Har Nasha Waali Cheez Haraam Hai ….

♥ Mafhoom-e-Hadees: Jabir (Razi’Allahu Anhu) Se Riwayat Hai Ke,
Jaishaan Se Ek Aadmi Aaya Aur Jaishaan Ek Shahar (Town) Hai Yeman Me,
Uss Aadmi Ne Rasool’Allah (Sallallahu Alaihay Wasallam) Se
Uss Sharaab Ke Baarey Me Puchha Ke Jo Unn Elaqon Me Pee Jati Hai
Aur Wo Sharaab Jo Taiyaar Hoti Hai Uss Sharaab Ko Mizr Kaha Jata Tha.
Tou Rasool’Allah (Sallallahu Alaihay Wasallam) Ne Farmaya –
“Wo Sharaab Nasha (Intoxicating) Waali Hai?”
Uss Ne Arz Kiya, “Ji Haan!”

*Rasool’Allah (Sallallahu Alaihay Wasallam) Ne Farmaya –
“Har Nasha Wali Cheez Haraam Hai, Kyon Ke Allah Ta’ala Ka Uss Aadmi Ke Liye Waada Hai Ke
Jo Aadmi Nasha Waali Cheez Peeyega Ussey Allah Ta’ala Tinatah-Al-Khabaal Peelayega”,

*Sahaba Ne Arz Kiya –
“Aye Allah Ke Rasool (Sallallahu Alaihay Wasallam)! Tinatah-Al-Khabaal Kya Cheez Hai?

Tou Aap (Sallallahu Alaihay Wasallam) Ne Farmaya –
“Dozakhiyon Ka Pasina Hai”.
(Sahih-Muslim, Vol-No: 05, Hadees-No: 5217)

• Note: Jo Cheez Ya Aamal Insan ko Madhosh Karde Aur Wo
Apne Rab Ke Zikr-Wa-Rehmato Se Thodi Der Ke Liye Bhi Gafeel Ho Jaye
Aisi Har Cheeze Haraam Hai, Fir Chahe Woh Sharaab Ho Tambakhu, Guthka Ho Ya Gaana-Bajana.

Hadees in HindiHadees of the dayHadith about AlcoholHaraamNashaRehmatSahih Bukhari and MuslimSahih Bukhari and Sahih MuslimSahih Muslim BukhariSahih Muslim HadeesSharaabSunnate Rasool Hadees HindiZinaa
Comments (0)
Add Comment


    Related Post