Bani Israyil Par Allah Ka Gazab Aur Humare Halaat

*Aaj Hum Jis Halat Se Guzar Rahe Hai ,.. Aakhir Uski Kya Wajah Hai Jis Se Humara Rab Humse Naraz Hai Aur Zalim Hukmrah Humpar Musallat … Aayiye Iske Talluk Humse Pichli Ummat Bani Israyeel Ki Halaqat Ki Missal Par Gour Karte Hai ,..

# Bani Israyil Par Allah ke Gazab Ka Pehla Wada :
“Bani Israyil Humse Pahle Allah Ki Chuninda Qoum Thi,.. Allah Ne Inke Andar Ambiya Bheje, Aur Inhe Digar Qoumo Ki Imamamt Ka Jimma Diya,..
– Lekin Iss Qoum Ne Gunaah Aur Masiyat Kiye ,.. Rab Ko Naraz Kiya ,.. Shirk Kiya ,. Deen Me Biddate Ijad Kiye ,.. Aur Sabse Bada Jurm Ye Kar Baithe Ke Allah Ke Bheje Ambiya (Alahi Salato Salam) Ke Qatl Ko Bhi Apni Zindagi Ka Shiyar Bana Baithe ,..

– Fir Allah Rabbul Izzat Ka Azab Inpar Yakini Hua Jiske Talluk Se Allah Rabbul Izzat Ne Quraan Me Farmaya ,..
Aur Jab Pehle Wadey Ka Wakt Pura Ho Gaya ,.. Tou Humne Aise Ladakey Bandey Tumpar Hawi Kar Diye Jo Bohot Majboot They Ladayi Me Aur Aise Tumse Ladhey Ke Tumhare Gharo Me Ja Ghusey ” – [Surah(17) Bani Israyil: Ayat-5]
… Iss Aayat Me Pehle Wadey Se Muraad Mufassarin Likhtey Hai Ke Ye “Bukhtnasar” Badshah Ka Zamana Tha ,.. Jab Yahudiyon Ko Allah Ne Dunia Ki Imamat Ke Liye Chuna Tou Inhone Masiyat Aur Gunaah Kiye Aur Daniyal (Alahi Salam) Jaise Nabi Ko Taklif Pohchayi ,..
– Tou Allah Rabbul Izzat Ne Apne Pehle Wadey Ko Inke Khilaf Pura Kiya Aur Bukhtanasar Ke Jarye Yahudiyo Ko Zaleel Kiya Aur Inko Apne Mulk Palestin Se Nikal Kar Wo Apne Sath Ghulam Banakar Iraaq Le Gaya ,..

# Allah ke Gazab Ka Dusra Wada Bani Israyeel Ko:
Bakhtnasar Ki Qaid Se Kayi Saalo Baad Ye Azaad Hokar Wapas Aaye ,..
– Lekin Allah Ko Pata Tha Ke Ye Log Apni Masiyat Se Baaz Nahi Aaney Wale ,.. Tou Allah Ne Inpar Dubara Apna Gazab Dhaya Jiske Talluk Se Allah Ne Quraan Me Aagey Farmaya –
Aur Jab Dusra Wada Humara Pura Hua ” – [Surah(17) Bani Israyil: Ayat-7]

… Dusre Wadey Se Muraad Jab Yahudiyo Ko Allah Ne Bukhtnasar Ki Qaid Se Azadi De Di ,… Lekin Fir Bhi Ye Apni Masiyat Se Tayeeb Na Hue Aur Inhone Wahi Sulook Kiya Yaani Allah Ke Ek Aur Nabi Isa (Alaihi Salam) Ke Qatl Ka Mansuba Kiya ,. Allah Ne Uss Mansubey Me Inko Naqam Kiya ,..

– Isa (Alahi Salam ) Ko Duniya Se Utha Liya Aur Aapke Jaane Ke 70 Saal Baad Allah Ne Yunaan Ke Badshah “Titus” Ke Jarye Bani-Israyeel Par Aisa Qahar Dhaya Ke Inhe Kum-Se-Kum 1900 Saal Ke Liye Palestin Ke Sir-Zameen Se Hakaal Diya ,..
– Titus Ne Bani Israyeel Par Is Shadeed Tarah Se Humla Kiya Ke Ye Qoum 1924 Tak Kahi Bus Na Saki.. Puri Duniya Me Wo 1900 Saal Tak Bhataktey Rahe ,.. Jisko Aaj bhi “The Jewish Diaspora” Ke Naam Se Yaad Kiya Jata Hai ,..

– Yaani Allah Ne Inhe Puri Duniya Me Zaleel Aur Ruswa Kiya .. Ye Qoum Zillat Ki Zindagi Jiti Rahi ,. Ke Inko Europe Ke Andar Inke Alag Ilaaqe Hua Karte They Jisey “Ghettos” Kaha Jata ,.. Matlab Janwaro Ke Rakhne Ki Jagah Yahudi Rakhey Jaatey ,..

