala Ne Unki Rahenumaayee Ke Liye Ek Farishte Ko Ghodh Sawaar (Horse Rider) Bana Kar Bheja, Jis Ne Hazrat Musa (Alaihay Salam) Ki Ilaaqa Madyan Ki Taraf Rahenumaayee Ki, Jo Ki Mishar Se Aath Din (8 Days) Ki Doori Par Tha Aur Firoun Ki Huqumat Ke Daayere Se Baahar Tha. Aur Ye Ilaaqa Madyan.. Hazrat Ibrahim (Alaihay Salam) Ke Bete Ishaq (Alaihay Salam) Aur Unke Bete Madyan Ke Naam Par Tha Aur Woh Log Madyan Ki Aulaado Me Se The, Aur Hazrat Musa (Alaihay Salam) Bhi Hazrat Ishaq (Alaihay Salam) Ki Nasl Se Hi The, Isiliye Uss Ilaaqe Ke Logo Se Unka Nasbi (Nasli) Ta’alluq Bhi Tha.

Jab Hazrat Musa (Alaihay Salam) Madyan Ki Taraf Rawana Huve To Ye Duwaa Ki, “Mujhe Ummeed Hai Ki Mera Rab Mujhe Sidhi Raah Dikhayega”.

Aath Din (8 Days ) Chalte Chalte Hazrat Musa (Alaihay Salam) Bhuke Pyaase Madyan Ke Ilaaqe Me Ek Paani Ke Kuve (Wel) Ya Ek Paani Ke Ghaat Ke Paas Pahooche. Waha Par Unhone Dekha Ki Do Ladkiya (2 Girls) Apne Jaanwaro (Bhed, Bakriyo) Ko Lekar Ek Taraf Khadi Hai, Aur Dusre Charwaahe (Cowboy) Aa-Aa Kar Apne Jaanwaro Ko Paani Pilaa Kar Ja Rahe Hai. Aur Wo Ladkiya Aisi Hi Khadi Hai.
Hazrat Musa (Alaihay Salam) Ne Unse Poocha, “Tum Log Yahaa Kyon Khadi Ho Apne Jaanwaro Ko Paani Kyon Nahi Pilaati ?”.

*Unhone Jawaab Diya Ki, “Jab Tak Ye Charwaahe Waapas Na Chale Jaaye, Tab Tak Ham Apne Jaanwaro Ko Paani Nahi Pilaa Sakti ?”. Aur Ye Bhi Kahaa “Hamaare Abba Jaan Bahut Budhe (Old) Aur Zayeef Hai, Isiliye Khud Kuve Par Jaanwaro Ko Paani Pilaane Nahi Aa Sakte”,
Hazrat Musa (Alaihay Salam) Ne Khud Kuve Se Paani Nikaal Kar Unke Jaanwaro Ko Pilaa Diya. Aur Jab Woh Dono Ladkiya Apne Jaanwaro Ko Lekar Chali Gayee To Hazrat Musa (Alaihay Salam) Khud Bhi Ek Darakht (Tree) Ki Chaavo Me Baith Gaye. Aur Allah Ta’ala Se Duwaa Ki, “Aye Mere Rab Tu Mujhe Jo Bhi Rizq (Bhalaayee) De Mai Fir Bhi Tera Mohtaaj Hoon”.

*Dosto Ye Kitni Pyaari Duwaa Hai Jo Hazrat Musa (Alaihay Salam) Ne Apne Rab Se Maangi Ki Bande Ko Uske Rab Ki Taraf Se Kitna Bhi Rizq, Ya Nemate Bhalaayee, Nemate Mile, Lekin Banda Fir Bhi Apne Parwardigaar Ka Mohtaaj Hi Rahta Hai.
Hazrat Musa (Alaihay Salam) Mishar (Egypt) Se Itna Lamba Safar Karke Madyan Pahooche The, Khaane Ke Liye Unke Paas Kuch Nahi Tha. Isiliye Safar Ki Thakaan Aur Bhookh Se Nidhaal Ho Kar Woh Ek Darakht Ki Chaavo Me Baith Gaye Aur Allah Ta’ala Se Duwaavo Me Mashroof Ho Gaye. Unhone Jo Apne Liye Bhalaayee Ki Duwaa Maangi To Bhalaayee Ka Matlab Ye Tha Ke Khane Par, Sahi Salaamt Rahene Par, Ibaadat Karne Par Nek Kaam Karne Par Aur Quwat Aur Taaqat Par Aur Maal Par. Ye Sab Allah Ta’ala Ki Taraf Se Khair Aur Bhalaayee Hi Hai Jo Woh Apne Bando Par Naazil Karta Hai ……..

*Aziz Dosto ,…… Jab Hazrat Musa (Alaihay Salam) Ne Un Dono Ladkiyo Ke Jaanwaro Ko Paani Pila Diya To Woh Dono Ladkiya Waapas Apne Ghar Ja Kar Apne Abba Jaan Se Sara Kissa (Story) Bataaya. Un Ladkiyo Ke Abba Jaan Hazrat Shoeb (Alaihay Salam) The, Jo Gaalban Apni Qoum Par Azaab Aane Ke Baad Is Jagaah Par Aa Base The Aur Sukoon Ki Zindagi Guzaar Rahe The. Unki Sirf Do Hi Ladkiya Thi Aur Koi Ladka Nahi Tha. Aur Woh Bhi Khud Zayeef (Budhe) Ho Gaye The. Jab Ladkiyo Ne Unhe Hazrat Musa (Alaihay Salam) Ke Baare Me Bataaya To Unhone Ladkiyo Se Hazrat Musa (Alaihay Salam) Ko Bulaa Lane Ke Liye Kahaa. Woh Ladkiya Hazrat Musa (Alaihay Salam) Ke Paas Pahoochi, Unme Se Ek Ne Sharmaate Huve Kahaa, “Aap Ko Hamaare Abba Jaan Bulaate Hai, Aap Ne Jo Hamaare Jaanwaro Ko Paani Pilaaya Hai To, Woh Chaahte Hai Ki Aap Ko Is Kaam Ki Uzrat (Mazdoori) De”.

*Dosto Yahaa Par Allah Ta’ala Ne Ladkiyo Ki Sharm Ka Ziqr Kiya Hai Kyonki Sharmo-Hayaa Hi Ladkiyo Ka Gahena (Jewar) Hai. Aur Behayayee Aur Bepardagi Ko Allah Ta’ala Na-Pasand Farmaata Hai. Yahaa Tak Ki Jo Aurate Beparda Ho Kar Ghar Se Baahar Nikalti Hai To Un Par Allah Ta’ala Aur Uske Farishte Aur Tamaam Makhlooq Laanat Bhejti Hai. Isiliye Aurato Aur Ladkiyo Ko Chahiye Ki Apne Parde Ka Khaas Khyaal Rakhe, Koi Aisa Libaas Pahenkar Baahar Na Nikle Jis Se Jism Ki Numaayeesh Ho.

*Hazrat Musa (Alaihay Salam) Un Ladkiyo Ke Hamraah Unke Ghar Pahooche Jahaa Un Ke Waleed Ne Hazrat Musa (Alaihay Salam) Ka Istaqbal Kiya. Aur Hazrat Musa (Alaihay Salam) Ne Unhe Apna Aur Firoun Ka Sara Kissa (Story) Bayaan Kiya. Hazrat Shoeb (Alaihay Salam) Ne Kahaa, “Tum Ab Koi Khouf Na Karo, Allah Ta’ala Ne Tumhe Zaalim Qoum Se Nizaat Di Hai, Aur Ye Ilaaqa Firoun Ki Huqumat Ke Hadd Se Baahar Hai”. Un Ladkiyo Me Se Ek Ne Kahaa, “Abba Jaan Aap Ko Apne Kaam Ke Liye Ek Aadmi Ki Ki Zaroorat Thi Jise Aap Mazdoori (Uzrat) Par Rakhna Chahete The, To Aap In Hi Ko Kyon Nahi Rakh Lete, Ye To Badi Quwat Wale (Taqatwar) Aur Amaanatdaar Hai”.
Hazrat Shoeb (Alaihay Salam) Ne Apni Ladki Se Poocha, “Tumhe Kaise Maloom Huwa Ke, Ye Aadmi Taqatwar Aur Amaanatdar Hai”.

*Uss Ladki Ne Kahaa, “Jis Kuve (Wel) Se Ham Apne Jaanwaro Ko Paani Pilati Hai. Us Kuve Par Jab Sab Log Apne Jaanwaro Ko Paani Pilaa Lete Hai To Us Kuve (Wel) Ko Ek Bade Paththar Se Band Kar Diya Jata Hai, Us Paththar Ko Hataane Ke Liye 10 Aadmiyo Ki Zaroorat Padhti Hai Aur Ye Kaam Inhone Akele Hi Kar Diya. Aur Jab Ham In Ko Lekar Apne Ghar Ki Taraf Aa Rahi Thi To Baar Baar Hawaa Ki Wazaah Se Hamaari Chaadar Hamaare Jism Se Hath Jaati Thi,
Kyonki Inko Hamaara Ghar Nahi Maaloom Tha, Isiliye Ham Aage-Aage Chal Rahi Thi Aur Ye Hamare Piche-Piche Aa Rahe The. Aur Is Tarhaa Baar-Baar Hamaari Chaadar Ka Hawaa Se Hathna Aur Jism Ka Numaaya Hona Inhe Achcha Nahi Laga, Aur In Hone Kahaa, “Main Aage-Aage Chalta Hoon Aur Tum Log Mere Piche-Piche Aavo”. Aur Mujhe Raasta Batlaane Ke Liye Mere Piche Se Ek-Ek Pathar Fekti Rahena Taki Mujhe Maaloom Ho Sake Ki Kahaa Mudhna Hai Aur Kis Taraf Jana Hai”, Aur Is Tarhaa Ham Inke Piche-Piche Apne Ghar Tak Aayee Hai”.

*Hazrat Shoeb (Alaihay Salam) Ne Hazrat Musa (Alaihay Salam) Se Kahaa, “Main Chahta Hoon Ki Tum Mere Yahaa Rahekar Ham Logo Ka Kaam (Khidmat) Karo, Inshah Allah Tum Par Koi Zulm Na Kiya Jayega Aur Tum Mujhe Bahut Rahem Dil Aur Nek Paavoge. Agar Tumne Aath Saal (8 Years) Hamaari Khidmat Ki To Iske Badle Me Main Apni Ek Beti Ka Nikaah Tum Se Kar Dooga. Aur Agar Tum Ne Das Saal (10 Years) Hamaari Khidmat Ki To Ye Ham Par Tumhara Ahesaan Hoga, Is Ke Liye Tum Par Koi Zabardasti Ya Paabandi Nahi Hogi”.

*Hazrat Musa (Alaihay Salam) Ne Kahaa, “Theek Hai Main Aapke Yahaa Aath Saal Kaam Karooga, Aur Baqi Ke Do Saal (2 Years) Meri Marzi Par Hoge Ki Main Kaam Karoo Ya Na Karoo, Aur Is Ke Liye Mujhe Mazboor Nahi Kiya Jayega Aur Koi Zor Zabardasti Nahi Ki Jaayegi”.
Hazrat Shoeb (Alaihay Salam) Ne Kahaa, “Mujhe Manzoor Hai, Aur Hamaare Darmiyaan Jo Bhi Ahad (Agreement) Huwa Hai Us Par Ham Dono Allah Ta’ala Ko Gawaah Banaate Hai” Aur Is Tarha Hazrat Musa (Alaihay Salam) Wahaa Rahekar Un Logo Ki Khidmat Anjaam Dene Lage.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Allah Ta’ala Ka Hazrat Musa (Alaihay Salam) Se Pehla Kalam.

Aziz Dosto ,… Hazrat Musa (Alaihay Salam) Ne Hazrat Shoeb (Alaihay Salam) Ki Khidamat Me Rahekar Un Se Ilm Aur Hiqmat Ki Baate Bhi Sikhi, Aur Das Saal (10 Years) Bhi Pure Kiye. Aur Is Tarha Unhone Hazrat Shoeb (Alaihay Salam) Ki Us Baat Ka Bhi Ahetaraam Kiya, Jis Me Hazrat Shoeb (Alaihay Salam) Ne Un Se Majeed Do Saal (2 Years) Khidmat Karne Par Unka Ahesaan Kahaa Tha. Jab Das Saal (Ten Years) Pure Ho Gaye To Hazrat Musa (Alaihay Salam) Ne Unse Apne Waldain (Khaandaan) Ke Paas Waapas Mishr (Egypt) Jaane Ki Izazat Li Aur Apne Biwi Bachche Aur Gulaam Ko Saath Lekar Mishr Ki Taraf Rawaana Huve.

Riwaayato Me Hai Ki Shaayad Woh Sardi (Thand) Ki Raat Thi Ya Unki Biwi Ki Jachki (Delivery) Ka Waqt Tha. Khair Jab Woh Log Apne Safar Par Chale To Toor Ki Pahaadi Ya Tuwa Ki Waadi Me Pahoonche. Jab Raat Ho Gayee To Hazrat Musa (Alaihay Salam) Ne Dekha Ki Door Pahaad Se Ek Roushni (Light) Nazar Aa Rahi Hai, Unhone Apne Ghar Walo Se Kahaa, “Tum Log Yahaa Par Ruko Mai Uss Pahaadi Par Ja Rhaa Hoon Waha Se Shaayd Kuch Aag (Fire) Mil Jaaye Taki Tum Log Taap Sako Aur Aage Raaste Ki Kuch Khabar Bhi Mil Jaaye”.

# Musa Alahi Salam Se Allah ne Qalam Kiya:
*Jab Hazrat Musa (Alaihay Salam) Uss Pahaadi Par Pahooche Tou Unhone Deka Ki Us Pahaadi Ke Daahine (Right Side) Se Ek Darakht (Tree) Se Roushni (Light) Aa Rahi Hai. Fir Unhe Gaib Se Ek Aawaaz Sunaayee Di. Jo Gaalban Usi Muqaddas Darakht (Tree) Se Aa Rahi Thi. Ye Aawaaz Hamaare Rab Ki Thi Jo Saare Aalam Ka Malik Aur Khaliq Hai.

Allah Ta’ala Ne Kahaa, Aye Musa! Main Tumhaara Rab Aur Sare Jahaan Ka Paalne Wala Hoon. Meri Baat Gour Se Sun Aur Apni Jutiya (Shoes) Utaar De,.. Tu Muqaddas (Paak) Waadi Tuwa Me Hai. Maine Tujhe Naboowat Aur Risaalat Ke Liye Chun Liya Hai. Meri Hi Hamd-O-Sanaa Kar Aur Namaaze Qaayem Kar. Jo Teri Taraf Wahee (Baate Ya Kalaam) Ki Jaati Hai Usey Gour Se Sun."

Beshaq Main Hi Allah Ta’ala Hoon, Mere Siwaa Koi Bhi Ibaadat Ke Laayeq Nahi, Isiliye Tu Sirf Meri Hi Ibaadat Kar. Yaqinan Qayaamat Aane Wali Hai, Jise Maine Posheeda (Chupaa Kar Rakhna) Rakha Huwa Hai, Taa Ki Har Shakhsh (Aadmi) Ko Wo Badlaa Diya Jaaye Jis Ki Usne Koshish Ki Ho. Isiliye Is Yaqeen Se Tujhe Koi Aisa Shakhsh (Aadmi) Na Rok De Jo Is Par Imaan Na Rakhta Ho Aur Apne Nafs (Khawaahisho) Ke Piche Laga Huwaa Ho, Warnaa Tu Raah Se Bhatak Jaayega Aur Halaaq Ho Jaayega”.

Dosto Wo Tuwa Ki Wadi Muqaddas Thi Kyonki Wahaa Hamare Rab Ki Tajjully Ka Jalwaa Runumaa Tha, Isiliye Allah Ta’ala Ne Hazrat Musa (Alaihay Salam) Ko Jutiya Utaarne Ka Huqm Diya.

*Kyonki Hazrat Musa (Alaihay Salam) Allah Ta’ala Se Hamkalaam Huve Isiliye Unhe Kaleemullah Kahaa Gaya. Allah Ta’ala Ne Farmaaya, “Aye Musa Ye Tere Haath Me Kya Hai ?”.
Hazrat Musa (Alaihay Salam) Ne Kahaa, “Aye Mere Rab Ye Aasaa (Lakdi Ya Chadee) Hai Jis Se Mai Apni Bakriyo Ko Haanktaa Hoon Aur Unke Liye Jhaad (Tree, Darakht) Se Patte (Leaves) Todta Hoon, Aur Is Se Tek (Sahaara) Bhi Leta Hoon Aur Bhi Ye Mere Bahut Se Kaam Me Aati Hai”.

♥ Allah Ta’ala Ne Farmaaya: “Aye Musa Isey Zameen Par Daal Dey”.
Aur Jaise Hi Hazrat Musa (Alaihay Salam) Ne Us Aasaa (Chadee) Ko Zameen Par Daala Wo Ek Kaala Naag (Saanp) (Snake) Ban Kar Fufkaarne Lagi Aur Karwate Lene Lagi.
* Hazrat Musa (Alaihay Salam) Ne Us Saanp (Snake) Ko Dekha To Khouf Ke Maare Piche Palat Kar Bhagne Lage.
♥ Allah Ta’ala Ne Pukaara, Aye Musa Khouf Na Khaavo (Daro Nahi) Tum Apne Rab Ki Amaan (Hafaazat) Me Ho”.
Hazrat Musa (Alaihay Salam) Waapas Palat Aaye, Lekin Abhi Bhi Darr Se Kaanp Rahe The.

Allah Ta’ala Ne Farmaaya, Bekhouf Ho Kar Isey Pakad Lo, Ham Ise Pahele Ki Surat (Chadee) Me Dubaara La Denge. Aur Apna Haath Apni Bagal Me Daal Le Is Se Tera Khouf Bhi Jaata Rahega”,
Aur Farmaaya, “Ab Apna Haath Baahar Nikaal.” To Wo Haath (Hand) Bina Kisi Takleef Aur Dard Ya Kharaabi Ke Ekdam Safed (White) Aur Chamkta Huwa Niklaa.
Allah Ta’ala Ne Farmaaya, “Ye Do Moajjaze Hai, Ye Isiliye Hai Ki Ham Tujhe Apni Badi-Badi Nishaniya Dikhana Chahte Hai”

Aziz Dosto ,……. Allah Ta’ala Ne Hazrat Musa (Alaihay Salam) Ko Do (2) Mouajjaze Ata Kiye Aur Farmaaya, “Aye Musa Firoun Ki Taraf Jaavo, Kyonki Woh Bada Zaalim Aur Sirkas Aur Hadd Se Aage Badh Gaya Hai, Aur Usne Bani Israayeel Par Zulm-O-Sitam Ka Baazaar Garam Kar Rakha Hai, Use Haq Ki Daawat Do Aur Kaho Ki Main Allah Ta’ala Ki Taraf Se Rasool Bana Kar Bheja Gaya Hoon, Isiliye Meri Ita’at Karo Aur Allah Ta’ala Ki Ibaadat Karo, Uske Siwaa Koi Bhi Ma’abood Ibaadat Ke Laayeq Nahi”.

# Musa (Alaihay Salam) Ne Kahaa: ”Aye Mere Rab Woh To Bahut Taqatwar Aur Zalim Hai, Aur Mere Haatho Uski Qoum Ka Ek Shakhsh (Aadmi) Qatal Huwa Hai, Aur Woh To Mere Qatal Par Bhi Amaada Hai, Isiliye Aye Mere Rab Tu Mera Seena Khol De (Dil Mazboot Kar De) Aur Mere Kaam Ko Mujh Par Aasaan Kar De, Aur Mere Zubaan (Toung) Ki Girah (Gaath) Khol De. Ta Ki Log Meri Baat Samajh Sake”.

*Dosto, Yahoodiyo Ki Riwaayato Me Hai Ki Jab Hazrat Musa (Alaihay Salam) Chote Bachche The Aur Firoun Ke Mahal Me Parwarish Paa Rahe The To Unhone Khajoor Ya Koi Mithaayeee Samajh Kar Ek Jalta Huwa Koyle Ka Tukda Apne Muhh Me Daal Liya Tha Isi Wazah Se Unki Zubaan Jal Gayee Thi Aur Woh Saaf-Saaf Nahi Bol Paate The Ya Rawangi Se Baate Nahi Kah Paate The . (Wallah-O-Alam).

*Isi Liye Unhone Allah Ta’ala Se Ye Duwaa Ki Ke Mere Zubaan Ki Girah (Gaath) Khol De, Aur Mere Hi Khaandaan (Kunbe) Se Mere Bhai Hazrat Haroon (Alaihay Salam) Ko Mera Wazeer (Madadgaar) Bana, Taa Ki Us Ke Saath Hone Se Mera Housla Badhe, Aur Woh Mere Har Kaam Me Sharik (Saath) Rahe, Taa Ki Ham Dono Kasrat Se Teri Paaki Aur Hamd-O-Sanaa Bayaan Kare. Aur Bahut Jiyaada Tujhe Yaad Kare. Beshaq Tu Hame Bahut Dekhne Wala Aur Jan’ne Wala Hai”.

*Allah Ta’ala Ne Farmaaya: “Aye Musa! Tere Tamaam Sawaalat Purey Kar Diye Gaye Hai. Iss Ke Pehle Bhi Ham Tujh Par Kayee Badey Ahsaan Kar Chuke Hai, Jab Teri Waalda Ne Firoun Ke Khouf Se Tujhe Ek Sandook (Taaboot) Me Band Kar Ke Dariya (River) Me Bahaa Diya Tha, Aur Ham Ne Uske Dil Me Ye Baat Daal Di Thi Ke, Ham Ise Kinaare Par Laa Dege, Aur Mera Aur Khud Iska Dushman Firoun Ise Apna Lega, Aur Tera Bachcha Sahi Salaamat Tere Paas Pahooncha Diya Jayega, Aur Aye Musa Jab Tune Firoun Ki Dadhi (Beared) Noch Li Tou Usney Tere Qatal Ka Iraada Kiya, Lekin Hum Ne Uss Ke Aur Uski Biwi Ke Dil Me Tere Liye Mohabbat Daal Di.
- Wo Is Liye Ki Teri Hamaari Aankho Ke Saamne Parwarish Ki Jaaye. Aur Teri Bahen Bhi Tere Piche-Piche Firoun Ke Mahal Tak Pahoonch Gayee. Jab Ki Tune Hamaare Huqum Se Kisi Aaya (Doodh Pilaane Wali) Ka Doodh Na Piya, Aur Teri Bahen Ne Unhe Mashwara Diya Ki Main Ek Aisi Aurat Ko Jaanti Hoon Jo Is Bachche Ko Doodh Pialaaye Aur Is Ki Nigehbaani (Dekh Bhal) Bhi Kare. Is Tadbeer Se Hamne Tujhe Teri Waalda Ke Paas Pahoonch Diya, Taaki Uski Aankhe Thandi Rahe Aur Woh Gamgeen (Udaas) Na Rahe."

*Aur Aye Musa Jab Tu Apni Jawaani Ko Pahoocha To Tune Ek Shakhs (Aadmi) Ko Gair Iraadatan Qatl Kar Daala. Is Par Bhi Ham Ne Tujhe Gam Se Bacha Liya Aur Tujhe Muaf Kiya. Aur Ham Ne Tujhe Aazmaa (Parakh) Liya, Aur Tu Madyan Pahoncha Aur Un Logo Ke Saath Kayee Saal Tak Thahera Raha. Aur Tu Aaj Hamaari Hi Qudrat (Mashlehat) Ke Mutaabiq Yahaa Is Muqaddas Wadi Tuwa Me Aaya Hai. Aur Aye Musa Maine Tujhe Khaas Apni Jaat Ke Liye Pasand Farma Liya Hai. Ab Tu Apne Bhai Ke Hamraah (Saath) Meri Nishaaniya (Moujjaze) Le Kar Firoun Ke Paas Ja Aur Khabardaar Mere Ziqr Aur Ahmd-O-Sanaa Me Me Koi Kotaahi Ya Susti Mat Karna. Aur Firoun Ke Paas Ja Kar Use Narmi Se Samjhavo, Shaayad Woh Samajh Le Ya Darr Jaaye”.
Dosto Yahaa Par Allah Ta’ala Ne Hazrat Musa (Alaihay Salam) Se Firoun Ko Narmi Ke Saath Haq Ki Daawat Dene Ka Huqm Diya.

*Lekin Aaj Internet Par Aur Dusri Jagaah Bhi (Facebook) Kuch Na Samajh Apne Aap Ko Musalmaan Hone Ka Dawaa Karne Wale Ek Dusre Ko Itni Gandi Gandi Gaaliya Dete Hai Aur Samajhte Hai Ki Ham Log Nek Kaam Kar Rahe Hai Aur Logo Me Islaam Failaa Rahe Hai. Aur Har Koi Apne Haq Par Hone Ki Dalile De Rahaa Hai. Dosto Yaad Rakho Jise Allah Ta’ala Hidaayat Na De Use Tum Log Hidaayat Nahi De Sakte. Agar Apni Baat Kisi Ke Aage Rakhni Hai To Narmi Ke Saath Rakho Ya Samjhaavo Woh Samajhta Hai To Theek Nahi To Use Chorr Do, Fizool Ki Bahesbaazi Kar Ke Apna Imaan Mat Barbaad Karo, Jo Log Fizul Ki Bahesbaazi Kare Unse Badi Narmi Ke Saath Ye Kaho, “Laqum Di Naqum Wala Ye Deen”.
Yaane Ki Tumhaara Deen Tumko Mubaarak Ho Aur Hamaara Deen Hamko Ya Tumhaara Aqida Tumko Mubaarak Ho Aur Hamaara Aqida Hamko. Aur Koun Haq Par Hai Aur Koun Naahaq Hai Is Ka Faislaa Allah Ta’ala Ki Zaat Par Chhod Do …..

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Hazrate Musa (Alaihay Salam) Se Firoun Ko Haq Par Imaan Laane Ki Daawat.

Aziz Dosto ,…… Allah Ta’ala Ne Hazrat Musa (Alaihay Salam) Se Apne Bhai Hazrat Haroon (Alaihay Salam) Ke Saath Firoun Ke Paas Ja Kar Use Narmi Ke Saath Haq Ki Daawat Dene Aur Allah Ta’ala Ki Ibaadat Karne Ke Liye Kahaa. Is Par Dono Bhaiyo Ne Kahaa, “Aye Hamaare Rab Hame Khouf Hai Ki Firoun Aur Us Ke Saathi, Hame Qatal Hi Na Kar Daale Ya Hame Koi Nuqsaan Hi Na Pahoochaaye, Kyonki Woh Log Bade Zaalim Aur Sirkash Hai”.

♥ Allah Ta’ala Ne Farmaaya, Tum Is Ke Baare Me Khouf Mat Karo, Tum Dono Aur Jo Tum Logo Par Imaan Laayega, Un Sab Ki Zimmedari (Haifaazat) Main Karooga, Aur Firoun Aur Uske Saathi Tum Logo Tak Pahooch Na Paayege Yaani Ke Koi Nuqsaan Na Pahoocha Paayege, Ab Main Tumhaare Saath Hoon, Aur Main Khoob Sun’ne Wala Aur Sab Kuch Janne Wala Hoon. Aur Hamne Tumhe Jo Mojjaze Diye Hai Is Ke Sabab Tum Aur Jo Tum Par Imaan Laayega Aur Tumhaari Taabedari Karega, Woh Hi Gaalib Rahega”.

*Hazrat Musa (Alaihay Salam) Aur Hazrat Haroon (Alaihay Salam) Firoun Ke Darbaar Me Pahooche Aur Uss Se Kahaa,
“Ham Tere Aur Sab Ke Rab Ki Taraf Se Bheje Gaye Paigamber Hai, Tu Us Rab Par Imaan La Aur Hamaari Ita’at Kar, Aur Hamaare Saath Bani Israayeel Ko Bhej De, Aur Tune Jo Unhe Sazaaye De Rakhi Hai Use Khatam Kar, Ham Tere Paas Allah Ta’ala Ki Taraf Se Nishaaniya Le Kar Aaye Hai, Salaamati Usi Ke Liye Hai Jo Imaan Qabool Kare Aur Use Jo Hidaayat Ki Jaati Hai Uska Paaband Bane, Aur Jo Hame Jhuthlaaye Aur Hamaari Baato Se Muhh Fer Le Ya Inqaar Kar De To Uske Liye Sakht (Shadeed) Azaab Hai”.

*Firoun Ne Poocha, “Aye Musa !, Tum Dono Ka Rab Koun Hai ?”

*Hazrat Musa (Alaihay Salam) Ne Kahaa, “Hamara Rab Jis Ne Har Ek Ko Ek Khaas Shaqal-O-Surat Ke Saath Paida Kiya, Aur Haq Aur Hidaayat Ki Raah Dikhayee”.

Firoun Ne Baat Ko Badalte Huve Kahaa, “Achcha Ye Bataavo Guzar Gaye Zamaane Walo Ka Kya Haal Huwa, Jo Log Tumhare Rab Ke Siwa Dusre Ma’aboodo Ki Ibaadat Kiya Karte The?”.

*Hazrat Musa (Alaihay Salam) Ne Kaha, “Is Ka Ilm Mere Rab Ke Yahaa Ek Kitaab Me Moujood Hai, Aur Na To Mera Rab Galti Karta Hai Aur Na Hi Bhulta Hai. Aur Mera Rab Wo Hai Jisne Tumhaare Liye Is Zameen Ko Farsh (Hamwaar) Banaaya, Aur Is Me Tumhaare Chalne Ke Liye Raaste Banaaye, Aur Aasmaan Se Paani Bhi Wo Hi Barsaata Hai, Jis Ki Wazaah Se Har Kism Ki Sabzi Aur Fal Fruit Ki Paidawaar Hoti Hai Jise Tum Bhi Khaate Ho Aur Apne Jaanwaro Ko Bhi Khilaate Ho. Ye Mere Rab Ki Aqalmando Ke Liye Khuli Huyee Nishaniya Hai, Mera Rab Wo Hai Jis Ne Tumhe Isi Mitti Se Paida Kiya Aur Isi Mitti Me Tum Waapas Loutaaye Jaaoge, Aur Isi Se Fir Woh Tum Ko Dubaara Zinda Karke Nikaalega”.

Firoun Ne Fir Baat Ko Badalte Huve Kahaa, “Aye Musa ! Tu Mere Kiye Gaye Ahesaano Ko Bhul Gaya ? Yaad Kar, Ham Ne Bachpan Me Teri Apne Mahal Me Parwarish Ki Tujhe Paala Posaa, Aur Tune Apni Umar Ke Bahut Se Saal Hamaare Mahal Me Guzaare, Aur Fir Tune Hamaari Hi Qoum Ke Ek Aadmi Ko Qatal Kar Diya, Ab Bhi Ham Tujh Par Ahesaan Kar Rahe Hai Ki Tujhe Qaid Nahi Kiya, Tera Qatal Nahi Kiya, Lekin Tu To Na-Shukro Me Se Hai”.

Hazrat Musa (Alaihay Salam) Ne Kahaa, “Ye Kaam Maine Us Waqt Kiya Jab Mujhe Apne Rab Ki Taraf Se Hidaayat Nahi Mili Thi Aur Main Raah Bhule Huve Logo Me Se Tha, Aur Qatal Hone Ke Baad Main Tum Se Khouf Khaa Kar Bhaag Gayaa, Fir Mere Rab Ne Mujhe Hiqmqt Aur Ilm Ata Farmaaya Aur Mujhe Apne Paigambaro Me Chun Liya”. Aur Rahi Baat Tere Ahesaano Ki Jo Tu Mujh Par Jataa Rahaa Hai, To Tu Ne Bhi To Meri Qoum Bani Israayeel Ko Gulaam Bana Rakha Hai Aur Un Par Zulm-O-Sitam Karta Hai”.

Firoun Ne Fir Baat Ko Badalte Huve Apne Aas-Paas Baithe Huve Sardaaro Se Kahaa, “Ham Ne To Aaj Tak Aisi Baate Apne Baap-Dadaavo Se Bhi Nahi Suni Jo Ye Musa Hame Batlaa Rahaa Hai. Main To Apne Siwaa Tumhaara Koi Dusra Rab Nahi Paata, Aur Mujhe To Ye Musa Diwaana (Paagal) Lagta Hai”.

*Hazrat Musa (Alaihay Salam) Ne Firoun Aur Uske Darbaariyo Ko Haq Ki Daawat Di Aur Ek Akele Allah Ta’ala Ki Ibaadat Karne Ke Liye Kahaa. Lekin Firoun Aur Uski Qoum Apne Kufar Par Qaayem Rahi. Firoun Ne Haq Baat Sun’ne Ke Baad Bhi Ye Hi Kahaa, “Ye Musa Tou Mujhe Deewana (Majnoon) Lagta Hai”.

*Hazrat Musa (Alaihay Salam) Ne Kahaa, “Mera Rab Hi Magreeb (West) Se Mashriq (East) Aur Zameen Se Aasmaan Aur In Ke Darmiyaan Ki Tamam Cheezo Ka Malik Hai, Aur Woh Hi Tumhara Aur Mera Haqiqi Rab Hai, Agar Tum Aqal (Samajhdaari) Rakhte Ho”.

Is Baat Par Firoun Cheedh (Angry) Ho Gaya Kyonki Woh Khud Ke Allah Hone Ka Daawa Karta Tha Aur Logo Se Apni Ibaadat Karwayaa Karta Tha. Firoun Ne Hazrat Musa (Alaihay Salam) Se Kahaa, “Agar Tune Mere Siwaa Kisi Aur Ko Apna Ma’abood Banaya To Main Tujhe Qaid Kardooga Aur Tujhe Qatal Kar Dunga”.

Hazrat Musa (Alaihay Salam) Ne Kahaa, “Agar Main Tere Paas Apne Rab Ki Taraf Se Koi Khuli Nishaani Le Kar Aawoo Tab Bhi ?” .

Firoun Ne Kahaa, “Agar Tu Sachcha Hai To Apne Rab Ki Nishaniyo Ko Pesh Kar”. Usi Waqt Hazrat Musa (Alaihay Salam) Ne Apni Laathi (Aasaa) Zameen Par Daal Diya Jo Ekdam Se Ek Bada Azdaah (Saanp, Snake) Ban Gayee. Aur Hazrat Musa (Alaihay Salam) Ne Apna Haath Baahr Nikaala To Tamaam Dekhne Wale Darbaariyo Safed (White) Chamakta Huwaa Nazar Aaya”. Allah Ta’ala Ki Khuli Huyee Nishaniya Dekh Lene Ke Baad Bhi Firoun Aur Uss Ki Qoum Ke Log Imaan Na Laaye Aur Apni Hath Dharmi Par Qaayam Rahe.

*Firoun Ne Apne Darbaariyo Se Kahaa, “Ye To Khula Jaadoo Hai, Aur Musa To Koi Bahut Bada Jaadugar Maaloom Hota Hai, Aur Ye Musa Ye Chaahta Hai Ki Apne Jaadoo Ke Bal Par Ham Logo Ko Hamaari Sarzameen (Watan) Se Baahar Nikaal De. Fir Usne Apne Sardaar Haamaan Se Kaha, “Aye Haamaan Tu Ek Bahut Badi Aag Jala Aur Us Me Pakki Mitti Ki Einte Tayyar Kar, Aur Us Einto Se Ek Bahut Bada Mahal (Qila, Deewaar Ya Sidhi) Banaa Jo Aasmaan Tak Jaaye, Aur Main Uss Par Chadh Kar Aasmaan Ke Us Paar Jhaak Kar Musa Ke Rab Ko Dekh Sakoo, Mujhe To Ye Musa Aur Is Ka Rab Dono Hi Jhuthe Maaloom Hote Hai”.

*Firoun Ki Qoum Ke Sardaaro Ne Kahaa, “Ye Musa To Hamaari Hi Tarha Ka Bashar Hai, Hame Is Ki Baate Hargeez Nahi Manni Chahiye”.
Firoun Ne Apne Sardaaro Se Kahaa, “To Ab Bataavo Hame Kya Karna Chaahiye ?”.
Unn Sardaaro Ne Kahaa, “Aap Ise Aur Iske Bhai Se Koi Ek Din Muqarrar Karle Ki Isne Jo Jaadoo Dikhaya Hai Ham Bhi Iske Muqaable Me Apne Shahar Ke Saare Jaadugar Bulaa Le Aur In Ke Beech Muqablaa Kara De”.

Firoun Ne Hazrat Musa (Alaihay Salam) Se Kaha, “Tum Apne Muqable Ka Koi Ek Din Muqarrar Kar Lo, Taaki Uss Din Hamaari Saari Qoum Tumhaare Aur Hamare Jaadugaro Ke Beech Ka Muqabla Dekh Sake”.

Hazrat Musa (Alaihay Salam) Ne Jashn Wala Din (Nouroz) Muqarrar Kiya. Nouroz Is Din Firoun Ki Qoum Ke Log Bahut Bada Jashan (Ya Eid) Ki Tarhaa Manaate The. Firoun Ne Apni Huqumat Ke Tamaam Jaadugaro Ko Nouroz Ke Din Ek Maidaan Me Jamaa Hone Ka Huqum Diya. Uski Riyasat Ke Kone-Kone Se Sabhi Bade-Bade Jaadoogar Wahaa Pahooch Gaye.

*Dosto Firoun To Khud Ek Allah Hone Ka Dawaa Karta Tha Lekin Hazrat Musa (Alaihay Salam) Ke Mojjaze Ka Muqabla Khud Na Kar Saka, Aur Apne Hi Huqumqt Ke Jaadugaro Ka Sahaara Liya.
Ab Jashan Wale Din Firoun Ke Huqumat Ke Kone-Kone Se Bade Bade Naamwar Jaadugar Aur Kartab Dikhane Wale Jamaa Ho Gaye.
Ek Taraf Firoun Aur Uske Darbaari Baithe Aur Baaqi Pura Maidaan Iss Muqable Ko Dekhne Walo Se Bhar Gaya.

Jaadoogaro Ne Firoun Se Kahaa, “Agar Ham Jeet Gaye (Gaaleeb) Aa Gaye To Hame Inaam Milega ?”
Firoun Ne Kahaa, “Kyon Nahi, Agar Tum Log Qaamyaab Ho Gaye To Main Tumhe Inaam Aur Iqraam Se Nawaazooga Aur Tum Logo Ko Apne Darbaar Me Muqarrab (Khaas) Logo Me Shaamil Kar Looga”.

