Zinaa Ek Kabira Gunaah ….

• Sawal: Zinaa Kya Hai ?
» Jawab: Zinaa (Illegal Sex) Ek Mard Ek Aesi Aurat Se Sohbat/Humbistari (Physical Relation) Kare Jiska Uske Sath Nikah Na Hua Ho.

» Mahfum-e-Hadees: Nabi-e-Kareem (Sallallahu Alaihay Wasallam) Ne Farmaya –
“Shirk Ke Baad Allah Ke Najdik Iss Gunaah Se Bada Koi Gunaah Nahi Ke Ek Shakhs Kisi Aurat Se Sohbat Kare Jo Uski Biwi Nahi Aur Jab Koi Mard Aur Aurat Zinaa Karta Hai Tou Emaan Unke Seene Se Nikal Kar Sar Par Saaye Ki Tarah Thehar Jata Hai”.
(Mukasheftul Quloob Safa: 168)

♥ Mahfum-e-Hadees: Abu Hurairah Wa Ibne Abbas (Razi’Allahu Anhu) Se Riwayat Hai Ke,
Aap (Sallallahu Alaihay Wasallam) Ne Farmaya –
“Momin Hotey Hue Tou Koi Zinaa Kar Hi Nahi Sakta..”
(Bukhari Sharif, Jild:3, Safa:614 Hadees-1714)

♥ Al-Quran: Bismillah-Hirrahman-Nirrahim !!!
“Aur (Dekho) Zinaa Ke Paas Bhi Na Bhatakna, Beshaq Wo Be-Hayaee Hai Aur Buri Raah Hai”.
(Al-quran: Al-Isra: A-32)

∗ Zinaa Ki Sazaa Aur Azaab :
» Hazrate Musa (Alayhi Salam) Ne Rab Ta’ala Ki Bargah Me Jub Zinaa Ki Sazaa Puchi Tou Allah Ne Farmaya – “Usey Aag Ki Jarrah Pahnaunga(Lohe Ka Libas Jo Aag Se Bana Hoga) Woh Aisi Wajani Cheez He Ki Agar Bahut Bade Pahad Par Rakh Di Jaye Tou Wo Bhi Reja Reja Ho Jaye”.
(Mukasheftul Quloob Safa: 168)

» Zinaa Karnewale Shadi Shuda Ho Tou Khule Maidan Me Pattharo Se Maar Daala Jaye Aur Gair Shadi Shuda (Kuwara) Ho Tou 100 Kode Maare Jaye.
(Bukhari Sharif Jild Safa:615/615 Hadees:1715)

!! Allah Ta’ala Hume Iss Badtareen Kabeerah Gunaah Se Bachne Ki Tou’feeq Ataa Farmaye! Ameen!!

Views: 6545

Leave a Reply

Be the First to Comment!

Notify of
avatar

wpDiscuz