– Lekin Inka Sharr Aur Fitna Aisa Hi Hai Ke – Iss Qoum Ne Kabhi Masiyat Se Touba Nahi Ki Tou Allah Ne Inko Humare Liye Ibrat Bana Diya ,.. Aur Wada Kar Ke Quran Me Kaha Ke –
Aur Wo Wakt Yaad Karo Jabki Tumhare Rab Ne Is Cheez Ko Tay Kar Diya Bani Israyeel Ke Liye Ke Qayamat Tak Mai Tumpar Zaleem Aur Jaabir Hukumrano Ko Musallat Karta Rahunga” – (Surah Araf; Ayat-167) – @[156344474474186:]

*Aur Allah Ki Uss Maar Aur Fatkaar Ka Natija Aap Har Sadi Me Dekhiye Ke –
– Yahudiyo Ko Kya Mila Hai ? Har Sadi Me Zaleel Aur Ruswa Hue ,.. Janwaro Ke Sath Rakhey Gaye ,…

# Pichli Sadi Me Hitler Ne Inhe Lakho Ki Tadad Me Kidey Aur Makodo Jaise Ajiyat De-Dekar Mara Hai ,..
– Aur Aaj Bhi Jis Tarha Se Ye Log Insaniyat Par Zulm Kar Rahe Hai Goya Ke Ye Low Teji Se Fadak Rahi Hai Aur In’sha’Allah Ye Apne Bujhne Ki Aur Hume Tayeed Kar Rahi Hai ,..
* * * * * *

*Yaad Rakhiye Kisi Ki Bhi Halaqat Humare Liye Khushiyo Ka Sabab Nahi Hai ..
*Hume Chahiye Ke Inki Halaqat Se Ibrat Hasil Karey ,..

“Agla Gira Tou Pihley Ko Chahiye Ke Wo Sambhal Jaye ,..”

# Warna Kahi Aisa Na Ho Ke
– Agar Humne Bhi Apne Gunaho Aur Masiyat Aur Apne Amal Ke Islah Ki Gouro Fikr Na Ki Tou Allah Rabbul Izzat Ke Liye Koi Bayeed Nahi Ke Waise Hi Faisle Allah Humare Haq Me Kar Dey.. Allah Humpar Reham Karey …

*Aur Aaj Hum Jis Halat Se Guzar Rahe Hai ,.. Jiska Natija Humare Burey Aamal Hai Yaad Rakhiye,..
– Aaj Bhai –Bhai Ko Qatl Kar Raha Hai ,..
– Musalman Mulk Dusre Musalman Mulk Ko Qatl Kar Rahe Hai ,..
– Musalman Aapas Me Ek Dusre Ki Girohbandi Aur Firqabandi Ke Naam Par Qatal Kar Rahe Hai ,..
– Jamoto Ke Naam Par Ek Dusre Ko Qatal Kiya Ja Raha Hai ,..

*Aur Is Se Jyada Afsos Ke Sath Hum Kya Kahey Ke
– Ek Jamat Me Bhi Do Log Aapas Me Tisrey Ke khilaf Chaley Chal Rahe Hai ,.
– Itney Hum Gir Chukey Hai.. Allah Reham Karey,..

*Aur Fir Jab Allah Rabbul Izzat Ka Azab Aata Hai
– Tou Hum Pareshan Hotey Hai Ke Qoume Kyu Humpar Musallat Ho Rahi Hai ..

# Yaad Rahe Aaj Humari Shikast Ki Sabse Aham Wajah Allah Ki Nafarmani Hai ,..
– Allah Ki Nazil Karda Hidayat Aur Rasool’Allah (Sallallahu Alaihay Wasallam) Ki Sunnat Ki Mukhalifat Yahi Sabse Aham Wajah Hai Humari Zillat Aur Ruswayi Ki ..

*Tou Agar Hum Chahte Hai Ke Alllah Humpar Reham Kare
– Tou Hume Chahiye Ke Allah Aur Uske Rasool Ki Taalimat Par Hum Jam Jaye..
– Aur Dusro Ko Bhi Uski Dawat Dey..

♥ In’sha’Allah-Ul-Azeez !!!
# Allah Ta’ala Hume Apne Rehamo Karam Ka Saya Naseeb Farmaye ,..
# Hume Tamam Kism Ki Gumrahiyo se Bachaye ..
# Kitabo Sunnat Par Amal Ki Toufiq Dey ,..
# Jab Tak Hume Zinda Rakhey Islam Aur Imaan Par Zinda Rakhey…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

Leave a Reply