*Hazrat Musa (Alaihay Salam) Ne Is Ke Pahele Ki Muqaabla Shuru Ho Jaadugaro Se Mukhaateeb Ho Kar Kahaa, “Main Koi Tumhaare Jaisa Jaadugar Nahi Hoon, Main To Tum Sab Aur Is Saare Aalam Ke Rab Ki Taraf Se Rasool Bana Kar Bheja Gayaa Hoon, Isiliye Tum Log Meri Ibtteda Karo Aur Us Rab Par Imaan Laao, Jis Ne Tumhe Aur Ham Sab Ko Paida Kiya, Aur Woh Hi Hame Mout Dega Aur Maut Ke Baad Fir Dubaara Zinda Karega, Aur Ye Bhi Jaan Lo Ki Qayaamat Qareeb Hai, Isiliye Sab Kuch Jaante Huve Bhi Apne Kuffar Par Qaayem Na Raho”.

Jab Jaadoogaro Ne Hazrat Musa (Alaihay Salam) Ka Ye Waaz (Nasihat) Suna To Fiqar (Soch) Me Pad Gaye. Aur Aapas Me Kahne Lage Ki, Koi Bhi Jaadugar Is Tarhaa Ki Nasihat Nahi Karta, Kahee Ye Musa (Alaihay Salam) Haqiqat Me Allah Ta’ala Ke Rasool To Nahi Hai ?”
Lekin Un Jaadoogaro Me Se Jiyaada Tar Logo Ne Kahaa, “Ye Musa (Alaihay Salam) Koi Nabi Ya Rasool Nahi Hai, Ye To Hamaari Hi Tarhaa Ka Ek Aam Bashar (Insaan) Hai, Aur Ye Chaahta Hai Ki Apne Jaadoo Ke Bal Par Ham Logo Ko Hamaare Hi Desh Se Baahar Kar De”.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Hazrat Musa (Alaihay Salam) Ka Jadugaro Se Muqabla.
Aziz Dosto ,….. Hazrat Musa (Alaihay Salam) Aur Jaadugaro Ke Beech Muqabla Shuru Huwa. Ye Muqabla Haq (Such) Aur Baatil (Jhooth) Ke Darmiyaan Tha Aur Baatil Kitna Bhi Taaqatwar Aur Tadaad Me Jiyada Ho, Lekin Haq Hi Gaaleeb (Qaamyaab) Hota Hai.
Jaadugaro Ne Hazrat Musa (Alaihay Salam) Se Kahaa, “Tum Pahele Shuruwat Karte Ho Ya Ham Kare ?” Hazrat Musa (Alaihay Salam) Ne Kahaa, “Pahele Tum Log Shuruwat Karo”.

Jaadugaro Ne Apna Jaadoo (Magic) Dikhaana Shuru Kiya Unhone Apne Jaadoo Se Rassi, Kapda, Rumaal Aur Bhi Bahut Si Cheezo Se Saanp (Snake) Bana Diya Aur Wo Sab Saanp (Snake) Maidaan Me Rengne (Chalne) Lage. Shaayad Un Jaadugaro Ko Ye Baat Maaloom Thi Ke Hazrat Musa (Alaihay Salam) Ne Firoun Ke Darbaar Me Apni Chadi (Aasaa, Lakdi) Ko Saanp (Snake) Banaya Tha. Isiliye Un Sab Jaadugaro Ne Apne Apne Jaadoo Se Saanp (Snake) Hi Banaaye.
Jab Sabhi Jaadugaro Ne Apne Jaadu Se Saanp Bana Kar Maidaan Me Choda Aur Wo Saanp Idhar-Udhar Bhagne Lage. Itne Sare Saanpo (Snake) Ko Dekh Kar Hazrat Musa (Alaihay Salam) Ko Kuch Khouf Huwa. Allah Ta’ala Ne Huqm Diya, “Aye Musa Apni Chadi (Aasaa) Daal De Aur Khouf Na Kar Tu Hi Gaalib Rahega”.

Hazrat Musa (Alaihay Salam) Ne Apni Chadi (Aasaa) Maidaan Me Daal Diya To Woh Ek Bada Azdaah (Azgar Saanp) Ban Gayaa Aur Un Jaadugaro Ne Jo Bhi Kuch Apne Jaadu Ke Bal Par Maidaan Me Daala Tha Use Nigalna Shuru Kiya. Jaadugar Ye Maazraa Dekh Kar Hairaan Ho Gaye Aur Woh Samajh Gaye Ki Hazrat Musa (Alaihay Salam) Rab Ki Taraf Se Bheje Gaye Rasool Hai Aur Haqq Par Hai. Woh Sabhi Jaadugar Sajde Me Gir Gaye Aur Kahaa, “Ham To Imaan Laaye Allah Rabbul Alaameen Par Yaani Ki Hazrat Musa (Alaihay Salam) Aur Hazrat Haroon (Alaihay Salam) Ke Rab Par”.

Firoun Ke Liye Ye Baat Badi Hairat (Shock) Kar Dene Wali Thi, Kyonki Un Sabhi Jaadugaro Ke Zariye Wo Apni Fateh (Jeet) Ki Ummeed Lagaaye Baitha Tha, Lekin Woh Sabhi Jaadugar Na Sirf Shikasht (Haar) Gaye Balki Is Mouke Par Woh Sab Ki Sab Uss Rab Par Imaan Le Aaye Jis Ne Hazrat Musa (Alaihay Salam) Aur Hazrat Haroon (Alaihay Salam) Ko Haq Ki Dalil Aur Moujjaze De Kar Bheja Tha, Hona To Ye Chaahiye Tha Ki Ye Sab Dalayeel Aur Moujjaze Dekh Kar Firoun Khud Bhi Allah Ta’ala Par Imaan Le Aata, Lekin Usne Ghamand Aur Apne Rab Ki Bagaawat Ka Hi Raasta Apnaate Huve Un Sabhi Jaadugaro Ko Darana Aur Dhamkana Shuru Kar Diya Aur Kahne Laga,

“Is Ke Pahele Ki Main Tumhe Huqm Deta Tum Log Khud Hi Imaan Le Aaye ?, Mujhe Ye Yaqeen Hai Ki Tum Log Aur Ye Musa Aapas Me Mile Huve Ho Aur Ye Musa Tum Sab Logo Ka Bada Ustaad (Teacher) Hai Aur Isi Ne Tum Logo Ko Jaadu Sikhaya Hai, Aur Tum Sab Log Milkar Hamaare Khilaaf Saajish Kar Rahe Ho Taki Ham Logo Ko Hamaare Mulq (Desh, Riyaasat) Se Baahar Kar Do. Isiliye Tumhe Abhi Maaloom Ho Jayega Ki Hamaare Saath Gaddari Karne Ka Anjaam Kya Hoga ? Kasam Hai Mujhe Ki Main Tumhare Haath (Hand) Aur Paavo (Legs) Mukhaalif Simt (Aposite Side) Se Katwa Duga Aur Tum Sab Ko Suli (Croos) Par Latkawaa Duga”.

Unn Jaadugaro Ne Jo Imaan La Chuke The Jawaab Diya, “Hame Koi Khouf Nahi Hai, Teri Marzi Hai Jo Tu Hamaare Saath Kar. Lekin Ham Apne Imaan Se Waapas Na Hatege Aur Ham To Apne Rab Hi Ki Taraf Waapas Lautne Waale Hai. Isi Liye Ham Tuhaare Muqaable Me Sab Se Pahele Imaan Wale Bane Hai, Aur Hame Ummeed Hai Ki Hamara Rab Hamari Sab Khataavo Ko Muaf Farma Dega, Aur Khaas Karke Jaadugari Ka Gunaah Jis Par Tu Ne Hame Majboor Kiya Hai, Allah Ta’ala Hi Behter Aur Baqi Rahne Wala Hai”.

In Sab Waqyaat Ke Baawjood Bhi Firoun Aur Us Ke Darbaari Aur Us Ki Qoum Ke Log Imaan Na Laaye Aur Apne Kufar Aur Zulm-O-Sitam Me Aur Hadd Se Jiyadah Badh Gaye. Allah Ta’ala Ne Un Logo Ko Teen (3) Baar Sakht Azaab Me Mubtilaa Kiya.
(1) Pahli Baar Sukha Pad Gayaa Baarish Na Huyee. Log Bhookh Aur Pyaas Se Halaaqaan Hone Lage. Jab Koi Raasta Na Dikhaayee Diya Iss Aakaal (Sukhe) Se Nipatne Ke Liye To Firoun Aur Uski Qoum Ke Log Hazrat Musa (Alaihay Salam) Ke Paas Pahooche Aur Unse Fariyaad Ki, “Aap To Allah Ta’ala Ke Rasool Hai. Aap Allah Ta’ala Se Duwaa Kare Ki Woh Ham Par Rahem Kare Aur Baarish Barsaaye. Agar Baarish Ho Gayee To Ham Sab Log Imaan Le Aayege”,
Hazrat Musa (Alaihay Salam) Ne Allah Ta’ala Ki Baargaah Me Baarish Ke Liye Duwaa Ki Aur Tez Muslaadhar Baarish Hone Lagi. Ye Moujjaza Dekh Kar Bhi Firoun Aur Uss Ki Qoum Ke Log Apne Waade Se Mukar (Fir) Gaye Aur Imaan Na Laaye

(2) Dusri Baar Bimaari Tezi Se Failne Lagi Aur Firoun Ki Riyaasat Ka Har Aadmi Kisi Na Kisi Bimaari Me Mubtilaa Ho Gaya. Jab Is Azaab Se Bachne Ka Koi Raasta Na Dikhayee Diya To Firoun Aur Us Ki Qoum Ke Log Fir Hazrat Musa (Alaihay Salam) Ke Paas Pahooche Aur Un Se Ye Bimaari Ka Azaab Taalne (Hataane) Ke Liye Allah Ta’ala Se Duwaa Karne Ki Fariyaad Ki Aur Un Par Imaan Laane Ka Waadaa Bhi Kiya. Hazrat Musa (Alaihay Salam) Allah Ta’ala Ki Baargaah Me Ye Bimaari Ka Azaab Taalne Ki Duwaa Ki Ji Se Allah Ta’ala Ne Qabool Kiya Aur Bimaaari Ka Azaab Un Logo Par Se Hataa (Taal) Diya, Aur Jab Woh Log Sehatmand Huve To Fir Apne Waade Se Muqar Gaye Aur Imaan Na Laaye. Allah Ta’ala Ne Firuon Aur Uski Qoum Ko

(3) Teesri Baar Azaab Me Mubtilaa Kiya. Is Baar Allah Ta’ala Ne Azaab Ke Taur Par Juve, Khatmal , Mendak Frog) Aur Bhi Dusre Chote-Chote Kide-Makode (Insect) Ki Paidawaaar Itni Kar Di. Ki Ye Kide-Makode Har Jagaah Fail Gaye, Anaajo Me Paani Me. Khaano Me, Sabjiyo Me Falo (Fruit) Me. Aur Jab Ye Kide-Makode Paani Ya Khaano Me Girte Ya Marte To Fat Jaate Jise Paani Ka Rang Khoon (Blod) Jaisa Ho Jata. Har Jagaah In Kide-Makode Ki Moujoodgi Se Firoun Aur Us Ki Qoum Ki Zindagi Dushwaar Ho Gayee. Aur Is Baar-Baar Ke Azaab Se Firoun Aur Us Ki Qoum Ne Koi Sabak Na Sikha Ulte Hazrat Musa (Alaihay Salam) Aur Jo Log Un Par Imaan Laaye The Un Logo Ko Manhoos (Nesti ) Kahene Lage , Aur Kahete The Ki Hazrat Musa (Alaihay Salam) Aur Un Par Jo Log Imaan Laaye Hai Un Logo Ki Manhoosiyat Ki Wazaah Se Baar-Baar Ham Logo Par Ye Musibate Aa Rahi Hai.

Lekin Fir Bhi Is Azaab Se Bachne Ke Liye Woh Log Hazrat Musa (Alaihay Salam) Ke Paas Pahooche Aur Is Azaab Se Chutkaara Paane Ke Liye Allah Ta’ala Se Duwaa Karne Ki Fariyaad Ki, Hazrat Musa (Alaihay Salam) Ne Baargaahe Ilaahi Me Duwaa Ki, Aur Allah Ta’ala Ne Un Logo Ko Is Azaab Se Nijaat De Di. Firoun Aur Us Ki Qoum Is Par Bhi Imaan Na Laaye, Aur In Azaabo Ya Baqoul Un Ke Is Manhoosiyat Se Hamesha Ke Liye Chutkaara Paane Ke Liye Aapas Me Ye Mashwara Kiya Ki, Hazrat Musa Aur Hazrat Haroon (Alaihay Salam) Aur Tamaam Bani Israayeel Ko Hi Khatm (Qatal) Kar Diya Jaaye.

Idhar Firoun Aur Us Ke Sardaar Hazrat Musa (Alaihay Salam) Aur Un Ki Qoum Ke Qatal Ka Mansooba Bandi Kar Rahe They, Idhar Allah Ta’ala Ne Hazrat Musa (Alaihay Salam) Ko Huqm Diya, Aye Musa !, Tu Raato Raat (Mid Night) Bani Israayeel (Mere Bande) Ko Le Kar Yahaa Se Nikal Ja, Aur Gam Na Karna, Firoun Bhi Tumhaare Piche Aayega, Tum Log Ghabraana Nahi. Tum Logo Ki Hifaazat Main Karooga, Aur Firoun Aur UsKi Lashkar (Fouz, Sipaahi) Tum Logo Tak Pahoonch Na Paayege”.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

!!! Hazrat Musa (Alaihay Salam) Ki Qoum Ke Liye Paani ke Darmiyan Allah Ne Rasta Nikala Aur Firoun Ke Murda Jism Ko Aaj Tak Ki Naslo (Qoumo) Ke Liye Ibrat Ka Nishaan Banaya !!!

*Hazrat Musa (Alaihay Salam) Raat-O-Raat Apni Qoum Bani Israyeel Ko Lekar Mishr Se Nikal Pade. Dusre Din Subaah (Early Morning) Jab Firoun Ko Ye Khabar Mili To Woh Gusse Se Aag Baboola Ho Gaya. Us Ke Taqabbur (Anaa) Ko Zabardast Chot Lagi Woh Gusse Me Bola, “Musa Ki Itni Himmat Ki Meri Marzi Ke Khilaaf Bani Israyeel Ko Yahaa Se Nikaal Le Jaaye, Kasam Hai Mujhe, Main Unhe Pakad Kar Dubaara Waapas Lawooga Aur Unhe Sakhat Se Sakhat Sazaa Dooga”.

Firoun Aur Us Ka Sipaahsalaar (Senapati) Hamaan Aur Us Ka Lashqar Bani Israyeel Ke Ta’aqqub Me Nikal Pade.
Idhar Hazrat Musa (Alaihay Salam) Apni Qoum Ko Mishr (Egypt ) Se Nikaal Kar Shimaal (Uttar, North) Ki Taraf Badhne Lage. Aage Badhte-Badhte Woh Log Samundar (Sea) Ke Kinaare Pahoonch Gaye, Jo Ki Bahar-e-Ahmer (Laal Sagar, Red Sea) Ka Kinara Tha. Hazrat Musa (Alaihay Salam) Ki Qoum Ko Firoun Ka Lashqar Door Se Aata Huwaa Dikhayee Diya To Woh Log Aapas Me Kahene Lage, “Ab To Ham Log Fas Chuke Hai Aage Samundar (Sea) Hai Aur Piche Dushman Firoun Ka Lashqar, Woh Hame Fir Se Gulaam Bana Lege Aur Pahele Se Jiyada Ham Par Zulm Karege”.

Hazrat Musa (Alaihay Salam) Ne Apni Qoum Ko Tasalli Dete Huve Kaha, “Tumhara Ye Darr Galat Hai, Ab Tum Log Firoun Ki Gulaami Me Kabhi Nahi Jawoge, Hamara Rab ! Hamara Rab ! Hamre Nizaat Ke Raaste Ki Nishaandehi Zaroor Karega”.
Allah Ta’ala Ne Hazrat Musa (Alaihay Salam) Ko Huqm Diya, “Aye Musa ! Apni Laathi (Aasaa, Chhadi) Ko Samundar (Sea) Ke Paani Par Maaro, Jis Se Paani Do Hisso (Part) Me Taqseem Ho Jayega Aur Us Me Khushaq Zamini Raasta Ban Jayega Jis Ke Zariye Tum Apni Qoum Ko Samundar (Sea) Ke Dusri Taraf Pahooncha Dena”.

Hazrat Musa (Alaihay Salam) Ne Allah Ta’ala Ke Huqm Ke Mutabik Jaise Hi Samundar Ke Paani Par Apni Laathi Mari To Paani Darmiyan (Center) Se Fat Gaya, Youn Lagta Tha Jaise Do Bade-Bade Paani Ke Pahaad (Mountain) Ho, Jis Ke Darmiyan Se Zamini Khushaq Raasta Bana Huwa Ho. Aziz Dosto Riwayato Me Hai Ki Bani Israyeel Ke Baaraah (12) Qabile The, Isiliye Samundar Me Baaraah (12) Zamini Khushaq Raaste Ban Gaye. Un Raasto Ke Zariye Hazrat Musa (Alaihay Salam) Ne Apni Qoum Ko Samundar Paar Karne Ka Huqm Diya. Jab Bani Israyeel Samundar Paar Kar Ke Dusri Taraf Pahoonch Gaye To Hazrat Musa (Alaihay Salam) Ne Chaha Ki Jaldi Se Paani Par Apni Laathi Dubaara Maar De Taa Ki Paani Pahle Jaise Ho Jaaye Aur Firoun Aur Us Ka Lashqar Un Logo Tak Pahoonch Na Paaye. Lekin Allah Ta’ala Ne Unhe Aisa Karne Se Manaa Kar Diya. Allah Ta’ala Ki Manshiyat Kuch Aur Thi.

Idhar Jab Firoun Ne Bani Israyeel Ko Zamini Raaste Se Samundar Paar Karte Huve Dekha To Usne Usi Raaste Se Apne Lashqar Ko Un Ka Picha Karne Ka Huqm Diya. Aur Khud Bhi Usi Raaste Par Chal Padha. Jaise Hi Firoun Aur Us Ka Lashqar Samundar Ke Beecho Beech (Center) Me Pahooncha To Allah Ta’ala Ne Hazrat Musa (Alaihay Salam) Ko Huqm Diya, “Aye Musa ! Ab Apni Laathi Ko Paani Par Maro”.’ Jaise Hi Hazrat Musa (Alaihay Salam) Ne Allah Ta’ala Ke Huqm Se Dubaara Paani Par Apni Laathi (Aasaa, Chhadi) Maari To Right Aur Left ( Daaye Aur Baaye ) Me Ruka Huwa Paani Aapas Me Mil Gaya Aur Dekhte Hi Dekhte Firoun Aur Us Ka Lashqar Samundar Ke Paani Me Garq (Doob) Gayaa. Jab Firoun Ne Apne Sir Par Khadi Huyee Maut Ko Dekha To Kahene Laga,

♥ Al Quran: “Main(Firoun) Imaan Laya, Bani Israyeel Aur Musa Aur Haroon Ke Rab Par,..”
Tab Allah Ta’ala Ne Uss Se Pukaar Kar Kahaa, “Ab …..? Ab Tera Imaan Lana Bhi Tujhe Kuch Fayeda Nahi Dega. Jab Ham Ne Tere Paas Apna Rasool Bheja Aur Tujhe Apni Khuli Huyee Nishaniya Dikhlayee, Tab Tou Tu Apne Kufr Par Qaayem Raha Aur Apne Taqabbur Aur Hathdharmi Par Andha (Blind) Ho Kar Khud Toh Halaaq Huwa Aur Apne Saath-Saath Apni Qoum Ko Bhi Le Dubaa, Teri Iss Kufr Ki Sazaa Ham Tujhe Ye Dete Hai Ki, Teri Rooh (Soul, Aatmaa) Ko Ham Kabz Kar Lenge, Lekin Tere Badan (Jism) Ko Bacha Lenge Ta'aki Aane Wali Naslo (Qoumo) Ke Liye Tu Ibrat Ka Nishaan Bane, Aur Tere Baad Aane Wali Nasle Ye Jaan Le Ki Hamaare Nabiyo Aur Rasoolo Ko Jhuthlane Ka Anjaam Kya Hota Hai ?,..”
Usi Waqt Samundar (Sea) Me Ek Badi Laher Uthi Jis Ne Firoun Ko Hamesha Ke Liye Maut Ki Neend Sulaa Diya . – (Surah Yunus Ayat 90,91,92)

*Dosto, Aaj Ke Moujooda Waqt Se Hazrat Musa (Alaihay Salam) Ka Zamaana Taqreeban 3500 Saal (Years) Pahele Ka Hai. Aur Qur’an Majeed Ko Naazil (Utre) Huve Taqreeban 1400 Saal (Years) Ho Gaye, Jis Me Allah Ta’ala Ne Ye Aayaat Firoun Ke Baare Me Naazil Ki Ke,
Hum Tere Badan (Jism, Body) Ko Bacha Lenge Aur Logo Ke Liye Ibrat Ka Nishaan Bana Denge,..” – (Al-Quran 10:92)

Aur Iss Baat Ko Hamare Rab Ne Sach Kar Dikhaya, Saal (Years) 1881 Eesvee Me Samundari Gotaakhoro Ne Bahar-e-Ahmar (Red Sea, Lal Saagar, Swez Nahar) Se Firoun Ke Jism (Body) Ko Dastyaab (Nikaal Liya) Kar Liya. Dosto Paani Me Kuch Hi Arshe (Waqt) Me Har Cheez Chaahe Woh Lohaa (Iron) Ho Ya Aur Bhi Koi Cheez Sab Gal Jaati Hai Sadh Jaati Hai Kharaab Ho Jaati Hai. Ham Insaano Ke Jism Bhi Thode Hi Waqt Paani Me Rahe To Sadh-Gal (Kharaab) Ho Jaata Hai, Khatam Ho Jata Hai. Lekin Hamare Rab Ne Samundar Me Doobte Huve Firoun Se Jo Waada Kiya Tha Use Puraa Kar Diya, Firoun Ka Jism (Body) Taqreeban 3116 Saal (Years) Paani Me Sahi Salaamat Raha, Aur Aaj Taqreeban 3500 Saal Kamobesh Hone Ke Baavajood Bhi Mishr (Egypt) Ke Musyum (Azaayebghar) Me Sahi Salaamat Moujood Hai.

Dosto Aap Ne To Suna Hoga Ke Mishr Ke Puraane Log Apne Baadshah Ya Shahi Gharaane Walo Ki Mammi Banate The Aur Un Ke Jism Ko Sahi Salaamat Rakhte The, Kisi Bhi Baadshah Ki Mammi Banaane Ka Tarika Ye Hota Tha Ki, Baadshah Ki Mout Ke Baad Uske Jism Se Ya Pet (Stomock) Se Atdiya Wagairaah Nikaal Li Jaati Aur Us Ke Jism (Body) Me Ek Khaash Kism Ka Maajoon Ya Chemical Lagaa Kar Us Ke Jism Ko Pattiyo Se Baandh Diya Jaata Tha, Is Tarhaa Se Wo Jism (Body) Kayee Hazaar Saalo Tak Mahefooz Raheti, Lekin Waqt Guzarne Ke Saath-Saath Us Body Se Chamdi (Skin) Sookh Kar Jhadne Lagti Aur Pure Jism (Body) Tadakne Ya Crases) Ke Nishaan Pad Jaate.

Lekin Firoun Ka Ma’amla In Se Alag Hai, Aur Ye Allah Ta’ala Ki Qudrat-e-Kaamil Ka Muzaahira Hai Ki Firoun Ka Jism Aaj Bhi Bina Kisi Chemical Ya Maazoon Ke Aur Bina Patti Baandhe Sahi Salaamat Hai Yahaa Tak Ki Uss Ki Chamdi (Skin) Bhi. Lekin Us Ke Jism Ke Saath Ek Baat Zaroor Hai Ki Us Ke Jism Ke Ek Khaas Hisse Se Us Ke Jism Ka Gost (Meat) Har Saal Badhta Hai, Aur Us Badhe Huve Gost Ko Hataane Ke Liye Har Saal Mishr Ke Azaayeb Ghar Ke (Trusty), Intejaam Sambhalne Wale Log Firoun Ke Jism (Body) Ko Ek Cabine Me Rakh Kar Us Par Kuch Chuhe (Mouse) Chodte Hai Jo Firoun Ki Body Se Badha Huwa Jiyaada Gost Khaa Lete Hai.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Nafrman Aur Buzdil Qoum Bani Israyil Ko Khule Aasmaan Ke Niche 40 Saal Tak Zindagi Basar Karne Ki Saza

Aziz Dosto ,…. Hazrat Musa (Alaihay Salam) Allah Ke Hukm Ki Tamil Karte Huye Apni Qoum Bani Israayeel Ko Zalim Firoun Ki Hukumat Se Azad Kar Bahar-e-Ahmer (Laal Sagar) Naam Ka Darya Paar Karte Hai. Aur Firoun Ko Allah Ta’ala Usi Darya Me Fanah Kar Deta Hai, Iss Waade Ke Sath Ke Uski (Firoun Ki) Lash Aanewale Zamane Ke liye Ibrat Ka Sabab Banaya Jayega. Yaha Tak Aap log Post ( Part 15.8 ) me Parh Chuke Ho, ab Aage ….

Hazrat Musa (Alaihay Salam) Apni Qoum Bani Israayeel Ko Lekar Seena Ke Registaan (Sahera, Desert) Me Pahooche. Riwaayato Me Hai Ki Bani Israayeel Ki Tadaad Six Lakh (600000) Thi. Ab Bani Israayeel Firoun Ki Gulaami Se Aazaad Ho Chuke The. Woh Log Jahaa Pahooche Us Se Kuch Doori Par Ek Basti Aabaad Thi Jiske Rahne Wale Bade Taqatwar Aur Ladaaku Kisam Ke Log They.

*Hazrat Musa (Alaihay Salam) Ne Apni Qoum Se Kahaa, Aye Meri Qoum ! Allah Ta’ala Ne Woh Basti (Ilaaqa) Tumhaare Liye Likh Dee Hai, Lihaza Tum Us Basti Me Daakheel Ho Jaawo Aur Wahaa Ke Rahne Walo (Zalimo) Se Jihaad Karo, Inshah Allah Tum Hi Gaaleeb (Faateh) Rahoge”.

Hazrat Musa (Alaihay Salam) Ki Qoum Jo Ki Sadiyo Se Firoun Ki Gulaam Thi, Allah Ta’ala Ke Itne Mojjaze Aur Ahesaanat Dekhne Ke Baavojood Bhi, Allah Ta’ala Ke Huqm Ki Nafarmaani Ki Aur Apni Buzdili Ka Saboot Diya, Aur Kahene Lage, “Woh Qoum Toh Badi Taqatwar Aur Zaalim Hai, Ham Me Unse Ladhne Ki Kuwwat Nahi Hai, Aye Musa ! Tum Aur Tumhaara Rab Dono Jaavo Aur Unn Basti Waalo Se Ladho, Ham To Yahi Par Baith Kar Dekhege”.

Yahoodiyo Ko Unki Nafarmaani Ki Sazaa Ye Mili Ke Allah Ta’ala Ne 40 Saal (Years) Ke Liye Woh Basti Ya Zameen (Ilaaqa) Yahoodiyo Ke Liye Haraam Kar Dee. 40 Saal (Years) Tak Yahoodi Qoum Khule Aasmaan Ke Niche Apni Zindagi Basar Karti Rahi. Lekin Allah Ta’ala Ne Unn Yahoodiyo Ki Nafarmaani Ke Bavajood Bhi Unpar Rahem (Ahesaan) Kiya, Itni Badi Qoum Ke Liye Paani Ki Qillat (Tangi, Kami) Hone Lagi Toh Hazrat Musa (Alaihay Salam) Ne Allah Ta’ala Se Paani Ke Liye Duwaa Ki, Allah Ta’ala Ne Unhe Apna (Aasaa, Laathi) Ek Patthar Par Maarne Ke Liye Kahaa,…

Hazrat Musa (Alaihay Salam) Ne Apni Laathi Ek Pathhar Per Maari To Usme Se 12 Chasme (Nahere) Foot Padi, Kyonki Bani Israayeel Me 12 Qabeele The Jo Ki Hazrat Yaqoob (Alaihay Salam) Ke 12 Beto (Son) Ki Naslo Me Se Thi. Isiliye Allah Ta’ala Ne Uss Patthar Se 12 Chasme (Nahre) Jaari Ki, Har Ek Qabeele Ki Liye Ek Chasma Tha Aur Har Qabeela Apne Hi Chasme (Nahar) Se Paani Bharta Ya Istemal Karta Tha. Hazrat Musa (Alaihay Salam) Ne Har Qabeele Se Ek Naqeeb (Sardaar Ya Leader) Muntakhhib (Chun Liya) Kiya Jo Apne Apne Qabeele Ka Khayaal Rakhta.

Allah Ta’ala Ne Un Yahoodiyo Ke Liye Aasmaan Se Mann Aur Salwa Utaara. Mann Ek Tarha Ki Mithee Cheez Thi Jo Saaboot Dhaniya Ki Shaqal Jaisa Hota Tha Aur Ye Aasmaan Se Ous (Shabnam) Ki Boond Ki Tarha Girta Tha, Jise Bani Israayeel Subah Uthkar Jamaa Karte Aur Use Khaane Ke Kaam Me Laate. Salwaa Ek Tarhaa Ka Teetar Ya Bater (Dove) Jaisa Koi Parinda (Birds) Hota Tha Jise Bani Israayeel Pakadkar Use Aag Me Boonjkar Khaate The. Aur Itni Badi Qoum Ke Sir Par Koi Chhatt Bhi Na Thi, Isiliye Allah Ta’ala Ne Un Par Saaya Karne Ke Liye Baadlo Ko Bheja, Jo Ki Hardam Unpar Saaya Karta. Aur Is Tarhaa 40 Saal Tak Bani Israayeel Be-Saro-Samaan Khule Aasmaan Ke Niche Padey Rahe.

Lekin In 40 Saalo (Years) Me Jo Nayee Nasal Paida Huyee Unhe Is Tarahaa Ki Be-Saro-Samaan Ki Zindagi Pasand Nahi Aayee Aur Unhone Us Basti Wali Qoum Se Jihaad Karne Ka Faisla Kiya. Aur Allah Ta’ala Ne Unhe Qaamyaab Bhi Kiya. Aur Bani Israayeel Ko Ye Huqm Diya Ki Tum Log Jab Us Basti Me Daakheel Ho To Ye Kalmaa Padhte Huve Aur Sajda Karte Huve Daakheel Hona,
“Httatoon!. Yaani Ki Aye Allah Ta’ala Hamaare Gunaaho Ko Muaf Kar”.
Ye Woh Gunaah Tha Jise Un Logo Ne Apne Rab Ke Huqm Ki Nafarmaani Kar Ke Aur Hazrat Musa (Alaihay Salam) Se Ye Kehkar Ki Tum Aur Tumhaara Allah Jaa Kar Ladho Ham To Yahaa Baithe Hai.” Kiya Tha.

Lekin Un Zaalimo Ne Fir Allah Ta’ala Ke Huqm Ki Nafarmaani Ki. Aur Un Yahoodiyo Ne Hittatoon Ke Kalmaat Ko Badal Diya Aur Uss Ki Jagaah Ye Kehane Lage Ki Anaaj Ki Baali Me Daana Hai, Aur Us Basti Me Sajde Karte Huve Jaane Ke Bajaaye Apne Haatho Ki Kohniyo Ke Bal Ghasitte Huve Uss Basti Me Daakheel Huve.

*Dosto Ye Yahood Kitni Nafarmaan Qoum Thi Ke Unke Darmiyaan Hazrat Musa (Alaihay Salam) Aur Hazrat Haroon (Alaihay Salam) Moujood The Aur Allah Ta’ala Un Par Rahem Kar Raha Tha Aur Un Ki Madad Bhi Kar Raha Tha. Lekin Iss Badbakhat Qoum Ne Fir Bhi Jihaad Se Inqaar Kiya Aur 40 Saal (Years) Tak Zaleel Aur Khawaar Hote Rahe. Yaad Rakho Dosto Allah Ta’ala Bhi Unki Raahenumaayee (Madad) Nahi Karta Jo Apni Madad Apne Aap Na Kare.

In Yahoodiyo Ke Liye Jo Aasmaan Se Khaana Aaya Karta Tha, Is Par Bhi In Logo Ne Allah Ta’ala Ki Na Shuqri Ki, Aur Hazrat Musa (Alaihay Salam) Se Is Baare Me Jhagadne Lage Aur Kahene Lage, “Aye Musa (Alaihay Salam) ! Ham Roz-Roz (Har Din) Ek Hi Tarhaa Ka Khaana Khaa Kar Uqtaa (Bor) Ho Chuke Hai, Isiliye Tum Allah Ta’ala Se Kaho Ke Hame Wo Khaana De Jo Ham Log Mishr (Egypt) Me Khaya Karte The, Yaani Ki Piyaaz (Onion), Daale, Sabjiya Aur Wo Har Cheez Jo Zameen Se Ugti (Paidaa) Hoti Hai”.

*Hazrat Musa (Alaihay Salam) Ne Kahaa Tum Log Ek Umda (Achchi, Behtar) Cheez Ke Badle Ek Kamtar (Nichi) Cheeze Na Maango Aur Allah Ta’ala Ne Jo Tumhe Mann Aur Salwa Jaisi Umda Neymat Di Hai To Tum Log Apne Rab Ka Shuqr Adaa Karo Aur Kufraan-e-Neymat Na Karo”.

Lekin Unki Qoum Nahi Maani Aur Apni Zidd Par Qaayem Rahi. Un Logo Ki Is Zidd Aur Hathdharmi Ka Nateeja Ye Huwa Ki Allah Ta’ala Ne Aasmaan Se Manna Aur Salwa Bhejna Band Kar Diya Aur Un Logo Ko Huqum Diya Ki, “Jaavo Aur Khud Zameen Par Kheti Karo Hal Chalaavo Aur Un Cheezo Ki Paidaawaar Karo Jo Tum Log Khaana Chahte Ho”.

Dosto Ek Taraf Kahaa To Unhe Bina Mehanat Kiye Aasmaan Se Khaana Mila Karta Tha, Lekin Yahoodiyo Ki Kam Aqli Aur Zidd Ne Unhe Mashaqqat (Mehnat, Majdoori) Me Dal Diya. Ab Unhe Apne Khaane Ke Liye Kheti Karni Padti Aur Din Raat Mehanat Karni Padti. Isiliye Dosto Allah Ta’ala Jo Bhi Neymat Ata Kare Uss Par Uss Meharbaan Rab Ka Shuqr Adaa Karo, Uss Rab Ki Di Huyee Neymato Ki Na Suqri Mat Karo, Warnaa Aazmaayeesh Ya Mashaqqat Me Mubtilaa Ho Jaavoge.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Allah Ta’ala Ke Deedar Ke Bina Allah Ta’ala Aur Hazrat Musa (Alaihay Salam) Par Imaan Laane Se Bani Israayeel Ne Inkar Kar Diya, Unki Isi Jidd Ke Sabab Allah Rabbul Aalmin Ne Aasmaan Se Kehar Naazil Kiya Aur Unhe (Bani Israayeel Ko) Halaq Kar Ke Firse Zinda Kar Diya. !!!

Allah Ta’ala Ne Bani Israayeel Se Waada Kiya Tha Ki Unhe Magrib Aur Mashreeq (East & West) Ki Hukumat Ataa Karega, Yaani Ki Mishr (Egypt) Aur Shaam (Siriya) Ki. Riwaayato Me Hai Ki Hazrat Musa (Alaihay Salam) Ke Saath Mishr (Egypt) Se Sabhi Bani Israayeel Nahi Aaye The, Kuch Bani Israayeel Mishr Me Hi Rah Gaye The, Aur Jab Firoun Apne Lashqar Samet Samundar Me Doob Gayaa Tou Mishr Me Baqi Bache Bani Israayeeliyo Ne Firoun Ke Mahal, Baag, Bagiche Khet Khaliyaano Aur Us Ki Huqumat Par Qabzaa Kar Liya. Aur Is Tarhaa Bani Israayeel Ko Sar-Zameen-Mishr Ki Huqumat Mil Gayee. Aur Jo Log Hazrat Musa (Alaihay Salam) Ke Saath Aaye The Un Logo Ne 40 Saal Baad Shaam (Siriya) Par Qabzaa Kar Liya, Aur Is Tarhaa Ek Dabi Kuchli Aur Gulaam Qoum Ko Allah Ta’ala Ne Apne Fazal Se Mishr Aur Siriya Ka Huqumraan (Malik) Bana Diya.

*Allah Ta’ala Ke Itne Ahesanat Ke Bavojood Bhi Ye Yahoodi Qoum, Hazrat Musa (Alaihay Salam) Par Imaan Na Laayee Aur Kahne Lagi, “Aye Hazrat Musa (Alaihay Salam) ! Ham Tum Par Hargeez Imaan Na Laayege, Jab Tak Ham Apni Aankho Se Allah Ta’ala Ko Dekh Na Le !”.

Hazrat Musa (Alaihay Salam) Apni Qoum Ke Kuch Chuninda Logo Ko Lekar Allah Ta’ala Se Mulaaqat Karne Ke Liye Chal Pade, Lekin Allah Ta’ala Se Milne Ke Shouq Me Khud Tezi Se Aage Bad Gaye Aur Un Ki Qoum Ke Log Piche Rah Gaye. Jab Allah Ta’ala Ki Baargaah Me Pahooche To Allah Ta’ala Ne Farmaaya, “Aye Musa ! Tujhe Koun Si Cheez Mere Paas Sab Se Pahele Kheech Laayee ?”

*Hazrat Musa (Alaihay Salam) Ne Kahaa, “Aye Mere Rab Meri Qoum Tujhe Dekhna Chaahti Hai Aur Kaheti Hai Ki Tujhe Dekhe Bina Imaan Na Laayegi”

Bani Israayeel Ki Is Zidd Aur Nafarmaani Ki Wazaah Se Allah Ta’ala Ne Un Logo Par Aasmaan Se Kehar (Bijlee) Naazil Kiya, Aur Woh Sab Ki Sab Halaaq (Maar) Kar Diye Gaye Ya Mout Ki Neend Sula Diye Gaye.

Hazrat Musa (Alaihay Salam) Ne Allah Ta’ala Ki Baargaah Me Bade Aazizi Se Kahaa, “Aye Mere Rab! Main To Unhe Tujh Se Mulaaqat Ke Liye La Raha Tha, Lekin Tune Unhe Mout Dedi, Ab Mai Apni Qoum Ke Logo Se Jaa Kar Kya Kahooga ?”

