Geebat Ka Badla …..

♥ Hiqayat: Hasan Basri (Rehmatullah Alayh) Se Kisi Shakhs Ne Aaker Kaha Ki Fala Shakhs Ne Aapki Geebat Ki Hain!
Hasan Basri Ne Usi Waqt Taza Choo-aare Mangwaye Aur Ek Tabaak (Thaal) Me Rakhker Unhe Bataur Tohfa Bheja Ki ‘Main Aapka Shukr-Guzaar Hoon Ki Aapne Meri Geebat Karke Apne Nekiyon Ko Mere Nama-A-Aamaal Me Muntakil (Trasnfer) Kerdiya Hain! Aapke Iss Ehsan Ka Badla Main Nahi Chuka Sakta! Yeh Hakeer-Sa Tohfa Kubul Farmayiye!’
Wo Shakhs Hazrate Hasan Basri (Rehmatullah Alayh) Ke Iss Sulook Ko Dekhker Bada Sharminda Hua Aur Aapki Khidmat Me Haazir Hoker Muafi Chahi!
(Sacchi Hiwayat, Hissa-3, Pg-458)

# Sabaq:
» Kisiki Geebat Karne Se Sarasar Apna Hi Nuqsaan Hota Hain! Jiski Geebat Ki Jaye Wo Faide May Rehta Hain! Uski Nekiyan Usko Mil jati Hain! Lihaza Geebat Se Bachna Chahiye!

» Yeh Bhi Malum Hua Ki Nek Bande Burayi Ka Badla Burayi Se Nahi Dete Balki Burayi Ke Badle Bhi Neki Hi Karte Hain!

Bujurgane Deen Ke AqwalBurayiEhsanGeebatGeebat Ka BadlaGibat Ka Jawab Kaise deGiftHadith about Backbiting / GheebatHadiyaNekNuqsaanQaul-e-MubarakTohfa
Comments (0)
Add Comment