Haq Baato Ki Pairwi Sab Par Lazim Hai

♥ Mafhoom-e-Hadees: Ek Martaba Huzoor (Sallallahu Alaihay Wasallam) Ne Abu Hurairah (RaziAllahu Anhu) Ko Sadqa-e-Fitr Ki Hifazat Ke Liye Mukarrar Farmaya! Abu-Hurairah (RaziAllahu Anhu) Raat Bhar Uss Maal Ki Hifazat Farmate Rahe ,..

*Ek Raat Ek Chor Aaya Aur Maal Churane Laga! Abu Hurairah Ne Usey Dekh Liya! Usse Pakad Liya!
Farmaya – Mai Tujhe Huzoor (Sallallahu Alaihay Wasallam) Ki Khidmat Me Pesh Karunga!
Uss Chor Ne Minnat-Samajat Karna Shuru Kardi!
*Kaha – Allahra! Mujhe Chhod Do Mai Sahib-e-Aayaal (Biwi-Bachche Wala) Hoon Aur Mohtaaj Hoon!

*Abu-Hurairah Ko Reham Aagaya Aur Usey Chhod Diya!
– Subah Abu-Hurairah Jab Bargah-e-Risalat Me Haazir Huye Tou Huzoor Ne Mushkura Kar Farmaya –
“Abu-Hurairah! Wo Raat Wale Tumhare Qaidi (Chor) Ne Kya Kiya?”
*Abu-Hurairah Ne Arz Kiya, Ya Rasool Allah! Usne Apni Ayaaldari Aur Mohtaaji Bayaan Ki Tou Mujhe Reham Aagaya Aur Maine Chhod Diya!
*Aap (Sallallahu Alaihay Wasallam) Ne Farmaya –
“Usney Tumse Jhoot Bola! Khabardar Rehna! Aaj Raat Wo Fir Aayega! ”

*Hazrate Abu-Hurairah Kehte Hain Ki – “Mai Dusri Raat Bhi Uske Intejaar Me Raha!
Kya Dekhta Hoon Ki Wo Waakayi Fir Aa Pahuncha Aur Maal Churane Laga! Maine Fir Usey Pakad Liya! Usney Fir Minnat-Khushamad Ki Aur Mujhe Fir Rahem Aagaya Aur Maine Fir Chhod Diya, Subah Jab Huzoor Ki Bargah Me Haazir Hua To

*Aap (Sallallahu Alaihay Wasallam) Ne Fir Farmaya –
“Abu Hurairah! Wo Raat Wale Qaidi Ne Kya Kiya?
Maine Fir Arz Kiya, Ki Ya Rasool Allah! Wo Apni Haajat Bayaan Karne Laga Tou Mujhe Rahem Aagaya Aur Maine Fir Usey Chhod Diya!”
*Aap (Sallallahu Alaihay Wasallam) Ne Farmaya –
“Usne Tumse Jhoot Kaha, Khabardar! Aaj Wo Fir Aayega!”

*Hazrate Abu-Hurairah Kehte Hain Ki – Tisri Raat Wo Fir Aaya!
Maine Usey Pakadkar Kaha Ki Kambakhat Aaj Na Chhodunga Aur Huzoor Ke Paas Zarur Le Kar Jaaunga! Wo Bola, (Aye!) Abu-Hurairah! Main Tumhe Kuchh Aise Kalimaat Sikhana Chahta Hoon Jinko Padhne Se Tum Nafa Me Rahoge! Suno!

*Jab Sone Lago Tou Ayatul Kursi Padhkar Soya Karo! Is Se Allah Tumhari Hifazat Farmayega Aur Shaitaan Tumhare Nazdiq Nahi Aa Sakega!

*Hazrate Abu-Hurairah Kehte Hain Wo Mujhe Yeh Kalimaat Sikhakar Mujhse Rihayi Pa Gaya!
Maine Jab Subah Huzoor Ki Bargah Me Yeh Saara Kissa Bayaan Kiya Tou Huzoor Ne Farmaya –
“Usne Yeh Baat Sachchi Kahi Hai!” Halaaki Khud Wo Bada Jhoota Hai!
Kya Tum Jaante Ho, Aye Abu-Huraira, Ki Wo 3 Raat Aane Wala Kaun Tha?
Maine Arz Kiya – Nahi Ya Rasool Allah! Main Nahi Jaanta!
*Tou Huzoor Ne Farmaya – “Wo Shaitaan Tha!”
(Mishkaat Sharif Page-177)

» Sabaq: Lihaza Sabit Hua Ke Haq Baat Kehne Wala Chahey Shaitan Hi Kyu Na Ho..
Usey Qabool Karna Chahiye, Aur Nahaq Baat Agar Koi Badshah-e-Waqt Bhi Kahe Tou Uski Mukhalifat Karna Hum Sab Par Lazim Hai.

♥ Ins’ha’Allah-Ul-Azeez !!!
Allah Ta’ala Hume Kehne Sun’ne Se Jyada Amal Ki Toufiq De.. Ameen.

AahdeesAhadees in HindiAhadithAhle Hadees WebsiteAl HadisAll Hadees in Hindi ImagesAyatul KursiBeautiful Hadees in HindiBest Hadees in HindiBest Hadees in UrduBest Islamic Hadees in Hindi LanguageChorDaily HadeesFree Islamic Hadees SmsHadees e Nabvi in HindiHadees e Paak in HindiHadees e Rasool in HindiHadees in English of Prophet MuhammadHadees in HindiHadees in Hindi ImagesHadees ki baatein in hindiHadees Mubarak in Urdu SMSHadees Nabvi in HindiHadees of the dayHadees of the Day in HindiHadees Pak in HindiHadees QuotesHadees Quotes in HindiHadees Sharif in HindiHadeesh in Hindihadis islamHadis Nabi in UrduHadith about CharityHadith in Hindihadith in urduHaqIslamic Hadees Images in HindiIslamic Hadees QuotesMaalOnline Hadees in HindiPyare Nabi ki Pyari BaateinRehamSunnate Rasool Hadees HindiUrdu Hadees
Comments (0)
Add Comment


    Recent Posts


    Juma ki Raat Surah Al-kahf padhne ki Fazilat

    जुमा के दिन (जुमेरात और जुमा के दरमियानी रात) को सुरह कहफ़ पढने की फ़ज़ीलत