*Allah Ta’ala Ne Farmaaya, Aye Musa Ye Unn Ki Nafarmaaniya Aur Mujhe Dekhne Ki Bewazaah Ki Zidd Ki Sazaa Hai, Lekin Mai Unhe Fir Se Zinda Kar Dooga, Taaki Woh Log Meri Qudrat Ko Samjhe Aur Imaan Laaye. Kyonki Mai Har Cheez Par Qaadir Hoon, Zindagi Aur Mout Ka Malik Mai Hi Hoon”

Allah Ta’ala Ne Un Sabhi Logo Ko Dubaara Zinda Kar Diya Aur Pahaad (Mountain) Toor Ko Un Ke Saro Ke Upar Utha Diya. Youn Lagta Tha Ki Ab Gira Ki Tab Gira, Aur Toor Pahaad Ko Un Ke Saro Ke Uper Utha Kar Bani Isaraayeel Se Pukhta (Pakka, Sachcha) Waadaa Liya Ki, “Tum Log Sirf Allah Ta’ala Ki Ibaadat Karoge Aur Imaan Lavoge Aur Jo Kitaabe Saheefe Ya Shariyat Tum Par Utaari Jaaye Us Par Amal Karoge”. Aur Bani Isaraayeel Ne Is Baat Ka Pukhtaa Waadaa Bhi Kiya Tha, Lekin Baad Me Woh Log Apne Kiye Huve Is Waade Se Bhi Mukar Gaye.

* Allah Ta’ala Ne Hazrat Musa (Alaihay Salam) Ko Kitaab Ya Shariyat Ka Ilm Dene Ke Liye 30 Din Ke Liye Toor Ki Pahaadi Par Bulaaya ,..
- Hazrat Musa (Alaihay Salam) Ne Apne Bhai Hazrat Haroon (Alaihay Salam) Ko Apni Gair Moujoodgi Me Qoum Ki Dekh-Rekh Aur Unki Islaah Karne Ki Hidaayat Di Aur Allah Ta’ala Se Mulaaqat Ke Liye 30 Din Ke Waaste Toor Ki Pahaadi Par Chale Gaye. Lekin Allah Ta’ala Ne Hazrat Musa (Alaihay Salam) Ko 30 Din Ke Bajaaye 40 Din Thaharne (Rukne) Ka Huqm Diya ,..

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Allah Ta’ala Ne Hazrat Musa (Alaihay Salam) Ko 30 Dino (Days) Ke Liye Kohe Toor (Toor Ki Pahaadi) Par Bulaaya Aur Isi Douran Unki Qoam Ke Kuch Logon ne Gaay Ke Bachde Ka Mujassama Bana Kar Uski Ibadat Karne Lage, Is Kufr Par Musa (Alaihay Salam) NE Samri ko badduwa De Di. !!!

Azizi Dosto ,….. Allah Ta’ala Ne Hazrat Musa (Alaihay Salam) Ko 30 Dino (Days) Ke Liye Kohe Toor (Toor Ki Pahaadi) Par Bulaaya, Ta’aki Allah Ta’ala Hazrat Musa (Alaihay Salam) Ko Bani Israayeel Ke Liye Ibaadat Ke Tarike Aur Acchi Aur Pakeezah Zindagi Basar Karne Ke Liye Shariyat (Allah Ta’ala Ka Kanoon Ya Nizaam) Ata Kar Sake, Jis Par Amal Kar Ke Bani Israyeel Duniya Aur Aakhirat Dono Me Qamiyaab Ho Sake.

Jab Hazrat Musa (Alaihay Salam) Allah Ta’ala Se Mulaaqat Karne Kohe Toor Ki Muqaddas Waadi Me Pahooche To Allah Ta’ala Ne Apni Mashlehat Ke Tahat Hazrat Musa (Alaihay Salam) Se Mulaaqat Ka Waqt 30 Din (Days) Se Badhakar 40 Din (Days) Kar Diya. Aur Hazrat Musa (Alaihay Salam) 40 Dino Tak Kohe Toor Par Namaaze Padhte Aur Allah Ta’ala Ki Hamd-O-Sanaa Aur Paaki Bayaan Karte Rahe. Idhar Jab 30 Dino Tak Hazrat Musa (Alaihay Salam) Waapas Na Aaye To, Unki Qoum Ke Logo Ne Ek Gaaye (Cow) Ka Bachda (Bachche) Ka Boot (Murty) Bana Kar Uski Ibaadat Karna Shuru Kar Diya.

Iss Se Pahele Bhi Woh Log Kayee Bar Hazrat Musa (Alaihay Salam) Se Ye Mutalbaa (Demand) Kar Chuke The Ki Jis Tarha Mishr (Egypt) Ke Log Booto (Murtiyo) Ki Ibaadat Karte Hai Usi Tarhaa Hamaare Liye Koi Boot (Murty Ya Mujassama) Banaa Do Taaki Ham Us Ki Ibaadat Kar Sake. Aisa Isiliye Ke Kayee Sadiyo Ki Gulaami Aur Mishr Ke Kaafiro (Firoun Aur Us Ki Qoum) Ke Saath Rahte Rahte, Booto Ki Ibaadat Bhi Un Logo Ke Dil-O-Dimaag Me Rach-Bas Gayee Thi, Aur Hazrat Musa (Alaihay Salam) Har Baar Un Logo Ko Aise Mushrikaana Mutaalbe (Demand) Na Karne Ki Sakhti Se Manaahi Karte.

Lekin Ab To Un Logo Ke Darmiyaan Hazrat Musa (Alaihay Salam) Nahi The, Aur Jab Hazrat Haroon (Alaihay Salam), Jinhe Ki Hazrat Musa (Alaihay Salam) Ne Apni Qoum Ki Dekh Bhal Aur Qoum Ki Islaah Ka Zimmedaar Banaya Tha, Unhone Apni Qoum Ko Is Khuraafaat Se Door Rakhne Ki Aur Aisa Kaafirana Amal Na Karne Dene Ki Bahut Koshishe Ki, Lekin Unki Qoum Ke Kaafir Log Unke Hi Khoon Ke Pyaase Ho Gaye Aur Unhe Qatal Kar Dene Par Utaaroo Ho Gaye.

Riwayato Me Hai Ki Jab Bani Israayeel Hazrat Musa (Alaihay Salam) Ke Saath Mishr Se Nikle Toh Apne Saath Bahut Sath Sona-Chandi (Gold-Silver) Le Kar Aaye The. Aur Ek Riwaayat Me Hai Ki Jab Firoun Ka Lashkar Samundar Me Doob Gayaa Toh Unki Laashe (Dead Body) Paani Ke Upar Aa Gayee Toh Unki Laasho Par Jo Bhi Gahene Ya Jewar The Woh Sab Bani Israayeel Ne Utaar Liye The Ye Ek Tarike Ka Maale Ganimat Tha Jo Jung Ya Ladhaayee Ke Baad Dushman Qoum Se Haasil Hota Hai Aur Jo Halaal Hota Hai.

Ye Hi Jewar (Gehane) Bani Israayeel Ko Bojh Maaloom Hone Lage The Ki In Jewaro Ko Uthaaye Huve Kahaa-Kahaa Firte Rahege. Isiliye Un Logo Ne Saamri Jo Ki Unn Hi Ki Qoum Se Tha Aur Jaadugar Tha. Uss Ke Kahene Par Ek Bahut Badi Aag Tayyar Ki Aur Uss Me Apne Sare Jewar (Sona-Chandi) Daal Diye, Aur Saamri Ne Us Jewar Ko Pighlakar Ek Gaay Ke Bacchde Ka Mujassama (Boot) Tayaar Kiya Aur Logo Se Kah Diya Ki Ye Tumhara Aur Hazrat Musa (Alaihay Salam) Ka Rab Hai.(Nauzubillah).

Riwayato Me Hai Ki Saamri Ne Hazrat Zibrayeel (Alaihay Salam) Ko Jaate Huve Dekha Jo Ghode (Horse) Par Sawaar The, Usne Unke Ghode Ke Taapu Ke Nishaan Ki Mitti Utha Li Thi Aur Wo Hi Mitti Us Ne Apne Uss Banaaye Huve Gaay Ke Bachde Ke Muhh Me Daal Di Jis Se Us Ke Muhh Se Gaaye (Cow) Ki Rambhane Ki Aawaaz Aati Thi Aur Ek Riwaayat Me Hai Ki Us Gaay Ke Bachde Ke Mujassme Ki Banaawat Kuch Aisi Thi Ke Jab Us Ke Darmiyaan Se Ho Kar Hawaa (Air) Guzarti To Aise Lagta Ki Jaise Koi Zinda Gaaye (Cow) Aawaaz De Rahi Hai Ya Rambha Rahi Hai.

Jab Gaaye Ka Bachda Ban Kar Tayyar Ho Gayaa To Bani Israayeel Ke Logo Ne Uski Ibaadat Shuru Kar Di Aur Ek Bahut Bada Mela (Jashn) Manaaya, Ye Jashn Waisa Hi Hai Jaisa Ke Aaj Yahood Aur Nassara Aur Un Ki Pairvi Karne Wale Gumraah Log Naye Saal Ka Jashn Manaate Hai Jisme Sharaab, Naach Gana Aur Ayyashi Aur Behooda Harqato Ke Siwa Kuch Nahi Hota…

Aziz Dosto ,.. Allah Ta’ala Ne Apni Mayeshiyat Ke Tehat Hazrat Musa (Alaihay Salam) Ko 30 Din (Days) Ke Bajaaye 40 Din (Days) Tak Apne Paas Thaheraye Rakha. Aur Idhar Hazrat Musa (Alaihay Salam) Ki Qoum Ne Ek Gaay Ke Bachde Ka Mujassama (Murty) Banakar, Apna Rab Kahhekar Uski Ibaadat Karne Lage Aur Ek Bahut Bada Jashn Bhi Manaya. Allah Ta’ala Ne Kohe Toor Par Hazrat Musa (Alaihay Salam) Ko Wahee (Shariyat, Ya Paigaam) Ki Jo Ki Paththar Ki Takhti (Slate) Par Darz Ya Likhi Huyee Thi, Aur Hazrat Musa (Alaihay Salam) Se Ye Bhi Farmaa Diya, “Aye Musa Teri Qoum Boot Parashti Aur Shirq Me Pad Chuki Hai, Un Zaalimo Ne Ek Gaaye Ke Bachde Ko Apna Rab Bana Liya Hai, Kya Woh Nahi Dekhte ? Ke Na To Woh Gaay Ka Bachda, Na To Un Ki Baat Ka Jawaab Hi Deta Hai, Aur Na Hi Un Ke Liye Faayede Aur Nuqsaan Ka Mukhtaar (Malik) Hai ”.

Hazrat Musa (Alaihay Salam) Jab Apni Qoum Ki Taraf Waapas Loute To Apni Qoum Ko Gaaye (Cow) Ke Bachde Ki Ibaadat, Jashan, Sharaabkhori Aur Ayyashi Me Garq (Dooba) Huwaa Paaya. Apni Qoum Ki Is Nafarmaani Se Hazrat Musa (Alaihay Salam) Bahut Khafaa Aur Ranzida Huve Aur Gusse Ki Haalat Me Apne Haath Me Jo Wahee (Shariyat, Paigaam-e-Ilaahi) Thi Use Ek Taraf Fek Diya Aur Gazabnaak Ho Kar Hazrat Haaroon (Alaihay Salam) Ko Daadhi Aur Sir Ke Baal (Hair) Pakad Kar Jhakhjhor Diya Ya Apni Taraf Kheencha Aur Kahaa, “Jab Tumne Inhe Gumraah Hote Dekha Toh Tumhe Kis Baat Ne Roke Rakha ? Tum Ne Inhe Roka Kyon Nahi ? Ki Meri Itteba Karo ? Tum Ne Mere Huqm Ki Na Farmaani Ki Hai. Maine Kahaa Nahi Tha Ki Mere Baad Meri Qoum Ki Islaah Karna Aur Unka Khayaal Rakhna ?”

Hazrat Haaroon (Alaihay Salam) Ne Kahaa, “Aye Meri Maa Ke Bete (Aulaad) Meri Daadhi Aur Sir Ke Baal Na Pakdo Aur Mujhe Apni Hi Qoum Ke Logo Ke Liye Hansi Aur Mazaaq Na Banaavo, Maine To Pahele Hi Inse Kahe Diya Tha Ki Ye Tumhari Aazmaayeesh Hai, Aur Bilasubaah Tumhara Rab,. Rahemaan Hi Hai, Isiliye Meri Itteba Karo Aur Mere Huqm Ki Ita’at (Pairvi) Karo. Lekin Ye Log Kahene Lage Ki Jab Tak Hazrat Musa (Alaihay Salam) Nahi Aa Jaate, Ham Toh Isi Bachde Ki Ibaadat Karte Rahege, Aur Ye Log Mujhe Hi Qatal Kar Dena Chaahete The, Aur Mujhe Is Baat Ka Khatra Tha Ke Tum Waapas Aa Kar Ye Na Kaho Ki Maine Bani Isaraayeel Me Foot Daal Di Ya Do Firko Me Baat Diya Aur Meri Baat Ka Lihaaz Na Kiya”.

*Hazrat Musa (Alaihay Salam) Ne Allah Ta’ala Se Duwaa Ki, Aye Hamaare Rab Mujhe Aur Mere Bhai Ko Bakhsh De, Aur Hame Sahi Raah Dikha”.

Fir Apni Qoum Ki Taraf Mukhaatib Ho Kar Kahaa, “Tumhe Kis Cheez Ne Bachde Ki Ibaadat Karne Ke Liye Mazboor Kiya, Tum Log Mere Waapas Aane Tak Ka Intezaar Toh Kar Lete”.

Unki Qoum Ke Logo Ne Kahaa, “Hame Saamri Ne Gaaye Ka Bachda Banaa Kar Diya Tha Aur Kahaa Tha Ki Ye Hi Tumhaara Aur Hazrat Musa (Alaihay Salam) Ka Rab Hai, Aur Hazrat Musa (Alaihay Salam) Iss Baat Ko Bhul Gaye Hai”.
Hazrat Musa (Alaihay Salam) Ne Saamri Se Kahaa, “Tu Bataa Tera Kya Muaamlaa Hai ?”

Saamri Ne Kahaa, “Maine Woh Cheez Dekhi Jo Kisi Ko Nazar Na Aayee, Maine Hazrat Zibraayeel (Alaihay Salam) Ko Dekha, Maine Unke Naqse Qadam Se Ek Mutthi Khaak Uthaa Li Aur Is Bachde Ke Jism Me Daal Di, Mere Nafs (Mere Dil) Ne Mujhe Aisa Hi Samjhaya Tha”.

Hazrat Musa (Alaihay Salam) Ne Gusse Me Ek Mukka (Ghusaa) Saamri Ke Sir Pe De Maara, Jis Se Wo Badhawaas Ho Gayaa, Aur Hazrat Musa (Alaihay Salam) Ne Saamri Ko Ye Badduwaa Di, “Jaavo Tumhaare Liye Zindagi Bhar Ye Sazaa Hai Ki Tum Dusro Se Kahete Rahoge Ke Mujhe Na Chhoona. Aur Tere Liye Azaab Ka Ek Waqt Hai Jo Tujh Se Kabhi Tal Nahi Sakta, Aur Tu Dekh Ham Tere Is Ilaaha (Maabood) Ka Kya Karte Hai, Jis Ke Aage Tu Sajdaa Karta Tha Aur Jis Ki Ibaadat Karta Tha, Dekh Kaise Ham Ise Jalaa Kar Iski Raakh Ko Dariya Me Bahaa Dete Hai. Hamara Maabood To Sirf Allah Ta’ala Hi Hai, Jis Ke Ilm Ne Har Cheez Ko Gher Rakha Hai”.

Aziz Dosto Riwaayato Me Hai Ki Saamri Par Hazrat Musa (Alaihay Salam) Ki Badduwaa Ka Ye Asar Huwaa Ki Jo Koi Bhi Saamri Ko Chhoota To Uska Aur Saamri Ka Jism (Badan) Bukhaar Me Tapne Lagta Aur Ye Bukhaar Bhi Aisa Hota Jaise Ke Kisi Ne Badan (Jism) Me Aag Lagaa Di Ho. Isiliye Saamri Logo Se “Mujhe Na Chhoona Mujh Se Door Raho” Ye Kaheta Huwaa Badhawaas Ho Kar Jungle Ki Taraf Bhaag Gaya. Aur Isi Haal Me Uski Dardnaak Mout Huyee.

Aur Bani Israayeel Ko Unke Is Gunaah Ki Ye Sazaa Mili Ke Unhe Ye Huqm Diya Gaya Ki Jin Logo Ne Boot Parashti Ka Gunaah Kiya Tha Woh Log Aapas Me Ek Dusre Ko Qatal Kare. Riwaayato Me Hai Bani Israayeel Me Sabhi Logo Ne Boot Parashti Ya Gaay Ke Bachde Ki Ibaadat Nahi Ki Thi, Un Me Bhi Kuch Imaan Waale Log The Jo Is Gunaah Se Door The, Isiliye Bani Israayeel Me Do Giroh Ban Gaye The Ek To Woh Jin Logo Ne Boot Parasti Ki Thi Aur Dusra Woh Jo Imaan Wale The, Isiliye Ye Huqm Diya Gaya Ki Jo Imaan Wale Hai Woh Apne Haatho Se Kaafiro Ka Qatal Kare (Wallaho Aalam).

Fir Jab Hazrat Musa (Alaihay Salam) Ka Gussa Thanda Huwa Toh Unhone Wahee-e-Ilaahi (Shariyat Jo Paththar Ki Takhti Par Likhi Huyee Thi Use Utha Liya. Aur Apni Qoum Ki Islaah Me Mashroof Ho Gaye …

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Musa (Alaihay Salam)

• Khizar (Alaihay Salam) Ke Jarye Musa (Alahi Salam) Aazmaish

Aziz Dosto ,… Hazrat Musa (Alaihay Salam) Aksar Allah Ta’ala Se Hamkalaami (Baate) Karne Kohe Toor Par Jaaya Karte The. Ek Din Musa (Alaihay Salam) Ne Baargaahe Ilaahi Me Arz Kiya, “Aye Mere Rab Main Tera Deedaar Karna Chaahta Hoon, Tujhe Dekhna Chahta Hoon”.
Allah Ta’ala Ne Farmaaya, Aye Musa Tu Mujhe Nahi Dekh Sakta”. Lekin Musa (Alaihay Salam) Ke Bar-Bar Israar (Zid) Karne Par Allah Ta’ala Ne Farmaaya, “Aye Musa Tu Uss Saamne Waali Pahaadi Par Apni Nazre Jamaaye Rakh, Mai Uss Pahaadi Par Apne Noor Ki Ek Jhalak (Tajjalli) Daloonga, Agar Wo Pahaadi Mere Noor Ki Jhalak Bardast Kar Le Toh Tu Bhi Mujhe Dekh Sakega”.

Jaise Hi Allah Ta’ala Ne Apne Noor Ki Ek Jhalak Uss Pahaadi Par Daali Woh Pahaad Allah Ta’ala Ke Noor Ki Jhalak Bardast Na Kar Saka Aur Pal Bhar Me Jal Kar Khaak Ho Gayaa.

Aur Hazrat Musa (Alaihay Salam) Ki Aankhe Bhi Apne Rab Ki Adna Si Jhalak Par Chaka Chaundh Ho Gayee Aur Musa (Alaihay Salam) Behosh Ho Kar Door Ja Gire.
Jab Musa (Alaihay Salam) Ko Hosh Aaya Toh Woh Apne Rab Ki Khoob Paaki Aur Hamd-O-Sanaa Bayaan Karne Lage. Aur Musa (Alaihay Salam) Ne Baargaahe Ilaahi Me Ye Duwaa Ki, “Aye Mere Rab Paak Hai Tu Aur Main Tujh Par Pahele Imaan Lane Wala Hoon”.

Aziz Dosto Ek Dafa (Waqt) Ki Baat Hai, Gaalban Ye Waqeya Uss Waqt Ka Hai Jab Bani Israayeel Ko Abhi Firoun Ke Qaid Se Aazaadi Nahi Mili Thi Aur Musa (Alaihay Salam) Mishr (Egypt) Me Hi Rah Rahe They. Kyonki Bani Israayeel Ki Firoun Se Aazaadi Ke Baad Ka Sara Zamaana Musa (Alaihay Salam) Ne Sahera-e-Seena Aur Teehaa Ke Maidaan Me Basar Kiya. Toh Mishr (Egypt) Me Kisi Ne Hazrat Musa (Alaihay Salam) Se Poochaa Ki, “Is Waqt Zameen Par Sab Se Jiyaada Ilm Wala (Aaleem) Koun Hai?”.

Hazrat Musa (Alaihay Salam) Ne Jawaab Diya, “Is Waqt Zameen Par Sab Se Jiyaada Aaleem Main Hoon”.
Musa (Alaihay Salam) Ka Ye Jawaab Allah Ta’ala Ko Napasand Aaya.

Allah Ta’ala Ne Farmaaya, Aye Musa ! Tujh Se Jiyada Aaleem Iss Waqt Zameen Par Mera Ek Maheboob Banda Hai”.

*Riwayato Me Hai Ki Allah Ta’ala Ne Apne Jis Maheboob Bande Ka Ziqr Kiya, Unka Naam Khizar (Alaihay Salam) Tha. Jab Musa (Alaihay Salam) Ne Hazrat Khizar (Alaihay Salam) Ka Naam Suna Tou Unse Mulaaqat Karne Aur Un Ki Khidmat Me RehKar Ilm Haaseel Karne Ka Iraada Kiya.

Allah Ta’ala Ne Musa (Alaihay Salam) Ko Uss Jagaah Ki Nishaandehi Kara Di Ya Bata Di Jaha Hazrat Khizar (Alaihay Salam) Se Mulaaqat Honi Thi. Us Jagaah Ke Baare Me Allah Ta’ala Ne Ye Farmaaya Ki Do Dariya (Samundar) Ke Milaap (Sangam) Par Khizar (Alaihay Salam) Se Mulaaqat Hogi, Aur Saath Me Ye Bhi Farmaaya Ki, “Aye Musa Apne Saath Me Ek Machli (Fish) Bhi Rakh Lena Aur Wo Machli (Fish) Do Dariyavo Ke Milaap (Sangam) Par Jahaa Bhi Tum Se Kho Jaaye Ya Gum Ho Jaaye, Usi Muqaam Par Khizar (Alaihay Salam) Se Mulaaqat Ho Jayegi”.

Aziz Dosto Ye Jagaah Gaalban Jahaa Do Dariyavo Ka Sangam Ya Milaap Hota Hai Sudaan Me Hai, Jahaa Par Dariya-e-Neel Ki Do Dharaaye (Shakhaaye, Branch) Aapas Me Aa Kar Milti Hai. Ab Musa Apne Khaadeem (Shaagird) Jinka Naam Yusa-Aa Bin Noon Tha, Unhe Saath Lekar Safar Par Nikal Padey. Hazrat Musa (Alaihay Salam) Ne Apne Khaadeem Se Kahaa, “Main Tou Tab Tak Chalta Rahooga Jab Tak Do Dariyavo (Samundar) Ke Milaap Par Na Pahooch Jaawoo, Chaahe Mujhe Kitni Hi Muddat Chalna Kyon Na Pade,.."

Chalte-Chalte Jab Wo Dono Do Dariyavo (Samundaro) Ke Milaap Par Pahooche Tou Achaanak Wo Machli (Fish) Tadap Kar Samundar Me Ja Giri Aur Usne Samundar Me Ajab Tarhaa Se Surangnuma Raasta Bana Liya. Aur Ye Baat Musa (Alaihay Salam) Ko Pata Nahi Chali. Aur Woh Dono Dariya (Samundar) Ke Milaap (Sangam) Se Aage Badh Gaye. Kuch Aage Jaane Ke Baad Musa (Alaihay Salam) Ne Apne Saathi Se Kahaa, “Ye Safar Tou Bahut Thaka Dene Wala Hai, Mujhe Toh Iss Safar Se Koft Hone Lagi Hai, Tum Hamaara Khana Laavo Ke Khana Khaa Liya Jaaye,.."

*Unn Logo Ne Apne Khaane Ke Liye Shaayad Bhuni (Fry) Huyee Machli (Fish) Rakhi Huyee Thi, Khaane Ki Baat Par Unke Khadeem Ko Yaad Aaya Toh Kahene Lage, “Bhala Dekho Tou, Jab Ham Log Do Dariyavo (Samundaro) Ke Milaap Par Ek Chattan Ke Paas Ruke The Tab Hi Woh Machli Tadap Kar Samundar Me Ja Giri Aur Usne Samundar Me Ek Ajab Tarhaa Ka Raasta Bhi Bana Liya Tha, Yeh Baat Main Aap Ko Bataana Hi Chaaheta Tha, Lekin Ye Shaitaan Hi Hai Ki Usne Mujhe Aap Se Iss Baat Ka Ziqr Karna Bhula Diya.,."

Aziz Dosto Yahaa Par Bhi Allah Ta’ala Ke Do Moujjaze (Nishaniya, Karaamaat) Zaahir Huve. Pahela Toh Ye Ki Woh Machli Bhuni Aur Mari Huyee Thi (Dead And Fry Fish) Lekin Jaise Hi Woh Log Do Dariyavo (Samundar) Ke Milaap Par Pahooche, Woh Machli Zinda Ho Kar Tadap Kar Samundar Me Ja Giri. Aur Dusra Yeh Ki Jab Koi Machli Paani Me Girti Hai To Kuch Hi Lamho Me Paani Ki Sataah (Level) Baraaabar Ho Jaati Hai Lekin Yahaa Par Us Machli Ne Ek Ajab Tarhaa Se Samundar Ke Paani Ke Andar Hi Surangnuma Raasta Banaate Huve Apne Piche Nishaan Chodti Gayee ….

Aziz Dosto ,….. Jab Musa (Alaihay Salam) Ne Apne Saathi Hazrat Yusa-Aa Bin Noon Se Ye Sara Waqiya (Baat) Suna Toh Fouran Keh Uthe, “Isi Cheez Ki To Hame Talaash Thi, Mujhe Fouran Uss Jagaah Par Le Chalo”. Isiliye Woh Log Apne Qadmo Ke Nishaan Par Waapas Chalne Lage Aur Khizar (Alaihay Salam) Ke Paas Ja Pahooche,.
*Hazrat Khizar (Alaihay Salam) Allah Ta’ala Ke Nek Aur Barguzida Bande The, Allah Ta’ala Ne Unhe Apni Rahemat Se Nawaaza Tha, Aur Apne Paas Se Unhe Khaas Ilm Sikhaya Tha. Musa (Alaihay Salam) Ne Khizar (Alaihay Salam) Ke Paas Pahooch Kar Un Se Salaam Duwaa Ki Aur Kahaa, “Aye Khizar (Alaihay Salam) Agar Main Aap Ki Itteba (Pairvi) Karoo Toh Kya Aap Mujhe Uss Bhalaayee (Ilm) Ka Kuch Hissa Mujhe Sikha Denge ? Jo Allah Ta’ala Ne Aap Ko Sikhaya Hai..”

Hazrat Khizar (Alaihay Salam) Ne Hazrat Musa (Alaihay Salam) Se Kahaa, “Aye Musa (Alaihay Salam) Allah Ta’ala Ne Apne Ilm Me Se Ek Ilm Mujh Ko Sikhaya Hai Jise Aap Nahi Jaante Aur Ek Ilm Aap Ko Sikhaya Hai Jise Main Nahi Jaanta, Aur Haan Mera Aur Tumhara Dono Ka Ilm Mil Kar Bhi Dariya (Samundar, Sea) Se Ek Chidiya (Birds, Sparow) Apni Chonch Me Jitna Paani Leti Hai, Itna Hi Hai.
Aur Fir Farmaaya, “Aye Musa (Alaihay Salam) ! Aap Mere Sath Sabr Na Kar Sakoge, Aur Jis Haqiqat Ka Aap Ke Paas Ilm Na Ho Aap Uss Par Sabr Kar Bhi Kaise Sakte Ho ?”

Hazrat Musa (Alaihay Salam) Ne Kahaa, “Aap In'sha' Allah Mujhe Sabir (Sabar Karne Wala) Paaoge, Aur Main Aap Ki Nafarmaani Nahi Karooga”.

Hazrat Khizar (Alaihay Salam) Ne Kahaa, “Agar Aap Ko Mere Saath Rahena Hai Toh Mujh Se Koi Baat Ya Sawaal Na Poochna Jab Tak Ki Main Khud Hi Aap Se In Baato Ya Sawaalo Ka Ziqr Na Karoo !”.

Hazrat Musa (Alaihay Salam) Ne Kahaa, “Mujhe Manzoor Hai”

Aziz Dosto Iss Ke Aage Hazrat Musa (Alaihay Salam) Ke Saathi Hazrat Yusa-Aa Bin Noon Ka Ziqr Nahi Hai, Shaayad Khizar (Alaihay Salam) Se Mulaaqat Ke Baad Musa (Alaihay Salam) Ne Unhe Wapas Jaane Ka Huqm Diya Ho,..
Khair, Ab Khizar (Alaihay Salam) Aur Musa (Alaihay Salam) Saath-Saath Chal Pade. Kuch Der Chalne Ke Baad Raaste Me Ek Dariya (River, Nadee) Padi Isiliye Woh Dono Hazraat Qashti (Naav, Ship) Me Sawaar Ho Gaye. Uss Qashti (Naav) Ke Malik Ne Un Logo Se Kiraaya Na Liya. Jab Woh Log Kinaare Par Pahooche Tou Khizar (Alaihay Salam) Ne Uss Qashti (Naav) Me Shigaaf (Hole, Ched) Kar Diya. Riwaayato Me Hai Ki Us Qashti Ke Ek Baajoo Ka Lakdi Ka Palla (Fatta) Ukhaad Diya,.

Hazrat Musa (Alaihay Salam) Ne Jab Ye Dekha Toh Un Se Rahaa Nahi Gaya Aur Un Hone Fouran Kahaa, “Kya Tum Ne Iss Naav Me Shigaaf (Chhed, Hole) Daala Hai Ke Qashti Walo Ko Hi Dooba Do ,.? Ye Toh Tum Ne Bahut Khatarnaak Aur Bura Kaam Kiya Hai...”
Hazrat Khizar (Alaihay Salam) Ne Kahaa, “Maine Kahaa Nahi Tha Ki Tum Mere Saath Sabr Nahi Kar Sakoge”.

Hazrat Musa (Alaihay Salam) Ko Apni Galti Ka Ahesaas Huwa Aur Un Hone Jawaab Diya, “Mujh Se Bhul Ho Gayee, Aap Meri Iss Galti Ko Nazar Andaaz Karde, Aur Mera Kaam Mere Liye Mushkeel Na Kare, Aaindaa Aisa Na Hoga”.
Chunanche Woh Dono Hazraat Fir Aage Chal Padey, Kuch Der Chalne Ke Baad Unhone Dekha Kuch Bachche (Child) Aapas Me Khel Rahe Hai. Khizar (Alaihay Salam) Ne Un Me Se Ek Bachche Ko Us Ki Gardan Marodkar Maar Daala. Hazrat Musa (Alaihay Salam) Ne Jab Ye Dekha Tou Unhe Bardaast Na Huwaa Aur Unhone Kahaa, “Tum Ne Ek Begunaah Shakhs (Bachche) Ko Maar Daala Jis Ne Kisi Ka Khoon Na Kiya Tha Aur Naa Hi Koi Gunaah, Aap Ne Toh Ye Ek Sakht Gunaah Aur Makrooh Kaam Kiya Hai,..”

Hazrat Khizar (Alaihay Salam) Ne Kahaa, “Maine Kahaa Nahi Tha Ki Tum Kabhi Bhi Mere Saath Sabr Na Kar Sakoge”.
Hazrat Musa (Alaihay Salam) Ne Kahaa, “Ab Iss Ke Baad Maine Aap Se Koi Baat Poochi Ya Koi Sawaal Kiya Tou Aap Beshaq Mujhe Apne Saath Mat Rakhna, Aur Meri Taraf Se Bhi Aap Par Koi Ujar Ya Huzzat (Wajaah) Baqi Na Rahegi”.

Fir Dono Hazraat Saath-Saath Chal Pade Yaha Tak Ki Woh Dono Ek Basti Me Ja Pahooche, Un Logo Ne Basti Waalo Se Khaana Maanga, Lekin Uss Basti Waalo Ne Un Ki Mehamaan Nawaazi Se Inqaar Kar Diya, Kisi Ne Khaana Toh Kya Paani Tak Na Diya,.. Ghumte-Ghumte Wo Log Ek Jagaah Pahooche Jahaa Unhone Dekha Ki Ek Deewaar (Wall) Girne Ki Haalat Me Hai Ya Girne Wali Hai Toh Khizar (Alaihay Salam) Ne Usey Bana Diya Ya Girne Se Bacha Liya Aur Use Qaayem (Sidha) Kar Diya,..

Hazrat Musa (Alaihay Salam) Jo Iss Baat Se Naaraaz They Ki Uss Basti Waalo Ne Unn Logo Ki Mehmaan Nawaazi Na Ki, Jab Unhone Dekha Ki Khizar (Alaihay Salam) Ne Woh Deewaar Bana Di Hai Toh Kahaa, “Agar Aap Chaahatey Tou Iss Basti Walo Se Iss Deewaar Ko Banane Ki Uzrat (Mehantaana, Mazdoori) Le Sakte They”.

Hazrat Khizar (Alaihay Salam) Ne Kahaa, “Aye Musa (Alaihay Salam) Ab Mera Aur Tumhara Saath Yahaa Par Khatam (End) Huwa. Lekin Aap Ko Apne Se Judaa Hone Se Pahele Main Aap Ko Inn Baato Ki Haqiqat Batlaata Hoon, Aur Aap Ko Aap Ke Sawaalo Ke Jawaab Deta Hoon, Jin Baato Par Aap Sabr Na Kar Sake,...”.

Qashti (Naav, Ship) Ka Muaamla (Matter) Ye Tha Ki Woh Qashti Kuch Gareeb Aur Miskeen Logo Ki Thi Jo Ki Un Ki Rozi-Roti Ka Zariya Thi, Aur Woh Log Dariya Par Mehnat Majdoori Karte They, Maine Chaaha Ki Iss Qashti (Naav) Ko Aibdaar (Damage) Kar Doo. Kyonki Un Ke Aage Ek Zaalim Baadshah Tha Jo Har Qashti Ko Zabardasti Cheen Leta (Kabza Kar Leta) Aur Un Ke Maliko Se Begaar Karaaya Karta (Yani Ki Bina Majdoori Diye Kaam Karaya Karta Tha), Aur Agar Koi Qashti Aibdaar (Damage) Hoti Toh Woh Usey Chhod Deta. Isiliye Maine Uss Qashti Me Shigaah (Chhed, hole) Kar Diya Tha Taaki Woh Qashti Uss Zaalim Baadshaah Se Bach Jaaye”.

Aur Ladke Ka Kissaa (Story) Ye Hai Ki, Uss Ladke Ke Maa-Baap (Waldain) Momin, Saleh Aur Allah Ta’ala Ke Shukar Guzaar Bande They. Aur Uss Ladke Ke Muqaddar Me Kufr Karna Likha Huwaa Tha. Aur Woh Bada Ho Kar Kaafir Banta, Isiliye Mujhe Khouf Huwa Ki Ye Ladka Apni Sirkashi Aur Kufr Se Apne Maa-Baap (Waldain Ke Liye Musibat Na Khadi Kar De Ya Apne Maa-Baap Ko Kufr Karne Par Mazboor Na Kar De. Isiliye Maine Chaha Ki Allah Ta’ala Iss Ladke Ke Badle Me Iss Se Behter Ladka Ata Kare Jo Paakeeza Aur Dusro Ka Khayaal Rakhne Wala Ho Aur Apne Waldain Se Bhi Husn-e-Salook Karne Wala Ho”.

Aur Deewaar Ki Baat Ye Hai Ki, Wo Do Yateem (Orphan, Beshara Anaath) Ladko Ki Thi Jo Uss Shaher Ke Baahar Rahte They, Aur Iss Deewar Ke Niche Ek Khazaana Dabaa Huwa Tha Jo Ki Un Ke Baap (Waleed) Ne Deewar Ke Niche Dabaa Rakha Tha, Aur Un Bachcho Ke Baap (Waleed) Ek Saaleh Aur Nek Insaan The, Isiliye Aapke Rab Ne Chaaha Ke Ye Dono Yateem Apni Jawaani Ko Pahooch Kar Ye Khazaana Nikaal Le, Aur Jo Kuch Bhi Maine Kiya Aap Ke Rab Ki Rehmat Thi, Maine Apne Ikhtiyaar (Apne Dil Se) Kuch Bhi Nahi Kiya, Maine Wo Hi Kiya Jo Aap Ke Rab Ne Chaaha, Ye Inn Baato Ki Haqiqat Thi Jin Par Aap Sabr Na Kar Sake”. Aur Fir Hazrat Musa (Alaihay Salam) Mishr Waapas Laut Aaye.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Dawood (Alaihay Salam)

Aziz Dosto ,…. Allah Ta’ala Ne Hazrat Dawood (Alaihay Salam) Ko Naboowat, Baadshahat, Ilm Aur Huqumat Ata Ki. Jab Ki Asal Me Hazrat Dawood (Alaihay Salam) Gaderiye (Bhedh, Bakri Charaane Wale) The. Allah Ta’ala Ne Unhe Bahut Surili (Mithi) Awaaz Di Thi, Pahaado (Mountance) Aur Parindo (Birds) Ko Un Ke Ta’abey (Under Control) Kar Diya Tha.
Jab Hazrat Dawood (Alaihay Salam), Allah Ta’ala Ke Hamd Ke Nagme (Geet) Gaate Toh Jaise Sari Qaayenat Uss Aawaaz Ko Sunkar Madhosh Ho Jaati, Aap Ke Ird-Gird Parinde Jamaa Ho Jate, Jab Pahaad Aur Parinde, Aap Ki Aawaaz Me Apni Aawaaz Mila Kar Allah Ta’ala Ki Hamd Ke Nagme Gaate Toh Saari Fiza Uss Aawaaz Se Goonj Jaati. Pahaad Aur Parinde, Hazrat Dawood (Alaihay Salam) Ke Saath Mil Kar Subaah (Morning) Aur Shaam (Evening) Allah Ta’ala Ki Hamd-O-Sana Kiya Karte They.

Allah Ta’ala Ne Un Ke Liye Lohe (Iron) Ko Naram Kar Diya Tha, Lohe Ko Pighla Kar (Melt) Auzaar Ya Jangi Saaz-O-Samaan Tayyar Karne (Iron Smelting) Ka Ilm Allah Ta’ala Ne Un He Ata Kiya Tha Jo Ki Un Ke Zamaane Me Bahut Mahedood (Kam Jaankari) Thi. Hazrat Dawood (Alaihay Salam) Lohe Ki Barik Sanqali, Zanzeer (Chain) Zirah Bakhtar, Yaani Ki Jang (Ladayee) Me Istemaal Hone Wali Cheeze Khud Banaya Karte Aur Uss Ki Kamaayee Se Hi Apni Roti Khaate (Guzar-Basar Karte).

*Hazrat Dawood (Alaihay Salam) Ki Ibadate , Allah Ta’ala Ko Bahut Pasand Thi, Woh Raat Me Kuch Der Hi Sote The Aur Baqi Hisse Me Allah Ta’ala Ki Ibaadat Kiya Karte The. Aur Ek Din Ke Chodkar Ya Ek Din Ki Aadh Me Roze (Fast) Rakha Karte The. Hazrat Dawood (Alaihay Salam) Ne Kuch Din (Days) Allah Ta’ala Ki Ibaadat Ke Liye Muqarrar Kar Rakhe The Aur Kuch Din Awaam (Public, Janta) Ke Masaayeel (Problem) Hal (Solve) Karne Ke Liye Rakhe The. Jis Din Woh Apne Ibaadat Khaane (Mehrab, Masjid) Me Ibaadat Karte Uss Din (Days) Kisi Ko Bhi Un Se Milne Ki Izaazat Na Hoti Aur Ibaadat Khaane Ke Baahar Pahredaar Pahera Dete Rahte. Ek Din Hazrat Dawood (Alaihay Salam) Apne Mehraab Me Ibaadat Kar Rahe They. Usi Waqt Allah Ta’ala Ne Do Farishto Ko Aadmi Ki Shaqal Me Unhe Nasihat Dene Bheja.

Baahar Pahera Laga Huwaa Tha, Isiliye Dono Farishte Diwaar (Wall) Faandkar Mehraab Me Daakhil Huve. Jab Hazrat Dawood (Alaihay Salam) Ne Unhe Dekha Toh Ghabra Gaye, Un Farishto Ne Kahaa, “Ghabravo Nahi, Ham Apna Ek Muqadma Aap Ke Paas Laaye Hai Aur Iss Muqadme Ke Fariq (Party) Ham Dono Hai, Aur Ham Se Ek Ne Dusre Par Jiyaadati Ki Hai, Isiliye Aap Hamaare Darmiyaan Insaaf Se Faislaa Kar Dijiye Aur Ham Par Jiyaadati Na Kijiye Aur Hame Sidhi Raah Samjhaaye. Fir Un Me Se Ek Ne Kahaa, “Ye Mera Bhai (Partner, Sajhidaar) Hai, Iss Ke Paas (99) Dumbiya (Bhedh, Sheep) Hai Aur Mere Paas Ek (1) Dumbi (Bhedh, Sheep) Hai, Woh Kaheta Hai Ki Mujhe Wo Ek (1) Dumbi (Bhedh, Sheep) De De, Aur Baate Karne Me Bhi Bahut Tez Hai Aur Iss Ne Mujhe Baato Me Bhi Dabaa Diya Hai”.

Hazrat Dawood (Alaihay Salam) Ne Jawaab Diya, “Iss Aadmi Ne Teri Dumbi (Bhedh, Sheep) Ko Apni Dumbiyo Me Milane Ka Sawaal Kar Ke Tum Par Zulm Kiya Hai Aur Aksar Sajhidar (Partner) Ek Dusre Par Jiyaadati Karte Hai Siwaaye Unn Ke Jo Imaandar Ho Aur Nek Amal Karte Ho Lekin Aise Log Thode Se Hi Hai”.

Jab Un Dono Farishto Ne Ye Faisla Suna To Apne Muqadme Ke Faisle Ko Amal Me Laaye Bina Rukhsat Ho Gaye. Hazrat Dawood (Alaihay Salam) Ko Inn Dono Ki Haqiqat Par Pahele Hi Shaq Tha Aur Jab Un Dono Ne Apne Muqadme Ke Faisle Ko Laagoo Karne Ka Mutaa-Alba Bhi Na Kiya Aur Chale Gaye Toh Hazrat Dawwod (Alaihay Salam) Ka Shaq Aur Pukhta (Mazboot) Ho Gayaa Ki Ye Muqadma Unn Dono Ka Nahi Balki Khud Un Ke Apne Liye Nashihat Ya Imtehaan Tha Ki Dusre Fareeq (Party) Ki Baate Sune Bina Faisla Nahi Karna Chahiye. Chunanche Unhone Allah Ta’ala Ki Baargaah Me Tauba Astagfar Kiya Aur Rukoov Me Gir Gaye Aur Apni Galti Ki Maafi Maangi. Aur Allah Ta’ala Ne Un Ki Taubaa Qabool Ki Aur Unki Galti Ko Muaf Kar Diya.

Aur Fir Allah Ta’ala Ne Hazrat Dawood (Alaihay Salam) Se Farmaaya, “Aye Dawood ! Ham Ne Tumhe Iss Zameen Ka Khalifaa (Naayeb, Waaris) Banaya Hai, Isiliye Logo Me Insaaf Se Faislaa Karo Aur Khawaahish Nafs Ki Pairvi (Ittebaa) Na Karna, Warna Ye Baat Tumhe Hamaari (Allah Ta’ala Ki) Raah Se Behka Degi, Aur Jo Log Hamari Raah Se Bahek Jaate Hai Un Ke Liye Sakhat Azaab Hai, Kyon Ki Woh Log Youm Hisaab (Aakhirat, Qayaamat) Ko Bhul Gaye Hai”.

Allah Ta’ala Ham Sab Musalmano Ko Sidhi Aur Sachchi Raah Chalne Ki Taufiq Ata Farmaaye !!! Aameen !!! Ya …. Rabbul ….Aalameen !!!

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Sulaimaan (Alaihay Salam)

• Hazrat Sulaimaan (Alaihay Salam) Aur Unka Mozza-e-Mubarak: Hawaa, Jinnaat-o-Shayateen, Parind Charind Par Hukumat !!!

Aziz Dosto ,…Jab Se Takhliqe Qaayenaat Amal Me Aayee Hai Aur Insaan Ko Iss Duniya Me Utaara Gayaa Hai, Tab Se Insaaniyat Islaahi Madaariz Taye Karte Huve Meraaj-e-Insaaniyat Ki Taraf Gaamzan Toh Hai Magar Hazrat Sulaimaan (Alaihay Salam) Ko Hazrat Dawood (Alaihay Salam) Ki Tarhaa Baadshahat Ke Saath-Saath Naboowat Bhi Ata Huyee Aur Jinn-Jinnaat, Insan, Charind Parind Hazrat Sulaimaan (Alaihay Salam) Ke Taabey Huve Aur Aisa Azeem-O-Aalishaan Darbaar Unhe Naseeb Huwaa Ki Kisi Aur Ke Hisse Me Na Aaya, Ki Jahaa Allah Ta’ala Ki Har Makhlooq Haath Baandhe Adab Se Khadi Hai
Subhan Allah ….

Aziz Dosto ,… Allah Ta’ala Ne Hazrat Dawood (Alaihay Salam) Ko Naboowat Aur Huqumat Ata Ki Aur Unhe Hadeed (Lohaa, Iron) Ki Masni’at Ke Ilm Ke Saath-Saath Parindo Aur Pahado Ko Un Ke Matee (Taabey) Kar Diya. Aur Hazrat Sulaimaan (Alaihay Salam) Jo Ki Unke Farzand (Bete, Son) The, Unhe Unka Waris Banaya Aur Hazrat Sulaimaan (Alaihay Salam) Ko Bhi Naboowat Aur Huqumat Ata Ki. Aur Unhe Taamba (Copper) Ki Masni’at Ka Ilm Sikhaya. Eik Riwaayat Me Hai Ki Allah Ta’ala Ne Hazrat Sulaimaan (Alaihay Salam) Ke Liye Pighle Huve (Melt) Taambe (Copper) Ka Dariya Bahaa Diya. Ya Unhe Taambe Ko Pighlaa Kar Uss Se Mujassame Banaane, Bartan Banaane Aur Badi-Badi Deyge Banane (Khana Banane Ka Bahut Bada Bartan) Banane Aur Bhi Dusri Cheeze Banaane Ka Ilm Diya Tha.

Hazrat Sulaimaan (Alaihay Salam), Allah Ta’ala Ke Aise Waheed Nabi The Jinhe Allah Ta’ala Ne Un Ke Kitna Bhi Kharach Karne Par Hisaab Kitaab Se Chhuth Di Huyee Thi Yaani Ki Woh Kitna Bhi Kharch Kare Unse Koi Hisaab Kitaab Na Liya Jayega. Lekin Fir Bhi Hazrat Sulaimaan (Alaihay Salam) Apne Haatho Se Banaayee Huyee Taambey (Copper) Ki Cheezo Ko Bechkar Apna Guzar-Basar Kiya Karte The. Allah Subhanahu Ta’ala Ne Unke Taabey (Under) Hawaa (Air) Ko Kar Diya Jo Unke Huqum Se Chalti Thi.

• Jinnaat-o-Shayateen Aur Hawaa Par Huqumat :
Azeez Dosto Hawaa Par Tabey Paane Ki Ek Riwayat Me Hai Ke, Aap Hazrat Sulaimaan (Alaihay Salam) Ki Huqumat Ke Daur Me Jinnaato Aur Shayaateen Ke Fitno Ka Zahoor Huwa. Aap Ki Daar–Ul–Huqumat Jerusalam (Bait-Ul-Muqaddas) Thi. Aap Hazrat Sulaimaan (Alaihay Salam) Ke Dour-e-Hukumat Me Allah Ta’ala Ne Jinnato Aur Shayatin Ke Liye Iss Duniya Ke Darwaze Khol Diye They.
Aur Sulaimaan (Alaihay Salam) Ko Iss Baat Ki Basharat Ki Ke Unki Hukumat Me Unkareeb Jinnaat Aur Shayateen Ka Nuzool Hoga,, Yeh Unki Doar Ka Sabse Bada Fitna Raha.. Aur Jab Unhone Iss Muamlat Ke Peshgoyi Ke Liye Apne Mulk Ke Dur Daraz Shaharo Ke Alimo Wa Yaudi Ulamao Se Guftgu Karna Chaha Toh Unn Yahudi Alimo Ne Unki Baato Ka Mazaak Udate Hue Unhe Aur Unki Naboowat Ko Bhi Zuthla Diya,,

Aap Hazrate Sulaimaan (Alaihay Salam) Ne Unn Yahudi Ulamaao Se Waaz (Speech) Farmaya Ke, “Jab Hazrate Aadam (Alaihay Salam) Zameen Par Tashrif Laye Tab Tamaam Aalam Ek-Dusre Se Judaa Ho Gaye, Unkareeb Unme Se Baaz Dubara Ek Dusre Se Mouhik Ho Jayenge, Jinnaat Aur Shayateen Jo Apni Apni Duniya Me Masruf The Wo Azaad Ho Chuke Hai. Aur Wo Humse Nazdik Hote Ja Rahe Hai, Nazdik Bohot Hi Nazdik Aur Unkareeb Wo Hamaare Iss Duniya Me Dakhil Hone Wale Hai”,

Lekin Aap Sulaimaan (Alaihay Salam) Ki Bate Unn Yahudi Badbakth Aalimo Par Kuch Asar Naa Kar Payi, Aur Wo Yahudi Badbakhto Aalim Hazrat Sulaimaan (Alaihay Salam) Ko Apni Hukumat Ki Bag-dour Unke Hatho Soup Dene Par Dabaaw Dalne Lage.. Jab Ki Yeh Yahudi Ulama Hee The Jinhone Shariyate Mussa (Alahi Slaam) Ko Bhi Apne Jaroorato Ke Mutabik Raddo Badal Karte Rehte The, Inn Logo Ne Sood Jaise Maal-e-Haraam Ko Bhi Jayaz Bana Rakha Tha Aur Ab Farzande Dawood (Alaihay Salam) Ki Naboowat Ke Bhi Khilaf The Taaki Wo Khud Huqumat Ki Bag-dor Sambhale.

Jab Sulaimaan (Alaihay Salam) Inn Yahudi Aalimo Se Naamuraad Ho Gaye Tab Unone Khud Hee Inn Fitno Se Jung Karne Ka Aehad Kar Liya.., Unhone Apne Mulk Ke Digar Shehro Me Apne Azeez Tareen Lashkar Bheje, Ke Wo Inn Fitno Se Unki Ummat Ke Khatir Jung Kare.. Yaani Allah Ta’ala Ki Ibadat Ki Aur Rehnumayi Kare .
Azeez Dosto Yeh Aisa Fitna Tha Jiska Khatma Sirf Do Hi Baato Ko Amal Me Lana Tha,, Ek Taqwa Aur Dursra Eta’ate Paimbare Allah.

Yeh Fitna Bhi Iss Baat Ki Taraf Ishara Kiye Tha Ke Sulaimaan (Alaihay Salam) Ki Dour Me Allah Ta’ala Ne Jinnaat Aur Shayateen Ke Jarye Apne Bando Ke Emaan Ki Pukhtagi Ke Liye Aazmaish Ki.
Aur Jab Sulaimaan (Alaihay Salam) Bhi Apne Mulk Jerusalem (Baith-Ul-Mukkadas) Se Door Digar Shehro Me Inn Fitno Se Jung Ke Liye Tashrif Le Gaye Tab Inhi Yahudi Aalimo Ne Unki Hukumat Par Hamla Karne Ki Koshish Ki Taaki Wo Khud Takht-e-Baadshah Ke Mustahik Ho Aur Jerusalem Ki Shehanshahi Pa Sake. Unn Yahudino Ke Murda Dil-O-Emaan Me Jinnaat-O-Shayateen Ghalib Pane Me Kamiyab Ho Gaye Aur Unn Badbakth Yahudiyon Ne Hazrte Sulaimaan (Alaihay Salam) Ki Na-Moujudgi Ka Sahara Lete Hue Unki Hukumt Par Hamla Kiya…

Aur Yaha Hazarte Sulaimaan (Alaihay Salam) Apni Ummat Me Dushmar Huye Jinnat-o-Shayateen Ke Fitno Se Jung Me Fatah Paa Rahe The. Yeh Jung Insan-numa Shayateen Ke Saath Thi Yaani Insano Par Ghalib Hue Shaytan Ko Taqawe(Sirf Allah ki Ibadat-o-Mohtazi Ki Dawat Dena) Madat Se Maat Dena Tha.. Aur Wo Aur Unke Lashkar Bhi Jihad Me Kamiyabi Paa Rahe The. Ke Unhe Bhi Yahudiyon Ke Napak Irado Ki Khabar Mili. Tab Aap Ne Baargaahe Allah Wandi Me Duwaa Ki..
“Aye Parwardigara! Dushman Mukhtlif Charo Aur Se Hai Aur Ham Par Ghalba Paane Wala Hai, Fasla Jyada Hai Aur Ab Mera Badan Na’tamah Aur Meri Taqat Mehdud. Allah Mai Kya Karu? Parwardigara Dastgiri Farma”.

Allah Ta’ala Ne Unki Dua Kabool Farmayi Aur Unhe Basharat Di Ke. “Sulaiman! Mere Mehboob Bande, Humne Hawaa Ko Tumhare Liye Musakkahr Kar Liya Hai, Use Itemada Karo, Taaki Yeh Hawaa Tumhare Hukm Se Tumhe Jaha Chahe Le Jaye”.
Fir Hazarte Sulaimaan (Alaihay Salam) Ne 2-3 Kashtiyonko Apne Saathiyon Ke Madad Se Aapas Me Jod Liya Aur Hawaa Ko Hukm Diya Ke Wo Unhe Jeruslaem Tak Pohocha De. Aur Hawaa Ne Hazarte Sulaimaan (Alaihay Salam) Ko Allah Wande Kareem Ke Mehbub Bande Ke Hukm Taamil Karte Hue Jerusalem Tak Uada Le Gayi..

Yeh Ek Moz’za Tha Jo Unn Yahudiyon Ne Dekha Lekin Fir Bhi Emaan Naa Laye.. Aur Hazarte Sulaimaan (Alaihay Salam) Ke Lashkar Par Toot Pade.. Tab Aapne Allah Rabbul Izzat Ki Baargaah Me Firse Dua Farmayee.. Aye Allah! Yeh Log Aaye Din Tere Mozz’at Dekhte Hai, Lekin Fir Bhi Emaan Nahi Laate. Gunaaho Ki Aaludgi Ne Inki Aankho Ko Andha Kar Diya Hai, Yeh Khudaparasti (Tawheed) Ke Jadon Ko Zameen Se Ukhad Faikne Ki Niyat Rakhte Hai, Aye Allah! Hum Teri Raah Me Qurbaan Hone Se Khoufjadah Nahi Lekin Hume Darr Hai Ke Yeh Log Teri Hukumat Me Fitna Fasad Na Paida Karde. Aur Yakinan Yeh Tujhe Gawara Na Hoga.. Aye Allah! Ek Baar Fir Humpar Apni Rehmat Nazil Farma. Aur Hamaari Nusrat Farma, Ke Tu Behtareen Nusrat Karne Wala Hai”.

Allah Ta’ala Ne Unki Dua Qubool Farmaaye Aur Unhe Firse Mozza’at Ki Surat Me Apni Rehmato Ka Mustahik Kar Diya Aur Farmaya, “Aye, Sulaimaan (Alaihay Salam)! Jinnaat Aur Shayateen Ke Matee (Controller) Hone Ke Liye Tayyar Ho Jao, Ke Humne Tumhe Inpar Qabu Pane Ki Taqat Ata Farmayee, Aur Yeh Taaqat Humne Tumhari Iss Angashtari (Anguthi, Ring) Me Rakh Di Hai Jo Hamesha Tumhare Sath Rahegi,"

Iss Angoothi Ko Angashtari (Angoothi) Sulaimani Ke Naam Se Jaana Jaata Hai. Iss Tarhaa Aap Hazrat Sulaimaan (Alaihay Salam) Ki Huqumat Jinnato Aur Shayaateen Par Bhi Thi Jo Ki Aap Ke Gulaam The Aur Aap Ke Liye Bhaari Aur Mushkeel Kaam Ko Anjaam Diya Karte The Aur Aap Ke Liye Bade Se Bade Mahaal Aur Imaarate Banaya Karte The.

• Baitul Muqaddas Ki Taamir:
Jinnaat Unke Liye Bhaari-Bhaari Kaam Jaise Badi-Badi Imaarate (Buildings) Banaana Aur Samundar Me Gotaa Lagaa Kar Heere-Jawaheraat Nikaal Laane Ka Bhi Kaam Ko Anjaam Diya Karte They.

Kaha Jata Hai Ke Jerusalem Ki Aalishan Ibadat-Gaah Bhi Jinnatao Ke Hee Madat Se Hazrate Sulaimaan (Alaihay Salam) Ne Banwayi Thi, Aur Yeh Ibadatgaah Ummat-e-Muhammadiya (Sallallahu Alaihay Wasallam) Ke Pehle Qible Ke Naam Se Bhi Janaa Jata Hai Jise Bait-Ul-Muqaddas Kahte Hai. Aur Hazrate Sulaimaan (Alaihay Salam) Ne Bhi Iss Baat Ki Aur Apni Ummat Ko Khushkhabri Dee Thi Ke Yahi Wo Mukkadas Jagah Hai Jaha Paimbarane Aakhirosama Tamaam Ambiyan Ko Apni Ibteda Me Namaz Padhayenge, Aur Meraj Par Tashrif le Jayenge, Yahi Wo Jagah Hai Jaha Aakhiri Zamaane Me Unki Nasl Se Ek Munzi Aakhiri Jung Karne Ke Baad Iblis Ki Gurdan Udayenge, Aur Fir Tamaam Malaiyika (Farishte) Zameen Par Noor-O-Afshani Karenge …

Jinnaato Ki Tarha Allah Subhanahu Ta’ala Ne Hazrat Sulaimaan (Alaihay Salam) Ke Taabey Charind-Parind, Haiwaan (Jungli Jaanwar) Insaano Ko Bhi Kar Diya Tha. Aur Hazrat Sulaimaan (Alaihay Salam) Charind-Parind Aur Haiwaano Ki Boli (Bhasha) Bhi Samajhte The Aur Unse Baate Bhi Kiya Karte The,

• Insaaf Me Bhi Kamil Tareen Shakhsiyat :
Eik Dafaa (Waqt) Ka Waqeya Hai Hazrat Dawood (Alaihay Salam) Ke Darbaar Me Eik Muqadmaa Aaya, Uss Waqt Hazrat Sulaimaan (Alaihay Salam) Bhi Wahaa Moujood The. Muqadmaa Ye Tha Ki Eik Kisaan (Farmer) Ke Khet Me Raat Ke Waqt Kisi Charwaahe Ki Bakriya (Goat) Uss Charwaahe Ki La Ilmi Me Ghuss Gayee Aur Un Bakriyo Ne Uss Kisaan Ke Khet Ko Barbaad Kar Daala. Jab Ye Muqadmaa Hazrat Dawood (Alaihay Salam) Ki Adaalat Me Pahoocha Toh Saari Baate Tafseel Se Sun’ne Ke Baad Hazrat Dawood (Alaihay Salam) Ne Ye Faislaa Sunayaa Ki Kisaan Ki Kheti Barbaad Karne Ke Badle Me Charwaahe Ki Saari Bakriya Kisaan Ko De Di Jaaye.

Lekin Hazrat Sulaimaan (Alaihay Salam) Ne Iss Faisle Me Ikhtilaaf Kiya Aur Ye Faislaa Sunaya Ki Charwaaha Uss Kisaan Ki Kheti Ko Durust Kare Uss Kheti Ko Pahele Jaise Haal Me Le Aaye Aur Tab Tak Woh Kisaan Uss Charwaahe Ki Bakriyo Ko Apne Paas Rakhe Aur Un Ki Dekh-Bhaal Bhi Kare Aur Un Se Faayeda Bhi Uthaaye Jaise Ki Bakriyo Ka Doodh (Milk) Baich Kar Nafaa Haasil Kare. Aur Jab Woh Charwaaha Uss Ki Kheti Ko Pahele Jaise Haal Me Le Aaye Toh Uss Ki Bakriya Use Waapas Kar De. Iss Faisle Se Kisi Ko Nuqsaan Bhi Na Hoga Aur Kisi Par Jiyaadati Ya Zulm Bhi Na Hoga Allah Subhanahu Ta’ala Ne Hazrat Sulaimaan (Alaihay Salam) Ke Dil Me Daala Ya Naazil Kiya Tha.

Reference: (Virtual study of Mohammed Rafique, Qasas-Ul-Ambiya)

To Be Continue ...

Agla Kissa Hiqayat Ki Post (Part 33) Me Hazrat Sulaimaan (Alaihay Salam) Aur Suraj (Sun) Ki Ibadat Karnewali Malika Bilkis Ke Bare Me Jikr Karenge Bohot Jald …..

Hiqayat: Sulaimaan (Alaihay Salam)

• Hazrat Sulaimaan (Alaihay Salam) Aur Suraj (Sun) Ki Ibadat Karnewali Mallika Balqis !!

Aziz Dosto ,…..Allah Subhanahu Ta’ala Ne Sulaimaan (Alaihay Salam) Ko Huqumat Aur Naboowat Ataa Ki Aur Un Ke Taabey (Under) Hawaa (Air), Charind, Parind, Insaan, Jinnaat Kar Diye .

Hazrat Sulaimaan (Alaihay Salam) Ke Zamaane Me Baaz Logon Me Jaadoo (Magic Sikhne Aur Sikhane Ka Chalan Bahut Jiyada Tha. Isiliye Allah Subhanahu Ta’ala Ne Hazrat Sulaimaan (Alaihay Salam) Ko Aise Moajjazat Ataa Kiye Jo Bade Se Bade Jaadoogaro Ki Bisaat (Bas) Se Baahar Ki Baat Thi..

Hazrat Sulaimaan (Alaihay Salam) Ne Jab Jaadoogaro Ka Daur-Daura Dekha Toh Un Ki Saari Kitaabe Chheen Kar Apne Mahal Ya Kutub Khane Me Jamaa Karwa Diya. Allah Ta’ala Ne Hazrat Sulaimaan (Alaihay Salam) Ko Hawaa (Air) Par Qudrat Bakhshi Ke Wo Aap Ke Takhat Ko Uthaa Kar Aap Jahaa Chaahe Le Jaati Thi.

Har Ek Giroh Ko Alag–Alag Kaam De Diya Gaya Tha, Jaise Ki Jinnaat Hazrat Sulaimaan (Alaihay Salam) Ke Liye Bade–Bade Mahal Banate Aur Bhari-Bhari Kaam Karte. Gotakhor(Jinnaat) Samundaro Se Gotaa Lagaa Kar Heere, Moti, Jawaharaat Nikaal Laate, Parinde (Birds) Aap Ke Liye Jasoosi Karte Ya Aap Ko Khabre La Kar Dete.

In Hee Parindo Me Eik Parinda Hud–Hud Bhi Tha, Jis Ke Jimme Ye Kaam Tha Ki Woh Sehreaa (Registaan) Me Kahaa Zameen Ke Andar Paani Hai Uss Ki Khabar Batataa. Taa Ki Awaam (Public, Jantaa) Ke Liye Paani Dastyaab Ho Sake Ya Mil Sake. Allah Ta’ala Ne Hud–Hud Ko Wo Salahiyat Ya Khoobi Bakhsi Thi Ki Who Hawaa Me Udte Huye Bhi Ye Dekh Leta Tha Ki Kis Zameen Ke Andar Paani Hai. Aur Hud–Hud Jis Jagaah Ki Nishaandehi Karta Uss Jagaah Kuwaa (Well) Khod Kar Paani Nikaal Liya Jaata. Aur Hud–Hud Aap Hazrat Sulaimaan (Alaihay Salam) Ko Khabar Bhi La Kar Diya Karta Tha.

• Aapko Jaanwaro Ke Guftagu Ka Bhi Ilm:
Eik Din Aap Hazrat Sulaimaan (Alaihay Salam) Apne Lavo–Lashqar (Fauj) Ke Saath Rawaana Huve. Iss Lashqar Me Jinnaat, Insaan, Charinde (Jaanwar) Parinde Har Kism Ki Makhlooq Thi. Jinn Aur Insaan Aur Charinde Aap Ke Saath Chal Rahe The Aur Parinde Apne Paro Se Saayaa Kiye Huve Lashqar Ke Saath Saath Udh Rahe The. Pura Lashqar Paro Ki Chaavo Me Sukoon Se Badha Ja Raha Tha. Har Koi Apni–Apni Jagaah Par Aaraam Se Chal Raha Tha. Na Kisi Ko Aage Badhne Ki Jaldi Thi Aur Na Hi Koi Piche Rahena Chaheta Tha.
Yahaa Tak Ki Iss Lashqar Ka Guzar Chitinyon Ke Maidan Se Huwaa Jahaa Par Chiyontiyo (Ant) Ki Rihaayeesh (Bil, Gharaunda) Thi. Abhi Lashqar 3 Ya 6 Kos Doori Par Hi Tha Ki In Chiyontiyo Me Se Ek Ne Apne Sathi Chintiyo Se Kahaa “Aye Chiyontiyo ! Jaldi Se Apne Bil (Gharaunde) Me Daakhil Ho Jaavo, Kahee Aisa Na Ho Ki La–Ilmi Me Hazrat Sulaiman (Alaihay Salam) Ka Lashqar Tumhe Raund (Dabaa De Ya Kuchal De) Daale.

Hazrat Sulaiman (Alaihay Salam) Chiyonti Ki Ye Guftgoo (Baate) Sun Kar Muskura Diye, Jo Apni Saathi Chitiyon Ko Bachne Ki Nasihat Kar Rahi Thi. Aap Ka Chehra Khushi Se Khil Utha Aur Dua Karne Lage Ke, “Aye Parwardigar ! Tu Mujhe Toufiq De Ke Mai Teri Inn Neymato Ka Shukr Baja Laaun Jo Tune Mujh Par Aur Mere Maa Baap Par Inaam Ki Hai Aur Mai Aise Nek Amal Karta Rahu Jinse Tu Khush Rahe, Mujhe Apne Rehmat Se Nek Bando Me Shamil Karle”.

• Parinda Hud-Hud Ki Ajeeb Khabar:
Eik Din Hazrat Sulaimaan (Alaihay Salam) Ka Darbaar–e–Aalishan Laga Huwa Tha. Aap Ne Parindon Ka Jayeza Liya Aur Farmane Lage Yeh Kiya Baat Hai Ke Mai Hud-Hud Ko Nahi Dekhta? Kiya Waqaee Woh Ghair Hazir Hai? Agar Woh Gair Haazir Hai Toh Mai ! Use Zaroor Sakht Sazaa Dooga, Ya Use Jibaah Hi Kar Daalooga. Ya Toh Use Mere Paas Apne Gair Haazir Rehani Ki Koi Roshan Daleel (Jaayez Wazzah) Deni Hogi”.

Abhi Kuch Waqt Hee Guzraa Tha Ki Woh Aa Gaya, Aur Kahene Laga, “Mai Eik Aisi Khabar Laya Hoon, Ki Jis Ki Khabar Aap Ko Bhi Na Thi. Mai Aap Ke Paas Mulq Sabaa Ki Ek Sacchi Khabar Laya Hoon. Mai Ne Dekha Ke Unn Ki Badshahat Ak Aurat Ker Rahi Hai Jisey Her Qism Ki Cheez Se Kuch Na Kuch Diya Gaya Hai Aur Uss Ka Takht Bhi Bari Azmat Wala Hai, Aur Use Har Kism Ki Nemato Se Nawaaza Gaya Hai.
Mai Ne Dekha Ki Woh Aur Uss Ki Qaum Suraj(Aaftab, Sun) Ko Sajdaa Karti Hai Siwaaye Allah Ta’ala Ke. Shaitaan Ne In Ke Liye Kaafiraana Aamaal Ko In Ke Liye Khoobsurat Banaa Kar Pesh Kiya Huwaa Hai Aur Ye Log Raah–e-Raast Se Bhatak Gaye Hai. Aur Woh Log Hidaayat Qabool Nahi Karte.
Woh Log Sajdaa Kyon Nahi Karte Allah Ta’ala Ko, Jo Nikaalta Hai Poshedaah (Chipi Huyee) Cheezo Ko Aasmaano Aur Zameen Se. Aur Woh Jaanta Hai Har Uss Baat Ko Jo Tum Log Chipaate Ho Aur Tum Jo Zaaheer Karte Ho. Nahi Hai Koi Ma’abood Siwaaye Allah Ta’ala Ke Jo Ki Arsh–E–Azim Ka Malik Hai”.

Hazrate Sulaimaan (Alaihay Salam) Ne Farmaaya, “Ham Iss Baat Ki Poori Taheqiq (Jaanch–Padhtaal) Karege Ki Tu Sach Bol Rahaa Hai Ya Galat Bayaani Se Kaam Le Rahaa Hai. Ja Ye Mera Likha Huwaa Khat (Leter, Paigaam) Le Jaa Aur Pohoncha De Unn Ki Taraf. Aur Fir Eik Taraf Hatt Kar Ya Chipp Kar Dekh Ki Woh Log Aapas Me Kya Baate Karte Hai, Aur Iss Khatt (Message) Ka Kya Jawaab Dete Hai,.." – (Surah Naml Ayat 21-28)

Allah Ta’ala Ne Iss Mulq Sabaa Ko Apni Bahut Si Neymato Se Nawaaza Tha. Yahaa Ke Bashinde Bahoot Khush–Haal The. Lekin Ye Qaum Sabaa Bhi Kaafir Thi. Aur Allah Ta’ala Ki Ibaadat Ke Bajaaye Suraj Ki Pooja (Ibaadat) Kiya Karti Thi. Shaitaan Ne Inn Ke Iss Amal Ko Khubsurat Banaa Kar Pesh Kiya Huwaa Tha Jaise Ki Moujuda Tarikh Me Bhi Dikh Raha Hai. Aur Ye Qaum Sabaa Gumraahi Me Padhi Huyee Thi.

Aziz Dosto ,…… Hazrate Sulaimaan (Alaihay Salam) Ne Hud–Hud Ki Baate Sunn Kar Mallika Balqis Ke Naam Eik Khatt Rawana Kiya. Jis Me Use Allah Ta’ala Aur Uss Ke Rasool Ki Ita’at Ki Tablig Ki. Aur Likha Ki, “Tum Mere Samney Sirkashi Na Karo Aur Musalman Bann Ker Mere Pass Aajao”.

Hud-Hud Ne Khatt Liya Aur Balqis Ke Paas Pahoonch Gayaa. Uss Waqt Balqis Apne Mahal Me Akeli Tanhaa Baithi Huyee Thi. Hud–Hud Ne Khatt Uss Ke Aage Faink Diya Aur Balqis Ne Use Utha Liya. Uss Ne Uss Khatt Me Likhi Huyee Tahereer Ko Bade Gaur Se Padha, Lekin Kisi Faisle Par Na Pahoonch Saki Aur Bechain Ho Gayee.

Agle Hee Din Uss Ne Apna Darbaar Lagaya Jis Me Uss Ki Huqumat Ke Tamaam Wazeer Aur Sardaar Bhi Haazir The. Jinke Saamne Uss Ne Iss Masle (Problem) Ko Rakha. Balqis Apni Huqumat Ke Sardaaro Se Mukhaatib Huyee Ki, “Mere Paas Eik Badi Azmat Wala Khatt Bheja Gaya Hai, Jo Ki Sulaiman Ki Taraf Se Hai. Jis Me Likha Hai ‘Bismillah Hir Rahemanir Rahim’ (Allah Ke Naam Se Shuru Karta Hoon Jo Ki Rahemaan Aur Rahim Hai) Tum Log Guroor Aur Taqabbur Na Karo Aur Mere Paas Farmabardaar Bann Kar Chale Aawo”.

Balqis Ne Apni Huqumat Ke Saradaaro Se Kahaa, “Hame Iss Naye Naazooq Halaat Me Kya Karna Chahiye Aap Log Koi Mashwaraa De”,
Iss Par Un Sardaro Ne Bade Adab Se Kahaa, “Ham Toh Aap Ke Gulaam Hai, Aur Aap Jo Bhi Faisla Karegi Wo Faislaa Hamaari Sir Aankho Par”.

Balqis Ne Kahaa, “Aap Log Jaante Hee Ho Ki Aap Logo Se Mashwara Liye Bagair Mai Koi Faisla Nahi Karti. Isiliye Aye Mere Wafaadar Rahenumaavo! Iss Masle Me Bhi Mujhe Koi Mashwara Do”.
Unn Sardaaro Ne Kahaa, “Ham Bahut Taqtwar Qaum Hai, Aur Dushman Ko Jawaab Dene Ki Ham Me Quwat Aur Hauslaa Bhi Hai. Agar Aap Huqum Kare Toh Ham Jang Ladhne Ke Liye Bhi Tayyar Hai, Lekin Ye Faislaa Aap Ke Hi Ikhtiyar Me Hai Ki Aap Hame Kya Huqum Deti Hai ? ”

Balqis Ki Qaum Ke Sardaaro Ka Ye Mashwaratha Ki Ham Dushaman Fauj Se Muqabla Kar Sakte Hai. Lekin Balqis Ki Raaye Unn Logo Se Bilkul Mukhtalif Thi. Woh Unn Logo Se Jiyada Samajhdaar Aur Aqalmand Thi, Khatt Padh Kar Who Itna Toh Zaroor Samjh Gayee Thi Ke Ye Khatt Kisi Aam Baadshah Ka Nahi Hai, Ye Khatt Eik Aisi Hasti Ka Hai Ke Jise Na Toh Haraaya Ja Sakta Hai, Na Hee Unn Ke Qadam Ko Roka Ja Sakta Hai, Na Hee Dhokaa Diya Ja Sakta Hai Aur Na Hee Uss Ki Mukhalfat Ki Ja Sakti Hai.

Har Baat Par Gaur–O–Fiqar Kar Ke Balqis Ne Apni Raaye Unn Sardaaro Ke Saamne Rakhi Aur Kahene Lagi, ‘Agar Who Baadshah Hum Se Jeet Gaya, Aur Uss Ki Fauz Hamaare Shahar Me Daakheel Ho Jaayegi, Aur Hamaari Izzatdaar Riyaaya (Awaam, Public) Ko Jillat Aur Ruswaayee Ka Muhh Dekhna Padega. Aur Ham Log Apne Watan Se Dar-Badar (Baahar) Kar Diye Jaayege, Mera Mashwara Ye Hai Ki Hame Uss Baadshah Ke Paas Keemti Heere, Moti Jawaaherat Ka Nazrana (Tohfaa) Bhejna Chaahiye Jis Se Ye Pataa Chal Sake Ki Ye Koi Aaam Baadshah Hai Ya Haqiqat Me Allah Subhanahu Ta’ala Ke Rasool Hai”.

Aur Isi Iraade Ke Tahat Malika Balqis Ne Qaseed (Paigaam Le Jaanewala, Raajdoot) Ko Keemti Tohfo (Nazrano) Ke Saath Hazrat Sulaimaan (Alaihay Salam) Ke Darbaar Baitul Muqaddas Ke Liye Rawaana Kiya.

Mallika Balqis Ka Qaasid Jab Ye Tohfe Le Kar Aap Hazrat Sulaimaan (Alaihay Salam) Ke Huzur Me Haazir Huwaa Toh Hazrat Sulaimaan (Alaihay Salam) Ne Uss Qaasid Se Farmaya, “Yeh Tohfe Aur Ye Nazraane Le Kar Wahee Par Waapas Chala Ja, Jahaa Se Tu Inhe Le Kar Aaya Hai. Mere Paas Allah Ta’ala Ki Ataa Ki Huwi Wo Nemate, Tohfe, Wo Daulat Hai, Aur Aisi Khidmat Guzaar Makhloq Hai Ki Tum Log Iss Ka Tasawwoor Bhi Nahi Kar Sakte. Jis Raaj–Sinhaasan (Takht, Arsh) Par Tum Log Ghamand (Taqabbur) Kar Rahe Ho, Aur Khush Ho Rahe Ho. Allah Ta’ala Ki Ataa Ki Huyee Nemato Ke Aage Uss Ki Koi Haisiyat Hi Nahi Hai”.

Jaa ! Apni Malika Se Ja Kar Kahe De Ki Mere Muqaable Me Sirkashi Na Kar Aur Mera Farmabardaar Bann Kar Mere Darbaar Me Haazir Ho Ja. Nahi Toh Tum Logo Se Muqaable Ke Liye Mai Eik Aisa Lashqar Bhejooga, Jis Se Muqaable Ki Tum Me Taaqat Na Hogi, Uss Lashqar Ke Badhte Huve Qadam Ko Tum Rok Na Sakoge, Aur Unn Ke Saath Jung Kar Ke Tumhe Shiqastt (Haar) Hi Hogi. Woh Lashqar Tumhe Barbad Kar Ke Rakh Dega. Tumhe Apna Watan Chhodh Kar Bhaagne Par Majboor Kar Dega. Who Lashqar Tumhe Zalil-O–Khawar Kar Ke Tumhari Izzat Ko Mitti Me Mila Dega. Zillat Aur Ruswaayee Hi Tumhara Muqaddar Ban Jaayegi Aur Tum Sab Log Maut Ke Ghaat Utaar Diya Javoge”.

Aziz Dosto ,….. Malika Balqis Ka Qaasid Waapas Apne Mulq Sabaa (Yamen) Pahooncha Aur Uss Ne Mallika Balqis Ko Hazrat Sulaimaan (Alaihay Salam) Ka Paigaam Pahoonchaya. Ye Paigaam Sunkar Balqis Samjh Gayee Ke Hazrat Sulaimaan (Alaihay Salam) Ki Ita’at Aur Farmabardar Bann Kar Unn Ke Darbaar Me Haaziri Dene Ke Alawa Koi Dusra Raasta Nahi Hai, Toh Uss Ne Apni Huqmat Ke Waziro Aur Sardaaro Aur Sipahiyo Ke Hamraah Hazrat Sulaimaan (Alaihay Salam) Ki Khidmat Me Haazir Ho Ne Ka Iraada Kiya. Aur Baitul Muqadas Ke Safar Par Rawaana Ho Gayee. Jo Ki Mulq Sabaa (Yamen) Se Taqreeban 1,500 Kilometer Ki Doori Par Tha.

• Mallika Balqis Ne Hazrat Sulaimaan (Alaihay Salam) Khidmat Me Haazir Hone Ka Iraada Kiya:
Idhar Jab Hazrat Sulaimaan (Alaihay Salam) Ko Balqis Ke Apne Huqumat Ke Aala Ohdedaro Ke Hamraah Baitul Muqaddas Aane Ki Khabar Mili Toh Aap Jinnaato Se Mukhatib Huve Aur Framaya, “Aye Darbariyo ! Tum Me Se Kaun Hai Jo Mera Farmabardar Bann Kar Mere Paas Mallika Balqis Ka Takhat (Raj Gaddi, Arsh) Balqis Ke Yahaa Aane Se Pahele Le Aaye Jis Par Baith Kar Woh Apne Awaam (Pablic, Riyaya) Ka Faisla Karti Hai Aur Huqumat Karti Hai”.

Eik Jinnaat Ne Arz Kiya, “Main Le Aata Hoon, Iss Se Pahele Ki Aap Apna Darbaar Khatam Kar Ke Uthe, Mai Taqatwar Hoon Aur Amanatdar Bhi, Mai Use Bina Koi Kami–Beshi Ke Aap Ke Paas Le Awoonga”.

Eik Shakhsh (Aadmi) Bol Utha Ki, “Main Uss Takht Ko Le Aawoonga Iss Se Pahele Ki Aap Apni Palqe Jhapkaaye”. Quraan Majeed Me Allah Ta’ala Ka Irshaad–e–Aalishaan Hai Ki, “Uss Shakhsh Ko Kitaab-e-Ilahi Ka Ilm Diya Gaya Tha”(Yaani Ek Aalim Tarin Shakhs Tha).
Aur Riwaayato Me Hai Ki Use Isam–e–Aazam Yaad Tha. Ya Woh Koi Aalim Tha . Aur Eik Riwaayat Me Hai Ki Ye Aalim Aasif Bin Barkhiya The Jo Rishte Me Hazrat Sulaimaan (Alaihay Salam) Ke Khala-Jaat Bhai The. (Allah–O–Aalam)

Allah Ta’ala Ne Uss Aalim Ko Karamat Ke Taur Par Ye Qudrat Bakshi Thi Ke Palaq Jhapaqne Me Woh Takhat Le Aaya. Karamat Aur Moajjaza Naam Hi Aise Kaamo Ka Hai Jo Insaano Ki Soch Aur Dimaag Se Ya Duniyavi Taur-Tarike Ke Bilkul Khilaaf Hoti Hai. Yaani Ki Agar Insaan Use Apni Aankho Se Dekh Bhi Le Toh Uss Par Yaqeen Kar Paana Uss Ke Liye Mushkil Hota Hai. Kyon Ki Aisi Cheeze Duniyavi Nijaam Ya Tariqe Ke Khilaaf Hoti Hai.

Aur Jab Hazrate Sulaimaan (Alaihay Salam) Ne Uss Takht Ko Apne Paas Rakha Paaya Toh Baargaahe Ilaahi Me Ye Duwaa Ki, “Ye Mere Rab Ka Fazal–O–Karam Hai, Taa Ki Woh Mujhe Aazmaaye Ki Mai Uss Ka Shukr Ada Karta Hoon Ya Nashukri. Aur Jo Apne Rab Ka Shukr Adaa Karte Hai, Woh Apne Bhale Ke Liye Hi Karte Hai. Aur Jo Nashukri Karta Hai Woh Apna Hi Nuqsaan Karta Hai. Bilashuba (Beshaq) Mera Rab ! Gani Bhi Hai Aur Kareem Bhi”.

Aziz Dosto ,…. Hazrate Sulaimaan (Alaihay Salam) Ne Apne Gulaamo Ko Huqm Diya, “Iss Takht Ki Shaqal–O–Surat Badal Dalo, Hum Mallika Balqis Ki Samajhdari Aur Aqalmandi Ka Imtehaan Lenge Ki Woh Apne Iss Takht Ko Pahechanti Bhi Hai Ya Nahi. Aur Hum Ye Bhi Dekhenge Ki Woh Hidaayat Paane Walo Me Se Hai Ya Gumraah Rahene Walo Me. Jo Log Haqiqat Ko Nahi Pahechante”.

• Mallika Balqis Ke Liye Kaanch Ka Sheesh Mehal Banane Ka Huqm:
Aur Hazrat Sulaimaan (Alaihay Salam) Ne Jinnaato Ko Huqm Diya Ke Malika Balqis Ke Aane Ke Pahele Eik Kaanch ( Glaas) Ka Shish Mahal Tayyar Kiya Jaye . Jis Ki Deeware, Chhatt Aur Farsh Sab Kaanch (Glaas) Ka Ho, Aur Farsh Ke Niche Gahere Paani Me Paani (Samundari) Ke Jaanwar Bhi Ho .
Jab Balqis Whaa Pahoonchi Toh Hazrat Sulaimaan (Alaihay Salam) Ne Uss Se Poocha, “Kya Tera Takhat Aisa Hi Hai?”
Balqis Ne Jawaab Diya, “Lagta Toh Hu–Ba–Hu Waisa Hi Hai. Hame Iss Waqaye Ki Ittilaa (Khabar) Pahele Hi Mil Gayee Thi, Isi Liye Ham Farmaabardaar Bann Ke Haazir Huve Hai”.

♥ Quraan-e-Majeed Me Allah Ta’ala Ka Irshaad–e–Aalishaan Hai, Aur Roke Rakha Tha Uss Ko Imaan Laane Se Un Booto (Murtiyo) Ne Jis Ki Woh Ibaadat Kiya Karti Thi Allah Ta’ala Ke Siwaa, Beshaq Woh Kaafir Qoum Me Se Thi.”
(Al-Quran: Surah 27 Naml:43)

*Aur Balqis Ko Shish Mahal Me Daakhil Hone Ke Liye Kahaa Gaya. Uss Shish Mahal Me Hazrat Sulaimaan (Alaihay Salam) Apna Takht Lagaa Kar Baithe Huve The. Jaise Hi Balqis Ne Uss Shish Mahal Ke Farsh Ko Dekha Toh Uss Ne Khayaal Kiya Ki Koi Gahera Paani Hai, Jis Me Se Use Guzar Kar Jana Hai. Isi Khayaal Se Uss Ne Apne Kapde Ko Pindhliyo Se Upar Utha Liya.
Hazrat Sulaimaan (Alaihay Salam) Ne Farmaaya, “Ye Paani Nahi Hai, Ye Shish Mahal Hai Jis Ka Farsh Kaanch (Glaas) Ka Banaa Huwa Hai, Jis Ki Wazzah Se Tumhe Paani Nazar Aa Raha Hai”.

Mallika Balqis Ki Aankhe Hairat Se Khuli Rahe Gayee. Usne Baargaahe Ilaahi Me Arz Kiya, “Aye Mere Parwardigaar ! Mai Aaj Tak Apni Jaan Par Zulm Dhaati Rahi Hoon, Mai Emaan Laati Hoon Hazrat Sulaimaan (Alaihay Salam) Par Aur Un Ke Ma’abood Allah Ta’ala Par”.

Hazrat Sulaimaan (Alaihay Salam) Ne Balqis Ko Suraj Ki Ibaadat Se Roka, Balqis Aur Uski Qaum Ke Log Suraj Ki Ibaadat Kisi Dalil Ki Binaa Par Nahi Karte The Balki Apne Baap-Daadavo Ki Pairvi Karte Huve Unn Logo Ne Iss Baatil (Jhoothe) Deen (Mazhab) Ko Apna Rakha Tha Yaa Ikhtiyar Kar Rakha Tha”.

• Maillka Balqis Ka Nikaah:
Azeez Dosto Mailkka Balqis Ke Nikaah Ke Bare Me Do (2) Mukhtalif (Alag Alag) Riwayate Hai..
Eik Riwaayat Me Hai Ki Balqis Ke Emaan Laane Aur Musalmaan Ho Jaane Ke Baad, Hazrat Sulaimaan (Alaihay Salam) Ne Uss Se Nikaah Kar Liya Aur Yamen (Mulq–e-Sabaa) Ki Huqumat Uss Ke Paas Hi Rahene Di. Aur Aap Ek Mahine Me Teen Din Balqis Ke Saath Mulq–e–Sabaa Me Rahete Aur Baaqi Din Baitul Muqaddas (Yerusalam) Me Rahete, Aur Aapne Balqis Ke Liye Yamen Me Teen Shaandaar Mahel Taamir Karwa Diye The.

Jub Ki Eik Aur Riwaayat Me Hai Ki Aap Harzat Sulaimaan (Alaihay Salam) Ne Balqis Ka Nikaah Yamen (Mulq–e–Sabaa) Ke Hi Kisi Aadmi Se Karwa Diya Tha Aur Wahaa Ki Baadshahat Unn Dono Ko De Dee Thi. Aur Tohfe Me Unhe Teen Shaandaar Mahal Taamir Karwa Ker Diye The. (Allah–Hu–Aalam)

Reference: (Virtual study of Mohammed Rafique, Qasas-Ul-Ambiya)

To Be Continue ...

♥ In'sha'Allah-Ul-Azeez ! Aage Ka Kissa Hiqayat Ki Post (Part 34) Me …..

Hiqayat: Sulaimaan (Alaihay Salam)

• Sahi Faisla Karne Ki Salahiyat aur Bhookhi Machli Ke Jarye Hazrat Sulaimaan (Alaihay Salam) Ki Aazmaish !!

♥ Sahi Faisla Karne Ki Salahiyat:
Azeez Dosto Hadees-e-Mubarak Me Hai Ke, Aap Huzoor Nabi–e–Kareem (Sallallahu Alaihay Wasallam) Ne Farmaya -
“Ek Roz Do (2) Aaurate Ja Rahi Thi, Un Dono Ke Paas Eik–Eik Bachcha Tha. Tabhi Eik Bhedhiya Ne Jhapatta Mara Aur Eik Bachche Ko Le Bhaga. Woh Dono Aurate Aapas Me Jhagadhne Lagi.
Badi Aurat Ne Kahaa, “Bhedhiya Tere Bachche Ko Le Kar Bhaga Hai”, Jab Ki Chhoti Aurat Ne Kahaa, “Nahi ! Bhedhiya Mere Bachche Ko Nahi, Balki Tere Bachche Ko Lekar Bhaga Hai”.

Dono Aurato Ka Ye Muqadma Hazrat Dawood (Alaihay Salam) Ki Adaalat Me Pahoocha. Hazrat Dawood (Alaihay Salam) Ne Badi Aurat Ke Haq Me Faisla Sunaaya. Dono Aurate Hazrat Sulaiman (Alaihay Salam) Ke Paas Pahoochi, Tab Hazrat Sulaiman (Alaihay Salam) Ne Faislaa Sunaya Ki Eik Chhuri (Knife) Le Kar Aawo, Main Iss Bachche Ke Beech (Darmiyaan, Center) Se Do Tukde Kar Ke Inn Me Se Har Eik Ko Aadhaa–Aadhaa De Doo. Iss Faisle Par Choti Aurat Jo Ki Uss Bachche Ki Haqiqi Maa Thi Wo Cheekh Padhi, Aur Kahene Lagi, “Allah Ta’ala Aap Par Rahem Kare ! Aisa Na Kijiye. Ye Bachcha Uss Badi Aurat Ka Hai Use Hii De Dijiye”.

Hazrat Sulaiman (Alaihay Salam) Samajh Gaye Ki Ye Bachcha Iss Chhoti Aurat Ka Hai Aur Woh Iss Bachche Ko Qatal Hone Se Bacha Rahi Hai, Aur Apni Mamta Ki Wazaah Se Ye Bachcha Badi Ka Hai Aisa Kahe Rahi Hai. Hazrat Sulaiman (Alaihay Salam) Ne Uss Choti Aurat Ke Haq Me Faisla Diya Aur Bachcha Uss Choti Aurat Ke Hawaale Kar Diya .
(Sahih Muslim Book 018, Hadith no. 4269)

*Isiliye Allah Ta’ala Ne Hazrat Sulaiman (Alaihay Salam) Ki Taaref Ki Aur Farmaya, “Ye Ilm Khaas (Faislaa Karne Ki Salahiyat) Hamara Hii Ata Kiya Huwaa Hai”. Aur Fir Allah Ta’ala Ne Hazrat Dawood (Alaihay Salam) Ki Ta’arif Bhi Ki.
Allah Ta’ala Ne Hazrat Sulaiman Alaihe Ko Parindo (Birds), Haiwaano (Jaanwaro) Ki Boli Samajhne Aur Un Se Baate Karne Ki Salahiyat Bhi Bakhshi Huyee Thi Jis Ki Kuch Misaale Iss Trahaa Hai .

♥ Bhukhi Machli Ke Jarye Hazrat Sulaiman (Alaihay Salam) Ki Aazmaish:
Aap Hazrat Sulaiman (Alaihay Salam) Ne Apne Dil Me Khayaal Kiya Ke Allah Ta’ala Ki Baargaah Me Allah Ta’ala Ki Tamam Makhlooq Ko Eik Din Ka Rizq Apne Haatho Se Dene Ka Ikhtiyaar Dene Ki Khawaahish (Chaahat) Zaahir Ki. (Allah–O–Aalam)

Khair ,.. Aap Hazrat Sulaiman (Alaihay Salam) Ne Tamam Makhlooq Ke Khaane Ka Intezaam Ek Dariya (Samundar) Kinaare Eik Khule Maidaan Me Karna Shuru Kiya. Iss Poore Intezaam Ki Dekh–Bhal Aap Khud Hi Kar Rahe The. Isiliye Aap Ne Hawaa Ko Huqum Diya Huwa Tha Ki Jabtak Daawat Chalti Rahe Hawaa Aap Ke Takht Ko Zameen Se Upar Uthaaye Rakhe, Taaki Aap Hazrat Sulaiman (Alaihay Salam) Tamaam Intejamaat Ki Nigraani Karte Rahe. Aap Hazrat Sulaiman (Alaihay Salam) Sab Logo Ko Jamaa Hota Huwaa Dekh Rahe The.
Abhi Khaana Shuru Bhi Na Ho Paaya Tha Ki Ajib Waqeya Pesh Aaya. Eik Bahut Badi Machhli Dariya (Samundar) Me Namudaar Huyee. Aur Hawaa Me Unchaa Upar Uthh Kar Aap Hazrat Sulaiman (Alaihay Salam) Ke Takht Ke Qareeb Aa Gayee. Aur Hazrat Sulaiman (Alaihay Salam) Se Mukhaatib Huyee, “Aap Ne Mujhe Nahi Bulaaya, Lekin Fir Bhi Mai Aap Ki Daawat Me Shaamil Hone Chali Aayee”.

Hazrat Sulaiman (Alaihay Salam) Ne Kahaa, “Ham Ne Dariya (Samundar) Ki Makhlooq Ko Toh Iss Daawat Me Bulaaya Nahi Tha, Lekin Aaisi Bhi Koi Pabandi (Manaahi) Nahi Hai, Ab Tu Aa Hi Gayee Hai Toh Eik Taraf Ho Kar Baith Ja. Aur Jab Sab Log Khaana Shuru Karenge Toh Tu Bhi Khaa Lena, Tera Khaana Hii Kitna Hoga ? ”

Machhli Ne Kahaa, “Main Bahut Bhookhi Hoon, Aur Mujhse Ab Sabar Nahi Hota, Mujhe Toh Abhi Hii Khaana Chaahiye, Aap Ke Mehmaan Baad Me Khaate Rahege”.
Hazrat Sulaiman (Alaihay Salam) Ne Kahaa, “Achcha Ja Jitna Tujhe Khaana Hai Khaa Le”, Ye Sun’na Tha Ki Machhli Khaane Ki Taraf Chal Di.

Ye Koi Aam Machhli Nahi Thi Balki Ye Toh Hazrat Sulaiman (Alaihay Salam) Ka Imtehaan Lene Ke Liye Bheji Gayee Thi. Iss Baat Ka Andaza Aap Hazrat Sulaiman (Alaihay Salam) Ko Uss Waqt Huwaa Jab Uss Machhli Ne Hazaaro Aadmiyo Ka Khaana Akele Eik Hi Niwaale Me Khaa Gayee. Aur Fir Aap Hazrat Sulaiman (Alaihay Salam) Ke Saamne Aakar Khadi Ho Gayee Aur Kahaa, “Aye Hazrat Sulaiman (Alaihay Salam) ! Mere Liye Aur Khaane Ka Intejaam Kar Do Mai Ab Bhi Bhookhi Hoon”.

Hazrat Sulaiman (Alaihay Salam) Ne Kahaa, “Hazaaro Aadmiyo Ka Khaana Tum Akele Hi Khaa Gayee Ho Aur Ab Bhi Kahe Rahi Ho Ki Mai Bhookhi Hoon, Mere Mehmaan Ab Kya Khaayege ? Tu Ne Toh Saara Khaana Hi Khatam Kar Diya Hai”.
Machhli Ne Kahaa, “Achchi Daawat Hai Aapki ? Itne Logo Ko Khaana Khilaane Chale The Aur Eik Ka Bhi Pait Na Bhar Sake. Mera Rab Toh Mujhe Har Roz Khaane Ke Liye Teen (3) Niwwale Ata Karta Hai, Aur Ye Jo Iss Waqt Maine Jo Khaana Khaaya Hai Woh Toh Mere Liye Sirf Eik Hi Luqmaa (Niwaala) Tha, Abhi Bhi Do Luqme Baaqi Hai, Rizq Pahoochana Koi Khel Nahi Hai, Jis Ka Dawaa Aap Le Kar Uthhe The”. Itna Keh Kar Woh Machhli Dariya (Samundar) Me Waapas Samaa Gayee.

Ab Hazrat Sulaiman (Alaihay Salam) Ke Saamne Saari Haqiqat Khul Chuki Thi Ki, “Itna Kuch Dekar Bhi Allah Ta’ala Ke Paas Kitna Kuch Hai, Mai Kisi Ko Eik Luqma (Niwaala) Bhi Nahi De Sakta Aur Woh Kitni Makhlooq Ko Khilaa Rahaa Hai”.
Ab Allah Ka Nabi Ro Raha Tha Aur Allah Ta’ala Se Aazizi Kar Raha Tha, “Aye Mere Rab ! Maine Bahut Bada Qasoor Kiya Hai, Maine Ye Gumaan Kiya Tha Ki Teri Makhlooq Ke Kuch Hisse Ko Pait Bhar Kar Khaana Khilaa Sakta Hoon, Aye Mere Rab ! Mujhe Muaf Kar De, Main Taubaa Karta Hoon, Rizq (Rozi) Dene Wala Sirf Tu Hi Hai, Aur Saare Jahaan Ka Pait Sirf Tu Hi Paal Sakta Hai, Main Miskeen Hu Aur Tu Gani Hai”. Itna Keh Kar Woh Sajde Me Gir Pade. Aur Allah Ta’ala Ne Unki Khata Ko Muaf Farmaa Diya.

Reference: (Virtual study of Mohammed Rafique, Qasas-Ul-Ambiya)

To Be Continue ...

Agli Hiqayat (Part 35) me Nabi Seesh (Alaihay Salam) Aaur Nabi Idrees (Alaihay Salam) Ka Zikr Karenge ….

Hiqayat: Seesh & Idrees (Alaihay Salam)

• Hazrat Aadam (Alaihay Salam) Ke Baad Duniyavi Kaam Kaaz Ki Bag–Dour Hazrat Seesh (Alaihay Salam) Ne Sambhali.
• Allah Taala Ne Hazrat Idrees (Alaihay Salam) Ko Hazrat Seesh (Alaihay Salam) Ke Baad Naboowat Se Nawaza.

♥ Nabi Seesh (Alaihay Salam):
Aziz Dosto ,….. Hazrat Aadam (Alaihay Salam) Ke Bete Haabil Ke Qaabil Ke Haatho Qatal Ho Jaane Ke Baad, Allah Ta’ala Ne Hazrat Aadam (Alaihay Salam) Aur Hazrat Hawaa (Razi Allahu Anhna) Ko Haabil Ke Badle Ek Nek Aur Saleh Aulaad (Beta) Ataa Kiya. Jin Ka Naam Hazrat Seesh (Alaihay Salam) Tha. Seesh Ka Matlab Hai ‘Atiyaa Rabbani’ , Yaani Ki Rab Ka Ataa Kiya Huwaa. Jis Waqt Hazrat Seesh (Alaihay Salam) Paida Huve Uss Waqt Hazrat Aadam (Alaihay Salam) Ki Umar (Age) 130 Baras Thi.

♥ Mafhoom-e-Hadees: Ek Riwayt ke Mutabik Aap (Sallallahu Alaihay Wasallam) Ne Farmaaya -
Allah Ta’ala Ne Ek Sau Chaar (104) Saheefe (Kitaabe) Naazil Kiye, Jin Me Se Pachchaas (50) Saheefe Aap Hazrat Seesh (Alaihay Salam) Par Naazil Huve They,..”

Ek Riwaayat Me Hai Ki -
*Jab Hazrat Aadam (Alaihay Salam) Ki Wafaat (Wisaal) Ka Waqt Qareeb Aaya Toh Aap Ne Apne Bete Hazrat Seesh (Alaihay Salam) Se Eik Ahad (Wadaa) Liya Aur Unhe Raat Din Ke Waqto Ki Ibaadato Ki Taalim Di. Aur Ye Bhi Bataya Ke Kis Waqt Par Kaun Si Ibaadat Hogi. Aur Unhe Ye Bhi Bataa Diya Ki Meri Wafaat Ke Baad Eik Bahut Bada Toofaan Aayega.

Ek Aur Riwayat Me Hai Ki -
*Tamam Aulaad-e-Aadam Ka Silsila Nasab Hazrat Seesh (Alaihay Salam) Se Ja Milta Hai. Kyonki Hazrat Aadam (Alaihay Salam) Ki Baaqi Aulaado Se Insaani Nasal Nahi Chal Saki. Sab Ki Sab Nasal Nest–o–Naabood Ho Gayee Thi. (Allah-o-Aalam)

Allah Ta’ala Ne Hazrat Aadam (Alaihay Salam) Ko Naboowat Ataa Ki Thi Aur Unke Baad Naboowat Hazrat Seesh (Alaihay Salam) Ko Ataa Ki. Hazrat Aadam Ki Wafaat Ke Baad Aamoor–e–Duniya (Duniyavi Kaam Kaaz) Ki Bag–Dour Hazrat Seesh (Alaihay Salam) Ne Sambhali.
Hazrat Seesh (Alaihay Salam) Ki Wafaat (Wisaal) Ke Baad Aap Ki Jagaah Aap Ke Bete “Anwas” Ne Li. Hazrat Seesh (Alaihay Salam) Ne Inhe Neki Adal Aur Insaaf Ke Qayem Karne Ki Nasihat Farmaayee Thi.

♥ Nabi Idrees (Alaihay Salam):
Hazrat Seesh (Alaihay Salam) Ki Chauthi (4th) Ya Paachvi (5th) Pust (Nasal) Me Hazrat Khanookh (Alaihay Salam) Paida Huve, Jo Ki Hazrat Idrees (Alaihay Salam) Ke Naam Se Mashhoor Huve. Allah Ta’ala Ne Hazrat Seesh (Alaihay Salam) Ke Baad Hazrat Idrees (Alaihay Salam) Ko Naboowat Se Nawaaza .

• Ek Riwaayat Me Hai Ki Hazrat Idrees (Alaihay Salam) Hi Hazrat Iliyaas (Alaihay Salam) Hai. (Allah-o-Aalam)

♥ Allah Ta’ala Quraan-e-Kareem Me Irshaad Farmata Hai -
Aur Kitaab (Quraan) Me Idrees (Alaihay Salam) Ko Yaad Karo, Beshaq Woh Siddique (Sachcha) Tha Aur Gaib Ki Khabre Detaa, Aur Hum Ne Usey Buland Muqaam Par Uthaa Liya." – (Mafhoom-e-Surah – Mariam)

Iss Aayat Me Allah Ta’ala Ne Hazrat Idrees (Alaihay Salam) Ki Taarif Farmaayee Hai. Aur Unki Naboowat Aur Sadaaqat (Sachchayee) Ko Zaahir Farmaaya Hai.
Hamaare Pyaare Aaqa Hazrat Muhammed (Sallallahu Alaihay Wasallam) Ka Silsila–e–Nasab Hazrat Idrees (Alaihay Salam) Se Hote Huve Hazrat Seesh (Alaihay Salam) Tak Ja Milta Hai.

Aziz Dosto ,…… Riwaayato Me Hai Ki Hazrat Idrees (Alaihay Salam) Hi Woh Pahele Sakhs (Aadmi) Hai Jinhone Likne (Writing) Ka Tarika Izaad Kiya. Aap Hazrat Idrees (Alaihay Salam) Ret (Sand, Ramal) Par Likha Karte The. Aur Ret Par Likhaawat Ke Zariye Aap Guftgoo (Baate) Kiya Karte The. Isiliye Aap Hazrat Idrees (Alaihay Salam) Ko Iss Ilm Ka Sab Se Badaa Maahir Kahaa Jaata Hai.

Jab Hamare Pyaare Aaqa Hazrat Mohammed Mustafa (Sallallahu Alaihay Wasallam) Se Ilm Ramal (Ret, Sand Par Likhne Wale) Ke Baare Me Poocha Gaya Toh Aap (Sallallahu Alaihay Wasallam) Ne Farmaya, “Ek Nabi Ret (Sand, Ramal) Par Khatt (Lines) Khincha Karte The (Yaani Ki Likha Karte The), Isliye Agar Kisi Sakhsh (Aadmi) Ki Khatt (Likhaawat) Unn Nabi Ki Khatt (Likhaawat) Ke Muwaafiq Ho Ya Un Ke Likhaawat Jaisi Ho Toh Uss Shakhs Ko Bahut Si Ya Dusri Chipi Huyee Baato Ka Ilm Ho Jaata Hai”.

• Aap Huzur-e-Akram Mohammed Mustafa (Sallallahu Alaihay Wasallam) Jab Meraaj Par Gaye Toh Aap (Sallallahu Alaihay Wasallam) Ne Hazrat Idrees (Alaihay Salam) Se Chauthe (4th) Aasmaan Par Mulaaqat Ki Thi .

* Hazrat Idrees (Alaihay Salam) Ke Muta’aliq Allah Ta’ala Quraan Majeed Me Irshaad Farmata Hai, “WARAA FA – ANAH MAKAAN AALIYA,..”
Iss Aayat Se Muraad Hazrat Idrees (Alaihay Salam) Ke Muqaam Aur Martabe Ki Bulandi Hai, Ya Fir Allah Ta’ala Ne Aap Hazrat Idrees (Alaihay Salam) Ko Buland (Uncha) Muqaam Ataa Kiya Ya Aap Ko Unche Muqaam Par Uthha Liya.

Aur Eik Riwaayat Me Hai Ki Allah Ta’ala Ne Aap Hazrat Idrees (Alaihay Salam) Ki Taraf Wahee Farmaaye, “Ki Main Tumhe Har Roz (Daily) Bani Aadam Ke Nek Aur Achche Amal (Kaam) Ke Mutaabiq Buland Karooga”.

Upar Daraz Ki Gayee Qur’an Majeed Ki Aayat Ki Tafseer Me Teen (Three) Riwaayate Mashhoor Hai ……

» 1) .. Aap Hazrat Idrees (Alaihay Salam) ke Paas Eik Farishta Aaya Jo Ki Aap Ka Bahut Gahera Dost Tha. Aap Hazrat Idrees (Alaihay Salam) Ne Uss Se Farmaaya Ki, “Allah Ta’ala Ne Meri Taraf Ye Wahee (Paigaam) Ki Hai. Isiliye Aap Maut Ke Farishte Se Baat Karo Ki Woh Mujhe Mohlat De Taki Mai Jiyada Se Jiyada Nek Amal Kar Sakoo”.
Toh Uss Farishte Ne Aap Hazrat Idrees (Alaihay Salam) Ko Apne Do Parro (Feathers, Pankho) Ke Darmiyaan Uthaaya Aur Aaamaan Ki Taraf Chal Diya.
Jab Woh Chauthe (4th) Aasmaan Par Pahooncha Toh Use Maut Ka Farishta Mila. Jo Niche Utar Rahaa Tha. Hazrat Idrees (Alaihay Salam) Ke Dost Farishte Ne Maut Ke Farishte Se Iss Baare Me Baat Ki. Jis Ke Baare Hazrat Idrees (Alaihay Salam) Ne Uss Se Baate Ki Thi. Maut Ke Farishte Ne Poocha, “Iss Waqt Idrees (Alaihay Salam) Kahaa Hai ?”
Uss Dost Farishte Ne Jawaab Diya Ki, “Iss Waqt Meri Peeth (Back) Par Sawaar Hai”, Maut Ke Farishte Ne Taajjub (Hairat) Se Kahaa, “Mujhe Toh Bheja Gayaa Hai Ki Jaawo , Hazrat Idrees (Alaihay Salam) Ki Rooh Qabz Karo. Jab ki Woh Toh Yahaa Chauthe (4th) Aasmaan Par Maujood Hai , Ye Kaise Ho Sakata Hai Ki Main Un Ki Rooh Chauthe (4th) Aasmaan Par Qabz Karoo , Unhe Toh Zameen Par Hona Chaahiye Tha . Uss Maut Ke Farishte Ne Aap Hazrat Idrees A(Alaihay Salam) Ki Rooh Chauthe (4th) Aasmaan Par Hi Qabz Kar Li .

» 2) ….. Dusri Riwaayat Me Hai Ki Jab Maut Ke Farishte Se Uss Dost Farishte Ki Mulaaqat Huyee Toh Hazrat Idrees (Alaihay Salam) Ne Uss Dost Farishye Se Kahaa Ki Maut Ke Farishte Se Poocho Ki Meri Kitni Umar (Age) Baaqi Hai. Dost Farishte Ne Maut Ke Farishte Se Poocha, Jab Ki Hazrat Idrees (Alaihay Salam) Bhi Wahi Par Maujood The. “ Ki Hazrat Idrees (Alaihay Salam) Ki Umar Kitni Baaqi Hai”.
Maut Ke Farishte Ne Jawaab Diya, “Jab Tak Mai Dekh Nahi Leta Tab Tak Koi Jawaab Nahi De Sakta”.
Maut Ke Farishte Ne Hazrat Idrees (Alaihay Salam) Ko Dekha Aur Kahaa, “Aap Aise Shakhs (Aadmi) Ki Umar Ke Baare Me Mat Poochoye, Jin Ki Umar Palaq Jhapakne Ki Der Tak Baaqi Hai”. Jab Dost Farishte Ne Apne Parro (Pankho) Ke Beech Me Dekha Toh Hazrat Idrees (Alaihay Salam) Wafaat (Wisaal) Ho Chuka Tha, Aur Uss Dost Farishte Ko Aap Ke Wafaat Ki Khabar Tak Na Huyee.
(Ye Riwaayat Israayeeli (Yahoodi) Riwaayato Se Li Gayee Hai ,Jis Ulemaavo Ka Ittefaq Nahi Hai)

» 3) …. Ek Riwaayat Me Hai Ki Aap Hazrat Idrees (Alaihay Salam) Ki Wafaat Nahi Huyee Balki Aap Ko Bhi Hazrat Esaa (Alaihay Salam) Ki Tarhaa Zinda Chauthe (4th) Aasmaan Par Uthhaa Liya Gaya Hai.

Allah-o-Alam (Allah Hi Saari Khuli Aur Cheepi Bato Ko Jan’ne Wala Hai)

Aap Hazrat Idrees (Alaihay Salam) Ne Hazrat Aadam (Alaihay Salam) Ka Zamaana Payaa, Yaani Ki Hazrat Aadam (Alaihay Salam) Ki Hayaat Me Aap Paida Huve The Aur Aap Ki Umar Mubaarak (380) Saal Thi, Jab Aap Ne Iss Duniya–e–Faani Se Rukhsat Huve .

Reference: (Virtual study of Mohammed Rafique, Qasas-Ul-Ambiya)

To Be Continue ...

♥ In'sha'Allah! Agle Part (36) Me Nabi Ismayeel (Alaihay Slam) Aur Nabi Ishaq (Alaihay Slam) Ka Zikr Karenge Bohot Jald ,..

Hiqayat: Ismayeel (A.S) & Ishaq (A.S)

• Pyaare Aaqa (Sallallahu Alaihay Wasallam) Ki Khandani Halaat (Nasab Naama) Aap Hazrat Ismayeel (Alaihay Salam) Ki Nasal (Nasab) Se. Aur
• Bani Israyil Ke Tamam Nabiyon Ki Khandani Halat (Nasab Nama) Nabi Ishaq (Alaihay Salam) Se.

♥ Nabi Ismayeel (Alaihay Salam):
Aziz Dosto ,…….. Hazrat Ismayeel (Alaihay Salam) ke Bare Me Aap Log Hiqayat Part 13, 14 aur 11.5 Tak Padh Chuke Hai Ab Aage ,..

Hazrat Ibraahim (Alaihay Salam) ! Allah Ta’ala Ke Jalil–O–Qadr Paigambar Huve. Youn Toh Aap Ki Kayee Aulaade Thi, Lekin Aap Ki Do (2) Aulaade Jiyaada Mashoor Hai Jo Ki Azim Aur Aalishaan Nabi Aur Rasool Hai. Aur In Dono Me Se Jiyada Jalil–O–Qadr Aur Buland Martaba Hazrat Ismayeel (Alaihay Salam) Jabeeh–Ul– Laah Hai. Aap Hazrat Haazra (Razi Allahu Anhuma) Ke Batan Mubaarak Se Paida Huve. Jo Ki Nihaayat Jalil–O–Qaqr Aur Azim Martabe Wali Khatoon Thi.

Hazrat Ibraahim (Alaihay Salam) Ki Umar Mubaarak (86) Baras Ki Thi, Tab Aap Ko AAllah Ta’ala Ne Nek Aur Saleh Aulaad Ki Shaqal Me Hazrat Ismayeel (Alaihay Salam) Ko Ataa Farmayaa.

Hazrat Ibraahim (Alaihay Salam) Ne Huqm–e-Rabbani Par Labbaik Kahete Huve Apne Doodh pite Bachche Aur Masoom Fitrat Biwi Hazrat Hazraa (Razi Allahu Anha) Ko Eik Sunsaan Biyaaban Sehraa (Registaan) Me Sirf Allah Ta’ala Par Tawaqqal (Bhrosa) Kar Ke Tanhaa Aur Akela Chodh Diya. Jahaa Na Pine Ko Paani Aur Na Khaane Ko Kuch Tha. Fir Allah Taala Ne Paththaro Ka Kaleja Cheer Kar Inhe Paani (Aab–e–Zamzam) At aa Kiya. Aur In Ke Akelepan Aur Gamkhawaari Ko Door Kar Ne Ke Liye Qabilaa Banu Jerham Ko Uss Biyaaban Sunsaan Waadi Me Rukne Par Mazboor Kiya.

Uss RAB Ki Jaat Ne Uss Biyabaan Aur Sunsaan Wadi Me Rahemato Aur Barqato Ka Dariya Bahaa Diya, Aur Qayaamat Tak Makkah Shareef Ki Waadi Me Faiz–O–Barkat Zaari Rahega. Aur Ye Sab Hazrat Ismayeel (Alaihay Salam) Ki Wasa’at ya un ke Tufail Zaari Huwaa. Hazrat Ismayeel (Alaihay Salam) Apne Waldain Ki Itni Farmabardaar Aulaad Thi Ki Jis Ki Misaal Duniya Me Koi Dusri Nahi Milti.

Aap Ne Apne RAB Ke Huqm Aur Apne Walid Hazrat Ibraahim (Alaihay Salam) Ki Farmabardaari me Apne Jaan Tak Ka Nazraana Dene Ya Apne Walid Ke Haatho Jebaah Hone Me Bhi Koi Hichkichahat Na Mahesoos Ki. Aur Apne Walid Se Kahaa, “Aap Ko Jo Huqm Huwaa Hai Aap Use Pura Kare, In'sha'Allah Aap Mujhe Sabr Karne Walo Me Paavoge”.

Allah Ta’ala Ne Qur’an Majeed Me Aap Ki Taareef Farmaayee, Kahee Aap Ko Haleem Toh Kahee Saabar (Sabar Karne Wala), Kahee Saadaq-Al-Waadah (Apne Waade Ko Sach Karne Wala), Kahee Muhaafiz Salaat (Namaazo Ki Hifaazat Kar Ne Wala) Kahaa Hai.

♥ Allah Ta’ala Qur’an Majeed Me Farmaata Hai - Hazrat Ismayeel (Alaihay Salam) ! Apne Ghar Walo Ko Namaaz Ka Huqm Dete Ta'aki Woh Azaab Se Mehfooz Rahe”.

*Allah Ta’ala Ne Aap Ka Ziqr Khair Quraan Majeed Me Kayee Jagaaho Par Kiya Hai.
Riwayato Me Hai Ki Sab Se Pahele Aap Hazrat Ismayeel (Alaihay Salam) Ne Ghodho (Horse) Ki Sawaari Ki Aap Se Pahele Ghodhe Bhi Dusre Jungli Jaanwar Ki Tarha The. Aap Ne Arbi Nasl Ke Jangli Ghodo Ko Apni Taraf Manoos Kiya Ya Apne Si Hilaa Liya (Paaltu Banaya). Aap Ki Eik Aawaaz Par Woh Jungli Arbi Ghodhe Aap Ke Paas Daudhe Chale Aate The. Aap Huzur–e–Aqdas Rahematul Alamin Mohammed Mustafa (Sallallahu Alaihay Wasallam) Ne Farmaya, “Ghodhe Paalo Aur Unn Ki Nasal Badhaavo, Kyon Ki Ye Hazrat Ismayeel (Alaihay Salam) Ki Viraasat Hai”.

Riwayato Me Hai Ki Hazrat Ismayeel (Alaihay Salam) Sab Se Pahele Fasheeh Aur Ballikh Arbi Zubaan Bolne Walo Me Se Hai, Ye Zubaan Aap Ne Hazrat Ibraahim (Alaihay Salam) Se Bhi Pahele Ke Qadim (Puraane) Qabile Jo Ki Makkah Aur Uss Ke Aas Paas Aabaad The Unn Se Sikhi Thi. Aap Huzur Pur Noor Hazrat Mohammed (Sallallahu Alaihay Wasallam) Ne Farmaya, “Hazrat Ismayeel (Alaihay Salam) Woh Sakhsh Hai Jinhone Sab Se Pahele Fasheeh Aur Ballikh Arbi Zubaan Me Guftgoo (Baate) Ki, Aur Uss Waqt Aap Ki Umar Mubaarak 14 Saal Thi.

Ek Sau Tirehattar (173) Saal Aap Ki Hayaate Mubaarka Rahi. Aur Aap Aapki Waldaa Hazrat Bibi Hazraa Ke Paheloo Me Hateem (Makkah) Me Madfoon (Dafan) Hai .

Hamare Pyaare Aaqa Mohammed (Sallallahu Alaihay Wasallam) Ka Ta’alluq Aap Hazrat Ismayeel (Alaihay Salam) Ki Nasal (Nasab) Se Hi Hai

♥ Nabi Ishaq (Alaihay Salam):
Aziz Dosto ,…. Jis Waqt Hazrat Ishaq (Alaihay Salam) Paidaa Huve Uss Waqt Hazrat Ibraahim (Alaihay Salam) Ki Umar Mubaarak Sau (100) Saal Aur Hazrat Bibi Sayerah Razi Tala Ho Anhuma Ki Umar Mubaarak Nabbe (90) Saal Thi. Budhaape Ki Umar Me Allah Ta’ala Ne Inhe Aulaad Ataa Ki.

♥ Allah Ta’ala Ka Qur’an Majeed Me Irshaad–e–Aalishaan Hai,
Aur Hum Ne Basharat Di Aap Ko (Hazrat Ibraahim Alaihay Salam Ko) Ishaq Ki , Ke Woh Nabi Hoga Saleheen Me Se , Aur Ham Ne Barqate Nazeel Ki Iss Par Aur Ishaq Par Ki Inn Ki Nasal Me Koi Nek Hoga Aur Koi Apni Jaan Par Khulaa Zulm Karega”.

Allah Ta’ala Ne Jitne Bhi Paigambar (Alaihay Salam) Mabwoos Kiye Ya Bheje Woh Sab Ki Sab Hazrat Ishaq (Alaihay Salam) Ki Nasal Se Hi Hai. Siwaaye Aakhiri-Uz–Zamaa Aap Hazrat Mohammed Mustafa (Sallallahu Alaihay Wasallam) Ke, Aap (Sallallahu Alaihay Wasallam) Ka Nasab Hazrat Ismayeel (Alaihay Salam) Se Ja Milta Hai.

Riwaayato Me Hai Ki Hazrat Ishaq (Alaihay Salam) Ne Chalees (40) Baras Ki Umar Me Hazrat Ibraahim (Alaihay Salam) Ki Hayaat–e–Mubaarka Me “Rafqaa”’ Se Nikaah Kiya. Jo Ki Baanjh (Bachcha Na Paida Karne Waali Aurat) Thi. Isiliye Hazrat Ishaq (Alaihay Salam) Ne Baargaahe Allah Wandi Me Duwaa Ki Aur Allah Ta’ala Ne Aap Ki Duwaa Qabool Farmaayee, Aur Aap Ke Ghar Judwaa Aulaade Huyee. Jin Me Se Bade Ladke Ka Naam Ayeeshu Aur Chote Ladke Ka Naam Yaqoob Tha. Hazrat Ishaq (Alaihay Salam) ! Hazrat Ayeeshu (Alaihay Salam) Se Jiyada Mohabbat Karte The Kyonki Woh Badi Aulaad Thi. Jab Aap Ki Biwi Raftaa Hazrat Yaqoob (Alaihay Salam) Se Jiyada Mohabbat Karti Thi Kyounki Woh Chote The .

Aziz Dosto ,….. Jab Hazrat Ishaq (Alaihay Salam) Budhaape Ki Umar Me Pahooche Toh Aap Ke Aankho Ki Raushni Kam Ho Gayee. Jis Ki Wazaah Se Aap Ko Bahut Kam Dikhayee Deta Tha. Eik Din Aap Ne Apne Bade Bete Ayeeshu Se Farmaaya Ki, “Aye Mere Bete ! Tum Shiqaar Par Jaavo, Aur Shiqaar Kar Ke Pakaa Kar Ke Mujhe Umdaa Aur Laziz Khana Khilaavo, Taa Ki Mai Tumhaare Liye Barqat Ki Duwaa Karoo”.

Dosto Ye Ek Paigamber Ya Nabi Ki Wo Duwaa Hoti Hai Jo Ki Paigambar Ya Nabi Apne Baad Apne Jaa–Nasheen (Waaris) Ke Liye Khashushi Taur Par Karte Hai, Aur Wo Duwaa Baargaah–e–Ilaahi Me Maqbooliyat Ka Muqaam Rakhti Hai.Yaani Ki Yaqinan Qabool Hoti Hai.
Hazrat Ayeeshu Jo Ki Eik Shiqaari The, Isiliye Apne Abba–Jaan Ke Huqum Ki Taamil Karne Ke Liye Jungle Ki Taraf Rawaana Ho Gaye Taaki Kisi Jaanwar Ka Shiqaar Kar Ke La Sake. Lekin Jab Ye Baat Unki Waaldaa ‘Raftaa’’ Ke Kaano Me Padhi Toh Unhone Apne Chote Bete Hazrat Yaqoob (Alaihay Salam) Ko Huqum Diya Ki Apne Rewadh (Paaltoo Jaanwaro) Me Se Do Achche Baqre (Gots) Jeebah Karo Aur Unhe Bhoon Kar Aapne Waleed Ki Khidamat Me Pesh Karo”.
Yaqqob (Alaihay Salam) Ki Waalda Jo Ki Hazrat Yaqoob (Alaihay Salam) Se Bahut Mohabbat Karti Thi, Un Ki Dili Khawaahish Thi Ki Hazrat Ishaq (Alaihay Salam) Apni Jaa–Naseeni, Hazrat Yaqoob (Alaihay Salam) Ko Ataa Kare Aur Un Ke Haq Me Barqat Ki Duwaa Kare .

Isiliye Hazrat Yaqoob (Alaihay Salam) Ne Apne Waalda Ke Kahene Par Do (2) Baqre Jeebah Kiye Aur Unhe Bhoon Liya. Aur Apna Huliya Apne Bade Bhai Ayeeshu Ki Tarhaa Banaya, Kyonki Hazrat Ayeeshu Unn Se Dildaul Aur Qad Me Jiyaada The Aur Un Ke Jism Par Baal Bhi Bahut Jiyaada The. Isiliye Hazrat Yaqoob (Alaihay Salam) Ne Apne Bade Bhai Ke Kapde Pahene Aur Apni Gardan Aur Haatho Par Baqre Ki Khaal (Jild) Ke Baal Laga Liye.
Aur Bhoona Huwaa Baqra Lekar Apne Waalid Hazrat Ishaq Ki Khidmat Me Pahooche. Aur Unhe Gost (Meat) Pesh Kiya Toh Hazrat Ishaq (Alaihay Salam) Ne Poocha Ki, “Tum Kaun Ho ?”

Toh Hazrat Yaqoob (Alaihay Salam) Ne Jawaab Diya, “Main Aap Ka Beta Hoon”. Hazrat Ishaq (Alaihay Salam) Ne Unhe Apne Gale Se Laga Liya Aur Unhe Chooma. Aur Kahene Lage, “Aawaaz Toh Yaqoob Jaisi Hai, Lekin Kapde Aur Jism Ayeeshu Ke Jaisa Hai”.

Aur Jab Khana Khaa Chuke Toh Duwaaye Karne Lage, “Tu Apne Bhaiyo Me Buland Martabe Wala Aur Unchi Shaan Wala Ho. Saare Bhaiyo Aur Saare Qabile Par Tumhara Naam Buland Ho, Aur Tu Aulaad Aur Maal Me Qasrat Se Nawaaza Jaaye”.
Jab Hazrat Yaqoob (Alaihay Salam) Apne Waalid Ke Paas Se Rukhsat Huve Toh Tabhi Un Ke Bade Bhai Ayeeshu Bhi Wahaa Tashreef Le Aaye. Un Ke Paas Bhi Khaana Tayyar Tha. Aur Jab Shiqaar Ka Gost Unhone Apne Abba–Jaan Ki Khidamat Me Pesh Kiya Toh. Hazrat Ishaq (Alaihay Salam) Ne Poocha, “Bete Ye Kya Hai ?”’
Ayeeshu Ne Jawaab Diya, “Ye Khana Hai. Jis Ka Aap Ne Huqum Diya Tha”.
Hazrat Ishaq (Alaihay Salam) Ne Kahaa, “Kya Tum Thodi Der Pahele Nahi Aaaye The ?, Aur Maine Tum Se Khana Nahi Liya Tha ? , Aur Kya Maine Tuhaare Liye Duwaa Nahi Kar Di Thi ? ” Ayeeshu Ne Arz Kiya, “Nahi ! Main Toh Abhi Aa Rahaa Hoon”.

Hazrat Ayeeshu Samajh Gaye Ki Ye Saari Chalaaqi Aur Hoshiyaari Hazrat Yaqqob (Alaihay Salam) Ki Hai. Woh Bahut Sakht Naraaz Huve. Aur Hazrat Yaaqoob (Alaihay Salam) Se Kahaa, “Tum Ne Mere Saath Be–Imaani Ki Hai. Mai Tumhe Iss Be–Imaani Ki Sazaa Dooga Aur Tumhe Qatal Kar Dalooga”.

Reference: (Virtual study of Mohammed Rafique, Qasas-Ul-Ambiya)

To Be Continue ...

♥ In'sha'Allah! Agle Part 37 Me Hazrat Yaqoob (Alaihay Salam) Ka Tazkira Karenge Jald ….

Hiqayat: Yaqoob (Alaihay Salam)

• Hazart Yaqoob (Alaihay Salam) Ko Apne Bade Bhai Se Mili Qatl Ki Dhamki Ki Vajah Se Maa Baap Ke Kahne Par Wo Apne Maamu Laahan Ke Yaha Safar Karte Hai, Aur Unki Khidmat Me Rehkar Unki Beti Se Nikah Karte Hai.

Aziz Dosto ,….. Hazrat Ishaq (Alaihay Salam) Ke Bade Bete Ayeeshu Ne Apne Saath Be–Imaani Ho Jaane Par Apne Chote Bhai Hazrat Yaqoob (Alaihay Salam) Ko Qatl Ki Dhamki De Di (Yaha Tak Aap Part 18.2 me padh chuke ho). Lekin Hazrat Ishaq Ne Apne Bade Bete Ayeeshu Ke Kahene Par Un Ke Liye Bhi Duwaa Kar Di, Aur Farmaaya, “Aap Ki Aulaad Bhi Zameen Par Qasrat Se Failegi Aur Unhe Rizq Aur Falo (Fruits) Se Iss Qadr Nawaza Jayega Ki Woh Khush–Haal Rahege”.

Idhar Jab Unki Waalda Rafqaa Ko Ye Khabar Mili Ke Hazrat Aayeeshu (Alaihay Salam) Ne Apne Chote Bhai Hazrat Yaqoob (Alaihay Salam) Ko Qatal Ki Dhamki Di Hai Toh Unhe Khauf (Darr) Huwaa Ki Kahi Ayeeshu ! Hazrat Yaqoob (Alaihay Salam) Ka Qatal Hi Na Kar De. Isiliye Unhone Hazrat Yaqoob (Alaihay Salam) Ko Huqm Diya Ki, “Tum Mere Bhai Aur Apne Mamu (Uncle) Laahaan Ki Taraf Chale Jaavo, Jo Ki Haraan (Shaam, Siria) Me Raheta Hai. Aur Tab Tak Wahaa Raho Jab Tak Ayeeshu Ka Gussa (Naraazgi) Thanda Na Ho Jaaye”. Aur Ye Bhi Huqm Diya Ki, “Wahaa Ja Kar Apne Mamu Laahaan Ki Beti Se Shaadi (Nikaah) Kar Lena”.

Rafqaa Ne Apne Sauhar (Husband) Hazrat Ishaq (Alaihay Salam) Se Kahaa Ki, “Aap Bhi Yaqoob Ko Ye Hi Mashwara Do, Aur Use Huqm Do Ki Woh Haraan Chala Jaaye”.
Hazrat Ishaq (Alaihay Salam) Ne Hazrat Yaqoob (Alaihay Salam) Ko Ye Hi Mashwara Diya, Aur Unke Haq Me Duwaa Farmaayee.

Hazrat Yaqoob (Alaihay Salam) Usi Waqt Shaam (Siria) Ki Taraf Rawaana Ho Gaye. Chalte–Chalte Raaste Me Eik Jagaah Raat Ho Gayee. Unhone Eik Paththar Apne Sir Ke Niche Rakha Aur So Gaye. Aap Ne Khawaab Dekha Ki Eik Sidhi Jo Ki Aasmaan Se Zameen Tak Buland Hai. Farishte Uss Sidhi Ke Zariye Aasmaan Se Zameen Par Utar Rahe Hai Aur Waapas Zameen Se Aasmaan Par Chadh Rahe Hai. Aur Allah Ta’ala ! Aap Se Farmaa Raha Hai “Aye Yaqoob ! Mai Tujhe Ba–Barqat Banawoonga, Aur Teri Aulaado Ko Badhawunga, Aur Ye Sirzameen Tujhe Aur Tere Baad Teri Nasal Ko Dooga”.

Hazrat Yaqoob (Alaihay Salam) Jab Neend Se Jaage Toh, Jo Khawaab Dekha Tha Uss Se Bahut Khush Huve. Aur Aap Ne Mannat (Nazar) Maani Ki, “Agar Mai ! Khair Khairiyat Se Apne Ghar Waapas Aa Gaya Toh Iss Jagaah Allah Ta’ala Ke Liye Ibaadat Gaah Banawoonga. Aur Mere Paas Jo Bhi Malkiyat (Jaayedaad, Proparty) Hogi Uss Ka Daswaa (10th) Hissa Allah Ta’ala Ki Raah Me Dooga”.

Fir Aap Ne Uss Paththar Par Tel (Oil) Malaa (Lagaya) Aur Nishaan Banaya TaaKi Pahechaan Ho Sake. Aap Ne Jagaah Ka Naam Bait Ahal (Khana–e–Allah, Allah Ka Ghar) Rakaha. Dosto,… Ye Hi Wo Jagaah Thi Jahaa Par Hazrat Yaqoob (Alaihay Salam) Ne Baitul Muqaddas Ki Taamir Ki Thi.

Hazrat Yaqoob (Alaihay Salam) Apne Mamu Laahaan Ke Paas Haraan (Siria, Shaam) Pahoonch Gaye.
Unke Mamu Ki Do Betiya (Ladkiya) Thi. Badi Ka Naam “Liyaa” Aur Choti Ka Naam “Raahil” Tha. Badi Ladki Ki Aankhe Choti Thi Aur Woh Jyada Khoobsurat Na Thi. Aur Uss Ki Shaqal–O–Surat Me Koi Kashish Bhi Na Thi. Jab Ki Choti Ladki Bahut Khoobsurat Aur Haseen–O–Jameel Thi. Isiliye Hazrat Yaqoob (Alaihay Salam) Ne Apne Mamu Laahaan Ko Un Ki Choti Beti Raahil Se Nikaah Karne Ka Paigaam Diya.

Hazrat Yaqoob (Alaihay Salam) Ke Mamu Laahaan Ne Iss Shart Par Ye Rishta Manzoor Kiya Ki Hazrat Yaqoob Saat (7) Saal Tak Unki Bhedh Bakriyo Ko Charaayege Aur Unki Khidamat Karege. Aap Ne Jab Saat Saal Ki Muddat Poori Kar Li Toh Aap Ka Nikaah Ho Gaya. Jab Raat Huyee Toh Unke Mamu Laahaan Ne Apni Badi Beti Liyaa Ko Suhaag-Raat Ke Kamre Me Hazrat Yaqoob (Alaihay Salam) Ke Paas Bhej Diya. Liyaa Utni Khoobsurat Toh Nahi Thi. Jab Suhaagraat Guzar Gayee Toh Agli Subaah Hazrat Yaqoob (Alaihay Salam) Kya Dekhte Hai Ki Raahil Ki Jagaah Liya Unke Kamre Me Hai.

* Aap Sakht Khafaa Huve Aur Apne Mamu Lahan Se Kahaa, “Aap Ne Mere Saath Be–Imaani Ki Hai, Maine Toh Raahil Ke Liye Paigaam–e–Nikaah (Rishta) Diya Tha”.
*Mamu Laahaan Ne Kahaa, “Barkhurdaar ! Hamaare Yahaa Ye Riwaaz Nahi Hai Ki Badi Bahen Se Pahele Choti Bahen Ka Nikaah Kar Diya Jaaye”. (Lihaza Nikah Bhi Parde ki Aad Me Choti Beti Rahil Ke Bajaye Badi Beti Liyaa Ke Sath Hee Hua Tha)
Agar Tum Raahil Se Nikaah Karna Chaahte Ho Toh Tumhe Saat Saal Aur Hamaari Khidmat Me Reh Kar Hamaari Bhedh Bakriya Charani Hogi”.
Hazrat Yaqoob (Alaihay Salam) Ne Aur Saat Saal Bhedh Bakriya Charaayee Aur Liyaa Ki Choti Bahen Raahil Se Bhi Nikaah Kar Liya.

Do (2) Baheno Ko Eik Nikaah Me Jamaa Karna Uss Waqt Ki Shariyat Me Jaayez Tha Jise Baad Me Allah Ta’ala Ne Tauraat (Woh Aasmaani Kitaab Jo Ki Hazrat Musa (Alaihay Salam) Par Nazil Huyee Thi) Uss Ke Zariye Mansookh (Khatm, Raddh) Kar Diya Gaya.

Aziz Dosto ,….. Jab Hazrat Yaqoob (Alaihay Salam) Ne Dono Baheno Se Nikaah Kar Liya Toh Aap Ke Mamu Laahaan Ne Apni Dono Betiyo Ko Eik–Ek Kaneej (Gulaam) Bhi Ataa Ki. Badi Ladki Liyaa Ko Jo Kaneej Di Thi Uss Ka Naam “Zulfi” Tha Aur “Raahil” Ki Kaneej Ka Naam “Halbee” Tha.

Allah Ta’ala Ne, “Liyaa” Ki Kamzori Door Kar Di Aur Inn Par Rahemat Ki Aur Unhe Aulaad Ataa Ki. Hazrat Yaqoob (Alaihay Salam) Ke Ghar Sab Se Paheli Jo Aulaad Huyee Uss Ka Naam “Ruhel” Tha. Uss Ke Baad “Samvoon” Fir “Laahi” Aur “Yahooda” Paida Huve. Yahoodi Isi Yahooda Ki Nasal Se Ta’aluq Rakhte Hai.

“Raahil” Ko Ye Dekh Kar Hasad (Jalan) Hone Lagi Kyon Ki Abhi Tak Uss Ki Koi Bhi Aulaad Nahi Huyee Thi. Isiliye “Raahil” Ne Apni Kaneej “Halbee” Hazrat Yaqoob (Alaihay Salam) Ko Hibaa (Tohfe Ya Gift) Kar Di. Uss Kaneej Haibee Se Bhi Eik Aulaad Paida Huyee. Jis Ka Naam “Huyataali” Rakha Gaya.

Liyaa Ne Bhi Apni Kaneej “Zulfi” Ko Aap Hazrat Yaqoob (Alaihay Salam) Ko Hibaa (Gift) Kar Di.
Uss Kaneej Zulfi Se Do (2) Bachche “Jaad” Aur “Aseer” Paidaa Huve. Iss Beech Liyaa Ne Eik Aur Bachche Ko Paida Kiya Jis Ka Naam “Zublon” Rakha Gaya. Liya Ne Iss Baar Eik Aur Bachchi Ko Paida Kiya, Jis Ka Naam “Veena” Rakha Gaya. Iss Tarhaa Aap Hazrat Yaqoob (Alaihay Salam) (9) Bachcho Ke Waalid Ban Gaye.

“Raahil” Ne Baargaahe Allah-Wandi Me Duwaa Ki, Aur Hazrat Yaqqob (Alaihay Salam) Se Bhi Apne Liye Eik Bachcha Paida Ho Jaane Ki Duwaa Karne Ki Iltijaa Ki. Allah Ta’ala Ne Un Ki Duwaa Qabool Farmaayee. Aur Raahil Bhi Haamlaa Huyee Aur Aap Ke Batan Se Hazrat Yaqoob (Alaihay Salam) Ke Ghar Eik Buland Martaba, Shareef, Haseen–O–Jamil, Sahib–e–Jamaal–Wa–Kamaal Bachcha Paida Huwa, Jis Ka Naam Raahil Ne “Yusuf” Rakha.

Ye Sab Bhai Haaraan (Shaam, Siria) Me Pale–Badhe. Hazrat Yaqoob (Alaihay Salam) Ne Nikaah Kar Ne Ke Baad Bhi (6) Saal Aur Apne Mamu Laahaan Ki Bhedh Bakriya Charate Rahe. Aur Iss Tarhaa Aap Ne Apne Mamu Ke Paas (20) Saal Ki Muddat (Arsaa) Puri Ki.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Yaqoob (Alaihay Salam)

• Hukm-e-Rabbani Ke “Yaqoob (Alaihay Salam) Apne Waalid Ke Ghar Lout Jaye”
• Bada Bhai Ayeeshu Apne 400 Fauji (Lashqar) Ke Saath Aap Se Mulaaqat Ke Liye Aane Ki Khabar.

Eik Din Aap Hazrat Yaqoob (Alaihay Salam) Ne Apne Mamu Se Apne Waleed Ke Gharr Waapas Jaane Ki Izaazat Talab Ki. Mamu Laahaan Ne Kahaa, “Aap Ki Wazaah Se Mere Maal Aur Maveshi (Jaanwaro) Me Bahut Barqat Huyee Hai. Aap Inn Me Se Jitna Chhahe Le Sakte Hai”.
Hazrat Yaqoob (Alaihay Salam) Ne Kahaa, “Iss Saal Jitni Bhi Bhoori (Brown), Chitqabri (Chaqattedaar) Aur Kaale (Black) Rang Ki Bhedh Aur Bakriya Ke Bachche Paida Hoge Woh Sab Mere Hoge”.
Mamu Laahaan Ne Kahaa, “Mujhe Manzoor Hai”.

♥ Maveshiyon Ke Khas Rang Ki Paidawar Ke Liye Tarkeeb:
Hazrat Yaqoob (Alaihay Salam) Ke Bachcho Ne Jis Rang (Colour) Ki Bhedh Aur Bakriyo Unhe Chahiye Thi Unse Dusre Rango (Colours) Ki Bhedh, Bakriya Alag Kar Di Aur Unhe Haank Kar Teen Din Ki Doori Par Le Gaye. In Ka Maqsad Yahi Tha Ki Jo Rang Ki Bhedh, Bakriya Unhe Chahiye Thi Wo Jiyada Se Jiyada Bachche Paida Kare, Na Ki Dusre Rang Ki Bhedh Aur Bakriya.

Hazrat Yaqoob (Alaihay Salam) Ne Bhi Eik Tarqeeb Ki, Unhone Safedah, Badaam Aur Akhrot Ki Hari (Green, Sabz) Taheniyo (Lakdi) Ko Chheel Kar Aapas Me Milaya Jis Se Woh Lakdiya Teen (Three) Rang Ki Nazar Aati Thi. Aur Uss Lakdi Ko Unhone Uss Jagaah Gaadh Diya Jis Ghaat Par Bakriya Aur Bhedhe Paani Pine Aati Thi. Iss Lakkdi Ko Wahaa Par Gaadhne Ka Maqsad Ye Tha Ki Bakriya Aur Bhedhe Uss Teen Line Waali Lakdi Ko Dekh Kar Darr Jaaye Jis Se Unke Pet (Batan) Me Palne Wale Bachche Harqat Kare Aur Unka Rang (Colour) Tabdeel (Badal) Ho Jaaye .
Inn Sab Tarqeebo Se Jis Rang Ke Bachche Unhe Chahiye The Un Ki Paidawaar Bahut Huyee. Jis Se Hazrat Yaqoob (Alaihay Salam) Ke Maal Aur Maveshi (Jaanwaro) Ki Tadaad Bahut Badh Gayee. Kaneejo (Laundiyo) Aur Gulaamo Ki Tadaad Me Bhi Qasrat Se Ijaafa Huwaa.

Ye Sab Dekh Kar Un Ka Mamu Laahaan Jal–Bhoon Gaya (Naraaz Ho Gaya). Mamu Laahaan Ke Bachcho Ke Chehre Ka Rang Bhi Badal Gaya, Jaise Ki Woh Sab Aap Hazrat Yaqoob (Alaihay Salam) Se Naraaz Ho. Iss Se Pahele Ki Woh Log Aap Hazrat Yaqoob (Alaihay Salam) Aur Aap Ke Ahle Khaana (Ghar Walo) Ke Khilaaf Kuch Karte. Allah Ta’ala Ne Aap Hazrat (Alaihay Salam) Ki Taraf Wahee (Sandesh, Message) Ki.

♥ Hukm-e-Rabbani Ke Yaqoob (Alaihay Salam) Apne Waalid Ke Ghar Lout Jaye:
Aziz Dosto ,… Allah Ta’ala Ne Hazrat Yaqoob (Alaihay Salam) Ki Taraf Vahee Ki (Paigaam Bheja) Ke “Aye Yaqoob ! Apne Waleed Mohtaram Hazrat Ishaq (Alaihay Salam) Ke Paas Apne Abaayee (Maadre) Watan Chale Jaavo” Aur Saath Me Ye Waadaa Bhi Farmaa Diya Ki, “Meri (Yaani Allah Ta’ala Ki) Madad Tumhaare Saath Rahegi”.

Hazrat Yaqoob (Alaihay Salam) Ne Iss Baat Ki Khabar Apne Ghar Walo Ko Di Toh Sabhi Ne Aap Ki Ita’at Ki Aur Aap Hazrat Yaqoob (Alaihay Salam) Apne Tamam Maal–Maveshi (Jaanwar), Kaneej, Gulaam Aur Apne Tamam Ahle Khana Ke Hamraah Nikal Pade.
Raahil(Maamu Laahaan Ki Choti Beti) Ne Apne Waalid Laahaan Ke Booto (Murtiyo) Ko Bhi Chipaa Kar Apne Saath Rakh Liya. Aur Jab Woh Sab Log Uss Illaqe Se Guzar Kar Apne Watan Ki Hadudh Me Daakhil Huve Toh Mamu Laahaan Aur Uss Ki Qaum Ne In Ka Pichha Kiya Aur Inn Tak Pahoonch Gaye.

Aur Jab Laahaan Aur Hazrat Yaqoob (Alaihay Salam) Ka Aamna–Samna Huwaa Toh, Laahaan Bahut Naraaz Huwaa Aur Kahene Laga Ki “Tum Mujhe Bina Bataaye Ya Bina Khabar Diye Huve Wahaa Se Kyon Chale Aaye ? Tum Mujhe Agar Iss Baat Ki Khabar Dete Toh Main Khud Tum Logo Ko Khushi–Khushi Izzat Aur Ahetaraam Ke Saath Alwidaa Karta, Aur Apni Betiyo Aur Un Ki Aulaado Ko Bhi Izzat Ke Saath Rukhsat Karta”.

Aur Fir Poocha Ki, “Kya Tum Log Hamaare Maabood (Murtiyo) Ko Bhi Apne Saath Laye Ho ?
Hazrat Yaqoob (Alaihay Salam) Nahi Jaante The Ki Raahil Apne Saath Booth (Murti) Chipaa Kar Layee Hai. Isi Liye Aap Ne Iss Baat Se Inqaar Kar Diya Ki Woh Log Booth Churaa Kar Laaye Hai. Lahaan Ne UnKe Samaan Ki Talashi Lena Shuru Kar Di. Aur Woh Apni Betiyo Aur Kaneezo Ke Khemo Me Daakhil Ho Gaya.

Raahil Ne Uss Boot Ko Uoonto (Camel) Ke Palaan Ke Niche (Yaani Ki Woh Kurshi Jise Uoonto Ki Peeth Par Baandha Jata Hai Aur Jis Par Baith Kar Uoonto Ki Sawaari Ki Jaati Hai) Chipaa Diya Aur Khud Uss Par Chadh Kar Baith Gayee. Jab Laahaan Un Ke Kamre (Kheme) Me Daakhil Huwaa Toh Woh Apne Baap Ki Izzat Aur Ahetaram Ke Liye Uthh Kar Khadhi Na Huyee. Aur Kahene Lagi, “Abba Jaan ! Maaf Karna, Mai Khadhi Nahi Ho Sakti, Kyon Ki Mai Uss Haalat (Haiz) Me Hoon Jo Aurto Ko Huwaa Karti Hai”.

Laahaan Bahut Koshish Aur Talaashne Ke Bavojood Bhi Uss Booth Ko Talaash Na Kar Saka. Mamu Laahaan Aur Hazrat Yaqoob (Alaihay Salam) Ke Beech Jul–Aad Naam Ke Eik Pahaadi Teele Par Eik Muaahidah (Qaraar, Agriment) Huwaa. Muaahidah (Qaraar) Ye Tha Ki Hazrat Yaqoob (Alaihay Salam) Uss Ki Betiyo Ko Ruswaa Nahi Karege, Yaani Ki Un Ko Talaaq Nahi Dege. Aur Un Dono Ke Baad Kisi Aur Se Nikaah Nahi Karege. Aur Iss Pahaadi Teele Se Na Toh Hazrat Yaqoob (Alaihay Salam) Aage Badhege Aur Na Hi Laahaan Aage Badhega. Yaani Ki Dono Ke Darmiyaan Ye Pahaadi Teela Sarhad (Boundri) Hogi.

Fir Unhone Khaana Tayyar Karwaaya Aur Poori Qaum Ne Inn Ke Saath Milkar Khaana Khaya. Fir Dono Ne Eik Dusre Ko Alwidaa Kahaa Aur Apen–Apne Watan (Mulko) Ki Taraf Rawaana Ho Gaye. Hazrat Yaqoob (Alaihay Salam) Sab Apne Mulk (Watan) Ke Qareeb Pahoonche Toh Eik Jagaah Aap Ki Farishto Se Mulaaqat Huyee. Farishto Ne Aap Ko Khush Khabri Di Ki Aap Apni Manzil Par Pahoonchne Wale Hai.

Hazrat Yaqoob (Alaihay Salam) Ne Apne Bhai Ayeeshu Ki Taraf Eik Qaasid Ko Bheja. Aur Khidmat Me Bahut Pyaar Mohabbat Aazizi Aur Inqesaari Ka Izhaar Kiya. Qaasid Waapas Aaya Aur Khabar Di Ki Ayeeshu Apne 400 Fauji (Lashqar) Ke Saath Aap Se Mulaaqat Ke Liye Aa Rahaa Hai.

Reference: (Virtual study of Mohammed Rafique, Qasas-Ul-Ambiya)

To Be Continue ...

♥ In'sha'Allah! Agle Part 39 Me Aage Ka Kissa Bayan Karenge ….

Hiqayat: Yaqoob (Alaihay Salam)

• Yaqoob (Alaihay Salam) Ki Apne Bhai Se Mulaqaat
• Khwab Me Dekhi Hui Jagah Par Baitul Muqaddas Ki Shurua’ati Tamir Ki.
• Ayeeshu Ki Nasal Rome (Europe) Me Ja Kar Bas Gayee. Yaani Ki Roomi, Ayeeshu Ki Hi Aulaade Hai. Aur Yahoodi, Hazrat Yaqoob (Alaihay Salam) Ki Nasal Se Hai .

Aziz Dosto ,….. Hazrat Yaqoob (Alaihay Salam) Ko Jab Ye Khabar Mili Ki Aap Ka Bada Bhai Ayeeshu (400) Sipahiyo Ke Saath Aa Raha Hai Toh Aap Ko Ye Khauf (Andesha) Huwaa Ki Kahee Ayeeshu Aap Se Ladaayee Karne Ke Liye Toh Nahi Aa Raha Hai. Aap Ne Fauran Namaaz Adaa Ki Aur Bargaahe Ilaahi Me Nihaayat Aazizi Aur Inqesari Se Gidhgidha Kar Duwaa Ki, “Aye Mere Rab ! Tu Ne Meri Nusrat (Madad) Ka Waayeda Kiya Hai, Apne Uss Waayede Ko Pura Farmaa, Aur Mujhe Mere Bhai Ayeeshu Ke Sir (Buraaiyo, Jiyaadatiyo) Se Mahefooz Rakh”.

Hazrat Yaqoob (Alaihay Salam) Ne Apne Bade Bhai Ayeeshu Ke Liye Tohfe (Nazraane) Tayyar Karwaaye. Jis Me Takriban (200) Bakriya, (20) Bakre, (200) Bhedhe (Dumbiya) (20) Mendhe, (3) Uoonte (Camel). (40) Gaaye (Cow) (20) Bail, (20) Gadhiya Aur (10) Gadhe (Donky) Shaamil The. Aap Ne Apne Gulaamo Ko Huqm Diya Ki, “Inn Jaanwaro Ko Alag–Alag Haank Kar Le Jaavo. Aur Apne Beech (Darmiyaan) Me Thodi Thodi Dooro Ka Faasla Rakho.

Aur Jab Tum Se Ayeeshu Ki Mulaaqat Ho, Aur Woh Tum Se Pooche Ki Tum Kis Ke Gulaam Ho Aur Ye Jaanwar Kis Ke Hai, Toh Keh Dena Ki Ham Aap Ke Gulaam Yaqoob ! Ke Gulaam Hai Aur Jaanwar Bhi UnKe Hai Jinhe Unhone Apne Aaqa Ayeeshu Ke Liye Hadiya (Tohfaa, Nazraana) Bheja Hai, Aur Iske Baad Wala Bhi Ye Hi Jawaab De, Aur Iss Ke Baad Ke Sabhi Logo Se Ayeeshu Ko Ye Hi Jawaab Milna Chahiye. Aur Har Shakhsh Ayeeshu Ko Ye Batlaaye Ki Hazrat Yaqoob (Alaihay Salam) Sab Se Piche Aa Rahe Hai”.

Hazrat Yaqoob (Alaihay Salam) Apni Dono Biwiya, Kaneezo Aur Gyaarah (11) Bachcho Ko Saath Lekar Kaafile Se (2) Raat Ki Doori Par Piche Chal Rahe The. Aap Ka Kafilaa Raat Ko Safar Karta Aur Din Me Chupp Kar Baith Jaata. Jab Dusri Raat Khatam Huyee Aur Subaah Ka Waqt Huwaa Toh, Aap Hazrat Yaqoob (Alaihay Salam) Ke Paas Eik Farishta Insaan Ki Shaqal Me Haazir Huwaa. Uss Farishte Ne Aap Hazrat Yaqoob (Alaihay Salam) Ko Qushti Ladhne Ke Liye Lalkaara.

Aap Hazrat Yaqoob (Alaihay Salam) Uss Farishte Se Qushti Ladhne Lage Aur Uss Farishte Ko Patakhne Ki Koshish Karne Lage. Aakhir Me Aap Hazrat Yaqoob (Alaihay Salam) Ne Uss Farishte Ko Pathak Diya Ya Uss Par Gaalib Aa Gaye, Lekin Uss Farishte Ne Hazrat Yaqoob (Alaihay Salam) Ke Pairo Ki Raan Ki Eik Nass (Ragg) Ko Chuwaa Toh Wo Nass (Ragg) Sikudh Gayee. Jis Ki Wazaah Se Hazrat Yaqoob (Alaihay Salam) Langde Ho Gaye.
Jab Subaah Ki Raushni Failne Lagi Toh Uss Farishte Ne Kahaa, “Aaj Se Tumhaara Naam Yaqoob Nahi Balki Israyeel Hoga”. Hazrat Yaqoob (Alaihay Salam) Ne Uss Farishte Se Poochaa, “Aap Ka Naam Kya Hai ? Aur Aap Hai Kaun ?”

Uss Farishte Ne Koi Jawaab Na Diya Aur Gaayeb Ho Gaya, Hazrat Yaqoob (Alaihay Salam) Samajh Gaye Ki Ye Koi Farishta Tha. Jab Subaah Ho Gayee Toh Aap Langdaa Kar Chal Rahe The. Isi Wazaah Se Bani Israyeel (Yahoodi) Kisi Bhi Jaanwar Ke Raan Ke Uss Hisse Ka Gost Nahi Khaate Jis Me Se Eik Nass (Ragg) Raan Se Ho Kar Pairo Tak Jaati Hai. Aur Yahoodi Chiknayee (Charbi) Wala Gost Bhi Nahi Khaate, Aur Use Haraam Qaraar Dete Hai. Jab Ki Unn Ki Shariyat Ya Jo Kitaabe Unn Logo Ke Paas Thi Uss Me Bhi Jaanwaro Ka Charbi Wala Gost Aur Jaanwaro Ki Raan Ka Gost Khaana Halaal Hai Jis Tarhaa Ham Musalmano Ke Liye Jaanwaro Ki Charbiwala Gost Aur Raan Ka Gost Halaal Hai. Lekin Iss Baat Par Yahoodi Mann–Ghadhant Daleel Pesh Karte Hai Aur Kahete Hai Ki Kyonki Hazrat Yaqoob (Alaihay Salam) Charbi Wala Gost Nahi Khaate The, Isi Liye Ham Bhi Nahi Khaate.

Jab Ki Allah Ta’ala Qur’an Majeed Me Irshaad Farmata Hai Ki, “Jaanwaro Ki Charbi Wala Aur Raan Ka Gosht Bani Israyeel Ki Shariyat Me Haraam Nahi Tha, Woh Toh Hazrat Yaqoob (Alaihay Salam) Ne Kisi Bimaari Ki Wazaah Se Iss Ka Khaanaa Chodha Huwaa Tha”.
Lekin Ye Yahoodi Qaum Shuru Se Hi Allah Ta’ala Ke Huqm Ki Na-Farmaani Karti Aa Rahi Hai. Aur Apne Faayede Ke Liye Unn Logon Par Jo Aasmaani Kitaabe Naazil Ki Gayee Hai Uss Me Fer–Badal Karti Rahi Hai. Aur Apne Duniyawi Mafaad (Fayede) Ke Liye Haraam Ko Halaal Aur Haraam Ko Hallal Karti Rahi Hai.

♥ Yaqoob (Alaihay Salam) Ki Apne Bhai Se Mulaqaat:
Aziz Dosto ,….. Jab Subaah Ho Gayee Toh Hazrat Yaqoob (Alaihay Salam) Ne Nazre Uthha Kar Dekha Toh Apne Bade Bhai Ayeeshu Ko (400) Aadmiyo Ke Saath Aate Huve Dekha. Aap Apne Gharwalo Ko Chhodhkar Khud Hi Tanhaa Aage Badh Gaye. Aur Jab Apne Bhai Ayeeshu Ko Dekha Toh Un Ki Taajeem (Izzat) Me Saat (7) Baar Sajdaa Kiya. Uss Waqt Ki Shariyat Me Salaam Duwaa Ka Ye Hi Tarika Hota Tha Ke Log Apne Se Bade Aur Izzatdaar Logo Ki Taazeem Me Un Ko Sajdaa Kiya Karte The. Aur Uss Waqt Ki Shariyat Me Sajdaa–e–Taazimi Jayez Tha.

Ye Usi Tarhaa Ka Taazimi Sajdaa Tha Jaisa Ki Farishto Ne Hazrat Aadam (Alaihay Salam) Ki Taazim Me Kiya Tha. Aur Hazrat Yusuf (Alaihay Salam) Ki Taazim Me Unke Maa–Baap Aur Un Ke Gyarah (11) Bhaiyo Ne Kiya Tha, Aur Uss Waqt Ki Shariyat Me Sajdaa–e–Taazimi Jayez Tha Jo Ki Sharyat–e–Mohammedi Me Mansookh (Raddh, Cansel) Kar Diya Gaya. Ab Sajdaa Allah Ta’ala Ke Siwaa Kisi Ko Bhi Karna Jaayez Nahi Hai.

Jab Ayeeshu Ne Apne Chote Bhai Hazrat Yaqoob (Alaihay Salam) Ko Dekha Toh Aage Badhkar Unhe Gale Se Laga Liya, Unhe Chooma Aur Fir Khoob Roya. Dosto Ye Wo Hi Ayeeshu Tha Hazrat Yaqoob (Alaihay Salam) Ko Qatal Karne Par Amaada Tha. Lekim Allah Ta’ala Ne Uss Ke Dil Me Apne Chote Bhai Ke Liye Mohabbat Bhar Di, Aaj Wo Hi Ayeeshu Unhe Apne Gale Se Lagakar Choom Rahaa Hai Aur Ro Raha Hai .

Allah Ta’ala Ne Hazrat Yaqoob (Alaihay Salam) Se Jo Wayedaa Kiya Tha Un Ki Hifaazat Ka Toh Use Iss Tarhaa Puraa Kiya. Beshaq Hamara Rab Jo Bhi Wadaa Karta Hai Use Zaroor Pura Karta Hai Aur Apne Wadaa Ke Khilaaf Nahi Karta.

Ayeeshu Ne Nazre Uthha Kar Aurato Aur Bachcho Ko Dekha Toh Hazrat Yaqoob (Alaihay Salam) Se Poochha. “Ye Sab Kaun Log Hai ?
Hazrat Yaqoob (Alaihay Salam) Ne Kahaa, “Allah Ta’ala Ne Ye Sab Tere Gulaam Yaqoob ! Ko Ataa Farmaaye Hai. (Yaani Ki Mere Biwiya, Bachche Aur Kaneej Hai)

Fir Aap Hazrat Yaqoob (Alaihay Salam) Ki Biwiyo, Bachcho, Aur Kaneejo Ne Aage Badhkar Ayeeshu Ka Istaqbaal Kiya Aur Taajimi Sajda Bhi Kiya. Aap Ke Bachcho Me Hazrat Yusuf (Alaihay Salam) Bhi The Unhone Bhi Sab Ke Saath Ayeeshu Ko Sajda Kiya.

Hazrat Yaqoob (Alaihay Salam) Ne Ayeeshu Se Kahaa, “Aap Ye Tohfe (Nazraane) Qabool Kar Le. Ayeeshu Apne Chote Bhai Ki Mohabbat Dekhkar Bahut Roya Aur Unhe Gale Lagaa Kar Betahasha Choomta Raha. Aur Fir Apne Chote Bhai Ko Alwidaa Keh Kar Waapas Laut Gaya.

♥ Khwab Me Dekhi Hui Jagah Par Baitul Muqaddas Ki Shurua’ati Tamir Ki:
Hazrat Yaqoob (Alaihay Salam) Bhi Wahaa Se Kuch Der Ke Baad Apne Baal–Bachcho Aur Jaanwaro Ke Saath Rawaana Ho Gaye Aur Eik Sahar “Sahoor” Me Pahoonche Aur Wahaa Par Eik Ghar Banaya Aur Jaanwaro Ke Liye Bhi Chappar Daale. Uss Ke Baad Aap “Yarusalam” Me Dakheel Huwe. Aap Ne Wahaa Par Usi Jagaah Ko Jahaa Par Aap Ne (20) Saal Pahele Khawaab Dekha Tha Ya Aap Ki Taraf Jis Jagaah Par Allah Ta’ala Ne Wahee (Sandesh Ya Paigaam) Ki Thi.
Aur Jis Paththar Par Aap Ne Nishaan Lagaya Tha Usi Jagaah Ko (100) Uoont (Camel) Dekar Khareed Li. Aur Aap Ne Uss Jagaah Par Allah Ta’ala Ke Huqm Se Eik Ibaadat Gaah (Baitul Muqaddas) Ki Taamir Ki, Aur Apne Ghar Walo Ko Huqum Diya Kiiss Ghar Me Woh Log Allah Ta’ala Ki Ibaadat Kare. Isi Baitul Muqaddas Ki Naye Seere Se Baad Me Hazrat Sulaimaan (Alaihay Salam) Ne Taamir Ki Thi.

Raahil Fir Eik Baar Maa Bani Aur Uss Ne Eik Bachche “Bin Yamin” Ko Paida Kiya. Lekin Bachche Ki Paidaayeesh Ke Fauran Baad Unn Ka Inteqaal Ho Gaya. Raahil Se Hazrat Yaqoob (Alaihay Salam) Ki Do (2) Aulaade Thi, Bade Bete Hazrat Yusuf (Alaihay Salam) Aur Chote Bete Bin Yamin.
Hazrat Yaqoob (Alaihay Salam) Ne Raahil Ko, “Afraat” Me Dafan Farmaya Jo Ki Aaj Tak “Qabar–e–Raahil” Ke Naam Se Mashhoor Hai. Hazrat Yaqoob (Alaihay Salam) Ke Do (2) Biwiyo Aur Do (2) Kaneezo (Laundiyo) Se Hone Wali Kul Aulaade (Ladke)(12) Hai.

Hazrat Yaqoob (Alaihay Salam) Apne Walid Hazrat Ishaq (Alaihay Salam) Ki Khidmat Me Hazir Huve. Aur Kuch Arshe (Waqt) Tak UnKe Saath Rahe. Fir Hazrat Ishaq (Alaihay Salam) Bimaar Huve Aur (180) Saal Ki Umar Me Aap Wafaat (Wisaal) Gaye. Hazrat Yaqoob (Alaihay Salam) Aur Ayeeshu, Dono Ne Milkar Unhe Dafan Kiya. Hazrat Ishaq (Alaihay Salam) Aur Hazrat Ibraahim (Alaihay Salam) Ki Qabar–e–Mubaarak Eik Hi Jagaah Hai.

Ayeeshu Se Jo Nasal Aage Badhi Woh Rome (Europe) Me Ja Kar Bas Gayee. Yaani Ki Roomi, Ayeeshu Ki Hi Aulaade Hai. Aur Yahoodi, Hazrat Yaqoob (Alaihay Salam) Ki Nasal Se Hai .

Reference: (Virtual study of Mohammed Rafique, Qasas-Ul-Ambiya)

To Be Continue ...

Insha Allah! Agle Part 40 Me Uzair (Alaihay Salam) Ka Zikr Karenge ….

Hiqayat: Uzair (Alaihay Salam)

• Allah Taala Ki Razaa Se Nabi Hazrat Uzair (Alaihay Salam) Ka 100 Saal Baad Zinda Hona.

Aziz Dosto ,… Riwaayato Me Hai Ki Hazrat Uzair (Alaihay Salam), Aap Ka Pura Naam–e-Giraami Hazrat Uzair Bin Sharkhiyya, Jo Ki Bani Israyeel Ke Eik Nabi Hai, Aur Inhe Hi Yahoodi (Nauzbillah) Allah Ka Beta (Son) Kehte Hai, Jaise Ki Esaayee (Nasara) Bhi Aap Hazrat Esaa Bin Marium (Alaihay Salam) Ko Allah Ka Beta (Son) Kahete Hai (Nauzbillah). Jab Ki Allah Ta’ala In Sab Cheezo Se Paak Hai, Aur Ye Saare Nabi (Alaihay Salam), Allah Ta’ala Ke Nek Bande Hai Aur Allah Ta’ala Ki Hee Ibaadat Kiya Karte The.

Dosto ,… Riwaayto Me Hai Ki Hazrat Uzair (Alaihay Salam) Ka Dour (Zamana, Waqt) Hazrat Zaqariya Aur Hazrat Yahya (Alaihay Salam) Ke Darmiyan, Ya Hazrat Sulaiman Aur Hazrat Esaa (Alaihay Salam) Ke Darmiyan Ka Hai. Aur Eik Riwaayat Me Hai Ki Hazrat Uzair (Alaihay Salam), Hazrat Musaa (Alaihay Salam) Ke Daur Me Huve. Aur Aap Ne Hazrat Musaa (Alaihay Salam) Ki Khidmat Me (Mulaaqat Ke Liye) Haziri Ki Izazat Talab Ki, Lekin Hazrat Musaa (Alaihay Salam) Ne Unhe Izazat Na Di. Iss Ki Wazaah Riwaayato Me Ye Bayaan Ki Gayee Hai Ki Hazrat Uzair (Alaihay Salam) Ne Taqdeer Ke Ilm Ke Baare Me Sawaal Kiya Tha.

Unhone Allah Ki Baargaa Me Arz Kiya Tha, “Aye Mere Parwardigar ! Tu Makhlooq Ko Paida Farmata Hai Aur Jise Chaheta Hai Hidaayat Deta Hai Aur Jise Chaheta Hai Gumraah Karta Hai (Iski Kya Wazaah Hai ?)”.
Baargaahe Allahwandi Se Inhe Jawaab Diya Gayaa Ki “Ye Sawaal Rahene Do”.
Lekin Hazrat Uzair (Alaihay Salam) Ne Dubarah Ye Sawaal Baargaahe Allahawandi Me Arz Ki,
Unhe Baargaahe Allahwandi Se Jawaab Diya Gaya, “Aye Uzair ! Ye Sawaal Rahene Do, Tamaam Makhlooq Meri Baargaah Me Apni Aamaalo Ki Jawaabdaah Hai, Lekin Mai Jawaabdaah Nahi Hoon. Isiliye Ye Sawaal Rhaene Do, Nahi Toh Tumhara Naam Ambiya (Alaihay Salam) Ki Fehrist Se Mitaa (Hataa) Diya Jayega”.
Iss Bare Me Aimma Azmayeen Ne Ikhtilaafaat Kiya Hai, Kuch Kahete Hai Ki Aap Ka Naam Ambiya Ki Fehrist Se Hataa Diya Gaya. Aur Kuch Kahete Hai Ki Hazrat Uzair (Alaihay Salam) Ne Teesri Baar Wo Sawaal Na Dohraaya, Isiliye Aap Ka Naam Ambiya (Alaihay Salam) Ki Fehrist (List) Se Nahi Hataya Gaya. (Allah–Hu–Aalam)

Jab Bani Israyeel (Yahoodiyo) Ki Bad-Bakhtiya Aur Bad-Amaaliya Bahut Jiyaada Badh Gayee Toh Allah Ta’ala Ne In Par Azaab Musallat Kar Diya Aur Bakht Nasar Jo Ki Babil Ka Eik Zaalim Aur Kaafir Baadshah Tha, Uss Ne Eik Bahut Badi Fauj (Lashqar) Ke Saath Baitul Muqaddas Par Hamla (Dhawaa) Bol Diya, Aur Baitul Muqaddas Ko Todh–Fod Kar Tahas–Nahas Aur Barbaad Kar Diya.

• Bakht Nasar Badshah Ke Jarye Beimano Ka Anzaam:
Bakht Nasar Ne Taqreeban 1,00,000 Yahoodiyo Ko Qatal Kar Diya, Aur Taqreeban 1,00,000 Yahoodiyo Ko Apna Watan (Mulq) Aur Apna Sab Kuch Chhodh Kar Shaam (Siria) Ki Taraf Bhagne Par Mazboor Kar Diya, Aur Taqreeban 1,00,000 Yahoodiyo Ko Apne Saath Gulaam Aur Laundiya Bana Kar Qaid Kar Ke Le Gaya. Hazrat Uzair (Alaihay Salam) Bhi Inhi Qaidiyo Me Shaamil The. Iss Tarha Bakht Nasar Ne Baitul Muqaddas Ko Khandhar Aur Veeraane Me Tabdeel Kar Diya. Aur Saara Ka Saara Shahar Khandar Aur Sunsaan Ho Gaya.
Dosto ,.. Aap Logo Ko Bakht Nasar Ke Baare Me Kuch Maloomat De Doo. Babal (Iraaq) Me Ek Qaum Amaalqa Thi Uss Qaum Ke Booth (Murti, Muzassama) “Nasar”, Jis Ki Woh Kaafir Qaum Ibaadat Kiya Karti Thi, Uss Booth Ke Samne Ek Ladka Lawaaris Haalat Me Pada Huwa Mila. Ab Kyonki Iss Ladke Ke Haqiqi Maa–Baap Ka Naam Kisi Ko Maloom Nahi Tha. Isiliye Logon Ne Iss Ladke Ka Naam Bakht Nasar Yaani Ki Nasar Ka Beta Rakh Diya.
Ye Allah Ta’ala Ki Qudrat Hee Thi Ki Ye Lawaris Ladka Bada Ho Kar Kabr-Aasif Baadshah Ki Taraf Se Saltanat Babil (Iraaq) Ka Governer Muqarrar Kiya Gaya, Fir Ye Khud Duniya Ka Bahut Bada Baadshah Ho Gaya.

• Hazrat Uzair (Alaihay Salam) Ko 100 Saal ki Neend:
Kuch Arse (Waqt) Ke Baad Hazrat Uzair (Alaihay Salam) ! Bakht Nasar Ki Qaid Se Aazaad Hoker Eik Gadhe (Donkey) Par Sawaar Ho Kar Apne Shahar Baitul Muqaddas Me Pahoonche. Apne Shahar Ki Veeraniya Aur Bad’haali Ko Dekh Kar Aap Ka Dil Bhar Aaya Aur Aap Rone Lage. Shahar Ke Chaaro Taraf Ka Chakkar Lagaya Lekin Unhe Kisi Bhi Insaan Ki Shaqal (Surat) Nazar Nahi Aayee.
Jab Ki Unhone Dekha Ki Darakht (Tree) Par Bahut Jiyaada Fal (Fruits) Aaye Huve Hai Jo Ki Pak Kar Tayyar Ho Chuke Hai, Lekin UnKo Todh Kar Khaane Wala Koi Nahi Hai. Ye Manzar Dekh Kar Nihayat Hi Hasrat Aur Afsos Ke Saath Aap Ki Zubaan Mubaarak Se Ye Alfaaz (Jumla) Nikal Padaa Ki “Iss Shahar Ki Aisi Veeraani Aur Barbaadi Ke Baad, Bhalaa Allah Ta’ala Iss Shahar Ko Kis Tarha Aabaad Karega ?”
Fir Aap Ne Kuch Fal (Fruit) Todh Kar Khaya Aur Angoor Ka Rass (Juice) Nichodh Kar Piya. Aur Bache Huve Falo Ko Apne Jhole (Bag) Me Rakh Liya Aur Bache Huve Angoor Ka Rass (Juice) Apne Maskiza (Mashq) Me Bhar Liya, Aur Apne Gadhe (Donkey) Ko Eik Moti Aur Mazboot Rassi Se Baandh Kar Aap Khud Eik Darakht (Tree) Ke Neeche Let Kar So Gaye. Aur Isi Neend Ki Haalat Me Allah Ta’ala Ne Aap Ki Rooh Qabz Kar Li Yaani Ki Aap Ki Wafaat Ho Gayee. Aur Allah Ta’ala Ne Aap Ke Jism Ko Darindo (Waheshi Janwar), Parindo, Jinno Aur Isaano, Sab Ki Nazar Se Ojhal Kar Diya Ki Koi Aap Ke Jism Ko Dekh Na Sake.

Yahaa Tak Ki (70) Saal Ka Zamana Guzar Gaya. (70) Saal Ke Baad Faaras (Iraan) Ka Eik Baadshah Apne Eik Bade Lashqar (Fauj) Ke Saath Baitul Muqaddas Ke Veerane Me Daakhil Huwaa. Aur Uss Ne Baitul Muqaddas Me Eik Nayaa Shahar Aabaad Kiya. Aur Bahut Sare Logo Ko Wahaa Per La Kar Basaya, Aur Jo Bani Israayeel (Yahoodi) Apna Watan Chhodh Kar Dusre Ilaaqo Me Chale Gaye The Woh Bhi Dubaarah Wahaa Aa Kar Bas Gaye. Aur Inn Logo Ne Nayee Imaarate (Ghar) Bana Kar Aur Tarha–Tarhaa Ke Fal–Foolo Ke Baag–Bagiche Laga Kar Iss Shahar Ko Pahele Se Jiyada Khoobsurat Aur Raunaq Wala Bana Diya.

Jab Hazrat Uzair (Alaihay Salam) Ki Wafaat Ke Poore (100 Saal) Ho Gaye Toh Allah Ta’ala Ne Aap Ko Dubaarah Zinda Farmaya, Toh Aap Hazrat Uzair (Alaihay Salam) Ne Dekha Ki Aap Ka Gadha Marr Chuka Hai Aur Uss Ki Haddiya Sadhh–Gal Kar Idhar–Udhar Bikhri Padhi Hai, Lekin Thaile (Bag) Me Rakhe Huve Fal (Fruits) Aur Mashq (Mashkiza) Me Rakha Gaya Angoor Ka Rass (Juice) Bilkul Kharaab Nahi Huwa Aur Na Hee Un Ke Zayeqe (Test) Me Koi Badlaaw Ya Kami-Beshi Huyee Hai, Aur Na Hee Uss Me Koi Badboo Ya Baas Paida Huyee Hai.

Aur Aap Ne Ye Bhi Dekha Ki Aap Ke Sir (Head) Ke Baal (Hair) Aur Daadhi Ke Baal Bhi Kaale (Black) Hai Aur Aap Ki Umar Mubaarak Bhi (40) Baras Ki Hai. Aap Hairaan Ho Kar Soch–Vichar Me Padh Gaye.
Tabhi Allah Ta’ala Ne Aap Se Farmaya “Aye Uzair ! Tum Kitne Dino Tak Yahaa Thahere (Ruke) Rahe”.

Hazrate Uzair (Alaihay Salam) Ne Khayaal Kiya Aur Arz Kiya “Aye Mere Rab ! Mai Subaah Ke Waqt Soyaa Tha, Aur Ab Asar Ka Waqt Ho Gaya Hai. Yaani Ki Mai Din Bhar Ya Din Ke Kuch Hisse Bhar Se Kam Me Sotaa Raha”.

Allah Ta’ala Ne Gaib Se Farmaya “Nahi ! Aye Uzair ! Balki Tum Poore (100) Baras Yahaa Thahere Rahe. Aur Ab Hum Tumhe Apni Qudrat Ka Nazara Dikhaate Hai, Zaraa Apne Gadhe Par Nazar Daalo, Iss Ki Haddiya Sadh–Gal Kar Idhar–Udhar Bikhar Chuki Hai. Aur Ab Apne Khaane–Pine Ki Cheezo Par Nazar Daalo Ki Inn Me Koi Kharaabi Ya Bigaadh Nahi Paida Huwaa Hai.

Aur Fir Farmaya “Aye Uzair ! Apne Gadhe Ki Taraf Dekho Ki Hum Kis Tarha Uss Ki Bikhri Huyee Haddiyo Ko Samet (Zamaa) Kar Ke Aur Uss Par Gosht-Poshtt Chadha Kar Usey Dubaarah Zinda Karte Hai.”

Hazrate Uzair (Alaihe Salam) Ne Dekha Ki Unke Gadhe Ki Bikhri Huyee Haddiya Aapas Me Juddh Gayee Aur Gadhe Ka Haddiyo Ka Dhanacha Tayyar Ho Gaya, Aur Uss Par Gosht–Poshtt Aur Khaal (Skin) Bhi Chadh Gayee Aur Dekhte Hi Dekhte Gadaha Zinda Ho Kar Khada Ho Gaya Aur Apni Boli Bhi Bolne Laga Yaani Ki.

Hazrat Uzair (Alaihay Salam) Ne Jab Allah Ta’ala Ki Qudrat Ka Ye Nazara Dekha Toh Beshakhtaa Pukaar Uthe “Mai Jaanta Hoon Ki Allah Ta’ala Har Cheez Par Qaadir Hai, Aur Allah Ta’ala Hee Sab Kuch Kar Sakta Hai.”

Fir Hazrat Uzair (Alaihay Salam) Apne Shahar Me Daakhil Huve Aur Ghumte Huve Uss Hi Jagaah Par Pahoonch Gaye, Jahaa Par (100) Saal Pahle Aap Ka Ghar (Makaan) Tha. Na Toh Aap Ko Hi Kisi Ne Pahechana Aur Na Hee Aap Ne Kisi Ko Pahechana. Balki Aap Ne Dekha Ki Eik Bahut Hi Boodhi Aur Apaahiz Aurat Jis Ne Aap Ko Bachpan Me Dekha Tha. Makaan (Ghar) Ke Paas Baithi Hai. Aap Ne Uss Se Poocha Ki “Kya Ye Hee Uzair Ka Makaan Hai ?” Uss Budhiya Ne Jawaab Diya “Jee Haan”.
Budhiya Ne Fir Kahaa “Aap Uzair Ka Ziqr Kar Rahe Hai. Un Ko Toh Laa–Pataa Huve (100) Baras Ka Zamana Guzar Chuka Hai.” Itna Kahe Kar Woh Budhiya Rone Lagi.

Toh Aap Hazrat Uzair (Alaihay Salam) Ne Farmaya “Aye Budhiya ! Mai Hi Uzair Hoon”.
Uss Budhiya Ne Kahaa “Subhan Allah ! Aap Kaise Uzair Ho Sakte Hai ?.”
Tab Aap Ne (Ba-adab Se) Farmaya “Aye Budhiya ! Mujhe Allah Ta’ala Ne (100) Baras Tak Murdaa Rakha, Aur Fir Zinda Farma Diya, Aur Ab Mai Apne Ghar Aa Gayaa Hoon”.
Budhiya Ne Kahaa Ki “Hazrat Uzair (Alaihay Salam) Toh Aise Ba–Kamaal The Ki Un Ki Zubaan Se Nikli Huyee Har Duwaa Baargaahe Ilaahi Maqbool (Qabool) Hoti Thi, Agar Aap Haqiqat Me Hazrat Uzair (Alaihay Salam) Hai Toh Aap Mere Liye Duwaa Kar Dijiye Ki Meri Aankho Me Raushni Aa Jaaye, Aur Mera Faaliz (Paralices) Bhi Achcha Ho Jaaye”.

Hazrate Uzair (Alaihay Salam) Ne Duwaa Farma Di Toh Uss Budhiya Ki Aankho Ki Raushni Bhi Wapas Aa Gayee Aur Uss Ka Faaliz Bhi Achcha Ho Gaya. Fir Uss Budhiya Ne Gaur Se Hazrat Uzair (Alaihay Salam) Ko Dekha Toh Pahechaan Liya Aur Bol Uthi “Main Shahaadat (Gawaahi) Deti Hoon Ki Aap Hi Hazrat Uzair (Alaihay Salam) Hai”.
Fir Woh Budhiya Aap Ko Saath Lekar Bani Israayeel Ke Mohalle Me Gayee. Jahaa Ittefaq Se Sare Hi Mohallae Wale Eik Mazlees (Meeting) Me Jamaa They.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Uzair (Alaihay Salam)

• Hazrat Uzair (Alaihay Salam) Ko 100 Saal Baad Zinda Dekh Unhe (Nauzubillah) Allah Beta Bana Diya, Jab Ki Allah Taala In Sab Se Paak Hai.

Aziz Dosto ,… Jab Woh Budhee Aurat, Hazrat Uzair (Alaihay Salam) Ko Apne Saath Le Kar Bani Israyeel (Yahoodiyo) Ki Basti (Mohalle Me Pahoonchi Toh Wahaa Eik Mazlees (Meeting) Chal Rahi Thi Jis Me Uss Mohalle (Basti) Ke Tamam Log Jamaa The. Aur Isi Mazlees Me Hazrat Uzair (Alaihay Salam) Ka Ladka (Beta) Bhi Maujood Tha, Jis Ki Umar (Age) Around 118 Saal Ho Gayee Thi. Aur Wahaaa Par Aap Ke Kuch Pote (Grand Sons) Bhi Maujood The Jo Ki Sab Ke Sab Boodhe (Old) Ho Chukey They.

Uss Boodhi Aurat Ne Mazlees Me Shahaadat (Gawaahi) Di Ki ‘Bila-Subha (Beshaq) Ye Hazrat Uzair (Alaihay Salam) Hi Hai,’ Lekin Kisi Ne Bhi Uss Boodhi Aurat Ki Baat Ko Sach Na Mana.
Tabhi Aap Ke Bete (Ladke) Ne Kahaa “Mere Waalid (Father) Ke Dono Kandho Ke Beech Me Eik Bada Kaale (Black) Rang Ka Massaa Tha, Jo Ki Chaand Ki Shaqal Ka Tha”.

Aap Hazrat Uzair (Alaihay Salam) Ne Apna Kurta Utaar Kar Dikhaya Toh Woh Massaa Maujood Tha. Fir Logo Ne Kahaa Ki, “Hazrat Uzair (Alaihay Salam) Ko ‘Tauraat’ Zubaani Yaad Thi (Hifz Thi) Agar Aap Haqiqat Me Hazrat Uzair (Alaihay Salam) Hai Toh ‘Tauraat’ Padh Kar Sunaaye.” Aap Ne Bina Kisi Zhizhaq Ke Poori ‘Tauraat’ Padh Kar Suna Di.

Aziz Dosto ,.. Jab Kaafir Aur Zaalim Badshah Baktht Nasar Ne Baitul Muqaddas Par Hamla Kiya Tha Toh Uss Waqt Uss Ne Kariban (40,000) ‘Tauraat’ Ke Aalimo (Jinhe Tauraat Zubaani Yaad Thi) Ko Chunn–Chunn Kar Maraa Tha. Aur Tauraat Ki Koi Bhi Kitaab (Jild) Iss Zameen Par Baqi Na Chhodhi Thi.

Ab Ye Sawaal Tha Ki Hazrat Uzair (Alaihay Salam) Ne Tauraat Sahi Padhi Hai Ya Nahi ?
Tabhi Bani Israyeel Ke Eik Aadmi Ne Kahaa ‘Maine Apne Baap Se Suna Hai Ke Jis Din Ham Logo Ko Bakht Nasar Ne Giraftaar Kiya Tha. Uss Din Eik Veraan Baag Me Eik Angoor Ki Bel Ki Jadh Me Tauraat Ki Eik Kitaab (Jild) Dafan Kar Di Gayee Thi’.

Jab Uss Aadmi Ne Kahaa Ki Maine Apne Baap Se Suna Hai Ki ‘Tauraat’ Ki Eik Kitaab (Jild) Kisi Viraane Me Angoor Ki Bel Ki Jadhh Me Dafan Kar Di Gayee Hai. Agar Aap Log Mere Dada (Grand Father) Ke Angoor Ke Baag Me Chal Kar Uss Kitaab Ko Dhoondh Nikaalne Me Meri Madad Karo Toh Kitaab Milte Hi Iss Baat Ka Pataa Chal Jayega Ki Hazrat Uzair (Alaihay Salam) Ne Jo ‘Tauraat’ Padh Kar Sunayee Hai Woh Harf–Ba–Harf Sahi Hai Ya Nahi ?

Isiliye Sab Logo Ne Milkar Uss Aadmi Ke Dada Ke Angoor Ke Baag Me ‘Tauraat’ Ki Kitaab (Jild) Ko Talaashna Shuru Kar Diya. Aur Woh Kitaab Aakhir Kar Zameen Khodkar Dastyaab Kar Li Gayee (Mil Gayee). Aur Jab Uss Kitaab Ko Dekha Gayaa Toh Wo Harf–Ba–Haraf Vaisi Hi Thi, Jis Tarhaa Hazrat Uzair (Alaihay Salam) Ne Muhh Zubaani Padh Kar Sunaayee Thi.
Ye Ajeebo Gareeb Aur Hairat Angez Mazraa Dekh Kar Tamam Bani Israyeel Ne Eik Zubaan Ho Kar Kahena Shuru Kar Diya, Beshaq Ye Hi Hazrat Uzair (Alaihay Salam) Hai. Aur Ye Yaqinan Allah Ke Bete Hai. (Nauzbillah)

Aur Isi Din Se Ye Mushrikana Aur Baatil (Jhuthha) Aqida In Yahoodiyo Ke Beech Me Fail Gaya Ki (Nauz Billah) Hazrat Uzair (Alaihay Salam) ! Allah Ke Bete (Son) Hai . Aur Aaj Tak Yahoodi Isi Baatil Aqide Par Qaayem Hai Ki (Ma’aaz Allah) Hazrat Uzair (Alaihay Salam) Allah Ke Bete Hai.
Jab Ki Qur’an Kareem Me Saaf Farmaa Diya Ki “Hamara Rab In Sab Aibo Se Paak Hai Ki Woh Kisi Ko Beta Ya Beti Banaye. Balki Ye Sab Allah Ta’ala Ki Makhlooq Aur Ibaadat Guzaar Bande Hai Jo Apne Rab Ki Ibaadat Kiya Karte The” .

♥ Allah Ta’ala Ne Qur’an Majeed Ki Suraah “Baqrah” Me Iss Waqeye Ke Inn Lafzo Me Bayaan Farmaya Hai
* Tarjumaa: Ya Iss Ki Tarha, Jo Guzra Eik Basti Par, Jo Ki Aundhe Muhh Giri Padhi Thi Apni Chhato Par, Woh Bolaa “Iss Ko Kis Tarha Zinda Karega, Allah Ta’ala ! Iss Ki Maut Ke Baad ?”
Toh Allah Ta’ala Ne Ise Murdaa Rakh (100) Baras , Fir Zinda Kar Diya,
Farmaya “Tu Yahaa Kitna Thhahera ?”

Arz Kiya “Din Bhar Thhahera Hoga Ya Iss Se Kuch Kam”
Farmaya “Nahi!, Balki Tujhe (100) Baras Guzar Gaye . Aur Apne Khana Aur Paani Ko Dekh Ab Tak Boo Na Laya (Kharaab Nahi Huwaa), Aur Apne Gadhe (Donkey) Ko Dekh (Ke Jis Ki Hadhdhiya Tak Salaamat Na Rahi), Aur Ye Iss Liye Ke Tujhe ! “Ham” Logo Ke Liye Nishaani Kar De, Aur In Hadhdhiyo Ko Dekh, “Ham” Kis Tarah Ise Banaate Hai Aur Fir Inhe Gost–Posht Pahenaate Hai, Jab Ye Mamla Iss Par Zaahir Ho Gaya Toh Bola “Main Khoob Jaanta Hoon, Allah Ta’ala Sab Kuch Kar Sakta Hai”.

Aziz Dosto ,… Beshaq Allah Ta’ala Har Cheez Par Qaadir Hai, Woh Hi Zindagi Deta Hai Aur Woh Hi Maut Deta Hai, Aur Ye Uss Ke Liye Bahut Aasaan Hai. Aur Maut Ke Baad Dubaraah Zinda Karna Bhi Uss Ke Liye Koi Mushqil Nahi Hai.

Ye Kaafiro Ka Aqida Hai Aur Kuch Bad Mazhabo Ka Bhi Aqida Hai Ki “Jab Ham Marr Kar Mitti Ho Jayege Aur Aur Hamari Hadhdhdiya Tak Reza–Reza Ho Jayegi Toh, Ham Dubara Zinda Kar Ke Kis Tarhaa Uthhaye Jayege.” Aur Maut Ke Baad Dubaarah Zinda Kiye Jaane Ka Inqaar Karte Hai.

Jab Ki Allah Ta’ala Farmata Hai “Ke Tum Marr Kar Chaahe Mitti Ho Jaavo, Chaahe Lohaa (Iron) Ya Aur Kuch Ho Javo, Hum (Allah Ta’ala) Tumhe Youm-e-Qayaamat Dubarah Zinda Farmaaynge.

Dosto ,. Riwaayato Me Hai Ke Insaano Ki Reedh Ki Hadhdhi Me Eik Daana (Beej) Hota Hai Jo Ki Insaan Ka Jism Mitti Me Mil Jaaye Ya Acid Ya Aag Me Jal Jaaye Ya Use Koi Jaanwar Hi Kyon Na Khaa Le, Woh Khatam Nahi Hota. Aur Usi Daane (Beej) Se Allah Ta’ala Insano Ko Dubaarah Usi Tarha Paida Karega Jaise Ki Anaaj Ya Koi Pedh (Darkht)Ka Beej Paani Milne Ugg Aata Hai.
Yaum-e-Qayaamat Jab Hazrat Israfil (Alaihay Salam) Sur Fookege Toh Eik–Eik Qabar Se (70–70) Hazaar Murde Zinda Ho Kar Baahar Nikal Ayege .

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Ayyub (Alaihay Salam)

• Allah Taala Ki Janib Se Shaitaan Iblees Ke Jarye Ayyub (Alaihay Salam) Ke Sabr Ki Aazmaish

Aziz Dosto ,… Hazrat Ayyub (Alaihay Salam) Ka Taaaluq Ahle Rome Se Tha. Aap Ka Sazra Nasab Hazrat Ishaq (Alaihay Salam) Se Hote Huve Hazrat Ibrahim A(Alaihay Salam) Se Ja Milta Hai. Aap Ke Waalid Ka Naam Al Ayeesh Tha Jo Ki Unn Khush Naseeb Logo Me Se Eik Hai Jo Hazrat Ibrahim (Alaihay Salam) Par Uss Din Imaan Laaye , Jis Din Hazrat Ibrahim (Alaihay Salam) Ko Aag Me Daala Gaya Tha. Aur Allah Ta’ala Ke Huqum Se Wo Aag Gulzaar (Thandi) Ho Gayee Thi.

Aur Aap Ki Waalda (Maa) Hazrat Looth (Alaihay Salam) Ki Beti Thi. Hazrat Ayyub (Alaihay Salam) Ki Biwi (Wife) , Jinhone Aap Ka Shadeed Bimaari Ki Haalat Me Bhi Saath Na Chhodha. Hazrat Yaqoob (Alaihay Salam) Ki Beti Thi Jo Ki Hazrat Yaqoob (Alaihay Salam) Ki Paheli Biwi ”Liyaa” Ke Batan Se Paida Huyee Thi. Ya Un Ka Ta aalluq Hazrat Yaqoob (Alaihay Salam) Ki Nasal Se Tha (Allah–Hu–Aalam)

Hazrat Ayyub (Alaihay Salam) Bahut Maaldar The, Aap Ki (4) Biwiya Aur Bahut Si Aulaade (Bete–Betiya) Thi. Maal Maveshi (Jaanwar), Aur Gulaam Bhi Bahut Sare The, Aap Ki Malkiyat (Jayedaad) Me Sirzameen–e–Huraan Ke Silyaa Ilaaqe Me Bahut Sari Zameen Aur Bahut Badi Khetiya Thi. Allah Ta’ala Ne Aap Ko Apni Har Nemato Se Nawaaza Tha.

Aap Allah Ta’ala Ke Ibaadat Guzaar, Sabar Karne Wale Aur Allah Ta’ala Ki Nemato Ka Shuqr Adaa Karne Wale Nek Aur Saleh Bande Aur Paigamber Hai, Aap Ne Apni Aazmayeesh, Dukh Dard Aur Taqleef Me Jo Sabar Kiya Aur Shiqaayat Ka Eik Lafz Bhi Apni Zubaan Par Na Laaye, Uski Misaal Aaj Bhi Duniya Me (Sabar–e–Ayyub Alaihay Salam) Ke Naam Se Di Jaati Hai .

Aziz Dosto ,… Riwaayato Me Hai Ki Allah Ta’ala ! Hazrat Ayyub (Alaihay Salam) Ki In Hi Khubiyo Ki Wazaah Se Aap Ka Ziqr Farishto Se Farmata Aur Aap Par Fakhar Karta Ki “Eik Mera Banda (Ayyub) Hai Jo Ki Har Waqt Mera Ziqr Karta Hai, Meri Ibaadat Karta Hai, Aur Meri Ataa Ki Huyee Nemato Ka Uthhte Baithhte Sote Jaagte Har Waqt Shuqr Adaa Karat Hai.”
Shaitaan Iblees Ko Hazrat Ayyub (Alaihay Salam) Ki Ye Taarif Bardast Na Huyee, Uss Ne Arz Kiya “Aye Mere Rab ! Iss Me Ayyub (Alaihay Salam) Ka Kamaal Kya Hai ? Tu Ne Usey Itni Sari Nemate (Zameen, Jayedaad, Maal, Maveshi) Ataa Ki Hai. Uss Ki Jagaah Tu Ne Kisi Aur Bande Ko Bhi Itni Hi Nemate At aa Ki Hoti Toh Woh Banda Bhi Tera Itna Hi Ibaadat Guzaar Aur Shuqr Guzaar Hota”.

♥ Allah Ta’ala Ne Farmaya Ja Tujhe Ikhtiyaar Diya Ki, Tu Uss Mere Maheboob Bande Ko Uss Ki Tamam Zameen, Jaayedad, Maal, Maveshi Se Maheroom Kar De, Aur Fir Dekh Ki Mera Maheboob Banda Sabar Karta Hai Ya Nahi ?”

Shaitaan Iblees Ne Aisa Harba (Fareb, Makar) Istemaal Kiya Ki Hazrat Ayyub (Alaihay Salam) Ki Tamam Zameen, Jaayedaad, Maal, Maveshi Sab Kuch Khatm Ho Gaya. Lekin Hazrat Ayyub (Alaihay Salam) Ne Apni Zubaan Par Shiqaayat Ka Eik Harf Tak Na Laaye. Aur Pahele Ki Tarha Hi Allah Taala Ki Ibaadat Aur Shuqrguzaari Adaa Karte Rahe .

Aziz Dosto ,… Hazrat Ayyub (Alaihay Salam) Se Maal–O–Daulat , Zameen-O– Jaayedaad Chheen Jaane Ke Baad Bhi Aap Allah Ta’ala Ka Ziqr Karte Rahe, Sabar Aur Shuqr Adaa Karte Rahe. Allah Ta’ala Ne Fir Aap Ka Ziqr Farishto Se Farmaaya Aur Aap Par Fakhar Kiya.
Shaitaan Iblees Ne Arz Kiya “Aye Mere Rab ! Iss Me Ayyub (Alaihay Salam) Ka Kamaal Kya Hai ? Ke Tu Uss Par Fakhar Kare. Tu Ne Usey Itni Biwiya Aur Aulaade Ataa Ki Hai. Jin Se Unhe Taqwiyat (Taaqat) Milti Hai Tera Ziqar Aur Shuqar Adaa Karne Ki. Itni Biwiya Aur Aulaade Tu Kisi Aur Bande Ko Deta Toh Woh Bhi Tera Ziqr Aur Shuqr Adaa Karta”.

Allah Ta’ala Ne Farmaya “Ja Tujhe Ikhtiyaar Diya, Ayyub (Alaihay Salam) Ko Un Ki Aal–Aaulaad Se Maheroom Kar De (Chheen Le) Aur Fir Dekh Mera Maheboob Banda Kya Karta Hai ?

Shaitaan Iblees Ne Unke Aulaado Par Kahar (Bijli) Gira Diya Aur Un Ki Tamaam Aulaade Faut (Khatm, Jaan Bahek) Ho Gayee Ya Maut Ke Ghaat Utaar Di Gayee. Aur Halaat Bad Se Badtar Ho Gaye Aur Faanke Karne Ki Naubat Aa Gayee Toh Aap Ki Teen Biwiya Bhi Aap Ka Saath Chhodh Gayee Siwaaye Eik Biwi Ke Jo Ki Aap Ki Khidmat Karti Rahi . Itna Sab Kuch Ho Jaane Ke Baavojood Bhi Aap Ne Sabar Ka Daaman Na Chhodha Aur Allah Ta’ala Ka Raat Din Ziqr Aur Shuqr Adaa Karte Rahe .

Allah Ta’ala Ne Fir Farishto Se Aap Ka Ziqr Farmaya Aur Aap Par Fakhar Kiya Ki “Mera Maheboob Banda ! Sab Kuch Katam Ho Jaane Ke Bavojood Bhi Qasrat Se Mera Ziqr Aur Shuqr Adaa Kar Raha Hai.”
Shaitaan Iblees Ne Arz Kiya “Aye Mere Rab ! Iss Me Ayyub (Alaihay Salam) Ka Kamaal Kya Hai ? Tu Ne Unhe Itni Achchi Sehat Aur Tandrust Jism Ataa Kiya Hai, Ki Agar Tu Itni Achchi Sehat Aur Itni Quwat Aur Tandrust Badan Apne Kisi Aur Bande Ko Bhi Diya Hota Toh Woh Banda Bhi Tera Ziqr Karne Wala Aur Shuqr Karne Wala Hota.”

♥ Allah Ta’ala Ne Farmaya Ja Tujhe Ikhtiyar Diya Ke Tu Ayyub Ko Un Ki Achchi Sehat Aur Tandrusti Se Maheroom Kar De (Chheen Le) Fir Dekh Mera Maheboob Banda Kya Karta Hai"

Dosto ,… Riwaayato Me Hai Ki Shaitaan Iblees Ne Hazrat Ayyub (Alaihay Salam) Ko Chhoo Kar Unhe Chechak Ki Bimaari Me Mubtila Kar Diya. Aur Eik Riwaayat Me Hai Ki Aap Ubaale Ki Bimaari Me Girahftaar Ho Gaye. Ye Wo Bimaari Thi Ke Jisme Aap Ke Sare Jism (Badan) Me Fodhe Nikal Aate Aur Jab Wo Fodhe Foothhte Toh Uss Me Se Badboodar Paani Nikalta.

Aap (3) Saal Ya (7) Saal Iss Bimaari Me Mubtila Rahe. Iss Bimaari Ki Wazaah Se Aap Ka Sara Jism (Badan) Sadhh Aur Gal Gaya. Bas Aap Ki Zubaan Aur Dil Mahefooz Rahe Jis Se Aap Raat–O–Din Allah Ta’ala Ka Ziqr Aur Shuqr Adaa Karte Aur Sabar Karte Aur Eik Chhota Sa Lafz Bhi Shiqwaa Aur Shiqaayat Ka Apne Labo Par Na Laate. Aap Ki Bimaari Jab Jiyada Badh Gayee Toh Bani Israayeel (Yahoodiyo) Ne Aap Ko Basti Se Uthaa Kar Gandagi (Kachre Ke Dher) Par Daal Diya.

Riwayato Me Hai Ki Aap Ke Badan Ke Zakhmo Me Kide Pad Gaye Ya Aap Ko Jis Kachre Ke Dher Par Daal Diya Gaya Tha Wahaa Se Kide Aap Ke Badan Par Aaya Jaya Karte The . (Allah–Hu–Aalam)

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Ayyub (Alaihay Salam)

• Ayyub (Alaihay Salam) Ke Sabr Ki Aazmaish Me Maal-o-Doulat Wa Bibwi Aur Aulaad Se Mehroom Hona!

Aziz Dosto ,… Hazrat Ayyub (Alaihay Salam) Ka Sab Kuch Fanaa Ho Jaane Aur Bimaar Ho Jaane Ke Baad Unke Apne Sabhi Dost Ahebaab, Rishtedaar, Ham- Nasheen Sabhi Ne Saath Chhodh Diya. Koi Meharbaan Aap Ka Haal Poochne Tak Na Aata. Kabhi–Kabhi Aap Ke Do (2) Bhai Milne Aate, Lekin Aap Ki Bimaari Ki Wazzah Se Aap Ke Qareeb Na Aate, Bas Door Se Khair Kairiyat Poochte Aur Chale Jaate. Lekin Aap Ki Biwi Ne Aap Ka Saath Na Chhodha. Unhone Apne Shauhar (Khaawind, Husband) Ki Mohabbat Safaqqat Aur Guzre Huve Achche Dino Ke Ahesanaat Ki Poori–Poori Paasdari Nibhayee. Aap Ki Bimaari Me Bhi Aap Ki Musalsal Dekhbhal Karti Rahi. Kisi Bhi Lamha Aap Se Juda Na Huyee.

Woh Aap Ki Har Kism Ki Zimmedari Nibhati Aur Aap Ki Aur Doosri Zaroorato Ko Pura Karne Ki Koshish Karti. Yahaa Tak Ki Aap Ki Timaardari Karte Karte Unki Haalat Bhi Achchi Na Rahi. Haalat Yahaa Tak Pahooch Gaye Ki Unke Paas Koi Paisa (Rupiya) Bhi Baqi Na Raha. Lekin Unhone Himmat Na Haari. Dusro Ke Gharo Me Din Bhar Majdoori Karti Aur Un Paiso Se Apne Shauhar Ke Khaane Pine Ka Aur Dawaa Ka Intezaam Karti.

Itni Mehnat Aur Mashaqqat Aur Lachaari Ke Bavojood Bhi Uss Allah Ki Bandi Ne Har Waqt Sabar Kiya Aur Allah Ta’ala Ka Shuqr Hi Adaa Karti Rahi. Har Waqt Unki Zubaan Pe Sirf Eik Hi Kalmaa Hota “Inna Lillahe Wa Inna Ilaihe Razewoon” Yani Hum Allah Ki Taraf Se Hai Aur Allah Hi Ki Taraf Lout Jaane Wale Hai – Subhan Allah

Aap Hazrat Ayyub (Alaihay Salam) Ki Bimaari Hadhdh Se Jiyada Badh Gayee. Aap Ke Jism Ka Sara Gost Sadh Aur Gal Gayaa Aur Aap Ki Haddiya Nazar Aane Lagi. Aap Ki Biwi Aap Ke Liye Raakh Le Aati Aur Use Aap Ke Niche Bicha Deti. Jab Hazrat Ayyub (Alaihay Salam) Ki Haalat Bad Se Badtar Ho Gayee Toh Eik Din Aap Ki Biwi Ne Ro–Ro Kar Aap Se Arz Kiya “Aye Mere Sartaj ! Aye Allah Ke Nabi ! Agar Aap Allah Ta’ala Se Duwaa Karege Toh Allah Ta’ala Aap Ko Iss Bimaari Se Zaroor Shifa Dega Aur Aap Ko Sehatyaab Karega”.

Dosto ,… Itne Dukh Dard, Takleef, Bimaari, Musibat Aur Pareshani Ke Baavojood Bhi Hazrat Ayyub (Alaihay Salam) Ne Apni Biwi Se Farmaya Ke “Maine Sehat Aur Tandrusti Me Apni Zindagi Ke (70) Saal Ka Arsa (Waqt) Guzaara Hai . Toh Kya Main Allah Ke Liye (70) Saal Is Musibat Aur Bimaari Par Sabar Nahi Kar Sakta”.

Aap Huzur-e–Aqdas, Sardaar–e–Ambiya Hazrat Mohammed Mustafa (Sallallahu Alaihay Wasallam) Ne Farmaya “Logo Me Sab Se Jiyada Musibat , Dukh–Dard, Takleef Aur Pareshani, Ambiya (Alaihay Salam) Ko Uthhani Padhi, Fir Salehin Bande Ko Fir Darza Ba Darza Aur Dusre Logo Ko” .’
Aur Aap Hazrat Mohammed Mustafa (Sallallahu Alaihay Wasallam) Ne Farmaya “Aadmi Se Us Ke Deen (Imaan) Ke Hisaab Se Imtehaan Liya Jata Hai. Agar Us Ke Deen (Imaan) Me Jiyaada Pukhtagi (Mazbooti) Ho Toh Uss Ki Musibat (Aazmayeesh) Me Aur Jiyada Izaafa Kar Diya Jata Hai.

Hazrat Ayyub (Alaihay Salam) Par Musibat, Dukh–Dard Aur Taklifo Ki Baarish Huyee, Lekin Jaise–Jaise Un Ki Takleef Badhti Gayee, Unke Sabar–O-Isteqaamat Aur Hamd–O–Shuqr Allah Wandi Me Bhi Izaafa Hota Gaya, Yahaa Tak Ki Aap Hazrat Ayyub (Alaihay Salam) Sabar–O–Isteqaamat Ki Misaal Ban Gaye. Aur Log Inn Ki Musibato Ko Bataur Misaal Ke Yaad Karne Lage ,..

Aziz Dosto ,…Hazrat Aayyub (Alaihay Salam) Ki Zauzah Mohtarma (Biwi, Wife) Logo Ke Gharo Me Mehnat Mazdoori Karti. Aur Mazdoori Se Haasil Rupiyo Se Hazrat Ayyub (Alaihay Salam) Ke Liye Khaane Peene Aur Dawayeeyo Ka Intezaam Karti. Lekin Shaitaan Iblees Ko Ye Bhi Bardast Na Huwa, Usne Basti Walo (Bani Israyeel) Ko Baheqaya Ke Hazrat Aayyub (Alaihay Salam) Ki Biwi Ko Koi Bhi Sakhsh Apne Gharo Me Kaam Na De. Kyonki Unke Shauhar (Husband) Ko Bahut Khatarnak Bimaari Hai, Aur Un ki Biwi Un Ke Hi Saath Raheti Hai. Kahi Aisa Na Ho Ki Hazrat Ayyub (Alaihay Salam) Ki Bimaari Un Ki Biwi Ki Wazzah Se Tum Logo Ko Lag Jaaye. Aur Tum Log Bhi Bimaari Me Mubtila Ho Jawwo, Kyonki Ye Bimari Chhoone Se Failti Hai.

Basti Walo Ne Jab Ye Baate Suni Toh Un Logo Ne Hazrat Aayyub (Alaihay Salam) Ki Biwi Ko Kaam Dena Band Kar Diya. Aap Ki Biwi Ne Bahut Koshish Ki Ke Unhe Koi Kaam Mil Jaaye. Lekin Koi Bhi Unhe Apne Ghar Me Daakhil Hone Ki Izazat Dene Ko Tayyar Na Huwaa.

Dosto ,… Eik Riwaayat Me Hai Ki Hazrat Ayyub (Alaihay Salam) Ki Biwi Ke Sir Ke Baal Bahut Khoobsurat The. Aap Usi Shahar Ki Eik Raisjaadi (Ameer Aurat) Ke Paas Tashreef Le Gayee Aur Apne Sir Ki Eik Taraf Ke Baal Uss Ko Bech Diya. Uss Ameerzadi Ne Iss Ke Badle Me Aap Ko Bahut Shaandar Khana Diya. Wo Khana Lekar Aap Hazrat Ayyub (Alaihay Salam) Ki Khidmat Me Pahoonchi. Hazrat Ayyub (Alaihay Salam) Itna Shaandar Khaana Dekh Kar Bahut Hairaan Huve.

Agle Din Fir Kisi Ne Aap Ko Kaam Na Diya, Aur Iss Baar Bhi Aap Ne Apne Sir Ke Dusre Taraf Ke Baal Bhi Uss Ameerzadi Ko Bech Diye Aur Khaana Le Kar Hazrat Ayyub (Alaihay Salam) Ki Khidmat Me Haazir Huyee. Hazrat Ayyub (Alaihay Salam) Bahut Hairaan Huve Aur Farmaya “Allah Ki Kasam ! Main Khaana Nahi Khawooga , Jab Tak Aap Ye Nahi Bata Deti Ki Ye Khana Kahaa Se Aaya Hai ? “

Aap Ki Biwi Ne Apne Sir Se Dupatta Hataya Toh Un Ke Sir Ke Baal Munde (Kate) Huve Dikhe. Hazrat Ayyub (Alaihay Salam) Ne Bargaahe Ilaahi Me Arz Kiya “Aye Allah ! Mujhe Pahoonchi Hai Bahut Takleef Aur Tu RAHEMAN Aur RAHIM Hai.”

Dosto ,.. Aur Eik Riwaayat Me Hai Ki Hazrat Ayyub (Alaihay Salam) Ke Do Bhai The Jo Aap Se Bahut Mohabbat Karte The. EIK Din Woh Dono Bhai Aap Se Milne Ke Liye Aaye. Lekin Badboo Ki Wazaah Se Aap Ke Qareeb Na Aaye. Dono Khadhe Ho Kar Aapas Me Baate Karne Lage. Eik Ne Kaha “Agar Ayyub Me Koi Bhi Bhalayee Ya Achchayee Hoti Toh Woh Iss Qadar Bimaari Me Mubtila Nahi Hote”,

Hazrat Ayyub (Alaihay Salam) Ne Apne Bhaiyo Ki Baate Sun Li Aur Iss Qadar Roye Ke Iss Ke Pahele Kisi Gam,Takleef Aur Musibat Par Bhi Na Roye Hoge. Fir Allah Ki Baargaah Me Arz Kiya “Aye MAULA-e-KARIM ! TU Jaanta Hai Meri Koi Raat Aisi Nahi Guzri Ki Maine Khud Khaana Khaaya Ho Aur Mere Ilm Me Koi Shakhsh Bhookha Soya Ho, Toh Meri Tashdeeq Farma De. Allah Taata Ne Aasmaan Se Tashdeeq Farmaa Di Jab Ki Aap Ke Dono Bhai Sunn Rahe The .

Fir Aap Ne Allah Ki Baargaah Me Arz Ki ”Aye Mere Parwardigaar ! Agar TU Jaanta Hai Ki Mere Paas Do Kameez (Shirts) Ho Aur Maine Uss Me Se Eik Kisi Shakhsh Ko Teri Raah Me Na Di Ho. TU Meri Tashdeeq Farmaa De. Allah Taala Ne Aap Ki Tashdeeq Farma Di, Jab Ki Dono Bhai Ye Tashdeeq Apne Kaano Se Sunn Rahe They.

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Ayyub (Alaihay Salam)

• Aazmaish Ke Baad Aap Hazart Ayyub (Alaihay Salam) Ke Sehatmand Hone Ki Kuch Muktalif Riwayate

Aziz Dosto ,… Eik Riwaayat Me Hai Ki Hazrat Ayyub (Alaihay Salam) Ne Baargaahe Allahwandi Me Arz Kiya “Aye Mere RAB ! Tu Jaanta Hai Ki Jab Mai Do Aadmiyo Ko Jhagadte Huve Dekhta Aur Sunta Ki Woh Kasme Uthha Rahe Hai (Ya Kasme Khaa Rahe Hai) Toh Mai Apne Ghar Jaata Aur In Dono Aadmiyo Ki Taraf Se Kaffarah Adaa Karta Ke Kahee Unhone Allah Ta’ala Ka Naam Bilawazaah (Bina Zaroorat) Na Liya Ho”.’
Aur Fir Aap Ne Sajde Me Sir Rakh Diya. Aur Sajde Ki Hi Haalat Me Arz Kiya “Aye Mere RAB ! Mujhe Tere Izzat Aur Jalaal Ki Kasam, Uss Waqt Tak Sajde Se Sir Nahi Uthhavooga Jab Tak Tu Meri Takleef Ko Door Na Farmaa Dega”. Aap Sajde Me Hi They Ki Aap Ki Sari Taklife Door Ho Gayee.

• Eik Aur Riwaayat Me Hai Ki Shaitaan Iblees ! Hazrat Ayyub (Alaihay Salam) Ki Biwi (Wife) Se Tabib (Haqim) Hazaq Ki Shaqal Me Mila. Aur Iblees Ne Un Se Kahaa “Agar Aap Mujhe Apne Sir Ke Baal De De Toh Uss Me Eik Aisi Dawaa (Nuskha) Bana Kar Aap Ko Dooga Ke Jis Ke Istemaal Karne Se Hazrat Ayyub (Alaihay Salam) Ki Bimaari Door Ho Jaayegi. Aap Shaitaan Iblees Ka Fareb (Chaal) Na Samjh Saki Aur Apne Shauhar Ki Mohabbat Me Apne Sir Ke Baal Kaat Kar Shaitaan Iblees Ko De Diye.

Shaitaan Iblees Ne Unhe Eik Nuskha Tayyar Kar Ke De Diya Jise Le Kar Woh Hazrat Ayyub (Alaihay Salam) Ki Khidmat Me Pahoonchi. Lekin Aap Ke Pahoochne Se Pahele Shaitaan Iblees Insaan Ki Shaqal Me Hazrat Aayyub (Alaihay Salam) Ke Paas Pahoocha Aur Unse Kahaa Ki “Aap Ki Biwi Ne Badkaari (Badchalni) Ki Hai Isiliye Sazaa Ke Taur Par Basti Walo Ne Unke Sir Ke Baal Mundwaa (Kaat) Diye Hai, Agar Aap Ko Yaqin Na Ho Toh Aap Khud Dekh Lena Ki Un Ke Baal Munde (Kate) Hai Ya Nahi.
Ye Baat Sunkar Aap Taish (Gusse) Me Aa Gaye Aur Aap Ne Kasam Khayee Ke “Agar Ye Baat Sahi Nikli Toh, Jab Bhi Mai Sehatyaab (Tandrust) Howooga Toh Apni Biwi Ko Iss Zurm Ki Sazaa Me (100) Kodhe (Hunter) Marooga.

• Eik Riwaayat Me Hai Ki Jab Hazrat Ayyub (Alaihay Salam) Ki Biwi Wo Nuskha (Dawaa) Le Kar Aap Ki Khidmat Me Haazir Huyee Aur Wo Nuskha Aap Ki Khidmat Me Pesh Kiya Toh Aap Hazrat Ayyub (Alaihay Salam) ! Shaitaan Iblees Ki Chaalbaazi Ko Samajh Gaye. Aur Kasam Khayee Ke Apni Biwi Ki Iss Khataa Ki Sazaa Ke Taur Par Apni Biwi Ko (100) Kodhe (Hunter) Maarege.
(Allahu Allam)

Eik Riwaayat Me Hai Ki Hazrat Ayyub (Alaihay Salam) ! Qazaa–e–Haazat (Hammam, Toilet) Ke Liye Tashreef Le Jaate, Qazaa–e–Haazat Ke Baad Aap Ki Biwi Aap Ka Haath Thaam Leti.Aur Aap Un Ka Sahara Le Kar Waapas Aa Jaate. Eik Din Aap Ki Biwi Ko Der Ho Gayee Aur Isi Jagaah Aap Ki Taraf Allah Taala Ne Wahee (Paigaam , Sandesh) Farmayee Ki “Apna Pair ( Leg) Zameen Par Maaro.”
Aap Ne Apne Pair Ko Zameen Par Maara Toh Paani Nikal Aaya. Allah Taala Ne Aap Ko Huqum Diya Ki “Ye Nahaane Ke Liye Thandaa Paani Hai Aur Peene Ke Liye Bhi.”
Jab Aap Ne Uss Paani Se Nahaya (Gusal Kiya) Aur Uss Thande Paani Ko Piya Toh Aap Ki Saari Bimaari Aur Takleef Door Ho Gayee Aur Aap Pahele Se Bhi Jiyada Sehatmand Aur Tandrust Ho Gaye

Aziz Dosto ,… Hazrat Ayyub (Alaihay Salam) Ko Allah Taala Ne Shifaa Bakhshi, Aur Aap Ki Tamam Bimaari Door Ho Gayee Aur Pahele Se Bhi Jiyada Haseen–O–Jameel Aur Tandrust Ho Gaye. Aur Aap Apni Uss Jagaah Se Hatt Kar Door Ja Baithe. Jab Aap Ki Zauzah Mohtarma (Biwi) Waapas Tashreef Layee Toh Aap Ko Apni Jagaah Na Paya, Isi Wazaah Se Pareshaan Ho Kar Aap Ko Dhoodhne Lagi. Dhoondhnte-Dhoondhte Woh Aap Hazrat Aayyub (Alaihay Salam) Ke Paas Pahoonchi Lekin Aap Ko Pahechaan Na Saki. Aur Arz Kiya “Aye Allah Ke Bande ! Aap Ne Allah Ke Nabi Hazrat Ayyub (Alaihay Salam) Ko Jo Ki Bimaar The Aur Yahaa Par Rahaa Karte The, Unhe Dekha Hai ? Unhe Kahee Kutte Aur Bhedhiye Toh Nahi Uthaa Le Gaye ? ”
Aur Fir Kahaa “Bimaar Hone Se Pahele Woh Aap Hi Ki Tarha Khoobsurat Aur Tandrust The” Kuch Der Woh Aap Se Baate Karti Rahi .

Hazrat Ayyub (Alaihay Salam) Ne Kaha “Tera Bhalaa Ho ! Main Hi Ayyub Hoon .”
Aap Ki Biwi Ne Jawaab Diya “Aye Allah Ke Bande ! Kya Aap Mujh Se Mazaaq Kar Rahe Hai ?”
Hazrat Ayyub (Alaihay Salam) Ne Kaha “ALLAH ! Tera Bhalaa Kare, Mai Hi Aayyub Hoon. Allah Taala Ne Mujhe Mera Jism Dubaarah De Diya Hai, Aur Iss Ke Saath–Saath Aur Bhi Maal Aur Aulaad Se Nawaaza Hai.

Dosto ,… Eik Riwaayat Me Hai Ki Aap Huzur-e-Aqdas Mohammaed Musatafa (Sallallahu Alaihay Wasallam) Ne Farmaaya Ki “Jab Rabbul Aalmin Ne Hazrat Ayyub (Alaihay Salam) Ko Shifaa (Aafiyat) Bakhshi Toh Uss Ke Saath Hi Aap Par Aasmaan Se Sone (Gold) Ki Tidhdhiya Barsayee, Jise Pakad–Pakad Kar Hazrat Ayyub (Alaihay Salam) Apne Kapde Me Jamaa Karne Lage. Tabhi Allah Taala Ne Aap Ko Pukara “Aye Ayyub ! Jo Kuch Tum Dekh Rahe Ho, Kya Maine Tumhe Iss Se Ghani Nahi Kar Diya ?”
Hazrat Ayyub (Alaihay Salam) Ne Arz Kiya “Beshaq ! Aye Mere Rab ! Lekin Mai Teri Rahemato (Nemato) Se Be–Parwaah Nahi Rah Sakta.”

Aur Eik Riwaayat Me Hai Ki Aap Ki Do Khetiya Thi Eik “Genhoo”’ (Gandoom, Wheat) Ki Aur Dusri “Jau”’ Ki. Allah Taala Ne Baadal Ke Tukde Bheje. Jab Eik Baadal Ka Tukda Gandoom (Genhoo) Ke Khet Ke Upar Gaya Toh Woh Khet Sone Ki Baaliyo Se Bhar Gaya,Yahaa Tak Ki Sona Is Ke Kinaaro Se Baahar Girne Laga. Aur Dusra Tukda “Jau” Ke Khet Ke Upar Gayaa, Jis Se Woh Khet Chaandi (Silver) Se Labaalab Bhar Gayaa. Yahaa Tak Ki Uss Ke Kinaare Se Baahar Girne Lage. Iss Tarha Aap Ki Badhaali Tangdasti Aur Gareebi Jo Ki Eik Imtehaan Thi Allah Taala Ne Use Bhi Door Kar Diya. Aur Aap Ko Pahele Se Bhi Jiyada Maal–O–Daulat Ataa Farmayee . (Allahu Alam)

Eik Riwaayat Me Hai Ki Allah Taala Ne Aap Ki Aulaade Jo Faut (Marr, Death) Ho Chuki Thi Unhe Dubara Zinda Kar Diya. Ya Aap Ko Un Faut (Death) Huyee Aulaado Ke Badle Me Nek Aur Saaleh (26) Aulaade (Ladke Aur Ladkiya) Ataa Farmayee. Aur Aakhirat Me Inn Sabhi Ko Jannatul Firdaus Me Zamaa Karega Aur Inn Par Apna Rahemo Karam Tamam Karega.

Aur Hazrat Ayyub (Alaihay Salam) Ne Jo Bimaari Ki Haalat Me Apni Biwi Ko (100) Kodhe Maarne Ki Qasam Khayee Thi. Uss Par Allah Taala Ne Huqum Diya Ki “Aap Apni Qasam Na Todhe Aur Apni Biwi Ko, Jo Ki Nek Khaatoon Hai Aur Jinhone Aap Ki Timaardari Ki Aur Aap Ka Saath Na Chhodha, Tamaam Dukh Dard Aur Takleef Ke Bavojood Bhi Aap Se Wafaa Nibhayee, Isiliye Aap Unhe (100) Tinko Ka Muthhthha (Guchcha) Lekar Maare Aur Apni Qasam Poori Kare.”

Reference: (Virtual study of Mohammed Rafique, Qasas-Ul-Ambiya)

To Be Continue ...

Hiqayat: Ayyub (Alaihay Salam)

• Ayyub (Alaihay Salam) Ki Aazmaish me Muslmano Ke Liye Ibrat

Aziz Dosto ,… Hazrat Ayyub (Alaihay Salam) Ne Allah Taala Ke Huqm Se Eik Jhaadhu Lekar Jo Ki Khazoor Ke Patto Se Bani Huyee Thi Apni Zauzaah Mohtarma ( Biwi ) Ko Maari Aur Iss Tarhaa Apni Qasam Poori Ki .

Dosto ,.. Hazrat Ayyub (Alaihay Salam) Ka Ye Waqeya ( Qissa ) Un Sab Logo Ke Liye Nasihat Hai Jo Kisi Jismaani Bimaari Me Mubtilaa Ho, Ya Jin Ki Maal-O–Daulat Sab Kuch Khatam Ho Gaya Ho, Ya Jin Ki Aulaade Faut (Maut, Death) Ho Chuki Ho. Har Musibat Zadaa Shakhsh (Aadmi) Ke Liye Allah Ke Nabi Hazrat Ayyub (Alaihay Salam) Ki Zindagi Ka Behtareen Namoona Misaal Ke Taur Par Maujood Hai. Kyonki Jo Takleef Hazrat Ayyub (Alaihay Salam) Ko Pahoonchi, Wo Un Sab Taklifo Se Kahee Jiyaada Thi. Lekin Aap Ne Sabar Kiya Aur Lamha–Lamha Yaad-e–Allah Me Basar Kiya. Yahaa Tak Ki Allah Taala Ne Apne Maheboob Bande Hazrat Aayyub (Alaihay Salam) Ki Saari Takleefe Aur Musibate Door Farmaa Di, Aur Unhe Buland Muqaam Par Faayez Kar Diya.

Dosto ,… Ham Me Se Bahut Se Log Aiase Bhi Hai Ki Agar Hame Thodhi Si Bhi Dukh Taqleef Pahoochti Hai Ya Kaam Dhande Me Nuqsaan Ho Jaaye Toh Shiqwaa Shiqaayat Karne Lagte Hai. Kuch Log Toh Yahaa Tak Kahete Hai Ki Allah Taala Hamari Duwaaye Qabool Nahi Karata Ya Ye Ki Allah Taala Hame Bhool Gayaa Hai, Aur Agar Hamara Apna Koi Faut (Death) Ho Jaaye Toh Bahut Se Naadaan Log Ye Tak Kahe Dete Hai Ki Allah Taala Hamara Hi Ghar Mila Tha Ya Allah Taala Ne Achcha Nahi Kiya Aur Log Apni Kismat Aur Taqdeer Ko Kosne Lagte Hai Ki Hamare Hi Muqaddar Kharaab Hai Ya Hamaari Hi Taqdeer Footi Hai (Nauzbillah)

Dosto ,.. Dawaa Toh Ham Apne Musalman Hone Ka Karte Hai Aur Allah Ta’ala Par Imaan Rakhne Ki Baat Karte Hai. Jab Bhi Kabhi Ham Par Koi Musibat Takleef, Pareshani Ya Bimaari Aaye Toh Hame Sabar Karna Chahiye, Aur Apne RAB Par Imaan Rakhna Chahiye Aur Us Ki Taraf Ruzu Karna Chahiye, Kyonki Uss RAB Ne Agar Dukh Takleef, Musibat Aur Pareshani Di Hai Toh Woh RAB Hi Hame Hamari Dukh Takleef, Musibat Se Hame Nizaat Dega. Kyonki Allah Taala Jise Bhalaayee Dena Chaahe Toh Use Duniya Ki Koi Taaqat Nahi Rok Sakti Aur Agar Woh RAB Buraayee Dena Chaahe Toh Duiya Ki Saari Taaqte Mil Kar Bhi Uss Buraayee Ko Door Nahi Kar Sakti.

Aur Sab Se Badhkar Hamara Ye Imaan Hona Chahiye Ki Hame Jo Bhi Nemate Ya Bhalaiya Milti Hai Wo Sab Allah Taala Ki Taraf Se Hai, Aur Iss Par Hame Allah Ka Shuqr Guzaar Hona Chahiye. Aur Dusra Ye Ki Agar Hame Koi Burayee Milti Hai Toh Wo Hamaare Apne Bure Aamaalo (Kaam) Ki Wazaah Se Aur Kabhi Ye Hamaari Aazmayeesh Bhi Hoti Hai. Agar Koi Burayee Hame Apne Bure Aamaalo Ki Wazaah Se Mile Toh Hame Baargaahe Ilaahi Me Taubaa Karna Chaahiye Aur Aise Bure Aamaalo Ko Tarq (Choodh) Kar Siraat–e–Mustaqeem Par Chale Ki Koshish Karna Chahiye, Namaaz Rozo Ki Pabandi Karni Chahiye. Jis Se Hamara RAB Ham Se Raazi Ho Jaaye Aur Hamare Gunaaho Ko Bakhsh De Aur Hamari Pareshni Aur Taqleef Ko Ham Se Door Farma De.

Aur Agar Ye Hamaari Aazmaayeesh Hai Toh Is Par Hame Sabar Karna Chahiye Aur Jiyada Se Jiyada Hame Yaad–e-Allah Me Apna Waqt Guzaarna Chahiye. Kyonki Aazmayeesh Un Hi Bando Ki Hoti Hai Jinhe Allah Taala Apna Maheboob Rakhta Hai. Kyonki Sabar Karne Aur Ziqr–e–Allah Karne Se Hi Banda Uss Aazmayeesh Se Qaamyaab Ho Kar Nikalta Hai Aur Us Ke Darzaat Buland Kiye Jaate Hai .
IN NAL LAAHA MA AS SABIREEN” Yaani Ki Allah Taala Sabr Karne Walo Ke Saath Hai.

• Har Haal Me Sabr Aur Shukr Ada Kartey Rahe Apne Rab Ka:
Aziz Dosto ,… Iss Qisse Me Aap Logo Ne Shuruwat Padha Hai Ki Allah Taala Ne Shaitaan Iblees Ko Ikhtiyaar Diya Ki “Ja! Ayyub (Alaihay Salam) Ko Zameen, Jaayeda, Aal Aulaad Aur Sehat Se Maheroom Kar De Ya Chhin Le Aur Fir Dekh Mera Maheboob Banda Kya Karta Hai.” Aur Shaitaan Iblees Ne Hazrat Ayyub (Alaihay Salam) Ko Har Cheez Se Maheroom Kar Diya. Hazrat Ayyub (Alaihay Salam) Ka Jism Mubaarak Bimaari Takleef Aur Balaavo Me Giraftaar Ho Gaya. Lekin Allah Taala Ne Aap Ki Zubaan Aur Dil Ko Mahefooz (Salaamat) Rakha. Iss Takleef Ke Bavojood Bhi Aap Shaqeer (Shuqr Karne Wale) Aur Saabir (Sabar Karne Wale) Rahe. Raat Din Har Lamhaa Har Ghadhi Ziqr–e–Ilaahi Me Basar Ki.

• Kya Shaitan Insano Ki Jaan-e-Maal Per Qudrat Rakhta Hai ?
Dosto ,.. Yahaa Par Aap Ke Jehan Me Ye Sawaal Uthhta Hoga Ki Shaitaan Iblees Kisi Ko Bhi Dukh Takleef, Bimaari Aur Maut De Sakta Hai ? Iss Ka Jawaab Hai “Nahi !”, Bilkul Nahi !. Balki Shaitaan, Insaano Ko Halaaqaan Toh Kar Sakta Hai, Pareshaan Toh Kar Sakta Hai Lekin Maut Nahi De Sakta. Lekin Agar Allah Taala Ki Aisi Hi Mashlehat (Marzi) Ho Toh Shaitaan, Jinnat, Khabees, Jaadoogar, Aur Dushman ! Kisi Bhi Insaan Ko Dukh–Takleef, Pareshani, Bimaari Me Mubtilaa Kar Sakte Hai. Magar Dosto Hamara Iss Baat Par Pukhtaa Yaqeen Aur Imaan Hona Chahiye Ki Allah Taala Jo Bhi Karta Hai Achcha Hi Karta Hai Aur Jo Bhi Hota Hai Allah Taala Ki Marzi Se Hi Hota Hai.
Kyonki Allah Taala Aalam–ul–Gaib Hai, Usey Har Baat Ki Khabar Hai, Us Ke Ilm Ne Har Cheez Ko Gher Rakaha Hai, Kahi Kisi Darkht (Tree Se Koi Patta Bhi Girta Hai Toh Uss Ki Bhi Usye Khabar Hoti Hai, Darakht (Tree) Ka Patta Bhi Nahi Hilta Uss Ki Marzi Ke Bagair.

Isiliye Dosto,.. Agar Ham Ko Koi Takleef, Dukh–Dard, Ya Bimaari Pahooche Toh Uss Par Apne RAB Ki Marzi Samajh Kar Sabar Karna Chahiye Aur Iss Musibat Pareshani Se Nizaat Paane Ke Liye Allah Taala Ki Taraf Hi Ruzu Karna Chahiye Yaani Ki Allah Taala Par Tawaqqal (Bharosa) Karna Chahiye Aur Uss Ki Ibaadat Me Apne Aap Ko Mashroof Kar Dena Chahiye.

Dosto ,… Yaqeen Rakhiye Ki Allah Taala Har Cheez Par Qaadir Aur Khoob Hiqmat Wala Hai.Aur Woh Apne Bando Ki Duwaa Aur Azar Ko Zaaya Nahi Karta. Aur Aap Ke Sabar Ka Azar Iss Duniya Me Nahi Toh Aakhirat Me Zaroor Milega. Aur Zaalimo Ko Bhi UnKe Gunaaho Ki Sazaa Zaroor Milegi. Roz–e–Qayaamat , Allah Taala Haq Ke Saath Faislaa Kar Dega Aur Kisi Ke Bhi Saath Zulm Na Kiya Jaayega.
Riwayato Me Hai Ki Agar Sing Waali Bakri (Goat) Ne Kisi Bagair Sing Wali Bakri Ko Mara Hoga Toh Allah Taala Un Ke Darmiyaan Bhi Faishla Kar Dega. Fir Ham Toh Ashraful Makhlooqat Hai Hamara Insaaf Kyon Kar Na Hoga ? Hamara Bhi Insaaf Zaroor Hoga.
» Dua : Allah Taala Hume Har Haal Me Sabr Aur Shukr Ada Karne Ki Toufuq Ata Farmaye !

Reference: (Virtual study of Mohammed Rafique, Qasas-Ul-Ambiya)

To Be Continue ...

80%
Awesome
  • Design
All Hiqayat postNabiyon ke kisseNabiyon ke kisse in hindiNabiyon ke kisse in urduNabiyon ki kahaninabiyon ki story
Comments (9)
Add Comment
  • Wasim ansari

    I am wasim

  • Zaheer

    Assalamualikum jazakallahu khair bohat si taalim hasil huwi hai mughe plz meri ek request hai quran ki tafseer bhi aisi hi roman english me likhker dein mughe jazakallahukhair

    • Adilansari

      Islam is love

  • Salwa

    As salaam aal.aikum va rehmatullahi va barakatahu.
    Mera sawaal hai k Ebrahim as ki shariyat mein namaaz ka tarika kya tha.aur unhe yeh shariyat kaise di gayee??
    Jazaak Allah khair

    • Mujahid

      Ap YouTube par Jake (AIK Qissa hai Quran) Se dekhiye sari tafseel or quran k tarjuma sath wazaht me sab biyan hai link:https://youtu.be/lkQleVgHAIE

  • Mujahid

    Asslamo alequm …Sheesh (Alaihay Salam) ke bad hazrt Idrees (Alaihay Salam) the ?

  • Mujahid

    (Mazarat chahta hu magr ) Hazrt Ibrahim (Alaihay Salam) ki bachpan ki sari pedaish ki dastan or unka ghar me rehna or Namrud badsha ki khawab ka zikar apne shuru me kiya hi Nahi isme ??

    • Samir sami

      Sabhi hazrate nabi ke naam & uska date of birth story upload kro yaar plz (Allah ke total 137 rasool ki kahani

  • Imraan

    As salamu alaikum…dawood alaihisalam ka aagey ki hadees nahi mil rahi to b continue bata rha hy..bt dawood alaihisalam aagey ki story kaha se milgi..rehnumai farmaye


Related Post


Medical benefits of fasting

1. BOOSTS IMMUNITY OF THE BODY
शरीर की प्रतिरोधक क्षमता को बढ़ा देता है।

2. CORRECTS HIGH BLOOD…